Brahmavaivarta Purāṇa 1.29

सौतिरुवाच ।। ददर्शाश्रममाश्चर्य्यं देवर्षिर्नारदस्तथा ।। ऋषिर्नारायणस्यैव बदरीवनसंयुतम्

sautiruvāca || dadarśāśramamāścaryyaṃ devarṣirnāradastathā || ṛṣirnārāyaṇasyaiva badarīvanasaṃyutam

Sanskrit only: no published translation is held for this verse.

नानावृक्षफलाकीर्णं पुंस्कोकिलरुतश्रुतम् ।। शरभेन्द्रैः केसरीन्द्रैर्व्याघ्रौघैः परिवेष्टितम्

nānāvṛkṣaphalākīrṇaṃ puṃskokilarutaśrutam || śarabhendraiḥ kesarīndrairvyāghraughaiḥ pariveṣṭitam

Sanskrit only: no published translation is held for this verse.

ऋषीन्द्रस्य प्रभावेण हिंसाभयविवर्जितम् ।। महारण्यमगम्यं च स्वर्गादपि मनोहरम्

ṛṣīndrasya prabhāveṇa hiṃsābhayavivarjitam || mahāraṇyamagamyaṃ ca svargādapi manoharam

Sanskrit only: no published translation is held for this verse.

सिद्धेन्द्राणां मुनीन्द्राणामाश्रमाणां त्रिकोटिभिः ।। आवृतं चन्दनारण्यैः पारिजातवनान्वितम्

siddhendrāṇāṃ munīndrāṇāmāśramāṇāṃ trikoṭibhiḥ || āvṛtaṃ candanāraṇyaiḥ pārijātavanānvitam

Sanskrit only: no published translation is held for this verse.

ददर्श तमृषीन्द्रं च सभामध्ये मनोहरम् ।। रत्नसिंहासनस्थं च वसन्तं योगिनां गुरुम्

dadarśa tamṛṣīndraṃ ca sabhāmadhye manoharam || ratnasiṃhāsanasthaṃ ca vasantaṃ yogināṃ gurum

Sanskrit only: no published translation is held for this verse.

जपन्तं परमं ब्रह्म कृष्णमात्मानमीश्वरम् ।। प्रणनाम च तं दृष्ट्वा ब्रह्मपुत्रश्च शौनक

japantaṃ paramaṃ brahma kṛṣṇamātmānamīśvaram || praṇanāma ca taṃ dṛṣṭvā brahmaputraśca śaunaka

Sanskrit only: no published translation is held for this verse.

उत्थाय सहसाऽऽलिङ्ग्य युयुजे परमाशिषम् ।। पप्रच्छ कुशलं स्नेहाच्चकारातिथिपूजनम्

utthāya sahasā''liṅgya yuyuje paramāśiṣam || papraccha kuśalaṃ snehāccakārātithipūjanam

Sanskrit only: no published translation is held for this verse.

रत्नसिंहासने रम्ये वासयामास नारदम् ।। निवसन्नासने रम्ये वर्त्मश्रमविवर्जितः

ratnasiṃhāsane ramye vāsayāmāsa nāradam || nivasannāsane ramye vartmaśramavivarjitaḥ

Sanskrit only: no published translation is held for this verse.

उवाच तमृषिश्रेष्ठं भगवन्तं सनातनम् ।। अधीत्य वेदान्सर्वांश्च पितुः स्थाने सुदुर्गमान्

uvāca tamṛṣiśreṣṭhaṃ bhagavantaṃ sanātanam || adhītya vedānsarvāṃśca pituḥ sthāne sudurgamān

Sanskrit only: no published translation is held for this verse.

ज्ञानं सम्प्राप्य योगीन्द्रान्मन्त्रं वै शङ्कराद्विभो ।। मनो मे न हि तृप्नोति दुर्निवारं च चंचलम्

jñānaṃ samprāpya yogīndrānmantraṃ vai śaṅkarādvibho || mano me na hi tṛpnoti durnivāraṃ ca caṃcalam

Sanskrit only: no published translation is held for this verse.

दृष्टं मया त्वत्पदाब्जं मनसा प्रेरितेन च ।। किंचिज्ज्ञानविशेषं च लब्धुमिच्छामि साम्प्रतम्

dṛṣṭaṃ mayā tvatpadābjaṃ manasā preritena ca || kiṃcijjñānaviśeṣaṃ ca labdhumicchāmi sāmpratam

Sanskrit only: no published translation is held for this verse.

यत्र कृष्णगुणाख्यानं जन्ममृत्युजरापहम्

yatra kṛṣṇaguṇākhyānaṃ janmamṛtyujarāpaham

Sanskrit only: no published translation is held for this verse.

ब्रह्मविष्णुशिवाद्याश्च सुरेन्द्रश्च सुरा विभो ।। कं चिन्तयन्ति मुनयो मनवश्च विचक्षणाः

brahmaviṣṇuśivādyāśca surendraśca surā vibho || kaṃ cintayanti munayo manavaśca vicakṣaṇāḥ

Sanskrit only: no published translation is held for this verse.

कस्मात्सृष्टिश्च भवति कुत्र वा संप्रलीयते।। को वा सर्वेश्वरो विष्णुः सर्वकारणकारकः

kasmātsṛṣṭiśca bhavati kutra vā saṃpralīyate|| ko vā sarveśvaro viṣṇuḥ sarvakāraṇakārakaḥ

Sanskrit only: no published translation is held for this verse.

तस्येश्वरस्य किं रूपं कर्म वा किं जगत्पते ।। विचार्य्य मनसा सर्वं तद्भवान्वक्तुमर्हति

tasyeśvarasya kiṃ rūpaṃ karma vā kiṃ jagatpate || vicāryya manasā sarvaṃ tadbhavānvaktumarhati

Sanskrit only: no published translation is held for this verse.

नारदस्य वचः श्रुत्वा प्रहस्य भगवानृषिः।। कथां कथितुमारेभे पुण्यां भुवनपावनीम्

nāradasya vacaḥ śrutvā prahasya bhagavānṛṣiḥ|| kathāṃ kathitumārebhe puṇyāṃ bhuvanapāvanīm

Sanskrit only: no published translation is held for this verse.

इति श्रीब्रह्मवैवर्त्ते महापुराणे ब्रह्मखण्डे सौतिशौनकसंवादे नारायणं प्रति नारदप्रश्नो नामैकोनत्रिंशत्तमोऽध्यायः

iti śrībrahmavaivartte mahāpurāṇe brahmakhaṇḍe sautiśaunakasaṃvāde nārāyaṇaṃ prati nāradapraśno nāmaikonatriṃśattamo'dhyāyaḥ

Sanskrit only: no published translation is held for this verse.