Library·Brahmavaivarta Purāṇa·1·1.2
शौनक उवाच ।। किमपूर्वं श्रुतं सौते परमाद्भुतमीप्सितम् ।। सर्वं कथय संव्यस्य ब्रह्मखण्डमनुत्तमम्
śaunaka uvāca || kimapūrvaṃ śrutaṃ saute paramādbhutamīpsitam || sarvaṃ kathaya saṃvyasya brahmakhaṇḍamanuttamam
Sanskrit only: no published translation is held for this verse.
सौतिरुवाच ।। वन्दे गुरोः पादपद्मं व्यासस्यामिततेजसः ।। हरिं देवान्द्विजान्नत्वा धर्मान्वक्ष्ये सनातनान्
sautiruvāca || vande guroḥ pādapadmaṃ vyāsasyāmitatejasaḥ || hariṃ devāndvijānnatvā dharmānvakṣye sanātanān
Sanskrit only: no published translation is held for this verse.
यच्छ्रुतं व्यासवक्त्रेण ब्रह्मखण्डमनुत्तमम् ।। अज्ञानान्धतमोध्वंसि ज्ञानवर्त्मप्रदीपकम्
yacchrutaṃ vyāsavaktreṇa brahmakhaṇḍamanuttamam || ajñānāndhatamodhvaṃsi jñānavartmapradīpakam
Sanskrit only: no published translation is held for this verse.
ज्योतिःसमूहं प्रलये पुराऽऽसीत्केवलं द्विज ।। सूर्य्यकोटिप्रभं नित्यमसंख्यं विश्वकारणम्
jyotiḥsamūhaṃ pralaye purā''sītkevalaṃ dvija || sūryyakoṭiprabhaṃ nityamasaṃkhyaṃ viśvakāraṇam
Sanskrit only: no published translation is held for this verse.
स्वेच्छामयस्य च विभोस्तज्ज्योतिरुज्ज्वलं महत् ।। ज्योतिरभ्यन्तरे लोकत्रयमेव मनोहरम्
svecchāmayasya ca vibhostajjyotirujjvalaṃ mahat || jyotirabhyantare lokatrayameva manoharam
Sanskrit only: no published translation is held for this verse.
तेषामुपरि गोलोकं नित्यमीश्वरवद् द्विज।। त्रिकोटियोजनायामविस्तीर्णं मण्डलाकृति
teṣāmupari golokaṃ nityamīśvaravad dvija|| trikoṭiyojanāyāmavistīrṇaṃ maṇḍalākṛti
Sanskrit only: no published translation is held for this verse.
तेजःस्वरूपं सुमहद्रत्नभूमिमयं परम्।। अदृश्यं योगिभिः स्वप्ने दृश्यं गम्यं च वैष्णवैः
tejaḥsvarūpaṃ sumahadratnabhūmimayaṃ param|| adṛśyaṃ yogibhiḥ svapne dṛśyaṃ gamyaṃ ca vaiṣṇavaiḥ
Sanskrit only: no published translation is held for this verse.
योगेन धृतमीशेन चान्तरिक्षस्थितं वरम् ।। आधिव्याधिजरामृत्युशोकभीतिविवर्जितम्
yogena dhṛtamīśena cāntarikṣasthitaṃ varam || ādhivyādhijarāmṛtyuśokabhītivivarjitam
Sanskrit only: no published translation is held for this verse.
सद्रत्नरचितासंख्यमन्दिरैः परिशोभितम् ।। लये कृष्णयुतं सृष्टौ गोपगोपीभिरावृतम्
sadratnaracitāsaṃkhyamandiraiḥ pariśobhitam || laye kṛṣṇayutaṃ sṛṣṭau gopagopībhirāvṛtam
Sanskrit only: no published translation is held for this verse.
तदधो दक्षिणे सव्ये पञ्चाशत्कोटियोजनान् ।। वैकुण्ठं शिवलोकं तु तत्समं सुमनोहरम्
tadadho dakṣiṇe savye pañcāśatkoṭiyojanān || vaikuṇṭhaṃ śivalokaṃ tu tatsamaṃ sumanoharam
Sanskrit only: no published translation is held for this verse.
कोटियोजनविस्तीर्णं वैकुण्ठं मण्डलाकृति ।। लये शून्यं च सृष्टौ च लक्ष्मीनारायणान्वितम्
koṭiyojanavistīrṇaṃ vaikuṇṭhaṃ maṇḍalākṛti || laye śūnyaṃ ca sṛṣṭau ca lakṣmīnārāyaṇānvitam
Sanskrit only: no published translation is held for this verse.
चतुर्भुजैः पार्षदैश्च जरामृत्य्वादिवर्जितम् ।। सव्ये च शिवलोकं च कोटियोजनविस्तृतम्
caturbhujaiḥ pārṣadaiśca jarāmṛtyvādivarjitam || savye ca śivalokaṃ ca koṭiyojanavistṛtam
Sanskrit only: no published translation is held for this verse.
लये शून्यं च सृष्टौ च सपार्षदशिवान्वितम् ।। गोलोकाभ्यन्तरे ज्योतिरतीव सुमनोहरम्
laye śūnyaṃ ca sṛṣṭau ca sapārṣadaśivānvitam || golokābhyantare jyotiratīva sumanoharam
Sanskrit only: no published translation is held for this verse.
परमाह्लादकं शश्वत्परमानन्दकारकम् ।। ध्यायन्ते योगिनः शश्वद्योगेन ज्ञानचक्षुषा
paramāhlādakaṃ śaśvatparamānandakārakam || dhyāyante yoginaḥ śaśvadyogena jñānacakṣuṣā
Sanskrit only: no published translation is held for this verse.
तदेवानन्दजनकं निराकारं परात्परम् ।। तज्ज्योतिरन्तरे रूपमतीव सुमनोहरम्
tadevānandajanakaṃ nirākāraṃ parātparam || tajjyotirantare rūpamatīva sumanoharam
Sanskrit only: no published translation is held for this verse.
नवीननीरदश्यामं रक्तपङ्कजलोचनम्।। शारदीयपार्वणेन्दुशोभितं चामलाननम्
navīnanīradaśyāmaṃ raktapaṅkajalocanam|| śāradīyapārvaṇenduśobhitaṃ cāmalānanam
Sanskrit only: no published translation is held for this verse.
कोटिकन्दर्पलावण्यं लीलाधाम मनोरमम् ।। द्विभुजं मुरलीहस्तं सस्मितं पीतवाससम्
koṭikandarpalāvaṇyaṃ līlādhāma manoramam || dvibhujaṃ muralīhastaṃ sasmitaṃ pītavāsasam
Sanskrit only: no published translation is held for this verse.
सद्रत्नभूषणौघेन भूषितं भक्तवत्सलम्।। चन्दनोक्षितसर्वाङ्गं कस्तूरीकुङ्कुमान्वितम्
sadratnabhūṣaṇaughena bhūṣitaṃ bhaktavatsalam|| candanokṣitasarvāṅgaṃ kastūrīkuṅkumānvitam
Sanskrit only: no published translation is held for this verse.
श्रीवत्सवक्षःसंभ्राजत्कौस्तुभेन विराजितम् ।। सद्रत्नसाररचितकिरीटमुकुटोज्ज्वलम्
śrīvatsavakṣaḥsaṃbhrājatkaustubhena virājitam || sadratnasāraracitakirīṭamukuṭojjvalam
Sanskrit only: no published translation is held for this verse.
रत्नसिंहासनस्थं च वनमालाविभूषितम् ।। तदेव परमं ब्रह्म भगवन्तं सनातनम्
ratnasiṃhāsanasthaṃ ca vanamālāvibhūṣitam || tadeva paramaṃ brahma bhagavantaṃ sanātanam
Sanskrit only: no published translation is held for this verse.
स्वेच्छामयं सर्वबीजं सर्वाधारं परात्परम् ।। किशोरवयसं शश्वद्गोपवेषविधायकम्
svecchāmayaṃ sarvabījaṃ sarvādhāraṃ parātparam || kiśoravayasaṃ śaśvadgopaveṣavidhāyakam
Sanskrit only: no published translation is held for this verse.
कोटिपूर्णेन्दुशोभाढ्यं भक्तानुग्रहकारकम् ।। निरीहं निर्विकारं च परिपूर्णतमं विभुम्
koṭipūrṇenduśobhāḍhyaṃ bhaktānugrahakārakam || nirīhaṃ nirvikāraṃ ca paripūrṇatamaṃ vibhum
Sanskrit only: no published translation is held for this verse.
रासमण्डलमध्यस्थं शान्तं रासेश्वरं वरम् ।। माङ्गल्यं मङ्गलार्हं च माङ्गल्यं मङ्गलप्रदम्
rāsamaṇḍalamadhyasthaṃ śāntaṃ rāseśvaraṃ varam || māṅgalyaṃ maṅgalārhaṃ ca māṅgalyaṃ maṅgalapradam
Sanskrit only: no published translation is held for this verse.
परमानन्दबीजं च सत्यमक्षरमव्ययम् ।। । सर्वसिद्धेश्वरं सर्वसिद्धिरूपं च सिद्धिदम्
paramānandabījaṃ ca satyamakṣaramavyayam || | sarvasiddheśvaraṃ sarvasiddhirūpaṃ ca siddhidam
Sanskrit only: no published translation is held for this verse.
प्रकृतेः परमीशानं निर्गुणं नित्यविग्रहम्।। आद्यं पुरुषमव्यक्तं पुरुहूतं पुरुष्टुतम्
prakṛteḥ paramīśānaṃ nirguṇaṃ nityavigraham|| ādyaṃ puruṣamavyaktaṃ puruhūtaṃ puruṣṭutam
Sanskrit only: no published translation is held for this verse.
सत्यं स्वतन्त्रमेकं च परमात्मस्वरूपकम् ।। ध्यायन्ते वैष्णवाः शान्ताः शान्तं तन्परमायणम्
satyaṃ svatantramekaṃ ca paramātmasvarūpakam || dhyāyante vaiṣṇavāḥ śāntāḥ śāntaṃ tanparamāyaṇam
Sanskrit only: no published translation is held for this verse.
एवंरूपं परं बिभ्रद्भगवानेक एव सः ।। दिग्भिश्च नभसा सार्द्धं शून्यं विश्वं ददर्श ह
evaṃrūpaṃ paraṃ bibhradbhagavāneka eva saḥ || digbhiśca nabhasā sārddhaṃ śūnyaṃ viśvaṃ dadarśa ha
Sanskrit only: no published translation is held for this verse.