Library·Brahmavaivarta Purāṇa·1·1.15
ब्राह्मण उवाच ।। केन रोगेण हि मृतोऽधुना साध्वि तव प्रियः ।। सर्वरोगचिकित्सां च जानामि च चिकित्सकः
brāhmaṇa uvāca || kena rogeṇa hi mṛto'dhunā sādhvi tava priyaḥ || sarvarogacikitsāṃ ca jānāmi ca cikitsakaḥ
Sanskrit only: no published translation is held for this verse.
मृततुल्यं मृतं रोगात्सप्ताहाभ्यन्तरे सति ।। महाज्ञानेन तं जीवं जीवयाम्यवलीलया
mṛtatulyaṃ mṛtaṃ rogātsaptāhābhyantare sati || mahājñānena taṃ jīvaṃ jīvayāmyavalīlayā
Sanskrit only: no published translation is held for this verse.
राजमृत्युं यमं कालं व्याधिमानीय त्वत्पुरः।। निबध्य दातुं शक्तोऽहं व्याधो बद्ध्वा पशुं यथा
rājamṛtyuṃ yamaṃ kālaṃ vyādhimānīya tvatpuraḥ|| nibadhya dātuṃ śakto'haṃ vyādho baddhvā paśuṃ yathā
Sanskrit only: no published translation is held for this verse.
यतो न सञ्चरेद्व्याधिर्देहेषु देहधारिणाम् ।। व्याधीनां कारणं यद्यत्सर्वं जानामि सुन्दरि
yato na sañcaredvyādhirdeheṣu dehadhāriṇām || vyādhīnāṃ kāraṇaṃ yadyatsarvaṃ jānāmi sundari
Sanskrit only: no published translation is held for this verse.
यतो न सञ्चरेद्व्याधिबीजं दुष्टममङ्गलम् ।। तदुपायं विजानामि शास्त्रतत्त्वानुसारतः
yato na sañcaredvyādhibījaṃ duṣṭamamaṅgalam || tadupāyaṃ vijānāmi śāstratattvānusārataḥ
Sanskrit only: no published translation is held for this verse.
यो वा योगेन खेदेन देहत्यागं करोति च ।। तस्य तं जीवनोपायं जानामि योगधर्मतः
yo vā yogena khedena dehatyāgaṃ karoti ca || tasya taṃ jīvanopāyaṃ jānāmi yogadharmataḥ
Sanskrit only: no published translation is held for this verse.
ब्राह्मणस्य वचः श्रुत्वा स्फीता मालावती सती ।। सस्मिता स्निग्धचित्ता सा तमुवाच प्रहर्षिता
brāhmaṇasya vacaḥ śrutvā sphītā mālāvatī satī || sasmitā snigdhacittā sā tamuvāca praharṣitā
Sanskrit only: no published translation is held for this verse.
मालावत्युवाच ।। अहो श्रुतं किमाश्चर्य्यं वचनं वालवक्त्रतः ।। वयसाऽतिशिशुर्दृष्टो ज्ञानं योगविदां परम्
mālāvatyuvāca || aho śrutaṃ kimāścaryyaṃ vacanaṃ vālavaktrataḥ || vayasā'tiśiśurdṛṣṭo jñānaṃ yogavidāṃ param
Sanskrit only: no published translation is held for this verse.
त्वया कृता प्रतिज्ञा च कान्तं जीवयितुं मम ।। विपरीतं न सद्वाक्यं तत्क्षणं जीवितः पतिः
tvayā kṛtā pratijñā ca kāntaṃ jīvayituṃ mama || viparītaṃ na sadvākyaṃ tatkṣaṇaṃ jīvitaḥ patiḥ
Sanskrit only: no published translation is held for this verse.
जीवयिष्यति मत्कान्तं पश्चाद्वेदविदां वरः ।। यद्यत्पृच्छामि सन्देहात्तद्भवान्वक्तुमर्हति
jīvayiṣyati matkāntaṃ paścādvedavidāṃ varaḥ || yadyatpṛcchāmi sandehāttadbhavānvaktumarhati
Sanskrit only: no published translation is held for this verse.
सभायां जीविते कान्ते तस्य तीव्रस्य सन्निधौ ।। त्वां हि प्रष्टुं न शक्ताऽहं विद्यमाने मदीश्वरे
sabhāyāṃ jīvite kānte tasya tīvrasya sannidhau || tvāṃ hi praṣṭuṃ na śaktā'haṃ vidyamāne madīśvare
Sanskrit only: no published translation is held for this verse.
एते ब्रह्मादयो देवा विद्यमानाश्च संसदि ।। त्वं च वेदविदां श्रेष्ठो न च कश्चिन्मदीश्वरः
ete brahmādayo devā vidyamānāśca saṃsadi || tvaṃ ca vedavidāṃ śreṣṭho na ca kaścinmadīśvaraḥ
Sanskrit only: no published translation is held for this verse.
नारीं रक्षति भर्त्तां चेन्न कोऽपि खण्डितुं क्षमः ।। शास्तिं करोति यदि स न कोऽपि रक्षिता भुवि
nārīṃ rakṣati bharttāṃ cenna ko'pi khaṇḍituṃ kṣamaḥ || śāstiṃ karoti yadi sa na ko'pi rakṣitā bhuvi
Sanskrit only: no published translation is held for this verse.
एवं देवेषु नो शक्तिः शक्रे वा ब्रह्मरुद्रयोः ।। स्त्री पुम्भावश्च बोद्धव्यः स्वामी कर्त्ता च योषिताम्
evaṃ deveṣu no śaktiḥ śakre vā brahmarudrayoḥ || strī pumbhāvaśca boddhavyaḥ svāmī karttā ca yoṣitām
Sanskrit only: no published translation is held for this verse.
स्वामी कर्त्ता च हर्त्ता च शास्ता पोष्टा च रक्षिता ।। अभीष्टदेवः पूज्यश्च न गुरुः स्वामिनः परः
svāmī karttā ca harttā ca śāstā poṣṭā ca rakṣitā || abhīṣṭadevaḥ pūjyaśca na guruḥ svāminaḥ paraḥ
Sanskrit only: no published translation is held for this verse.
कन्या सत्कुलजाता या सा कान्तवशवर्तिनी ।। या स्वतन्त्रा च सा दुष्टा स्वभावात्कुटिला ध्रुवम्
kanyā satkulajātā yā sā kāntavaśavartinī || yā svatantrā ca sā duṣṭā svabhāvātkuṭilā dhruvam
Sanskrit only: no published translation is held for this verse.
दुष्टा परपुमांसं च सेवते या नराधमा ।। सा निन्दति पतिं शश्वदसद्वंशप्रसूतिका
duṣṭā parapumāṃsaṃ ca sevate yā narādhamā || sā nindati patiṃ śaśvadasadvaṃśaprasūtikā
Sanskrit only: no published translation is held for this verse.
उपबर्हणभार्य्याऽहं कन्या चित्ररथस्य च ।। वधूर्गन्धर्वराजस्य कान्तभक्ता सदा द्विज
upabarhaṇabhāryyā'haṃ kanyā citrarathasya ca || vadhūrgandharvarājasya kāntabhaktā sadā dvija
Sanskrit only: no published translation is held for this verse.
सर्वं कालयितुं शक्तस्त्वं च वेदविदां वर ।। कालं यमं मृत्युकन्यां मदभ्याशं समानय
sarvaṃ kālayituṃ śaktastvaṃ ca vedavidāṃ vara || kālaṃ yamaṃ mṛtyukanyāṃ madabhyāśaṃ samānaya
Sanskrit only: no published translation is held for this verse.
मालावतीवचः श्रुत्वा विप्रो वेदविदां वरः ।। सभामध्ये समाहूय तान्प्रत्यक्षं चकार ह
mālāvatīvacaḥ śrutvā vipro vedavidāṃ varaḥ || sabhāmadhye samāhūya tānpratyakṣaṃ cakāra ha
Sanskrit only: no published translation is held for this verse.
ददर्श मृत्युकन्यां च प्रथमं मालती सती ।। कृष्णवर्णां घोररूपां रक्ताम्बरधरां वराम्
dadarśa mṛtyukanyāṃ ca prathamaṃ mālatī satī || kṛṣṇavarṇāṃ ghorarūpāṃ raktāmbaradharāṃ varām
Sanskrit only: no published translation is held for this verse.
सस्मितां षड्भुजां शान्तां दयायुक्तां महासतीम् ।। कालस्य स्वामिनो वामे चतुष्षष्टिसुतान्विताम्
sasmitāṃ ṣaḍbhujāṃ śāntāṃ dayāyuktāṃ mahāsatīm || kālasya svāmino vāme catuṣṣaṣṭisutānvitām
Sanskrit only: no published translation is held for this verse.
कालं नारायणांशं च ददर्श पुरतः सती ।। महोग्ररूपं विकटं ग्रीष्मसूर्य्यसमप्रभम्
kālaṃ nārāyaṇāṃśaṃ ca dadarśa purataḥ satī || mahograrūpaṃ vikaṭaṃ grīṣmasūryyasamaprabham
Sanskrit only: no published translation is held for this verse.
षड्वक्त्रं षोडशभुजं चतुर्विंशतिलोचनम् ।। षट्पादं कृष्णवर्णं च रक्ताम्बरधरं परम्
ṣaḍvaktraṃ ṣoḍaśabhujaṃ caturviṃśatilocanam || ṣaṭpādaṃ kṛṣṇavarṇaṃ ca raktāmbaradharaṃ param
Sanskrit only: no published translation is held for this verse.
देवस्य देवं विकृतं सर्वसंहाररूपिणम् ।। कालाधिदेवं सर्वेशं भगवन्तं सनातनम्
devasya devaṃ vikṛtaṃ sarvasaṃhārarūpiṇam || kālādhidevaṃ sarveśaṃ bhagavantaṃ sanātanam
Sanskrit only: no published translation is held for this verse.
ईषद्धास्यप्रसन्नास्यमक्षमालाकरं वरम् ।। जपन्तं परमं ब्रह्म कृष्णमात्मानमीश्वरम्
īṣaddhāsyaprasannāsyamakṣamālākaraṃ varam || japantaṃ paramaṃ brahma kṛṣṇamātmānamīśvaram
Sanskrit only: no published translation is held for this verse.
सती ददर्श पुरतो व्याधिसंघान्सुदुर्जयान् ।। वयसाऽतिमहावृद्धान्स्तनन्धान्मातृसन्निधौ
satī dadarśa purato vyādhisaṃghānsudurjayān || vayasā'timahāvṛddhānstanandhānmātṛsannidhau
Sanskrit only: no published translation is held for this verse.
स्थूलपादं कृष्णवर्णं धर्मिष्ठं रविनन्दनम् ।। जपन्तं परमं ब्रह्म भगवन्तं सनातनम्
sthūlapādaṃ kṛṣṇavarṇaṃ dharmiṣṭhaṃ ravinandanam || japantaṃ paramaṃ brahma bhagavantaṃ sanātanam
Sanskrit only: no published translation is held for this verse.
धर्माधर्मविचारज्ञं परं धर्मस्वरूपिणम् ।। पापिनामपि शास्तारं ददर्श पुरतो यमम्
dharmādharmavicārajñaṃ paraṃ dharmasvarūpiṇam || pāpināmapi śāstāraṃ dadarśa purato yamam
Sanskrit only: no published translation is held for this verse.
तांश्च दृष्ट्वा च निःशङ्का पप्रच्छ प्रथमं यमम् ।। मालावती महासाध्वी प्रहष्टवदनेक्षणा
tāṃśca dṛṣṭvā ca niḥśaṅkā papraccha prathamaṃ yamam || mālāvatī mahāsādhvī prahaṣṭavadanekṣaṇā
Sanskrit only: no published translation is held for this verse.
मालावत्युवाच ।। हे धर्मराज धर्मिष्ठ धर्मशास्त्रविशारद।। कालव्यतिक्रमे कान्तं कथं हरसि मे विभो।।
mālāvatyuvāca || he dharmarāja dharmiṣṭha dharmaśāstraviśārada|| kālavyatikrame kāntaṃ kathaṃ harasi me vibho||
Sanskrit only: no published translation is held for this verse.
यम उवाच ।। अप्राप्तकालो म्रियते न कश्चिज्जगतीतले ।। ईश्वराज्ञां विना साध्वि नामृतं चालयाम्यहम्
yama uvāca || aprāptakālo mriyate na kaścijjagatītale || īśvarājñāṃ vinā sādhvi nāmṛtaṃ cālayāmyaham
Sanskrit only: no published translation is held for this verse.
अहं कालो मृत्युकन्या व्याधयश्च सुदुर्जयाः ।। निषेकेण प्राप्तकालं कालयन्तीश्वराज्ञया
ahaṃ kālo mṛtyukanyā vyādhayaśca sudurjayāḥ || niṣekeṇa prāptakālaṃ kālayantīśvarājñayā
Sanskrit only: no published translation is held for this verse.
मृत्युकन्या विचारज्ञा यं प्राप्नोति निषेकतः ।। तमहं कालयाम्येव पृच्छतां केन हेतुना
mṛtyukanyā vicārajñā yaṃ prāpnoti niṣekataḥ || tamahaṃ kālayāmyeva pṛcchatāṃ kena hetunā
Sanskrit only: no published translation is held for this verse.
मालावत्युवाच ।। त्वमपि स्त्री मृत्युकन्या जानासि स्वामिवेदनम् ।। कथं हरसि मत्कान्तं जीवितायां मयि प्रिये
mālāvatyuvāca || tvamapi strī mṛtyukanyā jānāsi svāmivedanam || kathaṃ harasi matkāntaṃ jīvitāyāṃ mayi priye
Sanskrit only: no published translation is held for this verse.
मृत्युकन्योवाच ।। पुरा विश्वसृजा सृष्टाऽप्यहमेवात्र कर्मणि ।। न च क्षमा परित्यक्तुं बहुना तपसा सति
mṛtyukanyovāca || purā viśvasṛjā sṛṣṭā'pyahamevātra karmaṇi || na ca kṣamā parityaktuṃ bahunā tapasā sati
Sanskrit only: no published translation is held for this verse.
सती सतीनां मध्ये च काचित्तेजस्विनी वरा ।। मामेव भस्मसात्कर्तुं क्षमा यदि भवेद्भवे
satī satīnāṃ madhye ca kācittejasvinī varā || māmeva bhasmasātkartuṃ kṣamā yadi bhavedbhave
Sanskrit only: no published translation is held for this verse.
सर्वापच्छान्तिरेवेह तदा भवति सुन्दरि ।। पुत्राणां स्वामिनः पश्चाद्भविता यद्भविष्यति
sarvāpacchāntireveha tadā bhavati sundari || putrāṇāṃ svāminaḥ paścādbhavitā yadbhaviṣyati
Sanskrit only: no published translation is held for this verse.
कालेन प्रेरिताऽहं च मत्पुत्रा व्याधयश्च वै ।। न मत्सुतानां दोषश्च न च मे शृणु निश्चितम्
kālena preritā'haṃ ca matputrā vyādhayaśca vai || na matsutānāṃ doṣaśca na ca me śṛṇu niścitam
Sanskrit only: no published translation is held for this verse.
पृच्छ कालं महात्मानं धर्मज्ञं धर्मसंसदि ।। तदा यदुचितं भद्रे तत्करिष्यसि निश्चितम्
pṛccha kālaṃ mahātmānaṃ dharmajñaṃ dharmasaṃsadi || tadā yaducitaṃ bhadre tatkariṣyasi niścitam
Sanskrit only: no published translation is held for this verse.
मालावत्युवाच ।। हे काल कर्मणां साक्षिन्कर्मरूप सनातन ।। नारायणांशो भगवन्नमस्तुभ्यंपराय च
mālāvatyuvāca || he kāla karmaṇāṃ sākṣinkarmarūpa sanātana || nārāyaṇāṃśo bhagavannamastubhyaṃparāya ca
Sanskrit only: no published translation is held for this verse.
कथं हरसि मत्कान्तं जीवितायां मयि प्रभो ।। जानासि सर्वदुःखं च सर्वज्ञस्त्वं कृपानिधे
kathaṃ harasi matkāntaṃ jīvitāyāṃ mayi prabho || jānāsi sarvaduḥkhaṃ ca sarvajñastvaṃ kṛpānidhe
Sanskrit only: no published translation is held for this verse.
कालपुरुष उवाच ।। को वाऽहं को यमः का च मृत्युकन्या च व्याधयः ।। वयं भ्रमामः सततमीशाज्ञापरिपालकाः
kālapuruṣa uvāca || ko vā'haṃ ko yamaḥ kā ca mṛtyukanyā ca vyādhayaḥ || vayaṃ bhramāmaḥ satatamīśājñāparipālakāḥ
Sanskrit only: no published translation is held for this verse.
यस्य सृष्टा च प्रकृतिर्ब्रह्मविष्णुशिवादयः ।। सुरा मुनीन्द्रा मनवो मानवाः सर्वजन्तवः
yasya sṛṣṭā ca prakṛtirbrahmaviṣṇuśivādayaḥ || surā munīndrā manavo mānavāḥ sarvajantavaḥ
Sanskrit only: no published translation is held for this verse.
ध्यायन्ते तत्पदाम्भोजं योगिनश्च विचक्षणाः।। जपन्ति शश्वन्नामानि पुण्यानि परमात्मनः
dhyāyante tatpadāmbhojaṃ yoginaśca vicakṣaṇāḥ|| japanti śaśvannāmāni puṇyāni paramātmanaḥ
Sanskrit only: no published translation is held for this verse.
यद्भयाद्वाति वातोऽयं सूर्य्यस्तपति यद्भयात् ।। स्रष्टा ब्रह्माऽऽज्ञया यस्य पाता विष्णुर्यदाज्ञया
yadbhayādvāti vāto'yaṃ sūryyastapati yadbhayāt || sraṣṭā brahmā''jñayā yasya pātā viṣṇuryadājñayā
Sanskrit only: no published translation is held for this verse.
संहर्त्ता शङ्करः सर्वजगतां यस्य शासनात् ।। धर्मश्च कर्मणां साक्षी यस्याज्ञापरिपालकः
saṃharttā śaṅkaraḥ sarvajagatāṃ yasya śāsanāt || dharmaśca karmaṇāṃ sākṣī yasyājñāparipālakaḥ
Sanskrit only: no published translation is held for this verse.
राशि चक्रं ग्रहाः सर्वे भ्रमन्ति यस्य शासनात् ।। दिगीशाश्चैव दिक्पाला यस्याज्ञापरिपालकाः
rāśi cakraṃ grahāḥ sarve bhramanti yasya śāsanāt || digīśāścaiva dikpālā yasyājñāparipālakāḥ
Sanskrit only: no published translation is held for this verse.
यस्याज्ञया च तरवः पुष्पाणि च फलानि च ।। बिभ्रत्येव ददत्येव काले मालावतीसति
yasyājñayā ca taravaḥ puṣpāṇi ca phalāni ca || bibhratyeva dadatyeva kāle mālāvatīsati
Sanskrit only: no published translation is held for this verse.
यस्याज्ञया जलाधारा सर्वाधारा वसुन्धरा ।। क्षमावती पृथिवी कम्पिता न भयेन च
yasyājñayā jalādhārā sarvādhārā vasundharā || kṣamāvatī pṛthivī kampitā na bhayena ca
Sanskrit only: no published translation is held for this verse.
सहसा मोहिता माया मायया यस्य सन्ततम् ।। सर्वप्रसूर्या प्रकृतिः सा भीता यद्भयादहो
sahasā mohitā māyā māyayā yasya santatam || sarvaprasūryā prakṛtiḥ sā bhītā yadbhayādaho
Sanskrit only: no published translation is held for this verse.
यस्यान्तं न विदुर्वेदा वस्तूनां भावगा अपि ।। पुराणानि च सर्वाणि यस्यैव स्तुतिपाठकाः
yasyāntaṃ na vidurvedā vastūnāṃ bhāvagā api || purāṇāni ca sarvāṇi yasyaiva stutipāṭhakāḥ
Sanskrit only: no published translation is held for this verse.
यस्य नाम विधिर्विष्णुः सेवते सुमहान्विराट् ।। षोडशांशो भगवतः स एव तेजसो विभोः
yasya nāma vidhirviṣṇuḥ sevate sumahānvirāṭ || ṣoḍaśāṃśo bhagavataḥ sa eva tejaso vibhoḥ
Sanskrit only: no published translation is held for this verse.
सर्वेश्वरः कालकालो मृत्योर्मृत्युः परात्परः ।। सर्वविघ्नविनाशाय तं कृष्णं परिचिन्तय
sarveśvaraḥ kālakālo mṛtyormṛtyuḥ parātparaḥ || sarvavighnavināśāya taṃ kṛṣṇaṃ paricintaya
Sanskrit only: no published translation is held for this verse.
सर्वाभीष्टं च भर्त्तारं प्रदास्यति कृपानिधिः ।। इमे यत्प्रेरिताः सर्वे स दाता सर्व सम्पदाम्
sarvābhīṣṭaṃ ca bharttāraṃ pradāsyati kṛpānidhiḥ || ime yatpreritāḥ sarve sa dātā sarva sampadām
Sanskrit only: no published translation is held for this verse.
इत्युक्त्वा कालपुरुषो विरराम च शौनक ।। कथां कथितुमारेभे पुनरेव तु ब्राह्मणः
ityuktvā kālapuruṣo virarāma ca śaunaka || kathāṃ kathitumārebhe punareva tu brāhmaṇaḥ
Sanskrit only: no published translation is held for this verse.