Library·Brahmavaivarta Purāṇa·2·2.24
नारायण उवाच ।। स्तुत्वा सोऽश्वपतिस्तेन संपूज्य विधिपूर्वकम् ।। ददर्श तत्र तां देवीं सहस्रार्कसमप्रभाम्
nārāyaṇa uvāca || stutvā so'śvapatistena saṃpūjya vidhipūrvakam || dadarśa tatra tāṃ devīṃ sahasrārkasamaprabhām
Sanskrit only: no published translation is held for this verse.
उवाच सा तं राजानं प्रसन्ना सस्मिता सती ।। यथा माता स्वपुत्रं च द्योतयन्ती दिशस्त्विषा
uvāca sā taṃ rājānaṃ prasannā sasmitā satī || yathā mātā svaputraṃ ca dyotayantī diśastviṣā
Sanskrit only: no published translation is held for this verse.
सावित्र्युवाच ।। जानामि ते महाराज यत्ते मनसि वर्त्तते ।। वाञ्छितं तव पत्न्याश्च सर्वं दास्यामि निश्चितम्
sāvitryuvāca || jānāmi te mahārāja yatte manasi varttate || vāñchitaṃ tava patnyāśca sarvaṃ dāsyāmi niścitam
Sanskrit only: no published translation is held for this verse.
साध्वी कन्याभिलाषं च करोति तव कामिनी ।। त्वं प्रार्थयसि पुत्रं च भविष्यति च ते क्रमात्
sādhvī kanyābhilāṣaṃ ca karoti tava kāminī || tvaṃ prārthayasi putraṃ ca bhaviṣyati ca te kramāt
Sanskrit only: no published translation is held for this verse.
इत्युक्त्वा सा महादेवी ब्रह्मलोकं जगाम ह ।। राजा जगाम स्वगृहं तत्कन्याऽऽदौ बभूव ह
ityuktvā sā mahādevī brahmalokaṃ jagāma ha || rājā jagāma svagṛhaṃ tatkanyā''dau babhūva ha
Sanskrit only: no published translation is held for this verse.
राज्ञो धनाच्च सावित्र्या बभूव कमला कला ।। सावित्रीति च तन्नाम चकाराश्वपतिर्नृपः
rājño dhanācca sāvitryā babhūva kamalā kalā || sāvitrīti ca tannāma cakārāśvapatirnṛpaḥ
Sanskrit only: no published translation is held for this verse.
कालेन सा वर्द्धमाना बभूव च दिने दिने ।। रूपयौवनसम्पन्ना शुक्ले चन्द्रकला यथा
kālena sā varddhamānā babhūva ca dine dine || rūpayauvanasampannā śukle candrakalā yathā
Sanskrit only: no published translation is held for this verse.
सा वरं वरयामास द्युमत्सेनात्मजं तदा।। सावित्री सत्यवन्तं च नानागुणसमन्वितम् ।।
sā varaṃ varayāmāsa dyumatsenātmajaṃ tadā|| sāvitrī satyavantaṃ ca nānāguṇasamanvitam ||
Sanskrit only: no published translation is held for this verse.
राजा तस्मै ददौ तां च रत्नभूषणभूषिताम् ।। स च सार्धं कौतुकेन तां गृहीत्वा गृहं ययौ
rājā tasmai dadau tāṃ ca ratnabhūṣaṇabhūṣitām || sa ca sārdhaṃ kautukena tāṃ gṛhītvā gṛhaṃ yayau
Sanskrit only: no published translation is held for this verse.
स च संवत्सरेऽतीते सत्यवान्सत्यविक्रमः ।। जगाम फलकाष्ठार्थं प्रहर्षं पितुराज्ञया
sa ca saṃvatsare'tīte satyavānsatyavikramaḥ || jagāma phalakāṣṭhārthaṃ praharṣaṃ piturājñayā
Sanskrit only: no published translation is held for this verse.
जगाम तत्र सावित्री तत्पश्चाद्दैवयोगतः ।। निपत्य वृक्षाद्दैवेन प्राणांस्तत्याज सत्यवान्
jagāma tatra sāvitrī tatpaścāddaivayogataḥ || nipatya vṛkṣāddaivena prāṇāṃstatyāja satyavān
Sanskrit only: no published translation is held for this verse.
यमस्तज्जीवपुरुषं बद्ध्वाङ्गुष्ठसमं मुने ।। गृहीत्वा गमनं चक्रे तत्पश्चात्प्रययौ सती
yamastajjīvapuruṣaṃ baddhvāṅguṣṭhasamaṃ mune || gṛhītvā gamanaṃ cakre tatpaścātprayayau satī
Sanskrit only: no published translation is held for this verse.
पश्चात्तां सुन्दरीं दृष्ट्वा यमः संयमिनीपतिः ।। उवाच मधुरं साध्वीं साधूनां प्रवरो महान्
paścāttāṃ sundarīṃ dṛṣṭvā yamaḥ saṃyaminīpatiḥ || uvāca madhuraṃ sādhvīṃ sādhūnāṃ pravaro mahān
Sanskrit only: no published translation is held for this verse.
यम उवाच ।। अहो क्व यासि सावित्रि गृहीत्वा मानुषीं तनुम् ।। यदि यास्यसि कान्तेन सार्धं देहं तदा त्यज
yama uvāca || aho kva yāsi sāvitri gṛhītvā mānuṣīṃ tanum || yadi yāsyasi kāntena sārdhaṃ dehaṃ tadā tyaja
Sanskrit only: no published translation is held for this verse.
गन्तुं मर्त्त्यो न शक्नोति गृहीत्वा पाञ्चभौतिकम्।। देहं च यमलोकं च नश्वरं नश्वरः सदाः
gantuṃ marttyo na śaknoti gṛhītvā pāñcabhautikam|| dehaṃ ca yamalokaṃ ca naśvaraṃ naśvaraḥ sadāḥ
Sanskrit only: no published translation is held for this verse.
पूर्णश्च भर्त्तुस्ते कालः ह्यभवद्भारते सति ।। स कर्मफलभोगार्थं सत्यवान्याति मद्गृहम्
pūrṇaśca bharttuste kālaḥ hyabhavadbhārate sati || sa karmaphalabhogārthaṃ satyavānyāti madgṛham
Sanskrit only: no published translation is held for this verse.
कर्मणा जायते जन्तुः कर्मणैव प्रलीयते ।। सुखं दुःखं भयं शोकं कर्मणैव प्रपद्यते
karmaṇā jāyate jantuḥ karmaṇaiva pralīyate || sukhaṃ duḥkhaṃ bhayaṃ śokaṃ karmaṇaiva prapadyate
Sanskrit only: no published translation is held for this verse.
स्वकर्मणा सर्वसिद्धिममरत्वं लभेद् ध्रुवम् ।। लभेत्स्वकर्मणा विष्णोः सालोक्यादिचतुष्टयम्
svakarmaṇā sarvasiddhimamaratvaṃ labhed dhruvam || labhetsvakarmaṇā viṣṇoḥ sālokyādicatuṣṭayam
Sanskrit only: no published translation is held for this verse.
कर्मणा ब्राह्मणत्वं च मुक्तत्वं च स्वकर्मणा ।। सुरत्वं च मनुत्वं च राजेन्द्रत्वं लभेन्नरः
karmaṇā brāhmaṇatvaṃ ca muktatvaṃ ca svakarmaṇā || suratvaṃ ca manutvaṃ ca rājendratvaṃ labhennaraḥ
Sanskrit only: no published translation is held for this verse.
कर्मणा च मुनीन्द्रत्वं तपस्वित्वं च कर्मणा ।। कर्मणा क्षत्रियत्वं च वैश्यत्वं च स्वकर्मणा
karmaṇā ca munīndratvaṃ tapasvitvaṃ ca karmaṇā || karmaṇā kṣatriyatvaṃ ca vaiśyatvaṃ ca svakarmaṇā
Sanskrit only: no published translation is held for this verse.
कर्मणा चैव शूद्रत्वमन्त्यजत्वं स्वकर्मणा
karmaṇā caiva śūdratvamantyajatvaṃ svakarmaṇā
Sanskrit only: no published translation is held for this verse.
स्वकर्मणा च म्लेच्छत्वं लभते नात्र संशयः ।। स्वकर्मणा जङ्गमत्वं स्थावरत्वं स्वकर्मणा
svakarmaṇā ca mlecchatvaṃ labhate nātra saṃśayaḥ || svakarmaṇā jaṅgamatvaṃ sthāvaratvaṃ svakarmaṇā
Sanskrit only: no published translation is held for this verse.
स्वकर्मणा च शैलत्वं वृक्षत्वं च स्वकर्मणा ।। स्वकर्मणा पशुत्वं च पक्षित्वं च स्वकर्मणा
svakarmaṇā ca śailatvaṃ vṛkṣatvaṃ ca svakarmaṇā || svakarmaṇā paśutvaṃ ca pakṣitvaṃ ca svakarmaṇā
Sanskrit only: no published translation is held for this verse.
स्वकर्मणा क्षुद्रजन्तुः कृमित्वं च स्वकर्मणा ।। स्वकर्मणा च सर्पत्वं गन्धर्वत्वं स्वकर्मणा
svakarmaṇā kṣudrajantuḥ kṛmitvaṃ ca svakarmaṇā || svakarmaṇā ca sarpatvaṃ gandharvatvaṃ svakarmaṇā
Sanskrit only: no published translation is held for this verse.
स्वकर्मणा राक्षसत्वं किन्नरत्वं स्वकर्मणा ।। स्वकर्मणा च यक्षत्वं कूष्माण्डत्वं स्वकर्मणा
svakarmaṇā rākṣasatvaṃ kinnaratvaṃ svakarmaṇā || svakarmaṇā ca yakṣatvaṃ kūṣmāṇḍatvaṃ svakarmaṇā
Sanskrit only: no published translation is held for this verse.
स्वकर्मणा च प्रेतत्वं वेतालत्वं स्वकर्मणा।। भूतत्वं च पिशाचत्वं डाकिनीत्वं स्वकर्मणा
svakarmaṇā ca pretatvaṃ vetālatvaṃ svakarmaṇā|| bhūtatvaṃ ca piśācatvaṃ ḍākinītvaṃ svakarmaṇā
Sanskrit only: no published translation is held for this verse.
दैत्यत्वं दानवत्वं चाप्यसुरत्वं स्वकर्मणा ।। कर्मणा पुण्यवाञ्जीवो महापापी स्वकर्मणा
daityatvaṃ dānavatvaṃ cāpyasuratvaṃ svakarmaṇā || karmaṇā puṇyavāñjīvo mahāpāpī svakarmaṇā
Sanskrit only: no published translation is held for this verse.
कर्मणा सुन्दरोऽरोगी महारोगी च कर्मणा ।। कर्मणा चान्धः काणश्च कुत्सितश्च स्वकर्मणा
karmaṇā sundaro'rogī mahārogī ca karmaṇā || karmaṇā cāndhaḥ kāṇaśca kutsitaśca svakarmaṇā
Sanskrit only: no published translation is held for this verse.
कर्मणा नरकं यान्ति जीवाः स्वर्गं स्वकर्मणा ।। कर्मणा शक्रलोकं च सूर्य्यलोकं स्वकर्मणा
karmaṇā narakaṃ yānti jīvāḥ svargaṃ svakarmaṇā || karmaṇā śakralokaṃ ca sūryyalokaṃ svakarmaṇā
Sanskrit only: no published translation is held for this verse.
कर्मणा चन्द्रलोकं च वह्निलोकं स्वकर्मणा ।। कर्मणा वायुलोकं च कर्मणा वरुणालयम्
karmaṇā candralokaṃ ca vahnilokaṃ svakarmaṇā || karmaṇā vāyulokaṃ ca karmaṇā varuṇālayam
Sanskrit only: no published translation is held for this verse.
तथा कुबेरलोकं च नरो याति स्वकर्मणा ।। कर्मणा ध्रुवलोकं च शिवलोकं स्वकर्मणा
tathā kuberalokaṃ ca naro yāti svakarmaṇā || karmaṇā dhruvalokaṃ ca śivalokaṃ svakarmaṇā
Sanskrit only: no published translation is held for this verse.
याति नक्षत्रलोकं च सत्यलोकं स्वकर्मणा ।। जनोलोकं तपोलोकं महर्लोकं स्वकर्मणा
yāti nakṣatralokaṃ ca satyalokaṃ svakarmaṇā || janolokaṃ tapolokaṃ maharlokaṃ svakarmaṇā
Sanskrit only: no published translation is held for this verse.
स्वकर्मणा च पातालं ब्रह्मलोकं स्वकर्मणा ।। कर्मणा भारतं पुण्यं सर्वेप्सितवरप्रदम्
svakarmaṇā ca pātālaṃ brahmalokaṃ svakarmaṇā || karmaṇā bhārataṃ puṇyaṃ sarvepsitavarapradam
Sanskrit only: no published translation is held for this verse.
कर्मणा याति वैकुण्ठं गोलोकं च निरामयम् ।। कर्मणा चिरजीवी च क्षणायुश्च स्वकर्मणा
karmaṇā yāti vaikuṇṭhaṃ golokaṃ ca nirāmayam || karmaṇā cirajīvī ca kṣaṇāyuśca svakarmaṇā
Sanskrit only: no published translation is held for this verse.
कर्मणा कोटिकल्पायुः क्षीणायुश्च स्वकर्मणा ।। जीवसंचारमात्रायुर्गर्भे मृत्युः स्वकर्मणा
karmaṇā koṭikalpāyuḥ kṣīṇāyuśca svakarmaṇā || jīvasaṃcāramātrāyurgarbhe mṛtyuḥ svakarmaṇā
Sanskrit only: no published translation is held for this verse.
इत्येवं कथितं सर्वं मया तत्त्वं च सुन्दरि ।। कर्मणा ते मृतो भर्त्ता गच्छ वत्से यथासुखम्
ityevaṃ kathitaṃ sarvaṃ mayā tattvaṃ ca sundari || karmaṇā te mṛto bharttā gaccha vatse yathāsukham
Sanskrit only: no published translation is held for this verse.