Library·Brahmavaivarta Purāṇa·1·1.5
।। शौनक उवाच गोगोपगोप्यो गोलोके किं नित्याः किंनु कल्पिताः ।। मम संदेहभेदार्थं तन्मे व्याख्यातुमर्हसि
|| śaunaka uvāca gogopagopyo goloke kiṃ nityāḥ kiṃnu kalpitāḥ || mama saṃdehabhedārthaṃ tanme vyākhyātumarhasi
Sanskrit only: no published translation is held for this verse.
।। सौतिरुवाच सर्वादिसृष्टौ ताः क्लृप्ताः प्रलये प्रलये स्थिताः ।। सर्वादिसृष्टिकथनं यन्मया कथितं द्विज
|| sautiruvāca sarvādisṛṣṭau tāḥ klṛptāḥ pralaye pralaye sthitāḥ || sarvādisṛṣṭikathanaṃ yanmayā kathitaṃ dvija
Sanskrit only: no published translation is held for this verse.
सर्वादिसृष्टौ क्लृप्तौ च नारायणमहेश्वरौ ।। प्रलये प्रलये व्यक्तौ स्थितौ तौ प्रकृतिश्च सा
sarvādisṛṣṭau klṛptau ca nārāyaṇamaheśvarau || pralaye pralaye vyaktau sthitau tau prakṛtiśca sā
Sanskrit only: no published translation is held for this verse.
सर्वादौ ब्रह्मकल्पस्य चरितं कथितं द्विज ।। वाराहपाद्मकल्पौ द्वौ कथयिष्यामि श्रोष्यसि
sarvādau brahmakalpasya caritaṃ kathitaṃ dvija || vārāhapādmakalpau dvau kathayiṣyāmi śroṣyasi
Sanskrit only: no published translation is held for this verse.
ब्राह्मवाराहपाद्माश्च कल्पाश्च त्रिविधा मुने ।। यथायुगानि चत्वारि क्रमेण कथितानि च
brāhmavārāhapādmāśca kalpāśca trividhā mune || yathāyugāni catvāri krameṇa kathitāni ca
Sanskrit only: no published translation is held for this verse.
सत्यं त्रेता द्वापरं च कलिश्चेति चतुर्युगम् ।। त्रिशतैश्च षष्ट्यधिकैर्युगैर्दिव्यं युगं स्मृतम्
satyaṃ tretā dvāparaṃ ca kaliśceti caturyugam || triśataiśca ṣaṣṭyadhikairyugairdivyaṃ yugaṃ smṛtam
Sanskrit only: no published translation is held for this verse.
मन्वन्तरं तु दिव्यानां युगानामेकसप्ततिः ।। चतुर्दशेषु मनुषु गतेषु ब्रह्मणो दिनम्
manvantaraṃ tu divyānāṃ yugānāmekasaptatiḥ || caturdaśeṣu manuṣu gateṣu brahmaṇo dinam
Sanskrit only: no published translation is held for this verse.
त्रिशतैश्च षष्ट्यधिकैर्दिनैर्वर्षं च ब्रह्मणः ।। अष्टोत्तरं वर्षशतं विधेरायुर्निरूपितम्
triśataiśca ṣaṣṭyadhikairdinairvarṣaṃ ca brahmaṇaḥ || aṣṭottaraṃ varṣaśataṃ vidherāyurnirūpitam
Sanskrit only: no published translation is held for this verse.
एतन्निमेषकालस्तु कृष्णस्य परमात्मनः ।। ब्रह्मणश्चायुषा कल्पः कालविद्भिर्निरूपितः
etannimeṣakālastu kṛṣṇasya paramātmanaḥ || brahmaṇaścāyuṣā kalpaḥ kālavidbhirnirūpitaḥ
Sanskrit only: no published translation is held for this verse.
क्षुद्रकल्पा बहुतरास्ते संवर्तादयः स्मृताः ।। सप्तकल्पांतजीवी स मार्कण्डेयश्च तन्मतः
kṣudrakalpā bahutarāste saṃvartādayaḥ smṛtāḥ || saptakalpāṃtajīvī sa mārkaṇḍeyaśca tanmataḥ
Sanskrit only: no published translation is held for this verse.
ब्रह्मणश्च दिनेनैव स कल्पः परिकीर्तितः ।। विधेश्च सप्तदिवसे मुनेरायुर्निरूपितम्
brahmaṇaśca dinenaiva sa kalpaḥ parikīrtitaḥ || vidheśca saptadivase munerāyurnirūpitam
Sanskrit only: no published translation is held for this verse.
ब्राह्मवाराहपाद्माश्च त्रयः कल्पा निरूपिताः ।। कल्पत्रये यथा सृष्टिः कथयामि निशामय
brāhmavārāhapādmāśca trayaḥ kalpā nirūpitāḥ || kalpatraye yathā sṛṣṭiḥ kathayāmi niśāmaya
Sanskrit only: no published translation is held for this verse.
ब्राह्मे च मेदिनीं सृष्ट्वा स्रष्टा सृष्टिं चकार सः ।। मधुकैटभयोश्चैव मेदसा चाज्ञया प्रभोः
brāhme ca medinīṃ sṛṣṭvā sraṣṭā sṛṣṭiṃ cakāra saḥ || madhukaiṭabhayoścaiva medasā cājñayā prabhoḥ
Sanskrit only: no published translation is held for this verse.
वाराहे तां समुद्धृत्य लुप्तां मग्नां रसातलात् ।। विष्णोर्वराहरूपस्य द्वारा चातिप्रयत्नतः
vārāhe tāṃ samuddhṛtya luptāṃ magnāṃ rasātalāt || viṣṇorvarāharūpasya dvārā cātiprayatnataḥ
Sanskrit only: no published translation is held for this verse.
पाद्मे विष्णोर्नाभिपद्मे स्रष्टा सृष्टिं विनिर्ममे ।। त्रिलोकीं ब्रह्मलोकान्तां नित्यलोकत्रयं विना
pādme viṣṇornābhipadme sraṣṭā sṛṣṭiṃ vinirmame || trilokīṃ brahmalokāntāṃ nityalokatrayaṃ vinā
Sanskrit only: no published translation is held for this verse.
एतत्तु कालसंख्यानमुक्तं सृष्टिनिरूपणे ।। किंचिन्निरूपणं सृष्टे किं भूयः श्रोतुमिच्छसि
etattu kālasaṃkhyānamuktaṃ sṛṣṭinirūpaṇe || kiṃcinnirūpaṇaṃ sṛṣṭe kiṃ bhūyaḥ śrotumicchasi
Sanskrit only: no published translation is held for this verse.
।। शौनक उवाच अतः परं किं चकार भगवान्सात्वतांपतिः ।। एतान्सृष्ट्वा किं चकार तन्मे व्याख्यातुमर्हसि
|| śaunaka uvāca ataḥ paraṃ kiṃ cakāra bhagavānsātvatāṃpatiḥ || etānsṛṣṭvā kiṃ cakāra tanme vyākhyātumarhasi
Sanskrit only: no published translation is held for this verse.
।। सौतिरुवाच अतः परं तु गोलोके गोलोकेशो महान्प्रभुः ।। एतान्सृष्ट्वा जगामासौ सुरम्यं रासमण्डलम् ।। एतैः समेतैर्भगवानतीव कमनीयकम्
|| sautiruvāca ataḥ paraṃ tu goloke golokeśo mahānprabhuḥ || etānsṛṣṭvā jagāmāsau suramyaṃ rāsamaṇḍalam || etaiḥ sametairbhagavānatīva kamanīyakam
Sanskrit only: no published translation is held for this verse.
रम्याणां कल्पवृक्षाणां मध्येऽतीव मनोहरम् ।। सुविस्तीर्णं च सुसमं सुस्निग्धं मण्डलीकृतम्
ramyāṇāṃ kalpavṛkṣāṇāṃ madhye'tīva manoharam || suvistīrṇaṃ ca susamaṃ susnigdhaṃ maṇḍalīkṛtam
Sanskrit only: no published translation is held for this verse.
चन्दनागुरुकस्तूरीकुङ्कुमैश्च सुसंस्कृतम् ।। दधिलाजसक्तुधान्यदूर्वापर्णपरिप्लुतम्
candanāgurukastūrīkuṅkumaiśca susaṃskṛtam || dadhilājasaktudhānyadūrvāparṇapariplutam
Sanskrit only: no published translation is held for this verse.
पट्टसूत्रग्रन्थियुक्तं नवचन्दनपल्लवैः ।। संयुक्तरम्भास्तम्भानां समूहैः परिवेष्टितम्
paṭṭasūtragranthiyuktaṃ navacandanapallavaiḥ || saṃyuktarambhāstambhānāṃ samūhaiḥ pariveṣṭitam
Sanskrit only: no published translation is held for this verse.
सद्रत्नसारनिर्माणमण्डपानां त्रिकोटिभिः ।। रत्नप्रदीपज्वलितैः पुष्पधूपादिवासितैः
sadratnasāranirmāṇamaṇḍapānāṃ trikoṭibhiḥ || ratnapradīpajvalitaiḥ puṣpadhūpādivāsitaiḥ
Sanskrit only: no published translation is held for this verse.
शृंगारार्हभोगवस्तुसमूहपरिवेष्टितम्।। अतीव ललिताकल्पतल्पयुक्तैः सुशोभितम्
śṛṃgārārhabhogavastusamūhapariveṣṭitam|| atīva lalitākalpatalpayuktaiḥ suśobhitam
Sanskrit only: no published translation is held for this verse.
तत्र गत्वा च तैः सार्धं समुवास जगत्पतिः ।। दृष्ट्वा रासं विस्मितास्ते बभूवुर्मुनिसत्तम
tatra gatvā ca taiḥ sārdhaṃ samuvāsa jagatpatiḥ || dṛṣṭvā rāsaṃ vismitāste babhūvurmunisattama
Sanskrit only: no published translation is held for this verse.
आविर्बभूव कन्यैका कृष्णस्य वामपार्श्वतः ।। धावित्वा पुष्पमानीय ददावर्घ्यं प्रभोः पदे
āvirbabhūva kanyaikā kṛṣṇasya vāmapārśvataḥ || dhāvitvā puṣpamānīya dadāvarghyaṃ prabhoḥ pade
Sanskrit only: no published translation is held for this verse.
रासे संभूय गोलोके सा दधाव हरेः पुरः ।। तेन राधा समाख्याता पुराविद्भिर्द्विजोत्तम
rāse saṃbhūya goloke sā dadhāva hareḥ puraḥ || tena rādhā samākhyātā purāvidbhirdvijottama
Sanskrit only: no published translation is held for this verse.
प्राणाधिष्ठातृदेवी सा कृष्णस्य परमात्मनः ।। आविर्बभूव प्राणेभ्यः प्राणेभ्योऽपि गरीयसी
prāṇādhiṣṭhātṛdevī sā kṛṣṇasya paramātmanaḥ || āvirbabhūva prāṇebhyaḥ prāṇebhyo'pi garīyasī
Sanskrit only: no published translation is held for this verse.
देवी षोडशवर्षीया नवयौवनसंयुता ।। वह्निशुद्धांशुकाधाना सस्मिता सुमनोहरा
devī ṣoḍaśavarṣīyā navayauvanasaṃyutā || vahniśuddhāṃśukādhānā sasmitā sumanoharā
Sanskrit only: no published translation is held for this verse.
सुकोमलांगी ललिता सुन्दरीषु च सुन्दरी ।। बृहन्नितम्बभारार्त्ता पीनश्रोणिपयोधरा
sukomalāṃgī lalitā sundarīṣu ca sundarī || bṛhannitambabhārārttā pīnaśroṇipayodharā
Sanskrit only: no published translation is held for this verse.
बन्धुजीवजिता रक्तसुन्दरोष्ठा धरावरा ।। मुक्तापङ्क्तिजिता चारुदन्तपंक्तिर्मनोहरा
bandhujīvajitā raktasundaroṣṭhā dharāvarā || muktāpaṅktijitā cārudantapaṃktirmanoharā
Sanskrit only: no published translation is held for this verse.
शरत्पार्वणकोटीन्दुशोभामृष्टशुभानना ।। चारुसीमन्तिनीचारुशरत्पङ्कजलोचना
śaratpārvaṇakoṭīnduśobhāmṛṣṭaśubhānanā || cārusīmantinīcāruśaratpaṅkajalocanā
Sanskrit only: no published translation is held for this verse.
खगेन्द्रचञ्चुविजितचारुनासा मनोहरा ।। स्वर्णगण्डूकविजिते गण्डयुग्मे च बिभ्रती
khagendracañcuvijitacārunāsā manoharā || svarṇagaṇḍūkavijite gaṇḍayugme ca bibhratī
Sanskrit only: no published translation is held for this verse.
दधती चारुकर्णे च रत्नाभरणभूषिते ।। चन्दनागुरुकस्तूरीयुक्तकुंकुमबिन्दुभिः
dadhatī cārukarṇe ca ratnābharaṇabhūṣite || candanāgurukastūrīyuktakuṃkumabindubhiḥ
Sanskrit only: no published translation is held for this verse.
सिन्दूरबिन्दुसंयुक्तसुकपोला मनोहरा ।। सुसंस्कृतं केशपाशं मालतीमाल्यभूषितम्
sindūrabindusaṃyuktasukapolā manoharā || susaṃskṛtaṃ keśapāśaṃ mālatīmālyabhūṣitam
Sanskrit only: no published translation is held for this verse.
सुगन्धकबरीभारं सुन्दरं दधती सती ।। स्थलपद्मप्रभामुष्टं पादयुग्मं च बिभ्रती
sugandhakabarībhāraṃ sundaraṃ dadhatī satī || sthalapadmaprabhāmuṣṭaṃ pādayugmaṃ ca bibhratī
Sanskrit only: no published translation is held for this verse.
गमनं कुर्वती सा च हंसखञ्जनगञ्जनम् ।। सद्रत्नसारनिर्माणां वनमाली मनोहराम्
gamanaṃ kurvatī sā ca haṃsakhañjanagañjanam || sadratnasāranirmāṇāṃ vanamālī manoharām
Sanskrit only: no published translation is held for this verse.
हारं हीरकनिर्माणं रत्नकेयूरकङ्कणम् ।। सद्रत्नसारनिर्माणं पाशकं सुमनोहरम्
hāraṃ hīrakanirmāṇaṃ ratnakeyūrakaṅkaṇam || sadratnasāranirmāṇaṃ pāśakaṃ sumanoharam
Sanskrit only: no published translation is held for this verse.
अमूल्यरत्ननिर्माणं क्वणन्मञ्जीररञ्जितम् ।। नानाप्रकारचित्राढ्यं सुन्दरं परिबिभ्रती
amūlyaratnanirmāṇaṃ kvaṇanmañjīrarañjitam || nānāprakāracitrāḍhyaṃ sundaraṃ paribibhratī
Sanskrit only: no published translation is held for this verse.
सा च सम्भाष्य गोविन्दं रत्नसिंहासने वरे ।। उवास सस्मिता भर्तुः पश्यन्ती मुखपङ्कजम्
sā ca sambhāṣya govindaṃ ratnasiṃhāsane vare || uvāsa sasmitā bhartuḥ paśyantī mukhapaṅkajam
Sanskrit only: no published translation is held for this verse.
तस्याश्च लोमकूपेभ्यः सद्यो गोपाङ्गनागणः ।। आविर्बभूव रूपेण वेशेनैव च तत्समः
tasyāśca lomakūpebhyaḥ sadyo gopāṅganāgaṇaḥ || āvirbabhūva rūpeṇa veśenaiva ca tatsamaḥ
Sanskrit only: no published translation is held for this verse.
लक्षकोटीपरिमितः शश्वत्सुस्थिरयौवनः ।। संख्याविद्भिश्च संख्यातो गोलोके गोपिकागणः
lakṣakoṭīparimitaḥ śaśvatsusthirayauvanaḥ || saṃkhyāvidbhiśca saṃkhyāto goloke gopikāgaṇaḥ
Sanskrit only: no published translation is held for this verse.
कृष्णस्य लोमकूपेभ्यः सद्यो गोपगणो मुने ।। आविर्बभूव रूपेण वेषेणैव च तत्समः
kṛṣṇasya lomakūpebhyaḥ sadyo gopagaṇo mune || āvirbabhūva rūpeṇa veṣeṇaiva ca tatsamaḥ
Sanskrit only: no published translation is held for this verse.
त्रिंशत्कोटिपरिमितः कमनीयो मनोहरः ।। संख्याविद्भिश्च संख्यातो बल्लवानां गणः श्रुतौ
triṃśatkoṭiparimitaḥ kamanīyo manoharaḥ || saṃkhyāvidbhiśca saṃkhyāto ballavānāṃ gaṇaḥ śrutau
Sanskrit only: no published translation is held for this verse.
कृष्णस्य लोमकूपेभ्यः सद्यश्चाविर्बभूव ह ।। नानावर्णो गोगणश्च शश्वत्सुस्थिरयौवनः
kṛṣṇasya lomakūpebhyaḥ sadyaścāvirbabhūva ha || nānāvarṇo gogaṇaśca śaśvatsusthirayauvanaḥ
Sanskrit only: no published translation is held for this verse.
बलीवर्दाः सुरभ्यश्च वत्सा नानाविधाः शुभाः ।। अतीव ललिताः श्यामा बह्व्यो वै कामधेनवः
balīvardāḥ surabhyaśca vatsā nānāvidhāḥ śubhāḥ || atīva lalitāḥ śyāmā bahvyo vai kāmadhenavaḥ
Sanskrit only: no published translation is held for this verse.
तेषामेकं बलीवर्दं कोटिसिंहसमं बले ।। शिवाय प्रददौ कृष्णो वाहनाय मनोहरम्
teṣāmekaṃ balīvardaṃ koṭisiṃhasamaṃ bale || śivāya pradadau kṛṣṇo vāhanāya manoharam
Sanskrit only: no published translation is held for this verse.
कृष्णांघ्रिनखरन्धेभ्यो हंसपङ्क्तिर्मनोहरा ।। आविर्बभूव सहसा स्त्रीपुंवत्ससमन्विता
kṛṣṇāṃghrinakharandhebhyo haṃsapaṅktirmanoharā || āvirbabhūva sahasā strīpuṃvatsasamanvitā
Sanskrit only: no published translation is held for this verse.
तेषामेकं राजहंसं महाबलपराक्रमम् ।। वाहनाय ददौ कृष्णो ब्रह्मणे च तपस्विने
teṣāmekaṃ rājahaṃsaṃ mahābalaparākramam || vāhanāya dadau kṛṣṇo brahmaṇe ca tapasvine
Sanskrit only: no published translation is held for this verse.
वामकर्णस्य विवरात्कृष्णस्य परमात्मनः ।। गणः श्वेततुरङ्गाणामाविर्भूतो मनोहरः
vāmakarṇasya vivarātkṛṣṇasya paramātmanaḥ || gaṇaḥ śvetaturaṅgāṇāmāvirbhūto manoharaḥ
Sanskrit only: no published translation is held for this verse.
तेषामेकं च श्वेताश्वं धर्मार्थं वाहनाय च ।। ददौ गोपाङ्गनेशश्च संप्रीत्या सुरसंसदि
teṣāmekaṃ ca śvetāśvaṃ dharmārthaṃ vāhanāya ca || dadau gopāṅganeśaśca saṃprītyā surasaṃsadi
Sanskrit only: no published translation is held for this verse.
दक्षकर्णस्य विवरात्पुंसश्च सुरसंसदि ।। आविर्भूता सिंहपङ्क्तिर्महाबलपराक्रमा
dakṣakarṇasya vivarātpuṃsaśca surasaṃsadi || āvirbhūtā siṃhapaṅktirmahābalaparākramā
Sanskrit only: no published translation is held for this verse.
तेषामेकं ददौ कृष्णः प्रकृत्यै परमादरम् ।। अमूल्यरत्नमाल्यं च वरं यदभिवाञ्छितम्
teṣāmekaṃ dadau kṛṣṇaḥ prakṛtyai paramādaram || amūlyaratnamālyaṃ ca varaṃ yadabhivāñchitam
Sanskrit only: no published translation is held for this verse.
कृष्णो योगेन योगीन्द्रश्चकार रथपञ्चकम् ।। शुद्धरत्नेन्द्रनिर्माणं मनोयायि मनोहरम्
kṛṣṇo yogena yogīndraścakāra rathapañcakam || śuddharatnendranirmāṇaṃ manoyāyi manoharam
Sanskrit only: no published translation is held for this verse.
लक्षयोजनमूर्ध्वे च प्रस्थे च शतयोजनम् ।। लक्षचक्रं वायुरहं लक्षक्रीडागृहान्वितम्
lakṣayojanamūrdhve ca prasthe ca śatayojanam || lakṣacakraṃ vāyurahaṃ lakṣakrīḍāgṛhānvitam
Sanskrit only: no published translation is held for this verse.
शृङ्गारार्हं भोगवस्तुतल्पासंख्यसमन्वितम् ।। रत्नप्रदीपलक्षाणां वाजिभिश्च विराजितम्
śṛṅgārārhaṃ bhogavastutalpāsaṃkhyasamanvitam || ratnapradīpalakṣāṇāṃ vājibhiśca virājitam
Sanskrit only: no published translation is held for this verse.
नानाचित्रविचित्राढथं सद्रत्नकलशोज्ज्वलम् ।। रत्नदर्पणभूषाढ्यं शोभितं श्वेतचामरैः
nānācitravicitrāḍhathaṃ sadratnakalaśojjvalam || ratnadarpaṇabhūṣāḍhyaṃ śobhitaṃ śvetacāmaraiḥ
Sanskrit only: no published translation is held for this verse.
वह्निशुद्धांशुकैश्चित्रैर्मुक्ताजालैर्विभूषितम् ।। मणीन्द्रमुक्तामाणिक्यहीरहारविराजितम्
vahniśuddhāṃśukaiścitrairmuktājālairvibhūṣitam || maṇīndramuktāmāṇikyahīrahāravirājitam
Sanskrit only: no published translation is held for this verse.
आरक्तवर्णरत्नेन्द्रसारनिर्माणकृत्रिमैः ।। पङ्कजानामसंख्यैश्च सुन्दरैश्च सुशोभितम्
āraktavarṇaratnendrasāranirmāṇakṛtrimaiḥ || paṅkajānāmasaṃkhyaiśca sundaraiśca suśobhitam
Sanskrit only: no published translation is held for this verse.
ददौ नारायणायैकं तेषां मध्ये द्विजोत्तमः ।। एकं दत्त्वा राधिकायै ररक्षाशेषमात्मने ।।
dadau nārāyaṇāyaikaṃ teṣāṃ madhye dvijottamaḥ || ekaṃ dattvā rādhikāyai rarakṣāśeṣamātmane ||
Sanskrit only: no published translation is held for this verse.
आविर्बभूव कृष्णस्य गुह्यदेशात्ततः परम् ।। पिङ्गलश्च पुमानेकः पिङ्गलैश्च गणैः सह
āvirbabhūva kṛṣṇasya guhyadeśāttataḥ param || piṅgalaśca pumānekaḥ piṅgalaiśca gaṇaiḥ saha
Sanskrit only: no published translation is held for this verse.
आविर्भूता यतो गुह्यात्तेन ते गुह्यकाः स्मृताः ।। यः पुमान् स कुबेरश्च धनेशो गुह्यकेश्वरः
āvirbhūtā yato guhyāttena te guhyakāḥ smṛtāḥ || yaḥ pumān sa kuberaśca dhaneśo guhyakeśvaraḥ
Sanskrit only: no published translation is held for this verse.
बभूव कन्यका चैका कुबेरे वामपार्श्वतः ।। कुबेरपत्नी सा देवी सुन्दरीणां मनोरमा
babhūva kanyakā caikā kubere vāmapārśvataḥ || kuberapatnī sā devī sundarīṇāṃ manoramā
Sanskrit only: no published translation is held for this verse.
भूतप्रेतपिशाचाश्च कूष्माण्डब्रह्मराक्षसाः ।। वेताला विकृतास्तस्याविर्भूता गुह्यदेशतः
bhūtapretapiśācāśca kūṣmāṇḍabrahmarākṣasāḥ || vetālā vikṛtāstasyāvirbhūtā guhyadeśataḥ
Sanskrit only: no published translation is held for this verse.
शङ्खचक्रगदापद्मधारिणो वनमालिनः ।। पीतवस्त्रपरीधानाः सर्वे श्यामचतुर्भुजाः
śaṅkhacakragadāpadmadhāriṇo vanamālinaḥ || pītavastraparīdhānāḥ sarve śyāmacaturbhujāḥ
Sanskrit only: no published translation is held for this verse.
किरीटिनः कुण्डलिनो रत्नभूषणभूषिताः ।। आविर्भूताः पार्षदाश्च कृष्णस्य मुखतो मुने
kirīṭinaḥ kuṇḍalino ratnabhūṣaṇabhūṣitāḥ || āvirbhūtāḥ pārṣadāśca kṛṣṇasya mukhato mune
Sanskrit only: no published translation is held for this verse.
चतुर्भुजान्पार्षदांश्च ददौ नारायणाय च ।। गुह्यकान्गुह्यकेशाय भूतादीञ्छङ्कराय च
caturbhujānpārṣadāṃśca dadau nārāyaṇāya ca || guhyakānguhyakeśāya bhūtādīñchaṅkarāya ca
Sanskrit only: no published translation is held for this verse.
द्विभुजाः श्यामवर्णाश्च जपमालाकरा वराः ।। ध्यायन्तश्चरणाम्भोजं कृष्णस्य सततं मुदा
dvibhujāḥ śyāmavarṇāśca japamālākarā varāḥ || dhyāyantaścaraṇāmbhojaṃ kṛṣṇasya satataṃ mudā
Sanskrit only: no published translation is held for this verse.
दास्यो नियुक्ता दसाश्चैवार्घ्यमादाय यत्नतः ।। आविर्भूता वैष्णवाश्च सर्वे कृष्णपरायणाः
dāsyo niyuktā dasāścaivārghyamādāya yatnataḥ || āvirbhūtā vaiṣṇavāśca sarve kṛṣṇaparāyaṇāḥ
Sanskrit only: no published translation is held for this verse.
पुलकाङ्कितसर्वाङ्गाः साश्रुनेत्राः सगद्गदा ।। आविर्भूताः पादपद्मात्पादपद्मैकमानसाः
pulakāṅkitasarvāṅgāḥ sāśrunetrāḥ sagadgadā || āvirbhūtāḥ pādapadmātpādapadmaikamānasāḥ
Sanskrit only: no published translation is held for this verse.
आविर्बभूवुः कृष्णस्य दक्षनेत्राद्भयङ्कराः।। त्रिशूलपट्टिशधरास्त्रिनेत्राश्चन्द्रशेखराः
āvirbabhūvuḥ kṛṣṇasya dakṣanetrādbhayaṅkarāḥ|| triśūlapaṭṭiśadharāstrinetrāścandraśekharāḥ
Sanskrit only: no published translation is held for this verse.
दिगम्बरा महाकाया ज्वलदग्निशिखोपमाः ।। ते भैरवा महाभागाः शिवतुल्याश्च तेजसा
digambarā mahākāyā jvaladagniśikhopamāḥ || te bhairavā mahābhāgāḥ śivatulyāśca tejasā
Sanskrit only: no published translation is held for this verse.
रुरुसंहारकालाख्या असितक्रोधभीषणाः ।। महाभैरवखट्वाङ्गावित्यष्टौ भैरवाः स्मृताः
rurusaṃhārakālākhyā asitakrodhabhīṣaṇāḥ || mahābhairavakhaṭvāṅgāvityaṣṭau bhairavāḥ smṛtāḥ
Sanskrit only: no published translation is held for this verse.
आविर्बभूव कृष्णस्य वामनेत्राद्भयङ्करः।। त्रिशूलपट्टिशव्याघ्रचर्माम्बरगदाधरः
āvirbabhūva kṛṣṇasya vāmanetrādbhayaṅkaraḥ|| triśūlapaṭṭiśavyāghracarmāmbaragadādharaḥ
Sanskrit only: no published translation is held for this verse.
दिगम्बरो महाकायस्त्रिणेत्रश्चन्द्रशेखरः ।। स ईशानो महाभागो दिक्पालानामधीश्वरः
digambaro mahākāyastriṇetraścandraśekharaḥ || sa īśāno mahābhāgo dikpālānāmadhīśvaraḥ
Sanskrit only: no published translation is held for this verse.
डाकिन्यश्चैव योगिन्यः क्षेत्रपालाः सहस्रशः ।। आविर्बभूवुः कृष्णस्य नासिकाविवरोदरात्
ḍākinyaścaiva yoginyaḥ kṣetrapālāḥ sahasraśaḥ || āvirbabhūvuḥ kṛṣṇasya nāsikāvivarodarāt
Sanskrit only: no published translation is held for this verse.
सुरास्त्रिकोटिसंख्याता दिव्यमूर्तिधरावराः ।। आविर्बर्भूवुः सहसा पुंसो वै पृष्ठदेशतः
surāstrikoṭisaṃkhyātā divyamūrtidharāvarāḥ || āvirbarbhūvuḥ sahasā puṃso vai pṛṣṭhadeśataḥ
Sanskrit only: no published translation is held for this verse.