Brahmavaivarta Purāṇa 2.11

गोलोकस्था च या राधा सर्वत्रस्था तथात्मिका ।। तदात्मिका त्वं देवेशि सर्वदा च तवात्मजा

golokasthā ca yā rādhā sarvatrasthā tathātmikā || tadātmikā tvaṃ deveśi sarvadā ca tavātmajā

Sanskrit only: no published translation is held for this verse.

ब्रह्मणो वचनं श्रुत्वा स्वीचकार च सस्मिता ।। बहिर्बभूव सा कृष्णपादाङ्गुष्ठनखाग्रतः

brahmaṇo vacanaṃ śrutvā svīcakāra ca sasmitā || bahirbabhūva sā kṛṣṇapādāṅguṣṭhanakhāgrataḥ

Sanskrit only: no published translation is held for this verse.

तत्रैव संवृता शान्ता तस्थौ तेषां च मध्यतः ।। उवास तोयादुत्थाय तदधिष्ठातृदेवता

tatraiva saṃvṛtā śāntā tasthau teṣāṃ ca madhyataḥ || uvāsa toyādutthāya tadadhiṣṭhātṛdevatā

Sanskrit only: no published translation is held for this verse.

तत्तोयं ब्रह्मणा किञ्चित्स्थापितं च कमण्डलौ ।। किंचिद्दधार शिरसि चन्द्रार्द्धे चन्द्रशेखरः

tattoyaṃ brahmaṇā kiñcitsthāpitaṃ ca kamaṇḍalau || kiṃciddadhāra śirasi candrārddhe candraśekharaḥ

Sanskrit only: no published translation is held for this verse.

गङ्गायै राधिकामन्त्रं प्रददौ कमलोद्भवः ।। तत्स्तोत्रं कवचं पूजाविधानं ध्यानमेव च

gaṅgāyai rādhikāmantraṃ pradadau kamalodbhavaḥ || tatstotraṃ kavacaṃ pūjāvidhānaṃ dhyānameva ca

Sanskrit only: no published translation is held for this verse.

सर्वं तत्सामवेदोक्तं पुरश्चर्य्याक्रमं तथा ।। गङ्गा तामेव संपूज्य वैकुण्ठं प्रययौ सती

sarvaṃ tatsāmavedoktaṃ puraścaryyākramaṃ tathā || gaṅgā tāmeva saṃpūjya vaikuṇṭhaṃ prayayau satī

Sanskrit only: no published translation is held for this verse.

लक्ष्मीः सरस्वती गंगा तुलसी विश्वपावनी ।। एता नारायणस्यैव चतस्रो योषितो मुने

lakṣmīḥ sarasvatī gaṃgā tulasī viśvapāvanī || etā nārāyaṇasyaiva catasro yoṣito mune

Sanskrit only: no published translation is held for this verse.

अथ तं सस्मितः कृष्णो ब्रह्माणं समुवाच ह।। सर्वकालस्य वृत्तान्तं दुर्बोध्यमविपश्चिताम्

atha taṃ sasmitaḥ kṛṣṇo brahmāṇaṃ samuvāca ha|| sarvakālasya vṛttāntaṃ durbodhyamavipaścitām

Sanskrit only: no published translation is held for this verse.

श्रीकृष्ण उवाच ।। गृहाण गंगां हे ब्रह्मन् हे विष्णो हे महेश्वर ।। शृणु कालस्य वृत्तान्तं यदतीतं निशामय

śrīkṛṣṇa uvāca || gṛhāṇa gaṃgāṃ he brahman he viṣṇo he maheśvara || śṛṇu kālasya vṛttāntaṃ yadatītaṃ niśāmaya

Sanskrit only: no published translation is held for this verse.

यूयं च येऽन्यदेवाश्च मुनयो मनवस्तथा ।। सिद्धास्तपस्विनश्चैव ये येऽत्रैव समागताः

yūyaṃ ca ye'nyadevāśca munayo manavastathā || siddhāstapasvinaścaiva ye ye'traiva samāgatāḥ

Sanskrit only: no published translation is held for this verse.

ते ते जीवन्ति गोलोके कालचक्र विवर्जिते ।। जलाप्लुतं सर्वविश्वमागतं प्राकृते लये

te te jīvanti goloke kālacakra vivarjite || jalāplutaṃ sarvaviśvamāgataṃ prākṛte laye

Sanskrit only: no published translation is held for this verse.

ब्रह्माद्या येऽन्यविश्वस्थास्ते लीना अधुना मयि ।। वैकुण्ठं च विना सर्वं सजलं पश्य पद्मज

brahmādyā ye'nyaviśvasthāste līnā adhunā mayi || vaikuṇṭhaṃ ca vinā sarvaṃ sajalaṃ paśya padmaja

Sanskrit only: no published translation is held for this verse.

गत्वा सृष्टिं कुरु पुनर्ब्रह्मलोकादिकं परम् ।। सब्रह्माण्डं विरचय पश्चाद्गङ्गा च यास्यति

gatvā sṛṣṭiṃ kuru punarbrahmalokādikaṃ param || sabrahmāṇḍaṃ viracaya paścādgaṅgā ca yāsyati

Sanskrit only: no published translation is held for this verse.

एवमन्येषु विश्वेषु सृष्ट्वा ब्रह्मादिकं पुनः ।। करोम्यहं पुनः सृष्टिं गच्छ शीघ्रं सुरैः सह

evamanyeṣu viśveṣu sṛṣṭvā brahmādikaṃ punaḥ || karomyahaṃ punaḥ sṛṣṭiṃ gaccha śīghraṃ suraiḥ saha

Sanskrit only: no published translation is held for this verse.

मच्चक्षुषोर्निमेषेण ब्रह्मणः पतनं भवेत् ।। गताः कतिविधास्ते च भविष्यन्ति च वेधसः

maccakṣuṣornimeṣeṇa brahmaṇaḥ patanaṃ bhavet || gatāḥ katividhāste ca bhaviṣyanti ca vedhasaḥ

Sanskrit only: no published translation is held for this verse.

इत्युक्त्वा राधिकानाथो जगामान्तःपुरं मुने ।। देवा गत्वा पुनः सृष्टिं चक्रुरेव प्रयत्नतः

ityuktvā rādhikānātho jagāmāntaḥpuraṃ mune || devā gatvā punaḥ sṛṣṭiṃ cakrureva prayatnataḥ

Sanskrit only: no published translation is held for this verse.

गोलोके च स्थिता गंगा वैकुण्ठे शिवलोकके।। ब्रह्मलोके तथाऽन्यत्र यत्र तत्र पुरा स्थिता

goloke ca sthitā gaṃgā vaikuṇṭhe śivalokake|| brahmaloke tathā'nyatra yatra tatra purā sthitā

Sanskrit only: no published translation is held for this verse.

तत्रैव सा गता गंगा चाज्ञया परमात्मनः ।। निर्गता विष्णुपादाब्जात्तेन विष्णुपदी स्मृता

tatraiva sā gatā gaṃgā cājñayā paramātmanaḥ || nirgatā viṣṇupādābjāttena viṣṇupadī smṛtā

Sanskrit only: no published translation is held for this verse.

इत्येवं कथितं सर्वं गंगोपाख्यानमुत्तमम् ।। सुखदं मोक्षदं सारं किं भूयः श्रोतुमिच्छसि

ityevaṃ kathitaṃ sarvaṃ gaṃgopākhyānamuttamam || sukhadaṃ mokṣadaṃ sāraṃ kiṃ bhūyaḥ śrotumicchasi

Sanskrit only: no published translation is held for this verse.