Library·Brahmavaivarta Purāṇa·1·1.1
।। अथ ब्रह्मवैवर्ते ब्रह्मखण्डम् ।। गणेशब्रह्मशसुरेशशेषाः सुराश्च सर्वे मनवो मुनीन्द्राः ।। सरस्वतीश्रीगिरिजादिकाश्च यं नमन्ति देव्यः प्रणमामि तं विभुम
|| atha brahmavaivarte brahmakhaṇḍam || gaṇeśabrahmaśasureśaśeṣāḥ surāśca sarve manavo munīndrāḥ || sarasvatīśrīgirijādikāśca yaṃ namanti devyaḥ praṇamāmi taṃ vibhuma
Sanskrit only: no published translation is held for this verse.
स्थूलास्तनूर्विदधतं त्रिगुणं विराजं विश्वानि लोमविवरेषु महान्तमाद्यम्।। सृष्ट्युन्मुखः स्वकलयाऽपि ससर्ज सूक्ष्मं नित्यं समेत्य हृदि यस्तमजं भजामि
sthūlāstanūrvidadhataṃ triguṇaṃ virājaṃ viśvāni lomavivareṣu mahāntamādyam|| sṛṣṭyunmukhaḥ svakalayā'pi sasarja sūkṣmaṃ nityaṃ sametya hṛdi yastamajaṃ bhajāmi
Sanskrit only: no published translation is held for this verse.
ध्यायन्ते ध्याननिष्ठाः सुरनरमनवो योगिनो योगरूढाः सन्तः स्वप्नेऽपि सन्तं कतिकतिजनिभिर्यं न पश्यन्ति तप्त्वा ।। ध्याये स्वेच्छामयं तं त्रिगुणपरमहो निर्विकारं निरीहं भक्त्या ध्यानैकहेतोर्निरुपमरुचिरश्यामरूपं दधानम्
dhyāyante dhyānaniṣṭhāḥ suranaramanavo yogino yogarūḍhāḥ santaḥ svapne'pi santaṃ katikatijanibhiryaṃ na paśyanti taptvā || dhyāye svecchāmayaṃ taṃ triguṇaparamaho nirvikāraṃ nirīhaṃ bhaktyā dhyānaikahetornirupamaruciraśyāmarūpaṃ dadhānam
Sanskrit only: no published translation is held for this verse.
वन्दे कृष्णं गुणातीतं परं ब्रह्माच्युतं यतः ।। आविर्बभूवुः प्रकृतिब्रह्मविष्णुशिवादयः
vande kṛṣṇaṃ guṇātītaṃ paraṃ brahmācyutaṃ yataḥ || āvirbabhūvuḥ prakṛtibrahmaviṣṇuśivādayaḥ
Sanskrit only: no published translation is held for this verse.
परं कृष्णकथोपेतं पुराणं श्रुति संमतम्।। मङ्गलं मङ्गलार्हं च मङ्गल्यं मङ्गलालयम्
paraṃ kṛṣṇakathopetaṃ purāṇaṃ śruti saṃmatam|| maṅgalaṃ maṅgalārhaṃ ca maṅgalyaṃ maṅgalālayam
Sanskrit only: no published translation is held for this verse.
सर्वमङ्गलबीजं च सर्वदा मङ्गलप्रदम् ।। सर्वामङ्गलनिघ्नं च सर्वसंपत्करं परम्
sarvamaṅgalabījaṃ ca sarvadā maṅgalapradam || sarvāmaṅgalanighnaṃ ca sarvasaṃpatkaraṃ param
Sanskrit only: no published translation is held for this verse.
हरिभक्तिप्रदं शश्वत्सुखदं मोक्षदं भवात् ।। तत्त्वज्ञानप्रदं दारपुत्रपौत्रविवर्द्धनम्
haribhaktipradaṃ śaśvatsukhadaṃ mokṣadaṃ bhavāt || tattvajñānapradaṃ dāraputrapautravivarddhanam
Sanskrit only: no published translation is held for this verse.
पप्रच्छ सुविनीतं च सुप्रीतो मुनिसंसदि ।। यथाऽऽकाशे तारकाणां द्विजराजो विराजते
papraccha suvinītaṃ ca suprīto munisaṃsadi || yathā''kāśe tārakāṇāṃ dvijarājo virājate
Sanskrit only: no published translation is held for this verse.
।। शौनक उवाच प्रस्थानं भवतः कुत्र कुत आयासि ते शिवम् ।। किमस्माकं पुण्यदिनमद्य त्वद्दर्शनेन च
|| śaunaka uvāca prasthānaṃ bhavataḥ kutra kuta āyāsi te śivam || kimasmākaṃ puṇyadinamadya tvaddarśanena ca
Sanskrit only: no published translation is held for this verse.
वयमेव कलौ भीता विशिष्टज्ञानवर्जिताः ।। मुमुक्षवो भवे मग्नास्तद्धेतुस्त्वमिहागतः
vayameva kalau bhītā viśiṣṭajñānavarjitāḥ || mumukṣavo bhave magnāstaddhetustvamihāgataḥ
Sanskrit only: no published translation is held for this verse.
भवान्साधुर्महाभागः पुराणेषु पुराणवित् ।। सर्वेषु च पुराणेषु निष्णातोऽतिकृपानिधिः
bhavānsādhurmahābhāgaḥ purāṇeṣu purāṇavit || sarveṣu ca purāṇeṣu niṣṇāto'tikṛpānidhiḥ
Sanskrit only: no published translation is held for this verse.
श्रीकृष्णे निश्चला भक्तिर्यतो भवति शाश्वती ।। तत्कथ्यतां महाभाग पुराणं ज्ञानवर्द्धनम्
śrīkṛṣṇe niścalā bhaktiryato bhavati śāśvatī || tatkathyatāṃ mahābhāga purāṇaṃ jñānavarddhanam
Sanskrit only: no published translation is held for this verse.
गरीयसी या साक्षाच्च कर्ममूलनिकृन्तनी ।। संसारसन्निबद्धानां निगडच्छेदकर्तरी
garīyasī yā sākṣācca karmamūlanikṛntanī || saṃsārasannibaddhānāṃ nigaḍacchedakartarī
Sanskrit only: no published translation is held for this verse.
भवदावाग्निदग्धानां पीयूष वृष्टिवर्षिणी ।। सुखदाऽऽनन्ददा सौते शश्वच्चेतसि जीविनाम्
bhavadāvāgnidagdhānāṃ pīyūṣa vṛṣṭivarṣiṇī || sukhadā''nandadā saute śaśvaccetasi jīvinām
Sanskrit only: no published translation is held for this verse.
यत्रादौ सर्वबीजं च परं ब्रह्मनिरूपणम् ।। तस्य सृष्ट्युन्मुखस्यापि सृष्टेरुत्कीर्त्तनं परम्
yatrādau sarvabījaṃ ca paraṃ brahmanirūpaṇam || tasya sṛṣṭyunmukhasyāpi sṛṣṭerutkīrttanaṃ param
Sanskrit only: no published translation is held for this verse.
साकारं वा निराकारं परमात्मस्वरूपकम् ।। किमाकारञ्च तद्ब्रह्म तद्ध्यानं किञ्च भावनम्
sākāraṃ vā nirākāraṃ paramātmasvarūpakam || kimākārañca tadbrahma taddhyānaṃ kiñca bhāvanam
Sanskrit only: no published translation is held for this verse.
ध्यायन्ते वैष्णवाः किंवा शान्ताश्च योगिनस्तथा ।। मतं प्रधानं केषां वा गूढं वेदे निरूपितम्
dhyāyante vaiṣṇavāḥ kiṃvā śāntāśca yoginastathā || mataṃ pradhānaṃ keṣāṃ vā gūḍhaṃ vede nirūpitam
Sanskrit only: no published translation is held for this verse.
प्रकृतेश्च य आकारो यत्र वत्सनिरूपितः ।। गुणानां लक्षणं यत्र महदादेश्च निश्चयः
prakṛteśca ya ākāro yatra vatsanirūpitaḥ || guṇānāṃ lakṣaṇaṃ yatra mahadādeśca niścayaḥ
Sanskrit only: no published translation is held for this verse.
गोलोकवर्णनं यत्र यत्र वैकुण्ठवर्णनम् ।। वर्णनं शिवलोकस्य यत्रान्यत् स्वर्गवर्णनम्
golokavarṇanaṃ yatra yatra vaikuṇṭhavarṇanam || varṇanaṃ śivalokasya yatrānyat svargavarṇanam
Sanskrit only: no published translation is held for this verse.
अंशानां च कलानां च यत्र सौते निरूपणम् ।। के प्राकृताः का प्रकृतिः क आत्मा प्रकृतेः परः
aṃśānāṃ ca kalānāṃ ca yatra saute nirūpaṇam || ke prākṛtāḥ kā prakṛtiḥ ka ātmā prakṛteḥ paraḥ
Sanskrit only: no published translation is held for this verse.
निगूढं जन्म येषां वा देवानां देवयोषिताम् ।। समुत्पत्तिः समुद्राणां शैलानां सरितामपि
nigūḍhaṃ janma yeṣāṃ vā devānāṃ devayoṣitām || samutpattiḥ samudrāṇāṃ śailānāṃ saritāmapi
Sanskrit only: no published translation is held for this verse.
के वांऽशाः प्रकृतेश्चापि कलाः का वा कलाकलाः ।। तासाञ्च चरितं ध्यानं पूजास्तोत्रादिकं शुभम्
ke vāṃ'śāḥ prakṛteścāpi kalāḥ kā vā kalākalāḥ || tāsāñca caritaṃ dhyānaṃ pūjāstotrādikaṃ śubham
Sanskrit only: no published translation is held for this verse.
दुर्गा सरस्वती लक्ष्मी सावित्रीणाञ्च वर्णनम् ।। यत्रैव राधिकाख्यानमत्यपूर्वं सुधोपमम्
durgā sarasvatī lakṣmī sāvitrīṇāñca varṇanam || yatraiva rādhikākhyānamatyapūrvaṃ sudhopamam
Sanskrit only: no published translation is held for this verse.
जीवकर्मविपाकश्च नरकाणाञ्च वर्णनम् ।। कर्मणां खण्डनं यत्र यत्र तेभ्यो विमोक्षणम्
jīvakarmavipākaśca narakāṇāñca varṇanam || karmaṇāṃ khaṇḍanaṃ yatra yatra tebhyo vimokṣaṇam
Sanskrit only: no published translation is held for this verse.
येषाञ्च जीविनां यद्यत्स्थानं यत्र शुभाशुभम्।। जीविनां कर्मणो यस्माद्यासु यासु च योनिषु
yeṣāñca jīvināṃ yadyatsthānaṃ yatra śubhāśubham|| jīvināṃ karmaṇo yasmādyāsu yāsu ca yoniṣu
Sanskrit only: no published translation is held for this verse.
जीविनां कर्मणो यस्माद्योयो रोगो भवेदिह ।। मोक्षणं कर्मणो यस्मात्तेषाञ्च तन्निरूपय
jīvināṃ karmaṇo yasmādyoyo rogo bhavediha || mokṣaṇaṃ karmaṇo yasmātteṣāñca tannirūpaya
Sanskrit only: no published translation is held for this verse.
मनसा तुलसी काली गङ्गा पृध्वी वसुन्धरा ।। आसां यत्र शुभाख्यानमन्यासामपि यत्र वै
manasā tulasī kālī gaṅgā pṛdhvī vasundharā || āsāṃ yatra śubhākhyānamanyāsāmapi yatra vai
Sanskrit only: no published translation is held for this verse.
शालिग्रामशिलानाञ्च दानानाञ्च निरूपणम् ।। अपूर्वं यत्र वा सौते धर्माधर्मनिरूपणम्
śāligrāmaśilānāñca dānānāñca nirūpaṇam || apūrvaṃ yatra vā saute dharmādharmanirūpaṇam
Sanskrit only: no published translation is held for this verse.
गणेश्वरस्य चरितं यत्र तज्जन्म कर्म च ।। कवचस्तोत्रमन्त्राणां गूढानां यत्र वर्णनम्
gaṇeśvarasya caritaṃ yatra tajjanma karma ca || kavacastotramantrāṇāṃ gūḍhānāṃ yatra varṇanam
Sanskrit only: no published translation is held for this verse.
यदपूर्वमुपाख्यानमश्रुतं परमाद्भुतम् ।। कृत्वा मनसि तत्सर्वं साम्प्रतं वक्तुमर्हसि
yadapūrvamupākhyānamaśrutaṃ paramādbhutam || kṛtvā manasi tatsarvaṃ sāmprataṃ vaktumarhasi
Sanskrit only: no published translation is held for this verse.
यत्र जन्म भ्रमो विश्वे पुण्यक्षेत्रे च भारते ।। परिपूर्णतमस्यापि कृष्णस्य परमात्मनः
yatra janma bhramo viśve puṇyakṣetre ca bhārate || paripūrṇatamasyāpi kṛṣṇasya paramātmanaḥ
Sanskrit only: no published translation is held for this verse.
जन्म कस्य गृहे लब्धं पुण्ये पुण्यवतो मुने ।। सुतं प्रसूता का धन्या मान्या पुण्यवती सती
janma kasya gṛhe labdhaṃ puṇye puṇyavato mune || sutaṃ prasūtā kā dhanyā mānyā puṇyavatī satī
Sanskrit only: no published translation is held for this verse.
आविर्भूय च तद्गेहात्क्वागतः केन हेतुना ।। गत्वा किं कृतवांस्तत्र कथं वा पुनरागतः
āvirbhūya ca tadgehātkvāgataḥ kena hetunā || gatvā kiṃ kṛtavāṃstatra kathaṃ vā punarāgataḥ
Sanskrit only: no published translation is held for this verse.
भारावतरणं केन प्रार्थितो गोश्चकार सः ।। विधाय किंवा सेतुं च गोलोकं गतवान्पुनः
bhārāvataraṇaṃ kena prārthito goścakāra saḥ || vidhāya kiṃvā setuṃ ca golokaṃ gatavānpunaḥ
Sanskrit only: no published translation is held for this verse.
इतीदमन्यदाख्यानं पुराणं श्रुतिदुर्लभम् ।। दुर्विज्ञेयं मुनीनां च मनोनिर्मलकारणम्
itīdamanyadākhyānaṃ purāṇaṃ śrutidurlabham || durvijñeyaṃ munīnāṃ ca manonirmalakāraṇam
Sanskrit only: no published translation is held for this verse.
स्वज्ञानाद्यन्मया पृष्टमपृष्टं वा शुभाशुभम् ।। सद्यो वैराग्यजननं तन्मे व्याख्यातुमर्हसि
svajñānādyanmayā pṛṣṭamapṛṣṭaṃ vā śubhāśubham || sadyo vairāgyajananaṃ tanme vyākhyātumarhasi
Sanskrit only: no published translation is held for this verse.
शिष्यपृष्टमपृष्टं वा व्याख्यानं कुरुते च यः ।। स सद्गुरुः सतां श्रेष्ठो योग्यायोग्ये च यः समः
śiṣyapṛṣṭamapṛṣṭaṃ vā vyākhyānaṃ kurute ca yaḥ || sa sadguruḥ satāṃ śreṣṭho yogyāyogye ca yaḥ samaḥ
Sanskrit only: no published translation is held for this verse.
सौतिरुवाच ।। सर्वं कुशलमस्माकं त्वत्पादपद्मदर्शनात् ।। सिद्धक्षेत्रादागतोऽहं यामि नारायणाश्रमम्
sautiruvāca || sarvaṃ kuśalamasmākaṃ tvatpādapadmadarśanāt || siddhakṣetrādāgato'haṃ yāmi nārāyaṇāśramam
Sanskrit only: no published translation is held for this verse.
दृष्ट्वा विप्रसमूहं च नमस्कर्तुमिहागतः ।। द्रष्टुं च नैमिषारण्यं पुण्यदं चापि भारते
dṛṣṭvā viprasamūhaṃ ca namaskartumihāgataḥ || draṣṭuṃ ca naimiṣāraṇyaṃ puṇyadaṃ cāpi bhārate
Sanskrit only: no published translation is held for this verse.
देवं विप्रं गुरुं दृष्ट्वा न नमेद्यस्तु संभ्रमात् ।। स कालसूत्रं व्रजति यावच्चन्द्रदिवाकरौ
devaṃ vipraṃ guruṃ dṛṣṭvā na namedyastu saṃbhramāt || sa kālasūtraṃ vrajati yāvaccandradivākarau
Sanskrit only: no published translation is held for this verse.
हरिर्ब्राह्मणरूपेक्षण शश्वद् भ्रमति भूतले ।। सुकृती प्रणमेत्पुण्याद्ब्राह्मणं हरिरूपिणम्
harirbrāhmaṇarūpekṣaṇa śaśvad bhramati bhūtale || sukṛtī praṇametpuṇyādbrāhmaṇaṃ harirūpiṇam
Sanskrit only: no published translation is held for this verse.
भगवन्यत्त्वया पृष्टं ज्ञातं सर्वमभीप्सितम् ।। सारभूतं पुराणेषु ब्रह्मवैवर्त्तमुत्तमम् ।।
bhagavanyattvayā pṛṣṭaṃ jñātaṃ sarvamabhīpsitam || sārabhūtaṃ purāṇeṣu brahmavaivarttamuttamam ||
Sanskrit only: no published translation is held for this verse.
पुराणोपपुराणानां वेदानां भ्रमभञ्जनम् ।। हरिभक्तिप्रदं सर्वतत्त्वज्ञानविवर्द्धनम्
purāṇopapurāṇānāṃ vedānāṃ bhramabhañjanam || haribhaktipradaṃ sarvatattvajñānavivarddhanam
Sanskrit only: no published translation is held for this verse.
कामिनां कामदं चेदं मुमुक्षूणां च मोक्षदम् ।। भक्तिप्रदं वैष्णवानां कल्पवृक्षस्वरूपकम्
kāmināṃ kāmadaṃ cedaṃ mumukṣūṇāṃ ca mokṣadam || bhaktipradaṃ vaiṣṇavānāṃ kalpavṛkṣasvarūpakam
Sanskrit only: no published translation is held for this verse.
ब्रह्मखण्डं सर्वबीजं परब्रह्मनिरूपणम् ।। ध्यायन्ते योगिनः सन्तो वैष्णवा यत्परात्परम्
brahmakhaṇḍaṃ sarvabījaṃ parabrahmanirūpaṇam || dhyāyante yoginaḥ santo vaiṣṇavā yatparātparam
Sanskrit only: no published translation is held for this verse.
वैष्णवा योगिनः सन्तो न च भिन्नाश्च शौनक ।। स्वाज्ञानपरिपाकेन भवन्ति जीविनः क्रमात् ।।
vaiṣṇavā yoginaḥ santo na ca bhinnāśca śaunaka || svājñānaparipākena bhavanti jīvinaḥ kramāt ||
Sanskrit only: no published translation is held for this verse.
सन्तो भवन्ति सत्सङ्गाद्योगिसंगेन योगिनः ।। वैष्णवा भक्तसंगेन क्रमात्सद्योगिनः पराः
santo bhavanti satsaṅgādyogisaṃgena yoginaḥ || vaiṣṇavā bhaktasaṃgena kramātsadyoginaḥ parāḥ
Sanskrit only: no published translation is held for this verse.
यत्रोद्भवश्च देवानां देवीनां सर्वजीविनाम् ।। ततः प्रकृतिखण्डे च देवीनां चरितं शुभम्
yatrodbhavaśca devānāṃ devīnāṃ sarvajīvinām || tataḥ prakṛtikhaṇḍe ca devīnāṃ caritaṃ śubham
Sanskrit only: no published translation is held for this verse.
जीवकर्मविपाकश्च शालिग्रामनिरूपणम् ।। तासां च कवच स्तोत्रमन्त्रपूजानिरूपणम्
jīvakarmavipākaśca śāligrāmanirūpaṇam || tāsāṃ ca kavaca stotramantrapūjānirūpaṇam
Sanskrit only: no published translation is held for this verse.
प्रकृतेर्लक्षणं तत्र कलांशानां निरूपणम् ।। कीर्त्तेरुत्कीर्तनं तासां प्रभावश्च निरूपितः
prakṛterlakṣaṇaṃ tatra kalāṃśānāṃ nirūpaṇam || kīrtterutkīrtanaṃ tāsāṃ prabhāvaśca nirūpitaḥ
Sanskrit only: no published translation is held for this verse.
सुकृतीनां दुष्कृतीनां यद्यत्स्थानं शुभाशुभम् ।। वर्णनं नरकाणां च रोगाणां मोक्षणं ततः
sukṛtīnāṃ duṣkṛtīnāṃ yadyatsthānaṃ śubhāśubham || varṇanaṃ narakāṇāṃ ca rogāṇāṃ mokṣaṇaṃ tataḥ
Sanskrit only: no published translation is held for this verse.
ततो गणेशखण्डे च तज्जन्म परिकीर्तितम् ।। अतीवापूर्वचरितं श्रुतिवेदसुदुर्लभम्
tato gaṇeśakhaṇḍe ca tajjanma parikīrtitam || atīvāpūrvacaritaṃ śrutivedasudurlabham
Sanskrit only: no published translation is held for this verse.
गणेशभृगुसंवादे सर्वतत्त्वनिरूपणम् ।। निगूढकवचस्तोत्रमन्त्रतन्त्र निरूपणम्
gaṇeśabhṛgusaṃvāde sarvatattvanirūpaṇam || nigūḍhakavacastotramantratantra nirūpaṇam
Sanskrit only: no published translation is held for this verse.
श्रीकृष्णजन्मखण्डं च कीर्तितं च ततः परम् ।। भारते पुण्यक्षेत्रे च श्रीकृष्णजन्म कर्म च
śrīkṛṣṇajanmakhaṇḍaṃ ca kīrtitaṃ ca tataḥ param || bhārate puṇyakṣetre ca śrīkṛṣṇajanma karma ca
Sanskrit only: no published translation is held for this verse.
भुवो भारावतरणं क्रीडाकौतुकमङ्गलम् ।। सतां सेतुविधानं च जन्मखण्डे निरूपितम्
bhuvo bhārāvataraṇaṃ krīḍākautukamaṅgalam || satāṃ setuvidhānaṃ ca janmakhaṇḍe nirūpitam
Sanskrit only: no published translation is held for this verse.
इदं ते कथितं विप्र पुराणप्रवरं परम् ।। चतुःखण्डैः परिमितं सर्वधर्मनिरूपणम्
idaṃ te kathitaṃ vipra purāṇapravaraṃ param || catuḥkhaṇḍaiḥ parimitaṃ sarvadharmanirūpaṇam
Sanskrit only: no published translation is held for this verse.
सर्वेषामीप्सितं श्रीदं सर्वाशापूर्णकारणम् ।। ब्रह्मवैवर्तकं नाम सर्वाभीष्टफलप्रदम्
sarveṣāmīpsitaṃ śrīdaṃ sarvāśāpūrṇakāraṇam || brahmavaivartakaṃ nāma sarvābhīṣṭaphalapradam
Sanskrit only: no published translation is held for this verse.
सारभूतं पुराणेषु केवलं वेदसंमितम् ।। विवृतं ब्रह्मकार्त्स्न्यं च कृष्णेन यत्र शौनक
sārabhūtaṃ purāṇeṣu kevalaṃ vedasaṃmitam || vivṛtaṃ brahmakārtsnyaṃ ca kṛṣṇena yatra śaunaka
Sanskrit only: no published translation is held for this verse.
ब्रह्मवैवर्तकं तेन प्रवदन्ति पुराविदः ।। इदं पुराणसूत्रं च पुरा दत्तं च ब्रह्मणे
brahmavaivartakaṃ tena pravadanti purāvidaḥ || idaṃ purāṇasūtraṃ ca purā dattaṃ ca brahmaṇe
Sanskrit only: no published translation is held for this verse.
निरामये च गोलोके कृष्णेन परमात्मना ।। महातीर्थे पुष्करे च दत्तं धर्माय ब्रह्मणा
nirāmaye ca goloke kṛṣṇena paramātmanā || mahātīrthe puṣkare ca dattaṃ dharmāya brahmaṇā
Sanskrit only: no published translation is held for this verse.
धर्मेण दत्तं पुत्राय प्रीत्या नारायणाय च
dharmeṇa dattaṃ putrāya prītyā nārāyaṇāya ca
Sanskrit only: no published translation is held for this verse.
नारदो व्यासदेवाय प्रददौ जाह्नवीतटे ।। व्यासः पुराणसूत्रं तत्संव्यस्य विपुलं महत्
nārado vyāsadevāya pradadau jāhnavītaṭe || vyāsaḥ purāṇasūtraṃ tatsaṃvyasya vipulaṃ mahat
Sanskrit only: no published translation is held for this verse.
मह्यं ददौ सिद्धक्षेत्रे पुण्यदेशे मनोहरम् ।। मयेदं कथितं ब्रह्मंस्तत्समग्रं निशामय
mahyaṃ dadau siddhakṣetre puṇyadeśe manoharam || mayedaṃ kathitaṃ brahmaṃstatsamagraṃ niśāmaya
Sanskrit only: no published translation is held for this verse.
अष्टादशसहस्रं तु व्यासेनेदं पुराणकम् ।। पुराणकार्त्स्न्यश्रवणे यत्फलं लभते नरः ।। तत्फलं लभते नूनमध्यायश्रवणेन च
aṣṭādaśasahasraṃ tu vyāsenedaṃ purāṇakam || purāṇakārtsnyaśravaṇe yatphalaṃ labhate naraḥ || tatphalaṃ labhate nūnamadhyāyaśravaṇena ca
Sanskrit only: no published translation is held for this verse.