Library·Brahmavaivarta Purāṇa·2·2.39
नारद उवाच ।। हरेरुत्कीर्त्तनं भद्रं श्रुतं तज्ज्ञानमुत्तमम् ।। ईप्सितं लक्ष्म्युपाख्यानं ध्यानं स्तोत्रादिकं वद
nārada uvāca || harerutkīrttanaṃ bhadraṃ śrutaṃ tajjñānamuttamam || īpsitaṃ lakṣmyupākhyānaṃ dhyānaṃ stotrādikaṃ vada
Sanskrit only: no published translation is held for this verse.
हरिणा पूजिता पूर्वं ततो ब्रह्मादिभिस्तथा।। शक्रेण भ्रष्टराज्येन सार्द्धं सुरगणेन च।। ध्यानेन पूजिता केन विधिना केन वा पुरा।। केन स्तुता वा स्तोत्रेण तन्मे व्याख्यातुमर्हसि
hariṇā pūjitā pūrvaṃ tato brahmādibhistathā|| śakreṇa bhraṣṭarājyena sārddhaṃ suragaṇena ca|| dhyānena pūjitā kena vidhinā kena vā purā|| kena stutā vā stotreṇa tanme vyākhyātumarhasi
Sanskrit only: no published translation is held for this verse.
श्रीनारायण उवाच ।। स्नात्वा तीर्थे पुरा शक्रो धृत्वा धौते च वाससी ।। क्षीरोदे संस्थाप्य घटं देवषट्कमपूजयत्
śrīnārāyaṇa uvāca || snātvā tīrthe purā śakro dhṛtvā dhaute ca vāsasī || kṣīrode saṃsthāpya ghaṭaṃ devaṣaṭkamapūjayat
Sanskrit only: no published translation is held for this verse.
गणेशं च दिनेशं च वह्निं विष्णुं शिवं शिवाम् ।। एतान्भक्त्या समभ्यर्च्य पुष्पगन्धादिभिस्तथा
gaṇeśaṃ ca dineśaṃ ca vahniṃ viṣṇuṃ śivaṃ śivām || etānbhaktyā samabhyarcya puṣpagandhādibhistathā
Sanskrit only: no published translation is held for this verse.
तत्रावाह्य महालक्ष्मीं परमैश्वर्य्यरूपिणीम् ।। पूजां चकार देवेशो ब्रह्मणा च पुरोधसा
tatrāvāhya mahālakṣmīṃ paramaiśvaryyarūpiṇīm || pūjāṃ cakāra deveśo brahmaṇā ca purodhasā
Sanskrit only: no published translation is held for this verse.
पुरः स्थितेषु मुनिषु ब्राह्मणेषु गुरौ तथा ।। देवादिषु च देवेशे ज्ञानानन्दे शिवे मुने
puraḥ sthiteṣu muniṣu brāhmaṇeṣu gurau tathā || devādiṣu ca deveśe jñānānande śive mune
Sanskrit only: no published translation is held for this verse.
पारिजातस्य पुष्पं च गृहीत्वा चन्दनोक्षितम् ।। ध्यात्वा देवीं महालक्ष्मीं पूजयामास नारद
pārijātasya puṣpaṃ ca gṛhītvā candanokṣitam || dhyātvā devīṃ mahālakṣmīṃ pūjayāmāsa nārada
Sanskrit only: no published translation is held for this verse.
ध्यानं च सामवेदोक्तं यदुक्तं ब्रह्मणे पुरा ।। ध्यानेन हरिणा तेन तन्निबोध वदामि ते
dhyānaṃ ca sāmavedoktaṃ yaduktaṃ brahmaṇe purā || dhyānena hariṇā tena tannibodha vadāmi te
Sanskrit only: no published translation is held for this verse.
सहस्रदलपद्मस्य कर्णिकावासिनीं पराम् ।। शरत्पार्वणकोटीन्दुप्रभाजुष्टकरां वराम्
sahasradalapadmasya karṇikāvāsinīṃ parām || śaratpārvaṇakoṭīnduprabhājuṣṭakarāṃ varām
Sanskrit only: no published translation is held for this verse.
स्वतेजसा प्रज्वलन्तीं सुखदृश्यां मनोहराम् ।। प्रतप्तकाञ्चननिभां शोभां मूर्तिमतीं सतीम्
svatejasā prajvalantīṃ sukhadṛśyāṃ manoharām || prataptakāñcananibhāṃ śobhāṃ mūrtimatīṃ satīm
Sanskrit only: no published translation is held for this verse.
रत्नभूषणभूषाढ्यां शोभितां पीतवाससा ।। ईषद्धास्यप्रसन्नास्यां रम्यां सुस्थिरयौवनाम्
ratnabhūṣaṇabhūṣāḍhyāṃ śobhitāṃ pītavāsasā || īṣaddhāsyaprasannāsyāṃ ramyāṃ susthirayauvanām
Sanskrit only: no published translation is held for this verse.
सर्वसम्पत्प्रदात्रीं च महालक्ष्मीं भजे शुभाम् ।। ध्यानेनानेन तां ध्यात्वा चोपहारैस्सुसंयुतः
sarvasampatpradātrīṃ ca mahālakṣmīṃ bhaje śubhām || dhyānenānena tāṃ dhyātvā copahāraissusaṃyutaḥ
Sanskrit only: no published translation is held for this verse.
सम्पूज्य ब्रह्मवाक्येन चोपहाराणि षोडश ।। ददौ भक्त्या विधानेन प्रत्येकं मन्त्रपूर्वकम्
sampūjya brahmavākyena copahārāṇi ṣoḍaśa || dadau bhaktyā vidhānena pratyekaṃ mantrapūrvakam
Sanskrit only: no published translation is held for this verse.
शुद्धं गङ्गोदकमिदं सर्ववन्दितमीप्सितम् ।। पापेध्मवह्निरूपं च गृह्यतां कमलालये
śuddhaṃ gaṅgodakamidaṃ sarvavanditamīpsitam || pāpedhmavahnirūpaṃ ca gṛhyatāṃ kamalālaye
Sanskrit only: no published translation is held for this verse.
पुष्पचन्दनदूर्वादिसंयुतं जाह्नवीजलम् ।। शङ्खगर्भस्थितं शुद्धं गृह्यतां पद्मवासिनि
puṣpacandanadūrvādisaṃyutaṃ jāhnavījalam || śaṅkhagarbhasthitaṃ śuddhaṃ gṛhyatāṃ padmavāsini
Sanskrit only: no published translation is held for this verse.
सुगन्धियुक्ततैलं च सुगन्धामलकीजलम् ।। देहसौन्दर्य्यबीजं च गृह्यतां श्रीहरिप्रिये
sugandhiyuktatailaṃ ca sugandhāmalakījalam || dehasaundaryyabījaṃ ca gṛhyatāṃ śrīharipriye
Sanskrit only: no published translation is held for this verse.
प्रशंस्यानि प्रहृष्टानि दुर्लभानि वराणि च।। अमूल्यरत्नखचितं निर्मितं विश्वकर्मणा ।। आसनं च विचित्रं च महालक्ष्मि प्रगृह्यताम्
praśaṃsyāni prahṛṣṭāni durlabhāni varāṇi ca|| amūlyaratnakhacitaṃ nirmitaṃ viśvakarmaṇā || āsanaṃ ca vicitraṃ ca mahālakṣmi pragṛhyatām
Sanskrit only: no published translation is held for this verse.
मलयाचलसंभूतं वृक्षसारं मनोहरम् ।। सुगन्धियुक्तं सुखदं चन्दनं देवि गृह्यताम्
malayācalasaṃbhūtaṃ vṛkṣasāraṃ manoharam || sugandhiyuktaṃ sukhadaṃ candanaṃ devi gṛhyatām
Sanskrit only: no published translation is held for this verse.
जगच्चक्षुस्स्वरूपं च ध्वान्तप्रध्वंसकारणम् ।। प्रदीपं शुद्धरूपं च गृह्यतां परमेश्वरि
jagaccakṣussvarūpaṃ ca dhvāntapradhvaṃsakāraṇam || pradīpaṃ śuddharūpaṃ ca gṛhyatāṃ parameśvari
Sanskrit only: no published translation is held for this verse.
नानोपहाररूपं च नानारससमन्वितम् ।। नानास्वादुकरं चैव नैवेद्यं प्रतिगृह्यताम्
nānopahārarūpaṃ ca nānārasasamanvitam || nānāsvādukaraṃ caiva naivedyaṃ pratigṛhyatām
Sanskrit only: no published translation is held for this verse.
अन्नं ब्रह्मस्वरूपं च प्राणरक्षणकारणम् ।। तुष्टिदं पुष्टिदं चान्नं मधुरं प्रतिगृह्यताम्
annaṃ brahmasvarūpaṃ ca prāṇarakṣaṇakāraṇam || tuṣṭidaṃ puṣṭidaṃ cānnaṃ madhuraṃ pratigṛhyatām
Sanskrit only: no published translation is held for this verse.
शाल्यक्षतसुपक्वं च शर्करागव्यसंयुतम् ।। सुस्वादु रम्यं पद्मे च परमान्नं प्रगृह्यताम्
śālyakṣatasupakvaṃ ca śarkarāgavyasaṃyutam || susvādu ramyaṃ padme ca paramānnaṃ pragṛhyatām
Sanskrit only: no published translation is held for this verse.
शर्करागव्यपक्वं च सुस्वादु सुमनोहरम् ।। मया निवेदितं लक्ष्मि स्वस्तिकं प्रतिगृह्यताम्
śarkarāgavyapakvaṃ ca susvādu sumanoharam || mayā niveditaṃ lakṣmi svastikaṃ pratigṛhyatām
Sanskrit only: no published translation is held for this verse.
नानाविधानि रम्याणि पक्वानि च फलानि तु ।। स्वादुरस्यानि कमले गृह्यन्तां फलदानि च
nānāvidhāni ramyāṇi pakvāni ca phalāni tu || svādurasyāni kamale gṛhyantāṃ phaladāni ca
Sanskrit only: no published translation is held for this verse.
सुरभिस्तनसम्भूतं सुस्वादु सुमनोहरम् ।। मर्त्यामृतं च गव्यं वै गृह्यतामच्युतप्रिये
surabhistanasambhūtaṃ susvādu sumanoharam || martyāmṛtaṃ ca gavyaṃ vai gṛhyatāmacyutapriye
Sanskrit only: no published translation is held for this verse.
सुस्वादुरससंयुक्तमिक्षुवृक्षरसोद्भवम् ।। अग्निपक्वमपक्वं वा गुडं वै देवि गृह्यताम्
susvādurasasaṃyuktamikṣuvṛkṣarasodbhavam || agnipakvamapakvaṃ vā guḍaṃ vai devi gṛhyatām
Sanskrit only: no published translation is held for this verse.
यवगोधूमसस्यानां चूर्णरेणुसमुद्भवम् ।। सुपक्वगुडगव्याक्तं मिष्टान्नं देवि गृह्यताम्
yavagodhūmasasyānāṃ cūrṇareṇusamudbhavam || supakvaguḍagavyāktaṃ miṣṭānnaṃ devi gṛhyatām
Sanskrit only: no published translation is held for this verse.
सस्यचूर्णोद्भवं पक्वं स्वस्तिकादिसमन्वितम् ।। मया निवेदितं देवि पिष्टकं प्रतिगृह्यताम्
sasyacūrṇodbhavaṃ pakvaṃ svastikādisamanvitam || mayā niveditaṃ devi piṣṭakaṃ pratigṛhyatām
Sanskrit only: no published translation is held for this verse.
पार्थिवं वृक्षभेदं च विविधैर्द्रव्यकारकम् ।। सुस्वादु रससंयुक्तमैक्षवं प्रतिगृह्यताम्
pārthivaṃ vṛkṣabhedaṃ ca vividhairdravyakārakam || susvādu rasasaṃyuktamaikṣavaṃ pratigṛhyatām
Sanskrit only: no published translation is held for this verse.
शीतवायुप्रदं चैव दाहे च सुखदं परम् ।। कमले गृह्यतां चेदं व्यजनं श्वेतचामरम्
śītavāyupradaṃ caiva dāhe ca sukhadaṃ param || kamale gṛhyatāṃ cedaṃ vyajanaṃ śvetacāmaram
Sanskrit only: no published translation is held for this verse.
ताम्बूलं च वरं रम्यं कर्पूरादिसुवासितम् ।। जिह्वाजाड्यच्छेदकरं ताम्बूलं देवि गृह्यताम्
tāmbūlaṃ ca varaṃ ramyaṃ karpūrādisuvāsitam || jihvājāḍyacchedakaraṃ tāmbūlaṃ devi gṛhyatām
Sanskrit only: no published translation is held for this verse.
सुवासितं शीतलं च पिपासानाशकारणम् ।। जगज्जीवनरूपं च जीवनं देवि गृह्यताम्
suvāsitaṃ śītalaṃ ca pipāsānāśakāraṇam || jagajjīvanarūpaṃ ca jīvanaṃ devi gṛhyatām
Sanskrit only: no published translation is held for this verse.
देहसौन्दर्य्यबीजं च सदा शोभाविवर्द्धनम् ।। कार्पासजं च कृमिजं वसनं देवि गृह्यताम्
dehasaundaryyabījaṃ ca sadā śobhāvivarddhanam || kārpāsajaṃ ca kṛmijaṃ vasanaṃ devi gṛhyatām
Sanskrit only: no published translation is held for this verse.
रत्नस्वर्णविकारं च देहसौख्यविवर्द्धनम् ।। शोभाधानं श्रीकरं च भूषणं प्रतिगृह्यताम् ।।
ratnasvarṇavikāraṃ ca dehasaukhyavivarddhanam || śobhādhānaṃ śrīkaraṃ ca bhūṣaṇaṃ pratigṛhyatām ||
Sanskrit only: no published translation is held for this verse.
नानाकुसुमसन्दर्भं बहुशोभाप्रदं परम् ।। सुरलोकप्रियं शुद्धं माल्यं देवि प्रगृह्यताम्
nānākusumasandarbhaṃ bahuśobhāpradaṃ param || suralokapriyaṃ śuddhaṃ mālyaṃ devi pragṛhyatām
Sanskrit only: no published translation is held for this verse.
शुद्धिदं शुद्धिरूपं च सर्वमङ्गलमङ्गलम् ।। गन्धवस्तूद्भवं रम्यं गन्धं देवि प्रगृह्यताम्
śuddhidaṃ śuddhirūpaṃ ca sarvamaṅgalamaṅgalam || gandhavastūdbhavaṃ ramyaṃ gandhaṃ devi pragṛhyatām
Sanskrit only: no published translation is held for this verse.
पुण्यतीर्थोदकं चैव विशुद्धं शुद्धिदं सदा।। गृहाण कृष्णकान्ते त्वं रम्यमाचमनीयकम्
puṇyatīrthodakaṃ caiva viśuddhaṃ śuddhidaṃ sadā|| gṛhāṇa kṛṣṇakānte tvaṃ ramyamācamanīyakam
Sanskrit only: no published translation is held for this verse.
रत्नसारैस्संग्रथितं पुष्पचन्दनसंयुतम् ।। रत्नभूषणभूषाढ्यं सुतल्पं प्रतिगृह्यताम्
ratnasāraissaṃgrathitaṃ puṣpacandanasaṃyutam || ratnabhūṣaṇabhūṣāḍhyaṃ sutalpaṃ pratigṛhyatām
Sanskrit only: no published translation is held for this verse.
यद्यद्द्रव्यमपूर्वं च पृथिव्यामस्ति दुर्लभम् ।। देवभूषाढ्यभोग्यं च तद्द्रव्यं देवि गृह्यताम्
yadyaddravyamapūrvaṃ ca pṛthivyāmasti durlabham || devabhūṣāḍhyabhogyaṃ ca taddravyaṃ devi gṛhyatām
Sanskrit only: no published translation is held for this verse.
द्रव्याण्येतानि दत्त्वा वै मूलेन देवपुंगव ।। मूलं जजाप भक्त्या च दशलक्षं विधानतः
dravyāṇyetāni dattvā vai mūlena devapuṃgava || mūlaṃ jajāpa bhaktyā ca daśalakṣaṃ vidhānataḥ
Sanskrit only: no published translation is held for this verse.
जपेन दशलक्षेण मन्त्रसिद्धिर्बभूव ह ।। मन्त्रश्च ब्रह्मणा दत्तः कल्पवृक्षश्च सर्वदा
japena daśalakṣeṇa mantrasiddhirbabhūva ha || mantraśca brahmaṇā dattaḥ kalpavṛkṣaśca sarvadā
Sanskrit only: no published translation is held for this verse.
लक्ष्मीर्माया कामवाणी ततः कमलवासिनी ।। स्वाहान्तो वैदिको मन्त्रराजोऽयं द्वादशाक्षरः
lakṣmīrmāyā kāmavāṇī tataḥ kamalavāsinī || svāhānto vaidiko mantrarājo'yaṃ dvādaśākṣaraḥ
Sanskrit only: no published translation is held for this verse.
मंगलोऽनेन मन्त्रेण सप्तद्वीपवतीपतिः।। प्रियव्रतोत्तानपादौ केदारो नृप एव च
maṃgalo'nena mantreṇa saptadvīpavatīpatiḥ|| priyavratottānapādau kedāro nṛpa eva ca
Sanskrit only: no published translation is held for this verse.
एते च सिद्धा राजेन्द्रा मन्त्रेणानेन नारद।। सिद्धे मन्त्रे महालक्ष्मीर्ददौ शक्राय दर्शनम्
ete ca siddhā rājendrā mantreṇānena nārada|| siddhe mantre mahālakṣmīrdadau śakrāya darśanam
Sanskrit only: no published translation is held for this verse.
रत्नेन्द्रव्यूहखचितविमानस्था वरप्रदा ।। सप्तद्वीपवतीं पृथ्वीं छादयन्ती त्विषा च सा
ratnendravyūhakhacitavimānasthā varapradā || saptadvīpavatīṃ pṛthvīṃ chādayantī tviṣā ca sā
Sanskrit only: no published translation is held for this verse.
श्रीं ह्रीं क्लीं ऐं कमलवासिन्यै स्वाहा ।। कुबेरोऽनेन मन्त्रेण सर्वैश्वर्यमवाप्तवान् ।। राजराजेश्वरो दक्षः सावर्णिर्मनुरेव च
śrīṃ hrīṃ klīṃ aiṃ kamalavāsinyai svāhā || kubero'nena mantreṇa sarvaiśvaryamavāptavān || rājarājeśvaro dakṣaḥ sāvarṇirmanureva ca
Sanskrit only: no published translation is held for this verse.
बिभ्रती रत्नमालां च कोटि चन्द्रसमप्रभा ।। दृष्ट्वा जगत्प्रसूं शान्तां तां तुष्टाव पुरन्दरः
bibhratī ratnamālāṃ ca koṭi candrasamaprabhā || dṛṣṭvā jagatprasūṃ śāntāṃ tāṃ tuṣṭāva purandaraḥ
Sanskrit only: no published translation is held for this verse.
पुलकाङ्कितसर्वाङ्गः साश्रुनेत्रः कृताञ्जलिः ।। ब्रह्मणा च प्रदत्तेन स्तोत्रराजेन संयतः ।। सर्वाभीष्टप्रदेनैव वैदिकेनैव तत्र च
pulakāṅkitasarvāṅgaḥ sāśrunetraḥ kṛtāñjaliḥ || brahmaṇā ca pradattena stotrarājena saṃyataḥ || sarvābhīṣṭapradenaiva vaidikenaiva tatra ca
Sanskrit only: no published translation is held for this verse.
इन्द्र उवाच ।। ॐ नमः कमलवासिन्यै नारायण्यै नमो नमः ।। कृष्णप्रियायै सारायै पद्मायै च नमो नमः
indra uvāca || oṃ namaḥ kamalavāsinyai nārāyaṇyai namo namaḥ || kṛṣṇapriyāyai sārāyai padmāyai ca namo namaḥ
Sanskrit only: no published translation is held for this verse.
पद्मपत्रेक्षणायै च पद्मास्यायै नमो नमः ।। पद्मासनायै पद्मिन्यै वैष्णव्यै च नमो नमः
padmapatrekṣaṇāyai ca padmāsyāyai namo namaḥ || padmāsanāyai padminyai vaiṣṇavyai ca namo namaḥ
Sanskrit only: no published translation is held for this verse.
सर्वसम्पत्स्वरूपायै सर्वदात्र्यै नमो नमः ।। सुखदायै मोक्षदायै सिद्धिदायै नमो नमः
sarvasampatsvarūpāyai sarvadātryai namo namaḥ || sukhadāyai mokṣadāyai siddhidāyai namo namaḥ
Sanskrit only: no published translation is held for this verse.
हरिभक्तिप्रदात्र्यै च हर्षदात्र्यै नमो नमः ।। कृष्णवक्षस्थितायै च कृष्णेशायै नमो नमः
haribhaktipradātryai ca harṣadātryai namo namaḥ || kṛṣṇavakṣasthitāyai ca kṛṣṇeśāyai namo namaḥ
Sanskrit only: no published translation is held for this verse.
कृष्णशोभास्वरू पायै रत्नाढ्यायै नमो नमः ।। सम्पत्त्यधिष्ठातृदेव्यै महादेव्यै नमो नमः
kṛṣṇaśobhāsvarū pāyai ratnāḍhyāyai namo namaḥ || sampattyadhiṣṭhātṛdevyai mahādevyai namo namaḥ
Sanskrit only: no published translation is held for this verse.
सस्याधिष्ठातृदेव्यै च सस्यलक्ष्म्यै नमो नमः ।। नमो बुद्धिस्वरूपायै बुद्धिदायै नमो नमः
sasyādhiṣṭhātṛdevyai ca sasyalakṣmyai namo namaḥ || namo buddhisvarūpāyai buddhidāyai namo namaḥ
Sanskrit only: no published translation is held for this verse.
वैकुण्ठे च महालक्ष्मीर्लक्ष्मीः क्षीरोदसागरे ।। स्वर्गलक्ष्मीरिन्द्रगेहे राजलक्ष्मीर्नृपालये
vaikuṇṭhe ca mahālakṣmīrlakṣmīḥ kṣīrodasāgare || svargalakṣmīrindragehe rājalakṣmīrnṛpālaye
Sanskrit only: no published translation is held for this verse.
गृहलक्ष्मीश्च गृहिणां गेहे च गृहदेवता ।। सुरभिस्सा गवां माता दक्षिणा यज्ञकामिनी
gṛhalakṣmīśca gṛhiṇāṃ gehe ca gṛhadevatā || surabhissā gavāṃ mātā dakṣiṇā yajñakāminī
Sanskrit only: no published translation is held for this verse.
अदितिर्देवमाता त्वं कमला कमलालये ।। स्वाहा त्वं च हविर्दाने कव्यदाने स्वधा स्मृता
aditirdevamātā tvaṃ kamalā kamalālaye || svāhā tvaṃ ca havirdāne kavyadāne svadhā smṛtā
Sanskrit only: no published translation is held for this verse.
त्वं हि विष्णुस्वरूपा च सर्वाधारा वसुन्धरा ।। शुद्धसत्त्वस्वरूपा त्वं नारायणपरायणा
tvaṃ hi viṣṇusvarūpā ca sarvādhārā vasundharā || śuddhasattvasvarūpā tvaṃ nārāyaṇaparāyaṇā
Sanskrit only: no published translation is held for this verse.
क्रोधहिंसावर्जिता च वरदा च शुभानना।। परमार्थप्रदा त्वं च हरिदास्यप्रदा परा
krodhahiṃsāvarjitā ca varadā ca śubhānanā|| paramārthapradā tvaṃ ca haridāsyapradā parā
Sanskrit only: no published translation is held for this verse.
यया विना जगत्सर्वं भस्मीभूतमसारकम् ।। जीवन्मृतं च विश्वं च शवतुल्यं यया विना
yayā vinā jagatsarvaṃ bhasmībhūtamasārakam || jīvanmṛtaṃ ca viśvaṃ ca śavatulyaṃ yayā vinā
Sanskrit only: no published translation is held for this verse.
सर्वेषां च परा त्वं हि सर्वबान्धवरूपिणी।। यया विना न संभाष्यो बान्धवैर्बान्धवः सदा
sarveṣāṃ ca parā tvaṃ hi sarvabāndhavarūpiṇī|| yayā vinā na saṃbhāṣyo bāndhavairbāndhavaḥ sadā
Sanskrit only: no published translation is held for this verse.
त्वया हीनो बन्धुहीनस्त्वया युक्तः सबान्धवः।। धर्मार्थकाममोक्षाणां त्वं च कारणरूपिणी
tvayā hīno bandhuhīnastvayā yuktaḥ sabāndhavaḥ|| dharmārthakāmamokṣāṇāṃ tvaṃ ca kāraṇarūpiṇī
Sanskrit only: no published translation is held for this verse.
स्तनन्धयानां त्वं माता शिशूनां शैशवे यथा।। तथा त्वं सर्वदा माता सर्वेषां सर्वविश्वतः
stanandhayānāṃ tvaṃ mātā śiśūnāṃ śaiśave yathā|| tathā tvaṃ sarvadā mātā sarveṣāṃ sarvaviśvataḥ
Sanskrit only: no published translation is held for this verse.
त्यक्तस्तनो मातृहीनः स चेज्जीवति दैवतः ।। त्वया हीनो जनः कोऽपि न जीवत्येव निश्चितम्
tyaktastano mātṛhīnaḥ sa cejjīvati daivataḥ || tvayā hīno janaḥ ko'pi na jīvatyeva niścitam
Sanskrit only: no published translation is held for this verse.
सुप्रसन्नस्वरूपा त्वं मे प्रसन्ना भवाम्बिके ।। वैरिग्रहस्तद्विषयं देहि मह्यं सनातनि
suprasannasvarūpā tvaṃ me prasannā bhavāmbike || vairigrahastadviṣayaṃ dehi mahyaṃ sanātani
Sanskrit only: no published translation is held for this verse.
वयं यावत्त्वया हीना बन्धुहीनाश्च भिक्षुकाः ।। सर्वसंपद्विहीनाश्च तावदेव हरिप्रिये
vayaṃ yāvattvayā hīnā bandhuhīnāśca bhikṣukāḥ || sarvasaṃpadvihīnāśca tāvadeva haripriye
Sanskrit only: no published translation is held for this verse.
राज्यं देहि श्रियं देहि बलं देहि सुरेश्वरि ।। कीर्तिं देहि धनं देहि पुत्रान्मह्यं च देहि वै
rājyaṃ dehi śriyaṃ dehi balaṃ dehi sureśvari || kīrtiṃ dehi dhanaṃ dehi putrānmahyaṃ ca dehi vai
Sanskrit only: no published translation is held for this verse.
कामं देहि मतिं देहि भोगान्देहि हरिप्रिये ।। ज्ञानं देहि च धर्मं च सर्वसौभाग्यमीप्सितम्
kāmaṃ dehi matiṃ dehi bhogāndehi haripriye || jñānaṃ dehi ca dharmaṃ ca sarvasaubhāgyamīpsitam
Sanskrit only: no published translation is held for this verse.
सर्वाधिकारमेवं वै प्रभावं च प्रतापकम् ।। जयं पराक्रमं युद्धे परमैश्वर्य्यमेव च
sarvādhikāramevaṃ vai prabhāvaṃ ca pratāpakam || jayaṃ parākramaṃ yuddhe paramaiśvaryyameva ca
Sanskrit only: no published translation is held for this verse.
इत्युक्त्वा तु महेन्द्रश्च सर्वैः सुरगणैः सह ।। ननाम साश्रुनेत्रोऽयं मूर्ध्ना चैव पुनः पुनः
ityuktvā tu mahendraśca sarvaiḥ suragaṇaiḥ saha || nanāma sāśrunetro'yaṃ mūrdhnā caiva punaḥ punaḥ
Sanskrit only: no published translation is held for this verse.
ब्रह्मा च शंकरश्चैव शेषो धर्मश्च केशवः।। सर्वे चक्रुः परीहारं सुरार्थे च पुनः पुनः
brahmā ca śaṃkaraścaiva śeṣo dharmaśca keśavaḥ|| sarve cakruḥ parīhāraṃ surārthe ca punaḥ punaḥ
Sanskrit only: no published translation is held for this verse.
देवेभ्यश्च वरं दत्त्वा पुष्पमालां मनोहराम्।। केशवाय ददौ लक्ष्मीः सन्तुष्टा सुरसंसदि
devebhyaśca varaṃ dattvā puṣpamālāṃ manoharām|| keśavāya dadau lakṣmīḥ santuṣṭā surasaṃsadi
Sanskrit only: no published translation is held for this verse.
ययुर्देवाश्च सन्तुष्टाः स्वं स्वं स्थानं च नारद ।। देवी ययौ हरेः क्रोडं हृष्टा क्षीरोदशायिनः
yayurdevāśca santuṣṭāḥ svaṃ svaṃ sthānaṃ ca nārada || devī yayau hareḥ kroḍaṃ hṛṣṭā kṣīrodaśāyinaḥ
Sanskrit only: no published translation is held for this verse.
ययतुस्तौ स्वस्वगृहं ब्रह्मेशानौ च नारद ।। दत्त्वा शुभाशिषं तौ च देवेभ्यः प्रीतिपूर्वकम्
yayatustau svasvagṛhaṃ brahmeśānau ca nārada || dattvā śubhāśiṣaṃ tau ca devebhyaḥ prītipūrvakam
Sanskrit only: no published translation is held for this verse.
इदं स्तोत्रं महापुण्यं त्रिसन्ध्यं यः पठेन्नरः ।। कुबेरतुल्यः स भवेद्राजराजेश्वरो महान्
idaṃ stotraṃ mahāpuṇyaṃ trisandhyaṃ yaḥ paṭhennaraḥ || kuberatulyaḥ sa bhavedrājarājeśvaro mahān
Sanskrit only: no published translation is held for this verse.
सिद्धस्तोत्रं यदि पठेत्सोऽपि कल्पतरुर्नरः ।। पञ्चलक्ष जपेनैव स्तोत्रसिद्धिर्भवेन्नृणाम्
siddhastotraṃ yadi paṭhetso'pi kalpatarurnaraḥ || pañcalakṣa japenaiva stotrasiddhirbhavennṛṇām
Sanskrit only: no published translation is held for this verse.
सिद्धिःस्तोत्रं यदि पठेन्मासमेकं च संयतः ।। महासुखी च राजेन्द्रो भविष्यति न संशयः
siddhiḥstotraṃ yadi paṭhenmāsamekaṃ ca saṃyataḥ || mahāsukhī ca rājendro bhaviṣyati na saṃśayaḥ
Sanskrit only: no published translation is held for this verse.
नारद उवाच ।। पुष्पं दुर्वाससा दत्तमस्ति वै यस्य मस्तके ।। तस्य सर्वा पुरःपूजेत्युक्तं पूर्वं त्वया प्रभो
nārada uvāca || puṣpaṃ durvāsasā dattamasti vai yasya mastake || tasya sarvā puraḥpūjetyuktaṃ pūrvaṃ tvayā prabho
Sanskrit only: no published translation is held for this verse.
तदेव स्थापितं पुष्पं गजेन्द्रस्यैव मस्तके ।। यतो जन्म गणेशस्य स च मत्तो वनं गतः
tadeva sthāpitaṃ puṣpaṃ gajendrasyaiva mastake || yato janma gaṇeśasya sa ca matto vanaṃ gataḥ
Sanskrit only: no published translation is held for this verse.
मूर्ध्नि च्छिन्ने गणपतेः शनेर्दृष्ट्या पुरा मुने ।। तत्स्कन्धे योजयामास हस्तिमस्तं हरिः स्वयम्
mūrdhni cchinne gaṇapateḥ śanerdṛṣṭyā purā mune || tatskandhe yojayāmāsa hastimastaṃ hariḥ svayam
Sanskrit only: no published translation is held for this verse.
अधुनोक्तं देवषट्कं संपूज्य च पुरन्दरः ।। पूजयामास लक्ष्मीं च क्षीरोदे च सुरैः सह
adhunoktaṃ devaṣaṭkaṃ saṃpūjya ca purandaraḥ || pūjayāmāsa lakṣmīṃ ca kṣīrode ca suraiḥ saha
Sanskrit only: no published translation is held for this verse.
अहो पुराणवक्तॄणां दुर्बोधं वचनं नृणाम् ।। सुव्यक्तमस्य सिद्धान्तं वद वेदविदां वर
aho purāṇavaktṝṇāṃ durbodhaṃ vacanaṃ nṛṇām || suvyaktamasya siddhāntaṃ vada vedavidāṃ vara
Sanskrit only: no published translation is held for this verse.
श्रीनारायण उवाच ।। यदा शशाप शक्रं च दुर्वासा मुनिपुंगवः ।। तदा नास्त्येव तज्जन्म पूजाकाले बभूव सः
śrīnārāyaṇa uvāca || yadā śaśāpa śakraṃ ca durvāsā munipuṃgavaḥ || tadā nāstyeva tajjanma pūjākāle babhūva saḥ
Sanskrit only: no published translation is held for this verse.
सुचिरं दुःखिता देवा बभ्रमुर्ब्रह्मशापतः।। पश्चात्प्रापुश्च तां लक्ष्मीं वरेण च हरेर्मुने
suciraṃ duḥkhitā devā babhramurbrahmaśāpataḥ|| paścātprāpuśca tāṃ lakṣmīṃ vareṇa ca harermune
Sanskrit only: no published translation is held for this verse.