Library·Brahmavaivarta Purāṇa·1·1.17
सौतिरुवाच ।। दृष्ट्वा द्विजं देवसंघः प्रत्युत्थानं चकार च ।। परस्परं च सम्भाषा बभूव तत्र संसदि
sautiruvāca || dṛṣṭvā dvijaṃ devasaṃghaḥ pratyutthānaṃ cakāra ca || parasparaṃ ca sambhāṣā babhūva tatra saṃsadi
Sanskrit only: no published translation is held for this verse.
मा तं बुबुधिरे देवाः श्रीहरिं विप्ररूपिणम् ।। पौर्वापर्य्यं विस्मृताश्च मोहिता विष्णुमायया
mā taṃ bubudhire devāḥ śrīhariṃ viprarūpiṇam || paurvāparyyaṃ vismṛtāśca mohitā viṣṇumāyayā
Sanskrit only: no published translation is held for this verse.
सुरान्सम्बोध्य विप्रश्च वाचा मधुरया द्विज ।। उवाच सत्यं परमं प्राणिनां यच्छुभावहम्
surānsambodhya vipraśca vācā madhurayā dvija || uvāca satyaṃ paramaṃ prāṇināṃ yacchubhāvaham
Sanskrit only: no published translation is held for this verse.
ब्राह्मण उवाच ।। उपबर्हणभार्य्येयं कन्या चित्ररथस्य च ।। ययाचे जीवदानं च स्वामिनः शोककर्षिता
brāhmaṇa uvāca || upabarhaṇabhāryyeyaṃ kanyā citrarathasya ca || yayāce jīvadānaṃ ca svāminaḥ śokakarṣitā
Sanskrit only: no published translation is held for this verse.
अधुना किमनुष्ठानमस्य कार्यस्य निश्चितम् ।। तन्मां ब्रूत सुराः सर्वे नित्यं यत्समयोचितम्
adhunā kimanuṣṭhānamasya kāryasya niścitam || tanmāṃ brūta surāḥ sarve nityaṃ yatsamayocitam
Sanskrit only: no published translation is held for this verse.
शप्तुकामा सुरान्सर्वान्साध्वी तेजस्विनी वरा ।। अहं क्षेमाय युष्माकमागतो बोधिता सती
śaptukāmā surānsarvānsādhvī tejasvinī varā || ahaṃ kṣemāya yuṣmākamāgato bodhitā satī
Sanskrit only: no published translation is held for this verse.
स्तुतिः कृता च युष्माभिः श्वेतद्वीपे हरेरपि।। युष्माकमीशो विष्णुश्च कथमेवात्र नागतः
stutiḥ kṛtā ca yuṣmābhiḥ śvetadvīpe harerapi|| yuṣmākamīśo viṣṇuśca kathamevātra nāgataḥ
Sanskrit only: no published translation is held for this verse.
बभूवाकाशवाणीति पश्चाद्यास्यति केशव ।। विपरीतं कथं भूतं वाणीवाक्यमचञ्चलम्।।
babhūvākāśavāṇīti paścādyāsyati keśava || viparītaṃ kathaṃ bhūtaṃ vāṇīvākyamacañcalam||
Sanskrit only: no published translation is held for this verse.
ब्राह्मणस्य वचः श्रुत्वा स्वयं ब्रह्मा जगद्गुरुः ।। उवाच वचनं सत्यं हितं परममङ्गलम्
brāhmaṇasya vacaḥ śrutvā svayaṃ brahmā jagadguruḥ || uvāca vacanaṃ satyaṃ hitaṃ paramamaṅgalam
Sanskrit only: no published translation is held for this verse.
ब्रह्मोवाच ।। मत्पुत्रो नारदः शप्तो गन्धर्वश्चोपबर्हणः ।। योगेन प्राणांस्तत्याज पुनः शापान्ममैव हि
brahmovāca || matputro nāradaḥ śapto gandharvaścopabarhaṇaḥ || yogena prāṇāṃstatyāja punaḥ śāpānmamaiva hi
Sanskrit only: no published translation is held for this verse.
कालं लक्षयुगं व्याप्य स्थितिरस्य महीतले ।। शूद्रयोनिं ततः प्राप्य भविता मत्सुतः पुनः
kālaṃ lakṣayugaṃ vyāpya sthitirasya mahītale || śūdrayoniṃ tataḥ prāpya bhavitā matsutaḥ punaḥ
Sanskrit only: no published translation is held for this verse.
अस्य कालावशेषस्य किञ्चिदस्ति द्विजोत्तम ।। तत्तु वर्षसहस्रं चैवायुरस्यास्ति साम्प्रतम्
asya kālāvaśeṣasya kiñcidasti dvijottama || tattu varṣasahasraṃ caivāyurasyāsti sāmpratam
Sanskrit only: no published translation is held for this verse.
दास्यामि जीवदानं च स्वयं विष्णोः प्रसादतः ।। यथैनं न स्पृशेच्छापस्तत्करिष्यामि निश्चितम्
dāsyāmi jīvadānaṃ ca svayaṃ viṣṇoḥ prasādataḥ || yathainaṃ na spṛśecchāpastatkariṣyāmi niścitam
Sanskrit only: no published translation is held for this verse.
नागतो हरिरत्रेति त्वया यत्कथितं द्विज ।। हरिः सर्वत्र सर्वात्मा विग्रहः कुत आत्मनः
nāgato hariratreti tvayā yatkathitaṃ dvija || hariḥ sarvatra sarvātmā vigrahaḥ kuta ātmanaḥ
Sanskrit only: no published translation is held for this verse.
स्वेच्छामयः परं ब्रह्म भक्तानुग्रहविग्रहः ।। सर्वं पश्यति सर्वज्ञः सर्वत्रास्ति सनातनः
svecchāmayaḥ paraṃ brahma bhaktānugrahavigrahaḥ || sarvaṃ paśyati sarvajñaḥ sarvatrāsti sanātanaḥ
Sanskrit only: no published translation is held for this verse.
विषिश्च व्याप्तिवचनो नुश्च सर्वत्रवाचकः ।। सर्वव्यापी च सर्वात्मा तेन विष्णुः प्रकीर्त्तितः
viṣiśca vyāptivacano nuśca sarvatravācakaḥ || sarvavyāpī ca sarvātmā tena viṣṇuḥ prakīrttitaḥ
Sanskrit only: no published translation is held for this verse.
अपवित्रः पवित्रो वा सर्वावस्थां गतोऽपि वा ।। यः स्मरेत्पुण्डरीकाक्षं स बाह्याभ्यन्तरः शुचिः
apavitraḥ pavitro vā sarvāvasthāṃ gato'pi vā || yaḥ smaretpuṇḍarīkākṣaṃ sa bāhyābhyantaraḥ śuciḥ
Sanskrit only: no published translation is held for this verse.
कर्मारम्भे च मध्ये वा शेषे विष्णुं च यः स्मरेत् ।। परिपूर्णं तस्य कर्म वैदिकं च भवेद्द्विज
karmārambhe ca madhye vā śeṣe viṣṇuṃ ca yaḥ smaret || paripūrṇaṃ tasya karma vaidikaṃ ca bhaveddvija
Sanskrit only: no published translation is held for this verse.
अहं स्रष्टा च जगतां विधाता संहरो हरः ।। धर्मश्च कर्मणां साक्षी यस्याज्ञापरिपालकः
ahaṃ sraṣṭā ca jagatāṃ vidhātā saṃharo haraḥ || dharmaśca karmaṇāṃ sākṣī yasyājñāparipālakaḥ
Sanskrit only: no published translation is held for this verse.
कालः संहरते लोकान्यमः शास्ता च पापिनाम् ।। उपैति मृत्युः सर्वांश्च भिया यस्याज्ञया सदा
kālaḥ saṃharate lokānyamaḥ śāstā ca pāpinām || upaiti mṛtyuḥ sarvāṃśca bhiyā yasyājñayā sadā
Sanskrit only: no published translation is held for this verse.
सर्वेशा या च सर्वाद्या प्रकृतिः सर्वसूः पुरा ।। सा भीता यस्य पुरतो यस्याज्ञापरिपालिका
sarveśā yā ca sarvādyā prakṛtiḥ sarvasūḥ purā || sā bhītā yasya purato yasyājñāparipālikā
Sanskrit only: no published translation is held for this verse.
महेश्वर उवाच ।। पुत्राणां ब्रह्मणस्तेषां कस्य वंशोद्भवो भवान् ।। वेदानधीत्य भवता ज्ञातः कः सार एव च
maheśvara uvāca || putrāṇāṃ brahmaṇasteṣāṃ kasya vaṃśodbhavo bhavān || vedānadhītya bhavatā jñātaḥ kaḥ sāra eva ca
Sanskrit only: no published translation is held for this verse.
शिष्यः कस्य मुनीन्द्रस्य कस्त्वं नाम्ना च भो द्विज ।। बिभर्त्त्यर्कातिरिक्तं च शिशुरूपोऽसि साम्प्रतम्
śiṣyaḥ kasya munīndrasya kastvaṃ nāmnā ca bho dvija || bibharttyarkātiriktaṃ ca śiśurūpo'si sāmpratam
Sanskrit only: no published translation is held for this verse.
विडम्बयसि देवांश्च विष्णुमस्माकमीश्वरम् ।। हृदिस्थं च न जानासि परमात्मानमीश्वरम्
viḍambayasi devāṃśca viṣṇumasmākamīśvaram || hṛdisthaṃ ca na jānāsi paramātmānamīśvaram
Sanskrit only: no published translation is held for this verse.
यस्मिन्गते पतेद्देहो देहिनां परमात्मनि ।। प्रयान्ति सर्वे तत्पश्चान्नरदेवानुगा इव
yasmingate pateddeho dehināṃ paramātmani || prayānti sarve tatpaścānnaradevānugā iva
Sanskrit only: no published translation is held for this verse.
जीवस्तत्प्रतिबिम्बश्च मनो ज्ञानं च चेतना ।। प्राणाश्चेन्द्रियवर्गाश्च बुद्धिर्मेधा धृतिः स्मृतिः
jīvastatpratibimbaśca mano jñānaṃ ca cetanā || prāṇāścendriyavargāśca buddhirmedhā dhṛtiḥ smṛtiḥ
Sanskrit only: no published translation is held for this verse.
निद्रा दया च तन्द्रा च क्षुत्तृष्णा पुष्टिरेव च ।। श्रद्धा संतुष्टिरिच्छा च क्षमा लज्जादिकाः स्मृताः
nidrā dayā ca tandrā ca kṣuttṛṣṇā puṣṭireva ca || śraddhā saṃtuṣṭiricchā ca kṣamā lajjādikāḥ smṛtāḥ
Sanskrit only: no published translation is held for this verse.
प्रयाति यत्पुरः शक्तिरीश्वरे गमनोन्मुखे ।। एते सर्वे च शक्तिश्च यस्याज्ञा परिपालकाः
prayāti yatpuraḥ śaktirīśvare gamanonmukhe || ete sarve ca śaktiśca yasyājñā paripālakāḥ
Sanskrit only: no published translation is held for this verse.
ईश्वरे च स्थिते देही क्षमश्च सर्वकर्मसु ।। गतेऽस्पृश्यः शवस्त्याज्यः कस्तं देही न मन्यते
īśvare ca sthite dehī kṣamaśca sarvakarmasu || gate'spṛśyaḥ śavastyājyaḥ kastaṃ dehī na manyate
Sanskrit only: no published translation is held for this verse.
स्वयं ब्रह्मा च जगतां विधाता सर्वकारकः ।। पादारविन्दमनिशं ध्यायते द्रष्टुमक्षमः
svayaṃ brahmā ca jagatāṃ vidhātā sarvakārakaḥ || pādāravindamaniśaṃ dhyāyate draṣṭumakṣamaḥ
Sanskrit only: no published translation is held for this verse.
युगलक्षं तपस्तप्तं श्रीकृष्णस्य च वेधसा ।। तदा बभूव ज्ञानी च जगत्स्रष्टुं क्षमस्तदा
yugalakṣaṃ tapastaptaṃ śrīkṛṣṇasya ca vedhasā || tadā babhūva jñānī ca jagatsraṣṭuṃ kṣamastadā
Sanskrit only: no published translation is held for this verse.
असंख्यकालं सुचिरं तपस्तप्तं हरेर्मया ।। तृप्तिं जगाम न मनस्तृप्यते केन मङ्गले
asaṃkhyakālaṃ suciraṃ tapastaptaṃ harermayā || tṛptiṃ jagāma na manastṛpyate kena maṅgale
Sanskrit only: no published translation is held for this verse.
अधुना पञ्चवक्त्रेण यन्नामगुणकीर्तनम् ।। गायन्भ्रमामि सर्वत्र निस्पृहः सर्वकर्मसु
adhunā pañcavaktreṇa yannāmaguṇakīrtanam || gāyanbhramāmi sarvatra nispṛhaḥ sarvakarmasu
Sanskrit only: no published translation is held for this verse.
मत्तो याति च मृत्युश्च यन्नामगुणकीर्त्तनात् ।। शश्वजपन्तं तन्नाम दृष्ट्वा मृत्युः पलायते
matto yāti ca mṛtyuśca yannāmaguṇakīrttanāt || śaśvajapantaṃ tannāma dṛṣṭvā mṛtyuḥ palāyate
Sanskrit only: no published translation is held for this verse.
सर्वब्रह्माण्डसंहर्त्ताऽप्यहं मृत्युंजयाभिधः ।। सुचिरं तपसा यस्य गुणनामानुकीर्त्तनात्
sarvabrahmāṇḍasaṃharttā'pyahaṃ mṛtyuṃjayābhidhaḥ || suciraṃ tapasā yasya guṇanāmānukīrttanāt
Sanskrit only: no published translation is held for this verse.
काले तत्र विलीनोऽहमाविर्भूतस्ततः पुनः ।। न कालो मम संहर्त्ता न मृत्युर्यत्प्रसादतः
kāle tatra vilīno'hamāvirbhūtastataḥ punaḥ || na kālo mama saṃharttā na mṛtyuryatprasādataḥ
Sanskrit only: no published translation is held for this verse.
गोलोके यः स वैकुण्ठे श्वेतद्वीपे स एव च ।। अंशांशिनोर्न भेदश्च ब्रह्मन्वह्निस्फुलिङ्गवत्
goloke yaḥ sa vaikuṇṭhe śvetadvīpe sa eva ca || aṃśāṃśinorna bhedaśca brahmanvahnisphuliṅgavat
Sanskrit only: no published translation is held for this verse.
मन्वन्तरं तु दिव्यानां युगानामेकसप्ततिः ।। अष्टाविंशतिमे शक्रे गते च ब्रह्मणो दिनम्
manvantaraṃ tu divyānāṃ yugānāmekasaptatiḥ || aṣṭāviṃśatime śakre gate ca brahmaṇo dinam
Sanskrit only: no published translation is held for this verse.
एतत्संख्याविशिष्टस्य शतवर्षायुषो विधेः ।। पाते लोचनपातश्च यद्विष्णोः परमात्मनः
etatsaṃkhyāviśiṣṭasya śatavarṣāyuṣo vidheḥ || pāte locanapātaśca yadviṣṇoḥ paramātmanaḥ
Sanskrit only: no published translation is held for this verse.
अहं कलानामृषभः कृष्णस्य परमात्मनः ।। परं महिम्नः को गच्छेन्न जानामि च किञ्चन
ahaṃ kalānāmṛṣabhaḥ kṛṣṇasya paramātmanaḥ || paraṃ mahimnaḥ ko gacchenna jānāmi ca kiñcana
Sanskrit only: no published translation is held for this verse.
इत्युक्त्वा शङ्करस्तत्र विरराम च शौनक ।। धर्मश्च वक्तुमारेभे यः साक्षी सर्वकर्मणाम्
ityuktvā śaṅkarastatra virarāma ca śaunaka || dharmaśca vaktumārebhe yaḥ sākṣī sarvakarmaṇām
Sanskrit only: no published translation is held for this verse.
धर्म उवाच ।। यत्पाणिपादौ सर्वत्र चक्षुश्च सर्वदर्शनम् ।। सर्वान्तरात्मा प्रत्यक्षोऽप्रत्यक्षश्च दुरात्मनः
dharma uvāca || yatpāṇipādau sarvatra cakṣuśca sarvadarśanam || sarvāntarātmā pratyakṣo'pratyakṣaśca durātmanaḥ
Sanskrit only: no published translation is held for this verse.
अधुनाऽपि सभां विष्णुर्नायात इति यद्वचः ।। त्वयोक्तं तत्कया बुद्ध्या मुनीनां च मतिभ्रमः
adhunā'pi sabhāṃ viṣṇurnāyāta iti yadvacaḥ || tvayoktaṃ tatkayā buddhyā munīnāṃ ca matibhramaḥ
Sanskrit only: no published translation is held for this verse.
महन्निन्दा भवेद्यत्र नैव साधु शृणोति ताम् ।। निन्दकः श्रोतृभिः सार्द्धं कुम्भीपाकं व्रजेद्युगम्
mahannindā bhavedyatra naiva sādhu śṛṇoti tām || nindakaḥ śrotṛbhiḥ sārddhaṃ kumbhīpākaṃ vrajedyugam
Sanskrit only: no published translation is held for this verse.
श्रुत्वा दैवान्महन्निन्दां श्रीविष्णोः स्मरणाद् बुधः ।। मुच्यते सर्वपापेभ्यः पुण्यं प्राप्नोति दुर्लभम्
śrutvā daivānmahannindāṃ śrīviṣṇoḥ smaraṇād budhaḥ || mucyate sarvapāpebhyaḥ puṇyaṃ prāpnoti durlabham
Sanskrit only: no published translation is held for this verse.
कामतोऽकामतो वाऽपि विष्णुनिन्दां करोति यः ।। शृणोति यो हसति वा सभामध्ये नराधमः
kāmato'kāmato vā'pi viṣṇunindāṃ karoti yaḥ || śṛṇoti yo hasati vā sabhāmadhye narādhamaḥ
Sanskrit only: no published translation is held for this verse.
कुम्भीपाके पचति स यावद्धि ब्रह्मणो वयः ।। स्थलं भवेदपूतं च सुरापात्रं यथा द्विज
kumbhīpāke pacati sa yāvaddhi brahmaṇo vayaḥ || sthalaṃ bhavedapūtaṃ ca surāpātraṃ yathā dvija
Sanskrit only: no published translation is held for this verse.
प्राणी च नरकं याति श्रुतं तत्रैव चेद्ध्रुवम् ।। विष्णुनिन्दा च त्रिविधा ब्रह्मणा कथिता पुरा
prāṇī ca narakaṃ yāti śrutaṃ tatraiva ceddhruvam || viṣṇunindā ca trividhā brahmaṇā kathitā purā
Sanskrit only: no published translation is held for this verse.
अप्रत्यक्षं च कुरुते किं वा तं च न मन्यते।।। देवान्यसाम्यं कुरुते ज्ञानहीनो नराधमः
apratyakṣaṃ ca kurute kiṃ vā taṃ ca na manyate||| devānyasāmyaṃ kurute jñānahīno narādhamaḥ
Sanskrit only: no published translation is held for this verse.
तस्यात्र निष्कृतिर्नास्ति यावद्वै ब्रह्मणः शतम् ।। गुरोर्निन्दां यः करोति पितुर्निन्दां नराधमः ।। स याति कालसूत्रं च यावच्चन्द्रदिवाकरौ
tasyātra niṣkṛtirnāsti yāvadvai brahmaṇaḥ śatam || gurornindāṃ yaḥ karoti piturnindāṃ narādhamaḥ || sa yāti kālasūtraṃ ca yāvaccandradivākarau
Sanskrit only: no published translation is held for this verse.
विष्णुर्गुरुश्च सर्वेषां जनको ज्ञानदायकः ।। पोष्टा पाता भयत्राता वरदाता जगत्त्रये
viṣṇurguruśca sarveṣāṃ janako jñānadāyakaḥ || poṣṭā pātā bhayatrātā varadātā jagattraye
Sanskrit only: no published translation is held for this verse.
एषां च वचनं श्रुत्वा त्रयाणां विप्रपुङ्गव ।। प्रहस्योवाच तान्देवान्वाचा मधुरया पुनः
eṣāṃ ca vacanaṃ śrutvā trayāṇāṃ viprapuṅgava || prahasyovāca tāndevānvācā madhurayā punaḥ
Sanskrit only: no published translation is held for this verse.
ब्राह्मण उवाच ।। का कृता विष्णुनिन्दाऽहो हे देवा धर्मशालिनः ।। नागतो हरिरत्रेति व्यर्थाऽऽकाशसरस्वती
brāhmaṇa uvāca || kā kṛtā viṣṇunindā'ho he devā dharmaśālinaḥ || nāgato hariratreti vyarthā''kāśasarasvatī
Sanskrit only: no published translation is held for this verse.
इति प्रोक्तं मया भद्रं ब्रूत धर्मार्थमीश्वराः ।। सभायां पाक्षिकाः सन्तो घ्नन्ति स्म शतपूरुषम्
iti proktaṃ mayā bhadraṃ brūta dharmārthamīśvarāḥ || sabhāyāṃ pākṣikāḥ santo ghnanti sma śatapūruṣam
Sanskrit only: no published translation is held for this verse.
यूयं च भावुका ब्रूत विष्णुः सर्वत्र सन्ततम् ।। इति चेत्तत्कथं याताः श्वेतद्वीपं वराय च
yūyaṃ ca bhāvukā brūta viṣṇuḥ sarvatra santatam || iti cettatkathaṃ yātāḥ śvetadvīpaṃ varāya ca
Sanskrit only: no published translation is held for this verse.
अंशांशिनोर्न भेदश्चेदात्मनश्चेति निश्चितम्।। कलां हित्वा निषेवन्ते सन्तः पूर्णतमं कथम्
aṃśāṃśinorna bhedaścedātmanaśceti niścitam|| kalāṃ hitvā niṣevante santaḥ pūrṇatamaṃ katham
Sanskrit only: no published translation is held for this verse.
कोटिजन्मदुराराध्यमसाध्यमसतामपि ।। आशा बलवती पुंसां कृष्णं सेवितुमिच्छति
koṭijanmadurārādhyamasādhyamasatāmapi || āśā balavatī puṃsāṃ kṛṣṇaṃ sevitumicchati
Sanskrit only: no published translation is held for this verse.
किं क्षुद्राः किं महान्तश्च वाञ्छन्ति परमं पदम् ।। लब्धुमिच्छति चन्द्रं च बाहुभ्यां वामनो यथा
kiṃ kṣudrāḥ kiṃ mahāntaśca vāñchanti paramaṃ padam || labdhumicchati candraṃ ca bāhubhyāṃ vāmano yathā
Sanskrit only: no published translation is held for this verse.
यो विष्णुर्विषयी विश्वे श्वेतद्वीपनिवासकृत्।। यूयं ब्रह्मेशधर्माश्च दिक्पालाश्च दिगीश्वराः
yo viṣṇurviṣayī viśve śvetadvīpanivāsakṛt|| yūyaṃ brahmeśadharmāśca dikpālāśca digīśvarāḥ
Sanskrit only: no published translation is held for this verse.
ब्रह्मविष्णुशिवाद्याश्च सुरलोकाश्चराचराः ।। एवं कतिविधाः सन्ति प्रतिविश्वेषु सन्ततम्
brahmaviṣṇuśivādyāśca suralokāścarācarāḥ || evaṃ katividhāḥ santi prativiśveṣu santatam
Sanskrit only: no published translation is held for this verse.
विश्वानां च सुराणां च कः संख्यां कर्तुमीश्वरः ।। सर्वेषामीश्वरः कृष्णो भक्तानुग्रहविग्रहः
viśvānāṃ ca surāṇāṃ ca kaḥ saṃkhyāṃ kartumīśvaraḥ || sarveṣāmīśvaraḥ kṛṣṇo bhaktānugrahavigrahaḥ
Sanskrit only: no published translation is held for this verse.
ऊर्ध्वं च सर्वब्रह्माण्डाद्वैकुण्ठं सत्यमीप्सितम् ।। तस्मादूर्ध्वं च गोलोकः पञ्चाशत्कोटियोजनम्
ūrdhvaṃ ca sarvabrahmāṇḍādvaikuṇṭhaṃ satyamīpsitam || tasmādūrdhvaṃ ca golokaḥ pañcāśatkoṭiyojanam
Sanskrit only: no published translation is held for this verse.
चतुर्भुजश्च वैकुण्ठे लक्ष्मीकान्तः सनातनः ।। सुनन्दनन्दकुमुदपार्षदादिभिरावृतः
caturbhujaśca vaikuṇṭhe lakṣmīkāntaḥ sanātanaḥ || sunandanandakumudapārṣadādibhirāvṛtaḥ
Sanskrit only: no published translation is held for this verse.
गोलोके द्विभुजः कृष्णो राधाकान्तः सनातनः ।। गोपाङ्गनादिभिर्युक्तो द्विभुजैर्वोपपार्षदैः
goloke dvibhujaḥ kṛṣṇo rādhākāntaḥ sanātanaḥ || gopāṅganādibhiryukto dvibhujairvopapārṣadaiḥ
Sanskrit only: no published translation is held for this verse.
तज्ज्योतिर्मण्डलाकारं सूर्य्यकोटिसमप्रभम् ।। ध्यायन्ते योगिनः सन्तः सन्ततं च निरामयम्
tajjyotirmaṇḍalākāraṃ sūryyakoṭisamaprabham || dhyāyante yoginaḥ santaḥ santataṃ ca nirāmayam
Sanskrit only: no published translation is held for this verse.
नवीननीरदश्यामं द्विभुजं पीतवाससम् ।। कोटिकन्दर्पलावण्यलीलाधाम मनोहरम्
navīnanīradaśyāmaṃ dvibhujaṃ pītavāsasam || koṭikandarpalāvaṇyalīlādhāma manoharam
Sanskrit only: no published translation is held for this verse.
किशोरनयनं शश्वच्छान्तं सस्मितमी श्वरम् ।। ध्यायन्ते वैष्णवाः सन्तः सेवन्ते सत्यविग्रहम्
kiśoranayanaṃ śaśvacchāntaṃ sasmitamī śvaram || dhyāyante vaiṣṇavāḥ santaḥ sevante satyavigraham
Sanskrit only: no published translation is held for this verse.
परिपूर्णतमं ब्रह्म स चात्मा सर्वदेहिनाम् ।। स्वेच्छामयश्च विहरेद्रासे वृन्दावने सदा
paripūrṇatamaṃ brahma sa cātmā sarvadehinām || svecchāmayaśca viharedrāse vṛndāvane sadā
Sanskrit only: no published translation is held for this verse.
यस्य वंशोद्भवोऽहं च यस्य शिष्यश्च बालकः ।। तस्येदं वचनं ज्ञानं देवसंघा निबोधत ।।
yasya vaṃśodbhavo'haṃ ca yasya śiṣyaśca bālakaḥ || tasyedaṃ vacanaṃ jñānaṃ devasaṃghā nibodhata ||
Sanskrit only: no published translation is held for this verse.
शीघ्रं जीवय गन्धर्वं देवेश्वर सुरेश्वर ।। व्यक्ते विचारे मूर्खः को वाग्युद्धे किं प्रयोजनम्
śīghraṃ jīvaya gandharvaṃ deveśvara sureśvara || vyakte vicāre mūrkhaḥ ko vāgyuddhe kiṃ prayojanam
Sanskrit only: no published translation is held for this verse.
इत्युक्त्वा बालकस्तत्र विप्ररूपी जनार्दनः ।। विरराम सभामध्ये प्रजहास च शौनक
ityuktvā bālakastatra viprarūpī janārdanaḥ || virarāma sabhāmadhye prajahāsa ca śaunaka
Sanskrit only: no published translation is held for this verse.