Brhaspati-Smrti, Vyavahara 1.25

एतत् संग्रहणस्योक्तं विधानं संग्रहस् तथा । स्त्रीपुंसवर्तनोपायः श्रूयतां गदतो मम

etat saṃgrahaṇasyoktaṃ vidhānaṃ saṃgrahas tathā / strīpuṃsavartanopāyaḥ śrūyatāṃ gadato mama

Sanskrit only: no published translation is held for this verse.

सूक्ष्मेभ्यो ऽपि प्रसङ्गेभ्यो निवार्या स्त्री स्वबन्धुभिः । श्वश्र्वादिभिर् गुरुस्त्रीभिः पालनीया दिवानिशम्

sūkṣmebhyo 'pi prasaṅgebhyo nivāryā strī svabandhubhiḥ / śvaśrvādibhir gurustrībhiḥ pālanīyā divāniśam

Sanskrit only: no published translation is held for this verse.

स्वकामे वर्तमाना तु या स्नेहान् न निवारिता । अवश्या सा भवेत् पश्चाद् यथा व्याधिर् उपेक्षिता

svakāme vartamānā tu yā snehān na nivāritā / avaśyā sā bhavet paścād yathā vyādhir upekṣitā

Sanskrit only: no published translation is held for this verse.

अप्रयच्छन् पिता काले पतिश् चानुपयन्न् ऋतौ । पुत्रश् चाभक्तदो मातुः गार्ह्यो दण्ड्यश् च धर्मतः

aprayacchan pitā kāle patiś cānupayann ṛtau / putraś cābhaktado mātuḥ gārhyo daṇḍyaś ca dharmataḥ

Sanskrit only: no published translation is held for this verse.

यत्र स्त्रियो ऽभिपूज्यन्ते रमन्ते तत्र देवताः । संपदश् च प्रजाः शुद्धाः क्रिया च सफला भवेत्

yatra striyo 'bhipūjyante ramante tatra devatāḥ / saṃpadaś ca prajāḥ śuddhāḥ kriyā ca saphalā bhavet

Sanskrit only: no published translation is held for this verse.

आयव्यये ऽन्नसंस्कारे गृहोपस्काररक्षणे । शौचे ऽग्निकार्ये संयोज्याः स्त्रीणां शुद्धिर् इयं स्मृता

āyavyaye 'nnasaṃskāre gṛhopaskārarakṣaṇe / śauce 'gnikārye saṃyojyāḥ strīṇāṃ śuddhir iyaṃ smṛtā

Sanskrit only: no published translation is held for this verse.

भर्त्रा पत्नी समभ्यर्च्या वस्त्रालंकारभोजनैः । उत्सवे तु पितृभ्रातृ- श्वशुराद्यैश् च बन्धुभिः

bhartrā patnī samabhyarcyā vastrālaṃkārabhojanaiḥ / utsave tu pitṛbhrātṛ- śvaśurādyaiś ca bandhubhiḥ

Sanskrit only: no published translation is held for this verse.

पतिं या नातिचरति मनोवाक्कायसंयुता । सा भर्तृलोकान् आप्नोति सद्भिः साध्वीति चोच्यते

patiṃ yā nāticarati manovākkāyasaṃyutā / sā bhartṛlokān āpnoti sadbhiḥ sādhvīti cocyate

Sanskrit only: no published translation is held for this verse.

भर्त्रा पित्रा सुतैर् न स्त्री वियुक्तान्यगृहे वसेत् । असत्सङ्गे विशेषेण गर्ह्यताम् एति सा ध्रुवम्

bhartrā pitrā sutair na strī viyuktānyagṛhe vaset / asatsaṅge viśeṣeṇa garhyatām eti sā dhruvam

Sanskrit only: no published translation is held for this verse.

पूर्वोत्थानं गुरुष्व् अर्वाग् भोजनव्यञ्जनक्रिया । जघन्यासनशायित्वं कर्म स्त्रीणाम् उदाहृतम्

pūrvotthānaṃ guruṣv arvāg bhojanavyañjanakriyā / jaghanyāsanaśāyitvaṃ karma strīṇām udāhṛtam

Sanskrit only: no published translation is held for this verse.

पानाटनदिवास्वप्नम् अक्रिया दूषणं स्त्रियाः

pānāṭanadivāsvapnam akriyā dūṣaṇaṃ striyāḥ

Sanskrit only: no published translation is held for this verse.

आर्तार्ते मुदिते हृष्टा प्रोषिते मलिना कृशा । म्र्ते म्रियेत या पत्यौ सा स्त्री ज्ञेया पतिव्रता

ārtārte mudite hṛṣṭā proṣite malinā kṛśā / mrte mriyeta yā patyau sā strī jñeyā pativratā

Sanskrit only: no published translation is held for this verse.

प्रसाधनं नृत्तगीत- समाजोत्सवदर्शनम् । मांसमद्याभियोगं च न कुर्यात् प्रोषिते प्रभौ

prasādhanaṃ nṛttagīta- samājotsavadarśanam / māṃsamadyābhiyogaṃ ca na kuryāt proṣite prabhau

Sanskrit only: no published translation is held for this verse.

शरीरार्धं स्मृता जाया पुण्यापुण्यफले समा । अन्वारूढा जीवती[न्ती] च साध्वी भर्तुर् हित्तय सा

śarīrārdhaṃ smṛtā jāyā puṇyāpuṇyaphale samā / anvārūḍhā jīvatī[ntī] ca sādhvī bhartur hittaya sā

Sanskrit only: no published translation is held for this verse.

व्रतोपवासनिरता ब्रह्मचर्ये व्यवस्थिता । धर्मदानपरा नित्यम् अपुत्रापि दिवं व्रजेत्

vratopavāsaniratā brahmacarye vyavasthitā / dharmadānaparā nityam aputrāpi divaṃ vrajet

Sanskrit only: no published translation is held for this verse.

उक्त्वा नियोगो मनुना निषिद्धः स्वयम् एव तु । युगह्रासाद् अशक्यो ऽयं कर्तुं सर्वैर् विधानतः

uktvā niyogo manunā niṣiddhaḥ svayam eva tu / yugahrāsād aśakyo 'yaṃ kartuṃ sarvair vidhānataḥ

Sanskrit only: no published translation is held for this verse.

तपोज्ञानसमायुक्ताः कृते त्रेतायुगे नराः । द्वापरे च कलौ नृणां शक्तिहानिर् विनिर्मिता

tapojñānasamāyuktāḥ kṛte tretāyuge narāḥ / dvāpare ca kalau nṛṇāṃ śaktihānir vinirmitā

Sanskrit only: no published translation is held for this verse.