Library·Brahmavaivarta Purāṇa·2·2.26
नारायण उवाच ।। सावित्रीवचनं श्रुत्वा जगाम विस्मयं यमः । प्रहस्य वक्तुमारेभे कर्मपाकं च जीविनाम्
nārāyaṇa uvāca || sāvitrīvacanaṃ śrutvā jagāma vismayaṃ yamaḥ | prahasya vaktumārebhe karmapākaṃ ca jīvinām
Sanskrit only: no published translation is held for this verse.
यम उवाच ।। कन्या द्वादशवर्षीया वत्से त्वं वयसाऽधुना ।। ज्ञानं ते पूर्वविदुषां योगिनां ज्ञानिनां परम्
yama uvāca || kanyā dvādaśavarṣīyā vatse tvaṃ vayasā'dhunā || jñānaṃ te pūrvaviduṣāṃ yogināṃ jñānināṃ param
Sanskrit only: no published translation is held for this verse.
सावित्रीवरदानेन त्वं सावित्रीकला सति ।। प्राप्ता पुरा भूभृता च तपसा तत्समा शुभे
sāvitrīvaradānena tvaṃ sāvitrīkalā sati || prāptā purā bhūbhṛtā ca tapasā tatsamā śubhe
Sanskrit only: no published translation is held for this verse.
यथा श्रीः श्रीपतेः क्रोडे भवानी च भवोरसि ।। यथा राधा च श्रीकृष्णे सावित्री ब्रह्मवक्षसि
yathā śrīḥ śrīpateḥ kroḍe bhavānī ca bhavorasi || yathā rādhā ca śrīkṛṣṇe sāvitrī brahmavakṣasi
Sanskrit only: no published translation is held for this verse.
धर्मोरसि यथा मूर्त्तिः शतरूपा मनौ यथा ।। कर्दमे देवहूतिश्च वसिष्ठेऽरुन्धती यथा
dharmorasi yathā mūrttiḥ śatarūpā manau yathā || kardame devahūtiśca vasiṣṭhe'rundhatī yathā
Sanskrit only: no published translation is held for this verse.
अदितिः कश्यपे चापि यथाऽहल्या च गौतमे ।। यथा शची महेन्द्रे च यथा चन्द्रे च रोहिणी
aditiḥ kaśyape cāpi yathā'halyā ca gautame || yathā śacī mahendre ca yathā candre ca rohiṇī
Sanskrit only: no published translation is held for this verse.
यथा रतिः कामदेवे यथा स्वाहा हुताशने ।। यथा स्वधा च पितृषु यथा संज्ञा दिवाकरे
yathā ratiḥ kāmadeve yathā svāhā hutāśane || yathā svadhā ca pitṛṣu yathā saṃjñā divākare
Sanskrit only: no published translation is held for this verse.
वरुणानी च वरुणे यज्ञे च दक्षिणा यथा ।। यथा धरा वराहे च देवसेना च कार्तिके
varuṇānī ca varuṇe yajñe ca dakṣiṇā yathā || yathā dharā varāhe ca devasenā ca kārtike
Sanskrit only: no published translation is held for this verse.
सौभाग्या सुप्रिया त्वं च भव सत्यवति प्रिये ।। इति तुभ्यं वरं दत्तमपरं च यदीप्सितम् ।। वृणु देवि महाभागे सर्वं दास्यामि निश्चितम्
saubhāgyā supriyā tvaṃ ca bhava satyavati priye || iti tubhyaṃ varaṃ dattamaparaṃ ca yadīpsitam || vṛṇu devi mahābhāge sarvaṃ dāsyāmi niścitam
Sanskrit only: no published translation is held for this verse.
सावित्र्युवाच ।। सत्यवदौरसेनैव पुत्राणां शतकं मम ।। भविष्यति महाभाग वरमेतन्मदीप्सितम्
sāvitryuvāca || satyavadaurasenaiva putrāṇāṃ śatakaṃ mama || bhaviṣyati mahābhāga varametanmadīpsitam
Sanskrit only: no published translation is held for this verse.
मत्पितुः पुत्रशतकं श्वशुरस्य च चक्षुषी ।। राज्यलाभो भवत्वेव वरमेवं मदीप्सितम्
matpituḥ putraśatakaṃ śvaśurasya ca cakṣuṣī || rājyalābho bhavatveva varamevaṃ madīpsitam
Sanskrit only: no published translation is held for this verse.
अन्ते सत्यवता सार्द्धं यास्यामि हरिमन्दिरम् ।। समतीते लक्षवर्षे देहीमं मे जगत्प्रभो
ante satyavatā sārddhaṃ yāsyāmi harimandiram || samatīte lakṣavarṣe dehīmaṃ me jagatprabho
Sanskrit only: no published translation is held for this verse.
जीवकर्मविपाकं च श्रोतुं कौतूहलं च मे ।। विश्वविस्तारबीजं च तन्मे व्याख्यातुमर्हसि
jīvakarmavipākaṃ ca śrotuṃ kautūhalaṃ ca me || viśvavistārabījaṃ ca tanme vyākhyātumarhasi
Sanskrit only: no published translation is held for this verse.
यम उवाच ।। भविष्यति महासाध्वि सर्वं मानसिकं तव ।। जीवकर्म्मविपाकं च कथयामि निशामय
yama uvāca || bhaviṣyati mahāsādhvi sarvaṃ mānasikaṃ tava || jīvakarmmavipākaṃ ca kathayāmi niśāmaya
Sanskrit only: no published translation is held for this verse.
शुभानामशुभानां च कर्म्मणां जन्म भारते ।। पुण्यक्षेत्रेऽत्र सर्वत्र नान्यत्र भुञ्जते जनाः
śubhānāmaśubhānāṃ ca karmmaṇāṃ janma bhārate || puṇyakṣetre'tra sarvatra nānyatra bhuñjate janāḥ
Sanskrit only: no published translation is held for this verse.
सुरा दैत्या दानवाश्च गन्धर्वा राक्षसादयः ।। नराश्च कर्म्मजनका न सर्वे समजीविनः
surā daityā dānavāśca gandharvā rākṣasādayaḥ || narāśca karmmajanakā na sarve samajīvinaḥ
Sanskrit only: no published translation is held for this verse.
विशिष्टजीविनः कर्म्म भुञ्जते सर्वयोनिषु ।। विशेषतो मानवाश्च भ्रमन्ति सर्वयोनिषु ।।
viśiṣṭajīvinaḥ karmma bhuñjate sarvayoniṣu || viśeṣato mānavāśca bhramanti sarvayoniṣu ||
Sanskrit only: no published translation is held for this verse.
शुभाशुभं भुञ्जते च कर्म पूर्वार्जितं परम् ।। शुभेन कर्मणा यान्ति ते स्वर्गादिकमेव च
śubhāśubhaṃ bhuñjate ca karma pūrvārjitaṃ param || śubhena karmaṇā yānti te svargādikameva ca
Sanskrit only: no published translation is held for this verse.
कर्म्मणा चाशुभेनैव भ्रमन्ति नरकेषु च ।। कर्म्मनिर्मूलने मुक्तिः सा चोक्ता द्विविधा मता
karmmaṇā cāśubhenaiva bhramanti narakeṣu ca || karmmanirmūlane muktiḥ sā coktā dvividhā matā
Sanskrit only: no published translation is held for this verse.
निर्वाणरूपा सेवा च कृष्णस्य परमात्मनः ।। कुकर्मणा जीवश्चारोगी शुभकर्मणा
nirvāṇarūpā sevā ca kṛṣṇasya paramātmanaḥ || kukarmaṇā jīvaścārogī śubhakarmaṇā
Sanskrit only: no published translation is held for this verse.
दीर्घजीवी च क्षीणायुः सुखी दुःखी च निश्चितम् ।। अन्धादयश्चाङ्गहीनाः कुत्सितेन च कर्मणा
dīrghajīvī ca kṣīṇāyuḥ sukhī duḥkhī ca niścitam || andhādayaścāṅgahīnāḥ kutsitena ca karmaṇā
Sanskrit only: no published translation is held for this verse.
सिद्ध्यादिकमवाप्नोति सर्वोत्कृष्टेन कर्म्मणा ।। सामान्यं कथितं सर्वं विशेषं शृणु सुन्दरि
siddhyādikamavāpnoti sarvotkṛṣṭena karmmaṇā || sāmānyaṃ kathitaṃ sarvaṃ viśeṣaṃ śṛṇu sundari
Sanskrit only: no published translation is held for this verse.
सुदुर्लभं सुभोग्यं च पुराणेषु श्रुतिष्वपि
sudurlabhaṃ subhogyaṃ ca purāṇeṣu śrutiṣvapi
Sanskrit only: no published translation is held for this verse.
दुर्लभा मानवी जातिः सर्वजातिषु भारते ।। सर्वाभ्यो ब्राह्मणः श्रेष्ठः प्रशस्तः सर्वकर्म्मसु
durlabhā mānavī jātiḥ sarvajātiṣu bhārate || sarvābhyo brāhmaṇaḥ śreṣṭhaḥ praśastaḥ sarvakarmmasu
Sanskrit only: no published translation is held for this verse.
विष्णुभक्तो द्विजश्चैव गरीयान्भारते ततः ।। निष्कामश्च सकामश्च वैष्णवो द्विविधः सति
viṣṇubhakto dvijaścaiva garīyānbhārate tataḥ || niṣkāmaśca sakāmaśca vaiṣṇavo dvividhaḥ sati
Sanskrit only: no published translation is held for this verse.
सकामश्च प्रधानश्च निष्कामो भक्त एव च ।। कर्मभोगी सकामश्च निष्कामो निरुपद्रवः
sakāmaśca pradhānaśca niṣkāmo bhakta eva ca || karmabhogī sakāmaśca niṣkāmo nirupadravaḥ
Sanskrit only: no published translation is held for this verse.
स याति देहं त्यक्ता च पदं विष्णोर्निरामयम् ।। पुनरागमनं नास्ति तेषां निष्कामिणां सति
sa yāti dehaṃ tyaktā ca padaṃ viṣṇornirāmayam || punarāgamanaṃ nāsti teṣāṃ niṣkāmiṇāṃ sati
Sanskrit only: no published translation is held for this verse.
ये सेवन्ते च द्विभुजं कृष्णमात्मानमीश्वरम् ।। गोलोकं यान्ति ते भक्ता दिव्यरूपविधारिणः
ye sevante ca dvibhujaṃ kṛṣṇamātmānamīśvaram || golokaṃ yānti te bhaktā divyarūpavidhāriṇaḥ
Sanskrit only: no published translation is held for this verse.
ये च नारायणं भक्ताः सेवन्ते च चतुर्भुजम् ।। वैकुण्ठं यान्ति ते सर्वे दिव्यरूपविधारिणः
ye ca nārāyaṇaṃ bhaktāḥ sevante ca caturbhujam || vaikuṇṭhaṃ yānti te sarve divyarūpavidhāriṇaḥ
Sanskrit only: no published translation is held for this verse.
सकामिनो वैष्णवाश्च गत्वा वैकुण्ठमेव च ।। भारतं पुनरायान्ति तेषां जन्म द्विजातिषु
sakāmino vaiṣṇavāśca gatvā vaikuṇṭhameva ca || bhārataṃ punarāyānti teṣāṃ janma dvijātiṣu
Sanskrit only: no published translation is held for this verse.
कालेन ते च निष्कामा भविष्यन्ति क्रमेण च ।। भक्तिं च निर्मलां बुद्धिं तेभ्यो दास्यति निश्चितम्
kālena te ca niṣkāmā bhaviṣyanti krameṇa ca || bhaktiṃ ca nirmalāṃ buddhiṃ tebhyo dāsyati niścitam
Sanskrit only: no published translation is held for this verse.
ब्राह्मणाद्वैष्णवादन्ये सकामाः सर्वजन्मसु ।। न तेषां निर्मला बुद्धिर्विष्णुभक्तिविवर्जिताः
brāhmaṇādvaiṣṇavādanye sakāmāḥ sarvajanmasu || na teṣāṃ nirmalā buddhirviṣṇubhaktivivarjitāḥ
Sanskrit only: no published translation is held for this verse.
तीर्थाश्रिता द्विजा ये च तपस्यानिरताः सति ।। ते यान्ति ब्रह्मलोकं च पुनरायान्ति भारतम्
tīrthāśritā dvijā ye ca tapasyāniratāḥ sati || te yānti brahmalokaṃ ca punarāyānti bhāratam
Sanskrit only: no published translation is held for this verse.
स्वधर्मनिरता विप्राः सूर्य्यभक्ताश्च भारते ।। व्रजन्ति सूर्यलोकं ते पुनरायान्ति भारतम्
svadharmaniratā viprāḥ sūryyabhaktāśca bhārate || vrajanti sūryalokaṃ te punarāyānti bhāratam
Sanskrit only: no published translation is held for this verse.
स्वधर्मनिरता विप्राः शैवाः शाक्ताश्च गाणपाः ।। ते यान्ति शिवलोकं च पुनरायान्ति भारतम्
svadharmaniratā viprāḥ śaivāḥ śāktāśca gāṇapāḥ || te yānti śivalokaṃ ca punarāyānti bhāratam
Sanskrit only: no published translation is held for this verse.
ये विप्रा अन्यदेवेष्टाः स्वधर्मनिरताः सति ।। ते गत्वा शक्रलोकं च पुनरायान्ति भारतम्
ye viprā anyadeveṣṭāḥ svadharmaniratāḥ sati || te gatvā śakralokaṃ ca punarāyānti bhāratam
Sanskrit only: no published translation is held for this verse.
हरिभक्ताश्च निष्कामाः स्वधर्म्मरहिता द्विजाः ।। तेऽपि यान्ति हरेर्लोकं क्रमाद्भक्तिबलादहो
haribhaktāśca niṣkāmāḥ svadharmmarahitā dvijāḥ || te'pi yānti harerlokaṃ kramādbhaktibalādaho
Sanskrit only: no published translation is held for this verse.
स्वधर्म्मरहिता विप्रा देवान्यसेविनः सदा ।। भ्रष्टाचाराश्च बालाश्च ते यांति नरकं ध्रुवम्
svadharmmarahitā viprā devānyasevinaḥ sadā || bhraṣṭācārāśca bālāśca te yāṃti narakaṃ dhruvam
Sanskrit only: no published translation is held for this verse.
स्वधर्म्मनिरताश्चैवं वर्णाश्चत्वार एव च ।। भवन्त्येव शुभस्यैव कर्मणः फलभागिनः
svadharmmaniratāścaivaṃ varṇāścatvāra eva ca || bhavantyeva śubhasyaiva karmaṇaḥ phalabhāginaḥ
Sanskrit only: no published translation is held for this verse.
स्वधर्म्मरहितास्ते च नरकं यान्ति हि ध्रुवम्।। भारते च भवन्त्येव कर्म्मणः फलभागिनः
svadharmmarahitāste ca narakaṃ yānti hi dhruvam|| bhārate ca bhavantyeva karmmaṇaḥ phalabhāginaḥ
Sanskrit only: no published translation is held for this verse.
स्वधर्मनिरता विप्राः स्वधर्मनिरताय च।। कन्यां ददति विप्राय चन्द्रलोकं व्रजन्ति ते
svadharmaniratā viprāḥ svadharmaniratāya ca|| kanyāṃ dadati viprāya candralokaṃ vrajanti te
Sanskrit only: no published translation is held for this verse.
वसंति तत्र ते साध्वि यावदिन्द्राश्चतुर्दश।। सालङ्कृताया दानेन द्विगुणं फलमुच्यते
vasaṃti tatra te sādhvi yāvadindrāścaturdaśa|| sālaṅkṛtāyā dānena dviguṇaṃ phalamucyate
Sanskrit only: no published translation is held for this verse.
सकामा यांति तल्लोकं न निष्कामाश्च वैष्णवाः ।। ते प्रयांति विष्णुलोकं फलसन्धानवर्जिताः
sakāmā yāṃti tallokaṃ na niṣkāmāśca vaiṣṇavāḥ || te prayāṃti viṣṇulokaṃ phalasandhānavarjitāḥ
Sanskrit only: no published translation is held for this verse.
गव्यं च रजतं भार्यां वस्त्रं सस्यं फलं जलम् ।। ये ददत्येव विप्रेभ्यस्तल्लोकं हि व्रजन्ति च
gavyaṃ ca rajataṃ bhāryāṃ vastraṃ sasyaṃ phalaṃ jalam || ye dadatyeva viprebhyastallokaṃ hi vrajanti ca
Sanskrit only: no published translation is held for this verse.
वसंति ते च तल्लोकं यावन्मन्वन्तरं सति ।। कालं च सुचिरं वासं कुर्वंति तत्र ते जनाः
vasaṃti te ca tallokaṃ yāvanmanvantaraṃ sati || kālaṃ ca suciraṃ vāsaṃ kurvaṃti tatra te janāḥ
Sanskrit only: no published translation is held for this verse.
ये ददति सुवर्णं च गां च ताम्रादिकं सति ।। ते यांति सूर्यलोकं च शुचये ब्राह्मणाय च
ye dadati suvarṇaṃ ca gāṃ ca tāmrādikaṃ sati || te yāṃti sūryalokaṃ ca śucaye brāhmaṇāya ca
Sanskrit only: no published translation is held for this verse.
वसन्ति तत्र ते लोके वर्षाणामयुतं सति ।। विपुले च चिरं वासं कुर्वंति च निरामयाः
vasanti tatra te loke varṣāṇāmayutaṃ sati || vipule ca ciraṃ vāsaṃ kurvaṃti ca nirāmayāḥ
Sanskrit only: no published translation is held for this verse.
ददाति भूमिं विप्रेभ्यो धान्यानि विपुलानि च ।। स याति विष्णुलोकं च श्वेतद्वीपं मनोहरम्
dadāti bhūmiṃ viprebhyo dhānyāni vipulāni ca || sa yāti viṣṇulokaṃ ca śvetadvīpaṃ manoharam
Sanskrit only: no published translation is held for this verse.
तत्रैव निवसत्येव यावच्चन्द्रदिवाकरौ ।। विपुलं विपुले वासं करोति पुण्यवान्सति
tatraiva nivasatyeva yāvaccandradivākarau || vipulaṃ vipule vāsaṃ karoti puṇyavānsati
Sanskrit only: no published translation is held for this verse.
गृहं ददंति विप्राय ये जना भक्तिपूर्वकम् ।। ते यांति सुरलोकं च चिरं तत्र भवंति ते
gṛhaṃ dadaṃti viprāya ye janā bhaktipūrvakam || te yāṃti suralokaṃ ca ciraṃ tatra bhavaṃti te
Sanskrit only: no published translation is held for this verse.
गृहरेणुप्रमाणाब्दं दानं पुण्यदिने यदि ।। विपुलं विपुले वासं कुर्वंति मानवाः सति
gṛhareṇupramāṇābdaṃ dānaṃ puṇyadine yadi || vipulaṃ vipule vāsaṃ kurvaṃti mānavāḥ sati
Sanskrit only: no published translation is held for this verse.
यस्मै यस्मै च देवाय यो ददाति गृहं नरः।। स याति तस्य लोकं च रेणुमानाब्दमेव च
yasmai yasmai ca devāya yo dadāti gṛhaṃ naraḥ|| sa yāti tasya lokaṃ ca reṇumānābdameva ca
Sanskrit only: no published translation is held for this verse.
सौधे चतुर्गुणं पुण्यं पूर्त्ते शतगुणं फलम् ।। प्रकृष्टेऽष्टगुणं तस्मादित्याह कमलोद्भवः
saudhe caturguṇaṃ puṇyaṃ pūrtte śataguṇaṃ phalam || prakṛṣṭe'ṣṭaguṇaṃ tasmādityāha kamalodbhavaḥ
Sanskrit only: no published translation is held for this verse.
यो ददाति तडागं च सर्वभूताय भारते ।। स याति जनलोकं च वर्षाणामयुतं सति
yo dadāti taḍāgaṃ ca sarvabhūtāya bhārate || sa yāti janalokaṃ ca varṣāṇāmayutaṃ sati
Sanskrit only: no published translation is held for this verse.
वाप्यां फलं शतगुणं प्राप्नोति मानवस्ततः ।। तथा सेतुप्रदानेन तडागस्य फलं लभेत्
vāpyāṃ phalaṃ śataguṇaṃ prāpnoti mānavastataḥ || tathā setupradānena taḍāgasya phalaṃ labhet
Sanskrit only: no published translation is held for this verse.
धनुश्चतुःसहस्रेण दैर्घ्यमानेन निश्चितम् ।। न्यूना वा तावती प्रस्थे सा वापी परिकीर्त्तिता
dhanuścatuḥsahasreṇa dairghyamānena niścitam || nyūnā vā tāvatī prasthe sā vāpī parikīrttitā
Sanskrit only: no published translation is held for this verse.
दशवापीसमा कन्या यदि पात्रे प्रदीयते ।। फलं ददाति द्विगुणं यदि सालंकृता भवेत्
daśavāpīsamā kanyā yadi pātre pradīyate || phalaṃ dadāti dviguṇaṃ yadi sālaṃkṛtā bhavet
Sanskrit only: no published translation is held for this verse.
तत्फलं च तडागे च पङ्कोद्धारेण तत्फलम् ।। वाप्याश्च पंकोद्धारेण वापीतुल्यफलं लभेत्
tatphalaṃ ca taḍāge ca paṅkoddhāreṇa tatphalam || vāpyāśca paṃkoddhāreṇa vāpītulyaphalaṃ labhet
Sanskrit only: no published translation is held for this verse.
अश्वत्थवृक्षमारोप्य प्रतिष्ठां च करोति यः ।। स याति तपसो लोकं वर्षाणामयुतं परम्
aśvatthavṛkṣamāropya pratiṣṭhāṃ ca karoti yaḥ || sa yāti tapaso lokaṃ varṣāṇāmayutaṃ param
Sanskrit only: no published translation is held for this verse.
पुष्पोद्यानं यो ददाति सावित्रि सर्वभूतये ।। स वसेद्ध्रुवलोके च वर्षाणामयुतं ध्रुवम्
puṣpodyānaṃ yo dadāti sāvitri sarvabhūtaye || sa vaseddhruvaloke ca varṣāṇāmayutaṃ dhruvam
Sanskrit only: no published translation is held for this verse.
यो ददाति विमानं च विष्णवे भारते सति ।। विष्णुलोके वसेत्सोऽपि यावन्मन्वन्तरं परम्
yo dadāti vimānaṃ ca viṣṇave bhārate sati || viṣṇuloke vasetso'pi yāvanmanvantaraṃ param
Sanskrit only: no published translation is held for this verse.
चित्रयुक्ते च विपुले फलं तस्य चतुर्गुणम्।। रथार्धं शिबिकादाने फलमेव लभेद्ध्रुवम्
citrayukte ca vipule phalaṃ tasya caturguṇam|| rathārdhaṃ śibikādāne phalameva labheddhruvam
Sanskrit only: no published translation is held for this verse.
यो ददाति भक्तियुक्तो हरये दोलमन्दिरम् ।। विष्णुलोके वसेत्सोऽपि यावन्मन्वतरं परम्
yo dadāti bhaktiyukto haraye dolamandiram || viṣṇuloke vasetso'pi yāvanmanvataraṃ param
Sanskrit only: no published translation is held for this verse.
राजमार्गं सौधयुक्तं यः करोति पतिव्रते ।। वर्षाणामयुतं सोऽपि शक्रलोके महीयते
rājamārgaṃ saudhayuktaṃ yaḥ karoti pativrate || varṣāṇāmayutaṃ so'pi śakraloke mahīyate
Sanskrit only: no published translation is held for this verse.
ब्राह्मणेभ्योऽपि देवेभ्यो दाने समफलं लभेत् ।। यच्च दत्तं हि तद्भोक्तुर्न दत्तं नोपतिष्ठते
brāhmaṇebhyo'pi devebhyo dāne samaphalaṃ labhet || yacca dattaṃ hi tadbhokturna dattaṃ nopatiṣṭhate
Sanskrit only: no published translation is held for this verse.
भुक्त्वा स्वर्गादिकं सौख्यं पुनरायान्ति भारते ।। लभेद्विप्रकुलेष्वेव क्रमेणैवोत्तमादिषु
bhuktvā svargādikaṃ saukhyaṃ punarāyānti bhārate || labhedviprakuleṣveva krameṇaivottamādiṣu
Sanskrit only: no published translation is held for this verse.
भारते पुण्यवान्विप्रो भुक्त्वा स्वर्गादिकं परम् ।। पुनः सोऽपि भवेद्विप्रो न पुनः क्षत्रियादयः
bhārate puṇyavānvipro bhuktvā svargādikaṃ param || punaḥ so'pi bhavedvipro na punaḥ kṣatriyādayaḥ
Sanskrit only: no published translation is held for this verse.
क्षत्रियो वाऽपि वैश्यो वा कल्पकोटिशतेन च ।। तपसा ब्राह्मणत्वं च न प्राप्नोति श्रुतौ श्रुतम्
kṣatriyo vā'pi vaiśyo vā kalpakoṭiśatena ca || tapasā brāhmaṇatvaṃ ca na prāpnoti śrutau śrutam
Sanskrit only: no published translation is held for this verse.
स्वधर्मरहिता विप्रा नानायोनिं व्रजन्ति च ।। भुक्त्वा च कर्मभागं च विप्रयोनिं लभेत्पुनः
svadharmarahitā viprā nānāyoniṃ vrajanti ca || bhuktvā ca karmabhāgaṃ ca viprayoniṃ labhetpunaḥ
Sanskrit only: no published translation is held for this verse.
नाभुक्तं क्षीयते कर्म्म कल्पकोटिशतैरपि ।। अवश्यवमेव भोक्तव्यं कल्पकोटिशतैरपि
nābhuktaṃ kṣīyate karmma kalpakoṭiśatairapi || avaśyavameva bhoktavyaṃ kalpakoṭiśatairapi
Sanskrit only: no published translation is held for this verse.
अवश्यमेव भोक्तव्यं कृतं कर्म शुभाशुभम्।। देवतीर्थे सहायेन कायव्यूहेन शुध्यति
avaśyameva bhoktavyaṃ kṛtaṃ karma śubhāśubham|| devatīrthe sahāyena kāyavyūhena śudhyati
Sanskrit only: no published translation is held for this verse.
एतत्ते कथितं सर्वं किं भूयः श्रोतुमिच्छसि
etatte kathitaṃ sarvaṃ kiṃ bhūyaḥ śrotumicchasi
Sanskrit only: no published translation is held for this verse.