Library·Brahmavaivarta Purāṇa·1·1.13
सौतिरुवाच ।। पुत्रोत्सवे च रत्नानि धनानि विविधानि च ।। गन्धर्वराजः प्रददौ ब्राह्मणेभ्यो मुदाऽन्वितः
sautiruvāca || putrotsave ca ratnāni dhanāni vividhāni ca || gandharvarājaḥ pradadau brāhmaṇebhyo mudā'nvitaḥ
Sanskrit only: no published translation is held for this verse.
उपबर्हणस्तु कालेन हरेर्मन्त्रं सुदुर्लभम् ।। वसिष्ठेन तु सम्प्राप्य स चक्रे दुष्करं तपः
upabarhaṇastu kālena harermantraṃ sudurlabham || vasiṣṭhena tu samprāpya sa cakre duṣkaraṃ tapaḥ
Sanskrit only: no published translation is held for this verse.
एकदा गण्डकीतीरे तं च सम्प्राप्तयौवनम् ।। गन्धर्वपत्न्यो ददृशुर्मूर्च्छामापुश्च तत्क्षणम्
ekadā gaṇḍakītīre taṃ ca samprāptayauvanam || gandharvapatnyo dadṛśurmūrcchāmāpuśca tatkṣaṇam
Sanskrit only: no published translation is held for this verse.
ताश्च तीव्रं तपः कृत्वा प्राणान्संत्यज्य योगतः ।। पञ्चाशत्ता बभूवुश्च कन्याश्चित्ररथस्य च
tāśca tīvraṃ tapaḥ kṛtvā prāṇānsaṃtyajya yogataḥ || pañcāśattā babhūvuśca kanyāścitrarathasya ca
Sanskrit only: no published translation is held for this verse.
उपबर्हणगन्धर्वं ताश्च तं वव्रिरे पतिम् ।। मुदा माला ददुस्तस्मै कामुक्यः पितुराज्ञया
upabarhaṇagandharvaṃ tāśca taṃ vavrire patim || mudā mālā dadustasmai kāmukyaḥ piturājñayā
Sanskrit only: no published translation is held for this verse.
गृहीत्वा ताश्च गन्धर्वो युवा सुस्थिरयौवनः।। दिव्यं त्रिलक्षवर्षं च रेमे रहसि कामुकः
gṛhītvā tāśca gandharvo yuvā susthirayauvanaḥ|| divyaṃ trilakṣavarṣaṃ ca reme rahasi kāmukaḥ
Sanskrit only: no published translation is held for this verse.
ततोऽपि सुचिरं राज्यं कृत्वा ताभिः सहानिशम् ।। जगाम ब्रह्मणः स्थानं हरिगाथां जगौ मुने
tato'pi suciraṃ rājyaṃ kṛtvā tābhiḥ sahāniśam || jagāma brahmaṇaḥ sthānaṃ harigāthāṃ jagau mune
Sanskrit only: no published translation is held for this verse.
दृष्ट्वा स रम्भारम्भोरुनर्तने कठिनं स्तनम् ।। बभूव स्खलनं तस्य गन्धर्वस्य महात्मनः
dṛṣṭvā sa rambhārambhorunartane kaṭhinaṃ stanam || babhūva skhalanaṃ tasya gandharvasya mahātmanaḥ
Sanskrit only: no published translation is held for this verse.
द्रुतं तत्याज सङ्गीतं मूर्च्छां प्राप सभातले ।। उच्चैः प्रजहसुर्देवा ब्रह्मा कोपाच्छशाप तम्
drutaṃ tatyāja saṅgītaṃ mūrcchāṃ prāpa sabhātale || uccaiḥ prajahasurdevā brahmā kopācchaśāpa tam
Sanskrit only: no published translation is held for this verse.
व्रज त्वं शूद्रयोनिं च गान्धर्वीं तनुमुत्सृज ।। काले वैष्णवसंसर्गान्मत्पुत्रस्त्वं भविष्यसि ।।
vraja tvaṃ śūdrayoniṃ ca gāndharvīṃ tanumutsṛja || kāle vaiṣṇavasaṃsargānmatputrastvaṃ bhaviṣyasi ||
Sanskrit only: no published translation is held for this verse.
विना विपत्तेर्महिमा पुंसां नैव भवेत्सुत ।। सुखं दुःखं च सर्वेषां क्रमेण प्रभवेदिति
vinā vipattermahimā puṃsāṃ naiva bhavetsuta || sukhaṃ duḥkhaṃ ca sarveṣāṃ krameṇa prabhavediti
Sanskrit only: no published translation is held for this verse.
इत्येवमुक्त्वा स विधिरगच्छत्पुष्कराद् गृहम् ।। उपबर्हणगन्धर्वस्स जहौ तां तनुं तदा
ityevamuktvā sa vidhiragacchatpuṣkarād gṛham || upabarhaṇagandharvassa jahau tāṃ tanuṃ tadā
Sanskrit only: no published translation is held for this verse.
मूलाधारं स्वाधिष्ठानं मणिपूरमनाहतम् ।। विशुद्धमाज्ञाख्यं चेति भित्त्वा षट्चक्रमेव च
mūlādhāraṃ svādhiṣṭhānaṃ maṇipūramanāhatam || viśuddhamājñākhyaṃ ceti bhittvā ṣaṭcakrameva ca
Sanskrit only: no published translation is held for this verse.
इडां सुषुम्नां मेधां च पिङ्गलां प्राणहारिणीम् ।। सर्वज्ञानप्रदां चैव मनस्संयमिनीं तथा
iḍāṃ suṣumnāṃ medhāṃ ca piṅgalāṃ prāṇahāriṇīm || sarvajñānapradāṃ caiva manassaṃyaminīṃ tathā
Sanskrit only: no published translation is held for this verse.
विशुद्धां च निरुद्धां च वायुसंचारिणीं तथा ।। तेजश्शुष्ककरीं चैव बलपुष्टिकरीं तथा
viśuddhāṃ ca niruddhāṃ ca vāyusaṃcāriṇīṃ tathā || tejaśśuṣkakarīṃ caiva balapuṣṭikarīṃ tathā
Sanskrit only: no published translation is held for this verse.
बुद्धिसंचारिणीं चैव ज्ञानजृम्भनकारिणीम् ।। सर्वप्राणहरां चैव पुनर्जीवनकारिणीम्
buddhisaṃcāriṇīṃ caiva jñānajṛmbhanakāriṇīm || sarvaprāṇaharāṃ caiva punarjīvanakāriṇīm
Sanskrit only: no published translation is held for this verse.
एताः षोडशधा नाडीर्भित्त्वा वै हंसमेव च ।। मनसा सहितं ब्रह्मरन्ध्रमानीय योगतः
etāḥ ṣoḍaśadhā nāḍīrbhittvā vai haṃsameva ca || manasā sahitaṃ brahmarandhramānīya yogataḥ
Sanskrit only: no published translation is held for this verse.
स्थित्वा मुहूर्तमात्मानमात्मन्येव युयोज ह ।। जातिस्मरश्च योगीन्द्रः संप्राप ब्रह्म शौनक
sthitvā muhūrtamātmānamātmanyeva yuyoja ha || jātismaraśca yogīndraḥ saṃprāpa brahma śaunaka
Sanskrit only: no published translation is held for this verse.
वीणां त्रितन्त्रीं दुष्प्राप्यां वामस्कन्धे निधाय च ।। शुद्धस्फटिकमालां च विधृत्वा दक्षिणे करे
vīṇāṃ tritantrīṃ duṣprāpyāṃ vāmaskandhe nidhāya ca || śuddhasphaṭikamālāṃ ca vidhṛtvā dakṣiṇe kare
Sanskrit only: no published translation is held for this verse.
संजल्पन्परमं ब्रह्म वेदसारं परात्परम् ।। परं निस्तारबीजं च कृष्ण इत्यक्षरद्वयम्
saṃjalpanparamaṃ brahma vedasāraṃ parātparam || paraṃ nistārabījaṃ ca kṛṣṇa ityakṣaradvayam
Sanskrit only: no published translation is held for this verse.
प्राच्यां कृत्वा शिरःस्थानं पश्चिमे चरणद्वयम् ।। निधाय दर्भशयने शयानः पुरुषो यथा
prācyāṃ kṛtvā śiraḥsthānaṃ paścime caraṇadvayam || nidhāya darbhaśayane śayānaḥ puruṣo yathā
Sanskrit only: no published translation is held for this verse.
गन्धर्वराजस्तं दृष्ट्वा भार्य्यया सह तत्क्षणम् ।। योगेन ब्रह्म सम्प्राप श्रीकृष्णं मनसा स्मरन्
gandharvarājastaṃ dṛṣṭvā bhāryyayā saha tatkṣaṇam || yogena brahma samprāpa śrīkṛṣṇaṃ manasā smaran
Sanskrit only: no published translation is held for this verse.
पत्न्यश्च बान्धवाः सर्वे विलप्य रुरुदुर्भुशम् ।। जग्मुः क्रमेण शोकार्त्ता मोहिता विष्णुमायया
patnyaśca bāndhavāḥ sarve vilapya rurudurbhuśam || jagmuḥ krameṇa śokārttā mohitā viṣṇumāyayā
Sanskrit only: no published translation is held for this verse.
पञ्चाशद्योषितां मध्ये प्रधाना महिषी च या ।। साध्वी मालावती नाम्ना परमा प्रेयसी वरा ।।
pañcāśadyoṣitāṃ madhye pradhānā mahiṣī ca yā || sādhvī mālāvatī nāmnā paramā preyasī varā ||
Sanskrit only: no published translation is held for this verse.
उच्चै रुरोद सा तीव्रं कान्तं कृत्वा च वक्षसि ।। इत्युवाच च शोकार्त्ता कान्तं संबोध्य चैव हि
uccai ruroda sā tīvraṃ kāntaṃ kṛtvā ca vakṣasi || ityuvāca ca śokārttā kāntaṃ saṃbodhya caiva hi
Sanskrit only: no published translation is held for this verse.
मालावत्युवाच ।। हे नाथ रमण श्रेष्ठ विदग्ध रसिकेश्वर ।। दर्शनं देहि मां बन्धो निमग्नां शोकसागरे
mālāvatyuvāca || he nātha ramaṇa śreṣṭha vidagdha rasikeśvara || darśanaṃ dehi māṃ bandho nimagnāṃ śokasāgare
Sanskrit only: no published translation is held for this verse.
विस्रम्भके सुवसने रम्ये चन्दनकानने ।। पुष्पभद्रानदीतीरे पुष्पोद्याने मनोहरे
visrambhake suvasane ramye candanakānane || puṣpabhadrānadītīre puṣpodyāne manohare
Sanskrit only: no published translation is held for this verse.
चन्दनाचलसान्निध्ये चारुचन्दनकानने ।। पुष्पचन्दनतल्पे च चन्दनानिलवासिते
candanācalasānnidhye cārucandanakānane || puṣpacandanatalpe ca candanānilavāsite
Sanskrit only: no published translation is held for this verse.
गन्धमादनशैलैकदेशे रम्ये नदीतटे ।। पुंस्कोकिलनिनादे च मालतीजालशालिनि
gandhamādanaśailaikadeśe ramye nadītaṭe || puṃskokilanināde ca mālatījālaśālini
Sanskrit only: no published translation is held for this verse.
श्रीशैले श्रीवने दिव्ये श्रीनिवासनिषेविते ।। श्रीयुक्ते श्रीपदाम्भोजे पूतेऽच्युतकृते शुभे
śrīśaile śrīvane divye śrīnivāsaniṣevite || śrīyukte śrīpadāmbhoje pūte'cyutakṛte śubhe
Sanskrit only: no published translation is held for this verse.
पुरा या या कृता क्रीडा वसन्ते रहसि त्वया ।। मया च दुर्हृदा सार्द्धं तया वै दूयते मनः
purā yā yā kṛtā krīḍā vasante rahasi tvayā || mayā ca durhṛdā sārddhaṃ tayā vai dūyate manaḥ
Sanskrit only: no published translation is held for this verse.
सुधातुल्येन वचसा सिक्ताऽहं च पुरा त्वया ।। दूयते सततं तेन परमात्माऽतिदारुणम्
sudhātulyena vacasā siktā'haṃ ca purā tvayā || dūyate satataṃ tena paramātmā'tidāruṇam
Sanskrit only: no published translation is held for this verse.
साधुना सह संसर्गो वैकुण्ठादपि दुर्लभः ।। अहो ततोऽतिविच्छेदो मरणादपि दुष्करः
sādhunā saha saṃsargo vaikuṇṭhādapi durlabhaḥ || aho tato'tivicchedo maraṇādapi duṣkaraḥ
Sanskrit only: no published translation is held for this verse.
तस्मात्तेषां च विच्छेदः साधुशोककरः परः ।। ततोऽपि बन्धुविच्छेदः शोकः परमदारुणः
tasmātteṣāṃ ca vicchedaḥ sādhuśokakaraḥ paraḥ || tato'pi bandhuvicchedaḥ śokaḥ paramadāruṇaḥ
Sanskrit only: no published translation is held for this verse.
ततोऽपत्यवियोगो हि मरणादतिरिच्यते ।। सर्वस्मात्पतिभेदो हि तत्परं नास्ति सङ्कटम्
tato'patyaviyogo hi maraṇādatiricyate || sarvasmātpatibhedo hi tatparaṃ nāsti saṅkaṭam
Sanskrit only: no published translation is held for this verse.
शयने भोजने स्नाने स्वप्ने जागरणेऽपि च ।। स्वामिविच्छेददुःखं च नूतनं च दिने दिने
śayane bhojane snāne svapne jāgaraṇe'pi ca || svāmivicchedaduḥkhaṃ ca nūtanaṃ ca dine dine
Sanskrit only: no published translation is held for this verse.
सर्वशोकं विस्मरेत्स्त्री स्वामिसंयोगमात्रतः ।। बन्धुमन्यं न पश्यामि यं दृष्ट्वा विस्मरेत्पतिम्
sarvaśokaṃ vismaretstrī svāmisaṃyogamātrataḥ || bandhumanyaṃ na paśyāmi yaṃ dṛṣṭvā vismaretpatim
Sanskrit only: no published translation is held for this verse.
नातो विशिष्टं पश्यामि बान्धवं स्वामिना विना ।। साध्वीनां कुलजातानामित्याह कमलोद्भवः
nāto viśiṣṭaṃ paśyāmi bāndhavaṃ svāminā vinā || sādhvīnāṃ kulajātānāmityāha kamalodbhavaḥ
Sanskrit only: no published translation is held for this verse.
हे दिगीशाश्च दिक्पाला हे धर्म त्वं प्रजापते ।। गिरीश कमलाकान्त पतिदानं च देहि मे
he digīśāśca dikpālā he dharma tvaṃ prajāpate || girīśa kamalākānta patidānaṃ ca dehi me
Sanskrit only: no published translation is held for this verse.
इत्युक्त्वा विरहार्त्ता सा कन्या चित्ररथस्य च ।। मूर्च्छां संप्राप तत्रैव दुर्गमे गहने वने
ityuktvā virahārttā sā kanyā citrarathasya ca || mūrcchāṃ saṃprāpa tatraiva durgame gahane vane
Sanskrit only: no published translation is held for this verse.
विचेतना तत्र तस्थौ कान्तं कृत्वा स्ववक्षसि ।। परिपूर्णं दिवानक्तं सर्वदेवैश्च रक्षिता
vicetanā tatra tasthau kāntaṃ kṛtvā svavakṣasi || paripūrṇaṃ divānaktaṃ sarvadevaiśca rakṣitā
Sanskrit only: no published translation is held for this verse.
प्रभाते चेतनां प्राप्य विललाप भृशं मुहुः ।। इत्युवाच पुनस्तत्र हरिं संबोध्य सा सती
prabhāte cetanāṃ prāpya vilalāpa bhṛśaṃ muhuḥ || ityuvāca punastatra hariṃ saṃbodhya sā satī
Sanskrit only: no published translation is held for this verse.
मालावत्युवाच।। हे कृष्ण जगतां नाथ नाथ नाहं जगद्बहिः ।। त्वमेव जगतां पाता मां न पासि कथं प्रभो
mālāvatyuvāca|| he kṛṣṇa jagatāṃ nātha nātha nāhaṃ jagadbahiḥ || tvameva jagatāṃ pātā māṃ na pāsi kathaṃ prabho
Sanskrit only: no published translation is held for this verse.
अयं भर्त्ताऽस्य भार्य्याऽहं ममेति तव मायया।। त्वमेव सम्भवो भर्त्ता सर्वेषां सर्वकारणः
ayaṃ bharttā'sya bhāryyā'haṃ mameti tava māyayā|| tvameva sambhavo bharttā sarveṣāṃ sarvakāraṇaḥ
Sanskrit only: no published translation is held for this verse.
गन्धर्वः कर्मणा कान्तः कान्ताऽहं चास्य कर्मणा ।। क्व गतः कर्मभोगान्ते कुत्र संस्थाप्य मां प्रियाम्
gandharvaḥ karmaṇā kāntaḥ kāntā'haṃ cāsya karmaṇā || kva gataḥ karmabhogānte kutra saṃsthāpya māṃ priyām
Sanskrit only: no published translation is held for this verse.
को वा कस्य पतिः पुत्रः का वा कस्य प्रिया प्रभो ।। संयुनक्ति विधाता च विनयुक्ति च कर्मणा।
ko vā kasya patiḥ putraḥ kā vā kasya priyā prabho || saṃyunakti vidhātā ca vinayukti ca karmaṇā|
Sanskrit only: no published translation is held for this verse.
संयोगे परमानन्दो वियोगे प्राणसङ्कटम्।। शश्वज्जगति मूर्खस्य नात्मारामस्य निश्चितम्
saṃyoge paramānando viyoge prāṇasaṅkaṭam|| śaśvajjagati mūrkhasya nātmārāmasya niścitam
Sanskrit only: no published translation is held for this verse.
नश्वरो विषयः सत्यं भुवि भोगश्च बान्धवः।। स्वयं त्यक्तः सुखायैव दुःखाय त्याजितः परैः
naśvaro viṣayaḥ satyaṃ bhuvi bhogaśca bāndhavaḥ|| svayaṃ tyaktaḥ sukhāyaiva duḥkhāya tyājitaḥ paraiḥ
Sanskrit only: no published translation is held for this verse.
तस्मात्सन्तः स्वयं त्यक्त्वा परमैश्वर्यमीप्सितम्।। ध्यायन्ते सततं कृष्ण पादपद्मं निरापदम्
tasmātsantaḥ svayaṃ tyaktvā paramaiśvaryamīpsitam|| dhyāyante satataṃ kṛṣṇa pādapadmaṃ nirāpadam
Sanskrit only: no published translation is held for this verse.
सर्वत्र ज्ञानिनः सन्तः का स्त्री ज्ञानवती भुवि ।। ततो मह्यं विमूढायै दातुमर्हति वाञ्छितम्
sarvatra jñāninaḥ santaḥ kā strī jñānavatī bhuvi || tato mahyaṃ vimūḍhāyai dātumarhati vāñchitam
Sanskrit only: no published translation is held for this verse.
न मे वाञ्छाऽमरत्वे च शक्रत्वे मोक्षवर्त्मनि ।। इमं कान्तं वरं देहि चतुर्वर्गकरं परम्
na me vāñchā'maratve ca śakratve mokṣavartmani || imaṃ kāntaṃ varaṃ dehi caturvargakaraṃ param
Sanskrit only: no published translation is held for this verse.
यावती कामिनीजातिर्जगत्यां जगदीश्वर ।। कस्यैचिन्न हि दत्तश्च तेन धात्रेदृशः पतिः
yāvatī kāminījātirjagatyāṃ jagadīśvara || kasyaicinna hi dattaśca tena dhātredṛśaḥ patiḥ
Sanskrit only: no published translation is held for this verse.
तस्मै दत्ता गुणाः सर्वे रूपाणि विविधानि च ।। सुशीलानि च सर्वाणि चामरत्वं विना हरे
tasmai dattā guṇāḥ sarve rūpāṇi vividhāni ca || suśīlāni ca sarvāṇi cāmaratvaṃ vinā hare
Sanskrit only: no published translation is held for this verse.
रूपेण च गुणेनैव तेजसा विक्रमेण च ।। ज्ञानेन शान्त्या सन्तुष्ट्या हरितुल्यः प्रभुर्मम ।।
rūpeṇa ca guṇenaiva tejasā vikrameṇa ca || jñānena śāntyā santuṣṭyā haritulyaḥ prabhurmama ||
Sanskrit only: no published translation is held for this verse.
हरिभक्तो हरिसमो गाम्भीर्ये सागरो यथा ।। दीप्तिमान्सूर्य्यतुल्यश्च शुद्धो वह्निसमस्तथा
haribhakto harisamo gāmbhīrye sāgaro yathā || dīptimānsūryyatulyaśca śuddho vahnisamastathā
Sanskrit only: no published translation is held for this verse.
चन्द्रतुल्यः सुदृश्यश्च कन्दर्पसमसुन्दरः ।। बुद्ध्या बृहस्पतिसमः काव्ये कविसमस्तथा
candratulyaḥ sudṛśyaśca kandarpasamasundaraḥ || buddhyā bṛhaspatisamaḥ kāvye kavisamastathā
Sanskrit only: no published translation is held for this verse.
वाणी च सर्वशास्त्रज्ञा प्रतिभायां भृगोरिव ।। कुबेरतुल्यो धनवान्महान्दाता मनोरिव
vāṇī ca sarvaśāstrajñā pratibhāyāṃ bhṛgoriva || kuberatulyo dhanavānmahāndātā manoriva
Sanskrit only: no published translation is held for this verse.
धर्मे धर्मसमो धर्मी सत्ये सत्यव्रताधिकः ।। कुमारतुल्यस्तपसा स्वाचारे ब्रह्मणा समः
dharme dharmasamo dharmī satye satyavratādhikaḥ || kumāratulyastapasā svācāre brahmaṇā samaḥ
Sanskrit only: no published translation is held for this verse.
ऐश्वर्य्ये शक्रतुल्यश्च सहिष्णुः पृथिवीसमः ।। एवम्भूतो मृतः कान्तः प्राणा यान्ति न मे कथम्
aiśvaryye śakratulyaśca sahiṣṇuḥ pṛthivīsamaḥ || evambhūto mṛtaḥ kāntaḥ prāṇā yānti na me katham
Sanskrit only: no published translation is held for this verse.
अरे सुरा यज्ञभाजो घृतं भोक्तुं क्षमा भुवि ।। क्षणेनायज्ञभाजश्च करिष्यामि स्वलीलया
are surā yajñabhājo ghṛtaṃ bhoktuṃ kṣamā bhuvi || kṣaṇenāyajñabhājaśca kariṣyāmi svalīlayā
Sanskrit only: no published translation is held for this verse.
नारायण जगत्कान्त नाहमेव जगद्बहिः ।। शीघ्रं जीवय मत्कान्तमन्यथा त्वां शपाम्यहम्
nārāyaṇa jagatkānta nāhameva jagadbahiḥ || śīghraṃ jīvaya matkāntamanyathā tvāṃ śapāmyaham
Sanskrit only: no published translation is held for this verse.
प्रजापते पुत्रशापात्त्वमपूज्यो महीतले ।। तवैवानधिकारित्वं करिष्याम्यधुना भवे
prajāpate putraśāpāttvamapūjyo mahītale || tavaivānadhikāritvaṃ kariṣyāmyadhunā bhave
Sanskrit only: no published translation is held for this verse.
हे शम्भो ज्ञानलोपं ते करिष्यामि शपेन च ।। धर्मलोपं च धर्मस्य करिष्याम्येव लीलया
he śambho jñānalopaṃ te kariṣyāmi śapena ca || dharmalopaṃ ca dharmasya kariṣyāmyeva līlayā
Sanskrit only: no published translation is held for this verse.
यमाधिकारं दूरे च करिष्यामि न संशयः ।। सत्यं कालं शपिष्यामि मृत्युकन्यां सुनिष्ठुराम्
yamādhikāraṃ dūre ca kariṣyāmi na saṃśayaḥ || satyaṃ kālaṃ śapiṣyāmi mṛtyukanyāṃ suniṣṭhurām
Sanskrit only: no published translation is held for this verse.
शपामि सर्वानत्रैव जरां व्याधिं विनाऽधुना ।। व्याधिना जरया मृत्युर्न ह्यभूच्च पतेर्मम
śapāmi sarvānatraiva jarāṃ vyādhiṃ vinā'dhunā || vyādhinā jarayā mṛtyurna hyabhūcca patermama
Sanskrit only: no published translation is held for this verse.
इत्युक्त्वा कौशिकीतीरे चागच्छच्छप्तुमेव तान् ।। मालावती महासाध्वी शवं कृत्वा स्ववक्षसि
ityuktvā kauśikītīre cāgacchacchaptumeva tān || mālāvatī mahāsādhvī śavaṃ kṛtvā svavakṣasi
Sanskrit only: no published translation is held for this verse.
तां शप्तुमुद्यतां दृष्ट्वा ब्रह्मा देवपुरोगमः ।। जगाम शरणं विष्णुं तीरं क्षीरपयोनिधेः
tāṃ śaptumudyatāṃ dṛṣṭvā brahmā devapurogamaḥ || jagāma śaraṇaṃ viṣṇuṃ tīraṃ kṣīrapayonidheḥ
Sanskrit only: no published translation is held for this verse.
तत्र स्नात्वा च तुष्टाव परमात्मानमीश्वरम् ।। विष्णुं ब्रह्मा जगत्कान्तमित्युवाच ह भीतवत्
tatra snātvā ca tuṣṭāva paramātmānamīśvaram || viṣṇuṃ brahmā jagatkāntamityuvāca ha bhītavat
Sanskrit only: no published translation is held for this verse.
ब्रह्मोवाच ।। उपबर्हणपत्नी सा कन्या चित्ररथस्य च ।। कान्तहेतोश्च मा देवाञ्छपेत्त्वं रक्ष माधव
brahmovāca || upabarhaṇapatnī sā kanyā citrarathasya ca || kāntahetośca mā devāñchapettvaṃ rakṣa mādhava
Sanskrit only: no published translation is held for this verse.
स्मरन्ति साधवः सन्तो जपन्ति मुनयो मुदा ।। स्वप्ने जागरणे चैव सर्वकार्य्येषु माधवम्
smaranti sādhavaḥ santo japanti munayo mudā || svapne jāgaraṇe caiva sarvakāryyeṣu mādhavam
Sanskrit only: no published translation is held for this verse.
शरणागतदीनार्त्तपरित्राणपरायण ।। रक्ष रक्ष हृषीकेश व्रजामः शरणं वयम्
śaraṇāgatadīnārttaparitrāṇaparāyaṇa || rakṣa rakṣa hṛṣīkeśa vrajāmaḥ śaraṇaṃ vayam
Sanskrit only: no published translation is held for this verse.
पूजा मे पुत्रशापेन विहता साम्प्रतं प्रभो ।। अधिकारहतं मां च कुरुते मालती सती
pūjā me putraśāpena vihatā sāmprataṃ prabho || adhikārahataṃ māṃ ca kurute mālatī satī
Sanskrit only: no published translation is held for this verse.
सर्वाधिकारो ब्रह्माण्डे त्वया दत्तः पुरा प्रभो ।। सम्पदेतादृशी नाथ यास्यत्येवाधुना मम
sarvādhikāro brahmāṇḍe tvayā dattaḥ purā prabho || sampadetādṛśī nātha yāsyatyevādhunā mama
Sanskrit only: no published translation is held for this verse.
महादेव उवाच ।। त्वया दत्तं महाज्ञानं गुप्तं सर्वेषु दुर्लभम् ।। शतमन्वन्तरतपःफलेन पुष्करे पुरा
mahādeva uvāca || tvayā dattaṃ mahājñānaṃ guptaṃ sarveṣu durlabham || śatamanvantaratapaḥphalena puṣkare purā
Sanskrit only: no published translation is held for this verse.
ऐश्वर्यं वा धनं वाऽपि विद्या वा विक्रमोऽथवा ।। ज्ञानस्य परमार्थस्य कलां नार्हंति षोडशीम्
aiśvaryaṃ vā dhanaṃ vā'pi vidyā vā vikramo'thavā || jñānasya paramārthasya kalāṃ nārhaṃti ṣoḍaśīm
Sanskrit only: no published translation is held for this verse.
सर्वाज्ञातं सर्वगुप्तमत्यन्तं दुर्लभं परम् ।। मम तत्त्वज्ञानरत्नं शापान्निर्याति योषितः
sarvājñātaṃ sarvaguptamatyantaṃ durlabhaṃ param || mama tattvajñānaratnaṃ śāpānniryāti yoṣitaḥ
Sanskrit only: no published translation is held for this verse.
अहो पतिव्रतातेजः सर्वेषां तेजसां परम् ।। तेजोऽनलेन दग्धं मां रक्ष रक्ष हरे हरे
aho pativratātejaḥ sarveṣāṃ tejasāṃ param || tejo'nalena dagdhaṃ māṃ rakṣa rakṣa hare hare
Sanskrit only: no published translation is held for this verse.
धर्म उवाच ।। सर्वरत्नात्परं रत्नं धर्म एव सनातनः ।। यास्यत्येवंविधो धर्मस्त्वया दत्तः पुरा प्रभो
dharma uvāca || sarvaratnātparaṃ ratnaṃ dharma eva sanātanaḥ || yāsyatyevaṃvidho dharmastvayā dattaḥ purā prabho
Sanskrit only: no published translation is held for this verse.
सप्तमन्वन्तरतपःफलेन परमेश्वर ।। प्राप्तो धर्मो ऽधुना याति शापेन योषितः प्रभौ
saptamanvantaratapaḥphalena parameśvara || prāpto dharmo 'dhunā yāti śāpena yoṣitaḥ prabhau
Sanskrit only: no published translation is held for this verse.
देवा ऊचुः ।। यज्ञभाजो घृतभुजो वयमेव त्वया कृताः ।। योषिच्छापेन तत्सर्वमधुना याति माधव
devā ūcuḥ || yajñabhājo ghṛtabhujo vayameva tvayā kṛtāḥ || yoṣicchāpena tatsarvamadhunā yāti mādhava
Sanskrit only: no published translation is held for this verse.
इत्युक्त्वा संयताः सर्वे तस्थुस्तत्र भयार्दिताः ।। एतस्मिन्नन्तरेऽकस्माद्वाग्बभूवाशरीरिणी
ityuktvā saṃyatāḥ sarve tasthustatra bhayārditāḥ || etasminnantare'kasmādvāgbabhūvāśarīriṇī
Sanskrit only: no published translation is held for this verse.
यूयं गच्छत तन्मूलं विप्ररूपी जनार्दनः ।। पश्चाद्यास्यति शान्त्यर्थमिति वो रक्षणाय च
yūyaṃ gacchata tanmūlaṃ viprarūpī janārdanaḥ || paścādyāsyati śāntyarthamiti vo rakṣaṇāya ca
Sanskrit only: no published translation is held for this verse.
श्रुत्वा तद्वचनं देवाः प्रहृष्टमनसोन्मुखाः ।। जग्मुर्मालावतीस्थानं कौशिकीतीरमीश्वराः
śrutvā tadvacanaṃ devāḥ prahṛṣṭamanasonmukhāḥ || jagmurmālāvatīsthānaṃ kauśikītīramīśvarāḥ
Sanskrit only: no published translation is held for this verse.
तामेव ददृशुर्देवा देवीं मालावतीं सतीम् ।। रत्नसारेन्द्रभूषाभिरुज्ज्वलां कमलाकलाम्
tāmeva dadṛśurdevā devīṃ mālāvatīṃ satīm || ratnasārendrabhūṣābhirujjvalāṃ kamalākalām
Sanskrit only: no published translation is held for this verse.
वह्निशुद्धांशुकाधानां सिन्दूरबिन्दुभूषिताम् ।। शरच्चन्द्रप्रभां शान्तां द्योतयन्तीं दिशस्त्विषा
vahniśuddhāṃśukādhānāṃ sindūrabindubhūṣitām || śaraccandraprabhāṃ śāntāṃ dyotayantīṃ diśastviṣā
Sanskrit only: no published translation is held for this verse.
पतिसेवामहाधर्मचिरसञ्चिततेजसा ।। प्रज्वलन्तीं सुप्रदीप्तशिखां वह्नेरिवोत्तमाम्
patisevāmahādharmacirasañcitatejasā || prajvalantīṃ supradīptaśikhāṃ vahnerivottamām
Sanskrit only: no published translation is held for this verse.
योगासनं कुर्वती च शववक्षःस्थलस्थिताम् ।। सुरम्यां स्वामिनो वीणां बिभ्रतीं दक्षिणे करे
yogāsanaṃ kurvatī ca śavavakṣaḥsthalasthitām || suramyāṃ svāmino vīṇāṃ bibhratīṃ dakṣiṇe kare
Sanskrit only: no published translation is held for this verse.
तर्जन्यङ्गुष्ठकोटिभ्यां शुद्धस्फटिकमालिकाम् ।। भक्त्या स्नेहेन कान्तस्य बिभ्रतीं योगमुद्रया
tarjanyaṅguṣṭhakoṭibhyāṃ śuddhasphaṭikamālikām || bhaktyā snehena kāntasya bibhratīṃ yogamudrayā
Sanskrit only: no published translation is held for this verse.
चारुचम्पकवर्णाभां बिम्बोष्ठीं रत्नमालिनीम् ।। यथा षोडशवर्षीयां शश्वत्सुस्थिरयौवनाम् ।।
cārucampakavarṇābhāṃ bimboṣṭhīṃ ratnamālinīm || yathā ṣoḍaśavarṣīyāṃ śaśvatsusthirayauvanām ||
Sanskrit only: no published translation is held for this verse.
बृहन्नितम्बभारार्त्तां पीनश्रोणिपयोधराम् ।। पश्यन्तीं शवमीशस्य शुभदृष्ट्या पुनः पुनः
bṛhannitambabhārārttāṃ pīnaśroṇipayodharām || paśyantīṃ śavamīśasya śubhadṛṣṭyā punaḥ punaḥ
Sanskrit only: no published translation is held for this verse.
एवम्भूतां च तां दृष्ट्वा देवास्ते विस्मयं ययुः ।। स्थगितां च क्षणं तत्र धार्मिका धर्मभीरवः
evambhūtāṃ ca tāṃ dṛṣṭvā devāste vismayaṃ yayuḥ || sthagitāṃ ca kṣaṇaṃ tatra dhārmikā dharmabhīravaḥ
Sanskrit only: no published translation is held for this verse.