Library·Brahmavaivarta Purāṇa·2·2.2
नारद उवाच ।। समासेन श्रुतं सर्वं देवीनां चरितं विभो ।। विबोधनार्थं बोधस्य व्यासतो वक्तुमर्हसि
nārada uvāca || samāsena śrutaṃ sarvaṃ devīnāṃ caritaṃ vibho || vibodhanārthaṃ bodhasya vyāsato vaktumarhasi
Sanskrit only: no published translation is held for this verse.
सृष्टेराद्या सृष्टिविधौ कथमाविर्बभूव ह ।। कथं वा पञ्चधा भूता वद वेदविदां वर
sṛṣṭerādyā sṛṣṭividhau kathamāvirbabhūva ha || kathaṃ vā pañcadhā bhūtā vada vedavidāṃ vara
Sanskrit only: no published translation is held for this verse.
भूता या याश्च कलया तया त्रिगुणया भवे ।। व्यासेन तासां चरितं श्रोतुमिच्छामि साम्प्रतम्
bhūtā yā yāśca kalayā tayā triguṇayā bhave || vyāsena tāsāṃ caritaṃ śrotumicchāmi sāmpratam
Sanskrit only: no published translation is held for this verse.
तासां जन्मानुकथनं ध्यानं पूजाविधिं परम् ।। स्तोत्रं कवचमैश्वर्य्यं शौर्यं वर्णय मङ्गलम्
tāsāṃ janmānukathanaṃ dhyānaṃ pūjāvidhiṃ param || stotraṃ kavacamaiśvaryyaṃ śauryaṃ varṇaya maṅgalam
Sanskrit only: no published translation is held for this verse.
श्रीनारायण उवाच ।। नित्यात्मा च नभो नित्यं कालो नित्यो दिशो यथा ।। विश्वेषां गोकुलं नित्यं नित्यो गोलोक एव च
śrīnārāyaṇa uvāca || nityātmā ca nabho nityaṃ kālo nityo diśo yathā || viśveṣāṃ gokulaṃ nityaṃ nityo goloka eva ca
Sanskrit only: no published translation is held for this verse.
तदेकदेशो वैकुण्ठो लम्बभागः स नित्यकः ।। तथैव प्रकृतिर्नित्या ब्रह्मलीना सनातनी
tadekadeśo vaikuṇṭho lambabhāgaḥ sa nityakaḥ || tathaiva prakṛtirnityā brahmalīnā sanātanī
Sanskrit only: no published translation is held for this verse.
यथाऽग्नौ दाहिका चन्द्रे पद्मे शोभा प्रभा रवौ ।। शश्वद्युक्ता न भिन्ना सा तथा प्रकृतिरात्मनि
yathā'gnau dāhikā candre padme śobhā prabhā ravau || śaśvadyuktā na bhinnā sā tathā prakṛtirātmani
Sanskrit only: no published translation is held for this verse.
विना स्वर्णं स्वर्णकारः कुण्डलं कर्तुमक्षमः ।। विना मृदा कुलालो हि घटं कर्तुं न हीश्वरः ।।
vinā svarṇaṃ svarṇakāraḥ kuṇḍalaṃ kartumakṣamaḥ || vinā mṛdā kulālo hi ghaṭaṃ kartuṃ na hīśvaraḥ ||
Sanskrit only: no published translation is held for this verse.
नहि क्षमस्तथा ब्रह्मा सृष्टिं स्रष्टुं तया विना ।। सर्वशक्तिस्वरूपा सा तया स्याच्छक्तिमान्सदा
nahi kṣamastathā brahmā sṛṣṭiṃ sraṣṭuṃ tayā vinā || sarvaśaktisvarūpā sā tayā syācchaktimānsadā
Sanskrit only: no published translation is held for this verse.
ऐश्वर्य्यवचनः शक् च तिः पराक्रमवाचकः ।। तत्स्वरूपा तयोर्दात्री या सा शक्तिः प्रकीर्तिता
aiśvaryyavacanaḥ śak ca tiḥ parākramavācakaḥ || tatsvarūpā tayordātrī yā sā śaktiḥ prakīrtitā
Sanskrit only: no published translation is held for this verse.
समृद्धिबुद्धिसम्पत्तियशसां वचनो भगः ।। तेन शक्तिर्भगवती भगरूपा च सा सदा
samṛddhibuddhisampattiyaśasāṃ vacano bhagaḥ || tena śaktirbhagavatī bhagarūpā ca sā sadā
Sanskrit only: no published translation is held for this verse.
तया युक्तः सदाऽऽत्मा च भगवांस्तेन कथ्यते ।। स च स्वेच्छामयः कृष्णः साकारश्च निराकृतिः
tayā yuktaḥ sadā''tmā ca bhagavāṃstena kathyate || sa ca svecchāmayaḥ kṛṣṇaḥ sākāraśca nirākṛtiḥ
Sanskrit only: no published translation is held for this verse.
तेजोरूपं निराकारं ध्यायन्ते योगिनः सदा ।। वदन्ति ते परं ब्रह्म परमात्मानमीश्वरम्
tejorūpaṃ nirākāraṃ dhyāyante yoginaḥ sadā || vadanti te paraṃ brahma paramātmānamīśvaram
Sanskrit only: no published translation is held for this verse.
अदृश्यं सर्व द्रष्टारं सर्वज्ञं सर्वकारणम् ।। सर्वदं सर्वरूपान्तमरूपं सर्वपोषकम्
adṛśyaṃ sarva draṣṭāraṃ sarvajñaṃ sarvakāraṇam || sarvadaṃ sarvarūpāntamarūpaṃ sarvapoṣakam
Sanskrit only: no published translation is held for this verse.
वैष्णवास्ते न मन्यन्ते तद्भक्ताः सूक्ष्मदर्शिनः।। वदन्ति कस्य तेजस्ते इति तेजस्विनं विना
vaiṣṇavāste na manyante tadbhaktāḥ sūkṣmadarśinaḥ|| vadanti kasya tejaste iti tejasvinaṃ vinā
Sanskrit only: no published translation is held for this verse.
तेजोमण्डलमध्यस्थं ब्रह्म तेजस्विनं परम्।। स्वेच्छामयं सर्वरूपं सर्वकारणकारणम्
tejomaṇḍalamadhyasthaṃ brahma tejasvinaṃ param|| svecchāmayaṃ sarvarūpaṃ sarvakāraṇakāraṇam
Sanskrit only: no published translation is held for this verse.
अतीवसुन्दरं रूपं बिभ्रतं सुमनोहरम् ।। किशोरवयसं शान्तं सर्वकान्तं परात्परम्
atīvasundaraṃ rūpaṃ bibhrataṃ sumanoharam || kiśoravayasaṃ śāntaṃ sarvakāntaṃ parātparam
Sanskrit only: no published translation is held for this verse.
नवीननीरदाभासं रासैकश्यामसुन्दरम् ।। शरन्मध्याह्नपद्मौघशोभामोचकलोचनम्
navīnanīradābhāsaṃ rāsaikaśyāmasundaram || śaranmadhyāhnapadmaughaśobhāmocakalocanam
Sanskrit only: no published translation is held for this verse.
मुक्तासारमहास्वच्छदन्तपङ्क्तिमनोहरम् ।। मयूरपुच्छचूडं च मालतीमाल्यमण्डितम्
muktāsāramahāsvacchadantapaṅktimanoharam || mayūrapucchacūḍaṃ ca mālatīmālyamaṇḍitam
Sanskrit only: no published translation is held for this verse.
सुनासं सस्मितं शश्वद्भक्तानुग्रहकारकम् ।। ज्वलदग्निविशुद्धैकपीतांशुकसुशोभितम्
sunāsaṃ sasmitaṃ śaśvadbhaktānugrahakārakam || jvaladagniviśuddhaikapītāṃśukasuśobhitam
Sanskrit only: no published translation is held for this verse.
द्विभुजं मुरलीहस्तं रत्नभूषणभूषितम् ।। सर्वाधारं च सर्वेशं सर्वशक्तियुतं विभुम्
dvibhujaṃ muralīhastaṃ ratnabhūṣaṇabhūṣitam || sarvādhāraṃ ca sarveśaṃ sarvaśaktiyutaṃ vibhum
Sanskrit only: no published translation is held for this verse.
सर्वैश्वर्य्यप्रदं सर्वं स्वतन्त्रं सर्वमङ्गलम् ।। परिपूर्णतमं सिद्धं सिद्धि दं सिद्धिकारणम्
sarvaiśvaryyapradaṃ sarvaṃ svatantraṃ sarvamaṅgalam || paripūrṇatamaṃ siddhaṃ siddhi daṃ siddhikāraṇam
Sanskrit only: no published translation is held for this verse.
ध्यायन्ते वैष्णवाः शश्वदेवंरूपं सनातनम् ।। जन्ममृत्युजराव्याधिशोकभीतिहरं परम्
dhyāyante vaiṣṇavāḥ śaśvadevaṃrūpaṃ sanātanam || janmamṛtyujarāvyādhiśokabhītiharaṃ param
Sanskrit only: no published translation is held for this verse.
ब्रह्मणो वयसा यस्य निमेष उपचार्य्यते ।। स चात्मा परमं ब्रह्म कृष्ण इत्यभिधीयते
brahmaṇo vayasā yasya nimeṣa upacāryyate || sa cātmā paramaṃ brahma kṛṣṇa ityabhidhīyate
Sanskrit only: no published translation is held for this verse.
कृषिस्तद्भक्तिवचनो नश्च तद्दास्यकारकः ।। भक्तिदास्यप्रदाता यः स कृष्णः परिकीर्तितः
kṛṣistadbhaktivacano naśca taddāsyakārakaḥ || bhaktidāsyapradātā yaḥ sa kṛṣṇaḥ parikīrtitaḥ
Sanskrit only: no published translation is held for this verse.
कृषिश्च सर्ववचनो नकारो बीजवाचकः ।। सर्वबीजं परं ब्रह्म कृष्ण इत्यभिधीयते
kṛṣiśca sarvavacano nakāro bījavācakaḥ || sarvabījaṃ paraṃ brahma kṛṣṇa ityabhidhīyate
Sanskrit only: no published translation is held for this verse.
असंख्यब्रह्मणा पाते कालेऽतीतेऽपि नारद ।। यद्गुणानां नास्ति नाशस्तत्समानो गुणेन च
asaṃkhyabrahmaṇā pāte kāle'tīte'pi nārada || yadguṇānāṃ nāsti nāśastatsamāno guṇena ca
Sanskrit only: no published translation is held for this verse.
स कृष्णः सर्वसृष्ट्यादौ सिसृक्षुस्त्वेक एव च ।। सृष्ट्युन्मुखस्तदंशेन कालेन प्रेरितः प्रभुः
sa kṛṣṇaḥ sarvasṛṣṭyādau sisṛkṣustveka eva ca || sṛṣṭyunmukhastadaṃśena kālena preritaḥ prabhuḥ
Sanskrit only: no published translation is held for this verse.
स्वेच्छामयः स्वेच्छया च द्विधारूपो बभूव ह ।। स्त्रीरूपा वामभागांशाद्दक्षिणांशः पुमान्स्मृतः
svecchāmayaḥ svecchayā ca dvidhārūpo babhūva ha || strīrūpā vāmabhāgāṃśāddakṣiṇāṃśaḥ pumānsmṛtaḥ
Sanskrit only: no published translation is held for this verse.
तां ददर्श महाकामी कामाधारः सनातनः ।। अतीव कमनीयां च चारुचम्पकसन्निभाम्
tāṃ dadarśa mahākāmī kāmādhāraḥ sanātanaḥ || atīva kamanīyāṃ ca cārucampakasannibhām
Sanskrit only: no published translation is held for this verse.
पूर्णेन्दुबिम्बसदृशनितम्वयुगलां पराम् ।। सुचारुकदलीस्तम्भसदृशश्रोणिसुन्दरीम्
pūrṇendubimbasadṛśanitamvayugalāṃ parām || sucārukadalīstambhasadṛśaśroṇisundarīm
Sanskrit only: no published translation is held for this verse.
श्रीयुक्तश्रीफलाकारस्तनयुग्ममनोरमाम् ।। पुष्ट्या युक्तां सुललितां मध्यक्षीणां मनोहराम्
śrīyuktaśrīphalākārastanayugmamanoramām || puṣṭyā yuktāṃ sulalitāṃ madhyakṣīṇāṃ manoharām
Sanskrit only: no published translation is held for this verse.
अतीव सुन्दरीं शान्तां सस्मितां वक्रलोचनाम् ।। वह्निशुद्धांशुकाधानां रत्नभूषणभूषिताम्
atīva sundarīṃ śāntāṃ sasmitāṃ vakralocanām || vahniśuddhāṃśukādhānāṃ ratnabhūṣaṇabhūṣitām
Sanskrit only: no published translation is held for this verse.
शश्वच्चक्षुश्चकोराभ्यां पिबन्तीं सन्ततं मुदा ।। कृष्णस्य सुन्दरमुखं चन्द्रकोटिविनिन्दकम्
śaśvaccakṣuścakorābhyāṃ pibantīṃ santataṃ mudā || kṛṣṇasya sundaramukhaṃ candrakoṭivinindakam
Sanskrit only: no published translation is held for this verse.
कस्तूरीबिन्दुभिः सार्द्धमधश्चन्दनबिन्दुना ।। समं सिन्दूरबिन्दुं च भालमध्ये च बिभ्रतीम्
kastūrībindubhiḥ sārddhamadhaścandanabindunā || samaṃ sindūrabinduṃ ca bhālamadhye ca bibhratīm
Sanskrit only: no published translation is held for this verse.
सुवक्रकबरीभारं मालतीमाल्यभूषितम् ।। रत्नेन्द्रसारहारं च दधतीं कान्तकामुकीम्
suvakrakabarībhāraṃ mālatīmālyabhūṣitam || ratnendrasārahāraṃ ca dadhatīṃ kāntakāmukīm
Sanskrit only: no published translation is held for this verse.
कोटिचन्द्रप्रभाजुष्टपुष्टशोभासमन्विताम् ।। गमने राजहंसीं तां दृष्ट्या खञ्जनगञ्जनीम्
koṭicandraprabhājuṣṭapuṣṭaśobhāsamanvitām || gamane rājahaṃsīṃ tāṃ dṛṣṭyā khañjanagañjanīm
Sanskrit only: no published translation is held for this verse.
अतिमात्रं तया सार्द्धं रासेशो रासमण्डले ।। रासोल्लासेषु रहसि रासक्रीडां चकार ह
atimātraṃ tayā sārddhaṃ rāseśo rāsamaṇḍale || rāsollāseṣu rahasi rāsakrīḍāṃ cakāra ha
Sanskrit only: no published translation is held for this verse.
नानाप्रकारशृंगारं शृङ्गारो मूर्त्तिमानिव।। चकार सुखसम्भोगं यावद्वै ब्रह्मणो वयः
nānāprakāraśṛṃgāraṃ śṛṅgāro mūrttimāniva|| cakāra sukhasambhogaṃ yāvadvai brahmaṇo vayaḥ
Sanskrit only: no published translation is held for this verse.
ततः स च परिश्रान्तस्तस्या योनौ जगत्पिता ।। चकार वीर्य्याधानं च नित्यानन्दः शुभक्षणे
tataḥ sa ca pariśrāntastasyā yonau jagatpitā || cakāra vīryyādhānaṃ ca nityānandaḥ śubhakṣaṇe
Sanskrit only: no published translation is held for this verse.
गात्रतो योषितस्तस्याः सुरतान्ते च सुव्रत ।। निस्ससार श्रमजलं श्रान्तायास्तेजसा हरेः
gātrato yoṣitastasyāḥ suratānte ca suvrata || nissasāra śramajalaṃ śrāntāyāstejasā hareḥ
Sanskrit only: no published translation is held for this verse.
महासुरतखिन्नाया निश्वासश्च बभूव ह ।। तदाधारश्रमजलं तत्सर्वं विश्वगोलकम्
mahāsuratakhinnāyā niśvāsaśca babhūva ha || tadādhāraśramajalaṃ tatsarvaṃ viśvagolakam
Sanskrit only: no published translation is held for this verse.
स च निःश्वासवायुश्च सर्वाधारो बभूव ह ।। निश्श्वासवायुः सर्वेषां जीविनां च भवेषु च
sa ca niḥśvāsavāyuśca sarvādhāro babhūva ha || niśśvāsavāyuḥ sarveṣāṃ jīvināṃ ca bhaveṣu ca
Sanskrit only: no published translation is held for this verse.
बभूव मूर्त्तिमद्वायोर्वामाङ्गात्प्राणवल्लभा ।। तत्पत्नी सा च तत्पुत्राः प्राणाः पञ्च च जीविनाम्
babhūva mūrttimadvāyorvāmāṅgātprāṇavallabhā || tatpatnī sā ca tatputrāḥ prāṇāḥ pañca ca jīvinām
Sanskrit only: no published translation is held for this verse.
प्राणोऽपानः समानश्चैवोदानो व्यान एव च ।। बभूवुरेव तत्पुत्रा अधःप्राणाश्च पञ्च च
prāṇo'pānaḥ samānaścaivodāno vyāna eva ca || babhūvureva tatputrā adhaḥprāṇāśca pañca ca
Sanskrit only: no published translation is held for this verse.
घर्मतोयाधिदेवश्च बभूव वरुणो महान् ।। तद्वामाङ्गाच्च तत्पत्नी वरुणानी बभूव सा
gharmatoyādhidevaśca babhūva varuṇo mahān || tadvāmāṅgācca tatpatnī varuṇānī babhūva sā
Sanskrit only: no published translation is held for this verse.
अथ सा कृष्णशक्तिश्च कृष्णाद्गर्भं दधार ह ।। शतमन्वन्तरं यावज्ज्वलन्तो(ती?) ब्रह्मतेजसा
atha sā kṛṣṇaśaktiśca kṛṣṇādgarbhaṃ dadhāra ha || śatamanvantaraṃ yāvajjvalanto(tī?) brahmatejasā
Sanskrit only: no published translation is held for this verse.
कृष्णप्राणाधिदेवी सा कृष्णप्राणाधिकप्रिया ।। कृष्णस्य सङ्गिनी शश्वत्कृष्णवक्षस्थलस्थिता
kṛṣṇaprāṇādhidevī sā kṛṣṇaprāṇādhikapriyā || kṛṣṇasya saṅginī śaśvatkṛṣṇavakṣasthalasthitā
Sanskrit only: no published translation is held for this verse.
शतमन्वन्तरातीते काले परमसुन्दरी ।। सुषावाण्डं सुवर्णाभं विश्वाधारालयं परम्
śatamanvantarātīte kāle paramasundarī || suṣāvāṇḍaṃ suvarṇābhaṃ viśvādhārālayaṃ param
Sanskrit only: no published translation is held for this verse.
दृष्ट्वा चाण्डं हि सा देवी हृदयेन विदूयता ।। उत्ससर्ज च कोपेन तदण्डं गोलके जले
dṛṣṭvā cāṇḍaṃ hi sā devī hṛdayena vidūyatā || utsasarja ca kopena tadaṇḍaṃ golake jale
Sanskrit only: no published translation is held for this verse.
दृष्ट्वा कृष्णश्च तत्त्यागं हाहाकारं चकार द।।। शशाप देवीं देवेशस्तत्क्षणं च यथोचितम्
dṛṣṭvā kṛṣṇaśca tattyāgaṃ hāhākāraṃ cakāra da||| śaśāpa devīṃ deveśastatkṣaṇaṃ ca yathocitam
Sanskrit only: no published translation is held for this verse.
यतोऽपत्यं त्वया त्यक्तं कोपशीले सुनिष्ठुरे ।। भव त्वमनपत्याऽपि चाद्यप्रभृति निश्चितम्
yato'patyaṃ tvayā tyaktaṃ kopaśīle suniṣṭhure || bhava tvamanapatyā'pi cādyaprabhṛti niścitam
Sanskrit only: no published translation is held for this verse.
या यास्त्वदंशरूपाश्च भविष्यन्ति सुरस्त्रियः ।। अनपत्याश्च ताः सर्वास्त्वत्समा नित्ययौवनाः
yā yāstvadaṃśarūpāśca bhaviṣyanti surastriyaḥ || anapatyāśca tāḥ sarvāstvatsamā nityayauvanāḥ
Sanskrit only: no published translation is held for this verse.
एतस्मिन्नन्तरे देवी जिह्वाग्रात्सहसा ततः ।। आविर्बभूव कन्यैका शुक्लवर्णा मनोहरा
etasminnantare devī jihvāgrātsahasā tataḥ || āvirbabhūva kanyaikā śuklavarṇā manoharā
Sanskrit only: no published translation is held for this verse.
पीतवस्त्रपरीधाना वीणापुस्तकधारिणी ।। रत्नभूषणभूषाढ्या सर्वशास्त्राधिदेवता
pītavastraparīdhānā vīṇāpustakadhāriṇī || ratnabhūṣaṇabhūṣāḍhyā sarvaśāstrādhidevatā
Sanskrit only: no published translation is held for this verse.
अथ कालान्तरे सा च द्विधारूपा बभूव ह ।। वामार्द्धाङ्गा च कमला दक्षिणार्द्धा च राधिका
atha kālāntare sā ca dvidhārūpā babhūva ha || vāmārddhāṅgā ca kamalā dakṣiṇārddhā ca rādhikā
Sanskrit only: no published translation is held for this verse.
एतस्मिन्नन्तरे कृष्णो द्विधारूपो बभूव ह ।। दक्षिणार्द्धस्स्याद्द्विभुजो वामार्द्धश्च चतुर्भुजः
etasminnantare kṛṣṇo dvidhārūpo babhūva ha || dakṣiṇārddhassyāddvibhujo vāmārddhaśca caturbhujaḥ
Sanskrit only: no published translation is held for this verse.
उवाच वाणीं श्रीकृष्णस्त्वमस्य भव कामिनी।। अत्रैव मानिनी राधा नैव भद्रं भविष्यति
uvāca vāṇīṃ śrīkṛṣṇastvamasya bhava kāminī|| atraiva māninī rādhā naiva bhadraṃ bhaviṣyati
Sanskrit only: no published translation is held for this verse.
एवं लक्ष्मीं संप्रदौ तुष्टो नारायणाय वै ।। संजगाम च वैकुण्ठं ताभ्यां सार्द्धं जगत्पतिः
evaṃ lakṣmīṃ saṃpradau tuṣṭo nārāyaṇāya vai || saṃjagāma ca vaikuṇṭhaṃ tābhyāṃ sārddhaṃ jagatpatiḥ
Sanskrit only: no published translation is held for this verse.
अनपत्ये च ते द्वे च यतो राधांशसम्भवे।। नारायणाङ्गादभवन्पार्षदाश्च चतुर्भुजाः
anapatye ca te dve ca yato rādhāṃśasambhave|| nārāyaṇāṅgādabhavanpārṣadāśca caturbhujāḥ
Sanskrit only: no published translation is held for this verse.
तेजसा वयसा रूपगुणाभ्यां च समा हरेः ।। बभूवुः कमलाङ्गाच्च दासीकोट्यश्च तत्समाः
tejasā vayasā rūpaguṇābhyāṃ ca samā hareḥ || babhūvuḥ kamalāṅgācca dāsīkoṭyaśca tatsamāḥ
Sanskrit only: no published translation is held for this verse.
अथ गोलोकनाथस्य लोमाविवरतो मुने ।। आसन्नसंख्यगोपाश्च वयसा तेजसा समाः
atha golokanāthasya lomāvivarato mune || āsannasaṃkhyagopāśca vayasā tejasā samāḥ
Sanskrit only: no published translation is held for this verse.
रूपेण सुगुणेनैव वेषाद्वा विक्रमेण च ।। प्राणतुल्याः प्रियाः सर्वे बभूवुः पार्षदा विभोः
rūpeṇa suguṇenaiva veṣādvā vikrameṇa ca || prāṇatulyāḥ priyāḥ sarve babhūvuḥ pārṣadā vibhoḥ
Sanskrit only: no published translation is held for this verse.
राधाङ्गलोमकूपेभ्यो बभूवुर्गोपकन्यकाः ।। राधातुल्याश्च सर्वास्ता नान्यतुल्याः प्रियंवदाः
rādhāṅgalomakūpebhyo babhūvurgopakanyakāḥ || rādhātulyāśca sarvāstā nānyatulyāḥ priyaṃvadāḥ
Sanskrit only: no published translation is held for this verse.
रत्नभूषणभूषाढ्याः शश्वत्सुस्थिरयौवनाः ।। अनपत्याश्च ताः सर्वाः पुंसः शापेन सन्ततम्
ratnabhūṣaṇabhūṣāḍhyāḥ śaśvatsusthirayauvanāḥ || anapatyāśca tāḥ sarvāḥ puṃsaḥ śāpena santatam
Sanskrit only: no published translation is held for this verse.
एतस्मिन्नन्तरे विप्र सहसा कृष्णदेहतः ।। आविर्बभूव सा दुर्गा विष्णुमाया सनातनी
etasminnantare vipra sahasā kṛṣṇadehataḥ || āvirbabhūva sā durgā viṣṇumāyā sanātanī
Sanskrit only: no published translation is held for this verse.
देवी नारायणीशाना सर्वशक्तिस्वरूपिणी ।। बुद्ध्यधिष्ठातृदेवी सा कृष्णस्य परमात्मनः
devī nārāyaṇīśānā sarvaśaktisvarūpiṇī || buddhyadhiṣṭhātṛdevī sā kṛṣṇasya paramātmanaḥ
Sanskrit only: no published translation is held for this verse.
देवीनां बीजरूपा च मूलप्रकृतिरीश्वरी।। परिपूर्णतमा तेजःस्वरूपा त्रिगुणात्मिका
devīnāṃ bījarūpā ca mūlaprakṛtirīśvarī|| paripūrṇatamā tejaḥsvarūpā triguṇātmikā
Sanskrit only: no published translation is held for this verse.
तप्तकाञ्चनवर्णाभा सूर्य्यकोटिसमप्रभा ।। ईषद्धासप्रसन्नास्या सहस्रभुजसंयुता
taptakāñcanavarṇābhā sūryyakoṭisamaprabhā || īṣaddhāsaprasannāsyā sahasrabhujasaṃyutā
Sanskrit only: no published translation is held for this verse.
नानाशस्त्रास्त्रनिकरं बिभ्रती सा त्रिलोचना ।। वह्निशुद्धांशुकाधाना रत्नभूषणभूषिता
nānāśastrāstranikaraṃ bibhratī sā trilocanā || vahniśuddhāṃśukādhānā ratnabhūṣaṇabhūṣitā
Sanskrit only: no published translation is held for this verse.
यस्याश्चांशांशकलया बभूवुः सर्वयोषितः ।। सर्वविश्वस्थिता लोका मोहिता मायया यया
yasyāścāṃśāṃśakalayā babhūvuḥ sarvayoṣitaḥ || sarvaviśvasthitā lokā mohitā māyayā yayā
Sanskrit only: no published translation is held for this verse.
सर्वैश्वर्य्यप्रदात्री च कामिनां गृहमेधिनाम् ।। कृष्णभक्ति प्रदात्री च वैष्णवानां च वैष्णवी
sarvaiśvaryyapradātrī ca kāmināṃ gṛhamedhinām || kṛṣṇabhakti pradātrī ca vaiṣṇavānāṃ ca vaiṣṇavī
Sanskrit only: no published translation is held for this verse.
मुमुक्षूणां मोक्षदात्री सुखिनां सुखदायिनी।। स्वर्गेषु स्वर्गलक्ष्मीः सा गृहलक्ष्मीर्गृहेष्वसौ।। ।
mumukṣūṇāṃ mokṣadātrī sukhināṃ sukhadāyinī|| svargeṣu svargalakṣmīḥ sā gṛhalakṣmīrgṛheṣvasau|| |
Sanskrit only: no published translation is held for this verse.
तपस्विषु तपस्या च श्रीरूपा सा नृपेषु च ।। या चाग्नौ दाहिकारूपा प्रभारूपा च भास्करे
tapasviṣu tapasyā ca śrīrūpā sā nṛpeṣu ca || yā cāgnau dāhikārūpā prabhārūpā ca bhāskare
Sanskrit only: no published translation is held for this verse.
शोभास्वरूपा चन्द्रे च पद्मेषु च सुशोभना ।। सर्वशक्तिस्वरूपा या श्रीकृष्णे परमात्मनि
śobhāsvarūpā candre ca padmeṣu ca suśobhanā || sarvaśaktisvarūpā yā śrīkṛṣṇe paramātmani
Sanskrit only: no published translation is held for this verse.
यया च शक्तिमानात्मा यया वै शक्तिमज्जगत् ।। यया विना जगत्सर्वं जीवन्मृतमिव स्थितम्
yayā ca śaktimānātmā yayā vai śaktimajjagat || yayā vinā jagatsarvaṃ jīvanmṛtamiva sthitam
Sanskrit only: no published translation is held for this verse.
या च संसारवृक्षस्य बीजरूपा सनातनी ।। स्थितिरूपा बुद्धिरूपा फलरूपा च नारद
yā ca saṃsāravṛkṣasya bījarūpā sanātanī || sthitirūpā buddhirūpā phalarūpā ca nārada
Sanskrit only: no published translation is held for this verse.
क्षुत्पिपासा दया श्रद्धा निद्रा तन्द्रा क्षमा धृतिः ।। शान्तिर्लज्जातुष्टिपुष्टिभ्रान्तिकान्त्यादिरूपिणी
kṣutpipāsā dayā śraddhā nidrā tandrā kṣamā dhṛtiḥ || śāntirlajjātuṣṭipuṣṭibhrāntikāntyādirūpiṇī
Sanskrit only: no published translation is held for this verse.
सा च संस्तूय सर्वेशं तत्पुरः समुपस्थिता ।। रत्नसिंहासनं तस्यै प्रददौ राधिकेश्वरः
sā ca saṃstūya sarveśaṃ tatpuraḥ samupasthitā || ratnasiṃhāsanaṃ tasyai pradadau rādhikeśvaraḥ
Sanskrit only: no published translation is held for this verse.
एतस्मिन्नन्तरे तत्र सस्त्रीकश्च चतुर्मुखः ।। पद्मनाभो नाभिपद्मान्निस्ससार पुमान्मुने
etasminnantare tatra sastrīkaśca caturmukhaḥ || padmanābho nābhipadmānnissasāra pumānmune
Sanskrit only: no published translation is held for this verse.
कमण्डलुधरः श्रीमांस्तपस्वी ज्ञानिनां वरः ।। चतुर्मुखस्तं तुष्टाव प्रज्वलन्ब्रह्मतेजसा
kamaṇḍaludharaḥ śrīmāṃstapasvī jñānināṃ varaḥ || caturmukhastaṃ tuṣṭāva prajvalanbrahmatejasā
Sanskrit only: no published translation is held for this verse.
सुदती सुन्दरी श्रेष्ठा शतचन्द्रसमप्रभा ।। वह्निशुद्धांशुकाधाना रत्नभूषणभूषिता
sudatī sundarī śreṣṭhā śatacandrasamaprabhā || vahniśuddhāṃśukādhānā ratnabhūṣaṇabhūṣitā
Sanskrit only: no published translation is held for this verse.
रत्नसिंहासने रम्ये स्तुता वै सर्वकारणम् ।। उवास स्वामिना सार्द्ध कृष्णस्य पुरतो मुदा
ratnasiṃhāsane ramye stutā vai sarvakāraṇam || uvāsa svāminā sārddha kṛṣṇasya purato mudā
Sanskrit only: no published translation is held for this verse.
एतस्मिन्नन्तरे कृष्णो द्विधारूपो बभूव सः ।। वामार्द्धांगो महादेवो दक्षिणो गोपिकापतिः
etasminnantare kṛṣṇo dvidhārūpo babhūva saḥ || vāmārddhāṃgo mahādevo dakṣiṇo gopikāpatiḥ
Sanskrit only: no published translation is held for this verse.
शुद्धस्फटिकसङ्काशः शतकोटिरविप्रभः ।। त्रिशूलपट्टिशधरो व्याघ्रचर्मधरो हरः
śuddhasphaṭikasaṅkāśaḥ śatakoṭiraviprabhaḥ || triśūlapaṭṭiśadharo vyāghracarmadharo haraḥ
Sanskrit only: no published translation is held for this verse.
तप्तकाञ्चनवर्णाभ जटाभारधरः परः ।। भस्मभूषणगात्रश्च सस्मितश्चन्द्रशेखरः
taptakāñcanavarṇābha jaṭābhāradharaḥ paraḥ || bhasmabhūṣaṇagātraśca sasmitaścandraśekharaḥ
Sanskrit only: no published translation is held for this verse.
दिगम्बरो नीलकण्ठः सर्प भूषणभूषितः ।। बिभ्रद्दक्षिणहस्तेन रत्नमालां सुसंस्कृताम्
digambaro nīlakaṇṭhaḥ sarpa bhūṣaṇabhūṣitaḥ || bibhraddakṣiṇahastena ratnamālāṃ susaṃskṛtām
Sanskrit only: no published translation is held for this verse.
प्रजपन्पञ्चवक्त्रेण ब्रह्मज्योतिः सनातनम् ।। सत्यस्वरूपं श्रीकृष्णं परमात्मानमीश्वरम्
prajapanpañcavaktreṇa brahmajyotiḥ sanātanam || satyasvarūpaṃ śrīkṛṣṇaṃ paramātmānamīśvaram
Sanskrit only: no published translation is held for this verse.
कारणं कारणानां च सर्वमङ्गलमङ्गलम् ।। जन्ममृत्युजराव्याधिशोकभीतिहरं परम्
kāraṇaṃ kāraṇānāṃ ca sarvamaṅgalamaṅgalam || janmamṛtyujarāvyādhiśokabhītiharaṃ param
Sanskrit only: no published translation is held for this verse.
संस्तूय मृत्योर्मृत्युं तं जातो मृत्युञ्जयाभिधः ।। रत्नसिंहासने रम्ये समुवास हरेः पुरः
saṃstūya mṛtyormṛtyuṃ taṃ jāto mṛtyuñjayābhidhaḥ || ratnasiṃhāsane ramye samuvāsa hareḥ puraḥ
Sanskrit only: no published translation is held for this verse.