Library·Brahmavaivarta Purāṇa·2·2.34
सावित्र्युवाच ।। हरिभक्तिं देहि मह्यं सारभूतां सुदुर्लभाम् ।। त्वत्तः सर्वं श्रुतं देव नावशिष्टोऽधुना मम
sāvitryuvāca || haribhaktiṃ dehi mahyaṃ sārabhūtāṃ sudurlabhām || tvattaḥ sarvaṃ śrutaṃ deva nāvaśiṣṭo'dhunā mama
Sanskrit only: no published translation is held for this verse.
किंचित्कथय मे धर्मं श्रीकृष्णगुणकीर्त्तगम् ।। पुंसां लक्षोद्धारबीजं नरकार्णवतारकम्
kiṃcitkathaya me dharmaṃ śrīkṛṣṇaguṇakīrttagam || puṃsāṃ lakṣoddhārabījaṃ narakārṇavatārakam
Sanskrit only: no published translation is held for this verse.
कारणं मुक्तिकार्याणां सर्वाशुभनिवारणम् ।। दारणं कर्मवृक्षाणां कृत पापौघहारकम्
kāraṇaṃ muktikāryāṇāṃ sarvāśubhanivāraṇam || dāraṇaṃ karmavṛkṣāṇāṃ kṛta pāpaughahārakam
Sanskrit only: no published translation is held for this verse.
मुक्तयः कतिधा सन्ति किं वा तासां च लक्षणम् ।। हरिभक्तेर्मूर्तिभेदं निषेकस्यापि लक्षणम्
muktayaḥ katidhā santi kiṃ vā tāsāṃ ca lakṣaṇam || haribhaktermūrtibhedaṃ niṣekasyāpi lakṣaṇam
Sanskrit only: no published translation is held for this verse.
तत्त्वज्ञानविहीना च स्त्रीजातिर्विधिनिर्मिता ।। किं तज्ज्ञानं सारभूतं वद वेदविदां वर
tattvajñānavihīnā ca strījātirvidhinirmitā || kiṃ tajjñānaṃ sārabhūtaṃ vada vedavidāṃ vara
Sanskrit only: no published translation is held for this verse.
सर्वदानं ह्यनशनं तीर्थस्नानं व्रतं तपः ।। अज्ञाने ज्ञानदानस्य कलां नार्हन्ति षोडशीम्
sarvadānaṃ hyanaśanaṃ tīrthasnānaṃ vrataṃ tapaḥ || ajñāne jñānadānasya kalāṃ nārhanti ṣoḍaśīm
Sanskrit only: no published translation is held for this verse.
पितुः शतगुणा माता गौरवेणातिरिच्यते ।। मातुः शतगुणैः पूज्यो ज्ञानदाता गुरुः प्रभो
pituḥ śataguṇā mātā gauraveṇātiricyate || mātuḥ śataguṇaiḥ pūjyo jñānadātā guruḥ prabho
Sanskrit only: no published translation is held for this verse.
यम उवाच ।। पूर्वं सर्वो वरो दत्तो यस्ते मनसि वाञ्छितः ।। अधुना हरिभक्तिस्ते वत्से भवतु मद्वरात्
yama uvāca || pūrvaṃ sarvo varo datto yaste manasi vāñchitaḥ || adhunā haribhaktiste vatse bhavatu madvarāt
Sanskrit only: no published translation is held for this verse.
श्रोतुमिच्छसि कल्याणि श्रीकृष्णगुणकीर्त्तनम् ।। वक्तॄणां प्रश्नकर्तॄणां श्रोतॄणां कुलतारकम्
śrotumicchasi kalyāṇi śrīkṛṣṇaguṇakīrttanam || vaktṝṇāṃ praśnakartṝṇāṃ śrotṝṇāṃ kulatārakam
Sanskrit only: no published translation is held for this verse.
शेषो वक्त्रसहस्रेण नहि यद्वक्तु मीश्वरः ।। मृत्युञ्जयो न क्षमश्च वक्तुं पञ्चमुखेन च
śeṣo vaktrasahasreṇa nahi yadvaktu mīśvaraḥ || mṛtyuñjayo na kṣamaśca vaktuṃ pañcamukhena ca
Sanskrit only: no published translation is held for this verse.
धाता चतुर्णां वेदानां विधाता जगतामपि ।। ब्रह्मा चतुर्मुखेनैव नालं विष्णुश्च सर्ववित्
dhātā caturṇāṃ vedānāṃ vidhātā jagatāmapi || brahmā caturmukhenaiva nālaṃ viṣṇuśca sarvavit
Sanskrit only: no published translation is held for this verse.
कार्तिकेयः षण्मुखेन नापि वक्तुमलं ध्रुवम् ।। न गणेशः समर्थश्च योगीन्द्राणां गुरोर्गुरुः
kārtikeyaḥ ṣaṇmukhena nāpi vaktumalaṃ dhruvam || na gaṇeśaḥ samarthaśca yogīndrāṇāṃ gurorguruḥ
Sanskrit only: no published translation is held for this verse.
सारभूताश्च शास्त्राणां वेदाश्चत्वार एव च ।। कलामात्रं यद्गणानां न विदन्ति बुधाश्च ये
sārabhūtāśca śāstrāṇāṃ vedāścatvāra eva ca || kalāmātraṃ yadgaṇānāṃ na vidanti budhāśca ye
Sanskrit only: no published translation is held for this verse.
सरस्वती च यत्नेन नालं यद्गुणवर्णने ।। सनत्कुमारो धर्मश्च सनकश्च सनातनः
sarasvatī ca yatnena nālaṃ yadguṇavarṇane || sanatkumāro dharmaśca sanakaśca sanātanaḥ
Sanskrit only: no published translation is held for this verse.
न यद्वक्तुं क्षमाः सिद्धा मुनीन्द्रा योगिनस्तथा ।। के वाऽन्ये च वयं के वा भगवद्गुणवर्णने
na yadvaktuṃ kṣamāḥ siddhā munīndrā yoginastathā || ke vā'nye ca vayaṃ ke vā bhagavadguṇavarṇane
Sanskrit only: no published translation is held for this verse.
ध्यायन्ति यत्पदाम्भोजं ब्रह्मविष्णुशिवादयः ।। अतिसाध्यं स्वभक्तानां तदन्येषां सुदुर्लभम्
dhyāyanti yatpadāmbhojaṃ brahmaviṣṇuśivādayaḥ || atisādhyaṃ svabhaktānāṃ tadanyeṣāṃ sudurlabham
Sanskrit only: no published translation is held for this verse.
कश्चित्किंचिद्विजानाति तद्गुणोत्कीर्त्तनं महत् ।। अतिरिक्तं विजानाति ब्रह्मा ब्रह्मसुतादयः
kaścitkiṃcidvijānāti tadguṇotkīrttanaṃ mahat || atiriktaṃ vijānāti brahmā brahmasutādayaḥ
Sanskrit only: no published translation is held for this verse.
सनन्दः कपिलः सूर्य्यो ये चान्ये ब्रह्मणः सुताः ।। विचक्षणा न यद्वक्तुं के वाऽन्ये जडबुद्धयः
sanandaḥ kapilaḥ sūryyo ye cānye brahmaṇaḥ sutāḥ || vicakṣaṇā na yadvaktuṃ ke vā'nye jaḍabuddhayaḥ
Sanskrit only: no published translation is held for this verse.
तस्मै दत्तं पुरा ज्ञानं कृष्णेन परमात्मना।। अतीव निर्जने रम्ये गोलोके रासमण्डले
tasmai dattaṃ purā jñānaṃ kṛṣṇena paramātmanā|| atīva nirjane ramye goloke rāsamaṇḍale
Sanskrit only: no published translation is held for this verse.
तत्रैव कथितं किंचिद्यद्गुणोत्कीर्त्तनं पुनः ।। धर्माय कथयायास शिवलोके शिवः स्वयम्
tatraiva kathitaṃ kiṃcidyadguṇotkīrttanaṃ punaḥ || dharmāya kathayāyāsa śivaloke śivaḥ svayam
Sanskrit only: no published translation is held for this verse.
धर्मस्तत्कथयामास पुष्करे भास्कराय च ।। पिता मम यमाराध्य गां प्राप तपसा सति
dharmastatkathayāmāsa puṣkare bhāskarāya ca || pitā mama yamārādhya gāṃ prāpa tapasā sati
Sanskrit only: no published translation is held for this verse.
पूर्वं स्वविषयं चाहं न गृह्णामि प्रयत्नतः ।। वैराग्ययुक्तस्तपसे गन्तुमिच्छामि सुव्रते
pūrvaṃ svaviṣayaṃ cāhaṃ na gṛhṇāmi prayatnataḥ || vairāgyayuktastapase gantumicchāmi suvrate
Sanskrit only: no published translation is held for this verse.
तदा मां कथयामास पिता तद्गुणकीर्त्तनम् ।। यथागमं तद्वदामि निबोधातीव दुर्गमम्
tadā māṃ kathayāmāsa pitā tadguṇakīrttanam || yathāgamaṃ tadvadāmi nibodhātīva durgamam
Sanskrit only: no published translation is held for this verse.
तद्गुणं स न जानाति तदन्यस्य च का कथा ।। यथाऽऽकाशं न जानाति स्वान्तमेव वरानने
tadguṇaṃ sa na jānāti tadanyasya ca kā kathā || yathā''kāśaṃ na jānāti svāntameva varānane
Sanskrit only: no published translation is held for this verse.
सर्वान्तरात्मा भगवान्सर्वकारणकारणम्।। सर्वेश्वरश्च सर्वाद्यः सर्ववित्सर्वरूपधृक्
sarvāntarātmā bhagavānsarvakāraṇakāraṇam|| sarveśvaraśca sarvādyaḥ sarvavitsarvarūpadhṛk
Sanskrit only: no published translation is held for this verse.
नित्यरूपी नित्यदेही नित्यानन्दो निराकृतिः ।। निरंकुशश्च निश्शृङ्गो निर्गुणश्च निराश्रयः
nityarūpī nityadehī nityānando nirākṛtiḥ || niraṃkuśaśca niśśṛṅgo nirguṇaśca nirāśrayaḥ
Sanskrit only: no published translation is held for this verse.
निर्लिप्तः सर्वसाक्षी च सर्वाधारः परात्परः ।। प्रकृतिस्तद्विकारा च प्राकृतास्तद्विकारजाः
nirliptaḥ sarvasākṣī ca sarvādhāraḥ parātparaḥ || prakṛtistadvikārā ca prākṛtāstadvikārajāḥ
Sanskrit only: no published translation is held for this verse.
स्वयं पुमांश्च प्रकृतिः स्वयं च प्रकृतेः परः ।। रूपं विधत्तेऽरूपश्च भक्तानुग्रहहेतवे
svayaṃ pumāṃśca prakṛtiḥ svayaṃ ca prakṛteḥ paraḥ || rūpaṃ vidhatte'rūpaśca bhaktānugrahahetave
Sanskrit only: no published translation is held for this verse.
अतीव कमनीयं च सुन्दरं सुमनोहरम् ।। नवीननीरदश्यामं किशोरं गोपवेषकम्
atīva kamanīyaṃ ca sundaraṃ sumanoharam || navīnanīradaśyāmaṃ kiśoraṃ gopaveṣakam
Sanskrit only: no published translation is held for this verse.
कन्दर्पकोटिलावण्यलीलाधाम मनोहरम् ।। शरन्मध्याह्नपद्मानां शोभामोषकलोचनम्
kandarpakoṭilāvaṇyalīlādhāma manoharam || śaranmadhyāhnapadmānāṃ śobhāmoṣakalocanam
Sanskrit only: no published translation is held for this verse.
शरत्पार्वणकोटीन्दुशोभासंशोभिताननम् ।। अमूल्यरत्नखचितरत्नाभरणभूषितम्
śaratpārvaṇakoṭīnduśobhāsaṃśobhitānanam || amūlyaratnakhacitaratnābharaṇabhūṣitam
Sanskrit only: no published translation is held for this verse.
सस्मितं शोभितं शश्वदमूल्याऽऽपीतवाससा ।। परं ब्रह्मस्वरूपं च ज्वलन्तं ब्रह्मतेजसा
sasmitaṃ śobhitaṃ śaśvadamūlyā''pītavāsasā || paraṃ brahmasvarūpaṃ ca jvalantaṃ brahmatejasā
Sanskrit only: no published translation is held for this verse.
सुखदृश्यं च शान्तं च राधाकान्तमनन्तकम् ।। गोपीभिर्वीक्ष्यमाणं च सस्मिताभिः समन्ततः
sukhadṛśyaṃ ca śāntaṃ ca rādhākāntamanantakam || gopībhirvīkṣyamāṇaṃ ca sasmitābhiḥ samantataḥ
Sanskrit only: no published translation is held for this verse.
रासमण्डलमध्यस्थं रत्नसिंहासनस्थितम्।। वंशीं क्वणन्तं द्विभुजं वनमालाविभूषितम्
rāsamaṇḍalamadhyasthaṃ ratnasiṃhāsanasthitam|| vaṃśīṃ kvaṇantaṃ dvibhujaṃ vanamālāvibhūṣitam
Sanskrit only: no published translation is held for this verse.
कौस्तुभेन मणीन्द्रेण सुन्दरं वक्षसोज्ज्वलम् ।। कुङ्कुमागरुकस्तूरीचन्दनार्चितविग्रहम्
kaustubhena maṇīndreṇa sundaraṃ vakṣasojjvalam || kuṅkumāgarukastūrīcandanārcitavigraham
Sanskrit only: no published translation is held for this verse.
चारुचम्पकमालाब्जमालतीमाल्यमण्डितम् ।। चारुचम्पकशोभाढ्यचूडावक्त्रिमराजितम्
cārucampakamālābjamālatīmālyamaṇḍitam || cārucampakaśobhāḍhyacūḍāvaktrimarājitam
Sanskrit only: no published translation is held for this verse.
ध्यायन्ति चैवम्भूतं वै भक्ता भक्तिपरिप्लुताः।। यद्भयाज्जगतां धाता विधत्ते सृष्टिमेव च
dhyāyanti caivambhūtaṃ vai bhaktā bhaktipariplutāḥ|| yadbhayājjagatāṃ dhātā vidhatte sṛṣṭimeva ca
Sanskrit only: no published translation is held for this verse.
करोति लेखनं कर्मानुरूपं सर्वदेहिनाम् ।। तपसां फलदाता च कर्मणां च यदाज्ञया
karoti lekhanaṃ karmānurūpaṃ sarvadehinām || tapasāṃ phaladātā ca karmaṇāṃ ca yadājñayā
Sanskrit only: no published translation is held for this verse.
विष्णुः पाता च सर्वेषां यद्भयात्पाति सन्ततम् ।। कालाग्निरुद्रः संहर्त्ता सर्वविश्वेषु यद्भयात्
viṣṇuḥ pātā ca sarveṣāṃ yadbhayātpāti santatam || kālāgnirudraḥ saṃharttā sarvaviśveṣu yadbhayāt
Sanskrit only: no published translation is held for this verse.
शिवो मृत्युञ्जयश्चैव ज्ञानिनां च गुरोर्गुरुः ।। यज्ज्ञानदानात्सिद्धेशो योगीशः सर्ववित्स्वयम्
śivo mṛtyuñjayaścaiva jñānināṃ ca gurorguruḥ || yajjñānadānātsiddheśo yogīśaḥ sarvavitsvayam
Sanskrit only: no published translation is held for this verse.
परमानन्द युक्तश्च भक्तिवैराग्यसंयुतः ।। यत्प्रसादाद्वाति वातः प्रवरः शीघ्रगामिनाम्
paramānanda yuktaśca bhaktivairāgyasaṃyutaḥ || yatprasādādvāti vātaḥ pravaraḥ śīghragāminām
Sanskrit only: no published translation is held for this verse.
तपनश्च प्रतपति यद्भयात्सन्ततं सति ।। यदाज्ञया वर्षतीन्द्रो मृत्युश्चरति जन्तुषु
tapanaśca pratapati yadbhayātsantataṃ sati || yadājñayā varṣatīndro mṛtyuścarati jantuṣu
Sanskrit only: no published translation is held for this verse.
यदाज्ञया दहेद्वह्निर्जलमेव सुशीतलम् ।। दिशो रक्षन्ति दिक्पाला महाभीता यदाज्ञया
yadājñayā dahedvahnirjalameva suśītalam || diśo rakṣanti dikpālā mahābhītā yadājñayā
Sanskrit only: no published translation is held for this verse.
भ्रमन्ति राशिचक्राणि ग्रहा वै यद्भयेन च ।। भयात्फलन्ति वृक्षाश्च पुष्पन्त्यपि च यद्भयात्
bhramanti rāśicakrāṇi grahā vai yadbhayena ca || bhayātphalanti vṛkṣāśca puṣpantyapi ca yadbhayāt
Sanskrit only: no published translation is held for this verse.
भयात्फलानि पक्वानि निष्फलास्तरवो भयात् ।। यदाज्ञया स्थलस्थाश्च न जीवन्ति जलेषु च
bhayātphalāni pakvāni niṣphalāstaravo bhayāt || yadājñayā sthalasthāśca na jīvanti jaleṣu ca
Sanskrit only: no published translation is held for this verse.
तथा स्थले जलस्थाश्च न जीवन्ति यदाज्ञया ।। अहं नियमकर्त्ता च धर्माधर्मं च यद्भयात्
tathā sthale jalasthāśca na jīvanti yadājñayā || ahaṃ niyamakarttā ca dharmādharmaṃ ca yadbhayāt
Sanskrit only: no published translation is held for this verse.
कालश्च कलयेत्सर्वं भ्रमत्येव यदाज्ञया ।। अकाले हरेत्कालो मृत्युर्वै यद्भयेन च
kālaśca kalayetsarvaṃ bhramatyeva yadājñayā || akāle haretkālo mṛtyurvai yadbhayena ca
Sanskrit only: no published translation is held for this verse.
ज्वलदग्नौ पतन्तं च गभीरे च जलार्णवे ।। वृक्षाग्रात्तीक्ष्णखड्गे च सर्पादीनां मुखेषु च
jvaladagnau patantaṃ ca gabhīre ca jalārṇave || vṛkṣāgrāttīkṣṇakhaḍge ca sarpādīnāṃ mukheṣu ca
Sanskrit only: no published translation is held for this verse.
नानाशस्त्रास्त्रविद्धं च रणेषु विषमेषु च ।। पुष्पचन्दनतल्पे च बन्धुवर्गैश्च रक्षितम्
nānāśastrāstraviddhaṃ ca raṇeṣu viṣameṣu ca || puṣpacandanatalpe ca bandhuvargaiśca rakṣitam
Sanskrit only: no published translation is held for this verse.
शयानं तन्त्रमन्त्रैश्च काले कालो हरेद्भयात् ।। धत्ते वायुस्तोयराशिं तोयं कूर्मं यदाज्ञया
śayānaṃ tantramantraiśca kāle kālo haredbhayāt || dhatte vāyustoyarāśiṃ toyaṃ kūrmaṃ yadājñayā
Sanskrit only: no published translation is held for this verse.
कूर्मोऽनन्तं स च क्षोणीं समुद्रान्सप्तपर्वतान् ।। सर्वांश्चैव क्षमारूपो नानारूपं बिभर्त्ति सः
kūrmo'nantaṃ sa ca kṣoṇīṃ samudrānsaptaparvatān || sarvāṃścaiva kṣamārūpo nānārūpaṃ bibhartti saḥ
Sanskrit only: no published translation is held for this verse.
यतः सर्वाणि भूतानि लीयन्तेऽन्ते च तत्र वै ।। इन्द्रायुश्चैव दिव्यानां युगानामेकसप्ततिः ।।५३।। । अष्टाविंशच्छक्रपाते ब्रह्मणस्स्यादहर्निशम् ।। षष्ट्याधिके पञ्चशते सहस्रे पञ्चविंशतौ
yataḥ sarvāṇi bhūtāni līyante'nte ca tatra vai || indrāyuścaiva divyānāṃ yugānāmekasaptatiḥ ||53|| | aṣṭāviṃśacchakrapāte brahmaṇassyādaharniśam || ṣaṣṭyādhike pañcaśate sahasre pañcaviṃśatau
Sanskrit only: no published translation is held for this verse.
युगे नराणां शक्रायुरेवं संख्याविदो विदुः ।। एवं त्रिंशद्दिनैर्मासो द्वाभ्यां ताभ्यामृतुः स्मृतः
yuge narāṇāṃ śakrāyurevaṃ saṃkhyāvido viduḥ || evaṃ triṃśaddinairmāso dvābhyāṃ tābhyāmṛtuḥ smṛtaḥ
Sanskrit only: no published translation is held for this verse.
ऋतुभिः षड्भिरेवाब्दं शताब्दं ब्रह्मणो वयः ।। ब्रह्मणश्च निपाते वै चक्षुरुन्मीलनं हरेः
ṛtubhiḥ ṣaḍbhirevābdaṃ śatābdaṃ brahmaṇo vayaḥ || brahmaṇaśca nipāte vai cakṣurunmīlanaṃ hareḥ
Sanskrit only: no published translation is held for this verse.
चक्षुर्निमीलने तस्य लयं प्राकृतिकं विदुः ।। प्रलये प्राकृताः सर्वे देवाद्याश्च चराचराः
cakṣurnimīlane tasya layaṃ prākṛtikaṃ viduḥ || pralaye prākṛtāḥ sarve devādyāśca carācarāḥ
Sanskrit only: no published translation is held for this verse.
लीना धातरि धाता च श्रीकृष्णे नाभिपङ्कजे ।। विष्णुः क्षीरोदशायी च वैकुण्ठे यश्चतुर्भुजः
līnā dhātari dhātā ca śrīkṛṣṇe nābhipaṅkaje || viṣṇuḥ kṣīrodaśāyī ca vaikuṇṭhe yaścaturbhujaḥ
Sanskrit only: no published translation is held for this verse.
विलीना वामपार्श्वे च कृष्णस्य परमात्मनः ।। रुद्राद्या भैरवाद्याश्च यावन्तश्च शिवानुगाः
vilīnā vāmapārśve ca kṛṣṇasya paramātmanaḥ || rudrādyā bhairavādyāśca yāvantaśca śivānugāḥ
Sanskrit only: no published translation is held for this verse.
शिवाधारे शिवे लीना ज्ञानानन्दे सनातने ।। ज्ञानाधिदेवः कृष्णस्य महादेवस्य चात्मनः
śivādhāre śive līnā jñānānande sanātane || jñānādhidevaḥ kṛṣṇasya mahādevasya cātmanaḥ
Sanskrit only: no published translation is held for this verse.
तस्य ज्ञाने विलीनश्च बभूवाथ क्षणं हरेः ।। दुर्गायां विष्णुमायायां विलीनाः सर्व शक्तयः
tasya jñāne vilīnaśca babhūvātha kṣaṇaṃ hareḥ || durgāyāṃ viṣṇumāyāyāṃ vilīnāḥ sarva śaktayaḥ
Sanskrit only: no published translation is held for this verse.
सा च कृष्णस्य बुद्धौ च बुद्ध्यधिष्ठातृदेवता ।। नारायणांशः स्कन्दश्च लीनो वक्षसि तस्य च
sā ca kṛṣṇasya buddhau ca buddhyadhiṣṭhātṛdevatā || nārāyaṇāṃśaḥ skandaśca līno vakṣasi tasya ca
Sanskrit only: no published translation is held for this verse.
श्रीकृष्णांशश्च तद्बाहौ देवाधीशो गणेश्वरः ।। पद्मांशभूता पद्मायां सा राधायां च सुव्रते
śrīkṛṣṇāṃśaśca tadbāhau devādhīśo gaṇeśvaraḥ || padmāṃśabhūtā padmāyāṃ sā rādhāyāṃ ca suvrate
Sanskrit only: no published translation is held for this verse.
गोप्यश्चापि च तस्यां च सर्वा वै देवयोषितः।। कृष्णप्राणाधिदेवी सा तस्य प्राणेषु सा स्थिता
gopyaścāpi ca tasyāṃ ca sarvā vai devayoṣitaḥ|| kṛṣṇaprāṇādhidevī sā tasya prāṇeṣu sā sthitā
Sanskrit only: no published translation is held for this verse.
सावित्री च सरस्वत्यां वेदशास्त्राणि यानि च ।। स्थिता वाणी च जिह्वायां तस्यैव परमात्मनः
sāvitrī ca sarasvatyāṃ vedaśāstrāṇi yāni ca || sthitā vāṇī ca jihvāyāṃ tasyaiva paramātmanaḥ
Sanskrit only: no published translation is held for this verse.
गोलोकस्थस्य गोपाश्च विलीनास्तस्य लोमसु ।। तत्प्राणेषु च सर्वेषां प्राणा वाता हुताशनः
golokasthasya gopāśca vilīnāstasya lomasu || tatprāṇeṣu ca sarveṣāṃ prāṇā vātā hutāśanaḥ
Sanskrit only: no published translation is held for this verse.
जठराग्नौ विलीनश्च जलं तद्रसनाग्रतः।। वैष्णवाश्चरणाम्भोजे परमानन्दसंयुताः
jaṭharāgnau vilīnaśca jalaṃ tadrasanāgrataḥ|| vaiṣṇavāścaraṇāmbhoje paramānandasaṃyutāḥ
Sanskrit only: no published translation is held for this verse.
सारात्सारतरा भक्तिरसपीयूषपायिनः ।। विराट् क्षुद्रश्च महति लीनः कृष्णे महान्विराट्
sārātsāratarā bhaktirasapīyūṣapāyinaḥ || virāṭ kṣudraśca mahati līnaḥ kṛṣṇe mahānvirāṭ
Sanskrit only: no published translation is held for this verse.
यस्यैव लोमकूपेषु विश्वानि निखिलानि च ।। यस्य चक्षु निमेषेण महांश्च प्रलयो भवेत्
yasyaiva lomakūpeṣu viśvāni nikhilāni ca || yasya cakṣu nimeṣeṇa mahāṃśca pralayo bhavet
Sanskrit only: no published translation is held for this verse.
चक्षुरुन्मीलने सृष्टिर्यस्यैव परमात्मनः ।। यावन्निमेषे सृष्टिस्स्यात्तावदुन्मीलने व्ययः
cakṣurunmīlane sṛṣṭiryasyaiva paramātmanaḥ || yāvannimeṣe sṛṣṭissyāttāvadunmīlane vyayaḥ
Sanskrit only: no published translation is held for this verse.
ब्रह्मणश्च शताब्देन सृष्टिस्तत्र लयः पुनः।। ब्रह्मसृष्टिलयानां च संख्या नास्त्येव सुव्रते
brahmaṇaśca śatābdena sṛṣṭistatra layaḥ punaḥ|| brahmasṛṣṭilayānāṃ ca saṃkhyā nāstyeva suvrate
Sanskrit only: no published translation is held for this verse.
यथा भूरजसां चैव संख्यानं च निशामय ।। चक्षुर्निमेषे प्रलयो यस्य सर्वान्तरात्मनः
yathā bhūrajasāṃ caiva saṃkhyānaṃ ca niśāmaya || cakṣurnimeṣe pralayo yasya sarvāntarātmanaḥ
Sanskrit only: no published translation is held for this verse.
उन्मीलने पुनः सृष्टिर्भवेदेवेश्वरेच्छया ।। तद्गुणोत्कीर्त्तनं वक्तुं ब्रह्माण्डेषु च कः क्षमः
unmīlane punaḥ sṛṣṭirbhavedeveśvarecchayā || tadguṇotkīrttanaṃ vaktuṃ brahmāṇḍeṣu ca kaḥ kṣamaḥ
Sanskrit only: no published translation is held for this verse.
यथा श्रुतं तातवक्त्रात्तथोक्तं च यथागमम् ।। मुक्तयश्च चतुर्वेदैर्निरुक्ताश्च चतुर्विधाः
yathā śrutaṃ tātavaktrāttathoktaṃ ca yathāgamam || muktayaśca caturvedairniruktāśca caturvidhāḥ
Sanskrit only: no published translation is held for this verse.
तत्प्रधाना हरेर्भक्तिर्मुक्तेरपि गरीयसी।। सालोक्यदा हरेरेका चान्या सारूप्यदा परा
tatpradhānā harerbhaktirmukterapi garīyasī|| sālokyadā harerekā cānyā sārūpyadā parā
Sanskrit only: no published translation is held for this verse.
सिद्धत्वममरत्वं च ब्रह्मत्वं चावहेलया ।। जन्ममृत्युजराव्याधिभयशोकादिखण्डनम्
siddhatvamamaratvaṃ ca brahmatvaṃ cāvahelayā || janmamṛtyujarāvyādhibhayaśokādikhaṇḍanam
Sanskrit only: no published translation is held for this verse.
धारणं दिव्यरूपस्य विदुर्निर्वाणमोक्षदम् ।। मुक्तिश्च सेवारहिता भक्तिः सेवाविवर्द्धिनी
dhāraṇaṃ divyarūpasya vidurnirvāṇamokṣadam || muktiśca sevārahitā bhaktiḥ sevāvivarddhinī
Sanskrit only: no published translation is held for this verse.
भक्तिमुक्त्योरयं भेदो निषेके लक्षणं शृणु ।। विदुर्बुधा निषेकं च भोगं च कृतकर्मणाम्
bhaktimuktyorayaṃ bhedo niṣeke lakṣaṇaṃ śṛṇu || vidurbudhā niṣekaṃ ca bhogaṃ ca kṛtakarmaṇām
Sanskrit only: no published translation is held for this verse.
तत्खण्डनं च शुभदं परं श्रीकृष्णसेवनम् ।। तत्त्वज्ञानमिदं साध्वि सारं वै लोकवेदयोः
tatkhaṇḍanaṃ ca śubhadaṃ paraṃ śrīkṛṣṇasevanam || tattvajñānamidaṃ sādhvi sāraṃ vai lokavedayoḥ
Sanskrit only: no published translation is held for this verse.
विघ्नघ्नं शुभदं चोक्तं गच्छ वत्से यथासुखम् ।। इत्युक्त्वा सूर्य्यपुत्रश्च जीवयित्वा च तत्पतिम्
vighnaghnaṃ śubhadaṃ coktaṃ gaccha vatse yathāsukham || ityuktvā sūryyaputraśca jīvayitvā ca tatpatim
Sanskrit only: no published translation is held for this verse.
तस्यै शुभाशिषं दत्त्वा गमनं कर्तुमुद्यतः ।। दृष्ट्वा यमं च गच्छन्तं सावित्री तं प्रणम्य च
tasyai śubhāśiṣaṃ dattvā gamanaṃ kartumudyataḥ || dṛṣṭvā yamaṃ ca gacchantaṃ sāvitrī taṃ praṇamya ca
Sanskrit only: no published translation is held for this verse.
रुरोद चरणे धृत्वा सद्विच्छेदोऽतिदुःखदः ।। सावित्रीरोदनं दृष्ट्वा यमस्सोऽयं कृपानिधिः
ruroda caraṇe dhṛtvā sadvicchedo'tiduḥkhadaḥ || sāvitrīrodanaṃ dṛṣṭvā yamasso'yaṃ kṛpānidhiḥ
Sanskrit only: no published translation is held for this verse.
तामित्युवाच सन्तुष्टस्त्वरोदीच्चापि नारद
tāmityuvāca santuṣṭastvarodīccāpi nārada
Sanskrit only: no published translation is held for this verse.
यम उवाच ।। लक्षवर्षं सुखं भुक्त्वा पुण्यक्षेत्रे च भारते ।। अन्ते यास्यसि गोलोके श्रीकृष्णभवनं शुभे
yama uvāca || lakṣavarṣaṃ sukhaṃ bhuktvā puṇyakṣetre ca bhārate || ante yāsyasi goloke śrīkṛṣṇabhavanaṃ śubhe
Sanskrit only: no published translation is held for this verse.
गत्वा च स्वगृहं भद्रे सावित्र्याश्च व्रतं कुरु ।। द्द्विसप्तवर्षपर्य्यन्तं नारीणां मोक्षकारणम्
gatvā ca svagṛhaṃ bhadre sāvitryāśca vrataṃ kuru || ddvisaptavarṣaparyyantaṃ nārīṇāṃ mokṣakāraṇam
Sanskrit only: no published translation is held for this verse.
ज्येष्ठे शुक्लचतुर्दश्यां सावित्र्याश्च व्रतं शुभम्।। शुक्लाष्टम्यां भाद्रपदे महालक्ष्म्या व्रतं शुभम्
jyeṣṭhe śuklacaturdaśyāṃ sāvitryāśca vrataṃ śubham|| śuklāṣṭamyāṃ bhādrapade mahālakṣmyā vrataṃ śubham
Sanskrit only: no published translation is held for this verse.
द्व्यष्टवर्षव्रतं चेदं प्रत्यब्दं पक्षमेव च ।। करोति परया भक्त्या सा याति च हरेः पदम्
dvyaṣṭavarṣavrataṃ cedaṃ pratyabdaṃ pakṣameva ca || karoti parayā bhaktyā sā yāti ca hareḥ padam
Sanskrit only: no published translation is held for this verse.
प्रतिमङ्गलवारे च देवीं मङ्गलचण्डिकाम् ।। प्रतिमासं शुक्लषष्ठ्यां षष्ठीं मङ्गलदायिकाम्
pratimaṅgalavāre ca devīṃ maṅgalacaṇḍikām || pratimāsaṃ śuklaṣaṣṭhyāṃ ṣaṣṭhīṃ maṅgaladāyikām
Sanskrit only: no published translation is held for this verse.
तथा चाषाढसंक्रान्त्यां मनसा सर्वसिद्धिदाम् ।। राधां रासे च कार्तिक्यां कृष्णप्राणाधिकां प्रियाम्
tathā cāṣāḍhasaṃkrāntyāṃ manasā sarvasiddhidām || rādhāṃ rāse ca kārtikyāṃ kṛṣṇaprāṇādhikāṃ priyām
Sanskrit only: no published translation is held for this verse.
उपोष्य शुक्लाष्टम्यां च प्रतिमासे वरप्रदाम् ।। विष्णुमायां भगवतीं दुर्गां दुर्गार्तिनाशिनीम्
upoṣya śuklāṣṭamyāṃ ca pratimāse varapradām || viṣṇumāyāṃ bhagavatīṃ durgāṃ durgārtināśinīm
Sanskrit only: no published translation is held for this verse.
प्रकृतिं जगदम्बां च पतिपुत्रवतीं सतीम् ।। पतिव्रतासु शुद्धासु यन्त्रेषु प्रतिमासु च
prakṛtiṃ jagadambāṃ ca patiputravatīṃ satīm || pativratāsu śuddhāsu yantreṣu pratimāsu ca
Sanskrit only: no published translation is held for this verse.
या नारी पूजयेद्भक्त्या धनसन्तानहेतवे ।। इह लोके सुखं भुक्त्वा यात्यन्ते श्रीहरेः पदम्
yā nārī pūjayedbhaktyā dhanasantānahetave || iha loke sukhaṃ bhuktvā yātyante śrīhareḥ padam
Sanskrit only: no published translation is held for this verse.
इत्युक्त्वा तां धर्मराजो जगाम निजमन्दिरम्।। गृहीत्वा स्वामिनं सा च सावित्री च निजालयम्
ityuktvā tāṃ dharmarājo jagāma nijamandiram|| gṛhītvā svāminaṃ sā ca sāvitrī ca nijālayam
Sanskrit only: no published translation is held for this verse.
सावित्री सत्यवन्तं च वृत्तान्तं च यथाक्रमम्।। अन्यांश्च कथयामास बान्धवांश्चैव नारद
sāvitrī satyavantaṃ ca vṛttāntaṃ ca yathākramam|| anyāṃśca kathayāmāsa bāndhavāṃścaiva nārada
Sanskrit only: no published translation is held for this verse.
सावित्रीजनकः पुत्रान्स प्रापद्वै क्रमेण च ।। श्वशुरश्चक्षुषी राज्यं सा च पुत्रान्वरेण च
sāvitrījanakaḥ putrānsa prāpadvai krameṇa ca || śvaśuraścakṣuṣī rājyaṃ sā ca putrānvareṇa ca
Sanskrit only: no published translation is held for this verse.
लक्षवर्षं सुखं भुक्त्वा पुण्यक्षेत्रे च भारते ।। जगाम स्वामिना सार्द्धं गोलोकं सा पतिव्रता
lakṣavarṣaṃ sukhaṃ bhuktvā puṇyakṣetre ca bhārate || jagāma svāminā sārddhaṃ golokaṃ sā pativratā
Sanskrit only: no published translation is held for this verse.
सवितुश्चाधिदेवी या मन्त्राधिष्ठातृदेवता ।। सावित्री चापि वेदानां सावित्री तेन कीर्त्तिता
savituścādhidevī yā mantrādhiṣṭhātṛdevatā || sāvitrī cāpi vedānāṃ sāvitrī tena kīrttitā
Sanskrit only: no published translation is held for this verse.
इत्येवं कथितं वत्स सावित्र्याख्यानमुत्तमम् ।। जीवकर्मविपाकं च किं पुनः श्रोतुमिच्छसि
ityevaṃ kathitaṃ vatsa sāvitryākhyānamuttamam || jīvakarmavipākaṃ ca kiṃ punaḥ śrotumicchasi
Sanskrit only: no published translation is held for this verse.