Library·Brahmavaivarta Purāṇa·1·1.18
सौतिरुवाच ।। देवाः सार्द्धं ब्राह्मणेन मोहिता विष्णुमायया ।। प्रययुर्मालतीमूलं ब्रह्मेशानपुरोगमाः
sautiruvāca || devāḥ sārddhaṃ brāhmaṇena mohitā viṣṇumāyayā || prayayurmālatīmūlaṃ brahmeśānapurogamāḥ
Sanskrit only: no published translation is held for this verse.
ब्रह्मा कमण्डलुजलं ददौ गात्रे शवस्य च ।। संचारं मनसस्तस्य चकार सुन्दरं वपुः
brahmā kamaṇḍalujalaṃ dadau gātre śavasya ca || saṃcāraṃ manasastasya cakāra sundaraṃ vapuḥ
Sanskrit only: no published translation is held for this verse.
ज्ञानदानं ददौ तस्मै ज्ञानानन्दः शिवः स्वयम् ।। धर्मज्ञानं स्वयं धर्मो जीवदानं च ब्राह्मणः
jñānadānaṃ dadau tasmai jñānānandaḥ śivaḥ svayam || dharmajñānaṃ svayaṃ dharmo jīvadānaṃ ca brāhmaṇaḥ
Sanskrit only: no published translation is held for this verse.
वह्निदर्शनमात्रेण बभूव जठरानलः ।। कामदर्शनमात्रेण सर्वकामः सुनिश्चितम्
vahnidarśanamātreṇa babhūva jaṭharānalaḥ || kāmadarśanamātreṇa sarvakāmaḥ suniścitam
Sanskrit only: no published translation is held for this verse.
तस्य वायोरधिष्ठानाज्जगत्प्राणस्वरूपिणः ।। निश्वासस्य च सञ्चारः प्राणानां च बभूव ह।।
tasya vāyoradhiṣṭhānājjagatprāṇasvarūpiṇaḥ || niśvāsasya ca sañcāraḥ prāṇānāṃ ca babhūva ha||
Sanskrit only: no published translation is held for this verse.
सर्व्वाधिष्ठानमात्रेण दृष्टिशक्तिर्बभूव ह ।। वाक्यं वाणीदर्शनेन शोभा श्रीदर्शनेन च
sarvvādhiṣṭhānamātreṇa dṛṣṭiśaktirbabhūva ha || vākyaṃ vāṇīdarśanena śobhā śrīdarśanena ca
Sanskrit only: no published translation is held for this verse.
शवस्तथाऽपि नोत्तस्थौ यथा शेते जडस्तथा ।। विशिष्टबोधनं प्राप चाधिष्ठानं विनाऽऽत्मनः
śavastathā'pi nottasthau yathā śete jaḍastathā || viśiṣṭabodhanaṃ prāpa cādhiṣṭhānaṃ vinā''tmanaḥ
Sanskrit only: no published translation is held for this verse.
ब्रह्मणो वचनात्साध्वी तुष्टाव परमेश्वरम् ।। स्नात्वा शीघ्रं सरित्तोये धृत्वा धौते च वाससी
brahmaṇo vacanātsādhvī tuṣṭāva parameśvaram || snātvā śīghraṃ sarittoye dhṛtvā dhaute ca vāsasī
Sanskrit only: no published translation is held for this verse.
मालावत्युवाच ।। वन्दे तं परमात्मानं सर्वकारणकारणम् ।। विना येन शवाः सर्वे प्राणिनो जगतीतले
mālāvatyuvāca || vande taṃ paramātmānaṃ sarvakāraṇakāraṇam || vinā yena śavāḥ sarve prāṇino jagatītale
Sanskrit only: no published translation is held for this verse.
निर्लिप्तं साक्षिरूपं च सर्वेषां सर्वकर्मसु ।। विद्यमानं न दृष्टं च सर्वैः सर्वत्र सर्वदा
nirliptaṃ sākṣirūpaṃ ca sarveṣāṃ sarvakarmasu || vidyamānaṃ na dṛṣṭaṃ ca sarvaiḥ sarvatra sarvadā
Sanskrit only: no published translation is held for this verse.
येन सृष्टा च प्रकृतिः सर्वाधारो परात्परा ।। ब्रह्मविष्णुशिवादीनां प्रसूर्या त्रिगुणात्मिका
yena sṛṣṭā ca prakṛtiḥ sarvādhāro parātparā || brahmaviṣṇuśivādīnāṃ prasūryā triguṇātmikā
Sanskrit only: no published translation is held for this verse.
जगत्स्रष्टा स्वयं ब्रह्मा नियतो यस्य सेवया ।। पाता विष्णुश्च जगतां संहर्त्ता शङ्करः स्वयम्
jagatsraṣṭā svayaṃ brahmā niyato yasya sevayā || pātā viṣṇuśca jagatāṃ saṃharttā śaṅkaraḥ svayam
Sanskrit only: no published translation is held for this verse.
ध्यायन्ते यं सुराः सर्वे मुनयो मनवस्तथा ।। सिद्धाश्च योगिनः सन्तः सन्ततं प्रकृतेः परम्
dhyāyante yaṃ surāḥ sarve munayo manavastathā || siddhāśca yoginaḥ santaḥ santataṃ prakṛteḥ param
Sanskrit only: no published translation is held for this verse.
साकारं च निराकारं परं स्वेच्छामयं विभुम् ।। वरं वरेण्यं वरदं वरार्हं वरकारणम्
sākāraṃ ca nirākāraṃ paraṃ svecchāmayaṃ vibhum || varaṃ vareṇyaṃ varadaṃ varārhaṃ varakāraṇam
Sanskrit only: no published translation is held for this verse.
तपःफलं तपोबीजं तपसां च फलप्रदम् ।। स्वयंतपःस्वरूपं च सर्वरूपं च सर्वतः
tapaḥphalaṃ tapobījaṃ tapasāṃ ca phalapradam || svayaṃtapaḥsvarūpaṃ ca sarvarūpaṃ ca sarvataḥ
Sanskrit only: no published translation is held for this verse.
सर्वाधारं सर्वबीजं कर्म तत्कर्मणां फलम् ।। तेषां च फलदातारं तद्बीजं क्षयकारणम्
sarvādhāraṃ sarvabījaṃ karma tatkarmaṇāṃ phalam || teṣāṃ ca phaladātāraṃ tadbījaṃ kṣayakāraṇam
Sanskrit only: no published translation is held for this verse.
स्वयंतेजःस्वरूपं च भक्तानुग्रहविग्रहम् ।। सेवाध्यानं न घटते भक्तानां विग्रहं विना
svayaṃtejaḥsvarūpaṃ ca bhaktānugrahavigraham || sevādhyānaṃ na ghaṭate bhaktānāṃ vigrahaṃ vinā
Sanskrit only: no published translation is held for this verse.
तत्तेजो मण्डलाकारं सूर्यकोटिसमप्रभम् ।। अतीव कमनीयं च रूपं तत्र मनोहरम्
tattejo maṇḍalākāraṃ sūryakoṭisamaprabham || atīva kamanīyaṃ ca rūpaṃ tatra manoharam
Sanskrit only: no published translation is held for this verse.
नवीननीरदश्यामं शरत्पङ्कजलोचनम् ।। शरत्पार्वणचन्द्रास्यमीषद्धास्यसमन्वितम्
navīnanīradaśyāmaṃ śaratpaṅkajalocanam || śaratpārvaṇacandrāsyamīṣaddhāsyasamanvitam
Sanskrit only: no published translation is held for this verse.
कोटिकन्दर्पलावण्यं लीलाधाम मनोहरम् ।। चन्दनोक्षितसर्वाङ्गं रत्नभूषणभूषितम् ।।
koṭikandarpalāvaṇyaṃ līlādhāma manoharam || candanokṣitasarvāṅgaṃ ratnabhūṣaṇabhūṣitam ||
Sanskrit only: no published translation is held for this verse.
द्विभुजं मुरलीहस्तं पीतकौशेयवाससम् ।। किशोरवयसं शान्तं राधाकान्तमनन्तकम्
dvibhujaṃ muralīhastaṃ pītakauśeyavāsasam || kiśoravayasaṃ śāntaṃ rādhākāntamanantakam
Sanskrit only: no published translation is held for this verse.
गोपाङ्गनापरिवृतं कुत्रचिन्निर्जने वने ।। कुत्रचिद्रासमध्यस्थं राधया परिषेवितम्
gopāṅganāparivṛtaṃ kutracinnirjane vane || kutracidrāsamadhyasthaṃ rādhayā pariṣevitam
Sanskrit only: no published translation is held for this verse.
कुत्रचिद्गोपवेषं च वेष्टितं गोपबालकैः ।। शतशृङ्गाचलोत्कृष्टे रम्ये वृन्दावने वने
kutracidgopaveṣaṃ ca veṣṭitaṃ gopabālakaiḥ || śataśṛṅgācalotkṛṣṭe ramye vṛndāvane vane
Sanskrit only: no published translation is held for this verse.
निकरं कामधेनूनां रक्षन्तं शिशुरूपिणम् ।। गोलोके विरजातीरे पारिजातवने वने
nikaraṃ kāmadhenūnāṃ rakṣantaṃ śiśurūpiṇam || goloke virajātīre pārijātavane vane
Sanskrit only: no published translation is held for this verse.
वेणुं क्वणन्तं मधुरं गोपीसम्मोहकारणम् ।। निरामये च वैकुंठे कुत्रचिच्च चतुर्भुजम्
veṇuṃ kvaṇantaṃ madhuraṃ gopīsammohakāraṇam || nirāmaye ca vaikuṃṭhe kutracicca caturbhujam
Sanskrit only: no published translation is held for this verse.
लक्ष्मीकान्तं पार्षदैश्च सेवितं च चतुर्भुजैः ।। कुत्रचित्स्वांशरूपेण जगतां पालनाय च
lakṣmīkāntaṃ pārṣadaiśca sevitaṃ ca caturbhujaiḥ || kutracitsvāṃśarūpeṇa jagatāṃ pālanāya ca
Sanskrit only: no published translation is held for this verse.
श्वेतद्वीपे विष्णुरूपं पद्मया परिषेवितम् ।। कुत्रचित्स्वांशकलया ब्रह्माण्डब्रह्मरूपिणम्
śvetadvīpe viṣṇurūpaṃ padmayā pariṣevitam || kutracitsvāṃśakalayā brahmāṇḍabrahmarūpiṇam
Sanskrit only: no published translation is held for this verse.
शिवस्वरूपं शिवदं स्वांशेन शिवरूपिणम् ।। स्वात्मनः षोडशांशेन सर्वाधारं परात्परम्
śivasvarūpaṃ śivadaṃ svāṃśena śivarūpiṇam || svātmanaḥ ṣoḍaśāṃśena sarvādhāraṃ parātparam
Sanskrit only: no published translation is held for this verse.
स्वयं महद्विराड्रूपं विश्वौघं यस्य लोमसु ।। लीलया स्वांशकलया जगतां पालनाय च
svayaṃ mahadvirāḍrūpaṃ viśvaughaṃ yasya lomasu || līlayā svāṃśakalayā jagatāṃ pālanāya ca
Sanskrit only: no published translation is held for this verse.
नानावतारं बिभ्रन्तं बीजं तेषां सनातनम्।। वसन्तं कुत्रचित्सन्तं योगिनां हृदये सताम्
nānāvatāraṃ bibhrantaṃ bījaṃ teṣāṃ sanātanam|| vasantaṃ kutracitsantaṃ yogināṃ hṛdaye satām
Sanskrit only: no published translation is held for this verse.
प्राणरूपं प्राणिनां च परमात्मानमीश्वरम्।। तं च स्तोतुमशक्ताऽहमबला निर्गुणं विभुम्
prāṇarūpaṃ prāṇināṃ ca paramātmānamīśvaram|| taṃ ca stotumaśaktā'hamabalā nirguṇaṃ vibhum
Sanskrit only: no published translation is held for this verse.
निर्लक्ष्यं च निरीहं च सारं वाङ्मनसोः परम् ।। यं स्तोतुमक्षमोऽनन्तः सहस्रवदनेन च
nirlakṣyaṃ ca nirīhaṃ ca sāraṃ vāṅmanasoḥ param || yaṃ stotumakṣamo'nantaḥ sahasravadanena ca
Sanskrit only: no published translation is held for this verse.
पञ्चवक्त्रश्चतुर्वक्त्रो गजवक्त्रः षडाननः ।। यं स्तोतुं न क्षमा माया मोहिता यस्य मायया
pañcavaktraścaturvaktro gajavaktraḥ ṣaḍānanaḥ || yaṃ stotuṃ na kṣamā māyā mohitā yasya māyayā
Sanskrit only: no published translation is held for this verse.
यं स्तोतुं न क्षमा श्रीश्च जडीभूता सरस्वती ।। वेदा न शक्ता यं स्तोतुं को वा विद्वांश्च वेदवित्
yaṃ stotuṃ na kṣamā śrīśca jaḍībhūtā sarasvatī || vedā na śaktā yaṃ stotuṃ ko vā vidvāṃśca vedavit
Sanskrit only: no published translation is held for this verse.
किं स्तौमि तमनीहं च शोकार्त्ता स्त्री परात्परम् ।। इत्युक्त्वा सा च गान्धर्वी विरराम रुरोद च
kiṃ staumi tamanīhaṃ ca śokārttā strī parātparam || ityuktvā sā ca gāndharvī virarāma ruroda ca
Sanskrit only: no published translation is held for this verse.
कृपानिधिं प्रणनाम भयार्ता च पुनः पुनः ।। कृष्णश्च शक्तिभिः सार्द्धमधिष्ठानं चकार ह
kṛpānidhiṃ praṇanāma bhayārtā ca punaḥ punaḥ || kṛṣṇaśca śaktibhiḥ sārddhamadhiṣṭhānaṃ cakāra ha
Sanskrit only: no published translation is held for this verse.
भर्तुरस्यान्तरे तस्याः परमात्मा निराकृतिः ।।। उत्थाय शीघ्रं वीणां च धृत्वा स्नात्वा च वाससी
bharturasyāntare tasyāḥ paramātmā nirākṛtiḥ ||| utthāya śīghraṃ vīṇāṃ ca dhṛtvā snātvā ca vāsasī
Sanskrit only: no published translation is held for this verse.
प्रणनाम देवसंघं ब्राह्मणं पुरतः स्थितम् ।। नेदुर्दुन्दुभयो देवाः पुष्पवृष्टिं च चक्रिरे
praṇanāma devasaṃghaṃ brāhmaṇaṃ purataḥ sthitam || nedurdundubhayo devāḥ puṣpavṛṣṭiṃ ca cakrire
Sanskrit only: no published translation is held for this verse.
दृष्ट्वा चोपरि दम्पत्योः प्रददुः परमाशिषम् ।। गन्धर्वो देवपुरतो ननर्त्त च जगौ क्षणम्
dṛṣṭvā copari dampatyoḥ pradaduḥ paramāśiṣam || gandharvo devapurato nanartta ca jagau kṣaṇam
Sanskrit only: no published translation is held for this verse.
जीवितं पुरतः प्राप देवानां च वरेण च ।। जगाम पत्न्या सार्द्धं च पित्रा मात्रा च हर्षितः
jīvitaṃ purataḥ prāpa devānāṃ ca vareṇa ca || jagāma patnyā sārddhaṃ ca pitrā mātrā ca harṣitaḥ
Sanskrit only: no published translation is held for this verse.
उपबर्हणगन्धर्वो गन्धर्वनगरं पुनः ।। मालावती रत्नकोटिं धनानि विविधानि च
upabarhaṇagandharvo gandharvanagaraṃ punaḥ || mālāvatī ratnakoṭiṃ dhanāni vividhāni ca
Sanskrit only: no published translation is held for this verse.
प्रददौ ब्राह्मणेभ्यश्च भोजयामास तान्सती ।। वेदांश्च पाठयामास कारयामास मङ्गलम्
pradadau brāhmaṇebhyaśca bhojayāmāsa tānsatī || vedāṃśca pāṭhayāmāsa kārayāmāsa maṅgalam
Sanskrit only: no published translation is held for this verse.
महोत्सवं च विविधं हरेर्नामैकमङ्गलम् ।। जग्मुर्देवाश्च स्वस्थानं विप्ररूपी हरिः स्वयम्
mahotsavaṃ ca vividhaṃ harernāmaikamaṅgalam || jagmurdevāśca svasthānaṃ viprarūpī hariḥ svayam
Sanskrit only: no published translation is held for this verse.
एतत्ते कथितं सर्वं स्तवराजं च शौनक ।। इदं स्तोत्रं पुण्यरूपं पूजाकाले तु यः पठेत्
etatte kathitaṃ sarvaṃ stavarājaṃ ca śaunaka || idaṃ stotraṃ puṇyarūpaṃ pūjākāle tu yaḥ paṭhet
Sanskrit only: no published translation is held for this verse.
हरिभक्तिं हरेर्दास्यं लभते वैष्णवोजनः।। वरार्थी यः पठेद्भक्त्या चास्तिकः परमास्थया
haribhaktiṃ harerdāsyaṃ labhate vaiṣṇavojanaḥ|| varārthī yaḥ paṭhedbhaktyā cāstikaḥ paramāsthayā
Sanskrit only: no published translation is held for this verse.
धर्मार्थकाममोक्षाणां निश्चितं लभते फलम् ।। विद्यार्थी लभते विद्यां धनार्थी लभते धनम्
dharmārthakāmamokṣāṇāṃ niścitaṃ labhate phalam || vidyārthī labhate vidyāṃ dhanārthī labhate dhanam
Sanskrit only: no published translation is held for this verse.
भार्य्यार्थी लभते भार्य्यां पुत्रार्थी लभते सुतम् ।। धर्मार्थी लभते धर्मं यशोऽर्थी लभते यशः
bhāryyārthī labhate bhāryyāṃ putrārthī labhate sutam || dharmārthī labhate dharmaṃ yaśo'rthī labhate yaśaḥ
Sanskrit only: no published translation is held for this verse.
भ्रष्टराज्यो लभेद्राज्यं प्रजाभ्रष्टः प्रजां लभेत् ।। रोगार्त्तो मुच्यते रोगाद्बद्धो मुच्येत बन्धनात्
bhraṣṭarājyo labhedrājyaṃ prajābhraṣṭaḥ prajāṃ labhet || rogārtto mucyate rogādbaddho mucyeta bandhanāt
Sanskrit only: no published translation is held for this verse.
भयान्मुच्येत भीतस्तु धनं नष्टधनो लभेत् ।। दस्युग्रस्तो महारण्ये हिंस्रजन्तुसमन्वितः ।। दावाग्निदग्धो मुच्येत निमग्नश्च जलार्णवे
bhayānmucyeta bhītastu dhanaṃ naṣṭadhano labhet || dasyugrasto mahāraṇye hiṃsrajantusamanvitaḥ || dāvāgnidagdho mucyeta nimagnaśca jalārṇave
Sanskrit only: no published translation is held for this verse.