ततो भवेन्महाशूली मानवः सप्तजन्मसु ।। सप्तजन्म गलत्कुष्ठी ततः शुद्धो भवेन्नरः
tato bhavenmahāśūlī mānavaḥ saptajanmasu || saptajanma galatkuṣṭhī tataḥ śuddho bhavennaraḥ
Sanskrit only: no published translation is held for this verse.
Library·Brahmavaivarta Purāṇa·2·2.30
Brahmavaivarta Purāṇa 2.30
परकर्णोपजापेन परनिन्दां करोति यः ।। परदोषे महातोषी देवब्राह्मणनिन्दकः
parakarṇopajāpena paranindāṃ karoti yaḥ || paradoṣe mahātoṣī devabrāhmaṇanindakaḥ
Sanskrit only: no published translation is held for this verse.
सूचीमुखे स च वसेत्सूचीविद्धो युगत्रयम् ।। ततो भवेद्वृश्चिकश्च सर्पः स्यात्सप्तजन्मसु
sūcīmukhe sa ca vasetsūcīviddho yugatrayam || tato bhavedvṛścikaśca sarpaḥ syātsaptajanmasu
Sanskrit only: no published translation is held for this verse.
वज्रकीटः सप्तजनौ भस्मकीटस्ततः परम् ।। ततो भवेन्मानवश्च महाव्याधिस्ततः शुचिः
vajrakīṭaḥ saptajanau bhasmakīṭastataḥ param || tato bhavenmānavaśca mahāvyādhistataḥ śuciḥ
Sanskrit only: no published translation is held for this verse.
गृहिणां च गृहं भित्त्वा वस्तुतेयं करोति यः ।। गाश्च च्छागांश्च मेषांश्च याति गोधामुखं च सः
gṛhiṇāṃ ca gṛhaṃ bhittvā vastuteyaṃ karoti yaḥ || gāśca cchāgāṃśca meṣāṃśca yāti godhāmukhaṃ ca saḥ
Sanskrit only: no published translation is held for this verse.
ततो भवेत्सप्तजनौ गोजातिर्व्याधिसंयुतः ।। त्रिजन्ममेषजातिश्च च्छागजातिस्त्रिजन्मनि
tato bhavetsaptajanau gojātirvyādhisaṃyutaḥ || trijanmameṣajātiśca cchāgajātistrijanmani
Sanskrit only: no published translation is held for this verse.
ततो भवेन्मानवश्च नित्यरोगी दरिद्रकः ।। भार्य्याहीनो बन्धुहीनः सन्तापी च ततः शुचिः
tato bhavenmānavaśca nityarogī daridrakaḥ || bhāryyāhīno bandhuhīnaḥ santāpī ca tataḥ śuciḥ
Sanskrit only: no published translation is held for this verse.
सामान्यद्रव्यचौरश्च याति नक्रमुखं युगम् ।। ततो भवेन्मानवश्च महारोगी ततः शुचिः ।।
sāmānyadravyacauraśca yāti nakramukhaṃ yugam || tato bhavenmānavaśca mahārogī tataḥ śuciḥ ||
Sanskrit only: no published translation is held for this verse.
हन्ति गाश्च गजांश्चैव तुरगांश्च नरांस्तथा ।। स याति गजदंशं च महापापी युगत्रयम्
hanti gāśca gajāṃścaiva turagāṃśca narāṃstathā || sa yāti gajadaṃśaṃ ca mahāpāpī yugatrayam
Sanskrit only: no published translation is held for this verse.
ताडितो यमदूतेन गजदन्तेन सन्ततम् ।। स भवेद्गजजातिश्च तुरगश्च त्रिजन्मनि ।। गोजातिम्लेच्छजातिश्च ततः शुद्धो भवेन्नरः
tāḍito yamadūtena gajadantena santatam || sa bhavedgajajātiśca turagaśca trijanmani || gojātimlecchajātiśca tataḥ śuddho bhavennaraḥ
Sanskrit only: no published translation is held for this verse.
जलं पिबन्तीं तृषितां गां वारयति यो नरः ।। तच्छुश्रूशाविहीनश्च गोमुखं याति मानवः
jalaṃ pibantīṃ tṛṣitāṃ gāṃ vārayati yo naraḥ || tacchuśrūśāvihīnaśca gomukhaṃ yāti mānavaḥ
Sanskrit only: no published translation is held for this verse.
नरकं गोमुखाकारं कृमितप्तोदकान्वितम् ।। तत्र तिष्ठति सन्तप्तो यावन्मन्वन्तरावधि
narakaṃ gomukhākāraṃ kṛmitaptodakānvitam || tatra tiṣṭhati santapto yāvanmanvantarāvadhi
Sanskrit only: no published translation is held for this verse.
ततो नरोऽपि गोहीनो महारोगी दरिद्रकः ।। सप्त जन्मन्यन्त्यजातिः ततः शुद्धो भवेन्नरः
tato naro'pi gohīno mahārogī daridrakaḥ || sapta janmanyantyajātiḥ tataḥ śuddho bhavennaraḥ
Sanskrit only: no published translation is held for this verse.
गोहत्यां ब्रह्महत्यां च यः करोत्यतिदेशिकीम् ।। यो हि गच्छेदगम्यां च सन्ध्याहीनोऽप्यदीक्षितः
gohatyāṃ brahmahatyāṃ ca yaḥ karotyatideśikīm || yo hi gacchedagamyāṃ ca sandhyāhīno'pyadīkṣitaḥ
Sanskrit only: no published translation is held for this verse.
प्रतिग्राही च तीर्थेषु ग्रामयाजी च देवलः ।। शूद्राणां सूपकारश्च प्रमत्तो वृषलीपतिः
pratigrāhī ca tīrtheṣu grāmayājī ca devalaḥ || śūdrāṇāṃ sūpakāraśca pramatto vṛṣalīpatiḥ
Sanskrit only: no published translation is held for this verse.
गोहत्यां ब्रह्महत्यां च स्त्रीहत्यां च करोति यः ।। मित्रहत्यां भ्रूणहत्यां महापापी च भारते
gohatyāṃ brahmahatyāṃ ca strīhatyāṃ ca karoti yaḥ || mitrahatyāṃ bhrūṇahatyāṃ mahāpāpī ca bhārate
Sanskrit only: no published translation is held for this verse.
कुम्भीपाके स च वसेद्यावदिन्द्राश्चतुर्दश ।। ताडितो यमदूतेन चूर्ण्यमानश्च सन्ततम्
kumbhīpāke sa ca vasedyāvadindrāścaturdaśa || tāḍito yamadūtena cūrṇyamānaśca santatam
Sanskrit only: no published translation is held for this verse.
क्षणं पतति वह्नौ च क्षणं पतति कण्टके ।। क्षणं च तप्ततैलेषु तप्ततोयेषु च क्षणम्
kṣaṇaṃ patati vahnau ca kṣaṇaṃ patati kaṇṭake || kṣaṇaṃ ca taptataileṣu taptatoyeṣu ca kṣaṇam
Sanskrit only: no published translation is held for this verse.
क्षणं च तप्तपाषाणे तप्तलोहे क्षणं ततः ।। गृध्रकोटिस्रहस्राणि शतजन्मानि सूकरः
kṣaṇaṃ ca taptapāṣāṇe taptalohe kṣaṇaṃ tataḥ || gṛdhrakoṭisrahasrāṇi śatajanmāni sūkaraḥ
Sanskrit only: no published translation is held for this verse.
काकश्च सप्तजन्मानि सर्पस्स्यात्सप्तजन्मसु ।। षष्टिवर्षसहस्राणि ततो वै विट्कृमिर्भवेत्
kākaśca saptajanmāni sarpassyātsaptajanmasu || ṣaṣṭivarṣasahasrāṇi tato vai viṭkṛmirbhavet
Sanskrit only: no published translation is held for this verse.
ततो भवेत्स वृषणो गलत्कुष्ठी दरिद्रकः ।। यक्ष्मग्रस्तो वंशहीनो भार्य्याहीनस्ततः शुचिः
tato bhavetsa vṛṣaṇo galatkuṣṭhī daridrakaḥ || yakṣmagrasto vaṃśahīno bhāryyāhīnastataḥ śuciḥ
Sanskrit only: no published translation is held for this verse.
सावित्र्युवाच ।। ब्रह्महत्या च गोहत्या किंविधा वाऽऽतिदेशिकी ।। का वा नृणामगम्या वा को वा सन्ध्याविहीनकः
sāvitryuvāca || brahmahatyā ca gohatyā kiṃvidhā vā''tideśikī || kā vā nṛṇāmagamyā vā ko vā sandhyāvihīnakaḥ
Sanskrit only: no published translation is held for this verse.
अदीक्षितः पुमान्को वा को वा तीर्थे प्रतिग्रही ।। द्विजः को वा ग्रामयाजी को वा विप्रश्च देवलः
adīkṣitaḥ pumānko vā ko vā tīrthe pratigrahī || dvijaḥ ko vā grāmayājī ko vā vipraśca devalaḥ
Sanskrit only: no published translation is held for this verse.
शूद्राणां सूपकारः कः प्रमत्तो वृषलीपतिः ।। एतेषां लक्षणं सर्वं वद वेदविदां वर
śūdrāṇāṃ sūpakāraḥ kaḥ pramatto vṛṣalīpatiḥ || eteṣāṃ lakṣaṇaṃ sarvaṃ vada vedavidāṃ vara
Sanskrit only: no published translation is held for this verse.
यम उवाच ।। श्रीकृष्णे च तदर्च्चायां मृन्मय्यां प्रकृतौ तथा ।। शिवे च शिवलिङ्गे वा सूर्य्ये सूर्य्यमणौ तथा
yama uvāca || śrīkṛṣṇe ca tadarccāyāṃ mṛnmayyāṃ prakṛtau tathā || śive ca śivaliṅge vā sūryye sūryyamaṇau tathā
Sanskrit only: no published translation is held for this verse.
गणेशे वा तदर्च्चायामेवं सर्वत्र सुन्दरि ।। करोति भेदबुद्धिं यो ब्रह्महत्यां लभेत्तु सः
gaṇeśe vā tadarccāyāmevaṃ sarvatra sundari || karoti bhedabuddhiṃ yo brahmahatyāṃ labhettu saḥ
Sanskrit only: no published translation is held for this verse.
स्वगुरौ स्वेष्टदेवे वा जन्मदातरि मातरि।। करोति भेदबुद्धिं यो ब्रह्महत्यां लभेत्तु सः
svagurau sveṣṭadeve vā janmadātari mātari|| karoti bhedabuddhiṃ yo brahmahatyāṃ labhettu saḥ
Sanskrit only: no published translation is held for this verse.
वैष्णवेष्वन्यभक्तेषु ब्राह्मणेष्वितरेषु च ।। करोति समतां यो हि ब्रह्महत्यां लभेत्तु सः
vaiṣṇaveṣvanyabhakteṣu brāhmaṇeṣvitareṣu ca || karoti samatāṃ yo hi brahmahatyāṃ labhettu saḥ
Sanskrit only: no published translation is held for this verse.
यो मूढो विष्णुनैवेद्ये चान्यनैवेद्यके तथा ।। हरेः पादोदकेष्वन्यदेवपादोदके तथा ।। करोति समतां यो हि ब्रह्महत्यां लभेत्तु सः
yo mūḍho viṣṇunaivedye cānyanaivedyake tathā || hareḥ pādodakeṣvanyadevapādodake tathā || karoti samatāṃ yo hi brahmahatyāṃ labhettu saḥ
Sanskrit only: no published translation is held for this verse.
सर्वेश्वरेश्वरे कृष्णे सर्वकारणकारणे ।। सर्वाद्ये सर्वदेवानां सेव्ये सर्वान्तरात्मनि
sarveśvareśvare kṛṣṇe sarvakāraṇakāraṇe || sarvādye sarvadevānāṃ sevye sarvāntarātmani
Sanskrit only: no published translation is held for this verse.
माययाऽनेकरूपे वाऽप्येक एव हि निर्गुणे ।। करोत्यन्येन समतां ब्रह्महत्यां लभेत्तु सः
māyayā'nekarūpe vā'pyeka eva hi nirguṇe || karotyanyena samatāṃ brahmahatyāṃ labhettu saḥ
Sanskrit only: no published translation is held for this verse.
पितृदेवार्चनां पौर्वापरां वेदविनिर्मिताम् ।। यः करोति निषेधं च ब्रह्महत्यां लभेत्तु सः
pitṛdevārcanāṃ paurvāparāṃ vedavinirmitām || yaḥ karoti niṣedhaṃ ca brahmahatyāṃ labhettu saḥ
Sanskrit only: no published translation is held for this verse.
ये निन्दन्ति हृषीकेशं तन्मन्त्रोपासकं तथा ।। पवित्राणां पवित्रं च ब्रह्महत्यां लभन्ति ते
ye nindanti hṛṣīkeśaṃ tanmantropāsakaṃ tathā || pavitrāṇāṃ pavitraṃ ca brahmahatyāṃ labhanti te
Sanskrit only: no published translation is held for this verse.
शिवं शिवस्वरूपं च कृष्णप्राणाधिकं प्रियम् ।। पवित्राणां पवित्रं च ज्ञानानन्दं सनातनम्
śivaṃ śivasvarūpaṃ ca kṛṣṇaprāṇādhikaṃ priyam || pavitrāṇāṃ pavitraṃ ca jñānānandaṃ sanātanam
Sanskrit only: no published translation is held for this verse.
प्रधानं वैष्णवानां च देवानां सव्यमीश्वरम्।। ये नार्चयन्ति निन्दन्ति ब्रह्महत्यां लभंति ते
pradhānaṃ vaiṣṇavānāṃ ca devānāṃ savyamīśvaram|| ye nārcayanti nindanti brahmahatyāṃ labhaṃti te
Sanskrit only: no published translation is held for this verse.
ये विष्णुमायां निन्दन्ति विष्णुभक्तिप्रदां सतीम् ।। सर्वशक्तिस्वरूपां च प्रकृतिं सर्वमातरम्
ye viṣṇumāyāṃ nindanti viṣṇubhaktipradāṃ satīm || sarvaśaktisvarūpāṃ ca prakṛtiṃ sarvamātaram
Sanskrit only: no published translation is held for this verse.
सर्वदेवीस्वरूपां च सर्वाद्यां सर्ववन्दिताम् ।। सर्वकारणरूपां च ब्रह्महत्यां लभन्ति ते
sarvadevīsvarūpāṃ ca sarvādyāṃ sarvavanditām || sarvakāraṇarūpāṃ ca brahmahatyāṃ labhanti te
Sanskrit only: no published translation is held for this verse.
कृष्णजन्माष्टमीं रामनवमीं पुण्यदां पराम् ।। शिवरात्रिं तथा चैकादशीं वारं रवेस्तथा
kṛṣṇajanmāṣṭamīṃ rāmanavamīṃ puṇyadāṃ parām || śivarātriṃ tathā caikādaśīṃ vāraṃ ravestathā
Sanskrit only: no published translation is held for this verse.
पञ्चपर्वाणि पुण्यानि ये न कुर्वन्ति मानवाः ।। लभन्ते ब्रह्महत्यां ते चाण्डालाधिकपापिनः
pañcaparvāṇi puṇyāni ye na kurvanti mānavāḥ || labhante brahmahatyāṃ te cāṇḍālādhikapāpinaḥ
Sanskrit only: no published translation is held for this verse.
अम्बुवीच्यांबुखनने जले शौचादिकं च ये ।। कुर्वन्ति भारते वत्से ब्रह्महत्यां लभन्ति ते
ambuvīcyāṃbukhanane jale śaucādikaṃ ca ye || kurvanti bhārate vatse brahmahatyāṃ labhanti te
Sanskrit only: no published translation is held for this verse.
गुरुं च मातरं तातं साध्वीं भार्य्यां सुतं सुताम् ।। अनाथान्यो न पुष्णाति ब्रह्महत्यां लभेत्तु सः
guruṃ ca mātaraṃ tātaṃ sādhvīṃ bhāryyāṃ sutaṃ sutām || anāthānyo na puṣṇāti brahmahatyāṃ labhettu saḥ
Sanskrit only: no published translation is held for this verse.
विवाहो यस्य न भवेन्न पश्यति सुतं च यः ।। हरिभक्तिविहीनो यो ब्रह्महत्यां लभेत्तु सः
vivāho yasya na bhavenna paśyati sutaṃ ca yaḥ || haribhaktivihīno yo brahmahatyāṃ labhettu saḥ
Sanskrit only: no published translation is held for this verse.
हरेरनैवेद्यभोजी नित्यं विष्णुं न पूजयेत् ।। पुण्यं पार्थिवलिंगं वा ब्रह्महत्यां लभेत्तु सः
hareranaivedyabhojī nityaṃ viṣṇuṃ na pūjayet || puṇyaṃ pārthivaliṃgaṃ vā brahmahatyāṃ labhettu saḥ
Sanskrit only: no published translation is held for this verse.
आहारं कुर्वतीं गां च पिबन्तीं यो निवारयेत् ।। याति गोविप्रयोर्म्मध्ये गोहत्यां च लभेत्तु सः
āhāraṃ kurvatīṃ gāṃ ca pibantīṃ yo nivārayet || yāti goviprayormmadhye gohatyāṃ ca labhettu saḥ
Sanskrit only: no published translation is held for this verse.
दण्डैर्गास्ताडयेन्मूढो यो विप्रो वृषवाहकः ।। दिने दिने गवां हत्यां लभते नात्र संशयः
daṇḍairgāstāḍayenmūḍho yo vipro vṛṣavāhakaḥ || dine dine gavāṃ hatyāṃ labhate nātra saṃśayaḥ
Sanskrit only: no published translation is held for this verse.
ददाति गोभ्य उच्छिष्टं योजयेद्वृषवाहकम् ।। भोजयेद्वृषवाहान्नं स गोहत्यां लभेद्ध्रुवम्।।
dadāti gobhya ucchiṣṭaṃ yojayedvṛṣavāhakam || bhojayedvṛṣavāhānnaṃ sa gohatyāṃ labheddhruvam||
Sanskrit only: no published translation is held for this verse.
वृषलीपतिं याजयेद्यो भुंक्तेऽन्नं तस्य यो नरः ।। गोहत्याशतकं सोऽपि लभते नात्र संशयः
vṛṣalīpatiṃ yājayedyo bhuṃkte'nnaṃ tasya yo naraḥ || gohatyāśatakaṃ so'pi labhate nātra saṃśayaḥ
Sanskrit only: no published translation is held for this verse.
पादं ददाति वह्नौ च गाश्च पादेन ताडयेत् ।। गृहं विशेदधौतांघ्रिः स्नात्वा गोवधमाप्नुयात्
pādaṃ dadāti vahnau ca gāśca pādena tāḍayet || gṛhaṃ viśedadhautāṃghriḥ snātvā govadhamāpnuyāt
Sanskrit only: no published translation is held for this verse.
यो भुंक्ते स्निग्धपादेन शेते स्निग्धांघ्रिरेव च ।। सूर्य्योदये च द्विर्भोजी स गोहत्यां लभेद्ध्रुवम्
yo bhuṃkte snigdhapādena śete snigdhāṃghrireva ca || sūryyodaye ca dvirbhojī sa gohatyāṃ labheddhruvam
Sanskrit only: no published translation is held for this verse.
अवीरान्नं च यो भुंक्ते योनिजीवी च वै द्विजः ।। यस्त्रिसन्ध्याविहीनश्च स गोहत्यां लभेद् ध्रुवम्
avīrānnaṃ ca yo bhuṃkte yonijīvī ca vai dvijaḥ || yastrisandhyāvihīnaśca sa gohatyāṃ labhed dhruvam
Sanskrit only: no published translation is held for this verse.
पितॄंश्च पर्वकाले च तिथिकाले च देवताम् ।। न सेवतेऽतिथिं यो हि गोहत्यां स लभेद्ध्रुवम्
pitṝṃśca parvakāle ca tithikāle ca devatām || na sevate'tithiṃ yo hi gohatyāṃ sa labheddhruvam
Sanskrit only: no published translation is held for this verse.
स्वभर्तरि च कृष्णे च भेदबुद्धिं करोति या ।। कटूक्त्या ताडयेत्कान्तं सा गोहत्यां लभेद्ध्रुवम्
svabhartari ca kṛṣṇe ca bhedabuddhiṃ karoti yā || kaṭūktyā tāḍayetkāntaṃ sā gohatyāṃ labheddhruvam
Sanskrit only: no published translation is held for this verse.
गोमार्गखननं कृत्वा वपते सस्यमेव च ।। तडागे वा तदूर्ध्वं वा स गोहत्यां लभेद्ध्रुवम्
gomārgakhananaṃ kṛtvā vapate sasyameva ca || taḍāge vā tadūrdhvaṃ vā sa gohatyāṃ labheddhruvam
Sanskrit only: no published translation is held for this verse.
तत्कुण्डं तप्ततोयाक्तं सान्धकारं भयङ्करम् ।। तीक्ष्णदंष्ट्रैश्च कीटैश्च संयुक्तं गोलकुण्डकम्
tatkuṇḍaṃ taptatoyāktaṃ sāndhakāraṃ bhayaṅkaram || tīkṣṇadaṃṣṭraiśca kīṭaiśca saṃyuktaṃ golakuṇḍakam
Sanskrit only: no published translation is held for this verse.
राजके दैवके यत्नाद्गोस्वामी गां न पातयेत् ।। दुःखं ददाति यो मूढो गोहत्यां स लभेद्ध्रुवम्
rājake daivake yatnādgosvāmī gāṃ na pātayet || duḥkhaṃ dadāti yo mūḍho gohatyāṃ sa labheddhruvam
Sanskrit only: no published translation is held for this verse.
प्राणिनं लंघयेद्यो हि देवार्चायां रतं जलम् ।। नैवेद्यं पुष्पमन्नं च स गोहत्यां लभेद्ध्रुवम् ।।
prāṇinaṃ laṃghayedyo hi devārcāyāṃ rataṃ jalam || naivedyaṃ puṣpamannaṃ ca sa gohatyāṃ labheddhruvam ||
Sanskrit only: no published translation is held for this verse.
शश्वन्नास्तीति वादी यो मिथ्यावादी प्रतारकः ।। देवद्वेषी गुरुद्वेषी स गोहत्यां लभेद्ध्रुवम्
śaśvannāstīti vādī yo mithyāvādī pratārakaḥ || devadveṣī gurudveṣī sa gohatyāṃ labheddhruvam
Sanskrit only: no published translation is held for this verse.
देवताप्रतिमां दृष्ट्वा गुरुं वा ब्राह्मणं सति ।। सम्भ्रमान्न नमेद्यो हि स गोहत्यां लभेद्ध्रुवम्
devatāpratimāṃ dṛṣṭvā guruṃ vā brāhmaṇaṃ sati || sambhramānna namedyo hi sa gohatyāṃ labheddhruvam
Sanskrit only: no published translation is held for this verse.
न ददात्याशिषं कोपात्प्रणताय च यो द्विजः ।। विद्यार्थिने च विद्यां वै स गोहत्यां लभेद्ध्रुवम्
na dadātyāśiṣaṃ kopātpraṇatāya ca yo dvijaḥ || vidyārthine ca vidyāṃ vai sa gohatyāṃ labheddhruvam
Sanskrit only: no published translation is held for this verse.
गोहत्या ब्रह्महत्या च कथिता चातिदेशिकी ।। यथा श्रुतं सूर्य्यवक्त्रात्किं भूयः श्रोतुमिच्छसि
gohatyā brahmahatyā ca kathitā cātideśikī || yathā śrutaṃ sūryyavaktrātkiṃ bhūyaḥ śrotumicchasi
Sanskrit only: no published translation is held for this verse.
सावित्र्युवाच ।। वास्तवे चातिदेशे च सम्बन्धे पापपुण्ययोः ।। न्यूनाधिके च को भेदस्तन्मां व्याख्यातुमर्हसि
sāvitryuvāca || vāstave cātideśe ca sambandhe pāpapuṇyayoḥ || nyūnādhike ca ko bhedastanmāṃ vyākhyātumarhasi
Sanskrit only: no published translation is held for this verse.
यम उवाच ।। कुत्रापि वास्तवः श्रेष्ठो न्यूनोऽतिदेशिकस्सदा ।। कुत्रातिदेशिकः श्रेष्ठो वास्तवो न्यून एव च
yama uvāca || kutrāpi vāstavaḥ śreṣṭho nyūno'tideśikassadā || kutrātideśikaḥ śreṣṭho vāstavo nyūna eva ca
Sanskrit only: no published translation is held for this verse.
कुत्र वा समता साध्वि तयोर्वेदप्रमाणतः ।। करोति तत्र नास्थां यो गुरुहत्यां लभेत्तु सः
kutra vā samatā sādhvi tayorvedapramāṇataḥ || karoti tatra nāsthāṃ yo guruhatyāṃ labhettu saḥ
Sanskrit only: no published translation is held for this verse.
पुरा परिचिते विप्रे विद्यामन्त्रप्रदातरि ।। गुरौ पितृत्वमारोपाद्वस्तुतश्श्रेष्ठ उच्यते
purā paricite vipre vidyāmantrapradātari || gurau pitṛtvamāropādvastutaśśreṣṭha ucyate
Sanskrit only: no published translation is held for this verse.
पितुः शतगुणा माता मातुः शतगुणस्तथा।। विद्या मन्त्रप्रदाता च गुरुः पूज्यः श्रुतेर्मतः
pituḥ śataguṇā mātā mātuḥ śataguṇastathā|| vidyā mantrapradātā ca guruḥ pūjyaḥ śrutermataḥ
Sanskrit only: no published translation is held for this verse.
गुरुतो गुरुपत्नी च गौरवे च गरीयसी ।। यथेष्टं देवपत्नी च पूज्या चाभीष्टदेवता।।
guruto gurupatnī ca gaurave ca garīyasī || yatheṣṭaṃ devapatnī ca pūjyā cābhīṣṭadevatā||
Sanskrit only: no published translation is held for this verse.
विप्रः शिवसमो यश्च विष्णुतुल्यपराक्रमः ।। राजाऽऽतिदेशिकाच्छ्रेष्ठो वास्तवो गुणलक्षतः
vipraḥ śivasamo yaśca viṣṇutulyaparākramaḥ || rājā''tideśikācchreṣṭho vāstavo guṇalakṣataḥ
Sanskrit only: no published translation is held for this verse.
सर्वं गङ्गासमं तोयं सर्वे व्याससमा द्विजाः ।। ग्रहणे सृर्य्यशशिनोश्चात्रैव समता तयोः
sarvaṃ gaṅgāsamaṃ toyaṃ sarve vyāsasamā dvijāḥ || grahaṇe sṛryyaśaśinoścātraiva samatā tayoḥ
Sanskrit only: no published translation is held for this verse.
आतिदेशिकहत्याया वास्तवश्च चतुर्गुणः ।। सम्मतः सर्ववेदानामित्याह कमलोद्भवः
ātideśikahatyāyā vāstavaśca caturguṇaḥ || sammataḥ sarvavedānāmityāha kamalodbhavaḥ
Sanskrit only: no published translation is held for this verse.
आतिदेशिकहत्याया भेदश्च कथितः सति ।। या याऽगम्या नृणामेव निबोध कथयामि ते
ātideśikahatyāyā bhedaśca kathitaḥ sati || yā yā'gamyā nṛṇāmeva nibodha kathayāmi te
Sanskrit only: no published translation is held for this verse.
स्वस्त्री गम्या च सर्वेषामिति वेदे निरूपिता ।। अगम्या च तदन्या या चेति वेदवेदो विदुः
svastrī gamyā ca sarveṣāmiti vede nirūpitā || agamyā ca tadanyā yā ceti vedavedo viduḥ
Sanskrit only: no published translation is held for this verse.
सामान्यं कथितं सर्वं विशेषं शृणु सुन्दरि ।। अत्यगम्याश्च या या वै निबोध कथयामि ते
sāmānyaṃ kathitaṃ sarvaṃ viśeṣaṃ śṛṇu sundari || atyagamyāśca yā yā vai nibodha kathayāmi te
Sanskrit only: no published translation is held for this verse.
शूद्राणां विप्रपत्नी च विप्राणां शूद्रकामिनी ।। अत्यगम्याऽतिनिन्द्या च लोके वेदे पतिव्रते
śūdrāṇāṃ viprapatnī ca viprāṇāṃ śūdrakāminī || atyagamyā'tinindyā ca loke vede pativrate
Sanskrit only: no published translation is held for this verse.
शूद्रश्चेद्ब्राह्मणीं गच्छेद्ब्रह्महत्याशतं लभेत् ।। तत्समं ब्राह्मणी चापि कुम्भीपाकं व्रजेद्ध्रुवम्
śūdraścedbrāhmaṇīṃ gacchedbrahmahatyāśataṃ labhet || tatsamaṃ brāhmaṇī cāpi kumbhīpākaṃ vrajeddhruvam
Sanskrit only: no published translation is held for this verse.
यदि शूद्रां व्रजेद्विप्रो वृषलीपतिरेव सः ।। स भ्रष्टो विप्रजातेश्च चण्डालात्सो ऽधमः स्मृतः
yadi śūdrāṃ vrajedvipro vṛṣalīpatireva saḥ || sa bhraṣṭo viprajāteśca caṇḍālātso 'dhamaḥ smṛtaḥ
Sanskrit only: no published translation is held for this verse.
विष्ठासमश्च तत्पिंडो मूत्रतुल्यं च तर्पणम् ।। तत्पितॄणां सुराणां च पूजने तत्समं सति
viṣṭhāsamaśca tatpiṃḍo mūtratulyaṃ ca tarpaṇam || tatpitṝṇāṃ surāṇāṃ ca pūjane tatsamaṃ sati
Sanskrit only: no published translation is held for this verse.
कोटिजन्मार्जितं पुण्यं सन्ध्यार्चातपसाऽर्जितम् ।। द्विजस्य वृषलीभोगान्नश्यत्येव न संशयः
koṭijanmārjitaṃ puṇyaṃ sandhyārcātapasā'rjitam || dvijasya vṛṣalībhogānnaśyatyeva na saṃśayaḥ
Sanskrit only: no published translation is held for this verse.
ब्राह्मणश्च सुरापीती विड्भोजी वृषलीपतिः ।। हरिवासरभोजी च कुम्भीपाकं व्रजेद्ध्रुवम्
brāhmaṇaśca surāpītī viḍbhojī vṛṣalīpatiḥ || harivāsarabhojī ca kumbhīpākaṃ vrajeddhruvam
Sanskrit only: no published translation is held for this verse.
गुरुपत्नीं राजपत्नीं सपत्नीमातरं प्रसूम् ।। सुतां पुत्रवधूं श्वश्रूं सगर्भां भगिनीं सति
gurupatnīṃ rājapatnīṃ sapatnīmātaraṃ prasūm || sutāṃ putravadhūṃ śvaśrūṃ sagarbhāṃ bhaginīṃ sati
Sanskrit only: no published translation is held for this verse.
सोदरभ्रातृजायां च मातुलानीं पितृप्रसूम् ।। मातुः प्रसूं तत्त्वसारं भगिनीं भ्रातृकन्यकाम् ।।
sodarabhrātṛjāyāṃ ca mātulānīṃ pitṛprasūm || mātuḥ prasūṃ tattvasāraṃ bhaginīṃ bhrātṛkanyakām ||
Sanskrit only: no published translation is held for this verse.
शिष्यां च शिष्यपत्नीं च भगिनेयस्य कामिनीम् ।। भ्रातुः पुत्रप्रियां चैवाप्यगम्यामाह पद्मजः
śiṣyāṃ ca śiṣyapatnīṃ ca bhagineyasya kāminīm || bhrātuḥ putrapriyāṃ caivāpyagamyāmāha padmajaḥ
Sanskrit only: no published translation is held for this verse.
एतास्वेकामनेकां वा यो व्रजेन्मानवोऽधमः ।। स्वमातृगामी वेदेषु ब्रह्महत्याशतं लभेत्
etāsvekāmanekāṃ vā yo vrajenmānavo'dhamaḥ || svamātṛgāmī vedeṣu brahmahatyāśataṃ labhet
Sanskrit only: no published translation is held for this verse.
अकर्म्मार्होऽपि सोऽस्पृश्यो लोके वेदेऽति निन्दितः ।। स याति कुम्भीपाकं च महापापी सुदुस्तरम्
akarmmārho'pi so'spṛśyo loke vede'ti ninditaḥ || sa yāti kumbhīpākaṃ ca mahāpāpī sudustaram
Sanskrit only: no published translation is held for this verse.
करोत्यशुद्धां सन्ध्यां च सन्ध्यां वा न करोति यः।। त्रिसन्ध्यां वर्जयेद्यो वा सन्ध्याहीनश्च स द्विजः
karotyaśuddhāṃ sandhyāṃ ca sandhyāṃ vā na karoti yaḥ|| trisandhyāṃ varjayedyo vā sandhyāhīnaśca sa dvijaḥ
Sanskrit only: no published translation is held for this verse.
वैष्णवं च तथा शैवं शाक्तं सौरं च गाणपम् ।। योऽहङ्कारान्न गृह्णाति मन्त्रं सोऽदीक्षितः स्मृतः
vaiṣṇavaṃ ca tathā śaivaṃ śāktaṃ sauraṃ ca gāṇapam || yo'haṅkārānna gṛhṇāti mantraṃ so'dīkṣitaḥ smṛtaḥ
Sanskrit only: no published translation is held for this verse.
प्रवाहमवधिं कृत्वा यावद्धस्तचतुष्टयम् ।। तत्र नारायणः स्वामी गङ्गागर्भान्तरे वरे
pravāhamavadhiṃ kṛtvā yāvaddhastacatuṣṭayam || tatra nārāyaṇaḥ svāmī gaṅgāgarbhāntare vare
Sanskrit only: no published translation is held for this verse.
तत्र नारायणक्षेत्रे कुरुक्षेत्रे हरेः पदे।। वाराणस्यां बदर्य्यां च गङ्गासागरसंगमे
tatra nārāyaṇakṣetre kurukṣetre hareḥ pade|| vārāṇasyāṃ badaryyāṃ ca gaṅgāsāgarasaṃgame
Sanskrit only: no published translation is held for this verse.
पुष्करे भास्करक्षेत्रे प्रभासे रासमण्डले ।। हरिद्वारे च केदारे सोमे बदरपावने
puṣkare bhāskarakṣetre prabhāse rāsamaṇḍale || haridvāre ca kedāre some badarapāvane
Sanskrit only: no published translation is held for this verse.
सरस्वतीनदीतीरे पुण्ये वृन्दावने वने ।। गोदावर्यां च कौशिक्यां त्रिवेण्यां च हिमालये
sarasvatīnadītīre puṇye vṛndāvane vane || godāvaryāṃ ca kauśikyāṃ triveṇyāṃ ca himālaye
Sanskrit only: no published translation is held for this verse.
एष्वन्यत्र च यो दानं प्रतिगृह्णाति कामतः ।। स च तीर्थप्रतिग्राही कुम्भीपाकं प्रयाति च
eṣvanyatra ca yo dānaṃ pratigṛhṇāti kāmataḥ || sa ca tīrthapratigrāhī kumbhīpākaṃ prayāti ca
Sanskrit only: no published translation is held for this verse.
शूद्रातिरिक्तयाजी यो ग्रामयाजी च कीर्त्तितः ।। तथा देवोपजीवी यो देवलः परिकीर्त्तितः
śūdrātiriktayājī yo grāmayājī ca kīrttitaḥ || tathā devopajīvī yo devalaḥ parikīrttitaḥ
Sanskrit only: no published translation is held for this verse.
शूद्रपाकोपजीवी यः सूपकार इति स्मृतः ।। सन्ध्यापूजाविहीनश्च प्रमत्तः पतितः स्मृतः
śūdrapākopajīvī yaḥ sūpakāra iti smṛtaḥ || sandhyāpūjāvihīnaśca pramattaḥ patitaḥ smṛtaḥ
Sanskrit only: no published translation is held for this verse.
उक्तं पूर्वप्रकरणे लक्षणं वृषलीपतेः ।। एते महापातकिनः कुम्भीपाकं प्रयान्ति ते
uktaṃ pūrvaprakaraṇe lakṣaṇaṃ vṛṣalīpateḥ || ete mahāpātakinaḥ kumbhīpākaṃ prayānti te
Sanskrit only: no published translation is held for this verse.
कुंडान्यन्यानि ते यान्ति निबोध कथयामि ते
kuṃḍānyanyāni te yānti nibodha kathayāmi te
Sanskrit only: no published translation is held for this verse.