Library·Brahmavaivarta Purāṇa·2·2.19
नारायण उवाच ।। शिवं प्रणम्य शिरसा दानवेन्द्रः प्रतापवान् ।। समारुरोह यानं च स्वामात्यैः सह सत्वरः
nārāyaṇa uvāca || śivaṃ praṇamya śirasā dānavendraḥ pratāpavān || samāruroha yānaṃ ca svāmātyaiḥ saha satvaraḥ
Sanskrit only: no published translation is held for this verse.
बभूवुस्ते च संक्षुब्धाः स्कन्दशक्त्याऽर्दितास्तदा ।। नेदुर्दुन्दुभयः स्वर्गे पुष्पवृष्टिर्बभूव ह
babhūvuste ca saṃkṣubdhāḥ skandaśaktyā'rditāstadā || nedurdundubhayaḥ svarge puṣpavṛṣṭirbabhūva ha
Sanskrit only: no published translation is held for this verse.
स्कन्दस्योपरि तत्रैव समरे च भयङ्करे ।। स्कन्दस्य समरं दृष्ट्वा महदद्भुतमुल्बणम्
skandasyopari tatraiva samare ca bhayaṅkare || skandasya samaraṃ dṛṣṭvā mahadadbhutamulbaṇam
Sanskrit only: no published translation is held for this verse.
दानवानां क्षयकरं यथा प्राकृतिकं लयम् ।। राजा विमानमारुह्य शरवर्षं चकार ह
dānavānāṃ kṣayakaraṃ yathā prākṛtikaṃ layam || rājā vimānamāruhya śaravarṣaṃ cakāra ha
Sanskrit only: no published translation is held for this verse.
नृपस्य शरवृष्टिश्च घनवृष्टिर्यथा तथा ।। महान्घोरान्धकारश्च वह्न्युत्थानं बभूव ह
nṛpasya śaravṛṣṭiśca ghanavṛṣṭiryathā tathā || mahānghorāndhakāraśca vahnyutthānaṃ babhūva ha
Sanskrit only: no published translation is held for this verse.
देवाः प्रदुद्रुवुश्चान्ये सर्वे नन्दीश्वरादयः ।। एकाकी कार्त्तिकेयस्तु तस्थौ समरमूर्द्धनि
devāḥ pradudruvuścānye sarve nandīśvarādayaḥ || ekākī kārttikeyastu tasthau samaramūrddhani
Sanskrit only: no published translation is held for this verse.
पर्वतानां च सर्पाणां शिलानां शाखिनां तथा ।। शश्वच्चकार वृष्टिं च दुर्वाह्यां च भयङ्करीम्
parvatānāṃ ca sarpāṇāṃ śilānāṃ śākhināṃ tathā || śaśvaccakāra vṛṣṭiṃ ca durvāhyāṃ ca bhayaṅkarīm
Sanskrit only: no published translation is held for this verse.
नृपस्य शरवृष्ट्या च प्रच्छन्नः शिवनन्दनः । नीरदेन च सान्द्रेण संच्छन्नो भास्करो यथा
nṛpasya śaravṛṣṭyā ca pracchannaḥ śivanandanaḥ | nīradena ca sāndreṇa saṃcchanno bhāskaro yathā
Sanskrit only: no published translation is held for this verse.
धनुस्स्कन्दस्य चिच्छेद दुर्वहं च भयङ्करम् ।। बभञ्ज च रथं दिव्यं चिच्छेद रथघोटकान्
dhanusskandasya ciccheda durvahaṃ ca bhayaṅkaram || babhañja ca rathaṃ divyaṃ ciccheda rathaghoṭakān
Sanskrit only: no published translation is held for this verse.
मयूरं जर्ज्जरीभूतं दिव्यास्त्रेण चकार सः ।। शक्तिं चिक्षेप सूर्य्याभां तस्य वक्षोविभेदिनीम्
mayūraṃ jarjjarībhūtaṃ divyāstreṇa cakāra saḥ || śaktiṃ cikṣepa sūryyābhāṃ tasya vakṣovibhedinīm
Sanskrit only: no published translation is held for this verse.
क्षणं मूर्छां च संप्राप्य चेतनामुपलभ्य सः ।। गृहीत्वाऽन्यद्धनुर्दिव्यं यद्दत्तं विष्णुना पुरा
kṣaṇaṃ mūrchāṃ ca saṃprāpya cetanāmupalabhya saḥ || gṛhītvā'nyaddhanurdivyaṃ yaddattaṃ viṣṇunā purā
Sanskrit only: no published translation is held for this verse.
रत्नेन्द्रसारखचितं यानमारुह्य चाग्निभूः ।। शस्त्रमस्त्रं गृहीत्वा च चकार रणमुल्बणम्
ratnendrasārakhacitaṃ yānamāruhya cāgnibhūḥ || śastramastraṃ gṛhītvā ca cakāra raṇamulbaṇam
Sanskrit only: no published translation is held for this verse.
सर्पांश्च पर्वतांश्चैव वृक्षांश्च प्रस्तरांस्तथा ।। सर्वांश्चिच्छेद कोपेन दिव्यास्त्रेण शिवात्मजः
sarpāṃśca parvatāṃścaiva vṛkṣāṃśca prastarāṃstathā || sarvāṃściccheda kopena divyāstreṇa śivātmajaḥ
Sanskrit only: no published translation is held for this verse.
आग्नेयं वारुणास्त्रेण वारयामास वै गुहः ।। रथं धनुश्च चिच्छेद शंखचूडस्य लीलया
āgneyaṃ vāruṇāstreṇa vārayāmāsa vai guhaḥ || rathaṃ dhanuśca ciccheda śaṃkhacūḍasya līlayā
Sanskrit only: no published translation is held for this verse.
सवाहं सारथिं चैव किरीटं मुकुटोज्ज्वलम् ।। चिक्षेप शक्तिमुल्काभां दानवेन्द्रस्य वक्षसि
savāhaṃ sārathiṃ caiva kirīṭaṃ mukuṭojjvalam || cikṣepa śaktimulkābhāṃ dānavendrasya vakṣasi
Sanskrit only: no published translation is held for this verse.
मूर्च्छां संप्राप्य राजोपलभ्य वै चेतनां पुनः ।। आरुह्य वै यानमन्यं धनुर्जग्राह सत्वरः
mūrcchāṃ saṃprāpya rājopalabhya vai cetanāṃ punaḥ || āruhya vai yānamanyaṃ dhanurjagrāha satvaraḥ
Sanskrit only: no published translation is held for this verse.
चकार शरजालं च मायया मायिनां वरः ।। गुहं चाच्छाद्य समरे शरजालेन नारद
cakāra śarajālaṃ ca māyayā māyināṃ varaḥ || guhaṃ cācchādya samare śarajālena nārada
Sanskrit only: no published translation is held for this verse.
जग्राह शक्तिमव्यर्थां शतसूर्य्यसमप्रभाम् ।। प्रलयाग्निशिखारूपां विष्णोर्वै तेजसा वृताम्
jagrāha śaktimavyarthāṃ śatasūryyasamaprabhām || pralayāgniśikhārūpāṃ viṣṇorvai tejasā vṛtām
Sanskrit only: no published translation is held for this verse.
चिक्षेप तां च कोपेन महावेगेन कार्त्तिके ।। पपात शक्तिस्तद्गात्रे वह्निराशिरिवोज्ज्वला
cikṣepa tāṃ ca kopena mahāvegena kārttike || papāta śaktistadgātre vahnirāśirivojjvalā
Sanskrit only: no published translation is held for this verse.
मूर्च्छां संप्राप शक्त्या च कार्त्तिकेयो महाबलः ।। काली गृहीत्वा तं क्रोडे निनाय शिवसन्निधौ
mūrcchāṃ saṃprāpa śaktyā ca kārttikeyo mahābalaḥ || kālī gṛhītvā taṃ kroḍe nināya śivasannidhau
Sanskrit only: no published translation is held for this verse.
शिवस्तं दर्शनादेव जीवयामास लीलया ।। ददौ बलमनन्तं च स चोत्तस्थौ प्रतापवान्
śivastaṃ darśanādeva jīvayāmāsa līlayā || dadau balamanantaṃ ca sa cottasthau pratāpavān
Sanskrit only: no published translation is held for this verse.
शिवः स्वसैन्यं देवांश्च प्रेरयामास सत्वरः।। दानवेन्द्रैः ससैन्यैश्च युद्धारम्भो बभूव ह
śivaḥ svasainyaṃ devāṃśca prerayāmāsa satvaraḥ|| dānavendraiḥ sasainyaiśca yuddhārambho babhūva ha
Sanskrit only: no published translation is held for this verse.
स्वयं महेन्द्रो युयुधे सार्द्धं च वृषपर्वणा ।। भास्करो युयुधे विप्रचित्तिना सह सत्वरः
svayaṃ mahendro yuyudhe sārddhaṃ ca vṛṣaparvaṇā || bhāskaro yuyudhe vipracittinā saha satvaraḥ
Sanskrit only: no published translation is held for this verse.
दम्भेन सह चन्द्रश्च चकार समरं परम् ।। कालेश्वरेण कालश्च गोकर्णेन हुताशनः
dambhena saha candraśca cakāra samaraṃ param || kāleśvareṇa kālaśca gokarṇena hutāśanaḥ
Sanskrit only: no published translation is held for this verse.
कलविङ्केन वरुणश्चञ्चलेन समीरणः ।। बुधश्च धृतपुष्टेन रक्ताक्षेण शनैश्चरः
kalaviṅkena varuṇaścañcalena samīraṇaḥ || budhaśca dhṛtapuṣṭena raktākṣeṇa śanaiścaraḥ
Sanskrit only: no published translation is held for this verse.
जयन्तो रत्नसारेण वसवो वर्चसां गणैः ।। अश्विनौ वै दीप्तिमता धूम्रेण नलकूबरः
jayanto ratnasāreṇa vasavo varcasāṃ gaṇaiḥ || aśvinau vai dīptimatā dhūmreṇa nalakūbaraḥ
Sanskrit only: no published translation is held for this verse.
धनुर्द्धरेण धर्मश्च मण्डूकाक्षेण मङ्गलः ।। शोभाकरेणैवेशानः पिठरेण च मन्मथः
dhanurddhareṇa dharmaśca maṇḍūkākṣeṇa maṅgalaḥ || śobhākareṇaiveśānaḥ piṭhareṇa ca manmathaḥ
Sanskrit only: no published translation is held for this verse.
कुबेरः कालकेयेन विश्वकर्मा मयेन च ।। भयङ्करेण मृत्युश्च संहारेण यमस्तथा
kuberaḥ kālakeyena viśvakarmā mayena ca || bhayaṅkareṇa mṛtyuśca saṃhāreṇa yamastathā
Sanskrit only: no published translation is held for this verse.
विश्वेन च पलाशेन चादित्या युयुधुः परम् ।। एकादश महारुद्राश्चैकादश भयङ्करैः
viśvena ca palāśena cādityā yuyudhuḥ param || ekādaśa mahārudrāścaikādaśa bhayaṅkaraiḥ
Sanskrit only: no published translation is held for this verse.
महामारी च युयुधे चोग्रदण्डादिभिः सह ।। नन्दीश्वरादयः सर्वे दानवानां गणैः सह
mahāmārī ca yuyudhe cogradaṇḍādibhiḥ saha || nandīśvarādayaḥ sarve dānavānāṃ gaṇaiḥ saha
Sanskrit only: no published translation is held for this verse.
युयुधुश्च महद्युद्धे प्रलये च भयङ्करे ।। वटमूले च शम्भुश्च तस्थौ काल्या सुतेन च
yuyudhuśca mahadyuddhe pralaye ca bhayaṅkare || vaṭamūle ca śambhuśca tasthau kālyā sutena ca
Sanskrit only: no published translation is held for this verse.
सर्वे च युयुधुः सैन्यसमूहाः सततं मुने ।। रत्नसिंहासने रम्ये कोटिभिर्दानवैः सह
sarve ca yuyudhuḥ sainyasamūhāḥ satataṃ mune || ratnasiṃhāsane ramye koṭibhirdānavaiḥ saha
Sanskrit only: no published translation is held for this verse.
उवास शंखचूडश्च रत्नभूषणभूषितः ।। शङ्करस्य च योधाश्च युद्धे सर्वे पराजिताः
uvāsa śaṃkhacūḍaśca ratnabhūṣaṇabhūṣitaḥ || śaṅkarasya ca yodhāśca yuddhe sarve parājitāḥ
Sanskrit only: no published translation is held for this verse.
बलं च स्वगणानां वै वर्द्धयामास तेजसा।। स्वयमेकश्च युयुधे दानवानां गणैः सह
balaṃ ca svagaṇānāṃ vai varddhayāmāsa tejasā|| svayamekaśca yuyudhe dānavānāṃ gaṇaiḥ saha
Sanskrit only: no published translation is held for this verse.
अक्षौहिणीनां शतकं समरे स जघान ह ।। खर्परं पातयामास काली कमललोचना
akṣauhiṇīnāṃ śatakaṃ samare sa jaghāna ha || kharparaṃ pātayāmāsa kālī kamalalocanā
Sanskrit only: no published translation is held for this verse.
पपौ रक्तं दानवानां क्रुद्धा सा शतखर्परम् ।। दशलक्षं गजेन्द्राणां शतलक्षं च वाजिनाम्
papau raktaṃ dānavānāṃ kruddhā sā śatakharparam || daśalakṣaṃ gajendrāṇāṃ śatalakṣaṃ ca vājinām
Sanskrit only: no published translation is held for this verse.
देवाश्च दुद्रुवुः सर्वे भीताश्च क्षतविक्षताः ।। चकार कोपं स्कन्दश्च देवेभ्यश्चाभयं ददौ
devāśca dudruvuḥ sarve bhītāśca kṣatavikṣatāḥ || cakāra kopaṃ skandaśca devebhyaścābhayaṃ dadau
Sanskrit only: no published translation is held for this verse.
स्कन्दस्य शरजालेन दानवाः क्षतविक्षताः ।। भीताश्च दुद्रुवुः सर्वे महाबलपराक्रमाः
skandasya śarajālena dānavāḥ kṣatavikṣatāḥ || bhītāśca dudruvuḥ sarve mahābalaparākramāḥ
Sanskrit only: no published translation is held for this verse.
वृषपर्वा विप्रचित्तिर्दम्भश्चापि विकङ्कनः ।। स्कन्देन सार्द्धं युयुधुस्ते च सर्वे क्रमेण च
vṛṣaparvā vipracittirdambhaścāpi vikaṅkanaḥ || skandena sārddhaṃ yuyudhuste ca sarve krameṇa ca
Sanskrit only: no published translation is held for this verse.
काली जगाम समरमरक्षत्कार्त्तिकं शिवः ।। वीरास्तामनुजग्मुश्च ते च नन्दीश्वरादयः
kālī jagāma samaramarakṣatkārttikaṃ śivaḥ || vīrāstāmanujagmuśca te ca nandīśvarādayaḥ
Sanskrit only: no published translation is held for this verse.
सर्वे देवाश्च गन्धर्वा यक्षराक्षसकिन्नराः ।। राज्यभाण्डाश्च बहुशः शतकोटिर्बलाहकाः
sarve devāśca gandharvā yakṣarākṣasakinnarāḥ || rājyabhāṇḍāśca bahuśaḥ śatakoṭirbalāhakāḥ
Sanskrit only: no published translation is held for this verse.
सा च गत्वा च संग्रामं सिंहनादं चकार ह ।। देव्या वै सिंहनादेन प्रापुर्मूर्च्छां च दानवाः
sā ca gatvā ca saṃgrāmaṃ siṃhanādaṃ cakāra ha || devyā vai siṃhanādena prāpurmūrcchāṃ ca dānavāḥ
Sanskrit only: no published translation is held for this verse.
अट्टाट्टहासमशिवं चकार च पुनः पुनः ।। हृष्टा पपौ च माध्वीकं ननर्त्त रणमूर्द्धनि
aṭṭāṭṭahāsamaśivaṃ cakāra ca punaḥ punaḥ || hṛṣṭā papau ca mādhvīkaṃ nanartta raṇamūrddhani
Sanskrit only: no published translation is held for this verse.
उग्रदंष्ट्रा चोग्रचण्डा कौट्टरी च पपौ मधु ।। योगिनीनां डाकिनीनां गणाः सुरगणादयः
ugradaṃṣṭrā cogracaṇḍā kauṭṭarī ca papau madhu || yoginīnāṃ ḍākinīnāṃ gaṇāḥ suragaṇādayaḥ
Sanskrit only: no published translation is held for this verse.
दृष्ट्वा कालीं शङ्खचूडः शीघ्रमाजिं समाययौ ।। दानवाश्च भयं प्रापू राजा तेभ्योऽभयं ददौ
dṛṣṭvā kālīṃ śaṅkhacūḍaḥ śīghramājiṃ samāyayau || dānavāśca bhayaṃ prāpū rājā tebhyo'bhayaṃ dadau
Sanskrit only: no published translation is held for this verse.
काली चिक्षेप चाग्नेयं प्रलयाग्निशिखोपमम् ।। राजा निर्वापयामास वारुणेन स लीलया
kālī cikṣepa cāgneyaṃ pralayāgniśikhopamam || rājā nirvāpayāmāsa vāruṇena sa līlayā
Sanskrit only: no published translation is held for this verse.
चिक्षेप वारुणं सा च तत्तीव्रं महदद्भुतम् ।। गान्धर्वेण च चिच्छेद दानवेन्द्रश्च लीलया
cikṣepa vāruṇaṃ sā ca tattīvraṃ mahadadbhutam || gāndharveṇa ca ciccheda dānavendraśca līlayā
Sanskrit only: no published translation is held for this verse.
माहेश्वरं प्रचिक्षेप काली वह्निशिखोपमम् ।। राजा जघान तच्छीघ्रं वैष्णवेन च लीलया
māheśvaraṃ pracikṣepa kālī vahniśikhopamam || rājā jaghāna tacchīghraṃ vaiṣṇavena ca līlayā
Sanskrit only: no published translation is held for this verse.
नारायणास्त्रं सा देवी चिक्षिपे मन्त्रपूर्वकम् ।। राजा ननाम तं दृष्ट्वा चावरुह्य रथादहो
nārāyaṇāstraṃ sā devī cikṣipe mantrapūrvakam || rājā nanāma taṃ dṛṣṭvā cāvaruhya rathādaho
Sanskrit only: no published translation is held for this verse.
ऊर्ध्वं जगाम तच्छस्त्रं प्रलयाग्निशिखोपमम् ।। पपात शङ्खचूडश्च भक्त्या वै दण्डवद्भुवि ।। ब्रह्मास्त्रं सा च चिक्षेप यत्नतो मन्त्रपूर्वकम्
ūrdhvaṃ jagāma tacchastraṃ pralayāgniśikhopamam || papāta śaṅkhacūḍaśca bhaktyā vai daṇḍavadbhuvi || brahmāstraṃ sā ca cikṣepa yatnato mantrapūrvakam
Sanskrit only: no published translation is held for this verse.
ब्रह्मास्त्रेण महाराज निर्वाणं च चकार ह ।। चिक्षेपातीव दिव्यास्त्रं सा देवी मन्त्रपूर्वकम्
brahmāstreṇa mahārāja nirvāṇaṃ ca cakāra ha || cikṣepātīva divyāstraṃ sā devī mantrapūrvakam
Sanskrit only: no published translation is held for this verse.
राजा दिव्यास्त्रजालेन निर्वाणं च चकार ह ।। देवी चिक्षेप शक्तिं च यत्नतो योजनायताम्
rājā divyāstrajālena nirvāṇaṃ ca cakāra ha || devī cikṣepa śaktiṃ ca yatnato yojanāyatām
Sanskrit only: no published translation is held for this verse.
राजा तीक्ष्णास्त्रजालेन शतखण्डं चकार ह ।। जग्राह मन्त्रपूर्वं च देवी पाशुपतं रुषा
rājā tīkṣṇāstrajālena śatakhaṇḍaṃ cakāra ha || jagrāha mantrapūrvaṃ ca devī pāśupataṃ ruṣā
Sanskrit only: no published translation is held for this verse.
निक्षेप्तुं सा निषिद्धा च वाग्बभूवाशरीरिणी ।। मृत्युः पाशुपते नास्ति नृपस्य च महात्मनः
nikṣeptuṃ sā niṣiddhā ca vāgbabhūvāśarīriṇī || mṛtyuḥ pāśupate nāsti nṛpasya ca mahātmanaḥ
Sanskrit only: no published translation is held for this verse.
यावदस्त्येव कण्ठेऽस्य कवचं हि हरेरिति ।। यावत्सतीत्वमस्तीह सत्याश्च नृपयोषितः
yāvadastyeva kaṇṭhe'sya kavacaṃ hi hareriti || yāvatsatītvamastīha satyāśca nṛpayoṣitaḥ
Sanskrit only: no published translation is held for this verse.
तावदस्य जरा मृत्युर्नास्तीति ब्रह्मणो वरः ।। इत्याकर्ण्य महाकाली न तच्चिक्षेप सा सती
tāvadasya jarā mṛtyurnāstīti brahmaṇo varaḥ || ityākarṇya mahākālī na taccikṣepa sā satī
Sanskrit only: no published translation is held for this verse.
शतलक्षं दानवानामग्रहील्लीलया क्रुधा।। अत्तुं जगाम वेगेन शंखचूडं भयंकरी।। दिव्यास्त्रेण सुतीक्ष्णेन वारयामास दानवः ।। खङ्गं चिक्षेप सा देवी ग्रीष्मसूर्योपमं परम्
śatalakṣaṃ dānavānāmagrahīllīlayā krudhā|| attuṃ jagāma vegena śaṃkhacūḍaṃ bhayaṃkarī|| divyāstreṇa sutīkṣṇena vārayāmāsa dānavaḥ || khaṅgaṃ cikṣepa sā devī grīṣmasūryopamaṃ param
Sanskrit only: no published translation is held for this verse.
दिव्यास्त्रैर्दानवेन्द्रोऽयं शतखण्डं चकार सः ।। पुनरत्तुं महादेवी वेगेन च जगाम तम्
divyāstrairdānavendro'yaṃ śatakhaṇḍaṃ cakāra saḥ || punarattuṃ mahādevī vegena ca jagāma tam
Sanskrit only: no published translation is held for this verse.
सर्वसिद्धेश्वरः श्रीमान्ववृधे दानवेश्वरः ।। निवारयामास च तां सर्वसिद्धेश्वरो वरः ।। वेगेन मुष्टिना काली कोपयुक्ता भयंकरी
sarvasiddheśvaraḥ śrīmānvavṛdhe dānaveśvaraḥ || nivārayāmāsa ca tāṃ sarvasiddheśvaro varaḥ || vegena muṣṭinā kālī kopayuktā bhayaṃkarī
Sanskrit only: no published translation is held for this verse.
बभञ्जाथ रथं तस्य चाहनत्सारथिं सती ।। सा च शूलं च चिक्षेप प्रलयाग्निशिखोपमम्
babhañjātha rathaṃ tasya cāhanatsārathiṃ satī || sā ca śūlaṃ ca cikṣepa pralayāgniśikhopamam
Sanskrit only: no published translation is held for this verse.
वामहस्तेन जग्राह शंखचूडश्च लीलया ।। मुष्ट्या जघान तं देवी महाकोपेन वेगतः
vāmahastena jagrāha śaṃkhacūḍaśca līlayā || muṣṭyā jaghāna taṃ devī mahākopena vegataḥ
Sanskrit only: no published translation is held for this verse.
न चक्रे बाहुयुद्धं स देव्या सह ननाम ताम् ।। देव्याश्चास्त्रं च चिच्छेद चाग्रहीत्स्वेन तेजसा
na cakre bāhuyuddhaṃ sa devyā saha nanāma tām || devyāścāstraṃ ca ciccheda cāgrahītsvena tejasā
Sanskrit only: no published translation is held for this verse.
नास्त्रं चिक्षेप तां भक्त्या मातृबुद्ध्या च वैष्णवः
nāstraṃ cikṣepa tāṃ bhaktyā mātṛbuddhyā ca vaiṣṇavaḥ
Sanskrit only: no published translation is held for this verse.
गृहीत्वा दानवं देवी भ्रामयित्वा पुनः पुनः ।। ऊर्ध्वं च प्रेरयामास महावेगेन कोपतः
gṛhītvā dānavaṃ devī bhrāmayitvā punaḥ punaḥ || ūrdhvaṃ ca prerayāmāsa mahāvegena kopataḥ
Sanskrit only: no published translation is held for this verse.
बभ्राम व्यथया दैत्यः क्षणं मूर्च्छामवाप ह ।। क्षणेन चेतनां प्राप्य समुत्तस्थौ प्रतापवान्
babhrāma vyathayā daityaḥ kṣaṇaṃ mūrcchāmavāpa ha || kṣaṇena cetanāṃ prāpya samuttasthau pratāpavān
Sanskrit only: no published translation is held for this verse.
रत्नेन्द्रसारखचितं विमानाग्र्यं मनोहरम् ।। आरुरोह रथं हृष्टो न विश्रान्तो महारणे ।। ।
ratnendrasārakhacitaṃ vimānāgryaṃ manoharam || āruroha rathaṃ hṛṣṭo na viśrānto mahāraṇe || |
Sanskrit only: no published translation is held for this verse.
क्षतजं दानवानां च मांसं च विपुलं क्षुधा ।। पीत्वा भुक्त्वा भद्रकाली ययौ सा शंकरान्तिकम्
kṣatajaṃ dānavānāṃ ca māṃsaṃ ca vipulaṃ kṣudhā || pītvā bhuktvā bhadrakālī yayau sā śaṃkarāntikam
Sanskrit only: no published translation is held for this verse.
उवाच रणवृत्तान्तं पौर्वापर्य्यं यथाक्रमम् ।। श्रुत्वा जहास शम्भुश्च दानवानां विनाशनम्
uvāca raṇavṛttāntaṃ paurvāparyyaṃ yathākramam || śrutvā jahāsa śambhuśca dānavānāṃ vināśanam
Sanskrit only: no published translation is held for this verse.
लक्षं च दानवेन्द्राणामवशिष्टं रणेऽधुना ।। उद्वृत्तं भूभृता सार्द्धं तदन्यं भुक्तमीश्वर
lakṣaṃ ca dānavendrāṇāmavaśiṣṭaṃ raṇe'dhunā || udvṛttaṃ bhūbhṛtā sārddhaṃ tadanyaṃ bhuktamīśvara
Sanskrit only: no published translation is held for this verse.
संग्रामे दानवेन्द्रं च हन्तुं पाशुपतेन वै ।। अवध्यस्तव राजेति वाग्बभूवाशरीरिणी ।।
saṃgrāme dānavendraṃ ca hantuṃ pāśupatena vai || avadhyastava rājeti vāgbabhūvāśarīriṇī ||
Sanskrit only: no published translation is held for this verse.
राजेन्द्रश्च महाज्ञानी महाबलपराक्रमः ।। न च चिक्षेप मय्यस्त्रं चिच्छेद मम सायकम्
rājendraśca mahājñānī mahābalaparākramaḥ || na ca cikṣepa mayyastraṃ ciccheda mama sāyakam
Sanskrit only: no published translation is held for this verse.