Library·Brahmavaivarta Purāṇa·1·1.6
सौतिरुवाच ।। अथ कृष्णो महालक्ष्मीं सादरं च सरस्वतीम् ।। नारायणाय प्रददौ रत्नेन्द्रं मालया सह
sautiruvāca || atha kṛṣṇo mahālakṣmīṃ sādaraṃ ca sarasvatīm || nārāyaṇāya pradadau ratnendraṃ mālayā saha
Sanskrit only: no published translation is held for this verse.
सावित्रीं ब्रह्मणे प्रादान्मूर्तिं धर्माय सादरम्।। रतिं कामाय रूपाढ्यां कुबेराय मनोरमाम्
sāvitrīṃ brahmaṇe prādānmūrtiṃ dharmāya sādaram|| ratiṃ kāmāya rūpāḍhyāṃ kuberāya manoramām
Sanskrit only: no published translation is held for this verse.
अन्याश्च या या अन्यभ्यो याश्च येभ्यः समुद्भवाः ।। तस्मै तस्मै ददौ कृष्णस्तां तां रूपवतीं सतीम् ।।
anyāśca yā yā anyabhyo yāśca yebhyaḥ samudbhavāḥ || tasmai tasmai dadau kṛṣṇastāṃ tāṃ rūpavatīṃ satīm ||
Sanskrit only: no published translation is held for this verse.
ततः शंकरमाहूय सर्वेशो योगिनां गुरुम् ।। उवाच प्रियमित्येवं गृह्णीयाः सिंहवाहिनीम्
tataḥ śaṃkaramāhūya sarveśo yogināṃ gurum || uvāca priyamityevaṃ gṛhṇīyāḥ siṃhavāhinīm
Sanskrit only: no published translation is held for this verse.
श्रीकृष्णस्य वचः श्रुत्वा प्रहसन्नीललोहितः ।। उवाच भीतः प्रणतः प्राणेशं प्रभुमच्युतम्
śrīkṛṣṇasya vacaḥ śrutvā prahasannīlalohitaḥ || uvāca bhītaḥ praṇataḥ prāṇeśaṃ prabhumacyutam
Sanskrit only: no published translation is held for this verse.
श्रीमहेश्वर उवाच ।। अधुनाहं न गृह्णामि प्रकृतिं प्राकृतो यथा ।। त्वद्भक्त्यैकव्यवहितां दास्यमार्गविरोधिनीम्
śrīmaheśvara uvāca || adhunāhaṃ na gṛhṇāmi prakṛtiṃ prākṛto yathā || tvadbhaktyaikavyavahitāṃ dāsyamārgavirodhinīm
Sanskrit only: no published translation is held for this verse.
तत्त्वज्ञानसमाच्छन्नां योगद्वारकपाटिकाम् ।। मुक्तीच्छाध्वंसरूपां च सकामां कामवर्द्धिनीम्
tattvajñānasamācchannāṃ yogadvārakapāṭikām || muktīcchādhvaṃsarūpāṃ ca sakāmāṃ kāmavarddhinīm
Sanskrit only: no published translation is held for this verse.
तपस्याच्छन्नरूपां च महामोहकरण्डिकाम् ।। भवकारागृहे घोरे दृढां निगडरूपिणीम् ।।
tapasyācchannarūpāṃ ca mahāmohakaraṇḍikām || bhavakārāgṛhe ghore dṛḍhāṃ nigaḍarūpiṇīm ||
Sanskrit only: no published translation is held for this verse.
शश्वद्विबुद्धिजननीं सद्बुद्धिच्छेदकारिणीम् ।। शश्वद्विभोगसारां च विषयेच्छाविवर्द्धिनीम्
śaśvadvibuddhijananīṃ sadbuddhicchedakāriṇīm || śaśvadvibhogasārāṃ ca viṣayecchāvivarddhinīm
Sanskrit only: no published translation is held for this verse.
नेच्छामि गृहिणीं नाथ वरं देहि मदीप्सितम् ।। यस्य यद्वाञ्छितं तस्मै तद्ददाति सदीश्वरः
necchāmi gṛhiṇīṃ nātha varaṃ dehi madīpsitam || yasya yadvāñchitaṃ tasmai taddadāti sadīśvaraḥ
Sanskrit only: no published translation is held for this verse.
त्वद्भक्तिविषये दास्ये लालसा वर्द्धतेऽनिशम् ।। तृप्तिर्न जायते नाम जपने पादसेवने
tvadbhaktiviṣaye dāsye lālasā varddhate'niśam || tṛptirna jāyate nāma japane pādasevane
Sanskrit only: no published translation is held for this verse.
त्वन्नामपञ्चवक्त्रेण गुणं सन्मङ्गलालयम् ।। स्वप्ने जागरणे शश्वद्गायन्गायन् भ्रमाम्यहम्
tvannāmapañcavaktreṇa guṇaṃ sanmaṅgalālayam || svapne jāgaraṇe śaśvadgāyangāyan bhramāmyaham
Sanskrit only: no published translation is held for this verse.
आकल्पकोटिकोटिं च तद्रूपध्यानतत्परम् ।। भोगेच्छाविषयेनैव योगे तपसि मन्मनः
ākalpakoṭikoṭiṃ ca tadrūpadhyānatatparam || bhogecchāviṣayenaiva yoge tapasi manmanaḥ
Sanskrit only: no published translation is held for this verse.
त्वत्सेवने पूजने च वन्दने नाम कीर्तने ।। सदोल्लसितमेषां च विरतौ विरतिं लभेत्
tvatsevane pūjane ca vandane nāma kīrtane || sadollasitameṣāṃ ca viratau viratiṃ labhet
Sanskrit only: no published translation is held for this verse.
स्मरणं कीर्त्तनं नाम गुणयोः श्रवणं जपः ।। त्वच्चारुरूपध्यानं त्वत्पादसेवाभिवन्दनम्
smaraṇaṃ kīrttanaṃ nāma guṇayoḥ śravaṇaṃ japaḥ || tvaccārurūpadhyānaṃ tvatpādasevābhivandanam
Sanskrit only: no published translation is held for this verse.
समर्पणं चात्मनश्च नित्यं नैवेद्यभोजनम् ।। वरं वरेश देहीदं नवधा भक्तिलक्षणम्
samarpaṇaṃ cātmanaśca nityaṃ naivedyabhojanam || varaṃ vareśa dehīdaṃ navadhā bhaktilakṣaṇam
Sanskrit only: no published translation is held for this verse.
सार्ष्टिसालोक्यसारूप्यसामीप्यं साम्यलीनताम् ।। वदन्ति षड्विधां मुक्तिं मुक्तामुक्तिविदो विभो
sārṣṭisālokyasārūpyasāmīpyaṃ sāmyalīnatām || vadanti ṣaḍvidhāṃ muktiṃ muktāmuktivido vibho
Sanskrit only: no published translation is held for this verse.
अणिमालघिमाप्राप्तिः प्राकाम्यं महिमा तथा ।। ईशित्वं च वशित्वं च सर्वकामावसायिता
aṇimālaghimāprāptiḥ prākāmyaṃ mahimā tathā || īśitvaṃ ca vaśitvaṃ ca sarvakāmāvasāyitā
Sanskrit only: no published translation is held for this verse.
सर्वज्ञ दूरश्रवणं परकायप्रवेशनम् ।। वाक्सिद्धिः कल्पवृक्षत्वं स्रष्टुं संहर्तुमीशता
sarvajña dūraśravaṇaṃ parakāyapraveśanam || vāksiddhiḥ kalpavṛkṣatvaṃ sraṣṭuṃ saṃhartumīśatā
Sanskrit only: no published translation is held for this verse.
अमरत्वं च सर्वाग्र्यं सिद्धयोऽष्टादश स्मृताः ।। योगास्तपांसि सर्वाणि दानानि च व्रतानि च ।।
amaratvaṃ ca sarvāgryaṃ siddhayo'ṣṭādaśa smṛtāḥ || yogāstapāṃsi sarvāṇi dānāni ca vratāni ca ||
Sanskrit only: no published translation is held for this verse.
यशःकीर्तिर्वचः सत्यं धर्माण्यनशनानि च ।। भ्रमणं सर्वतीर्थेषु स्नानमन्यसुरार्चनम्
yaśaḥkīrtirvacaḥ satyaṃ dharmāṇyanaśanāni ca || bhramaṇaṃ sarvatīrtheṣu snānamanyasurārcanam
Sanskrit only: no published translation is held for this verse.
सुरार्चा दर्शनं सप्तद्वीपसप्तप्रदक्षिणम् ।। स्नानं सर्वसमुद्रेषु सर्वस्वर्गप्रदर्शनम्
surārcā darśanaṃ saptadvīpasaptapradakṣiṇam || snānaṃ sarvasamudreṣu sarvasvargapradarśanam
Sanskrit only: no published translation is held for this verse.
ब्रह्मत्वं चैव रुद्रत्वं विष्णुत्वं च परं पदम् ।। अतोऽनिर्वचनीयानि वाञ्छनीयानि सन्ति वा
brahmatvaṃ caiva rudratvaṃ viṣṇutvaṃ ca paraṃ padam || ato'nirvacanīyāni vāñchanīyāni santi vā
Sanskrit only: no published translation is held for this verse.
सर्वाण्येतानि सर्वेश कथितानि च यानि च ।। तव भक्तिकलांशस्य कलां नार्हन्ति षोडशीम्
sarvāṇyetāni sarveśa kathitāni ca yāni ca || tava bhaktikalāṃśasya kalāṃ nārhanti ṣoḍaśīm
Sanskrit only: no published translation is held for this verse.
शर्वस्य वचनं श्रुत्वा कृष्णस्तं योगिनां गुरुम् ।। प्रहस्योवाच वचनं सत्यं सर्वसुखप्रदम्
śarvasya vacanaṃ śrutvā kṛṣṇastaṃ yogināṃ gurum || prahasyovāca vacanaṃ satyaṃ sarvasukhapradam
Sanskrit only: no published translation is held for this verse.
।। श्रीभगवानुवाच ।। मत्सेवां कुरु सर्वेश शर्वसर्वविदांवर ।। कल्पकोटिशतं यावत्पूर्णं शश्वदहर्निशम्
|| śrībhagavānuvāca || matsevāṃ kuru sarveśa śarvasarvavidāṃvara || kalpakoṭiśataṃ yāvatpūrṇaṃ śaśvadaharniśam
Sanskrit only: no published translation is held for this verse.
वरस्तपस्विनां त्वं च सिद्धानां योगिनां तथा ।। ज्ञानिनां वैष्णवानां च सुराणां च सुरेश्वर
varastapasvināṃ tvaṃ ca siddhānāṃ yogināṃ tathā || jñānināṃ vaiṣṇavānāṃ ca surāṇāṃ ca sureśvara
Sanskrit only: no published translation is held for this verse.
अमरत्वं लभ भव भव मृत्युंजयो महान् ।। सर्वसिद्धिं च वेदांश्च सर्वज्ञत्वं च मद्वरात्
amaratvaṃ labha bhava bhava mṛtyuṃjayo mahān || sarvasiddhiṃ ca vedāṃśca sarvajñatvaṃ ca madvarāt
Sanskrit only: no published translation is held for this verse.
असंख्यब्रह्मणां पातं लीलया वत्स पश्यसि ।। अद्यप्रभृति ज्ञानेन तेजसा वयसा शिव
asaṃkhyabrahmaṇāṃ pātaṃ līlayā vatsa paśyasi || adyaprabhṛti jñānena tejasā vayasā śiva
Sanskrit only: no published translation is held for this verse.
परा क्रमेण यशसा महसा मत्समो भव।। प्राणानामपधिकस्त्वञ्च न भक्तस्त्वत्परो मम
parā krameṇa yaśasā mahasā matsamo bhava|| prāṇānāmapadhikastvañca na bhaktastvatparo mama
Sanskrit only: no published translation is held for this verse.
त्वत्परो नास्ति मे प्रेयांस्त्वं मदीयात्मनः परः।। ये त्वां निन्दन्ति पापिष्ठा ज्ञानहीना विचेतनाः
tvatparo nāsti me preyāṃstvaṃ madīyātmanaḥ paraḥ|| ye tvāṃ nindanti pāpiṣṭhā jñānahīnā vicetanāḥ
Sanskrit only: no published translation is held for this verse.
पच्यन्ते कालसूत्रेण यावच्चन्द्रदिवाकरौ ।। कल्पकोटिशतान्ते च ग्रहीष्यसि शिवां शिव
pacyante kālasūtreṇa yāvaccandradivākarau || kalpakoṭiśatānte ca grahīṣyasi śivāṃ śiva
Sanskrit only: no published translation is held for this verse.
ममाव्यर्थं च वचनं पालनं कर्तुमर्हसि ।। त्वन्मुखान्निर्गतं वाक्यं न करोम्यधुनेति च
mamāvyarthaṃ ca vacanaṃ pālanaṃ kartumarhasi || tvanmukhānnirgataṃ vākyaṃ na karomyadhuneti ca
Sanskrit only: no published translation is held for this verse.
मद्वाक्यं च स्ववाक्यं च पालनं तत्करिष्यसि ।। गृहीत्वा प्रकृतिं शम्भो दिव्यं वर्षसहस्रकम्
madvākyaṃ ca svavākyaṃ ca pālanaṃ tatkariṣyasi || gṛhītvā prakṛtiṃ śambho divyaṃ varṣasahasrakam
Sanskrit only: no published translation is held for this verse.
सुखं महच्च शृङ्गारं करिष्यसि न संशयः ।। न केवलं तपस्वी त्वमीश्वरो मत्समो महान्
sukhaṃ mahacca śṛṅgāraṃ kariṣyasi na saṃśayaḥ || na kevalaṃ tapasvī tvamīśvaro matsamo mahān
Sanskrit only: no published translation is held for this verse.
काले गृही तपस्वी च योगी स्वेच्छामयो हि यः ।। दुःखं च दारसंयोगे यत्त्वया कथितं शिव
kāle gṛhī tapasvī ca yogī svecchāmayo hi yaḥ || duḥkhaṃ ca dārasaṃyoge yattvayā kathitaṃ śiva
Sanskrit only: no published translation is held for this verse.
कुस्त्री ददाति दुःखं च स्वामिने न पतिव्रता ।। कुले महति या जाता कुलजा कुलपालिका
kustrī dadāti duḥkhaṃ ca svāmine na pativratā || kule mahati yā jātā kulajā kulapālikā
Sanskrit only: no published translation is held for this verse.
करोति पालनं स्नेहात्सत्पुत्रस्य समं पतिम् ।। पतिर्बन्धुः पतिर्भर्त्ता दैवतं कुलयोषिताम्
karoti pālanaṃ snehātsatputrasya samaṃ patim || patirbandhuḥ patirbharttā daivataṃ kulayoṣitām
Sanskrit only: no published translation is held for this verse.
पतितोऽपतितो वापि कृपणश्चेश्वरोऽथवा ।। असत्कुलप्रसूतायाः पित्रोर्दुश्शीलमिश्रिताः
patito'patito vāpi kṛpaṇaśceśvaro'thavā || asatkulaprasūtāyāḥ pitrorduśśīlamiśritāḥ
Sanskrit only: no published translation is held for this verse.
ध्रुवं ताः परभोग्याश्च पतिं निन्दन्ति सन्ततम्।। आवयोरतिरिक्तं च या पश्यति पतिं सती
dhruvaṃ tāḥ parabhogyāśca patiṃ nindanti santatam|| āvayoratiriktaṃ ca yā paśyati patiṃ satī
Sanskrit only: no published translation is held for this verse.
गोलोके स्वामिना सार्द्धं कोटिकल्पं प्रमोदते ।। भविता सा शिवा शैवी प्रकृतिवैष्णवी शिव
goloke svāminā sārddhaṃ koṭikalpaṃ pramodate || bhavitā sā śivā śaivī prakṛtivaiṣṇavī śiva
Sanskrit only: no published translation is held for this verse.
मदाज्ञया च तां साध्वीं ग्रहीष्यसि भवाय च ।। प्रकृत्या योनिसंयुक्तं त्वल्लिङ्गं तीर्थमृत्कृतम्
madājñayā ca tāṃ sādhvīṃ grahīṣyasi bhavāya ca || prakṛtyā yonisaṃyuktaṃ tvalliṅgaṃ tīrthamṛtkṛtam
Sanskrit only: no published translation is held for this verse.
तीर्थे सहस्रं संपूज्य भक्त्या पञ्चोपचारतः ।। सदक्षिणं संयतो यः पवित्रश्च जितेन्द्रियः
tīrthe sahasraṃ saṃpūjya bhaktyā pañcopacārataḥ || sadakṣiṇaṃ saṃyato yaḥ pavitraśca jitendriyaḥ
Sanskrit only: no published translation is held for this verse.
कोटिकल्पं च गोलोके मोदते च मया सह ।। लक्षं तीर्थे पूजयेद्यो विधिवत्साधुदक्षिणम्
koṭikalpaṃ ca goloke modate ca mayā saha || lakṣaṃ tīrthe pūjayedyo vidhivatsādhudakṣiṇam
Sanskrit only: no published translation is held for this verse.
न च्युतिस्तस्य गोलोकात्स भवेदावयोः समः ।। मृद्भस्मगोशकृत्पिण्डैस्तीर्थे वालुकयाऽपि वा
na cyutistasya golokātsa bhavedāvayoḥ samaḥ || mṛdbhasmagośakṛtpiṇḍaistīrthe vālukayā'pi vā
Sanskrit only: no published translation is held for this verse.
कृत्वा लिङ्गं सकृत्पूज्य वसेत्कल्पायुतं दिवि ।। प्रजावान्भूमिमान्विद्वान्पुत्रवान्धनवांस्तथा
kṛtvā liṅgaṃ sakṛtpūjya vasetkalpāyutaṃ divi || prajāvānbhūmimānvidvānputravāndhanavāṃstathā
Sanskrit only: no published translation is held for this verse.
ज्ञानवान्मुक्तिमान्साधुः शिवलिङ्गार्चनाद्भवेत् ।। शिवलिङ्गार्चनं स्थानं मत्तीर्थं तीर्थमेव तत् ।। भवेत्तत्र मृतः पापी शिवलोकं स गच्छति
jñānavānmuktimānsādhuḥ śivaliṅgārcanādbhavet || śivaliṅgārcanaṃ sthānaṃ mattīrthaṃ tīrthameva tat || bhavettatra mṛtaḥ pāpī śivalokaṃ sa gacchati
Sanskrit only: no published translation is held for this verse.
महादेव महादेव महादेवेतिवादिनः ।। पश्चाद्यामि महात्रस्तो नामश्रवणलोभतः
mahādeva mahādeva mahādevetivādinaḥ || paścādyāmi mahātrasto nāmaśravaṇalobhataḥ
Sanskrit only: no published translation is held for this verse.
शिवेति शब्दमुच्चार्य्य प्राणांस्त्यजति यो नरः ।। कोटिजन्मार्जितात्पापान्मुक्तो मुक्तिं प्रयाति सः
śiveti śabdamuccāryya prāṇāṃstyajati yo naraḥ || koṭijanmārjitātpāpānmukto muktiṃ prayāti saḥ
Sanskrit only: no published translation is held for this verse.
शिवकल्याणवचनं कल्याणं मुक्तिवाचकम् ।। यतस्तत्प्रभवेत्तेन स शिवः परिकीर्तितः
śivakalyāṇavacanaṃ kalyāṇaṃ muktivācakam || yatastatprabhavettena sa śivaḥ parikīrtitaḥ
Sanskrit only: no published translation is held for this verse.
विच्छेदे धनबन्धूनां निमग्नः शोकसागरे ।। शिवेति शब्दमुच्चार्य्य लभेत्सर्वशिवं नरः
vicchede dhanabandhūnāṃ nimagnaḥ śokasāgare || śiveti śabdamuccāryya labhetsarvaśivaṃ naraḥ
Sanskrit only: no published translation is held for this verse.
पापघ्ने वर्तते शिश्च वश्च मुक्तिप्रदे तथा ।। पापघ्नो मोक्षदो नॄणां शिवस्तेन प्रकीर्तितः
pāpaghne vartate śiśca vaśca muktiprade tathā || pāpaghno mokṣado nṝṇāṃ śivastena prakīrtitaḥ
Sanskrit only: no published translation is held for this verse.
शिवेति च शिवं नाम यस्य वाचि प्रवर्त्तते ।। कोटिजन्मार्जितं पापं तस्य नश्यति निश्चितम्
śiveti ca śivaṃ nāma yasya vāci pravarttate || koṭijanmārjitaṃ pāpaṃ tasya naśyati niścitam
Sanskrit only: no published translation is held for this verse.
इत्युक्त्वा शूलिने कृष्णो दत्त्वा कल्पतरुं मनुम् ।। तत्त्वज्ञानं मृत्युजयमवोचत्सिंहवाहिनीम्
ityuktvā śūline kṛṣṇo dattvā kalpataruṃ manum || tattvajñānaṃ mṛtyujayamavocatsiṃhavāhinīm
Sanskrit only: no published translation is held for this verse.
श्रीभगवानुवाच ।। अधुना तिष्ठ वत्से त्वं गोलोके मम सन्निधौ ।। काले भजिष्यसि शिवं शिवदं च शिवायनम्
śrībhagavānuvāca || adhunā tiṣṭha vatse tvaṃ goloke mama sannidhau || kāle bhajiṣyasi śivaṃ śivadaṃ ca śivāyanam
Sanskrit only: no published translation is held for this verse.
तेजःसु सर्वदेवानामाविर्भूय वरानने ।। संहृत्य दैत्यान्सर्वांश्च भविता सर्वपूजिता
tejaḥsu sarvadevānāmāvirbhūya varānane || saṃhṛtya daityānsarvāṃśca bhavitā sarvapūjitā
Sanskrit only: no published translation is held for this verse.
ततः कल्पविशेषे च सत्यं सत्ययुगे सति ।। भविता दक्षकन्या त्वं सुशीला शम्भुगेहिनी
tataḥ kalpaviśeṣe ca satyaṃ satyayuge sati || bhavitā dakṣakanyā tvaṃ suśīlā śambhugehinī
Sanskrit only: no published translation is held for this verse.
ततः शरीरं संत्यज्य यज्ञे भर्तुश्च निन्दया ।। मेनायां शैलभार्य्यायां भविता पार्वतीति च
tataḥ śarīraṃ saṃtyajya yajñe bhartuśca nindayā || menāyāṃ śailabhāryyāyāṃ bhavitā pārvatīti ca
Sanskrit only: no published translation is held for this verse.
दिव्यं वर्षसहस्रं च विहरिष्यसि शम्भुना ।। पूर्णं ततः सर्वकालममेदं त्वं लभिष्यसि
divyaṃ varṣasahasraṃ ca vihariṣyasi śambhunā || pūrṇaṃ tataḥ sarvakālamamedaṃ tvaṃ labhiṣyasi
Sanskrit only: no published translation is held for this verse.
काले सर्वेषु विश्वेषु महापूजासु पूजिते।। भविता प्रतिवर्षे च शारदी या सुरेश्वरि ।।
kāle sarveṣu viśveṣu mahāpūjāsu pūjite|| bhavitā prativarṣe ca śāradī yā sureśvari ||
Sanskrit only: no published translation is held for this verse.
ग्रामेषु नगरेष्वेव पूजिता ग्रामदेवता ।। भवती भवितेत्येवं नामभेदेन चारुणा
grāmeṣu nagareṣveva pūjitā grāmadevatā || bhavatī bhavitetyevaṃ nāmabhedena cāruṇā
Sanskrit only: no published translation is held for this verse.
मदाज्ञया शिवकृतैस्तन्त्रैर्नानाविधैरपि ।। पूजाविधिं विधास्यामि कवचं स्तोत्रसंयुतम्
madājñayā śivakṛtaistantrairnānāvidhairapi || pūjāvidhiṃ vidhāsyāmi kavacaṃ stotrasaṃyutam
Sanskrit only: no published translation is held for this verse.
भविष्यन्ति महान्तश्च तवैव परिचारकाः ।। धर्मार्थकाममोक्षाणां सिद्धाश्च फलभागिनः
bhaviṣyanti mahāntaśca tavaiva paricārakāḥ || dharmārthakāmamokṣāṇāṃ siddhāśca phalabhāginaḥ
Sanskrit only: no published translation is held for this verse.
ये त्वां मातर्भजिष्यन्ति पुण्यक्षेत्रे च भारते ।। तेषां यशश्च कीर्तिश्च धर्मैश्वर्य्यं च वर्द्धते
ye tvāṃ mātarbhajiṣyanti puṇyakṣetre ca bhārate || teṣāṃ yaśaśca kīrtiśca dharmaiśvaryyaṃ ca varddhate
Sanskrit only: no published translation is held for this verse.
इत्युक्त्वा प्रकृतिं तस्यै मन्त्रमेकादशाक्षरम् ।। दत्त्वा सकामबीजं च मन्त्रराजमनुत्तमम्
ityuktvā prakṛtiṃ tasyai mantramekādaśākṣaram || dattvā sakāmabījaṃ ca mantrarājamanuttamam
Sanskrit only: no published translation is held for this verse.
चकार विधिना ध्यानं भक्तं भक्तानुकम्पया ।। श्रीमायाकामबीजाढ्यं ददौ मन्त्रं दशाक्षरम्
cakāra vidhinā dhyānaṃ bhaktaṃ bhaktānukampayā || śrīmāyākāmabījāḍhyaṃ dadau mantraṃ daśākṣaram
Sanskrit only: no published translation is held for this verse.
सृष्ट्यौपयौगिकीं शक्तिं सर्वसिद्धिं च कामदाम् ।। तद्विशिष्टोत्कृष्टतत्त्वं ज्ञानं तस्यै ददौ विभुः
sṛṣṭyaupayaugikīṃ śaktiṃ sarvasiddhiṃ ca kāmadām || tadviśiṣṭotkṛṣṭatattvaṃ jñānaṃ tasyai dadau vibhuḥ
Sanskrit only: no published translation is held for this verse.
त्रयोदशाक्षरं मन्त्रं दत्त्वा तस्मै जगत्पतिः ।। कवचं स्तोत्रसहितं शङ्कराय तथा द्विज
trayodaśākṣaraṃ mantraṃ dattvā tasmai jagatpatiḥ || kavacaṃ stotrasahitaṃ śaṅkarāya tathā dvija
Sanskrit only: no published translation is held for this verse.
दत्त्वा धर्माय तं मन्त्रं सिद्धिज्ञानं तदेव च ।। कामाय वह्नये चैव कुबेराय च वायवे
dattvā dharmāya taṃ mantraṃ siddhijñānaṃ tadeva ca || kāmāya vahnaye caiva kuberāya ca vāyave
Sanskrit only: no published translation is held for this verse.
एवं कुबेरादिभ्यस्तु दत्त्वा मन्त्रादिकं परम्।। विधिं प्रोवाच सृष्ट्यर्थं विधातुर्विधिरेव सः
evaṃ kuberādibhyastu dattvā mantrādikaṃ param|| vidhiṃ provāca sṛṣṭyarthaṃ vidhāturvidhireva saḥ
Sanskrit only: no published translation is held for this verse.
श्रीभगवानुवाच ।। मदीयं च तपः कृत्वा दिव्यं वर्षसहस्रकम् ।। सृष्टिं कुरु महाभाग विधे नानाविधां पराम्
śrībhagavānuvāca || madīyaṃ ca tapaḥ kṛtvā divyaṃ varṣasahasrakam || sṛṣṭiṃ kuru mahābhāga vidhe nānāvidhāṃ parām
Sanskrit only: no published translation is held for this verse.
इत्युक्त्वा ब्रह्मणे कृष्णो ददौ मालां मनोरमाम् ।। जगाम सार्द्धं गोपीभिर्गोपैर्वृन्दावनं वनम्
ityuktvā brahmaṇe kṛṣṇo dadau mālāṃ manoramām || jagāma sārddhaṃ gopībhirgopairvṛndāvanaṃ vanam
Sanskrit only: no published translation is held for this verse.