Brhaspati-Smrti, Vyavahara 1.24

पारुष्यं द्विविधं प्रोक्तं साहसं च द्विलक्षणम् । पापमूलं संग्रहणं त्रिप्रकारं निबोधत

pāruṣyaṃ dvividhaṃ proktaṃ sāhasaṃ ca dvilakṣaṇam / pāpamūlaṃ saṃgrahaṇaṃ triprakāraṃ nibodhata

Sanskrit only: no published translation is held for this verse.

बलोपाधिकृते द्वे तु तृतीयम् अनुरागजम् । तत् पुनस् त्रिविधं प्रोक्तं प्रथमं मध्यमोत्तमम्

balopādhikṛte dve tu tṛtīyam anurāgajam / tat punas trividhaṃ proktaṃ prathamaṃ madhyamottamam

Sanskrit only: no published translation is held for this verse.

अनिच्छन्त्या यत् क्रियते सुप्तोन्मत्तप्रमत्तया । प्रलपन्त्या वा रहसि बलात् कारकृतं तु तत्

anicchantyā yat kriyate suptonmattapramattayā / pralapantyā vā rahasi balāt kārakṛtaṃ tu tat

Sanskrit only: no published translation is held for this verse.

छद्मना गृहम् आनीय दत्त्वा वा मद्यकार्मणम् । संयोगः क्रियते यस्यास् तदुपाधिकृतं विदुः

chadmanā gṛham ānīya dattvā vā madyakārmaṇam / saṃyogaḥ kriyate yasyās tadupādhikṛtaṃ viduḥ

Sanskrit only: no published translation is held for this verse.

अन्योन्यचक्षूरागेण दूतीसंप्रेषणेन च । कृतं रूपार्थलोभेन ज्ञेयं तदनुरागजम्

anyonyacakṣūrāgeṇa dūtīsaṃpreṣaṇena ca / kṛtaṃ rūpārthalobhena jñeyaṃ tadanurāgajam

Sanskrit only: no published translation is held for this verse.

तत् पुनस् त्रिविधं प्रोक्तं प्रथमं मध्यमोत्तमम् । अपाङ्गप्रेक्षणं हास्यं दूतीसंप्रेषणं तथा । स्पर्शो भूषणवस्त्राणां संग्रहः प्रथमः स्मृतः

tat punas trividhaṃ proktaṃ prathamaṃ madhyamottamam / apāṅgaprekṣaṇaṃ hāsyaṃ dūtīsaṃpreṣaṇaṃ tathā / sparśo bhūṣaṇavastrāṇāṃ saṃgrahaḥ prathamaḥ smṛtaḥ

Sanskrit only: no published translation is held for this verse.

प्रेषणं गन्धमाल्यानां धूपम् अध्वन्न् अवाससाम् । संभाषणं च रहसि मध्यमं संग्रहं विदुः

preṣaṇaṃ gandhamālyānāṃ dhūpam adhvann avāsasām / saṃbhāṣaṇaṃ ca rahasi madhyamaṃ saṃgrahaṃ viduḥ

Sanskrit only: no published translation is held for this verse.

एकशाय्यासनं क्रीडा चुम्बनालिङ्गनं तथा । एतत् संग्रहणं प्रोक्तम् उत्तमं शास्त्रवेदिभिः

ekaśāyyāsanaṃ krīḍā cumbanāliṅganaṃ tathā / etat saṃgrahaṇaṃ proktam uttamaṃ śāstravedibhiḥ

Sanskrit only: no published translation is held for this verse.

प्रेषणं गन्धमाल्यानां धूपभूषणवाससाम् । प्रलोभनं चान्नपानैर् मध्यमः संग्रहः स्मृतः

preṣaṇaṃ gandhamālyānāṃ dhūpabhūṣaṇavāsasām / pralobhanaṃ cānnapānair madhyamaḥ saṃgrahaḥ smṛtaḥ

Sanskrit only: no published translation is held for this verse.

प्रेषणं गन्धमाल्यानां फलमद्यान्नवाससाम् । संभाषणं च रहसि मध्यमं संग्रहं विदुः

preṣaṇaṃ gandhamālyānāṃ phalamadyānnavāsasām / saṃbhāṣaṇaṃ ca rahasi madhyamaṃ saṃgrahaṃ viduḥ

Sanskrit only: no published translation is held for this verse.

त्रयाणाम् अपि चैतेषां प्रथमो मध्य उत्तमः । विनयः कल्पनीयः स्याद् अधिको द्रविणाधिके

trayāṇām api caiteṣāṃ prathamo madhya uttamaḥ / vinayaḥ kalpanīyaḥ syād adhiko draviṇādhike

Sanskrit only: no published translation is held for this verse.

परपत्न्या तु पुरुषः संभाषां योजयन् रहः । पूर्वम् आक्षारितो दोषैः प्राप्नुयात् पूर्वसाहसम्

parapatnyā tu puruṣaḥ saṃbhāṣāṃ yojayan rahaḥ / pūrvam ākṣārito doṣaiḥ prāpnuyāt pūrvasāhasam

Sanskrit only: no published translation is held for this verse.

सहमायः कामयते धनं तस्याखिलं हरेत् । उत्कृत्य लिङ्गवृषणौ भ्रामयेद् गर्दभेन तु

sahamāyaḥ kāmayate dhanaṃ tasyākhilaṃ haret / utkṛtya liṅgavṛṣaṇau bhrāmayed gardabhena tu

Sanskrit only: no published translation is held for this verse.

छद्मना कामयेद् यस् तु तस्य सर्वहरो दमः । अङ्कयित्वा भगाङ्गेन पुरान् निर्वासयेत् ततः

chadmanā kāmayed yas tu tasya sarvaharo damaḥ / aṅkayitvā bhagāṅgena purān nirvāsayet tataḥ

Sanskrit only: no published translation is held for this verse.

दमो नेयः सभायां यो हीनायाम् अधिकस् ततः । पुंसः कार्यो ऽधिकायां तु गमने संप्रमापणम्

damo neyaḥ sabhāyāṃ yo hīnāyām adhikas tataḥ / puṃsaḥ kāryo 'dhikāyāṃ tu gamane saṃpramāpaṇam

Sanskrit only: no published translation is held for this verse.

गृहम् आगत्य या नारी प्रलोभ्य स्पर्शनादिना । कामयेत् तत्र सा दण्ड्या नरस्यार्धदमः स्मृतः

gṛham āgatya yā nārī pralobhya sparśanādinā / kāmayet tatra sā daṇḍyā narasyārdhadamaḥ smṛtaḥ

Sanskrit only: no published translation is held for this verse.

छिन्ननासौष्ठकर्णानां परिभ्राम्याप्सु मज्जयेत् । खादयेद् वा सारमेयैः संस्थाने बहुसंस्थिते

chinnanāsauṣṭhakarṇānāṃ paribhrāmyāpsu majjayet / khādayed vā sārameyaiḥ saṃsthāne bahusaṃsthite

Sanskrit only: no published translation is held for this verse.

अनिच्छन्ती तु या भुक्ता गुप्तां तां वासयेद् गृहे । मलिनाङ्गीम् अधः शय्यां पिण्डमात्रोपजीविनीम्

anicchantī tu yā bhuktā guptāṃ tāṃ vāsayed gṛhe / malināṅgīm adhaḥ śayyāṃ piṇḍamātropajīvinīm

Sanskrit only: no published translation is held for this verse.

कारयेन् निष्कृतिं कृच्छ्रं पराकं वा समे गताम् । हीनवर्णोपभुक्ता या त्याज्या वध्याथ वा भवेत्

kārayen niṣkṛtiṃ kṛcchraṃ parākaṃ vā same gatām / hīnavarṇopabhuktā yā tyājyā vadhyātha vā bhavet

Sanskrit only: no published translation is held for this verse.