Library·Brahmavaivarta Purāṇa·1·1.8
सौतिरुवाच ।। ब्रह्मा विश्वं विनिर्माय सावित्र्यां वरयोषिति ।। चकार वीर्य्याधानं च कामुक्यां कामुको यथा
sautiruvāca || brahmā viśvaṃ vinirmāya sāvitryāṃ varayoṣiti || cakāra vīryyādhānaṃ ca kāmukyāṃ kāmuko yathā
Sanskrit only: no published translation is held for this verse.
सा दिव्यं शतवर्षं च धृत्वा गर्भं सुदुस्सहम् ।। सुप्रसूता च सुषुवे चतुर्वेदान्मनोहरान्
sā divyaṃ śatavarṣaṃ ca dhṛtvā garbhaṃ sudussaham || suprasūtā ca suṣuve caturvedānmanoharān
Sanskrit only: no published translation is held for this verse.
विविधाञ्शास्त्रसंघांश्च तर्कव्याकरणादिकान् ।। षट्त्रिंशत्संख्यका दिव्या रागिणीः सुमनोहराः
vividhāñśāstrasaṃghāṃśca tarkavyākaraṇādikān || ṣaṭtriṃśatsaṃkhyakā divyā rāgiṇīḥ sumanoharāḥ
Sanskrit only: no published translation is held for this verse.
षड्रागान्सुन्दरांश्चैव नानाताल समन्वितान् ।। सत्यत्रेताद्वापरांश्च कलिं च कलहप्रियम्
ṣaḍrāgānsundarāṃścaiva nānātāla samanvitān || satyatretādvāparāṃśca kaliṃ ca kalahapriyam
Sanskrit only: no published translation is held for this verse.
वर्षमासमृतुं चैव तिथिं दण्डक्षणादिकम् ।। दिनं रात्रिं च वारांश्च सन्ध्यामुषसमेव च
varṣamāsamṛtuṃ caiva tithiṃ daṇḍakṣaṇādikam || dinaṃ rātriṃ ca vārāṃśca sandhyāmuṣasameva ca
Sanskrit only: no published translation is held for this verse.
पुष्टिं च देवसेनां च मेधां च विजयां जयाम् ।। षट्कृत्तिकाश्च योगांश्च करणं च तपो धनः
puṣṭiṃ ca devasenāṃ ca medhāṃ ca vijayāṃ jayām || ṣaṭkṛttikāśca yogāṃśca karaṇaṃ ca tapo dhanaḥ
Sanskrit only: no published translation is held for this verse.
देवसेनां महाषष्ठीं कार्त्तिकेयप्रियां सतीम् ।। मातृकासु प्रधाना सा बालानामिष्टदेवता
devasenāṃ mahāṣaṣṭhīṃ kārttikeyapriyāṃ satīm || mātṛkāsu pradhānā sā bālānāmiṣṭadevatā
Sanskrit only: no published translation is held for this verse.
ब्राह्मं पाद्मं च वाराहं कल्पत्रयमिदं स्मृतम् ।। नित्यं नैमित्तिकं चैव द्विपरार्द्धं च प्राकृतम्
brāhmaṃ pādmaṃ ca vārāhaṃ kalpatrayamidaṃ smṛtam || nityaṃ naimittikaṃ caiva dviparārddhaṃ ca prākṛtam
Sanskrit only: no published translation is held for this verse.
चतुर्विधं च प्रलयं कालं वै मृत्युकन्यकाम् ।। सर्वान्व्याधिगणांश्चैव सा प्रसूय स्तनं ददौ
caturvidhaṃ ca pralayaṃ kālaṃ vai mṛtyukanyakām || sarvānvyādhigaṇāṃścaiva sā prasūya stanaṃ dadau
Sanskrit only: no published translation is held for this verse.
अथ धातुः पृष्ठदेशादधर्मः समजायत।। अलक्ष्मीस्तद्वामपार्श्वाद्बभूवात्यन्तकामिनी
atha dhātuḥ pṛṣṭhadeśādadharmaḥ samajāyata|| alakṣmīstadvāmapārśvādbabhūvātyantakāminī
Sanskrit only: no published translation is held for this verse.
नाभिदेशाद्विश्वकर्मा जातो वै शिल्पिनां गुरुः ।। महान्तौ वसवोऽष्टौ च महाबलपराक्रमाः
nābhideśādviśvakarmā jāto vai śilpināṃ guruḥ || mahāntau vasavo'ṣṭau ca mahābalaparākramāḥ
Sanskrit only: no published translation is held for this verse.
अथ धातुश्च मनस आविर्भूताः कुमारकाः ।। चत्वारः पञ्चवर्षीया ज्वलन्तो ब्रह्मतेजसा
atha dhātuśca manasa āvirbhūtāḥ kumārakāḥ || catvāraḥ pañcavarṣīyā jvalanto brahmatejasā
Sanskrit only: no published translation is held for this verse.
सनकश्च सनन्दश्च तृतीयश्च सनातनः ।। सनत्कुमारो भगवांश्चतुर्थो ज्ञानिनां वरः
sanakaśca sanandaśca tṛtīyaśca sanātanaḥ || sanatkumāro bhagavāṃścaturtho jñānināṃ varaḥ
Sanskrit only: no published translation is held for this verse.
आविर्बभूव मुखतः कुमारः कनकप्रभः ।। दिव्यरूपधरः श्रीमान्सस्त्रीकः सुन्दरो युवा
āvirbabhūva mukhataḥ kumāraḥ kanakaprabhaḥ || divyarūpadharaḥ śrīmānsastrīkaḥ sundaro yuvā
Sanskrit only: no published translation is held for this verse.
क्षत्त्रियाणां बीजरूपो नाम्ना स्वायम्भुवो मनुः ।। या स्त्री सा शतरूपा च रूपाढ्या कमला कला
kṣattriyāṇāṃ bījarūpo nāmnā svāyambhuvo manuḥ || yā strī sā śatarūpā ca rūpāḍhyā kamalā kalā
Sanskrit only: no published translation is held for this verse.
सस्त्रीकश्च मनुस्तस्थौ धात्राज्ञा परिपालकः ।। स्वयं विधाता पुत्रांश्च तानुवाच प्रहर्षितान्
sastrīkaśca manustasthau dhātrājñā paripālakaḥ || svayaṃ vidhātā putrāṃśca tānuvāca praharṣitān
Sanskrit only: no published translation is held for this verse.
सृष्टिं कर्त्तुं महाभागो महाभागवतान्द्विज ।। जग्मुस्ते च नहीत्युक्त्वा तप्तुं कृष्णपरायणाः
sṛṣṭiṃ karttuṃ mahābhāgo mahābhāgavatāndvija || jagmuste ca nahītyuktvā taptuṃ kṛṣṇaparāyaṇāḥ
Sanskrit only: no published translation is held for this verse.
चुकोप हेतुना तेन विधाता जगतां पतिः ।। कोपासक्तस्य च विधेर्ज्वलतो ब्रह्मतेजसा
cukopa hetunā tena vidhātā jagatāṃ patiḥ || kopāsaktasya ca vidherjvalato brahmatejasā
Sanskrit only: no published translation is held for this verse.
आविर्भूता ललाटाच्च रुद्रा एकादश प्रभो ।। कालाग्निरुद्रः संहर्ता तेषामेकः प्रकीर्तितः
āvirbhūtā lalāṭācca rudrā ekādaśa prabho || kālāgnirudraḥ saṃhartā teṣāmekaḥ prakīrtitaḥ
Sanskrit only: no published translation is held for this verse.
सर्वेषामेव विश्वानां स तामस इति स्मृतः ।। राजसश्च स्वयं ब्रह्मा शिवो विष्णुश्च सात्त्विकौ
sarveṣāmeva viśvānāṃ sa tāmasa iti smṛtaḥ || rājasaśca svayaṃ brahmā śivo viṣṇuśca sāttvikau
Sanskrit only: no published translation is held for this verse.
गोलोकनाथः कृष्णश्च निर्गुणः प्रकृतेः परः ।। परमज्ञानिनो मूर्खा वदन्तं तामसं शिवम्
golokanāthaḥ kṛṣṇaśca nirguṇaḥ prakṛteḥ paraḥ || paramajñānino mūrkhā vadantaṃ tāmasaṃ śivam
Sanskrit only: no published translation is held for this verse.
शुद्धसत्त्वस्वरूपं च निर्मलं वैष्णवाग्रणीम् ।। शृणु नामानि रुद्राणां वेदोक्तानि च यानि च
śuddhasattvasvarūpaṃ ca nirmalaṃ vaiṣṇavāgraṇīm || śṛṇu nāmāni rudrāṇāṃ vedoktāni ca yāni ca
Sanskrit only: no published translation is held for this verse.
महान्महात्मा मतिमान्भीषणश्च भयंकरः ।। ऋतुध्वजश्चोर्ध्वकेशः पिङ्गलाक्षो रुचिः शुचिः
mahānmahātmā matimānbhīṣaṇaśca bhayaṃkaraḥ || ṛtudhvajaścordhvakeśaḥ piṅgalākṣo ruciḥ śuciḥ
Sanskrit only: no published translation is held for this verse.
पुलस्त्यो दक्षकर्णाच्च पुलहो वामकर्णतः ।। दक्षनेत्रात्तथाऽत्रिश्च वामनेत्रात्क्रतुः स्वयम्
pulastyo dakṣakarṇācca pulaho vāmakarṇataḥ || dakṣanetrāttathā'triśca vāmanetrātkratuḥ svayam
Sanskrit only: no published translation is held for this verse.
अरणिर्नासिकारन्ध्रादङ्गिराश्च मुखाद्रुचिः ।। भृगुश्च वामपार्श्वाच्च दक्षो दक्षिणपार्श्वतः
araṇirnāsikārandhrādaṅgirāśca mukhādruciḥ || bhṛguśca vāmapārśvācca dakṣo dakṣiṇapārśvataḥ
Sanskrit only: no published translation is held for this verse.
छायायाः कर्दमो जातो नाभेः पञ्चशिखस्तथा ।। वक्षसश्चैव वोढुश्च कण्ठदेशाच्च नारदः
chāyāyāḥ kardamo jāto nābheḥ pañcaśikhastathā || vakṣasaścaiva voḍhuśca kaṇṭhadeśācca nāradaḥ
Sanskrit only: no published translation is held for this verse.
मरीचिः स्कन्धदेशाच्चैवापान्तरतमा गलात् ।। वसिष्ठो रसनादेशात्प्रचेता अधरोष्ठतः
marīciḥ skandhadeśāccaivāpāntaratamā galāt || vasiṣṭho rasanādeśātpracetā adharoṣṭhataḥ
Sanskrit only: no published translation is held for this verse.
हंसश्च वामकुक्षेश्च दक्षकुक्षेर्यतिः स्वयम् ।। सृष्टिं विधातुं स विधिश्चकाराज्ञां सुतान्प्रति ।। पितुर्वाक्यं समाकर्ण्य तमुवाच स नारदः
haṃsaśca vāmakukṣeśca dakṣakukṣeryatiḥ svayam || sṛṣṭiṃ vidhātuṃ sa vidhiścakārājñāṃ sutānprati || piturvākyaṃ samākarṇya tamuvāca sa nāradaḥ
Sanskrit only: no published translation is held for this verse.
नारद उवाच ।। पूर्वमानय मज्ज्येष्ठान्सनकादीन्पितामह ।। कारयित्वा दारयुक्तानस्मान्वद जगत्पते
nārada uvāca || pūrvamānaya majjyeṣṭhānsanakādīnpitāmaha || kārayitvā dārayuktānasmānvada jagatpate
Sanskrit only: no published translation is held for this verse.
पित्रा ते तपसे युक्ताः संसाराय वयं कथम् ।। अहो हन्त प्रभोर्बुद्धिर्विपरीताय कल्पते
pitrā te tapase yuktāḥ saṃsārāya vayaṃ katham || aho hanta prabhorbuddhirviparītāya kalpate
Sanskrit only: no published translation is held for this verse.
कस्मै पुत्राय पीयूषात्परं दत्तं तपोऽधुना ।। कस्मै ददासि विषयं विषमं च विषाधिकम्
kasmai putrāya pīyūṣātparaṃ dattaṃ tapo'dhunā || kasmai dadāsi viṣayaṃ viṣamaṃ ca viṣādhikam
Sanskrit only: no published translation is held for this verse.
अतीव निम्ने घोरे च भवाब्धौ यः पतेत्पितः ।। निष्कृतिस्तस्य नास्तीति कोटिकल्पे गतेऽपि च
atīva nimne ghore ca bhavābdhau yaḥ patetpitaḥ || niṣkṛtistasya nāstīti koṭikalpe gate'pi ca
Sanskrit only: no published translation is held for this verse.
निस्तारबीजं सर्वेषां बीजं च पुरुषोतमम् ।। सर्वदं भक्तिदं दास्यप्रदं सत्यं कृपामयम्
nistārabījaṃ sarveṣāṃ bījaṃ ca puruṣotamam || sarvadaṃ bhaktidaṃ dāsyapradaṃ satyaṃ kṛpāmayam
Sanskrit only: no published translation is held for this verse.
भक्तैकशरणं भक्तवत्सलं स्वच्छमेव च ।। भक्तप्रियं भक्तनाथं भक्तानुग्रहकारकम्
bhaktaikaśaraṇaṃ bhaktavatsalaṃ svacchameva ca || bhaktapriyaṃ bhaktanāthaṃ bhaktānugrahakārakam
Sanskrit only: no published translation is held for this verse.
भक्ताराध्यं भक्तसाध्यं विहाय परमेश्वरम् ।। मनो दधाति को मूढो विषये नाशकारणे
bhaktārādhyaṃ bhaktasādhyaṃ vihāya parameśvaram || mano dadhāti ko mūḍho viṣaye nāśakāraṇe
Sanskrit only: no published translation is held for this verse.
विहाय कृष्णसेवां च पीयूषादधिकां प्रियाम् ।। को मूढो विषमश्नाति विषमं विषयाभिधम्
vihāya kṛṣṇasevāṃ ca pīyūṣādadhikāṃ priyām || ko mūḍho viṣamaśnāti viṣamaṃ viṣayābhidham
Sanskrit only: no published translation is held for this verse.
स्वप्नवन्नश्वरं तुच्छमसत्यं मृत्युकारणम् ।। यथा दीपशिखाग्रं च कीटानां सुमनोहरम्
svapnavannaśvaraṃ tucchamasatyaṃ mṛtyukāraṇam || yathā dīpaśikhāgraṃ ca kīṭānāṃ sumanoharam
Sanskrit only: no published translation is held for this verse.
यथा बडिशमांसं च मत्स्यापातसुखप्रदम्।। तथा विषयिणां तात विषयं मृत्युकारणम्
yathā baḍiśamāṃsaṃ ca matsyāpātasukhapradam|| tathā viṣayiṇāṃ tāta viṣayaṃ mṛtyukāraṇam
Sanskrit only: no published translation is held for this verse.
इत्युक्त्वा नारदस्तत्र विरराम विधेः पुरः ।। तस्थौ तातं नमस्कृत्य ज्वलदग्निशिखोपमः
ityuktvā nāradastatra virarāma vidheḥ puraḥ || tasthau tātaṃ namaskṛtya jvaladagniśikhopamaḥ
Sanskrit only: no published translation is held for this verse.
ब्रह्मा कोपपरीतश्च शशाप तनयं द्विज ।। उवाच कम्पिताङ्गश्च रक्तास्यः स्फुरिताधरः
brahmā kopaparītaśca śaśāpa tanayaṃ dvija || uvāca kampitāṅgaśca raktāsyaḥ sphuritādharaḥ
Sanskrit only: no published translation is held for this verse.
ब्रह्मोवाच ।। भविता ज्ञानलोपस्ते मच्छापेन च नारद ।। क्रीडामृगश्च त्वं साध्यो योषिल्लुब्द्धधश्च लम्पटः
brahmovāca || bhavitā jñānalopaste macchāpena ca nārada || krīḍāmṛgaśca tvaṃ sādhyo yoṣillubddhadhaśca lampaṭaḥ
Sanskrit only: no published translation is held for this verse.
स्थिरयौवनयुक्तानां रूपाढ्यानां मनोहरः ।। पञ्चाशत्कामिनीनां च भर्ता च प्राणवल्लभः
sthirayauvanayuktānāṃ rūpāḍhyānāṃ manoharaḥ || pañcāśatkāminīnāṃ ca bhartā ca prāṇavallabhaḥ
Sanskrit only: no published translation is held for this verse.
शृङ्गारशास्त्रवेत्ता च महाशृङ्गारलोलुपः।। नानाप्रकारशृङ्गारनिपुणानां गुरोर्गुरुः
śṛṅgāraśāstravettā ca mahāśṛṅgāralolupaḥ|| nānāprakāraśṛṅgāranipuṇānāṃ gurorguruḥ
Sanskrit only: no published translation is held for this verse.
गन्धर्वाणां च सुवरः सुस्वरश्च सुगायनः ।। वीणावादनसन्दर्भनिष्णातः स्थिरयौवनः
gandharvāṇāṃ ca suvaraḥ susvaraśca sugāyanaḥ || vīṇāvādanasandarbhaniṣṇātaḥ sthirayauvanaḥ
Sanskrit only: no published translation is held for this verse.
प्राज्ञो मधुरवाक् शान्तः सुशीलः सुन्दरः सुधीः ।। भविष्यसि न सन्देहो नामतश्चोपबर्हणः
prājño madhuravāk śāntaḥ suśīlaḥ sundaraḥ sudhīḥ || bhaviṣyasi na sandeho nāmataścopabarhaṇaḥ
Sanskrit only: no published translation is held for this verse.
ताभिर्दिव्यं लक्षयुगं विहृत्य निर्जने वने ।। पुनर्मदीयशापेन दासी पुत्रश्च तत्परः
tābhirdivyaṃ lakṣayugaṃ vihṛtya nirjane vane || punarmadīyaśāpena dāsī putraśca tatparaḥ
Sanskrit only: no published translation is held for this verse.
वत्स वैष्णवसंसर्गाद्वैष्णवोच्छिष्टभोजनात् ।। पुनः कृष्णप्रसादेन भविष्यसि ममात्मजः
vatsa vaiṣṇavasaṃsargādvaiṣṇavocchiṣṭabhojanāt || punaḥ kṛṣṇaprasādena bhaviṣyasi mamātmajaḥ
Sanskrit only: no published translation is held for this verse.
ज्ञानं दास्यामि ते दिव्यं पुनरेव पुरातनम् ।। अधुना भव नष्टस्त्वं मत्सुतो निपत धुवम्
jñānaṃ dāsyāmi te divyaṃ punareva purātanam || adhunā bhava naṣṭastvaṃ matsuto nipata dhuvam
Sanskrit only: no published translation is held for this verse.
ब्रह्मेत्युक्त्वा सुतं विप्र विरराम जगत्पतिः ।। रुरोद नारदस्तातमवोचत्संपुटाञ्जलिः
brahmetyuktvā sutaṃ vipra virarāma jagatpatiḥ || ruroda nāradastātamavocatsaṃpuṭāñjaliḥ
Sanskrit only: no published translation is held for this verse.
नारद उवाच ।। क्रोधं संहर संहर्तस्तात तात जगद्गुरो ।। स्रष्टुस्तपस्वीशस्याहो क्रोधोऽयं मय्यनाकरः
nārada uvāca || krodhaṃ saṃhara saṃhartastāta tāta jagadguro || sraṣṭustapasvīśasyāho krodho'yaṃ mayyanākaraḥ
Sanskrit only: no published translation is held for this verse.
शपेत्परित्यजेद्विद्वान्पुत्रमुत्पथगामिनम् ।। तपस्विनं सुतं शप्तुं कथमर्हसि पंडित
śapetparityajedvidvānputramutpathagāminam || tapasvinaṃ sutaṃ śaptuṃ kathamarhasi paṃḍita
Sanskrit only: no published translation is held for this verse.
जनिर्भवतु मे ब्रह्मन्यासु यासु च योनिषु ।। न जहातु हरेर्भक्तिर्मा वेदं देहि मे वरम्
janirbhavatu me brahmanyāsu yāsu ca yoniṣu || na jahātu harerbhaktirmā vedaṃ dehi me varam
Sanskrit only: no published translation is held for this verse.
पुत्रश्चेज्जगतां धातुर्नास्ति भक्तिर्हरेः पदे।। सूकरादतिरिक्तश्च सोऽधमो भारते भुवि
putraścejjagatāṃ dhāturnāsti bhaktirhareḥ pade|| sūkarādatiriktaśca so'dhamo bhārate bhuvi
Sanskrit only: no published translation is held for this verse.
जातिस्मरो हरेर्भक्तियुक्तः सूकरयोनिषु ।। जनिर्लभेत्स प्रवरो गोलोकं याति कर्मणा
jātismaro harerbhaktiyuktaḥ sūkarayoniṣu || janirlabhetsa pravaro golokaṃ yāti karmaṇā
Sanskrit only: no published translation is held for this verse.
गोविन्दचरणाम्भोजभक्तिमाध्वीकमीप्सितम् ।। पिबतां वैष्णवादीनां स्पर्शपूता वसुन्धरा
govindacaraṇāmbhojabhaktimādhvīkamīpsitam || pibatāṃ vaiṣṇavādīnāṃ sparśapūtā vasundharā
Sanskrit only: no published translation is held for this verse.
तीर्थानि स्पर्शमिच्छन्ति वैष्णवानां पितामह ।। पापानां पापितत्त्वानां क्षालनायात्मनामपि
tīrthāni sparśamicchanti vaiṣṇavānāṃ pitāmaha || pāpānāṃ pāpitattvānāṃ kṣālanāyātmanāmapi
Sanskrit only: no published translation is held for this verse.
मन्त्रोपदेशमात्रेण नरा मुक्ताश्च भारते ।। परैश्च कोटिपुरुषैः पूर्वैः सार्धं हरेरहो
mantropadeśamātreṇa narā muktāśca bhārate || paraiśca koṭipuruṣaiḥ pūrvaiḥ sārdhaṃ hareraho
Sanskrit only: no published translation is held for this verse.
कोटिजन्मार्जितात्पापान्मन्त्रग्रहणमात्रतः ।। मुक्ताः शुध्यन्ति यत्पूर्वं कर्म निर्मूलयन्ति च
koṭijanmārjitātpāpānmantragrahaṇamātrataḥ || muktāḥ śudhyanti yatpūrvaṃ karma nirmūlayanti ca
Sanskrit only: no published translation is held for this verse.
पुत्रान्दारांश्च शिष्यांश्च सेवकान्बान्धवांस्तथा ।। यो दर्शयति सन्मार्गं सद्गतिस्तं लभेद्ध्रुवम्
putrāndārāṃśca śiṣyāṃśca sevakānbāndhavāṃstathā || yo darśayati sanmārgaṃ sadgatistaṃ labheddhruvam
Sanskrit only: no published translation is held for this verse.
यो दर्शयत्यसन्मार्गं शिष्यैर्विश्वासितो गुरुः ।। कुम्भीपाके स्थितिस्तस्य यावच्चन्द्रदिवाकरौ
yo darśayatyasanmārgaṃ śiṣyairviśvāsito guruḥ || kumbhīpāke sthitistasya yāvaccandradivākarau
Sanskrit only: no published translation is held for this verse.
स किंगुरुः स किंतातः स किंस्वामी स किंसुतः।। यः श्रीकृष्णपदाम्भोजे भक्तिं दातुमनीश्वरः
sa kiṃguruḥ sa kiṃtātaḥ sa kiṃsvāmī sa kiṃsutaḥ|| yaḥ śrīkṛṣṇapadāmbhoje bhaktiṃ dātumanīśvaraḥ
Sanskrit only: no published translation is held for this verse.
शप्तो निरपराधेन त्वयाऽहं चतुरानन ।। मया शप्तुं त्वमुचितो घ्नन्तं घ्नन्त्यपि पण्डिताः
śapto niraparādhena tvayā'haṃ caturānana || mayā śaptuṃ tvamucito ghnantaṃ ghnantyapi paṇḍitāḥ
Sanskrit only: no published translation is held for this verse.
कवचस्तोत्रपूजाभिः सहितस्ते मनुर्मनोः ।। लुप्तो भवतु मच्छापात्प्रतिविश्वेषु निश्चितम्
kavacastotrapūjābhiḥ sahitaste manurmanoḥ || lupto bhavatu macchāpātprativiśveṣu niścitam
Sanskrit only: no published translation is held for this verse.
अपूज्यो भव विश्वेषु यावत्कल्पत्रयं पितः ।। गतेषु त्रिषु कल्पेषु पूज्यपूज्यो भविष्यसि
apūjyo bhava viśveṣu yāvatkalpatrayaṃ pitaḥ || gateṣu triṣu kalpeṣu pūjyapūjyo bhaviṣyasi
Sanskrit only: no published translation is held for this verse.
अधुना यज्ञभागस्ते व्रतादिष्वपि सुव्रत ।। पूजनं चास्तु मामैकं वन्द्यो भव सुरादिभिः
adhunā yajñabhāgaste vratādiṣvapi suvrata || pūjanaṃ cāstu māmaikaṃ vandyo bhava surādibhiḥ
Sanskrit only: no published translation is held for this verse.
इत्युक्त्वा नारदस्तत्र विरराम पितुः पुरः ।। तस्थौ सभायां स विधिर्हृदयेन विदूयता
ityuktvā nāradastatra virarāma pituḥ puraḥ || tasthau sabhāyāṃ sa vidhirhṛdayena vidūyatā
Sanskrit only: no published translation is held for this verse.
उपबर्हेण गन्धर्वो नारदस्तेन हेतुना ।। दासीपुत्रश्च शापेन पितुरेव च शौनक
upabarheṇa gandharvo nāradastena hetunā || dāsīputraśca śāpena pitureva ca śaunaka
Sanskrit only: no published translation is held for this verse.
ततः पुनर्नारदश्च स बभूव महानृषिः ।। ज्ञानं प्राप्य पितुः पश्चात्कथयिष्यामि चाधुना
tataḥ punarnāradaśca sa babhūva mahānṛṣiḥ || jñānaṃ prāpya pituḥ paścātkathayiṣyāmi cādhunā
Sanskrit only: no published translation is held for this verse.