Brahmavaivarta Purāṇa 2.12

नारद उवाच ।। लक्ष्मीः सरस्वती गंगा तुलसी लोकपावनी ।। एता नारायणस्यैव चतस्रश्च प्रिया इति

nārada uvāca || lakṣmīḥ sarasvatī gaṃgā tulasī lokapāvanī || etā nārāyaṇasyaiva catasraśca priyā iti

Sanskrit only: no published translation is held for this verse.

गंगा जगाम वैकुण्ठमिदमेव श्रुतं मया ।। कथं सा तस्य पत्नी च बभूव ब्रूहि केशव

gaṃgā jagāma vaikuṇṭhamidameva śrutaṃ mayā || kathaṃ sā tasya patnī ca babhūva brūhi keśava

Sanskrit only: no published translation is held for this verse.

नारायण उवाच ।। गंगा जगाम वैकुण्ठं तत्पश्चाच्च गतो विधिः ।। गत्वोवाच तया सार्द्धं प्रणम्य जगदीश्वरम्

nārāyaṇa uvāca || gaṃgā jagāma vaikuṇṭhaṃ tatpaścācca gato vidhiḥ || gatvovāca tayā sārddhaṃ praṇamya jagadīśvaram

Sanskrit only: no published translation is held for this verse.

ब्रह्मोवाच ।। राधाकृष्णागसंभूता या देवी द्रवरूपिणी ।। तदधिष्ठातृदेवीयं रूपेणाप्रतिमा भुवि

brahmovāca || rādhākṛṣṇāgasaṃbhūtā yā devī dravarūpiṇī || tadadhiṣṭhātṛdevīyaṃ rūpeṇāpratimā bhuvi

Sanskrit only: no published translation is held for this verse.

नवयौवनसम्पन्ना सुशीला सुन्दरी वरा ।। शुद्धसत्त्वस्वरूपा च क्रोधाहङ्कारवर्जिता

navayauvanasampannā suśīlā sundarī varā || śuddhasattvasvarūpā ca krodhāhaṅkāravarjitā

Sanskrit only: no published translation is held for this verse.

यदङ्गसम्भवा नान्यं वृणोतीयं च तं विना ।। तत्रापि मानिनी राधा महातेजस्विनी वरा

yadaṅgasambhavā nānyaṃ vṛṇotīyaṃ ca taṃ vinā || tatrāpi māninī rādhā mahātejasvinī varā

Sanskrit only: no published translation is held for this verse.

समुद्यता पातुमिमां भीतेयं बुद्धिपूर्वकम् ।। विवेश चरणाम्भोजे कृष्णस्य परमात्मनः

samudyatā pātumimāṃ bhīteyaṃ buddhipūrvakam || viveśa caraṇāmbhoje kṛṣṇasya paramātmanaḥ

Sanskrit only: no published translation is held for this verse.

सर्वं विशुष्कं गोलोकं दृष्ट्वाऽहमगमं तदा ।। गोलाकं यत्र कृष्णश्च सर्ववृत्तान्तलब्धये

sarvaṃ viśuṣkaṃ golokaṃ dṛṣṭvā'hamagamaṃ tadā || golākaṃ yatra kṛṣṇaśca sarvavṛttāntalabdhaye

Sanskrit only: no published translation is held for this verse.

सर्वान्तरात्मा सर्वं नो ज्ञात्वाऽभिप्रायमेव च ।। बहिश्चकार गंगां च पादाङ्गुष्ठनखाग्रतः

sarvāntarātmā sarvaṃ no jñātvā'bhiprāyameva ca || bahiścakāra gaṃgāṃ ca pādāṅguṣṭhanakhāgrataḥ

Sanskrit only: no published translation is held for this verse.

दत्त्वाऽस्यै राधिकामन्त्रं पूरयित्वा च गोलकम् ।। संप्रणम्य च राधेशं गृहीत्वाऽत्रागमं विभो

dattvā'syai rādhikāmantraṃ pūrayitvā ca golakam || saṃpraṇamya ca rādheśaṃ gṛhītvā'trāgamaṃ vibho

Sanskrit only: no published translation is held for this verse.

गान्धर्वेण विवाहेन गृहाणेमां सुरेश्वरीम् ।। सुरेश्वरस्त्वं रसिको रसिकां रसभावनः

gāndharveṇa vivāhena gṛhāṇemāṃ sureśvarīm || sureśvarastvaṃ rasiko rasikāṃ rasabhāvanaḥ

Sanskrit only: no published translation is held for this verse.

पुंरत्नं पुंसु देवेषु स्त्रीरत्नं स्त्रीष्वियं सती ।। विदग्धाया विदग्धेन सङ्गमो गुणवान्भवेत्

puṃratnaṃ puṃsu deveṣu strīratnaṃ strīṣviyaṃ satī || vidagdhāyā vidagdhena saṅgamo guṇavānbhavet

Sanskrit only: no published translation is held for this verse.

उपस्थितां च यः कन्यां न गृह्णाति मदेन च ।। तं विहाय महालक्षी रुष्टा याति न संशयः ।।

upasthitāṃ ca yaḥ kanyāṃ na gṛhṇāti madena ca || taṃ vihāya mahālakṣī ruṣṭā yāti na saṃśayaḥ ||

Sanskrit only: no published translation is held for this verse.

यो भवेत्पण्डितः सोऽपि प्रकृतिं नावमन्यते ।। सर्वे प्राकृतिकाः पुंसः कामिन्यः प्रकृतेः कलाः

yo bhavetpaṇḍitaḥ so'pi prakṛtiṃ nāvamanyate || sarve prākṛtikāḥ puṃsaḥ kāminyaḥ prakṛteḥ kalāḥ

Sanskrit only: no published translation is held for this verse.

त्वमेव भगवा नाद्यो निर्गुणः प्रकृतेः परः ।। अर्द्धांगो द्विभुजः कृष्णोऽप्यर्धांगेन चतुर्भुजः

tvameva bhagavā nādyo nirguṇaḥ prakṛteḥ paraḥ || arddhāṃgo dvibhujaḥ kṛṣṇo'pyardhāṃgena caturbhujaḥ

Sanskrit only: no published translation is held for this verse.

कृष्णवामांगसम्भूता परमा राधिका पुरा ।। दक्षिणाङ्गात्स्वयं सा च वामाङ्गात्कमला यथा

kṛṣṇavāmāṃgasambhūtā paramā rādhikā purā || dakṣiṇāṅgātsvayaṃ sā ca vāmāṅgātkamalā yathā

Sanskrit only: no published translation is held for this verse.

तेन त्वां सा वृणोत्येव यतस्त्वद्देहसम्भवा ।। स्त्रीपुंसौ वै तथैकाङ्गौ यथा प्रकृतिपूरुषौ

tena tvāṃ sā vṛṇotyeva yatastvaddehasambhavā || strīpuṃsau vai tathaikāṅgau yathā prakṛtipūruṣau

Sanskrit only: no published translation is held for this verse.

इत्येवमुक्त्वा धाता च तां समर्प्य जगाम सः ।। गान्धर्वेण विवाहेन तां जग्राह हरिः स्वयम्

ityevamuktvā dhātā ca tāṃ samarpya jagāma saḥ || gāndharveṇa vivāhena tāṃ jagrāha hariḥ svayam

Sanskrit only: no published translation is held for this verse.

शय्यां रतिकरीं कृत्वा पुष्पचन्दनचर्चिताम् ।। रेमे रमापतिस्तत्र गङ्गया सहितो मुदा

śayyāṃ ratikarīṃ kṛtvā puṣpacandanacarcitām || reme ramāpatistatra gaṅgayā sahito mudā

Sanskrit only: no published translation is held for this verse.

गां पृथ्वीं च गता यस्मात्स्वस्थानं पुनरागता ।। निर्गता विष्णुपादाच्च गङ्गा विष्णुपदी स्मृता

gāṃ pṛthvīṃ ca gatā yasmātsvasthānaṃ punarāgatā || nirgatā viṣṇupādācca gaṅgā viṣṇupadī smṛtā

Sanskrit only: no published translation is held for this verse.

मूर्च्छां सम्प्राप सा देवी नवसङ्गममात्रतः ।। रसिका सुखसम्भोगाद्रसिकेश्वरसंयुता

mūrcchāṃ samprāpa sā devī navasaṅgamamātrataḥ || rasikā sukhasambhogādrasikeśvarasaṃyutā

Sanskrit only: no published translation is held for this verse.

तद्दृष्ट्वा दुःखिता वाणी सापत्न्येर्ष्याविवर्जिता ।। नित्यमीर्ष्यति तां वाणी न च गंगा सरस्वतीम्

taddṛṣṭvā duḥkhitā vāṇī sāpatnyerṣyāvivarjitā || nityamīrṣyati tāṃ vāṇī na ca gaṃgā sarasvatīm

Sanskrit only: no published translation is held for this verse.

गङ्गया सहितस्यैव तिस्रो भार्या रमापतेः ।। सार्द्धं तुलस्या पश्चाच्च चतस्रो ह्यभवन्मुने

gaṅgayā sahitasyaiva tisro bhāryā ramāpateḥ || sārddhaṃ tulasyā paścācca catasro hyabhavanmune

Sanskrit only: no published translation is held for this verse.