Library·Brahmavaivarta Purāṇa·2·2.37
नारद उवाच ।। हरेर्गुणं समाकर्ण्य ज्ञानं प्राप्य पुरन्दरः ।। किं चकार गृहं गत्वा तन्मे व्याख्यातुमर्हसि
nārada uvāca || harerguṇaṃ samākarṇya jñānaṃ prāpya purandaraḥ || kiṃ cakāra gṛhaṃ gatvā tanme vyākhyātumarhasi
Sanskrit only: no published translation is held for this verse.
नारायण उवाच ।। श्रीकृष्णस्य गुणं श्रुत्वा वीतरागो बभूव स ।। वैराग्यं वर्द्धयामास तदा ब्रह्मन्दिने दिने
nārāyaṇa uvāca || śrīkṛṣṇasya guṇaṃ śrutvā vītarāgo babhūva sa || vairāgyaṃ varddhayāmāsa tadā brahmandine dine
Sanskrit only: no published translation is held for this verse.
मुनिस्थानाद्गृहं गत्वा स ददर्शामरावतीम् ।। दैत्यैरसुरसंघैश्च समाकीर्णां भयाकुलाम्
munisthānādgṛhaṃ gatvā sa dadarśāmarāvatīm || daityairasurasaṃghaiśca samākīrṇāṃ bhayākulām
Sanskrit only: no published translation is held for this verse.
विषण्णबान्धवां चैव बन्धुहीनां च कुत्रचित् ।। पितृमातृकलत्रादिविहीनामतिचञ्चलाम्
viṣaṇṇabāndhavāṃ caiva bandhuhīnāṃ ca kutracit || pitṛmātṛkalatrādivihīnāmaticañcalām
Sanskrit only: no published translation is held for this verse.
शत्रुग्रस्तां च दृष्ट्वा तामगमद्वाक्पतिं प्रति ।। शक्रो मन्दाकिनीतीरे ददर्श गुरुमीश्वरम्
śatrugrastāṃ ca dṛṣṭvā tāmagamadvākpatiṃ prati || śakro mandākinītīre dadarśa gurumīśvaram
Sanskrit only: no published translation is held for this verse.
ध्यायमानं परं ब्रह्म गङ्गातोये स्थितं परम् ।। सूर्य्याभिसंमुखं पूर्वमुखं वै विश्वतो मुखम्
dhyāyamānaṃ paraṃ brahma gaṅgātoye sthitaṃ param || sūryyābhisaṃmukhaṃ pūrvamukhaṃ vai viśvato mukham
Sanskrit only: no published translation is held for this verse.
साश्रुनेत्रं पुलकितं परमानन्दसंयुतम् ।। वरिष्ठं च गरिष्ठं च धर्मिष्ठं चेष्टसेविनम्
sāśrunetraṃ pulakitaṃ paramānandasaṃyutam || variṣṭhaṃ ca gariṣṭhaṃ ca dharmiṣṭhaṃ ceṣṭasevinam
Sanskrit only: no published translation is held for this verse.
श्रेष्ठं च वन्धुवर्गाणामतिश्रेष्ठं च मानिनाम् ।। ज्येष्ठं च बन्धुवर्गाणां नेष्टं च सुरवैरिणाम्
śreṣṭhaṃ ca vandhuvargāṇāmatiśreṣṭhaṃ ca māninām || jyeṣṭhaṃ ca bandhuvargāṇāṃ neṣṭaṃ ca suravairiṇām
Sanskrit only: no published translation is held for this verse.
दृष्ट्वा गुरुं जपन्तं च तत्र तस्थौ सुरेश्वरः ।। प्रहरान्ते गुरुं दृष्ट्वा चोत्थितं प्रणनाम सः
dṛṣṭvā guruṃ japantaṃ ca tatra tasthau sureśvaraḥ || praharānte guruṃ dṛṣṭvā cotthitaṃ praṇanāma saḥ
Sanskrit only: no published translation is held for this verse.
प्रणम्य चरणाम्भोजे रुरोदोच्चैर्मुहुर्मुर्हुः ।। वृत्तान्तं कथयामास ब्रह्मशापादिकं तथा
praṇamya caraṇāmbhoje rurodoccairmuhurmurhuḥ || vṛttāntaṃ kathayāmāsa brahmaśāpādikaṃ tathā
Sanskrit only: no published translation is held for this verse.
पुनर्वरो मया लब्धो ज्ञानिनामपि दुर्लभाम् ।। वैरिग्रस्तां स्वीयपुरीं क्रमेणैव सुरेश्वरः
punarvaro mayā labdho jñānināmapi durlabhām || vairigrastāṃ svīyapurīṃ krameṇaiva sureśvaraḥ
Sanskrit only: no published translation is held for this verse.
शिष्यस्य वचनं श्रुत्वा सतां बुद्धिमतां वरः ।। बृहस्पतिरुवाचेदं कोपरक्तान्तलोचनः
śiṣyasya vacanaṃ śrutvā satāṃ buddhimatāṃ varaḥ || bṛhaspatiruvācedaṃ koparaktāntalocanaḥ
Sanskrit only: no published translation is held for this verse.
बृहस्पतिरुवाच ।। श्रुतं सर्वं सुरश्रेष्ठ मा रोदीर्वचनं शृणु ।। न कातरो हि नीतिज्ञो विपत्तौ स्यात्कदाचन
bṛhaspatiruvāca || śrutaṃ sarvaṃ suraśreṣṭha mā rodīrvacanaṃ śṛṇu || na kātaro hi nītijño vipattau syātkadācana
Sanskrit only: no published translation is held for this verse.
सम्पत्तिर्वा विपत्तिर्वा नश्वरा स्वप्नरूपिणी ।। पूर्वस्वकर्मायत्ता च स्वयं कर्त्ता तयोरपि ।।
sampattirvā vipattirvā naśvarā svapnarūpiṇī || pūrvasvakarmāyattā ca svayaṃ karttā tayorapi ||
Sanskrit only: no published translation is held for this verse.
सर्वेषां च भ्रमत्येव शश्वज्जन्मनि जन्मनि ।। चक्रनेमिक्रमेणैव तत्र का परिदेवना
sarveṣāṃ ca bhramatyeva śaśvajjanmani janmani || cakranemikrameṇaiva tatra kā paridevanā
Sanskrit only: no published translation is held for this verse.
भुङ्क्ते हि स्वकृतं कर्म सर्वत्रापि च भारते ।। शुभाशुभं च यत्किंचित्स्वकर्मफलभुक्पुमान्
bhuṅkte hi svakṛtaṃ karma sarvatrāpi ca bhārate || śubhāśubhaṃ ca yatkiṃcitsvakarmaphalabhukpumān
Sanskrit only: no published translation is held for this verse.
नाभुक्तं क्षीयते कर्म कल्पकोटिशतैरपि ।। अवश्यमेव भोक्तव्यं कृतं कर्म शुभाशुभम्
nābhuktaṃ kṣīyate karma kalpakoṭiśatairapi || avaśyameva bhoktavyaṃ kṛtaṃ karma śubhāśubham
Sanskrit only: no published translation is held for this verse.
इत्येवमुक्तं वेदे च कृष्णेन परमात्मना ।। साम्नि कौथुमशाखायां संबोध्य स्वकुलोद्भवम् ।।
ityevamuktaṃ vede ca kṛṣṇena paramātmanā || sāmni kauthumaśākhāyāṃ saṃbodhya svakulodbhavam ||
Sanskrit only: no published translation is held for this verse.
जन्म भोगावशेषे च सर्वेषां कृतकर्मणाम् ।। अनुरूपं च तेषां वै भारतेऽन्यत्र चैव हि
janma bhogāvaśeṣe ca sarveṣāṃ kṛtakarmaṇām || anurūpaṃ ca teṣāṃ vai bhārate'nyatra caiva hi
Sanskrit only: no published translation is held for this verse.
कर्मणा ब्रह्मशापं च कर्मणा च शुभाशिषम् ।। कर्मणा च महालक्ष्मीं लभेद्दैन्यं च कर्मणा
karmaṇā brahmaśāpaṃ ca karmaṇā ca śubhāśiṣam || karmaṇā ca mahālakṣmīṃ labheddainyaṃ ca karmaṇā
Sanskrit only: no published translation is held for this verse.
कोटिजन्मार्जितं कर्म जीविनामनुगच्छति ।। नहि त्यजेद्विना भोगात्तं छायेव पुरन्दर
koṭijanmārjitaṃ karma jīvināmanugacchati || nahi tyajedvinā bhogāttaṃ chāyeva purandara
Sanskrit only: no published translation is held for this verse.
कालभेदे देशभेदे पात्रभेदे च कर्मणाम् ।। न्यूनताऽधिकता वाऽपि भवेदेव हि कर्मणाम् ।।
kālabhede deśabhede pātrabhede ca karmaṇām || nyūnatā'dhikatā vā'pi bhavedeva hi karmaṇām ||
Sanskrit only: no published translation is held for this verse.
वस्तुदाने च वस्तूनां समं पुण्यं समे दिने ।। दिनभेदे कोटिगुणमसंख्यं वाऽधिकं ततः
vastudāne ca vastūnāṃ samaṃ puṇyaṃ same dine || dinabhede koṭiguṇamasaṃkhyaṃ vā'dhikaṃ tataḥ
Sanskrit only: no published translation is held for this verse.
समदेशे च वस्तूनां दाने पुण्यं समं वृषन् ।। देशभेदे कोटिगुणमसंख्यं वाऽधिकं ततः
samadeśe ca vastūnāṃ dāne puṇyaṃ samaṃ vṛṣan || deśabhede koṭiguṇamasaṃkhyaṃ vā'dhikaṃ tataḥ
Sanskrit only: no published translation is held for this verse.
समे पात्रे समं पुण्यं वस्तूनां कर्तुरेव च ।। पात्रभेदे शतगुणमसंख्यं वा ततोऽधिकम्
same pātre samaṃ puṇyaṃ vastūnāṃ kartureva ca || pātrabhede śataguṇamasaṃkhyaṃ vā tato'dhikam
Sanskrit only: no published translation is held for this verse.
यथा फलन्ति सस्यानि न्यूनान्यप्यधिकानि च ।। कर्षकाणां क्षेत्रभेदे पात्रभेदे फलं तथा
yathā phalanti sasyāni nyūnānyapyadhikāni ca || karṣakāṇāṃ kṣetrabhede pātrabhede phalaṃ tathā
Sanskrit only: no published translation is held for this verse.
सामान्यदिवसे विप्रे दानं समफलं भवेत् ।। अमायां रविसंक्रान्त्यां फलं शतगुणं भवेत् ।। चातुर्मास्यां पौर्णमास्यामनन्तफलमेव च
sāmānyadivase vipre dānaṃ samaphalaṃ bhavet || amāyāṃ ravisaṃkrāntyāṃ phalaṃ śataguṇaṃ bhavet || cāturmāsyāṃ paurṇamāsyāmanantaphalameva ca
Sanskrit only: no published translation is held for this verse.
ग्रहणे शशिनः कोटिगुणं च फलमेव च ।। सूर्य्यस्य ग्रहणे चापि ततो दशगुणं फलम्
grahaṇe śaśinaḥ koṭiguṇaṃ ca phalameva ca || sūryyasya grahaṇe cāpi tato daśaguṇaṃ phalam
Sanskrit only: no published translation is held for this verse.
अक्षयायामक्षयं चाप्यसंख्यफलमुच्यते ।। एवमन्यत्र पुण्याहे फलाधिक्यं भवेदिह
akṣayāyāmakṣayaṃ cāpyasaṃkhyaphalamucyate || evamanyatra puṇyāhe phalādhikyaṃ bhavediha
Sanskrit only: no published translation is held for this verse.
यथा दाने तथा स्नाने जपे वै पुण्यकर्मसु ।। एवं सर्वत्र बोद्धव्यं नराणां कर्मणां फलम्
yathā dāne tathā snāne jape vai puṇyakarmasu || evaṃ sarvatra boddhavyaṃ narāṇāṃ karmaṇāṃ phalam
Sanskrit only: no published translation is held for this verse.
सामान्यदेशे दानं च विप्रे समफलं भवेत् ।। तीर्थे देवगृहे चैव फलं शतगुणं स्मृतम्
sāmānyadeśe dānaṃ ca vipre samaphalaṃ bhavet || tīrthe devagṛhe caiva phalaṃ śataguṇaṃ smṛtam
Sanskrit only: no published translation is held for this verse.
गङ्गायां वै कोटिगुणं क्षेत्रे नारायणेऽव्ययम् ।। कुरुक्षेत्रे बदर्य्यां च काश्यां कोटिगुणं तथा
gaṅgāyāṃ vai koṭiguṇaṃ kṣetre nārāyaṇe'vyayam || kurukṣetre badaryyāṃ ca kāśyāṃ koṭiguṇaṃ tathā
Sanskrit only: no published translation is held for this verse.
यथा च वै कोटिगुणं तथा वै विष्णुमन्दिरे ।। केदारे वै लक्षगुणं हरिद्वारे तथा फलम्
yathā ca vai koṭiguṇaṃ tathā vai viṣṇumandire || kedāre vai lakṣaguṇaṃ haridvāre tathā phalam
Sanskrit only: no published translation is held for this verse.
पुष्करे भास्करक्षेत्रे दशलक्षगुणं फलम् ।। एवं सर्वत्र बोद्धव्यं फलाधिक्यं क्रमेण च
puṣkare bhāskarakṣetre daśalakṣaguṇaṃ phalam || evaṃ sarvatra boddhavyaṃ phalādhikyaṃ krameṇa ca
Sanskrit only: no published translation is held for this verse.
सामान्यब्राह्मणे दानं सममेव फलं लभेत् ।। लक्षं त्रिसन्ध्यं पूते च पण्डिते च जितेन्द्रिये
sāmānyabrāhmaṇe dānaṃ samameva phalaṃ labhet || lakṣaṃ trisandhyaṃ pūte ca paṇḍite ca jitendriye
Sanskrit only: no published translation is held for this verse.
विष्णुमन्त्रोपासके च बुधे कोटिगुणं फलम्।। एवं सर्वत्र बोद्धव्यं फलाधिक्यं गुणाधिकं
viṣṇumantropāsake ca budhe koṭiguṇaṃ phalam|| evaṃ sarvatra boddhavyaṃ phalādhikyaṃ guṇādhikaṃ
Sanskrit only: no published translation is held for this verse.
यथा दण्डेन सूत्रेण शरावेण जलेन च ।। कुम्भं निर्माति चक्रेण कुम्भकारो मृदा भुवि
yathā daṇḍena sūtreṇa śarāveṇa jalena ca || kumbhaṃ nirmāti cakreṇa kumbhakāro mṛdā bhuvi
Sanskrit only: no published translation is held for this verse.
तथैव कर्मसूत्रेण फलं धाता ददाति च ।। यस्याज्ञया सृष्टिविधौ तं च नारायणं भज
tathaiva karmasūtreṇa phalaṃ dhātā dadāti ca || yasyājñayā sṛṣṭividhau taṃ ca nārāyaṇaṃ bhaja
Sanskrit only: no published translation is held for this verse.
स विधाता विधातुश्च पातुः पाता जगत्त्रये ।। स्रष्टुः स्रष्टा च संहर्त्तुः संहर्त्ता कालकालकः
sa vidhātā vidhātuśca pātuḥ pātā jagattraye || sraṣṭuḥ sraṣṭā ca saṃharttuḥ saṃharttā kālakālakaḥ
Sanskrit only: no published translation is held for this verse.
महाविपत्तौ संसारे यः स्मरेन्मधुसूदनम् ।। विपत्तौ तस्य सम्पत्तिर्भवेदित्याह शङ्करः
mahāvipattau saṃsāre yaḥ smarenmadhusūdanam || vipattau tasya sampattirbhavedityāha śaṅkaraḥ
Sanskrit only: no published translation is held for this verse.
इत्येवमुक्त्वा जीवश्च समालिङ्ग्य सुरेश्वरम् ।। दत्त्वा शुभाशिषं चेष्टं बोधयामास नारद
ityevamuktvā jīvaśca samāliṅgya sureśvaram || dattvā śubhāśiṣaṃ ceṣṭaṃ bodhayāmāsa nārada
Sanskrit only: no published translation is held for this verse.