Brahmavaivarta Purāṇa 1.4

सौतिरुवाच ।। आविर्बभूव तत्पश्चात्कृष्णस्य रसनाग्रतः ।। शुद्धस्फटिकसंकाशा देवी चैका मनोहरा

sautiruvāca || āvirbabhūva tatpaścātkṛṣṇasya rasanāgrataḥ || śuddhasphaṭikasaṃkāśā devī caikā manoharā

Sanskrit only: no published translation is held for this verse.

शुक्लवस्त्रपरीधाना सर्वालङ्कारभूषिता ।। बिभ्रती जपमालां च सा सावित्री प्रकीर्तिता

śuklavastraparīdhānā sarvālaṅkārabhūṣitā || bibhratī japamālāṃ ca sā sāvitrī prakīrtitā

Sanskrit only: no published translation is held for this verse.

सा तुष्टाव पुरः स्थित्वा परं ब्रह्म सनातनम्।। पुटांजलिपरा साध्वी भक्तिनम्रात्मकन्धरा

sā tuṣṭāva puraḥ sthitvā paraṃ brahma sanātanam|| puṭāṃjaliparā sādhvī bhaktinamrātmakandharā

Sanskrit only: no published translation is held for this verse.

सावित्र्युवाच ।। नमामि सर्वबीजं त्वां ब्रह्मज्योतिः सनातनम् ।। परात्परतरं श्यामं निर्विकारं निरञ्जनम्

sāvitryuvāca || namāmi sarvabījaṃ tvāṃ brahmajyotiḥ sanātanam || parātparataraṃ śyāmaṃ nirvikāraṃ nirañjanam

Sanskrit only: no published translation is held for this verse.

इत्युक्त्वा सस्मिता देवी रत्नसिंहासने वरे ।। उवास श्रीहरिं नत्वा पुनरेव श्रुतिप्रसूः

ityuktvā sasmitā devī ratnasiṃhāsane vare || uvāsa śrīhariṃ natvā punareva śrutiprasūḥ

Sanskrit only: no published translation is held for this verse.

आविर्बभूव तत्पश्चात्कृष्णस्य परमात्मनः ।। मानसाच्च पुमानेकस्तप्तकांचनसन्निभः

āvirbabhūva tatpaścātkṛṣṇasya paramātmanaḥ || mānasācca pumānekastaptakāṃcanasannibhaḥ

Sanskrit only: no published translation is held for this verse.

मनो मथ्नाति सर्वेषां पञ्चबाणेन कामिनाम् ।। तन्नाम मन्मथं तेन प्रवदन्ति मनीषिणः

mano mathnāti sarveṣāṃ pañcabāṇena kāminām || tannāma manmathaṃ tena pravadanti manīṣiṇaḥ

Sanskrit only: no published translation is held for this verse.

तस्य पुंसो वामपार्श्वात्कामस्य कामिनी वरा ।। बभूवातीव ललिता सर्वेषां मोहकारिणी

tasya puṃso vāmapārśvātkāmasya kāminī varā || babhūvātīva lalitā sarveṣāṃ mohakāriṇī

Sanskrit only: no published translation is held for this verse.

रतिर्बभूव सर्वेषां तां दृष्ट्वा सस्मितां सतीम् ।। रतीति तेन तन्नाम प्रवदंति मनीषिणः

ratirbabhūva sarveṣāṃ tāṃ dṛṣṭvā sasmitāṃ satīm || ratīti tena tannāma pravadaṃti manīṣiṇaḥ

Sanskrit only: no published translation is held for this verse.

हरिं स्तुत्वा तया सार्द्धं स उवास हरेः पुरः ।। रत्नसिंहासने चास्य पञ्चबाणो धनुर्द्धरः

hariṃ stutvā tayā sārddhaṃ sa uvāsa hareḥ puraḥ || ratnasiṃhāsane cāsya pañcabāṇo dhanurddharaḥ

Sanskrit only: no published translation is held for this verse.

मारणं स्तम्भनं चैव जृम्भणं शोषणं तथा ।। उन्मादनं पञ्चबाणन्पञ्चबाणो बिभर्ति सः ।।

māraṇaṃ stambhanaṃ caiva jṛmbhaṇaṃ śoṣaṇaṃ tathā || unmādanaṃ pañcabāṇanpañcabāṇo bibharti saḥ ||

Sanskrit only: no published translation is held for this verse.

बाणांश्चिक्षेप सर्वांश्च कामो बाणपरीक्षया ।। सद्यः सर्वे सकामाश्च बभूवुरीश्वरेच्छया

bāṇāṃścikṣepa sarvāṃśca kāmo bāṇaparīkṣayā || sadyaḥ sarve sakāmāśca babhūvurīśvarecchayā

Sanskrit only: no published translation is held for this verse.

रतिं दृष्ट्वा ब्रह्मणश्च रेतः पातो वभूव ह ।। तत्र तस्थौ महायोगी वस्त्रेणाच्छाद्य लज्जया

ratiṃ dṛṣṭvā brahmaṇaśca retaḥ pāto vabhūva ha || tatra tasthau mahāyogī vastreṇācchādya lajjayā

Sanskrit only: no published translation is held for this verse.

वस्त्रं दग्ध्वा समुत्तस्थौ ज्वलदग्निः सुरेश्वरः ।। कोटितालप्रमाणश्च सशिखश्च समुज्ज्वलन्

vastraṃ dagdhvā samuttasthau jvaladagniḥ sureśvaraḥ || koṭitālapramāṇaśca saśikhaśca samujjvalan

Sanskrit only: no published translation is held for this verse.

कृष्णस्तद्वर्द्धनं दृष्ट्वा ससर्जापः स्वलीलया ।। निःश्वासवायुना सार्द्धं मुखबिन्दुं समुद्गिरन्

kṛṣṇastadvarddhanaṃ dṛṣṭvā sasarjāpaḥ svalīlayā || niḥśvāsavāyunā sārddhaṃ mukhabinduṃ samudgiran

Sanskrit only: no published translation is held for this verse.

विश्वौघं प्लावयामास मुखबिंदुजलं द्विज ।। तत्र किञ्चिज्जलकणं वह्निं शान्तं चकार ह

viśvaughaṃ plāvayāmāsa mukhabiṃdujalaṃ dvija || tatra kiñcijjalakaṇaṃ vahniṃ śāntaṃ cakāra ha

Sanskrit only: no published translation is held for this verse.

ततःप्रभृति तेनाग्निस्तोयान्निर्वाणतां व्रजेत् ।। आविर्भूतः पुमानेकस्ततस्तदधिदेवता

tataḥprabhṛti tenāgnistoyānnirvāṇatāṃ vrajet || āvirbhūtaḥ pumānekastatastadadhidevatā

Sanskrit only: no published translation is held for this verse.

उत्तस्थौ तज्जलादेकः पुमान्स वरुणः स्मृतः ।। जलाधिष्ठातृदेवोऽसौ सर्वेषां यादसाम्पतिः

uttasthau tajjalādekaḥ pumānsa varuṇaḥ smṛtaḥ || jalādhiṣṭhātṛdevo'sau sarveṣāṃ yādasāmpatiḥ

Sanskrit only: no published translation is held for this verse.

आविर्बभूव कन्यैका तद्वह्नेर्वामपार्श्वतः ।। सा स्वाहा वह्निपत्नी तां प्रवदन्ति मनीषिणः

āvirbabhūva kanyaikā tadvahnervāmapārśvataḥ || sā svāhā vahnipatnī tāṃ pravadanti manīṣiṇaḥ

Sanskrit only: no published translation is held for this verse.

जलेशस्य वामपार्श्वात्कन्या चैका बभूव सा ।। वरुणानीति विख्याता वरुणस्य प्रिया सती

jaleśasya vāmapārśvātkanyā caikā babhūva sā || varuṇānīti vikhyātā varuṇasya priyā satī

Sanskrit only: no published translation is held for this verse.

बभूव पवनः श्रीमान्विभोर्निश्वासवायुतः।। स च प्राणाश्च सर्वेषां निःश्वासस्तत्फलोद्भवः

babhūva pavanaḥ śrīmānvibhorniśvāsavāyutaḥ|| sa ca prāṇāśca sarveṣāṃ niḥśvāsastatphalodbhavaḥ

Sanskrit only: no published translation is held for this verse.

तस्य वायोर्वामपार्श्वात्कन्या चैका बभूव ह।। वायोः पत्नी सा च देवी वायवी परिकीर्तिता

tasya vāyorvāmapārśvātkanyā caikā babhūva ha|| vāyoḥ patnī sā ca devī vāyavī parikīrtitā

Sanskrit only: no published translation is held for this verse.

कृष्णस्य कामबाणेन रेतःपातो बभूव ह ।। जले तद्रेचनं चक्रे लज्जया सुर संसदि

kṛṣṇasya kāmabāṇena retaḥpāto babhūva ha || jale tadrecanaṃ cakre lajjayā sura saṃsadi

Sanskrit only: no published translation is held for this verse.

सहस्रवत्सरान्ते तड्डिम्भरूपं बभूव ह ।। ततो महान्विराड् जज्ञे विश्वौघाधार एव सः

sahasravatsarānte taḍḍimbharūpaṃ babhūva ha || tato mahānvirāḍ jajñe viśvaughādhāra eva saḥ

Sanskrit only: no published translation is held for this verse.

यस्यैक लोमविवरे विश्वैकस्य व्यवस्थितिः ।। स्थूलात्स्थूलतरः सोऽपि महान्नान्यस्ततः परः

yasyaika lomavivare viśvaikasya vyavasthitiḥ || sthūlātsthūlataraḥ so'pi mahānnānyastataḥ paraḥ

Sanskrit only: no published translation is held for this verse.

स एव षोडशांशोऽपि कृष्णस्य परमात्मनः ।। महाविष्णुः स विज्ञेयः सर्वाधारः सनातनः

sa eva ṣoḍaśāṃśo'pi kṛṣṇasya paramātmanaḥ || mahāviṣṇuḥ sa vijñeyaḥ sarvādhāraḥ sanātanaḥ

Sanskrit only: no published translation is held for this verse.

महार्णवे शयानः स पद्मपत्रं यथा जले ।। बभूवतुस्तौ द्वौ दैत्यौ तस्य कर्णमलोद्भवौ

mahārṇave śayānaḥ sa padmapatraṃ yathā jale || babhūvatustau dvau daityau tasya karṇamalodbhavau

Sanskrit only: no published translation is held for this verse.

तौ जलाच्च समुत्थाय ब्रह्माणं हन्तुमुद्यतौ ।। नारायणश्च भगवाञ्जघने तौ जघान ह

tau jalācca samutthāya brahmāṇaṃ hantumudyatau || nārāyaṇaśca bhagavāñjaghane tau jaghāna ha

Sanskrit only: no published translation is held for this verse.

बभूव मेदिनी कृत्स्ना कार्त्स्न्येन मेदसा तया ।। तत्रैव सन्ति विश्वानि सा च देवी वसुन्धरा

babhūva medinī kṛtsnā kārtsnyena medasā tayā || tatraiva santi viśvāni sā ca devī vasundharā

Sanskrit only: no published translation is held for this verse.