Library·Brahmavaivarta Purāṇa·2·2.18
नारायण उवाच ।। श्रीकृष्णं मनसा ध्यात्वा राजा कृष्णपरायणः ।। ब्राह्मे मुहूर्त्ते चोत्थाय पुष्पतल्पान्मनोहरात्
nārāyaṇa uvāca || śrīkṛṣṇaṃ manasā dhyātvā rājā kṛṣṇaparāyaṇaḥ || brāhme muhūrtte cotthāya puṣpatalpānmanoharāt
Sanskrit only: no published translation is held for this verse.
रात्रिवासः परित्यज्य स्नात्वा मङ्गलवारिणा ।। धौते च वाससी धृत्वा कृत्वा तिलकमुज्ज्वलम्
rātrivāsaḥ parityajya snātvā maṅgalavāriṇā || dhaute ca vāsasī dhṛtvā kṛtvā tilakamujjvalam
Sanskrit only: no published translation is held for this verse.
चकाराह्निकमावश्यमभीष्टगुरुवन्दनम् ।। दध्याज्यं मधु लाजांश्च सोऽपश्यद्वस्तु मङ्गलम्
cakārāhnikamāvaśyamabhīṣṭaguruvandanam || dadhyājyaṃ madhu lājāṃśca so'paśyadvastu maṅgalam
Sanskrit only: no published translation is held for this verse.
रत्नश्रेष्ठं मणिश्रेष्ठं वस्त्रश्रेष्ठं च काञ्चनम् ।। ब्राह्मणेभ्यो ददौ भक्त्या यथानित्यं च नारद
ratnaśreṣṭhaṃ maṇiśreṣṭhaṃ vastraśreṣṭhaṃ ca kāñcanam || brāhmaṇebhyo dadau bhaktyā yathānityaṃ ca nārada
Sanskrit only: no published translation is held for this verse.
अमूल्यरत्नं यत्किञ्चिन्मुक्तामाणिक्यहीरकम् ।। ददौ विप्राय गुरवे यात्रामङ्गलहेतवे
amūlyaratnaṃ yatkiñcinmuktāmāṇikyahīrakam || dadau viprāya gurave yātrāmaṅgalahetave
Sanskrit only: no published translation is held for this verse.
गजरत्नं चाश्वरत्नं धेनुरत्नं मनोहरम् ।। ददौ सर्वं दरिद्राय विप्रार्थं मङ्गलाय च
gajaratnaṃ cāśvaratnaṃ dhenuratnaṃ manoharam || dadau sarvaṃ daridrāya viprārthaṃ maṅgalāya ca
Sanskrit only: no published translation is held for this verse.
कोशागारसहस्रं च नगराणां त्रिलक्षकम् ।। ग्रामाणां शतकोटिं च ब्राह्मणेभ्यो ददौ मुदा
kośāgārasahasraṃ ca nagarāṇāṃ trilakṣakam || grāmāṇāṃ śatakoṭiṃ ca brāhmaṇebhyo dadau mudā
Sanskrit only: no published translation is held for this verse.
पुत्रं कृत्वा च राजेन्द्रं सुचन्द्रं दानवेषु च ।। पुत्रे समर्प्य भार्यां च राज्यं वै सर्वसम्पदम्
putraṃ kṛtvā ca rājendraṃ sucandraṃ dānaveṣu ca || putre samarpya bhāryāṃ ca rājyaṃ vai sarvasampadam
Sanskrit only: no published translation is held for this verse.
प्रजानुचरसंघं च कोशौघं वाहनादिकम् ।। स्वयं सन्नाहयुक्तश्च धनुष्पाणिर्बभूव ह
prajānucarasaṃghaṃ ca kośaughaṃ vāhanādikam || svayaṃ sannāhayuktaśca dhanuṣpāṇirbabhūva ha
Sanskrit only: no published translation is held for this verse.
भृत्यद्वारा क्रमेणैव स चक्रे सैन्यसंचयम् ।। अश्वानां च त्रिलक्षेण पञ्चलक्षेण हस्तिनाम् ।।
bhṛtyadvārā krameṇaiva sa cakre sainyasaṃcayam || aśvānāṃ ca trilakṣeṇa pañcalakṣeṇa hastinām ||
Sanskrit only: no published translation is held for this verse.
रथानामयुतेनैव धानुष्काणां त्रिकोटिभिः ।। त्रिकोटिभिश्चर्मिणां च शूलिनां च त्रिकोटिभिः
rathānāmayutenaiva dhānuṣkāṇāṃ trikoṭibhiḥ || trikoṭibhiścarmiṇāṃ ca śūlināṃ ca trikoṭibhiḥ
Sanskrit only: no published translation is held for this verse.
कृता सेनाऽपरिमिता दानवेन्द्रेण नारद ।। यस्यां सेनापतिश्चैव युद्धशास्त्रविशारदः
kṛtā senā'parimitā dānavendreṇa nārada || yasyāṃ senāpatiścaiva yuddhaśāstraviśāradaḥ
Sanskrit only: no published translation is held for this verse.
महारथः स विज्ञेयो रथिनां प्रवरो रणे ।। त्रिलक्षाक्षौहिणी सेनापतिं कृत्वा नराधिपः
mahārathaḥ sa vijñeyo rathināṃ pravaro raṇe || trilakṣākṣauhiṇī senāpatiṃ kṛtvā narādhipaḥ
Sanskrit only: no published translation is held for this verse.
त्रिंशदक्षौहिणीवाद्यभाण्डौघं च चकार सः ।। बहिर्बभूव शिबिरान्मनसा श्रीहरिं स्मरन्
triṃśadakṣauhiṇīvādyabhāṇḍaughaṃ ca cakāra saḥ || bahirbabhūva śibirānmanasā śrīhariṃ smaran
Sanskrit only: no published translation is held for this verse.
रत्नेन्द्रसारखचितं विमानं ह्यारुरोह सः ।। गुरुवर्गान्पुरस्कृत्य प्रययौ शङ्करान्तिकम्
ratnendrasārakhacitaṃ vimānaṃ hyāruroha saḥ || guruvargānpuraskṛtya prayayau śaṅkarāntikam
Sanskrit only: no published translation is held for this verse.
पुष्पभद्रानदीतीरे यत्राक्षयवटः शुभः ।। सिद्धाश्रमं च सिद्धानां सिद्धिक्षेत्रं च नामतः
puṣpabhadrānadītīre yatrākṣayavaṭaḥ śubhaḥ || siddhāśramaṃ ca siddhānāṃ siddhikṣetraṃ ca nāmataḥ
Sanskrit only: no published translation is held for this verse.
कपिलस्य तपस्थानं पुण्यक्षेत्रं च भारते ।। पश्चिमोदधिपूर्वे च मलयस्य च पश्चिमे
kapilasya tapasthānaṃ puṇyakṣetraṃ ca bhārate || paścimodadhipūrve ca malayasya ca paścime
Sanskrit only: no published translation is held for this verse.
श्रीशैलोत्तरभागे च गन्धमादनदक्षिणे ।। पञ्चयोजनविस्तीर्णा दैर्घ्ये शतगुणा तथा ।। शाश्वती जलपूर्णा च पुष्पभद्रानदी शुभा
śrīśailottarabhāge ca gandhamādanadakṣiṇe || pañcayojanavistīrṇā dairghye śataguṇā tathā || śāśvatī jalapūrṇā ca puṣpabhadrānadī śubhā
Sanskrit only: no published translation is held for this verse.
लवणोदप्रिया भार्य्या शश्वत्सौभाग्यसंयुता ।। शुद्धस्फटिकसङ्काशा भारते च सुपुण्यदा
lavaṇodapriyā bhāryyā śaśvatsaubhāgyasaṃyutā || śuddhasphaṭikasaṅkāśā bhārate ca supuṇyadā
Sanskrit only: no published translation is held for this verse.
शरावतीमिश्रिता च निर्गता सा हिमालयात्।। गोमन्तं वामतः कृत्वा प्रविष्टा पश्चिमोदधौ
śarāvatīmiśritā ca nirgatā sā himālayāt|| gomantaṃ vāmataḥ kṛtvā praviṣṭā paścimodadhau
Sanskrit only: no published translation is held for this verse.
तत्र गत्वा शंखचूडो लुलोके चन्द्रशेखरम् ।। वटमूले समासीनं सूर्य्यकोटिसमप्रभम्
tatra gatvā śaṃkhacūḍo luloke candraśekharam || vaṭamūle samāsīnaṃ sūryyakoṭisamaprabham
Sanskrit only: no published translation is held for this verse.
कृत्वा योगासने स्थित्वा मुद्रायुक्तं च सस्मितम् ।। शुद्धस्फटिक सङ्काशं ज्वलन्तं ब्रह्मतेजसा
kṛtvā yogāsane sthitvā mudrāyuktaṃ ca sasmitam || śuddhasphaṭika saṅkāśaṃ jvalantaṃ brahmatejasā
Sanskrit only: no published translation is held for this verse.
त्रिशूलपट्टिशधरं व्याघ्रचर्माम्बरं वरम् ।। तप्तकाञ्चनवर्णाभं जटाजालं च बिभ्रतम्
triśūlapaṭṭiśadharaṃ vyāghracarmāmbaraṃ varam || taptakāñcanavarṇābhaṃ jaṭājālaṃ ca bibhratam
Sanskrit only: no published translation is held for this verse.
त्रिनेत्रं पञ्चवक्त्रं च नागयज्ञोपवीतिनम् ।। मृत्युञ्जयं कालमृत्युं विश्वमृत्युकरं परम्
trinetraṃ pañcavaktraṃ ca nāgayajñopavītinam || mṛtyuñjayaṃ kālamṛtyuṃ viśvamṛtyukaraṃ param
Sanskrit only: no published translation is held for this verse.
भक्तमृत्युहरं शान्तं गौरीकान्तं मनोरमम् ।। तपसां फलदातारं दातारं सर्वसम्पदाम्
bhaktamṛtyuharaṃ śāntaṃ gaurīkāntaṃ manoramam || tapasāṃ phaladātāraṃ dātāraṃ sarvasampadām
Sanskrit only: no published translation is held for this verse.
आशुतोषं प्रसन्नास्यं भक्तानुग्रहकारकम् ।। विश्वनाथं विश्वरूपं विश्वबीजं च विश्वजम्
āśutoṣaṃ prasannāsyaṃ bhaktānugrahakārakam || viśvanāthaṃ viśvarūpaṃ viśvabījaṃ ca viśvajam
Sanskrit only: no published translation is held for this verse.
विश्वम्भरं विश्ववरं विश्वसंहारकारणम् ।। कारणं कारणानां च नरकार्णवतारणम्
viśvambharaṃ viśvavaraṃ viśvasaṃhārakāraṇam || kāraṇaṃ kāraṇānāṃ ca narakārṇavatāraṇam
Sanskrit only: no published translation is held for this verse.
ज्ञानप्रदं ज्ञानबीजं ज्ञानानन्दं सनातनम् ।। अवरुह्य विमानाच्च स दृष्ट्वा दानवेश्वरः
jñānapradaṃ jñānabījaṃ jñānānandaṃ sanātanam || avaruhya vimānācca sa dṛṣṭvā dānaveśvaraḥ
Sanskrit only: no published translation is held for this verse.
सर्वैः सार्द्धं भक्तियुक्तः शिरसा प्रणनाम सः ।। वामतो भद्रकालीं च स्कन्दं तत्पुरतः स्थितम्
sarvaiḥ sārddhaṃ bhaktiyuktaḥ śirasā praṇanāma saḥ || vāmato bhadrakālīṃ ca skandaṃ tatpurataḥ sthitam
Sanskrit only: no published translation is held for this verse.
आशिषं च ददौ तस्मै काली स्कन्दश्च शङ्करः ।। उत्तस्थुर्दानवं दृष्ट्वा सर्वे नन्दीश्वरादयः
āśiṣaṃ ca dadau tasmai kālī skandaśca śaṅkaraḥ || uttasthurdānavaṃ dṛṣṭvā sarve nandīśvarādayaḥ
Sanskrit only: no published translation is held for this verse.
परस्परं च सम्भाषां ते चकुस्तत्र साम्प्रतम्।। राजा कृत्वा च सम्भाषामुवास शिवसन्निधौ
parasparaṃ ca sambhāṣāṃ te cakustatra sāmpratam|| rājā kṛtvā ca sambhāṣāmuvāsa śivasannidhau
Sanskrit only: no published translation is held for this verse.
प्रसन्नात्मा महादेवो भगवांस्तमुवाच ह
prasannātmā mahādevo bhagavāṃstamuvāca ha
Sanskrit only: no published translation is held for this verse.
श्रीमहादेव उवाच ।। विधाता जगतां ब्रह्मा पिता धर्मस्य धर्मवित् ।। मरीचिस्तस्य पुत्रश्च वैष्णवश्चापि धार्मिकः
śrīmahādeva uvāca || vidhātā jagatāṃ brahmā pitā dharmasya dharmavit || marīcistasya putraśca vaiṣṇavaścāpi dhārmikaḥ
Sanskrit only: no published translation is held for this verse.
कश्यपश्चापि तत्पुत्रो धर्मिष्ठश्च प्रजापतिः ।। दक्षः प्रीत्या ददौ तस्मै भक्त्या कन्यास्त्रयोदश
kaśyapaścāpi tatputro dharmiṣṭhaśca prajāpatiḥ || dakṣaḥ prītyā dadau tasmai bhaktyā kanyāstrayodaśa
Sanskrit only: no published translation is held for this verse.
तास्वेका च दनुः साध्वी तत्सौभाग्येन वर्द्धिता ।। चत्वारिंशद्दनोः पुत्रा दानवास्तेजसोज्ज्वलाः
tāsvekā ca danuḥ sādhvī tatsaubhāgyena varddhitā || catvāriṃśaddanoḥ putrā dānavāstejasojjvalāḥ
Sanskrit only: no published translation is held for this verse.
तेष्वेको विप्रचित्तिश्च महाबलपराक्रमः ।। तत्पुत्रो धार्मिको दम्भो विष्णुभक्तो जितेन्द्रियः
teṣveko vipracittiśca mahābalaparākramaḥ || tatputro dhārmiko dambho viṣṇubhakto jitendriyaḥ
Sanskrit only: no published translation is held for this verse.
जजाप परमं मन्त्रं पुष्करे लक्षवत्सरम् ।। शुकाचार्य्यं गुरुं कृत्वा कृष्णस्य परमात्मनः
jajāpa paramaṃ mantraṃ puṣkare lakṣavatsaram || śukācāryyaṃ guruṃ kṛtvā kṛṣṇasya paramātmanaḥ
Sanskrit only: no published translation is held for this verse.
तदा त्वां तनयं प्राप परं कृष्णपरायणम् ।। पुरा त्वं पार्षदो गोपो गोपेष्वष्टसु धार्मिकः
tadā tvāṃ tanayaṃ prāpa paraṃ kṛṣṇaparāyaṇam || purā tvaṃ pārṣado gopo gopeṣvaṣṭasu dhārmikaḥ
Sanskrit only: no published translation is held for this verse.
अधुना राधिकाशापाद्भारते दानवेश्वरः ।। आब्रह्मस्तम्बपर्यन्तं भ्रमं मेने च वैष्णवः
adhunā rādhikāśāpādbhārate dānaveśvaraḥ || ābrahmastambaparyantaṃ bhramaṃ mene ca vaiṣṇavaḥ
Sanskrit only: no published translation is held for this verse.
सालोक्यसार्ष्टिसारूप्यसामीप्यैक्यं हरेरपि ।। दीयमानं न गृह्णन्ति वैष्णवाः सेवनं विना
sālokyasārṣṭisārūpyasāmīpyaikyaṃ harerapi || dīyamānaṃ na gṛhṇanti vaiṣṇavāḥ sevanaṃ vinā
Sanskrit only: no published translation is held for this verse.
ब्रह्मत्वममरत्वं वा तुच्छं मेने च वैष्णवः ।। इन्द्रत्वं वा कुबेरत्वं न मेने गणनासु च
brahmatvamamaratvaṃ vā tucchaṃ mene ca vaiṣṇavaḥ || indratvaṃ vā kuberatvaṃ na mene gaṇanāsu ca
Sanskrit only: no published translation is held for this verse.
कृष्णभक्तस्य ते किं वा देवानां विषये भ्रमे ।। देहि राज्यं च देवानां मत्प्रीतिं कुरु भूमिप
kṛṣṇabhaktasya te kiṃ vā devānāṃ viṣaye bhrame || dehi rājyaṃ ca devānāṃ matprītiṃ kuru bhūmipa
Sanskrit only: no published translation is held for this verse.
सुखं स्वराज्ये त्वं तिष्ठ देवास्सन्तु स्वके पदे ।। अलं भ्रातृविरोधेन सर्वे कश्यपवंशजाः
sukhaṃ svarājye tvaṃ tiṣṭha devāssantu svake pade || alaṃ bhrātṛvirodhena sarve kaśyapavaṃśajāḥ
Sanskrit only: no published translation is held for this verse.
यानि कानि च पापानि ब्रह्महत्यादिकानि च ।। ज्ञातिद्रोहस्य पापस्य कलां नार्हन्ति षोडशीम्
yāni kāni ca pāpāni brahmahatyādikāni ca || jñātidrohasya pāpasya kalāṃ nārhanti ṣoḍaśīm
Sanskrit only: no published translation is held for this verse.
स्वसम्पदां च हानिं च यदि राजेन्द्र मन्यसे ।। सर्वावस्थासु समता केषां याति च सर्वदा
svasampadāṃ ca hāniṃ ca yadi rājendra manyase || sarvāvasthāsu samatā keṣāṃ yāti ca sarvadā
Sanskrit only: no published translation is held for this verse.
ब्रह्मणश्च तिरोभावो लये प्राकृतिके सति ।। आविर्भावः पुनस्तस्य प्रभवेदीश्वरेच्छया।।
brahmaṇaśca tirobhāvo laye prākṛtike sati || āvirbhāvaḥ punastasya prabhavedīśvarecchayā||
Sanskrit only: no published translation is held for this verse.
ज्ञानं बुद्धिश्च तपसा स्मृतिर्लोकस्य निश्चितम् ।। करोति सृष्टिं ज्ञानेन स्रष्टा सोऽपि क्रमेण च
jñānaṃ buddhiśca tapasā smṛtirlokasya niścitam || karoti sṛṣṭiṃ jñānena sraṣṭā so'pi krameṇa ca
Sanskrit only: no published translation is held for this verse.
परिपूर्णतमो धर्मः सत्ये सत्याश्रयः सदा ।। सोऽपि त्रिभागस्त्रेतायां द्विभागो द्वापरे स्मृतः
paripūrṇatamo dharmaḥ satye satyāśrayaḥ sadā || so'pi tribhāgastretāyāṃ dvibhāgo dvāpare smṛtaḥ
Sanskrit only: no published translation is held for this verse.
एकभागः कलेः पूर्वे तद्ध्रासश्च क्रमेण च ।। कलामात्रं कलेः शेषे कुह्वां चन्द्रकला यथा
ekabhāgaḥ kaleḥ pūrve taddhrāsaśca krameṇa ca || kalāmātraṃ kaleḥ śeṣe kuhvāṃ candrakalā yathā
Sanskrit only: no published translation is held for this verse.
यादृक्तेजो रवेर्ग्रीष्मे न तादृक्शिशिरे पुनः ।। दिने च यादृङ् मध्याह्ने सायंप्रातर्न तत्समम्
yādṛktejo ravergrīṣme na tādṛkśiśire punaḥ || dine ca yādṛṅ madhyāhne sāyaṃprātarna tatsamam
Sanskrit only: no published translation is held for this verse.
उदयं याति कालेन बाल्यतां च क्रमेण च ।। प्रकाण्डतां च तत्पश्चात्कालेऽस्तं पुनरेव सः
udayaṃ yāti kālena bālyatāṃ ca krameṇa ca || prakāṇḍatāṃ ca tatpaścātkāle'staṃ punareva saḥ
Sanskrit only: no published translation is held for this verse.
दिने प्रच्छन्नतां याति काले वै दुर्दिने घने ।। राहुग्रस्ते कम्पितश्च पुनरेव प्रसन्नताम्
dine pracchannatāṃ yāti kāle vai durdine ghane || rāhugraste kampitaśca punareva prasannatām
Sanskrit only: no published translation is held for this verse.
परिपूर्णतमश्चन्द्रः पूर्णिमायां च यादृशः।। । तादृशो न भवेन्नित्यं क्षयं याति दिनेदिने
paripūrṇatamaścandraḥ pūrṇimāyāṃ ca yādṛśaḥ|| | tādṛśo na bhavennityaṃ kṣayaṃ yāti dinedine
Sanskrit only: no published translation is held for this verse.
पुनः स पुष्टतां याति परकुह्वा दिनेदिने ।। सम्पद्युक्तः शुक्लपक्षे कृष्णे म्लानश्च यक्ष्मणा
punaḥ sa puṣṭatāṃ yāti parakuhvā dinedine || sampadyuktaḥ śuklapakṣe kṛṣṇe mlānaśca yakṣmaṇā
Sanskrit only: no published translation is held for this verse.
राहुग्रस्ते दिने म्लानो दुर्दिने निबिडे घने ।। काले चन्द्रो भवेच्छुद्धो भ्रष्टश्रीः कालभेदके
rāhugraste dine mlāno durdine nibiḍe ghane || kāle candro bhavecchuddho bhraṣṭaśrīḥ kālabhedake
Sanskrit only: no published translation is held for this verse.
भविष्यति बलिश्चेन्द्रो भ्रष्टश्रीः सुतलेऽधुना ।। कालेन पृथ्वी सस्याढ्या सर्वाधारा वसुन्धरा
bhaviṣyati baliścendro bhraṣṭaśrīḥ sutale'dhunā || kālena pṛthvī sasyāḍhyā sarvādhārā vasundharā
Sanskrit only: no published translation is held for this verse.
चराचराश्च कालेन नश्यन्ति प्रभवन्ति च ।। ईश्वरस्यैव समता कृष्णस्य परमात्मनः
carācarāśca kālena naśyanti prabhavanti ca || īśvarasyaiva samatā kṛṣṇasya paramātmanaḥ
Sanskrit only: no published translation is held for this verse.
अहं मृत्युञ्जयो यस्मादसंख्यं प्राकृतं लयम् ।। अदृश्यं चापि पश्यामि वारं वारं पुनः पुनः ।।
ahaṃ mṛtyuñjayo yasmādasaṃkhyaṃ prākṛtaṃ layam || adṛśyaṃ cāpi paśyāmi vāraṃ vāraṃ punaḥ punaḥ ||
Sanskrit only: no published translation is held for this verse.
स च प्रकृतिरूपश्च स एव पुरुषः स्मृतः ।। स चात्मा सर्वजीवश्च नानारूपधरः परः
sa ca prakṛtirūpaśca sa eva puruṣaḥ smṛtaḥ || sa cātmā sarvajīvaśca nānārūpadharaḥ paraḥ
Sanskrit only: no published translation is held for this verse.
करोति सततं यो हि तन्नामगुणकीर्त्तनम् ।। कालं मृत्युं स जयति जन्म रोगं जरां भयम्
karoti satataṃ yo hi tannāmaguṇakīrttanam || kālaṃ mṛtyuṃ sa jayati janma rogaṃ jarāṃ bhayam
Sanskrit only: no published translation is held for this verse.
स्रष्टा कृतो विधिस्तेन पाता विष्णुः कृतो भवे ।। अहं कृतश्च संहर्त्ता वयं विषयिणो यतः
sraṣṭā kṛto vidhistena pātā viṣṇuḥ kṛto bhave || ahaṃ kṛtaśca saṃharttā vayaṃ viṣayiṇo yataḥ
Sanskrit only: no published translation is held for this verse.
कालाग्निरुद्रं संहारे नियुज्य विषये नृप ।। अहं करोमि सततं तन्नामगुणकीर्त्तनम् ।।
kālāgnirudraṃ saṃhāre niyujya viṣaye nṛpa || ahaṃ karomi satataṃ tannāmaguṇakīrttanam ||
Sanskrit only: no published translation is held for this verse.
तेन मृत्युञ्जयोऽहं च ज्ञानेनानेन निर्भयः ।। मृत्युर्मत्तो भयाद्याति वैनतेयादिवोरगः
tena mṛtyuñjayo'haṃ ca jñānenānena nirbhayaḥ || mṛtyurmatto bhayādyāti vainateyādivoragaḥ
Sanskrit only: no published translation is held for this verse.
राजा तद्वचनं श्रुत्वा प्रशशंस पुनः पुनः ।। उवाच सुंदरं देवं परं विनयपूर्वकम्
rājā tadvacanaṃ śrutvā praśaśaṃsa punaḥ punaḥ || uvāca suṃdaraṃ devaṃ paraṃ vinayapūrvakam
Sanskrit only: no published translation is held for this verse.
शंखचूड उवाच ।। त्वया यत्कथितं नाथ सर्वं सत्यं च नानृतम् ।। तथाऽपि किञ्चिद्यत्सत्यं श्रूयतां मन्निवेदनम्
śaṃkhacūḍa uvāca || tvayā yatkathitaṃ nātha sarvaṃ satyaṃ ca nānṛtam || tathā'pi kiñcidyatsatyaṃ śrūyatāṃ mannivedanam
Sanskrit only: no published translation is held for this verse.
ज्ञातिद्रोहे महत्पापं त्वयोक्तमधुना त्रयम् ।। गृहीत्वा तस्य सर्वस्वं कुतः प्रस्थापितो बलिः
jñātidrohe mahatpāpaṃ tvayoktamadhunā trayam || gṛhītvā tasya sarvasvaṃ kutaḥ prasthāpito baliḥ
Sanskrit only: no published translation is held for this verse.
इत्युक्त्वा स च सर्वेशः सर्वज्ञः सर्वभावनः ।। विररामाथ शर्वश्च सभामध्ये च नारद
ityuktvā sa ca sarveśaḥ sarvajñaḥ sarvabhāvanaḥ || virarāmātha śarvaśca sabhāmadhye ca nārada
Sanskrit only: no published translation is held for this verse.
सभ्रातृको हिरण्याक्षः कथं देवैश्च हिंसितः ।। शुम्भादयश्चासुरा वै कथं देवैर्निपातिताः
sabhrātṛko hiraṇyākṣaḥ kathaṃ devaiśca hiṃsitaḥ || śumbhādayaścāsurā vai kathaṃ devairnipātitāḥ
Sanskrit only: no published translation is held for this verse.
पुरा समुद्रमथने पीयूषं भक्षितं सुरैः ।। क्लेशभाजो वयं तत्र तैः सर्वफलभाजनैः।।
purā samudramathane pīyūṣaṃ bhakṣitaṃ suraiḥ || kleśabhājo vayaṃ tatra taiḥ sarvaphalabhājanaiḥ||
Sanskrit only: no published translation is held for this verse.
क्रीडाभाण्डमिदं विश्वं कृष्णस्य परमात्मनः ।। यदा ददाति यस्मै स तस्यैश्वर्यं भवेत्तदा
krīḍābhāṇḍamidaṃ viśvaṃ kṛṣṇasya paramātmanaḥ || yadā dadāti yasmai sa tasyaiśvaryaṃ bhavettadā
Sanskrit only: no published translation is held for this verse.
देवदानवयोर्वादः शश्वन्नैमित्तिकः सदा ।। पराजयो जयस्तेषां कालेऽस्माकं क्रमेण च
devadānavayorvādaḥ śaśvannaimittikaḥ sadā || parājayo jayasteṣāṃ kāle'smākaṃ krameṇa ca
Sanskrit only: no published translation is held for this verse.
तत्रावयोर्विरोधे च गमनं निष्फलं तव ।। सम सम्बन्धिनोर्बन्ध्वोरीश्वरस्य महात्मनः
tatrāvayorvirodhe ca gamanaṃ niṣphalaṃ tava || sama sambandhinorbandhvorīśvarasya mahātmanaḥ
Sanskrit only: no published translation is held for this verse.
जायते महती लज्जा स्पर्द्धाऽस्माभिः सहाधुना ।। ततोऽधिका च समरे कीर्त्ति हानिः पराजये
jāyate mahatī lajjā sparddhā'smābhiḥ sahādhunā || tato'dhikā ca samare kīrtti hāniḥ parājaye
Sanskrit only: no published translation is held for this verse.
शंखचूडवचः श्रुत्वा प्रहस्याह त्रिलोचनः ।। यथोचितं सुमधुरमत्युग्रं दानवेश्वरम्
śaṃkhacūḍavacaḥ śrutvā prahasyāha trilocanaḥ || yathocitaṃ sumadhuramatyugraṃ dānaveśvaram
Sanskrit only: no published translation is held for this verse.
श्रीमहादेव उवाच ।। युष्माभिः सह युद्धं मे ब्रह्मवंशसमुद्भवैः ।। का लज्जा महती राजन्नकीर्तिर्वा पराजये
śrīmahādeva uvāca || yuṣmābhiḥ saha yuddhaṃ me brahmavaṃśasamudbhavaiḥ || kā lajjā mahatī rājannakīrtirvā parājaye
Sanskrit only: no published translation is held for this verse.
युद्धमादौ हरेरेव मधुना कैटभेन च ।। हिरण्यकशिपोश्चैव सह तेनात्मना नृप
yuddhamādau harereva madhunā kaiṭabhena ca || hiraṇyakaśipoścaiva saha tenātmanā nṛpa
Sanskrit only: no published translation is held for this verse.
हिरण्याक्षस्य युद्धं च पुनस्तेन गदाभृता ।। त्रिपुरैः सह युद्धं च मया चापि पुरा कृतम्
hiraṇyākṣasya yuddhaṃ ca punastena gadābhṛtā || tripuraiḥ saha yuddhaṃ ca mayā cāpi purā kṛtam
Sanskrit only: no published translation is held for this verse.
सर्वेश्वर्य्याः सर्वमातुः प्रकृत्याश्च बभूव ह ।। सह शुम्भादिभिः पूर्वं समरं परमाद्भुतम्
sarveśvaryyāḥ sarvamātuḥ prakṛtyāśca babhūva ha || saha śumbhādibhiḥ pūrvaṃ samaraṃ paramādbhutam
Sanskrit only: no published translation is held for this verse.
पार्षदप्रवरस्त्वं च कृष्णस्य परमात्मनः ।। ये ये हताश्च ते दैत्या नहि केऽपि त्वया समाः
pārṣadapravarastvaṃ ca kṛṣṇasya paramātmanaḥ || ye ye hatāśca te daityā nahi ke'pi tvayā samāḥ
Sanskrit only: no published translation is held for this verse.
का लज्जा महती राजन्मम युद्धे त्वया सह ।। सुराणां शरणस्यैव प्रेषितस्य हरेरहो
kā lajjā mahatī rājanmama yuddhe tvayā saha || surāṇāṃ śaraṇasyaiva preṣitasya hareraho
Sanskrit only: no published translation is held for this verse.
देहि राज्यं च देवानां वाग्व्यये किं प्रयोजनम् ।। युद्धं मा कुरु मत्सार्द्धमिति मे निश्चितं वचः
dehi rājyaṃ ca devānāṃ vāgvyaye kiṃ prayojanam || yuddhaṃ mā kuru matsārddhamiti me niścitaṃ vacaḥ
Sanskrit only: no published translation is held for this verse.
इत्युक्त्वा शंकरस्तत्र विरराम च नारद ।। उत्तस्थौ शंखचूडश्च स्वामान्यैः सह सत्वरः
ityuktvā śaṃkarastatra virarāma ca nārada || uttasthau śaṃkhacūḍaśca svāmānyaiḥ saha satvaraḥ
Sanskrit only: no published translation is held for this verse.
काले जले निमग्ना सा तिरोभूता विपद्गता ।। काले नश्यन्ति विश्वानि प्रभवन्त्येव कालतः
kāle jale nimagnā sā tirobhūtā vipadgatā || kāle naśyanti viśvāni prabhavantyeva kālataḥ
Sanskrit only: no published translation is held for this verse.