Library·Brahmavaivarta Purāṇa·1·1.26
सौतिरुवाच ।। हरिस्तोत्रं च कवचं मन्त्रं पूजाविधिं परम् ।। हरं ययाचे देवर्षिर्ध्यानं च ज्ञानमेव च
sautiruvāca || haristotraṃ ca kavacaṃ mantraṃ pūjāvidhiṃ param || haraṃ yayāce devarṣirdhyānaṃ ca jñānameva ca
Sanskrit only: no published translation is held for this verse.
स्तोत्रं च कवचं मन्त्रं ध्यानं पूजाविधिं तथा ।। तत्प्राक्तनीयज्ञानं च ददौ तस्मै महेश्वरः
stotraṃ ca kavacaṃ mantraṃ dhyānaṃ pūjāvidhiṃ tathā || tatprāktanīyajñānaṃ ca dadau tasmai maheśvaraḥ
Sanskrit only: no published translation is held for this verse.
सर्वं प्राप्य मुनिश्रेष्ठः परिपूर्णमनोरथः ।। उवाच प्रणतो भक्त्या गुरुं प्रणतवत्सलम्
sarvaṃ prāpya muniśreṣṭhaḥ paripūrṇamanorathaḥ || uvāca praṇato bhaktyā guruṃ praṇatavatsalam
Sanskrit only: no published translation is held for this verse.
नारद उवाच ।। आह्निकं ब्राह्मणानां च वद वेदविदां वर ।। स्वधर्मपालनं नित्यं यतो भवति नित्यशः
nārada uvāca || āhnikaṃ brāhmaṇānāṃ ca vada vedavidāṃ vara || svadharmapālanaṃ nityaṃ yato bhavati nityaśaḥ
Sanskrit only: no published translation is held for this verse.
श्रीमहेश्वर उवाच ।। ब्राह्मे मुहूर्ते चोत्थाय बह्मरन्धस्थपङ्कजे ।। सूक्ष्मे सहस्रपत्रे स्वे निर्मले ग्लानिवर्जिते
śrīmaheśvara uvāca || brāhme muhūrte cotthāya bahmarandhasthapaṅkaje || sūkṣme sahasrapatre sve nirmale glānivarjite
Sanskrit only: no published translation is held for this verse.
रात्रिवासं परित्यज्य गुरुं तत्रैव चिन्तयेत् ।। व्याख्यामुद्राकरं प्रीतं सस्मितं शिष्यवत्सलम्
rātrivāsaṃ parityajya guruṃ tatraiva cintayet || vyākhyāmudrākaraṃ prītaṃ sasmitaṃ śiṣyavatsalam
Sanskrit only: no published translation is held for this verse.
प्रसन्नवदनं शान्तं परितुष्टं निरन्तरम् ।। साक्षाद्ब्रह्मस्वरूपं च परमं चिन्तयेत्सदा
prasannavadanaṃ śāntaṃ parituṣṭaṃ nirantaram || sākṣādbrahmasvarūpaṃ ca paramaṃ cintayetsadā
Sanskrit only: no published translation is held for this verse.
ध्यात्वैवं गुरुमाराध्य हृत्पद्मे निर्मले सिते ।। सहस्रपत्रे विस्तीर्णे देवमिष्टं विचिन्तयेत्
dhyātvaivaṃ gurumārādhya hṛtpadme nirmale site || sahasrapatre vistīrṇe devamiṣṭaṃ vicintayet
Sanskrit only: no published translation is held for this verse.
यस्य देवस्य यद्ध्यानं यद्रूपं तद्विचिन्तयेत् ।। गृहीत्वा तदनुज्ञां च कर्त्तव्यं समयोचितम्
yasya devasya yaddhyānaṃ yadrūpaṃ tadvicintayet || gṛhītvā tadanujñāṃ ca karttavyaṃ samayocitam
Sanskrit only: no published translation is held for this verse.
आदौ ध्यात्वा गुरुं नत्वा संपूज्य विधिपूर्वकम् ।। पश्चात्तदाज्ञामादाय ध्यायेदिष्टं प्रपूजयेत्
ādau dhyātvā guruṃ natvā saṃpūjya vidhipūrvakam || paścāttadājñāmādāya dhyāyediṣṭaṃ prapūjayet
Sanskrit only: no published translation is held for this verse.
गुरुप्रदर्शितो देवो मन्त्रपूजाविधिर्जपः ।। न देवेन गुरुर्दृष्टस्तस्माद्देवाद्गुरुः परः ।।
gurupradarśito devo mantrapūjāvidhirjapaḥ || na devena gururdṛṣṭastasmāddevādguruḥ paraḥ ||
Sanskrit only: no published translation is held for this verse.
गुरुर्ब्रह्मा गुरुर्विष्णुर्गुरुर्देवो महेश्वरः ।। गुरुः प्रकृतिरीशाद्या गुरुश्चन्द्रोऽनलो रविः
gururbrahmā gururviṣṇurgururdevo maheśvaraḥ || guruḥ prakṛtirīśādyā guruścandro'nalo raviḥ
Sanskrit only: no published translation is held for this verse.
गुरुर्वायुश्च वरुणो गुरुर्माता पिता सुहृत् ।। गुरुरेव परं ब्रह्म नास्ति पूज्यो गुरोः परः
gururvāyuśca varuṇo gururmātā pitā suhṛt || gurureva paraṃ brahma nāsti pūjyo guroḥ paraḥ
Sanskrit only: no published translation is held for this verse.
अभीष्टदेवे रुष्टे च समर्थो रक्षणे गुरुः ।। न समर्था गुरौ रुष्टे रक्षणे सर्वदेवताः
abhīṣṭadeve ruṣṭe ca samartho rakṣaṇe guruḥ || na samarthā gurau ruṣṭe rakṣaṇe sarvadevatāḥ
Sanskrit only: no published translation is held for this verse.
यस्य तुष्टो गुरुः शश्वज्जयस्तस्य पदे पदे ।। यस्य रुष्टो गुरुस्तस्य सर्वनाशश्च सर्वदा
yasya tuṣṭo guruḥ śaśvajjayastasya pade pade || yasya ruṣṭo gurustasya sarvanāśaśca sarvadā
Sanskrit only: no published translation is held for this verse.
न संपूज्य गुरुं देवं यो मूढः पूजयेद् भ्रमात्।। ब्रह्महत्याशतं पापी लभते नात्र संशयः
na saṃpūjya guruṃ devaṃ yo mūḍhaḥ pūjayed bhramāt|| brahmahatyāśataṃ pāpī labhate nātra saṃśayaḥ
Sanskrit only: no published translation is held for this verse.
सामवेदे च भगवानित्युवाच हरिः स्वयम्।। तस्मादभीष्टदेवाच्च गुरुः पूज्यतमः परः
sāmavede ca bhagavānityuvāca hariḥ svayam|| tasmādabhīṣṭadevācca guruḥ pūjyatamaḥ paraḥ
Sanskrit only: no published translation is held for this verse.
गुरुमिष्टं स्वयं ध्यात्वा स्तुत्वा वै साधको मुने ।। निर्मलं स्थलमासाद्य विण्मूत्रं ह्युत्सृजेन्मुदा
gurumiṣṭaṃ svayaṃ dhyātvā stutvā vai sādhako mune || nirmalaṃ sthalamāsādya viṇmūtraṃ hyutsṛjenmudā
Sanskrit only: no published translation is held for this verse.
जलं जलसमीपं च सरन्धं प्राणिसन्निधिम् ।। देवालयसमीपं च वृक्षमूलं च वर्त्म च
jalaṃ jalasamīpaṃ ca sarandhaṃ prāṇisannidhim || devālayasamīpaṃ ca vṛkṣamūlaṃ ca vartma ca
Sanskrit only: no published translation is held for this verse.
हलोत्कर्षस्थलं चैव सस्यक्षेत्रं च गोष्ठकम् ।। नदीकन्दरगर्भं च पुष्पोद्यानं च पंकिलम्
halotkarṣasthalaṃ caiva sasyakṣetraṃ ca goṣṭhakam || nadīkandaragarbhaṃ ca puṣpodyānaṃ ca paṃkilam
Sanskrit only: no published translation is held for this verse.
ग्रामाद्यभ्यन्तरं चैव नृणां गृहसमीपकम्।। शङ्कुं सेतुं शरवणं श्मशानं वह्निसन्निधिम्
grāmādyabhyantaraṃ caiva nṛṇāṃ gṛhasamīpakam|| śaṅkuṃ setuṃ śaravaṇaṃ śmaśānaṃ vahnisannidhim
Sanskrit only: no published translation is held for this verse.
क्रीडास्थलं महारण्यं मंचकाधःस्थलं तथा ।। वृक्षच्छायायुतं स्थानमन्तःप्राण्यवपर्णकम्
krīḍāsthalaṃ mahāraṇyaṃ maṃcakādhaḥsthalaṃ tathā || vṛkṣacchāyāyutaṃ sthānamantaḥprāṇyavaparṇakam
Sanskrit only: no published translation is held for this verse.
दूर्वास्थानं कुशस्थानं वल्मीकस्थानमेव च ।। वृक्षारोपणभूभिं च कार्यार्थं च परिष्कृतम्
dūrvāsthānaṃ kuśasthānaṃ valmīkasthānameva ca || vṛkṣāropaṇabhūbhiṃ ca kāryārthaṃ ca pariṣkṛtam
Sanskrit only: no published translation is held for this verse.
एतत्सर्वं परित्यज्य सूर्य्यतापविवर्जितम् ।। कृत्वा गर्त्तं पुरीषं च मूत्रं च परिवर्जयेत्
etatsarvaṃ parityajya sūryyatāpavivarjitam || kṛtvā garttaṃ purīṣaṃ ca mūtraṃ ca parivarjayet
Sanskrit only: no published translation is held for this verse.
पुरीषमूत्रोत्सर्गं च दिवा कुर्यादुदङ्मुखः ।। पश्चिमाभिमुखो रात्रौ सन्ध्यायां दक्षिणामुखः
purīṣamūtrotsargaṃ ca divā kuryādudaṅmukhaḥ || paścimābhimukho rātrau sandhyāyāṃ dakṣiṇāmukhaḥ
Sanskrit only: no published translation is held for this verse.
मौनी भूत्वा च निश्वासं यथा गन्धो न सञ्चरेत् ।। त्यक्त्वा मृदा समाच्छाद्य शौचं कुर्य्याद्विचक्षणः
maunī bhūtvā ca niśvāsaṃ yathā gandho na sañcaret || tyaktvā mṛdā samācchādya śaucaṃ kuryyādvicakṣaṇaḥ
Sanskrit only: no published translation is held for this verse.
कृत्वा तु लोष्टशौचं च जलशौचं ततः परम् ।। मृद्युक्तं तज्जलं चैव तत्प्रमाणं निशामय ।।
kṛtvā tu loṣṭaśaucaṃ ca jalaśaucaṃ tataḥ param || mṛdyuktaṃ tajjalaṃ caiva tatpramāṇaṃ niśāmaya ||
Sanskrit only: no published translation is held for this verse.
एकां लिङ्गे मृदं दद्याद्वामहस्ते चतुष्टयम् ।। उभयोर्हस्तयोर्द्वे तु मूत्रशौचं प्रकीर्तितम्
ekāṃ liṅge mṛdaṃ dadyādvāmahaste catuṣṭayam || ubhayorhastayordve tu mūtraśaucaṃ prakīrtitam
Sanskrit only: no published translation is held for this verse.
मूत्रशौचं द्विगुणितं मैधुनानन्तरं यदि ।। मैथुनानन्तरं यद्वा मूत्रशौचं चतुर्गुणम्
mūtraśaucaṃ dviguṇitaṃ maidhunānantaraṃ yadi || maithunānantaraṃ yadvā mūtraśaucaṃ caturguṇam
Sanskrit only: no published translation is held for this verse.
एका लिङ्गे गुदे तिस्रस्तथा वामकरे दश ।। उभयोः सप्त दातव्याः पादः षष्ठेन शुध्यति
ekā liṅge gude tisrastathā vāmakare daśa || ubhayoḥ sapta dātavyāḥ pādaḥ ṣaṣṭhena śudhyati
Sanskrit only: no published translation is held for this verse.
पुरीषशौचं विप्राणां गृहिणामिदमेव च ।। विधवानां द्विगुणितं शौचमेव प्रकीर्त्तितम्
purīṣaśaucaṃ viprāṇāṃ gṛhiṇāmidameva ca || vidhavānāṃ dviguṇitaṃ śaucameva prakīrttitam
Sanskrit only: no published translation is held for this verse.
यतीनां वैष्णवानां च ब्रह्मर्षेर्ब्रह्मचारिणाम् ।। चतुर्गुणं च गृहिणां तेषां शौचं प्रकीर्त्तितम्
yatīnāṃ vaiṣṇavānāṃ ca brahmarṣerbrahmacāriṇām || caturguṇaṃ ca gṛhiṇāṃ teṣāṃ śaucaṃ prakīrttitam
Sanskrit only: no published translation is held for this verse.
नो यावदुपनीयेत द्विजः शूद्रस्तथाऽङ्गना ।। गन्धलेपक्षयकरं तेषां शौचं प्रकीर्त्तितम्
no yāvadupanīyeta dvijaḥ śūdrastathā'ṅganā || gandhalepakṣayakaraṃ teṣāṃ śaucaṃ prakīrttitam
Sanskrit only: no published translation is held for this verse.
शौचं क्षत्रविशोश्चैव द्विजानां गृहिणां समम् ।। द्विगुणं वैष्णवादीनां मुनीनां परिकीर्तितम्
śaucaṃ kṣatraviśoścaiva dvijānāṃ gṛhiṇāṃ samam || dviguṇaṃ vaiṣṇavādīnāṃ munīnāṃ parikīrtitam
Sanskrit only: no published translation is held for this verse.
न्यूनाधिकं न कर्तव्यं शौचं शुद्धिमभीप्सता ।। प्रायश्चित्तं प्रयुज्येत विहितातिक्रमे कृते
nyūnādhikaṃ na kartavyaṃ śaucaṃ śuddhimabhīpsatā || prāyaścittaṃ prayujyeta vihitātikrame kṛte
Sanskrit only: no published translation is held for this verse.
शौचं तन्नियमं मत्तः सावधानं निशामय ।। मृच्छौचे च शुचिर्विप्रोऽप्यशुचिश्च व्यतिक्रमे
śaucaṃ tanniyamaṃ mattaḥ sāvadhānaṃ niśāmaya || mṛcchauce ca śucirvipro'pyaśuciśca vyatikrame
Sanskrit only: no published translation is held for this verse.
वल्मीकमूषिकोत्खातां मृदमन्तर्जलां तथा ।। शौचावशिष्टां गेहाच्च न दद्यात्क्लेशसम्भवाम्
valmīkamūṣikotkhātāṃ mṛdamantarjalāṃ tathā || śaucāvaśiṣṭāṃ gehācca na dadyātkleśasambhavām
Sanskrit only: no published translation is held for this verse.
अन्तःप्राण्यवपर्णां च हलोत्खातां विशेषतः ।। कुशमूलोत्थितां चैव दूर्वामूलोत्थितां तथा
antaḥprāṇyavaparṇāṃ ca halotkhātāṃ viśeṣataḥ || kuśamūlotthitāṃ caiva dūrvāmūlotthitāṃ tathā
Sanskrit only: no published translation is held for this verse.
अश्वत्थमूलान्नीतां च तथैव शयनोत्थिताम् ।। चतुष्पथाच्च गोष्ठानां गोष्पदानां तथैव च
aśvatthamūlānnītāṃ ca tathaiva śayanotthitām || catuṣpathācca goṣṭhānāṃ goṣpadānāṃ tathaiva ca
Sanskrit only: no published translation is held for this verse.
शस्यस्थलानां क्षेत्राणामुद्यानानां मृदं त्यजेत् ।। स्नातो वाऽप्यथवाऽस्नातो विप्रः शौचेन शुध्यति
śasyasthalānāṃ kṣetrāṇāmudyānānāṃ mṛdaṃ tyajet || snāto vā'pyathavā'snāto vipraḥ śaucena śudhyati
Sanskrit only: no published translation is held for this verse.
शौचहीनोऽशुचिर्नित्यमनर्हः सर्वकर्मसु ।। कृत्वा शौचमिदं विप्रो सुखं प्रक्षालयेत्सुधीः
śaucahīno'śucirnityamanarhaḥ sarvakarmasu || kṛtvā śaucamidaṃ vipro sukhaṃ prakṣālayetsudhīḥ
Sanskrit only: no published translation is held for this verse.
आदौ षोडशगण्डूषैर्मुखशुद्धिं विधाय च ।। दन्तकाष्ठेन दन्तं च तत्पश्चात्परिमार्जयेत्
ādau ṣoḍaśagaṇḍūṣairmukhaśuddhiṃ vidhāya ca || dantakāṣṭhena dantaṃ ca tatpaścātparimārjayet
Sanskrit only: no published translation is held for this verse.
पुनः षोडशगण्डूषैर्मुखशुद्धिं समाचरेत् ।। दन्तमार्जनकाष्ठानां नियमं शृणु नारद
punaḥ ṣoḍaśagaṇḍūṣairmukhaśuddhiṃ samācaret || dantamārjanakāṣṭhānāṃ niyamaṃ śṛṇu nārada
Sanskrit only: no published translation is held for this verse.
निरूपितं सामवेदे हरिणा चाह्निकक्रमे ।। अपामार्गं सिन्धुवारमाम्रं च करवीरकम्
nirūpitaṃ sāmavede hariṇā cāhnikakrame || apāmārgaṃ sindhuvāramāmraṃ ca karavīrakam
Sanskrit only: no published translation is held for this verse.
खदिरं च शिरीषं च जातिपुन्नागशालकम् ।। अशोकमर्जुनं चैव क्षीरिवृक्षं कदम्बकम्
khadiraṃ ca śirīṣaṃ ca jātipunnāgaśālakam || aśokamarjunaṃ caiva kṣīrivṛkṣaṃ kadambakam
Sanskrit only: no published translation is held for this verse.
जम्बूकं बकुलं तोक्मं पलाशं च प्रशस्तकम् ।। बदरीं पारिभद्रं च मन्दारं शाल्मलिं तथा
jambūkaṃ bakulaṃ tokmaṃ palāśaṃ ca praśastakam || badarīṃ pāribhadraṃ ca mandāraṃ śālmaliṃ tathā
Sanskrit only: no published translation is held for this verse.
वृक्षं कण्टकयुक्तं च लतादि परिवर्जयेत् ।। पिप्पलं च प्रियालं च तिन्ति डीकं च तालकम्
vṛkṣaṃ kaṇṭakayuktaṃ ca latādi parivarjayet || pippalaṃ ca priyālaṃ ca tinti ḍīkaṃ ca tālakam
Sanskrit only: no published translation is held for this verse.
खर्जूरं नारिकेलं च तालं च परिवर्जयेत् ।। दन्तशौचविहीनश्च सर्वशौचविहीनकः
kharjūraṃ nārikelaṃ ca tālaṃ ca parivarjayet || dantaśaucavihīnaśca sarvaśaucavihīnakaḥ
Sanskrit only: no published translation is held for this verse.
शौचहीनोऽशुचि र्नित्यमनर्हः सर्वकर्मसु ।। कृत्वा शौचं शुचिर्विप्रो धृत्वा धौते च वाससी
śaucahīno'śuci rnityamanarhaḥ sarvakarmasu || kṛtvā śaucaṃ śucirvipro dhṛtvā dhaute ca vāsasī
Sanskrit only: no published translation is held for this verse.
प्रक्षाल्य पादावाचम्य प्रातःसन्ध्यां समाचरेत्।। एवं त्रिसंध्यं संध्यां च कुरुते कुलजो द्विजः
prakṣālya pādāvācamya prātaḥsandhyāṃ samācaret|| evaṃ trisaṃdhyaṃ saṃdhyāṃ ca kurute kulajo dvijaḥ
Sanskrit only: no published translation is held for this verse.
स स्नातः सर्वतीर्थेषु त्रिसन्ध्यं यः समाचरेत् ।। सन्ध्यात्रितयहीनस्स्यादनर्हः सर्वकर्मसु
sa snātaḥ sarvatīrtheṣu trisandhyaṃ yaḥ samācaret || sandhyātritayahīnassyādanarhaḥ sarvakarmasu
Sanskrit only: no published translation is held for this verse.
यदह्ना कुरुते कर्म न तस्य फलभाग्भवेत् ।। नोपतिष्ठति यः पूर्वां नोपास्ते यस्तु पश्चिमाम्
yadahnā kurute karma na tasya phalabhāgbhavet || nopatiṣṭhati yaḥ pūrvāṃ nopāste yastu paścimām
Sanskrit only: no published translation is held for this verse.
स शूद्रवद्बहिष्कार्य्यः सर्वस्माद्द्विजकर्मणः ।। पूर्वां सन्ध्यां परित्यज्य मध्यमां पश्चिमां तथा
sa śūdravadbahiṣkāryyaḥ sarvasmāddvijakarmaṇaḥ || pūrvāṃ sandhyāṃ parityajya madhyamāṃ paścimāṃ tathā
Sanskrit only: no published translation is held for this verse.
ब्रह्महत्यामात्महत्यां प्रत्यहं लभते द्विजः ।। एकदशीविहीनो यः सन्ध्याहीनश्च यो द्विजः
brahmahatyāmātmahatyāṃ pratyahaṃ labhate dvijaḥ || ekadaśīvihīno yaḥ sandhyāhīnaśca yo dvijaḥ
Sanskrit only: no published translation is held for this verse.
कल्पं व्रजेत्कालसूत्रं यथा हि वृषलीपतिः ।। प्रातःसन्ध्यां विधायैवं गुरुमिष्टं सुरं रविम्
kalpaṃ vrajetkālasūtraṃ yathā hi vṛṣalīpatiḥ || prātaḥsandhyāṃ vidhāyaivaṃ gurumiṣṭaṃ suraṃ ravim
Sanskrit only: no published translation is held for this verse.
ब्रह्माणमीशं विष्णुं च मायां पद्मां सरस्वतीम् ।। प्रणम्य गुरुमाज्यं च दर्पणं मधु काञ्चनम्
brahmāṇamīśaṃ viṣṇuṃ ca māyāṃ padmāṃ sarasvatīm || praṇamya gurumājyaṃ ca darpaṇaṃ madhu kāñcanam
Sanskrit only: no published translation is held for this verse.
स्पृष्ट्वा स्नानादिकं काले कुर्यात्साधकसत्तमः ।। पुष्करिण्यां तु वाप्यां तु यदा स्नानं समाचरेत्
spṛṣṭvā snānādikaṃ kāle kuryātsādhakasattamaḥ || puṣkariṇyāṃ tu vāpyāṃ tu yadā snānaṃ samācaret
Sanskrit only: no published translation is held for this verse.
समुद्धृत्य पञ्चपिण्डानादौ धर्मी विचक्षणः ।। नद्यां नदे कन्दरे वा तीर्थे वा स्नानमाचरेत्
samuddhṛtya pañcapiṇḍānādau dharmī vicakṣaṇaḥ || nadyāṃ nade kandare vā tīrthe vā snānamācaret
Sanskrit only: no published translation is held for this verse.
कुर्य्यात्स्नात्वा तु सङ्कल्पं ततः स्नानं पुनर्मुने ।। श्रीकृष्णप्रीतिकामश्च वैष्णवानां महात्मनाम्
kuryyātsnātvā tu saṅkalpaṃ tataḥ snānaṃ punarmune || śrīkṛṣṇaprītikāmaśca vaiṣṇavānāṃ mahātmanām
Sanskrit only: no published translation is held for this verse.
सङ्कल्पो गृहिणां चैव कृतपातकनाशकः ।। विप्रः कृत्वा तु सङ्कल्पं मृदं गात्रे प्रलेपयेत्
saṅkalpo gṛhiṇāṃ caiva kṛtapātakanāśakaḥ || vipraḥ kṛtvā tu saṅkalpaṃ mṛdaṃ gātre pralepayet
Sanskrit only: no published translation is held for this verse.
वेदोक्तमन्त्रेणानेन देहशुद्धिकृते नरः ।। अश्वक्रान्ते रथक्रांते विष्णुक्रान्ते वसुन्धरे
vedoktamantreṇānena dehaśuddhikṛte naraḥ || aśvakrānte rathakrāṃte viṣṇukrānte vasundhare
Sanskrit only: no published translation is held for this verse.
मृत्तिके हर मे पापं यन्मया दुष्कृतं कृतम् ।। उद्धृतासि वराहेण कृष्णेन शतबाहुना
mṛttike hara me pāpaṃ yanmayā duṣkṛtaṃ kṛtam || uddhṛtāsi varāheṇa kṛṣṇena śatabāhunā
Sanskrit only: no published translation is held for this verse.
आरुह्य मम गात्राणि सर्वं पापं प्रमोचय ।। पुण्यं देहि महाभागे स्नानानुज्ञां कुरुष्व माम्
āruhya mama gātrāṇi sarvaṃ pāpaṃ pramocaya || puṇyaṃ dehi mahābhāge snānānujñāṃ kuruṣva mām
Sanskrit only: no published translation is held for this verse.
इत्युक्त्वा च जले नाभिप्रमाणे मन्त्रपूर्वकम् ।। चतुर्हस्तप्रमाणां च कृत्वा मण्डलिका शुभाम्
ityuktvā ca jale nābhipramāṇe mantrapūrvakam || caturhastapramāṇāṃ ca kṛtvā maṇḍalikā śubhām
Sanskrit only: no published translation is held for this verse.
तीर्थान्यावाहयेत्तत्र हस्तं दत्त्वा तपोधन ।। यानि यानि च तीर्थानि सर्वाणि कथयामि ते
tīrthānyāvāhayettatra hastaṃ dattvā tapodhana || yāni yāni ca tīrthāni sarvāṇi kathayāmi te
Sanskrit only: no published translation is held for this verse.
गङ्गे च यमुने चैव गोदावरि सरस्वति ।। नर्मदे सिन्धु कावेरि जलेऽस्मिन्सन्निधिं कुरु
gaṅge ca yamune caiva godāvari sarasvati || narmade sindhu kāveri jale'sminsannidhiṃ kuru
Sanskrit only: no published translation is held for this verse.
नलिनी नन्दिनी सीता मालिनी च महापगा।। विष्णुपादाब्जसम्भूता गङ्गा त्रिपथगामिनी
nalinī nandinī sītā mālinī ca mahāpagā|| viṣṇupādābjasambhūtā gaṅgā tripathagāminī
Sanskrit only: no published translation is held for this verse.
पद्मावती भोगवती स्वर्णरेखा च कौशिकी ।। दक्षा पृथ्वी च सुभगा विश्वकाया शिवामृता
padmāvatī bhogavatī svarṇarekhā ca kauśikī || dakṣā pṛthvī ca subhagā viśvakāyā śivāmṛtā
Sanskrit only: no published translation is held for this verse.
विद्याधरी सुप्रसन्ना तथा लोकप्रसाधिनी ।। क्षेमा च वैष्णवी शान्ता शान्तिदा गोमती सती
vidyādharī suprasannā tathā lokaprasādhinī || kṣemā ca vaiṣṇavī śāntā śāntidā gomatī satī
Sanskrit only: no published translation is held for this verse.
सावित्री तुलसी दुर्गा महालक्ष्मीः सरस्वती ।। कृष्णप्राणाधिका राधा लोपामुद्रा दितीरतिः
sāvitrī tulasī durgā mahālakṣmīḥ sarasvatī || kṛṣṇaprāṇādhikā rādhā lopāmudrā ditīratiḥ
Sanskrit only: no published translation is held for this verse.
अहल्या चादितिः संज्ञा स्वधा स्वाहाऽप्यरुन्धती ।। शतरूपा देवहूतिरित्याद्याः संस्मरेत्सुधीः
ahalyā cāditiḥ saṃjñā svadhā svāhā'pyarundhatī || śatarūpā devahūtirityādyāḥ saṃsmaretsudhīḥ
Sanskrit only: no published translation is held for this verse.
स्नात्वा स्नात्वा महापूतः कुर्य्यात्तु तिलक बुधः ।। बाह्वोर्मूले ललाटे च कण्ठदेशे च वक्षसि
snātvā snātvā mahāpūtaḥ kuryyāttu tilaka budhaḥ || bāhvormūle lalāṭe ca kaṇṭhadeśe ca vakṣasi
Sanskrit only: no published translation is held for this verse.
स्नानं दानं तपो होमो देवतापितृकर्म च ।। तत्सर्वं निष्फलं याति लला टे तिलकं विना
snānaṃ dānaṃ tapo homo devatāpitṛkarma ca || tatsarvaṃ niṣphalaṃ yāti lalā ṭe tilakaṃ vinā
Sanskrit only: no published translation is held for this verse.
ब्राह्मणस्तिलकं कृत्वा कुर्य्यात्सन्ध्यां च तर्पणम् ।। नमस्कृत्य सुरान्भक्त्या गृहं गच्छेन्मुदाऽन्वितः
brāhmaṇastilakaṃ kṛtvā kuryyātsandhyāṃ ca tarpaṇam || namaskṛtya surānbhaktyā gṛhaṃ gacchenmudā'nvitaḥ
Sanskrit only: no published translation is held for this verse.
प्रक्षाल्य पादौ यत्नेन धृत्वा धौते च वाससी ।। मन्दिरं प्रविशेत्प्राज्ञ इत्याह हरिरेव च
prakṣālya pādau yatnena dhṛtvā dhaute ca vāsasī || mandiraṃ praviśetprājña ityāha harireva ca
Sanskrit only: no published translation is held for this verse.
विना पादक्षालनं यः स्नात्वा विशति मन्दिरम् ।। तस्य स्नानादिकं नष्टं जपहोमादिपञ्चकम्
vinā pādakṣālanaṃ yaḥ snātvā viśati mandiram || tasya snānādikaṃ naṣṭaṃ japahomādipañcakam
Sanskrit only: no published translation is held for this verse.
परिधाय स्निग्धवस्त्रं गृहं च प्रविशेद्गृही ।। रुष्टा लक्ष्मीर्गृहा द्याति शापं दत्त्वा सुदारुणम्
paridhāya snigdhavastraṃ gṛhaṃ ca praviśedgṛhī || ruṣṭā lakṣmīrgṛhā dyāti śāpaṃ dattvā sudāruṇam
Sanskrit only: no published translation is held for this verse.
जङ्घोर्ध्वतश्च यो विप्रः पादौ प्रक्षालयेद्यदा ।। तावद्भवति चाण्डालो यावद्गङ्गां न पश्यति
jaṅghordhvataśca yo vipraḥ pādau prakṣālayedyadā || tāvadbhavati cāṇḍālo yāvadgaṅgāṃ na paśyati
Sanskrit only: no published translation is held for this verse.
उपविश्यासने ब्रह्मञ्छुचिराचम्य साधकः ।। पूजां कुर्य्यात्तु वेदोक्ता भक्तियुक्तो हि संयतः
upaviśyāsane brahmañchucirācamya sādhakaḥ || pūjāṃ kuryyāttu vedoktā bhaktiyukto hi saṃyataḥ
Sanskrit only: no published translation is held for this verse.
शालग्रामे मणौ मन्त्रे प्रतिमायां जले स्थले ।। गोपृष्ठे वा गुरौ विप्रे प्रशस्तमर्चनं हरेः
śālagrāme maṇau mantre pratimāyāṃ jale sthale || gopṛṣṭhe vā gurau vipre praśastamarcanaṃ hareḥ
Sanskrit only: no published translation is held for this verse.
सर्वेषु शस्ता पूजा च शालग्रामे च नारद ।। सुराणामेव सर्वेषां यत्राधिष्ठानमेव च
sarveṣu śastā pūjā ca śālagrāme ca nārada || surāṇāmeva sarveṣāṃ yatrādhiṣṭhānameva ca
Sanskrit only: no published translation is held for this verse.
स स्नातः सर्वतीर्थेषु सर्वयज्ञेषु दीक्षितः ।। शालग्रामोदकेनैव योऽभिषेकं समाचरेत्
sa snātaḥ sarvatīrtheṣu sarvayajñeṣu dīkṣitaḥ || śālagrāmodakenaiva yo'bhiṣekaṃ samācaret
Sanskrit only: no published translation is held for this verse.
शालग्रामजलं भक्त्या नित्यमश्नाति यो नरः ।। जीवन्मुक्तः स च भवेद्यात्यन्ते कृष्णमन्दिरम्
śālagrāmajalaṃ bhaktyā nityamaśnāti yo naraḥ || jīvanmuktaḥ sa ca bhavedyātyante kṛṣṇamandiram
Sanskrit only: no published translation is held for this verse.
शालग्रामशिलाचक्रं यत्र तिष्ठति नारद ।। सचक्रो भगवांस्तत्र सर्वतीर्थानि निश्चितम्
śālagrāmaśilācakraṃ yatra tiṣṭhati nārada || sacakro bhagavāṃstatra sarvatīrthāni niścitam
Sanskrit only: no published translation is held for this verse.
तत्र यो हि मृतो देही ज्ञानाज्ञानेन दैवतः ।। रत्ननिर्मितयानेन स याति श्रीहरेः पदम्
tatra yo hi mṛto dehī jñānājñānena daivataḥ || ratnanirmitayānena sa yāti śrīhareḥ padam
Sanskrit only: no published translation is held for this verse.
शालग्रामं विनाऽन्यत्र कः साधुः पूजयेद्धरिम् ।। कृत्वा तत्र हरेः पूजां परिपूर्णं फलं लभेत्।।
śālagrāmaṃ vinā'nyatra kaḥ sādhuḥ pūjayeddharim || kṛtvā tatra hareḥ pūjāṃ paripūrṇaṃ phalaṃ labhet||
Sanskrit only: no published translation is held for this verse.
पूजाधारश्च कथितः श्रूयतां पूजनक्रमः ।। हरेः पूजां बहुमतां कथयामि यथागमम्
pūjādhāraśca kathitaḥ śrūyatāṃ pūjanakramaḥ || hareḥ pūjāṃ bahumatāṃ kathayāmi yathāgamam
Sanskrit only: no published translation is held for this verse.
कश्चिद्ददाति हरये चोपचारांश्च षोडश ।। सुन्दराणि पवित्राणि नित्यं भक्त्या च वैष्णवः
kaściddadāti haraye copacārāṃśca ṣoḍaśa || sundarāṇi pavitrāṇi nityaṃ bhaktyā ca vaiṣṇavaḥ
Sanskrit only: no published translation is held for this verse.
कश्चिद्द्वादश वस्तूनि पञ्च वस्तूनि कश्चन ।। येषामेव यथा शक्तिर्भक्तिर्मूलं च पूजने
kaściddvādaśa vastūni pañca vastūni kaścana || yeṣāmeva yathā śaktirbhaktirmūlaṃ ca pūjane
Sanskrit only: no published translation is held for this verse.
आसनं वसनं पाद्यमर्घ्यमाचमनीयकम् ।। पुष्पं चन्दनधूपं च दीपं नैवेद्यमुत्तमम्
āsanaṃ vasanaṃ pādyamarghyamācamanīyakam || puṣpaṃ candanadhūpaṃ ca dīpaṃ naivedyamuttamam
Sanskrit only: no published translation is held for this verse.
गन्धं माल्यं च शय्यां च ललितां सुविलक्षणाम् ।। जलमन्नं च ताम्बूलं साधारं देयमेव च
gandhaṃ mālyaṃ ca śayyāṃ ca lalitāṃ suvilakṣaṇām || jalamannaṃ ca tāmbūlaṃ sādhāraṃ deyameva ca
Sanskrit only: no published translation is held for this verse.
गन्धान्नतल्पताम्बूलं विना द्रव्याणि द्वादश ।। पाद्यार्घ्यजलनैवेद्यपुष्पाण्येतानि पंच च
gandhānnatalpatāmbūlaṃ vinā dravyāṇi dvādaśa || pādyārghyajalanaivedyapuṣpāṇyetāni paṃca ca
Sanskrit only: no published translation is held for this verse.
सर्वाण्येतानि मूलेन दद्यात्साधकसत्तमः ।। गुरूपदिष्टं मूलं च प्रशस्तं सर्वकर्मसु
sarvāṇyetāni mūlena dadyātsādhakasattamaḥ || gurūpadiṣṭaṃ mūlaṃ ca praśastaṃ sarvakarmasu
Sanskrit only: no published translation is held for this verse.
आदौ कृत्वा भूतशुद्धिं प्राणायामं ततः परम् ।। अङ्गप्रत्यङ्गयोर्न्यासं मन्त्रन्यासं ततः परम्
ādau kṛtvā bhūtaśuddhiṃ prāṇāyāmaṃ tataḥ param || aṅgapratyaṅgayornyāsaṃ mantranyāsaṃ tataḥ param
Sanskrit only: no published translation is held for this verse.
वर्णन्यासं विनिर्वर्त्य चार्घ्यपात्रं विनिर्दिशेत् ।। त्रिकोणमण्डलं कृत्वा तत्र कूर्मं प्रपूजयेत्
varṇanyāsaṃ vinirvartya cārghyapātraṃ vinirdiśet || trikoṇamaṇḍalaṃ kṛtvā tatra kūrmaṃ prapūjayet
Sanskrit only: no published translation is held for this verse.
जलेनापूर्य्य शङ्खं च तत्र संस्थापयेद्द्विजः ।। जलं संपूज्य विधिवत्तीर्थान्यावाहयेत्तत्तः
jalenāpūryya śaṅkhaṃ ca tatra saṃsthāpayeddvijaḥ || jalaṃ saṃpūjya vidhivattīrthānyāvāhayettattaḥ
Sanskrit only: no published translation is held for this verse.
पूजोपकरणं तेन जलेन क्षालयेत्पुनः ।। ततो गृहीत्वा पुष्पं च कृत्वा योगासनं शुचिः
pūjopakaraṇaṃ tena jalena kṣālayetpunaḥ || tato gṛhītvā puṣpaṃ ca kṛtvā yogāsanaṃ śuciḥ
Sanskrit only: no published translation is held for this verse.
ध्यानेन गुरुदत्तेन ध्यायेत्कृष्णमनन्यधीः ।। ध्यात्वा पाद्यादिकं सर्वं दद्यान्मूलेन साधकः
dhyānena gurudattena dhyāyetkṛṣṇamananyadhīḥ || dhyātvā pādyādikaṃ sarvaṃ dadyānmūlena sādhakaḥ
Sanskrit only: no published translation is held for this verse.
अङ्ग प्रत्यङ्गदेवं च तन्त्रोक्तं पूजयेद्धरिम् ।। मूलं जप्त्वा यथाशक्ति देवमन्त्रं विसर्जयेत्
aṅga pratyaṅgadevaṃ ca tantroktaṃ pūjayeddharim || mūlaṃ japtvā yathāśakti devamantraṃ visarjayet
Sanskrit only: no published translation is held for this verse.
दत्त्वोपहारं विविधं स्तुत्वा च कवचं पठेत् ।। ततः कृत्वा परीहारं मूर्ध्ना च प्रणमेद्भुवि
dattvopahāraṃ vividhaṃ stutvā ca kavacaṃ paṭhet || tataḥ kṛtvā parīhāraṃ mūrdhnā ca praṇamedbhuvi
Sanskrit only: no published translation is held for this verse.
कृत्वा वै देवपूजां च यज्ञं कुर्य्याद्विचक्षणः ।। श्रौतस्मार्त्ताग्नियुक्तं च बलिं दद्यात्ततो मुने
kṛtvā vai devapūjāṃ ca yajñaṃ kuryyādvicakṣaṇaḥ || śrautasmārttāgniyuktaṃ ca baliṃ dadyāttato mune
Sanskrit only: no published translation is held for this verse.
नित्यश्राद्धं यथाशक्ति दानं वित्तानुरूपकम् ।। कृत्वा कृती स विहरेत्क्रम एष श्रुतौ श्रुतः
nityaśrāddhaṃ yathāśakti dānaṃ vittānurūpakam || kṛtvā kṛtī sa viharetkrama eṣa śrutau śrutaḥ
Sanskrit only: no published translation is held for this verse.
इति ते कथितं सर्वं वेदोक्तं सूत्रमुत्तमम् ।। आह्निकस्य च विप्राणां किं भूयः श्रोतुमिच्छसि
iti te kathitaṃ sarvaṃ vedoktaṃ sūtramuttamam || āhnikasya ca viprāṇāṃ kiṃ bhūyaḥ śrotumicchasi
Sanskrit only: no published translation is held for this verse.