Library·Brahmavaivarta Purāṇa·1·1.19
सौतिरुवाच ।। मालावती धनं दत्त्वा ब्राह्मणेभ्यः प्रहर्षिता ।। चकार विविधं वेशं स्वात्मनः स्वामिनः कृते
sautiruvāca || mālāvatī dhanaṃ dattvā brāhmaṇebhyaḥ praharṣitā || cakāra vividhaṃ veśaṃ svātmanaḥ svāminaḥ kṛte
Sanskrit only: no published translation is held for this verse.
भर्तुश्चकार शुश्रूषां पूजां च समयोचिताम्।। तेन सार्द्धं सुरसिका रेमे सा सुचिरं मुदा
bhartuścakāra śuśrūṣāṃ pūjāṃ ca samayocitām|| tena sārddhaṃ surasikā reme sā suciraṃ mudā
Sanskrit only: no published translation is held for this verse.
महापुरुषस्तोत्रं च पूजां च कवचं मनुम्।। विस्मृतं बोधयामास स्वयं रहसि सुव्रता
mahāpuruṣastotraṃ ca pūjāṃ ca kavacaṃ manum|| vismṛtaṃ bodhayāmāsa svayaṃ rahasi suvratā
Sanskrit only: no published translation is held for this verse.
पुरा दत्तं वसिष्ठेन स्तोत्रपूजादिकं हरेः ।। गन्धर्वाय च मालत्यै मन्त्रमेकं च पुष्करे
purā dattaṃ vasiṣṭhena stotrapūjādikaṃ hareḥ || gandharvāya ca mālatyai mantramekaṃ ca puṣkare
Sanskrit only: no published translation is held for this verse.
विस्मृतं स्तोत्रकवचं वसिष्ठश्च कृपानिधिः ।। गन्धर्वराजं रहसि बोधयामास शूलिनः
vismṛtaṃ stotrakavacaṃ vasiṣṭhaśca kṛpānidhiḥ || gandharvarājaṃ rahasi bodhayāmāsa śūlinaḥ
Sanskrit only: no published translation is held for this verse.
एवं चकार राज्यं च कुबेरभवनोपमे ।। आश्रमे परमानन्दो गन्धर्वो बान्धवैः सह
evaṃ cakāra rājyaṃ ca kuberabhavanopame || āśrame paramānando gandharvo bāndhavaiḥ saha
Sanskrit only: no published translation is held for this verse.
यथातथा गताभिश्च स्त्रीभिरन्याभिरेव च ।। आगत्य ताभिः स्वस्वामी संप्राप्तः परया मुदा
yathātathā gatābhiśca strībhiranyābhireva ca || āgatya tābhiḥ svasvāmī saṃprāptaḥ parayā mudā
Sanskrit only: no published translation is held for this verse.
शौनक उवाच ।। किं स्तोत्रं कवचं विष्णोर्मन्त्रपूजाविधिः पुरा ।। दत्तो विशिष्टस्ताभ्यां च तं भवान्वक्तुमर्हति
śaunaka uvāca || kiṃ stotraṃ kavacaṃ viṣṇormantrapūjāvidhiḥ purā || datto viśiṣṭastābhyāṃ ca taṃ bhavānvaktumarhati
Sanskrit only: no published translation is held for this verse.
द्वादशाक्षरमन्त्रं च शूलिनः कवचादिकम् ।। दत्तं गन्धर्वराजाय वसिष्ठेन च किं पुरा
dvādaśākṣaramantraṃ ca śūlinaḥ kavacādikam || dattaṃ gandharvarājāya vasiṣṭhena ca kiṃ purā
Sanskrit only: no published translation is held for this verse.
तदपि ब्रूहि हे सौते श्रोतुं कौतूहलं मम ।। शङ्करस्तोत्रकवचं मन्त्रं दुर्गतिनाशनम्
tadapi brūhi he saute śrotuṃ kautūhalaṃ mama || śaṅkarastotrakavacaṃ mantraṃ durgatināśanam
Sanskrit only: no published translation is held for this verse.
सौतिरुवाच ।। तुष्टाव येन स्तोत्रेण मालती परमेश्वरम् ।। तदेव स्तोत्रं दत्तं च मन्त्रं च कवचं शृणु
sautiruvāca || tuṣṭāva yena stotreṇa mālatī parameśvaram || tadeva stotraṃ dattaṃ ca mantraṃ ca kavacaṃ śṛṇu
Sanskrit only: no published translation is held for this verse.
ॐ नमो भगवते रासमण्डलेशाय स्वाहा ।। इमं मन्त्रं कल्पतरुं प्रददौ षोडशाक्षरम्
oṃ namo bhagavate rāsamaṇḍaleśāya svāhā || imaṃ mantraṃ kalpataruṃ pradadau ṣoḍaśākṣaram
Sanskrit only: no published translation is held for this verse.
पुरा दत्तं कुमाराय ब्रह्मणा पुष्करे हरेः ।। पुरा दत्तं च कृष्णेन गोलोके शङ्कराय च
purā dattaṃ kumārāya brahmaṇā puṣkare hareḥ || purā dattaṃ ca kṛṣṇena goloke śaṅkarāya ca
Sanskrit only: no published translation is held for this verse.
ध्यानं च विष्णोर्वेदोक्तं शाश्वतं सर्वदुर्लभम् ।। मूलेन सर्वं देयं च नैवेद्यादिकमुत्तमम्
dhyānaṃ ca viṣṇorvedoktaṃ śāśvataṃ sarvadurlabham || mūlena sarvaṃ deyaṃ ca naivedyādikamuttamam
Sanskrit only: no published translation is held for this verse.
अतीव गुप्तकवचं पितुर्वक्त्रान्मया श्रुतम् ।। पित्रे दत्तं पुरा विप्र गङ्गायां शूलिना ध्रुवम्।।
atīva guptakavacaṃ piturvaktrānmayā śrutam || pitre dattaṃ purā vipra gaṅgāyāṃ śūlinā dhruvam||
Sanskrit only: no published translation is held for this verse.
शूलिने ब्रह्मणे दत्तं गोलोके रासमण्डले ।। धर्माय गोपीकान्तेन कृपया परमाद्भुतम्
śūline brahmaṇe dattaṃ goloke rāsamaṇḍale || dharmāya gopīkāntena kṛpayā paramādbhutam
Sanskrit only: no published translation is held for this verse.
ब्रह्मोवाच ।। राधाकान्त महाभाग कवचं यत्प्रकाशितम् ।। ब्रह्माण्डपावनं नाम कृपया कथय प्रभो
brahmovāca || rādhākānta mahābhāga kavacaṃ yatprakāśitam || brahmāṇḍapāvanaṃ nāma kṛpayā kathaya prabho
Sanskrit only: no published translation is held for this verse.
मां महेशं च धर्मं च भक्तं च भक्तवत्सल ।। त्वत्प्रसादेन पुत्रेभ्यो दास्यामि भक्तिसंयुतः
māṃ maheśaṃ ca dharmaṃ ca bhaktaṃ ca bhaktavatsala || tvatprasādena putrebhyo dāsyāmi bhaktisaṃyutaḥ
Sanskrit only: no published translation is held for this verse.
श्रीकृष्ण उवाच ।। शृणु वक्ष्यामि ब्रह्मेश धर्मेदं कवचं परम् ।। अहं दास्यामि युष्मभ्यं गोपनीयं सुदुर्लमम्
śrīkṛṣṇa uvāca || śṛṇu vakṣyāmi brahmeśa dharmedaṃ kavacaṃ param || ahaṃ dāsyāmi yuṣmabhyaṃ gopanīyaṃ sudurlamam
Sanskrit only: no published translation is held for this verse.
यस्मै कस्मै न दातव्यं प्राणतुल्यं ममैव हि ।। यत्तेजो मम देहेऽस्ति तत्तेजः कवचेऽपि च
yasmai kasmai na dātavyaṃ prāṇatulyaṃ mamaiva hi || yattejo mama dehe'sti tattejaḥ kavace'pi ca
Sanskrit only: no published translation is held for this verse.
कुरु सृष्टिमिमं धृत्वा धाता त्रिजगतां भव ।। संहर्त्ता भव हे शम्भो मम तुल्यो भवे भव ।।
kuru sṛṣṭimimaṃ dhṛtvā dhātā trijagatāṃ bhava || saṃharttā bhava he śambho mama tulyo bhave bhava ||
Sanskrit only: no published translation is held for this verse.
हे धर्म त्वमिमं धृत्वा भव साक्षी च कर्मणाम् ।। तपसां फलदातारो यूयं भवत मद्वरात्
he dharma tvamimaṃ dhṛtvā bhava sākṣī ca karmaṇām || tapasāṃ phaladātāro yūyaṃ bhavata madvarāt
Sanskrit only: no published translation is held for this verse.
ब्रह्माण्डपावनस्यास्य कवचस्य हरिः स्वयम् ।। ऋषिश्छन्दश्च गायत्री देवोऽहं जगदीश्वरः
brahmāṇḍapāvanasyāsya kavacasya hariḥ svayam || ṛṣiśchandaśca gāyatrī devo'haṃ jagadīśvaraḥ
Sanskrit only: no published translation is held for this verse.
धर्मार्थकाममोक्षेषु विनियोगः प्रकीर्तितः ।। त्रिलक्षवार पठनात्सिद्धिदं कवचं विधे
dharmārthakāmamokṣeṣu viniyogaḥ prakīrtitaḥ || trilakṣavāra paṭhanātsiddhidaṃ kavacaṃ vidhe
Sanskrit only: no published translation is held for this verse.
यो भवेत्सिद्धकवचो मम तुल्यो भवेच्च सः ।। तेजसा सिद्धियोगेन ज्ञानेन विक्रमेण च ।।
yo bhavetsiddhakavaco mama tulyo bhavecca saḥ || tejasā siddhiyogena jñānena vikrameṇa ca ||
Sanskrit only: no published translation is held for this verse.
प्रणवो मे शिरः पातु नमो रामेश्वराय च ।। भालं पायान्नेत्रयुग्मं नमो राधेश्वराय च
praṇavo me śiraḥ pātu namo rāmeśvarāya ca || bhālaṃ pāyānnetrayugmaṃ namo rādheśvarāya ca
Sanskrit only: no published translation is held for this verse.
कृष्णः पायाच्छ्रोत्रयुग्मं हे हरे प्राणमेव च ।। जिह्विकां वह्निजाया तु कृष्णायेति च सर्वतः
kṛṣṇaḥ pāyācchrotrayugmaṃ he hare prāṇameva ca || jihvikāṃ vahnijāyā tu kṛṣṇāyeti ca sarvataḥ
Sanskrit only: no published translation is held for this verse.
श्रीकृष्णाय स्वाहेति च कण्ठं पातु षडक्षरः ।। ह्रीं कृष्णाय नमो वक्त्रं क्लींपूर्वश्च भुजद्वयम्
śrīkṛṣṇāya svāheti ca kaṇṭhaṃ pātu ṣaḍakṣaraḥ || hrīṃ kṛṣṇāya namo vaktraṃ klīṃpūrvaśca bhujadvayam
Sanskrit only: no published translation is held for this verse.
नमो गोपाङ्गनेशाय स्कन्धावष्टाक्षरोऽवतु ।। दन्तपङ्क्तिमोष्ठयुग्मं नमो गोपीश्वराय च
namo gopāṅganeśāya skandhāvaṣṭākṣaro'vatu || dantapaṅktimoṣṭhayugmaṃ namo gopīśvarāya ca
Sanskrit only: no published translation is held for this verse.
ॐ नमो भगवते रासमण्डलेशाय स्वाहा ।। स्वयं वक्षःस्थलं पातु मन्त्रोऽयं षोडशाक्षरः
oṃ namo bhagavate rāsamaṇḍaleśāya svāhā || svayaṃ vakṣaḥsthalaṃ pātu mantro'yaṃ ṣoḍaśākṣaraḥ
Sanskrit only: no published translation is held for this verse.
ऐं कृष्णाय स्वाहेति च कर्णयुग्मं सदाऽवतु ।। ॐ विष्णवे स्वाहेति च कपोलं सवर्तोऽवतु
aiṃ kṛṣṇāya svāheti ca karṇayugmaṃ sadā'vatu || oṃ viṣṇave svāheti ca kapolaṃ savarto'vatu
Sanskrit only: no published translation is held for this verse.
ॐ हरये नम इति पृष्ठं पादं सदा ऽवतु ।। ॐ गोवर्द्धनधारिणे स्वाहा सर्वशरीरकम्
oṃ haraye nama iti pṛṣṭhaṃ pādaṃ sadā 'vatu || oṃ govarddhanadhāriṇe svāhā sarvaśarīrakam
Sanskrit only: no published translation is held for this verse.
प्राच्यां मां पातु श्रीकृष्ण आग्नेय्यां पातु माधवः ।। दक्षिणे पातु गोपीशो नैर्ऋत्यां नन्दनन्दनः
prācyāṃ māṃ pātu śrīkṛṣṇa āgneyyāṃ pātu mādhavaḥ || dakṣiṇe pātu gopīśo nairṛtyāṃ nandanandanaḥ
Sanskrit only: no published translation is held for this verse.
वारुण्यां पातु गोविन्दो वायव्यां राधिकेश्वरः ।। उत्तरे पातु रासेश ऐशान्यामच्युतः स्वयम्
vāruṇyāṃ pātu govindo vāyavyāṃ rādhikeśvaraḥ || uttare pātu rāseśa aiśānyāmacyutaḥ svayam
Sanskrit only: no published translation is held for this verse.
सततं सर्वतः पातु परो नारायणः स्वयम्।। इति ते कथितं ब्रह्मन्कवचं परमाद्भुतम्
satataṃ sarvataḥ pātu paro nārāyaṇaḥ svayam|| iti te kathitaṃ brahmankavacaṃ paramādbhutam
Sanskrit only: no published translation is held for this verse.
मम जीवनतुल्यं च युष्मभ्यं दत्तमेव च ।। अश्वमेधसहस्राणि वाजपेयशतानि च ।। कलां नार्हन्ति तान्येव कवचस्यैव धारणात्
mama jīvanatulyaṃ ca yuṣmabhyaṃ dattameva ca || aśvamedhasahasrāṇi vājapeyaśatāni ca || kalāṃ nārhanti tānyeva kavacasyaiva dhāraṇāt
Sanskrit only: no published translation is held for this verse.
गुरुमभ्यर्च्य विधिवद्वस्त्रालङ्कारचन्दनैः ।। स्नात्वा तं च नमस्कृत्य कवचं धारयेत्सुधीः
gurumabhyarcya vidhivadvastrālaṅkāracandanaiḥ || snātvā taṃ ca namaskṛtya kavacaṃ dhārayetsudhīḥ
Sanskrit only: no published translation is held for this verse.
कवचस्य प्रसादेन जीवन्मुक्तो भवेन्नरः ।। यदि स्यात्सिद्धकवचो विष्णुरेव भवेद्द्विज
kavacasya prasādena jīvanmukto bhavennaraḥ || yadi syātsiddhakavaco viṣṇureva bhaveddvija
Sanskrit only: no published translation is held for this verse.
सौतिरुवाच ।। शिवस्य कवचं स्तोत्रं श्रूयतामिति शौनक ।। वशिष्ठेन च यद्दत्तं गन्धर्वाय च यो मनुः
sautiruvāca || śivasya kavacaṃ stotraṃ śrūyatāmiti śaunaka || vaśiṣṭhena ca yaddattaṃ gandharvāya ca yo manuḥ
Sanskrit only: no published translation is held for this verse.
ॐ नमो भगवते शिवाय स्वाहेति च मनुः ।। दत्तो वशिष्ठेन पुरा पुष्करे कृपया विभो
oṃ namo bhagavate śivāya svāheti ca manuḥ || datto vaśiṣṭhena purā puṣkare kṛpayā vibho
Sanskrit only: no published translation is held for this verse.
अयं मन्त्रो रावणाय प्रदत्तो ब्रह्मणा पुरा ।। स्वयं शम्भुश्च बाणाय तथा दुर्वाससे पुरा
ayaṃ mantro rāvaṇāya pradatto brahmaṇā purā || svayaṃ śambhuśca bāṇāya tathā durvāsase purā
Sanskrit only: no published translation is held for this verse.
मूलेन सर्वं देयं च नैवेद्यादिकमुत्तमम् ।। ध्यायेन्नित्यादिकं ध्यानं वेदोक्तं सर्वसम्मतम्
mūlena sarvaṃ deyaṃ ca naivedyādikamuttamam || dhyāyennityādikaṃ dhyānaṃ vedoktaṃ sarvasammatam
Sanskrit only: no published translation is held for this verse.
ॐ नमो महादेवाय ।। बाणासुर उवाच ।। महेश्वर महाभाग कवचं यत्प्रकाशितम् ।। संसार पावनं नाम कृपया कथय प्रभो
oṃ namo mahādevāya || bāṇāsura uvāca || maheśvara mahābhāga kavacaṃ yatprakāśitam || saṃsāra pāvanaṃ nāma kṛpayā kathaya prabho
Sanskrit only: no published translation is held for this verse.
महेश्वर उवाच ।। शृणु वक्ष्यामि हे वत्स कवचं परमाद्भुतम् ।। अहं तुम्यं प्रदास्यामि गोपनीयं सुदुर्लभम्
maheśvara uvāca || śṛṇu vakṣyāmi he vatsa kavacaṃ paramādbhutam || ahaṃ tumyaṃ pradāsyāmi gopanīyaṃ sudurlabham
Sanskrit only: no published translation is held for this verse.
पुरा दुर्वाससे दत्तं त्रैलोक्यविजयाय च
purā durvāsase dattaṃ trailokyavijayāya ca
Sanskrit only: no published translation is held for this verse.
ममैवेदं च कवचं भक्त्या यो धारयेत्सुधीः ।। जेतुं शक्नोति त्रैलोक्यं भगवन्नवलीलया
mamaivedaṃ ca kavacaṃ bhaktyā yo dhārayetsudhīḥ || jetuṃ śaknoti trailokyaṃ bhagavannavalīlayā
Sanskrit only: no published translation is held for this verse.
संसारपावनस्यास्य कवचस्य प्रजापतिः।। ऋषिश्छन्दश्च गायत्री देवोऽहं च महेश्वरः।। धर्मार्थकाममोक्षेषु विनियोगः प्रकीर्तितः
saṃsārapāvanasyāsya kavacasya prajāpatiḥ|| ṛṣiśchandaśca gāyatrī devo'haṃ ca maheśvaraḥ|| dharmārthakāmamokṣeṣu viniyogaḥ prakīrtitaḥ
Sanskrit only: no published translation is held for this verse.
पंचलक्षजपेनैव सिद्धिदं कवचं भवेत् ।। यो भवेत्सिद्धकवचो मम तुल्यो भवेद्भुवि ।। तेजसा सिद्धि योगेन तपसा विक्रमेण च
paṃcalakṣajapenaiva siddhidaṃ kavacaṃ bhavet || yo bhavetsiddhakavaco mama tulyo bhavedbhuvi || tejasā siddhi yogena tapasā vikrameṇa ca
Sanskrit only: no published translation is held for this verse.
शम्भुर्मे मस्तकं पातु मुखं पातु महेश्वरः ।। दन्तपक्तिं नीलकण्ठोऽप्यधरोष्ठं हरः स्वयम्
śambhurme mastakaṃ pātu mukhaṃ pātu maheśvaraḥ || dantapaktiṃ nīlakaṇṭho'pyadharoṣṭhaṃ haraḥ svayam
Sanskrit only: no published translation is held for this verse.
कण्ठं पातु चन्द्रचूडः स्कन्धौ वृषभवाहनः ।। वक्षःस्थलं नीलकण्ठः पातु पृष्ठं दिगम्बरः
kaṇṭhaṃ pātu candracūḍaḥ skandhau vṛṣabhavāhanaḥ || vakṣaḥsthalaṃ nīlakaṇṭhaḥ pātu pṛṣṭhaṃ digambaraḥ
Sanskrit only: no published translation is held for this verse.
सर्वाङ्गं पातु विश्वेशः सर्वदिक्षु च सर्वदा ।। स्वप्ने जागरणे चैव स्थाणुर्मे पातु सन्ततम्
sarvāṅgaṃ pātu viśveśaḥ sarvadikṣu ca sarvadā || svapne jāgaraṇe caiva sthāṇurme pātu santatam
Sanskrit only: no published translation is held for this verse.
इति ते कथितं बाण कवचं परमाद्भुतम् ।। यस्मै कस्मै न दातव्यं गोपनीयं प्रयत्नतः
iti te kathitaṃ bāṇa kavacaṃ paramādbhutam || yasmai kasmai na dātavyaṃ gopanīyaṃ prayatnataḥ
Sanskrit only: no published translation is held for this verse.
यत्फलं सर्वतीर्थानां स्नानेन लभते नरः ।। तत्फलं लभते नूनं कवचस्यैव धारणात्
yatphalaṃ sarvatīrthānāṃ snānena labhate naraḥ || tatphalaṃ labhate nūnaṃ kavacasyaiva dhāraṇāt
Sanskrit only: no published translation is held for this verse.
इदं कवचमज्ञात्वा भजेन्मां यः सुमन्दधीः ।। शतलक्षप्रजप्तोऽपि न मन्त्रः सिद्धिदायकः
idaṃ kavacamajñātvā bhajenmāṃ yaḥ sumandadhīḥ || śatalakṣaprajapto'pi na mantraḥ siddhidāyakaḥ
Sanskrit only: no published translation is held for this verse.
सौतिरुवाच ।। इदं च कवचं प्रोक्तं स्तोत्रं च शृणु शौनक ।। मन्त्रराजः कल्पतरुर्वसिष्ठो दत्तवान्पुरा
sautiruvāca || idaṃ ca kavacaṃ proktaṃ stotraṃ ca śṛṇu śaunaka || mantrarājaḥ kalpatarurvasiṣṭho dattavānpurā
Sanskrit only: no published translation is held for this verse.
ॐ नमः शिवाय ।। बाणासुर उवाच ।। वन्दे सुराणां सारं च सुरेशं नीललोहितम् ।। योगीश्वरं योगबीजं योगिनां च गुरोर्गुरुम्
oṃ namaḥ śivāya || bāṇāsura uvāca || vande surāṇāṃ sāraṃ ca sureśaṃ nīlalohitam || yogīśvaraṃ yogabījaṃ yogināṃ ca gurorgurum
Sanskrit only: no published translation is held for this verse.
ज्ञानानन्दं ज्ञानरूपं ज्ञानबीजं सनातनम् ।। तपसां फलदातारं दातारं सर्वसम्पदाम्
jñānānandaṃ jñānarūpaṃ jñānabījaṃ sanātanam || tapasāṃ phaladātāraṃ dātāraṃ sarvasampadām
Sanskrit only: no published translation is held for this verse.
तपोरूपं तपोबीजं तपोधनधनं वरम् ।। वरं वरेण्यं वरदमीड्यं सिद्धगणैर्वरैः
taporūpaṃ tapobījaṃ tapodhanadhanaṃ varam || varaṃ vareṇyaṃ varadamīḍyaṃ siddhagaṇairvaraiḥ
Sanskrit only: no published translation is held for this verse.
कारणं भुक्तिमुक्तीनां नरकार्णवतारणम् ।। आशुतोषं प्रसन्नास्यं करुणामयसागरम्
kāraṇaṃ bhuktimuktīnāṃ narakārṇavatāraṇam || āśutoṣaṃ prasannāsyaṃ karuṇāmayasāgaram
Sanskrit only: no published translation is held for this verse.
हिमचन्दनकुन्देन्दुकुमुदाम्भोजसन्निभम्।। ब्रह्मज्योतिःस्वरूपं च भक्तानुग्रहविग्रहम्
himacandanakundendukumudāmbhojasannibham|| brahmajyotiḥsvarūpaṃ ca bhaktānugrahavigraham
Sanskrit only: no published translation is held for this verse.
विषयाणां विभेदेन बिभ्रतं बहुरूपकम् ।। जलरूपमग्निरूपमाकाशरूपमीश्वरम्।।
viṣayāṇāṃ vibhedena bibhrataṃ bahurūpakam || jalarūpamagnirūpamākāśarūpamīśvaram||
Sanskrit only: no published translation is held for this verse.
वायुरूपं चन्द्ररूपं सूर्य्यरूपं महत्प्रभुम् ।। आत्मनः स्वपदं दातुं समर्थमवलीलया
vāyurūpaṃ candrarūpaṃ sūryyarūpaṃ mahatprabhum || ātmanaḥ svapadaṃ dātuṃ samarthamavalīlayā
Sanskrit only: no published translation is held for this verse.
भक्तजीवनमीशं च भक्तानुग्रहकातरम् ।। वेदा न शक्ता यं स्तोतुं किमहं स्तौमि तं प्रभुम्
bhaktajīvanamīśaṃ ca bhaktānugrahakātaram || vedā na śaktā yaṃ stotuṃ kimahaṃ staumi taṃ prabhum
Sanskrit only: no published translation is held for this verse.
अपरिच्छिन्नमीशानमहो वाङ्मनसोः परम् ।। व्याघ्रचर्माम्बरधरं वृषभस्थं दिगम्बरम् ।। त्रिशूलपट्टिशधरं सस्मितं चन्द्रशेखरम्
aparicchinnamīśānamaho vāṅmanasoḥ param || vyāghracarmāmbaradharaṃ vṛṣabhasthaṃ digambaram || triśūlapaṭṭiśadharaṃ sasmitaṃ candraśekharam
Sanskrit only: no published translation is held for this verse.
इत्युक्त्वा स्तवराजेन नित्यं बाणः सुसंयतः ।। प्राणमच्छङ्करं भक्त्या दुर्वासाश्च मुनीश्वरः
ityuktvā stavarājena nityaṃ bāṇaḥ susaṃyataḥ || prāṇamacchaṅkaraṃ bhaktyā durvāsāśca munīśvaraḥ
Sanskrit only: no published translation is held for this verse.
इदं दत्तं वसिष्ठेन गन्धर्वाय पुरा मुने ।। कथितं च महास्तोत्रं शूलिनः परमाद्भुतम्
idaṃ dattaṃ vasiṣṭhena gandharvāya purā mune || kathitaṃ ca mahāstotraṃ śūlinaḥ paramādbhutam
Sanskrit only: no published translation is held for this verse.
इदं स्तोत्रं महापुण्यं पठेद्भक्त्या च यो नरः ।। स्नानस्य सर्वतीर्थानां फलमाप्नोति निश्चितम्
idaṃ stotraṃ mahāpuṇyaṃ paṭhedbhaktyā ca yo naraḥ || snānasya sarvatīrthānāṃ phalamāpnoti niścitam
Sanskrit only: no published translation is held for this verse.
अपुत्रो लभते पुत्रं वर्षमेकं शृणोति यः ।। संयतश्च हविष्याशी प्रणम्य शङ्करं गुरुम्
aputro labhate putraṃ varṣamekaṃ śṛṇoti yaḥ || saṃyataśca haviṣyāśī praṇamya śaṅkaraṃ gurum
Sanskrit only: no published translation is held for this verse.
गलत्कुष्ठी महाशूली वर्षमेकं शृणोति यः ।। अवश्यं मुच्यते रोगाद्व्यासवाक्यमिति श्रुतम्
galatkuṣṭhī mahāśūlī varṣamekaṃ śṛṇoti yaḥ || avaśyaṃ mucyate rogādvyāsavākyamiti śrutam
Sanskrit only: no published translation is held for this verse.
कारागारेऽपि बद्धो यो नैव प्राप्नोति निर्वृतिम् ।। स्तोत्रं श्रुत्वा मासमेकं मुच्यते बन्धनाद् ध्रुवम्
kārāgāre'pi baddho yo naiva prāpnoti nirvṛtim || stotraṃ śrutvā māsamekaṃ mucyate bandhanād dhruvam
Sanskrit only: no published translation is held for this verse.
भ्रष्टराज्यो लभेद्राज्यं भक्त्या मासं शृणोति यः ।। मासं श्रुत्वा संयतश्च लभेद्भ्रष्टधनो धनम्
bhraṣṭarājyo labhedrājyaṃ bhaktyā māsaṃ śṛṇoti yaḥ || māsaṃ śrutvā saṃyataśca labhedbhraṣṭadhano dhanam
Sanskrit only: no published translation is held for this verse.
यक्ष्मग्रस्तो वर्षमेकमास्तिको यः शृणोति चेत् ।। निश्चितं मुच्यते रोगाच्छङ्करस्य प्रसादतः
yakṣmagrasto varṣamekamāstiko yaḥ śṛṇoti cet || niścitaṃ mucyate rogācchaṅkarasya prasādataḥ
Sanskrit only: no published translation is held for this verse.
यः शृणोति सदा भक्त्या स्तवराजमिमं द्विज ।। तस्यासाध्यं त्रिभुवने नास्ति किंचिच्च शौनक
yaḥ śṛṇoti sadā bhaktyā stavarājamimaṃ dvija || tasyāsādhyaṃ tribhuvane nāsti kiṃcicca śaunaka
Sanskrit only: no published translation is held for this verse.
कदाचिद्बन्धुविच्छेदो न भवेत्तस्य भारते ।। अचलं परमैश्वर्य्यं लभते नात्र संशयः
kadācidbandhuvicchedo na bhavettasya bhārate || acalaṃ paramaiśvaryyaṃ labhate nātra saṃśayaḥ
Sanskrit only: no published translation is held for this verse.
सुसंयतोऽतिभक्त्या च मासमेकं शृणोति यः ।। अभार्य्यो लभते भार्य्यां सुविनीतां सतीवराम्
susaṃyato'tibhaktyā ca māsamekaṃ śṛṇoti yaḥ || abhāryyo labhate bhāryyāṃ suvinītāṃ satīvarām
Sanskrit only: no published translation is held for this verse.
महामूर्खश्च दुर्मेधा मासमेकं शृणोति यः ।। बुद्धिं विद्यां च लभते गुरूपदेशमात्रतः
mahāmūrkhaśca durmedhā māsamekaṃ śṛṇoti yaḥ || buddhiṃ vidyāṃ ca labhate gurūpadeśamātrataḥ
Sanskrit only: no published translation is held for this verse.
कर्मदुःखी दरिद्रश्च मासं भक्त्या शृणोति यः।। ध्रुवं वित्तं भवेत्तस्य शङ्करस्य प्रसादतः
karmaduḥkhī daridraśca māsaṃ bhaktyā śṛṇoti yaḥ|| dhruvaṃ vittaṃ bhavettasya śaṅkarasya prasādataḥ
Sanskrit only: no published translation is held for this verse.
इह लोके सुखं भुक्त्वा कृत्वा कीर्तिं सुदुर्लभाम् ।। नानाप्रकारधर्मं च यात्यन्ते शङ्करालयम्
iha loke sukhaṃ bhuktvā kṛtvā kīrtiṃ sudurlabhām || nānāprakāradharmaṃ ca yātyante śaṅkarālayam
Sanskrit only: no published translation is held for this verse.
पार्षदप्रवरो भूत्वा सेवते तत्र शङ्करम् ।। यः शृणोति त्रिसन्ध्यं च नित्यं स्तोत्रमनुत्तमम्
pārṣadapravaro bhūtvā sevate tatra śaṅkaram || yaḥ śṛṇoti trisandhyaṃ ca nityaṃ stotramanuttamam
Sanskrit only: no published translation is held for this verse.