Library·Brahmavaivarta Purāṇa·2·2.27
सावित्र्युवाच ।। प्रयांति स्वर्गमन्यं च येन येनैव कर्म्मणा।। मानवाः पुण्यवन्तश्च तन्मे व्याख्यातुमर्हसि
sāvitryuvāca || prayāṃti svargamanyaṃ ca yena yenaiva karmmaṇā|| mānavāḥ puṇyavantaśca tanme vyākhyātumarhasi
Sanskrit only: no published translation is held for this verse.
यम उवाच ।। अन्नदानं च विप्राय यः करोति च भारते ।। अन्नप्रमाणवर्ष च शक्रलोके महीयते
yama uvāca || annadānaṃ ca viprāya yaḥ karoti ca bhārate || annapramāṇavarṣa ca śakraloke mahīyate
Sanskrit only: no published translation is held for this verse.
अन्नदानात्परं दानं न भूतं न भविष्यति ।। नात्र पात्रपरीक्षा स्यान्न कालनियमः क्वचित्
annadānātparaṃ dānaṃ na bhūtaṃ na bhaviṣyati || nātra pātraparīkṣā syānna kālaniyamaḥ kvacit
Sanskrit only: no published translation is held for this verse.
देवेभ्यो ब्राह्मणेभ्यो वा ददाति चासनं यदि ।। महीयते वह्निलोके वर्षाणामयुतं ध्रुवम्
devebhyo brāhmaṇebhyo vā dadāti cāsanaṃ yadi || mahīyate vahniloke varṣāṇāmayutaṃ dhruvam
Sanskrit only: no published translation is held for this verse.
यो ददाति च विप्राय दिव्यां धेनुं पयस्विनीम् ।। तल्लोममानवर्णं च वैकुण्ठे च महीयते
yo dadāti ca viprāya divyāṃ dhenuṃ payasvinīm || tallomamānavarṇaṃ ca vaikuṇṭhe ca mahīyate
Sanskrit only: no published translation is held for this verse.
चतुर्गुणं पुण्यदिने तीर्थे शतगुणं फलम् ।। दानं नारायणक्षेत्रे फलं कोटिगुणं भवेत्
caturguṇaṃ puṇyadine tīrthe śataguṇaṃ phalam || dānaṃ nārāyaṇakṣetre phalaṃ koṭiguṇaṃ bhavet
Sanskrit only: no published translation is held for this verse.
गां यो ददाति विप्राय भारते भक्तिपूर्वकम् ।। वर्षाणामयुतं चैव चन्द्रलोके महीयते
gāṃ yo dadāti viprāya bhārate bhaktipūrvakam || varṣāṇāmayutaṃ caiva candraloke mahīyate
Sanskrit only: no published translation is held for this verse.
यश्चोभयमुखीदानं करोति ब्राह्मणाय च ।। तल्लोममानवर्षं च वैकुण्ठे च महीयते
yaścobhayamukhīdānaṃ karoti brāhmaṇāya ca || tallomamānavarṣaṃ ca vaikuṇṭhe ca mahīyate
Sanskrit only: no published translation is held for this verse.
यो ददाति ब्राह्मणाय शालिग्रामं सवस्त्रकम् ।। महीयते स वैकुण्ठे यावच्चन्द्रदिवाकरौ
yo dadāti brāhmaṇāya śāligrāmaṃ savastrakam || mahīyate sa vaikuṇṭhe yāvaccandradivākarau
Sanskrit only: no published translation is held for this verse.
यो ददाति ब्राह्मणाय छत्रं च सुमनोहरम् ।। वर्षाणामयुतं सोऽपि मोदते वरुणालये
yo dadāti brāhmaṇāya chatraṃ ca sumanoharam || varṣāṇāmayutaṃ so'pi modate varuṇālaye
Sanskrit only: no published translation is held for this verse.
विप्राय पादुकायुग्मं यो ददाति च भारते ।। महीयते वायुलोके वर्षाणामयुतं सति
viprāya pādukāyugmaṃ yo dadāti ca bhārate || mahīyate vāyuloke varṣāṇāmayutaṃ sati
Sanskrit only: no published translation is held for this verse.
यो ददाति ब्राह्मणाय शय्यां दिव्यां मनोहराम्।। महीयते चन्द्रलोके यावच्चन्द्रदिवाकरौ
yo dadāti brāhmaṇāya śayyāṃ divyāṃ manoharām|| mahīyate candraloke yāvaccandradivākarau
Sanskrit only: no published translation is held for this verse.
यो ददाति प्रदीपं च देवाय ब्राह्मणाय च ।। यावन्मन्वन्तरं सोऽपि ब्रह्मलोके महीयते
yo dadāti pradīpaṃ ca devāya brāhmaṇāya ca || yāvanmanvantaraṃ so'pi brahmaloke mahīyate
Sanskrit only: no published translation is held for this verse.
सम्प्राप्य मानवीं योनिं चक्षुष्मांश्च भवेद्ध्रुवम् ।। न याति यमलोकं च तेन पुण्येन सुन्दरि
samprāpya mānavīṃ yoniṃ cakṣuṣmāṃśca bhaveddhruvam || na yāti yamalokaṃ ca tena puṇyena sundari
Sanskrit only: no published translation is held for this verse.
करोति गजदानं च यो हि विप्राय भारते।। यावदिन्द्रादिदेवस्य लोके चार्धासने वसेत्
karoti gajadānaṃ ca yo hi viprāya bhārate|| yāvadindrādidevasya loke cārdhāsane vaset
Sanskrit only: no published translation is held for this verse.
भारते योऽश्वदानं च करोति ब्राह्मणाय च ।। मोदते वारुणे लोके यावदिन्द्राश्चतुर्दश
bhārate yo'śvadānaṃ ca karoti brāhmaṇāya ca || modate vāruṇe loke yāvadindrāścaturdaśa
Sanskrit only: no published translation is held for this verse.
प्रकृष्टां शिबिकां यो हि ददाति ब्राह्मणाय च ।। महीयते विष्णुलोके यावन्मन्वन्तरं सति
prakṛṣṭāṃ śibikāṃ yo hi dadāti brāhmaṇāya ca || mahīyate viṣṇuloke yāvanmanvantaraṃ sati
Sanskrit only: no published translation is held for this verse.
यो ददाति च विप्राय व्यजनं श्वेतचामरम् ।। महीयते वायुलोके वर्षाणामयुतं ध्रुवम्
yo dadāti ca viprāya vyajanaṃ śvetacāmaram || mahīyate vāyuloke varṣāṇāmayutaṃ dhruvam
Sanskrit only: no published translation is held for this verse.
धान्याचलं यो ददाति ब्राह्मणाय च भारते ।। स च धान्यप्रमाणाब्दं विष्णुलोके महीयते
dhānyācalaṃ yo dadāti brāhmaṇāya ca bhārate || sa ca dhānyapramāṇābdaṃ viṣṇuloke mahīyate
Sanskrit only: no published translation is held for this verse.
ततः स्वयोनिं संप्राप्य चिरजीवी भवेत्सुखी ।। दाता ग्रहीता तौ द्वौ च ध्रुवं वैकुण्ठगामिनौ
tataḥ svayoniṃ saṃprāpya cirajīvī bhavetsukhī || dātā grahītā tau dvau ca dhruvaṃ vaikuṇṭhagāminau
Sanskrit only: no published translation is held for this verse.
सततं श्रीहरेर्नाम भारते यो जपेन्नरः ।। स एव चिरजीवी च ततो मृत्युः पलायते
satataṃ śrīharernāma bhārate yo japennaraḥ || sa eva cirajīvī ca tato mṛtyuḥ palāyate
Sanskrit only: no published translation is held for this verse.
यो नरो भारते वर्षे दोलनं कारयेद्धरेः ।। पूर्णिमारजनीशेषे जीवन्मुक्तो भवेन्नरः
yo naro bhārate varṣe dolanaṃ kārayeddhareḥ || pūrṇimārajanīśeṣe jīvanmukto bhavennaraḥ
Sanskrit only: no published translation is held for this verse.
इह लोके सुखं भुक्त्वा यात्यन्ते विष्णुमन्दिरम्।। निश्चितं निवसेत्तत्र शतमन्वन्तरावधि
iha loke sukhaṃ bhuktvā yātyante viṣṇumandiram|| niścitaṃ nivasettatra śatamanvantarāvadhi
Sanskrit only: no published translation is held for this verse.
फलमुत्तरफाल्गुन्यां ततोऽपि द्विगुणं भवेत् ।। कल्पान्तजीवी स भवेदित्याह कमलोद्भवः
phalamuttaraphālgunyāṃ tato'pi dviguṇaṃ bhavet || kalpāntajīvī sa bhavedityāha kamalodbhavaḥ
Sanskrit only: no published translation is held for this verse.
तिलदानं ब्राह्मणाय यः करोति च भारते ।। तिलप्रमाणवर्षं च मोदते विष्णुमन्दिरे
tiladānaṃ brāhmaṇāya yaḥ karoti ca bhārate || tilapramāṇavarṣaṃ ca modate viṣṇumandire
Sanskrit only: no published translation is held for this verse.
ततः स्वयोनिं संप्राप्य चिरजीवी भवेत्सुखी।। ताम्रपात्रस्थदानेन द्विगुणं च फलं लभेत्
tataḥ svayoniṃ saṃprāpya cirajīvī bhavetsukhī|| tāmrapātrasthadānena dviguṇaṃ ca phalaṃ labhet
Sanskrit only: no published translation is held for this verse.
सालंकृतां च भोग्यां च सवस्त्रां सुन्दरीं प्रियाम्।। यो ददाति ब्राह्मणा य भारते च पतिव्रताम्
sālaṃkṛtāṃ ca bhogyāṃ ca savastrāṃ sundarīṃ priyām|| yo dadāti brāhmaṇā ya bhārate ca pativratām
Sanskrit only: no published translation is held for this verse.
महीयते चन्द्रलोके यावदिन्द्राश्चतुर्दश ।। तत्र स्वर्वेश्यया सार्द्धं मोदते च दिवानिशम्
mahīyate candraloke yāvadindrāścaturdaśa || tatra svarveśyayā sārddhaṃ modate ca divāniśam
Sanskrit only: no published translation is held for this verse.
ततो गन्धर्वलोके च वर्षाणामयुतं सति ।। दिवानिशं कौतुकेन चोर्वश्या सह मोदते
tato gandharvaloke ca varṣāṇāmayutaṃ sati || divāniśaṃ kautukena corvaśyā saha modate
Sanskrit only: no published translation is held for this verse.
ततो जन्मसहस्रं च प्राप्नोति सुन्दरीं प्रियाम् ।। सतीं सौभाग्ययुक्तां च कोमलां प्रियवादिनीम्
tato janmasahasraṃ ca prāpnoti sundarīṃ priyām || satīṃ saubhāgyayuktāṃ ca komalāṃ priyavādinīm
Sanskrit only: no published translation is held for this verse.
ददाति सफलं वृक्षं ब्राह्मणाय च यो नरः ।। फलप्रमाणवर्षं च शक्रलोके महीयते
dadāti saphalaṃ vṛkṣaṃ brāhmaṇāya ca yo naraḥ || phalapramāṇavarṣaṃ ca śakraloke mahīyate
Sanskrit only: no published translation is held for this verse.
पुनः स्वयोनिं संप्राप्य लभते सुतमुत्तमम् ।। सफलानां च वृक्षाणां सहस्रं च प्रशंसितम्
punaḥ svayoniṃ saṃprāpya labhate sutamuttamam || saphalānāṃ ca vṛkṣāṇāṃ sahasraṃ ca praśaṃsitam
Sanskrit only: no published translation is held for this verse.
केवलं फलदानं च ब्राह्मणाय ददाति यः ।। सुचिरं स्वर्गवासं च कृत्वा याति च भारतम्
kevalaṃ phaladānaṃ ca brāhmaṇāya dadāti yaḥ || suciraṃ svargavāsaṃ ca kṛtvā yāti ca bhāratam
Sanskrit only: no published translation is held for this verse.
नानाद्रव्यसमायुक्तं नानासस्यसमन्वितम् ।। ददाति यश्च विप्राय भारते विपुलं गृहम्
nānādravyasamāyuktaṃ nānāsasyasamanvitam || dadāti yaśca viprāya bhārate vipulaṃ gṛham
Sanskrit only: no published translation is held for this verse.
कुबेरलोके वसति स च मन्वन्तरावधि ।। ततः स्वयोनिं संप्राप्य महांश्च धनवान्भवेत्
kuberaloke vasati sa ca manvantarāvadhi || tataḥ svayoniṃ saṃprāpya mahāṃśca dhanavānbhavet
Sanskrit only: no published translation is held for this verse.
यो जनः सस्यसंयुक्तां भूमिं च रुचिरां सति ।। ददाति भक्त्या विप्राय पुण्यक्षेत्रे च वा सति।।
yo janaḥ sasyasaṃyuktāṃ bhūmiṃ ca rucirāṃ sati || dadāti bhaktyā viprāya puṇyakṣetre ca vā sati||
Sanskrit only: no published translation is held for this verse.
महीयते स वैकुण्ठे मन्वन्तरशतं ध्रुवम् ।। पुनः स्वयोनिं संप्राप्य महांश्च भूमिवान्भवेत्
mahīyate sa vaikuṇṭhe manvantaraśataṃ dhruvam || punaḥ svayoniṃ saṃprāpya mahāṃśca bhūmivānbhavet
Sanskrit only: no published translation is held for this verse.
तं न त्यजति भूमिश्च जन्मनां शतकं परम् ।। श्रीमांश्च धनवांश्चैव पुत्रवांश्च प्रजेश्वरः
taṃ na tyajati bhūmiśca janmanāṃ śatakaṃ param || śrīmāṃśca dhanavāṃścaiva putravāṃśca prajeśvaraḥ
Sanskrit only: no published translation is held for this verse.
सप्रजं च प्रकृष्टं च ग्रामं दद्याद्द्विजातये ।। लक्षमन्वन्तरं चैव वैकुण्ठे स महीयते
saprajaṃ ca prakṛṣṭaṃ ca grāmaṃ dadyāddvijātaye || lakṣamanvantaraṃ caiva vaikuṇṭhe sa mahīyate
Sanskrit only: no published translation is held for this verse.
पुनः स्वयोनिं संप्राप्य ग्रामलक्षं लभेद्ध्रुवम् ।। न जहाति च तं पृथ्वी जन्मनां लक्षमेव च
punaḥ svayoniṃ saṃprāpya grāmalakṣaṃ labheddhruvam || na jahāti ca taṃ pṛthvī janmanāṃ lakṣameva ca
Sanskrit only: no published translation is held for this verse.
सप्रजं सुप्रकृष्टं च पञ्चसस्यसमन्वितम् ।। नानापुष्करिणीवृक्षफलभोगसमन्वितम्
saprajaṃ suprakṛṣṭaṃ ca pañcasasyasamanvitam || nānāpuṣkariṇīvṛkṣaphalabhogasamanvitam
Sanskrit only: no published translation is held for this verse.
नगरं यश्च विप्राय ददाति भारते भुवि ।। महीयते स वैकुण्ठे दशलक्षेन्द्रकालकम्
nagaraṃ yaśca viprāya dadāti bhārate bhuvi || mahīyate sa vaikuṇṭhe daśalakṣendrakālakam
Sanskrit only: no published translation is held for this verse.
पुनः स्वयोनिं संप्राप्य राजेन्द्रो भारते भवेत्।। नगराणां च नियुतं लभते नात्र संशयः।।
punaḥ svayoniṃ saṃprāpya rājendro bhārate bhavet|| nagarāṇāṃ ca niyutaṃ labhate nātra saṃśayaḥ||
Sanskrit only: no published translation is held for this verse.
धरा तं न जहात्येव जन्मनां नियुतं ध्रुवम् ।। परमैश्वर्य संयुक्तो भवेदेव महीतले
dharā taṃ na jahātyeva janmanāṃ niyutaṃ dhruvam || paramaiśvarya saṃyukto bhavedeva mahītale
Sanskrit only: no published translation is held for this verse.
वापीतडागसंयुक्तं नानावृक्षसमन्वितम् ।। महीयते स वैकुण्ठे कोटिमन्वन्तरावधि
vāpītaḍāgasaṃyuktaṃ nānāvṛkṣasamanvitam || mahīyate sa vaikuṇṭhe koṭimanvantarāvadhi
Sanskrit only: no published translation is held for this verse.
पुनः स्वयोनिं संप्राप्य जम्बूद्वीपपतिर्भवेत् ।। परमैश्वर्य्यसंयुक्तो यथा शक्रस्तथा भुवि
punaḥ svayoniṃ saṃprāpya jambūdvīpapatirbhavet || paramaiśvaryyasaṃyukto yathā śakrastathā bhuvi
Sanskrit only: no published translation is held for this verse.
मही तं न जहात्येव जन्मनां कोटिमेव च ।। कल्पान्तजीवी स भवेद्राजराजेश्वरो महान्
mahī taṃ na jahātyeva janmanāṃ koṭimeva ca || kalpāntajīvī sa bhavedrājarājeśvaro mahān
Sanskrit only: no published translation is held for this verse.
नगराणां च शतकं देशं यो हि द्विजातये ।। सुप्रकृष्टप्रजायुक्तं ददाति भक्तिपूर्वकम्
nagarāṇāṃ ca śatakaṃ deśaṃ yo hi dvijātaye || suprakṛṣṭaprajāyuktaṃ dadāti bhaktipūrvakam
Sanskrit only: no published translation is held for this verse.
जम्बूद्वीपं यो ददाति ब्राह्मणाय पतिव्रते ।। फलं शतगुणं चातो भवेत्तस्य न संशयः
jambūdvīpaṃ yo dadāti brāhmaṇāya pativrate || phalaṃ śataguṇaṃ cāto bhavettasya na saṃśayaḥ
Sanskrit only: no published translation is held for this verse.
सप्तद्वीपमहीदातुः सर्वतीर्थानुसेविनः।। सर्वेषां तपसां कर्त्तुः सर्वोपवासकारिणः
saptadvīpamahīdātuḥ sarvatīrthānusevinaḥ|| sarveṣāṃ tapasāṃ karttuḥ sarvopavāsakāriṇaḥ
Sanskrit only: no published translation is held for this verse.
सर्वदानप्रदातुश्च सर्वसिद्धेश्वरस्य च ।। अस्त्येव पुनरावृत्तिर्न भक्तस्य हरेरहो
sarvadānapradātuśca sarvasiddheśvarasya ca || astyeva punarāvṛttirna bhaktasya hareraho
Sanskrit only: no published translation is held for this verse.
असंख्यब्रह्मणा पातं पश्यन्ति वैष्णवाः सति ।। निवसन्ति हि गोलोके वैकुण्ठे वा हरेः पदे
asaṃkhyabrahmaṇā pātaṃ paśyanti vaiṣṇavāḥ sati || nivasanti hi goloke vaikuṇṭhe vā hareḥ pade
Sanskrit only: no published translation is held for this verse.
विष्णुमन्त्रोपासकश्च विहाय मानवीं तनुम्।। बिभर्त्ति दिव्यरूपं च जन्ममृत्युजरापहम्
viṣṇumantropāsakaśca vihāya mānavīṃ tanum|| bibhartti divyarūpaṃ ca janmamṛtyujarāpaham
Sanskrit only: no published translation is held for this verse.
लब्ध्वा विष्णोश्च सारूप्यं विष्णुसेवां करोति च।। स च पश्यति गोलोके ह्यसंख्यं प्राकृतं लयम्
labdhvā viṣṇośca sārūpyaṃ viṣṇusevāṃ karoti ca|| sa ca paśyati goloke hyasaṃkhyaṃ prākṛtaṃ layam
Sanskrit only: no published translation is held for this verse.
नश्यन्ति देवाः सिद्धाश्च विश्वानि निखिलानि च।। कृष्णभक्ता न नश्यन्ति जन्ममृत्युजराहराः
naśyanti devāḥ siddhāśca viśvāni nikhilāni ca|| kṛṣṇabhaktā na naśyanti janmamṛtyujarāharāḥ
Sanskrit only: no published translation is held for this verse.
कार्त्तिके तुलसीदानं करोति हरये च यः ।। युगं पत्रप्रमाणं च मोदते हरिमन्दिरे
kārttike tulasīdānaṃ karoti haraye ca yaḥ || yugaṃ patrapramāṇaṃ ca modate harimandire
Sanskrit only: no published translation is held for this verse.
पुनः स्वयोनिं संप्राप्य हरिभक्तिं लभेद्ध्रुवम् ।। सुखी च चिरजीवी च स भवेद्भारते भुवि
punaḥ svayoniṃ saṃprāpya haribhaktiṃ labheddhruvam || sukhī ca cirajīvī ca sa bhavedbhārate bhuvi
Sanskrit only: no published translation is held for this verse.
घृतप्रदीपं हरये कार्त्तिके यो ददाति च ।। पलप्रमाणं वर्षं च मोदते हरिमन्दिरे
ghṛtapradīpaṃ haraye kārttike yo dadāti ca || palapramāṇaṃ varṣaṃ ca modate harimandire
Sanskrit only: no published translation is held for this verse.
पुनः स्वयोनिं संप्राप्य विष्णुभक्तिं लभेद्ध्रुवम् ।। महाधनाढ्यः स भवेच्चक्षुष्मांश्चैव दीप्तिमान्
punaḥ svayoniṃ saṃprāpya viṣṇubhaktiṃ labheddhruvam || mahādhanāḍhyaḥ sa bhaveccakṣuṣmāṃścaiva dīptimān
Sanskrit only: no published translation is held for this verse.
माघे यः स्नाति गङ्गायामरुणोदयकालतः ।। युगषष्टिसहस्राणि मोदते हरिमन्दिरे
māghe yaḥ snāti gaṅgāyāmaruṇodayakālataḥ || yugaṣaṣṭisahasrāṇi modate harimandire
Sanskrit only: no published translation is held for this verse.
पुनः स्वयोनिं संप्राप्य विष्णुभक्तिं लभेद्ध्रुवम् ।। जितेन्द्रियाणां प्रवरः स भवेद्भारते भुवि
punaḥ svayoniṃ saṃprāpya viṣṇubhaktiṃ labheddhruvam || jitendriyāṇāṃ pravaraḥ sa bhavedbhārate bhuvi
Sanskrit only: no published translation is held for this verse.
माघे यः स्नाति गंगायां प्रयागे चारुणोदये ।। वैकुण्ठे मोदते सोऽपि लक्षमन्वन्तरावधि
māghe yaḥ snāti gaṃgāyāṃ prayāge cāruṇodaye || vaikuṇṭhe modate so'pi lakṣamanvantarāvadhi
Sanskrit only: no published translation is held for this verse.
पुनः स्वयोनिं संप्राप्य विष्णुमन्त्रं लभेद्ध्रुवम् ।। त्यक्त्वा च मानुषं देहं पुनर्याति हरेः पदम्
punaḥ svayoniṃ saṃprāpya viṣṇumantraṃ labheddhruvam || tyaktvā ca mānuṣaṃ dehaṃ punaryāti hareḥ padam
Sanskrit only: no published translation is held for this verse.
नास्ति तत्पुनरावृत्तिर्वैकुण्ठाच्च महीतले ।। करोति हरिदास्यं च लब्ध्वा सारूप्यमेव च
nāsti tatpunarāvṛttirvaikuṇṭhācca mahītale || karoti haridāsyaṃ ca labdhvā sārūpyameva ca
Sanskrit only: no published translation is held for this verse.
नित्यस्नायी च गङ्गायां स पूतः सूर्य्यवद्भुवि ।। पदे पदेऽश्वमेधस्य लभते निश्चितं फलम्
nityasnāyī ca gaṅgāyāṃ sa pūtaḥ sūryyavadbhuvi || pade pade'śvamedhasya labhate niścitaṃ phalam
Sanskrit only: no published translation is held for this verse.
तस्यैव पादरजसा सद्यः पूता वसुन्धरा ।। मोदते स च वैकुण्ठे यावच्चन्द्रदिवाकरौ
tasyaiva pādarajasā sadyaḥ pūtā vasundharā || modate sa ca vaikuṇṭhe yāvaccandradivākarau
Sanskrit only: no published translation is held for this verse.
पुनः स्वयोनिं संप्राप्य तपस्विप्रवरो भवेत् ।। स्वधर्मनिरतः शुद्धो विद्वांश्च सुजितेन्द्रियः
punaḥ svayoniṃ saṃprāpya tapasvipravaro bhavet || svadharmanirataḥ śuddho vidvāṃśca sujitendriyaḥ
Sanskrit only: no published translation is held for this verse.
मीनकर्कटयोर्मध्ये गाढं तपति भास्करे ।। भारते यो ददात्येव जलमेव सुवासितम्
mīnakarkaṭayormadhye gāḍhaṃ tapati bhāskare || bhārate yo dadātyeva jalameva suvāsitam
Sanskrit only: no published translation is held for this verse.
मोदते स च वैकुण्ठे यावदिन्द्राश्चतुर्दश ।। पुनः स्वयोनिं संप्राप्य सुखी निष्कपटो भवेत्
modate sa ca vaikuṇṭhe yāvadindrāścaturdaśa || punaḥ svayoniṃ saṃprāpya sukhī niṣkapaṭo bhavet
Sanskrit only: no published translation is held for this verse.
वैशाखे हरये भक्त्या यो ददाति च चन्दनम् ।। युगषष्टिसहस्राणि मोदते विष्णुमन्दिरे ।। पुनः स्वयोनिं संप्राप्य रूपवांश्च सुखी भवेत्
vaiśākhe haraye bhaktyā yo dadāti ca candanam || yugaṣaṣṭisahasrāṇi modate viṣṇumandire || punaḥ svayoniṃ saṃprāpya rūpavāṃśca sukhī bhavet
Sanskrit only: no published translation is held for this verse.
वैशाखे सक्तुदानं च यः करोति द्विजातये ।। सक्तुरेणुप्रमाणाब्दं मोदते विष्णुमन्दिरे
vaiśākhe saktudānaṃ ca yaḥ karoti dvijātaye || saktureṇupramāṇābdaṃ modate viṣṇumandire
Sanskrit only: no published translation is held for this verse.
करोति भारते यो हि कृष्णजन्माष्टमीव्रतम् ।। शतजन्मकृतात्पापान्मुच्यते नात्र संशयः
karoti bhārate yo hi kṛṣṇajanmāṣṭamīvratam || śatajanmakṛtātpāpānmucyate nātra saṃśayaḥ
Sanskrit only: no published translation is held for this verse.
वैकुण्ठे मोदते सोऽपि यावदिन्द्राश्चतुर्दश ।। पुनः स्वयोनिं संप्राप्य कृष्णभक्तिं लभेद्ध्रुवम्
vaikuṇṭhe modate so'pi yāvadindrāścaturdaśa || punaḥ svayoniṃ saṃprāpya kṛṣṇabhaktiṃ labheddhruvam
Sanskrit only: no published translation is held for this verse.
शिवाय शिवरात्रौ च बिल्वपत्रं ददाति यः ।। पत्रप्रमाणं च युगं मोदते शिवमन्दिरे
śivāya śivarātrau ca bilvapatraṃ dadāti yaḥ || patrapramāṇaṃ ca yugaṃ modate śivamandire
Sanskrit only: no published translation is held for this verse.
पुनः स्वयोनिं संप्राप्य शिवभक्तिं लभेद्ध्रुवम् ।। विद्यावान्पुत्रवाञ्छ्रीमान्प्रजावान्भूमिवान्भवेत्
punaḥ svayoniṃ saṃprāpya śivabhaktiṃ labheddhruvam || vidyāvānputravāñchrīmānprajāvānbhūmivānbhavet
Sanskrit only: no published translation is held for this verse.
चैत्रमासेऽथवा माघे शङ्करं योऽर्चयेद्व्रती ।। करोति नर्त्तनं भक्त्या वेत्रपाणिर्दिवानिशम्
caitramāse'thavā māghe śaṅkaraṃ yo'rcayedvratī || karoti narttanaṃ bhaktyā vetrapāṇirdivāniśam
Sanskrit only: no published translation is held for this verse.
इहैव भारते वर्षे शिवरात्रिं करोति यः ।। मोदते शिवलोके च सप्तमन्वन्तरावधि
ihaiva bhārate varṣe śivarātriṃ karoti yaḥ || modate śivaloke ca saptamanvantarāvadhi
Sanskrit only: no published translation is held for this verse.
श्रीरामनवमीं यो हि करोति भारते नरः।। सप्तमन्वन्तरं यावन्मोदते विष्णुमन्दिरे
śrīrāmanavamīṃ yo hi karoti bhārate naraḥ|| saptamanvantaraṃ yāvanmodate viṣṇumandire
Sanskrit only: no published translation is held for this verse.
पुनः स्वयोनिं संप्राप्य रामभक्तिं लभेद्ध्रुवम् ।। जितेन्द्रियाणां प्रवरो महांश्च धार्मिको भवेत्
punaḥ svayoniṃ saṃprāpya rāmabhaktiṃ labheddhruvam || jitendriyāṇāṃ pravaro mahāṃśca dhārmiko bhavet
Sanskrit only: no published translation is held for this verse.
शारदीयां महापूजां प्रकृतेर्यः करोति च ।। महिषैश्छागलैर्मेषैरिक्षुकूष्माण्डकैस्तथा
śāradīyāṃ mahāpūjāṃ prakṛteryaḥ karoti ca || mahiṣaiśchāgalairmeṣairikṣukūṣmāṇḍakaistathā
Sanskrit only: no published translation is held for this verse.
नैवेद्यैरुपहारैश्च धूपदीपादिभिस्तथा ।। नृत्यगीतादिभिर्वाद्यैर्नानाकौतुकमङ्गलैः ।।
naivedyairupahāraiśca dhūpadīpādibhistathā || nṛtyagītādibhirvādyairnānākautukamaṅgalaiḥ ||
Sanskrit only: no published translation is held for this verse.
शिवलोके वसेत्सोऽपि सप्तमन्वन्तरावधि ।। पुनः स्वयोनिं संप्राप्य बुद्धिं च निर्मलां लभेत्
śivaloke vasetso'pi saptamanvantarāvadhi || punaḥ svayoniṃ saṃprāpya buddhiṃ ca nirmalāṃ labhet
Sanskrit only: no published translation is held for this verse.
अचलां श्रियमाप्नोति पुत्रपौत्रादिवर्द्धिनीम् ।। महाप्रभावयुक्तश्च गजवाजिसमन्वितः
acalāṃ śriyamāpnoti putrapautrādivarddhinīm || mahāprabhāvayuktaśca gajavājisamanvitaḥ
Sanskrit only: no published translation is held for this verse.
राजराजेश्वरः सोऽपि भवेदेव न संशयः ।। भाद्रशुक्लाष्टमीं प्राप्य महालक्ष्मीं च योऽर्चयेत्
rājarājeśvaraḥ so'pi bhavedeva na saṃśayaḥ || bhādraśuklāṣṭamīṃ prāpya mahālakṣmīṃ ca yo'rcayet
Sanskrit only: no published translation is held for this verse.
नित्यं भक्त्या पक्षमेकं पुण्यक्षेत्रे च भारते ।। दत्त्वा तस्यै प्रकृष्टानि चोपचाराणि षोडश
nityaṃ bhaktyā pakṣamekaṃ puṇyakṣetre ca bhārate || dattvā tasyai prakṛṣṭāni copacārāṇi ṣoḍaśa
Sanskrit only: no published translation is held for this verse.
वैकुण्ठे मोदते सोऽपि यावच्चन्द्रदिवाकरौ।। पुनः स्वयोनिं संप्राप्य राजराजेश्वरो भवेत्
vaikuṇṭhe modate so'pi yāvaccandradivākarau|| punaḥ svayoniṃ saṃprāpya rājarājeśvaro bhavet
Sanskrit only: no published translation is held for this verse.
कार्तिकीपूर्णिमायां च कृत्वा तु रासमण्डलम् ।। गोपानां शतकं कृत्वा गोपीनां शतकं तथा
kārtikīpūrṇimāyāṃ ca kṛtvā tu rāsamaṇḍalam || gopānāṃ śatakaṃ kṛtvā gopīnāṃ śatakaṃ tathā
Sanskrit only: no published translation is held for this verse.
शिलायां प्रतिमायां वा श्रीकृष्णं राधया सह ।। भारते पूजयेद्दत्त्वा चोपचाराणि षोडश
śilāyāṃ pratimāyāṃ vā śrīkṛṣṇaṃ rādhayā saha || bhārate pūjayeddattvā copacārāṇi ṣoḍaśa
Sanskrit only: no published translation is held for this verse.
गोलोके च वसेत्सोऽपि यावद्वै ब्रह्मणो वयः ।। भारतं पुनरागत्य हरिभक्तिं लभेद्ध्रुवम्
goloke ca vasetso'pi yāvadvai brahmaṇo vayaḥ || bhārataṃ punarāgatya haribhaktiṃ labheddhruvam
Sanskrit only: no published translation is held for this verse.
क्रमेण सुदृढां भक्तिं लब्ध्वा मन्त्रं हरेरपि ।। देहं त्यक्त्वा च गोलोकं पुनरेव प्रयाति सः
krameṇa sudṛḍhāṃ bhaktiṃ labdhvā mantraṃ harerapi || dehaṃ tyaktvā ca golokaṃ punareva prayāti saḥ
Sanskrit only: no published translation is held for this verse.
तत्र कृष्णस्य सारूप्यं संप्राप्य पार्षदो भवेत् ।। पुनस्तत्पतनं नास्ति जरामृत्युहरो महान्
tatra kṛṣṇasya sārūpyaṃ saṃprāpya pārṣado bhavet || punastatpatanaṃ nāsti jarāmṛtyuharo mahān
Sanskrit only: no published translation is held for this verse.
शुक्लां वाऽप्यथवा कृष्णां करोत्येकादशीं च यः ।। वैकुण्ठे मोदते सोऽपि यावद्वै ब्रह्मणो वयः
śuklāṃ vā'pyathavā kṛṣṇāṃ karotyekādaśīṃ ca yaḥ || vaikuṇṭhe modate so'pi yāvadvai brahmaṇo vayaḥ
Sanskrit only: no published translation is held for this verse.
भारतं पुनरागत्य हरिभक्तिं लभेद्ध्रुवम् ।। पुनर्याति च वैकुण्ठं न तस्य पतनं भवेत्
bhārataṃ punarāgatya haribhaktiṃ labheddhruvam || punaryāti ca vaikuṇṭhaṃ na tasya patanaṃ bhavet
Sanskrit only: no published translation is held for this verse.
भाद्रे शुक्ले च द्वादश्यां यः शक्रं पूजयेन्नरः ।। षष्टिवर्षसहस्राणि शक्रलोके महीयते
bhādre śukle ca dvādaśyāṃ yaḥ śakraṃ pūjayennaraḥ || ṣaṣṭivarṣasahasrāṇi śakraloke mahīyate
Sanskrit only: no published translation is held for this verse.
रविवारेऽर्कसंक्रान्त्यां सप्तम्यां शुक्लपक्षतः ।। सम्पूज्यार्कं हविष्यान्नं यः करोति च भारते
ravivāre'rkasaṃkrāntyāṃ saptamyāṃ śuklapakṣataḥ || sampūjyārkaṃ haviṣyānnaṃ yaḥ karoti ca bhārate
Sanskrit only: no published translation is held for this verse.
महीयते सोऽर्कलोके यावच्चन्द्रदिवाकरौ ।। भारतं पुनरागत्य चारोगी श्रीयुतो भवेत्
mahīyate so'rkaloke yāvaccandradivākarau || bhārataṃ punarāgatya cārogī śrīyuto bhavet
Sanskrit only: no published translation is held for this verse.
ज्येष्ठशुक्लचतुर्दश्यां सावित्रीं यो हि पूजयेत् ।। महीयते ब्रह्मलोके सप्तमन्वन्तरावधि
jyeṣṭhaśuklacaturdaśyāṃ sāvitrīṃ yo hi pūjayet || mahīyate brahmaloke saptamanvantarāvadhi
Sanskrit only: no published translation is held for this verse.
पुनर्महीं समागत्य श्रीमानतुलविक्रमः ।। चिरजीवी भवेत्सोऽपि ज्ञानवान्सम्पदा युतः
punarmahīṃ samāgatya śrīmānatulavikramaḥ || cirajīvī bhavetso'pi jñānavānsampadā yutaḥ
Sanskrit only: no published translation is held for this verse.
माघस्य शुक्लपञ्चम्यां पूजयेद्यः सरस्वतीम् ।। संयतो भक्तितो दत्त्वा चोपचाराणि षोडश
māghasya śuklapañcamyāṃ pūjayedyaḥ sarasvatīm || saṃyato bhaktito dattvā copacārāṇi ṣoḍaśa
Sanskrit only: no published translation is held for this verse.
महीयते स वैकुण्ठे यावद्ब्रह्मदिवानिशम् ।। संप्राप्य च पुनर्जन्म स भवेत्कविपण्डितः
mahīyate sa vaikuṇṭhe yāvadbrahmadivāniśam || saṃprāpya ca punarjanma sa bhavetkavipaṇḍitaḥ
Sanskrit only: no published translation is held for this verse.
गां सुवर्णादिकं यो हि ब्राह्मणाय ददाति च ।। नित्यं जीवनपर्यन्तं भक्तियुक्तश्च भारते
gāṃ suvarṇādikaṃ yo hi brāhmaṇāya dadāti ca || nityaṃ jīvanaparyantaṃ bhaktiyuktaśca bhārate
Sanskrit only: no published translation is held for this verse.
गवां लोमप्रमाणाब्दं द्विगुणं विष्णुमन्दिरे ।। मोदते हरिणा सार्द्धं क्रीडाकौतुकमङ्गलैः
gavāṃ lomapramāṇābdaṃ dviguṇaṃ viṣṇumandire || modate hariṇā sārddhaṃ krīḍākautukamaṅgalaiḥ
Sanskrit only: no published translation is held for this verse.
ततः पुनरिहागत्य विष्णुभक्तिं लभेद्ध्रुवम् ।। ततः पुनरिहागत्य राजराजेश्वरो भवेत् ।। गोमांश्च पुत्रवान्विद्वाञ्ज्ञानवान्सर्वतः सुखी
tataḥ punarihāgatya viṣṇubhaktiṃ labheddhruvam || tataḥ punarihāgatya rājarājeśvaro bhavet || gomāṃśca putravānvidvāñjñānavānsarvataḥ sukhī
Sanskrit only: no published translation is held for this verse.
भोजयेद्यो हि मिष्टान्नं ब्राह्मणेभ्यश्च भारते ।। विप्रलोमप्रमाणाब्दं मोदते विष्णुमन्दिरे
bhojayedyo hi miṣṭānnaṃ brāhmaṇebhyaśca bhārate || vipralomapramāṇābdaṃ modate viṣṇumandire
Sanskrit only: no published translation is held for this verse.
ततः पुनरिहागत्य स सुखी धनवान्भवेत् ।। विद्वान्सुचिरजीवी च श्रीमानतुलविक्रमः
tataḥ punarihāgatya sa sukhī dhanavānbhavet || vidvānsucirajīvī ca śrīmānatulavikramaḥ
Sanskrit only: no published translation is held for this verse.
यो वक्ति वा ददात्येव हरेर्नामानि भारते ।। युगनामप्रमाणं च विष्णुलोके महीयते
yo vakti vā dadātyeva harernāmāni bhārate || yuganāmapramāṇaṃ ca viṣṇuloke mahīyate
Sanskrit only: no published translation is held for this verse.
ततः पुनरिहागत्य विष्णुभक्तिं लभेद्ध्रुवम् ।। यदि नारायणक्षेत्रे फलं कोटिगुणं लभेत्
tataḥ punarihāgatya viṣṇubhaktiṃ labheddhruvam || yadi nārāyaṇakṣetre phalaṃ koṭiguṇaṃ labhet
Sanskrit only: no published translation is held for this verse.
नाम्नां कोटिं हरेर्यो हि क्षेत्रे नारायणे जपेत् ।। सर्वपापविनिर्मुक्तो जीवन्मुक्तो भवेद्ध्रुवम्
nāmnāṃ koṭiṃ hareryo hi kṣetre nārāyaṇe japet || sarvapāpavinirmukto jīvanmukto bhaveddhruvam
Sanskrit only: no published translation is held for this verse.
लभते न पुनर्जन्म वैकुण्ठे स महीयते ।। लभेद्विष्णोश्च सारूप्यं न तस्य पतनं भवेत्
labhate na punarjanma vaikuṇṭhe sa mahīyate || labhedviṣṇośca sārūpyaṃ na tasya patanaṃ bhavet
Sanskrit only: no published translation is held for this verse.
यः शिवं पूजयेन्नित्यं कृत्वा लिङ्गं च पार्थिवम् ।। यावज्जीवनपर्य्यन्तं स याति शिवमन्दिरम्
yaḥ śivaṃ pūjayennityaṃ kṛtvā liṅgaṃ ca pārthivam || yāvajjīvanaparyyantaṃ sa yāti śivamandiram
Sanskrit only: no published translation is held for this verse.
मृदां रेणुप्रमाणाब्दं शिवलोके महीयते ।। ततः पुनरिहागत्य राजेन्द्रो भारते भवेत् ।।
mṛdāṃ reṇupramāṇābdaṃ śivaloke mahīyate || tataḥ punarihāgatya rājendro bhārate bhavet ||
Sanskrit only: no published translation is held for this verse.
शिलां च योऽर्चयेन्नित्यं शिलातोयं च भक्षति ।। महीयते स वैकुण्ठे यावद्वै ब्रह्मणः शतम्
śilāṃ ca yo'rcayennityaṃ śilātoyaṃ ca bhakṣati || mahīyate sa vaikuṇṭhe yāvadvai brahmaṇaḥ śatam
Sanskrit only: no published translation is held for this verse.
ततो लब्ध्वा पुनर्जन्म हरिभक्तिं सुदुर्लभाम् ।। महीयते विष्णुलोके न तस्य पतनं भवेत्
tato labdhvā punarjanma haribhaktiṃ sudurlabhām || mahīyate viṣṇuloke na tasya patanaṃ bhavet
Sanskrit only: no published translation is held for this verse.
तपांसि चैव सर्वाणि व्रतानि निखिलानि च।। कृत्वा तिष्ठति वैकुण्डे यावदिन्द्राश्चतुर्दश
tapāṃsi caiva sarvāṇi vratāni nikhilāni ca|| kṛtvā tiṣṭhati vaikuṇḍe yāvadindrāścaturdaśa
Sanskrit only: no published translation is held for this verse.
ततो लब्ध्वा पुनर्जन्म राजेन्द्रो भारते भवेत् ।। ततो मुक्तो भवेत्पश्चात्पुनर्जन्म न विद्यते
tato labdhvā punarjanma rājendro bhārate bhavet || tato mukto bhavetpaścātpunarjanma na vidyate
Sanskrit only: no published translation is held for this verse.
यः स्नाति सर्वर्तीर्थेषु भुवि कृत्वा प्रदक्षिणम् ।। स च निर्वाणतां याति न तज्जन्म भवेद्भुवि
yaḥ snāti sarvartīrtheṣu bhuvi kṛtvā pradakṣiṇam || sa ca nirvāṇatāṃ yāti na tajjanma bhavedbhuvi
Sanskrit only: no published translation is held for this verse.
पुण्यक्षेत्रे भारते च योऽश्वमेधं करोति च ।। अश्वलोमप्रमाणाब्दं शक्रस्यार्द्धासने वसेत्
puṇyakṣetre bhārate ca yo'śvamedhaṃ karoti ca || aśvalomapramāṇābdaṃ śakrasyārddhāsane vaset
Sanskrit only: no published translation is held for this verse.
चतुर्गुणं राजसूये फलमाप्नोति मानवः ।। नरमेधेऽश्वमेधार्द्धं गोमेधे च तदेव च
caturguṇaṃ rājasūye phalamāpnoti mānavaḥ || naramedhe'śvamedhārddhaṃ gomedhe ca tadeva ca
Sanskrit only: no published translation is held for this verse.
पुत्रेष्टौ च तदर्धं च सुपुत्रं च लभेद्ध्रुवम्।। लभते लाङ्गलेष्टौ च गोमेधसदृशं फलम्
putreṣṭau ca tadardhaṃ ca suputraṃ ca labheddhruvam|| labhate lāṅgaleṣṭau ca gomedhasadṛśaṃ phalam
Sanskrit only: no published translation is held for this verse.
तत्समानं च विप्रेष्टौ वृद्धियागे च तत्फलम् ।। पद्मयज्ञे तदर्द्धं च फलमाप्नोति मानवः
tatsamānaṃ ca vipreṣṭau vṛddhiyāge ca tatphalam || padmayajñe tadarddhaṃ ca phalamāpnoti mānavaḥ
Sanskrit only: no published translation is held for this verse.