Brahmavaivarta Purāṇa 2.10

षड्योजनसुविस्तीर्णा दैर्घ्ये दशगुणा ततः ।। मन्दाकिनी येन्द्रलोके तां गंगां प्रणमाम्यहम्

ṣaḍyojanasuvistīrṇā dairghye daśaguṇā tataḥ || mandākinī yendraloke tāṃ gaṃgāṃ praṇamāmyaham

Sanskrit only: no published translation is held for this verse.

लक्षयोजनविर्स्तार्णा दैर्घ्ये सप्तगुणा ततः ।। आवृता ध्रुवलोकं या तां गंगां प्रणमाम्यहम्

lakṣayojanavirstārṇā dairghye saptaguṇā tataḥ || āvṛtā dhruvalokaṃ yā tāṃ gaṃgāṃ praṇamāmyaham

Sanskrit only: no published translation is held for this verse.

लक्षयोजनविस्तीर्णा दैर्घ्ये षड्गुणिता ततः ।। आवृता चन्द्र लोकं या तां गंगां प्रणमाम्यहम्

lakṣayojanavistīrṇā dairghye ṣaḍguṇitā tataḥ || āvṛtā candra lokaṃ yā tāṃ gaṃgāṃ praṇamāmyaham

Sanskrit only: no published translation is held for this verse.

योजनैष्षष्टिसाहस्रैर्दैर्घ्ये दशगुणा ततः ।। आवृता सृर्य्यलोकं या तां गंगां प्रणमाम्यहम्।।

yojanaiṣṣaṣṭisāhasrairdairghye daśaguṇā tataḥ || āvṛtā sṛryyalokaṃ yā tāṃ gaṃgāṃ praṇamāmyaham||

Sanskrit only: no published translation is held for this verse.

लक्षयोजनविस्तीर्णा दैर्घ्ये षङ्गुणिता ततः ।। आवृता सत्यलोकं या तां गङ्गां प्रणमाम्यहम्

lakṣayojanavistīrṇā dairghye ṣaṅguṇitā tataḥ || āvṛtā satyalokaṃ yā tāṃ gaṅgāṃ praṇamāmyaham

Sanskrit only: no published translation is held for this verse.

दशलक्षै र्योजनैर्या दैर्घ्ये पञ्चगुणा ततः ।। आवृता या तपोलोकं तां गङ्गां प्रणमाम्यहम्

daśalakṣai ryojanairyā dairghye pañcaguṇā tataḥ || āvṛtā yā tapolokaṃ tāṃ gaṅgāṃ praṇamāmyaham

Sanskrit only: no published translation is held for this verse.

सहस्रयोजना या च दैर्घ्ये सप्तगुणा ततः ।। आवृता जनलोकं या तां गंगां प्रणमाम्यहम्

sahasrayojanā yā ca dairghye saptaguṇā tataḥ || āvṛtā janalokaṃ yā tāṃ gaṃgāṃ praṇamāmyaham

Sanskrit only: no published translation is held for this verse.

सहस्रयोजनाऽऽयामे दैर्घ्ये सप्तगुणा ततः ।। आवृता या च कैलासं तां गंगां प्रणमाम्यहम्

sahasrayojanā''yāme dairghye saptaguṇā tataḥ || āvṛtā yā ca kailāsaṃ tāṃ gaṃgāṃ praṇamāmyaham

Sanskrit only: no published translation is held for this verse.

पाताले या भोगवती विस्तीर्णा दशयोजना ।। ततो दशगुणा दैर्घ्ये तां गंगां प्रणमाम्यहम्

pātāle yā bhogavatī vistīrṇā daśayojanā || tato daśaguṇā dairghye tāṃ gaṃgāṃ praṇamāmyaham

Sanskrit only: no published translation is held for this verse.

क्रोशैकमात्रविस्तीर्णा ततः क्षीणा न कुत्रचित् ।। क्षितौ चालकनन्दा या तां गङ्गां प्रणमाम्यहम्

krośaikamātravistīrṇā tataḥ kṣīṇā na kutracit || kṣitau cālakanandā yā tāṃ gaṅgāṃ praṇamāmyaham

Sanskrit only: no published translation is held for this verse.

सत्ये या क्षीरवर्णा च त्रेतायामिन्दुसन्निभा ।। द्वापरे चन्दनाभा च तां गंगां प्रणमाम्यहम्

satye yā kṣīravarṇā ca tretāyāmindusannibhā || dvāpare candanābhā ca tāṃ gaṃgāṃ praṇamāmyaham

Sanskrit only: no published translation is held for this verse.

जलप्रभा कलौ या च नान्यत्र पृथिवीतले ।। स्वर्गे च नित्यं क्षीराभा तां गङ्गां प्रणमाम्यहम्

jalaprabhā kalau yā ca nānyatra pṛthivītale || svarge ca nityaṃ kṣīrābhā tāṃ gaṅgāṃ praṇamāmyaham

Sanskrit only: no published translation is held for this verse.

यस्याः प्रभाव अतुलः पुराणे च श्रुतौ श्रुतः ।। या पुण्यदा पापहर्त्री तां गङ्गां प्रणमाम्यहम्

yasyāḥ prabhāva atulaḥ purāṇe ca śrutau śrutaḥ || yā puṇyadā pāpahartrī tāṃ gaṅgāṃ praṇamāmyaham

Sanskrit only: no published translation is held for this verse.

यत्तोयकणिकास्पर्शः पापिनां च पितामह ।। ब्रह्महत्यादिकं पापं कोटिजन्मार्जितं दहेत्

yattoyakaṇikāsparśaḥ pāpināṃ ca pitāmaha || brahmahatyādikaṃ pāpaṃ koṭijanmārjitaṃ dahet

Sanskrit only: no published translation is held for this verse.

इत्येवं कथितं ब्रह्मन्गंगापद्यैकविंशतिम् ।। स्तोत्ररूपं च परमं पापघ्नं पुण्यबीजकम्

ityevaṃ kathitaṃ brahmangaṃgāpadyaikaviṃśatim || stotrarūpaṃ ca paramaṃ pāpaghnaṃ puṇyabījakam

Sanskrit only: no published translation is held for this verse.

नित्यं यो हि पठेद्भक्त्या संपूज्य च सुरेश्वरीम् ।। अश्वमेधफलं नित्यं लभते नात्र संशयः

nityaṃ yo hi paṭhedbhaktyā saṃpūjya ca sureśvarīm || aśvamedhaphalaṃ nityaṃ labhate nātra saṃśayaḥ

Sanskrit only: no published translation is held for this verse.

अपुत्रो लभते पुत्रं भार्याहीनो लभेत्प्रियाम् ।। रोगान्मुच्येत रोगी च बद्धो मुच्येत बन्धनात्

aputro labhate putraṃ bhāryāhīno labhetpriyām || rogānmucyeta rogī ca baddho mucyeta bandhanāt

Sanskrit only: no published translation is held for this verse.

अस्पष्टकीर्तिः सुयशा मूर्खो भवति पण्डितः ।। यः पठेत्प्रातरुत्थाय गङ्गास्तोत्रमिदं शुभम् ।।

aspaṣṭakīrtiḥ suyaśā mūrkho bhavati paṇḍitaḥ || yaḥ paṭhetprātarutthāya gaṅgāstotramidaṃ śubham ||

Sanskrit only: no published translation is held for this verse.

शुभं भवेत्तु दुःस्वप्नं गङ्गास्नानफलं लभेत्

śubhaṃ bhavettu duḥsvapnaṃ gaṅgāsnānaphalaṃ labhet

Sanskrit only: no published translation is held for this verse.

नारायण उवाच ।। भगीरथोऽनया स्तुत्या स्तुत्वा गङ्गां च नारद ।। जगाम तां गृहीत्वा च यत्र नष्टश्च सागराः

nārāyaṇa uvāca || bhagīratho'nayā stutyā stutvā gaṅgāṃ ca nārada || jagāma tāṃ gṛhītvā ca yatra naṣṭaśca sāgarāḥ

Sanskrit only: no published translation is held for this verse.

वैकुण्ठं ते ययुस्तूर्णं गङ्गायाः स्पर्शवायुना ।। भगीरथेन साऽऽनीता तेन भागीरथी स्मृता

vaikuṇṭhaṃ te yayustūrṇaṃ gaṅgāyāḥ sparśavāyunā || bhagīrathena sā''nītā tena bhāgīrathī smṛtā

Sanskrit only: no published translation is held for this verse.

इत्येवं कथितं सर्वं गङ्गोपाख्यानमुत्तमम् ।। पुण्यदं मोक्षदं सारं किं भूयः श्रोतुमिच्छसि

ityevaṃ kathitaṃ sarvaṃ gaṅgopākhyānamuttamam || puṇyadaṃ mokṣadaṃ sāraṃ kiṃ bhūyaḥ śrotumicchasi

Sanskrit only: no published translation is held for this verse.

नारद उवाच ।। शिवसंगीतसंमुग्धे श्रीकृष्णे द्रवतां गते ।। द्रवतां च गतायां च राधायां किं बभूव ह

nārada uvāca || śivasaṃgītasaṃmugdhe śrīkṛṣṇe dravatāṃ gate || dravatāṃ ca gatāyāṃ ca rādhāyāṃ kiṃ babhūva ha

Sanskrit only: no published translation is held for this verse.

तत्रस्थाश्च जना ये ये ते च किं चक्रुरुद्यमम् ।। एतत्सर्वं सुविस्तीर्णं प्रभो वक्तुमिहार्हसि

tatrasthāśca janā ye ye te ca kiṃ cakrurudyamam || etatsarvaṃ suvistīrṇaṃ prabho vaktumihārhasi

Sanskrit only: no published translation is held for this verse.

नारायण उवाच ।। कार्त्तिकीपूर्णिमायां च राधायाः सुमहोत्सवे ।। कृष्णः संपूज्य तां राधामवसद्रासमण्डले

nārāyaṇa uvāca || kārttikīpūrṇimāyāṃ ca rādhāyāḥ sumahotsave || kṛṣṇaḥ saṃpūjya tāṃ rādhāmavasadrāsamaṇḍale

Sanskrit only: no published translation is held for this verse.

कृष्णेन पूजितां तां तु संपूज्यादृतमानसाः ।। ऊचुर्ब्रह्मादयः सर्वे ऋषयः सनकादयः

kṛṣṇena pūjitāṃ tāṃ tu saṃpūjyādṛtamānasāḥ || ūcurbrahmādayaḥ sarve ṛṣayaḥ sanakādayaḥ

Sanskrit only: no published translation is held for this verse.

एतस्मिन्नन्तरे कृष्ण संगीतं च सरस्वती ।। जगौ सुन्दरतानेन वीणया च मनोहरम्

etasminnantare kṛṣṇa saṃgītaṃ ca sarasvatī || jagau sundaratānena vīṇayā ca manoharam

Sanskrit only: no published translation is held for this verse.

तुष्टो ब्रह्मा ददौ तस्यै महारत्नाढ्यमालिकाम् ।। शिरोमणीन्द्रसारं च सर्वब्रद्माण्डदुर्लभम्

tuṣṭo brahmā dadau tasyai mahāratnāḍhyamālikām || śiromaṇīndrasāraṃ ca sarvabradmāṇḍadurlabham

Sanskrit only: no published translation is held for this verse.

कृष्णः कौस्तुभरत्नं च सर्व रत्नात्परं वरम् ।। अमूल्यरत्नखचितं हारसारं च राधिका

kṛṣṇaḥ kaustubharatnaṃ ca sarva ratnātparaṃ varam || amūlyaratnakhacitaṃ hārasāraṃ ca rādhikā

Sanskrit only: no published translation is held for this verse.

नारायणश्च भगवन्वनमालां मनोहराम् ।। अमूल्यरत्नकलितं लक्ष्मीर्मकरकुण्डलम्

nārāyaṇaśca bhagavanvanamālāṃ manoharām || amūlyaratnakalitaṃ lakṣmīrmakarakuṇḍalam

Sanskrit only: no published translation is held for this verse.

विष्णुमाया भगवती मूलप्रकृतिरीश्वरी ।। दुर्गा नारायणीशानी विष्णुभक्तिं सुदुर्लभाम्

viṣṇumāyā bhagavatī mūlaprakṛtirīśvarī || durgā nārāyaṇīśānī viṣṇubhaktiṃ sudurlabhām

Sanskrit only: no published translation is held for this verse.

धर्मबुद्धिं च धर्मस्तु यशश्च विपुलं भवे ।। वह्निशुद्धांशुकं वह्निर्वायुश्च मणिनूपुरम्

dharmabuddhiṃ ca dharmastu yaśaśca vipulaṃ bhave || vahniśuddhāṃśukaṃ vahnirvāyuśca maṇinūpuram

Sanskrit only: no published translation is held for this verse.

एतस्मिन्नन्तरे शम्भुर्ब्रह्मणा प्रेरितो मुहुः ।। जगौ श्रीकृष्णसंगीतं रासोल्लाससमन्वितम्

etasminnantare śambhurbrahmaṇā prerito muhuḥ || jagau śrīkṛṣṇasaṃgītaṃ rāsollāsasamanvitam

Sanskrit only: no published translation is held for this verse.

मूर्च्छां प्रापुः सुराः सर्वे चित्रपुत्तलिका यथा ।। क्षणेन चेतनां प्राप्य ददृशू रासमण्डलम्

mūrcchāṃ prāpuḥ surāḥ sarve citraputtalikā yathā || kṣaṇena cetanāṃ prāpya dadṛśū rāsamaṇḍalam

Sanskrit only: no published translation is held for this verse.

स्थलं सर्वं जलाकीर्णं हीनराधाहरिं तथा ।। अत्युच्चै रुरुदुः सर्वे गोपा गोप्यः सुरा द्विजाः

sthalaṃ sarvaṃ jalākīrṇaṃ hīnarādhāhariṃ tathā || atyuccai ruruduḥ sarve gopā gopyaḥ surā dvijāḥ

Sanskrit only: no published translation is held for this verse.

ध्यानेन धाता बुबुधे सर्वमेतदभीप्सितम् ।। गतश्च राधया सार्द्धं श्रीकृष्णो द्रवतामिति

dhyānena dhātā bubudhe sarvametadabhīpsitam || gataśca rādhayā sārddhaṃ śrīkṛṣṇo dravatāmiti

Sanskrit only: no published translation is held for this verse.

ततो ब्रह्मादयः सर्वे तुष्टुवुः परमेश्वरम् ।। स्वमूर्त्तिं दर्शय विभो वाञ्छितं वरमेव नः

tato brahmādayaḥ sarve tuṣṭuvuḥ parameśvaram || svamūrttiṃ darśaya vibho vāñchitaṃ varameva naḥ

Sanskrit only: no published translation is held for this verse.

एतस्मिन्नन्तरे तत्र वाग्बभूवाशरीरिणी ।। तामेव शुश्रुवुः सर्वे सुव्यक्तां मधुरां शुभाम्

etasminnantare tatra vāgbabhūvāśarīriṇī || tāmeva śuśruvuḥ sarve suvyaktāṃ madhurāṃ śubhām

Sanskrit only: no published translation is held for this verse.

सर्वात्माऽहमियं शक्तिर्भक्तानुग्रहविग्रहा ।। ममाप्यस्याश्च हे देवा देहेन च किमावयोः

sarvātmā'hamiyaṃ śaktirbhaktānugrahavigrahā || mamāpyasyāśca he devā dehena ca kimāvayoḥ

Sanskrit only: no published translation is held for this verse.

मनवो मानवाः सर्वे मुनयश्चैव वैष्णवाः ।। मन्मन्त्रपूता मां द्रष्टुमागमिष्यन्ति मत्पदम्

manavo mānavāḥ sarve munayaścaiva vaiṣṇavāḥ || manmantrapūtā māṃ draṣṭumāgamiṣyanti matpadam

Sanskrit only: no published translation is held for this verse.

मूर्तिं द्रष्टुं च सुव्यग्रा यूयं यदि सुरेश्वराः ।। करोति शम्भुस्तत्रैव मदीयं वाक्यपालनम्

mūrtiṃ draṣṭuṃ ca suvyagrā yūyaṃ yadi sureśvarāḥ || karoti śambhustatraiva madīyaṃ vākyapālanam

Sanskrit only: no published translation is held for this verse.

स्वयं विधाता त्वं ब्रह्मन्नाज्ञां कुरु जगद्गुरो ।। कर्तुं शास्त्रविशेषं च वेदांगं सुमनोहरम्

svayaṃ vidhātā tvaṃ brahmannājñāṃ kuru jagadguro || kartuṃ śāstraviśeṣaṃ ca vedāṃgaṃ sumanoharam

Sanskrit only: no published translation is held for this verse.

अपूर्वमन्त्रनिकरैः सर्वाभीष्टफलप्रदैः ।। स्तोत्रैश्च कवचैर्ध्यानैर्युतं पूजाविधिक्रमैः

apūrvamantranikaraiḥ sarvābhīṣṭaphalapradaiḥ || stotraiśca kavacairdhyānairyutaṃ pūjāvidhikramaiḥ

Sanskrit only: no published translation is held for this verse.

मन्मन्त्रं कवचं स्तोत्रं कृत्वा यत्नेन गोपय ।। भवन्ति विमुखा येन जनानां यत्करि ष्यति

manmantraṃ kavacaṃ stotraṃ kṛtvā yatnena gopaya || bhavanti vimukhā yena janānāṃ yatkari ṣyati

Sanskrit only: no published translation is held for this verse.

सहस्रेषु शतेष्वेको मन्मन्त्रोपासको भवेत् ।। ते ते जना मन्त्रपूताश्चागमिष्यन्ति मत्पदम् ।।

sahasreṣu śateṣveko manmantropāsako bhavet || te te janā mantrapūtāścāgamiṣyanti matpadam ||

Sanskrit only: no published translation is held for this verse.

अन्यथा च भविष्यन्ति सर्वे गोलोकवासिनः ।। निष्फलं भविता सर्वं ब्रह्माण्डं चैव वेधसः

anyathā ca bhaviṣyanti sarve golokavāsinaḥ || niṣphalaṃ bhavitā sarvaṃ brahmāṇḍaṃ caiva vedhasaḥ

Sanskrit only: no published translation is held for this verse.

जनाः पञ्चप्रकाराश्च युक्ताः स्रष्टुर्भवे भवे ।। पृथिवीवासिनः केचित्केचित्स्वर्गनिवासिन

janāḥ pañcaprakārāśca yuktāḥ sraṣṭurbhave bhave || pṛthivīvāsinaḥ kecitkecitsvarganivāsina

Sanskrit only: no published translation is held for this verse.

अधोनिवासिनः केचिद्ब्रह्मलोकनिवासिनः ।। केचिद्वा वै ष्णवाः केचिन्मम लोकनिवासिनः

adhonivāsinaḥ kecidbrahmalokanivāsinaḥ || kecidvā vai ṣṇavāḥ kecinmama lokanivāsinaḥ

Sanskrit only: no published translation is held for this verse.

इदं कर्तुं महादेवः करोतु सुरसंसदि ।। प्रतिज्ञां सुदृढां सद्यस्ततो मूर्तिं च पश्यसि

idaṃ kartuṃ mahādevaḥ karotu surasaṃsadi || pratijñāṃ sudṛḍhāṃ sadyastato mūrtiṃ ca paśyasi

Sanskrit only: no published translation is held for this verse.

इत्येवमुक्त्वा गगने विरराम सनातनः ।। तद्दृष्ट्वा च जगन्नाथस्तमुवाच शिवं मुदा

ityevamuktvā gagane virarāma sanātanaḥ || taddṛṣṭvā ca jagannāthastamuvāca śivaṃ mudā

Sanskrit only: no published translation is held for this verse.

ब्रह्मणो वचनं श्रुत्वा ज्ञानेशो ज्ञानिनां वरः ।। गङ्गातोयं करे धृत्वा स्वीचकार वचस्तु सः

brahmaṇo vacanaṃ śrutvā jñāneśo jñānināṃ varaḥ || gaṅgātoyaṃ kare dhṛtvā svīcakāra vacastu saḥ

Sanskrit only: no published translation is held for this verse.

संयुक्तं विष्णुमायाद्यैर्मन्त्राद्यैः शास्त्रमुत्तमम् ।। वेदसारं करिष्यामि कृष्णाज्ञापालनाय च

saṃyuktaṃ viṣṇumāyādyairmantrādyaiḥ śāstramuttamam || vedasāraṃ kariṣyāmi kṛṣṇājñāpālanāya ca

Sanskrit only: no published translation is held for this verse.

गंगातोयमुपस्पृश्य मिथ्या यदि वदेज्जनः ।। स याति कालसूत्रं च यावद्वै ब्रह्मणो वयः

gaṃgātoyamupaspṛśya mithyā yadi vadejjanaḥ || sa yāti kālasūtraṃ ca yāvadvai brahmaṇo vayaḥ

Sanskrit only: no published translation is held for this verse.

इत्युक्ते शङ्करे ब्रह्मन्गोलोके सुरसंसदि ।। आविर्बभूव श्रीकृष्णो राधया सह तत्परः

ityukte śaṅkare brahmangoloke surasaṃsadi || āvirbabhūva śrīkṛṣṇo rādhayā saha tatparaḥ

Sanskrit only: no published translation is held for this verse.

ते तं दृष्ट्वा च संहृष्टाः संस्तूय पुरुषोत्तमम् ।। परमानन्दपूर्णाश्च चक्रुश्च पुनरुत्सवम्

te taṃ dṛṣṭvā ca saṃhṛṣṭāḥ saṃstūya puruṣottamam || paramānandapūrṇāśca cakruśca punarutsavam

Sanskrit only: no published translation is held for this verse.

कालेन शम्भुर्भगवाञ्छास्त्रदीपं चकार सः ।। इत्येवं कथितं सर्वं सुगोप्यं च सुदुर्लभम्

kālena śambhurbhagavāñchāstradīpaṃ cakāra saḥ || ityevaṃ kathitaṃ sarvaṃ sugopyaṃ ca sudurlabham

Sanskrit only: no published translation is held for this verse.

सा चैवं द्रवरूपा या गङ्गा गोलोकसम्भवा ।। राधाकृष्णाङ्गसम्भूता भुक्तिमुक्तिफलप्रदा

sā caivaṃ dravarūpā yā gaṅgā golokasambhavā || rādhākṛṣṇāṅgasambhūtā bhuktimuktiphalapradā

Sanskrit only: no published translation is held for this verse.

स्थाने स्थाने स्थापिता सा कृष्णेन परमात्मना ।। कृष्णस्वरूपा परमा सर्वब्रह्माण्डपूजिता

sthāne sthāne sthāpitā sā kṛṣṇena paramātmanā || kṛṣṇasvarūpā paramā sarvabrahmāṇḍapūjitā

Sanskrit only: no published translation is held for this verse.