Library·Brahmavaivarta Purāṇa·2·2.42
नारायण उवाच ।। उक्तं स्वाहास्वधाख्यानं प्रशस्तं मधुरं परम् ।। वक्ष्यामि दक्षिणाख्यानं सावधानं निशामय
nārāyaṇa uvāca || uktaṃ svāhāsvadhākhyānaṃ praśastaṃ madhuraṃ param || vakṣyāmi dakṣiṇākhyānaṃ sāvadhānaṃ niśāmaya
Sanskrit only: no published translation is held for this verse.
गोपी सुशीला गोलोके पुराऽऽसीत्प्रेयसी हरेः ।। राधाप्रधाना सध्रीची धन्या मान्या मनोहरा ।। अतीव सुन्दरी रामा सुभगा सुदती सती
gopī suśīlā goloke purā''sītpreyasī hareḥ || rādhāpradhānā sadhrīcī dhanyā mānyā manoharā || atīva sundarī rāmā subhagā sudatī satī
Sanskrit only: no published translation is held for this verse.
विद्यावती गुणवती सती रूपवती तथा ।। कलावती कोमलांगी कान्ता कमललोचना
vidyāvatī guṇavatī satī rūpavatī tathā || kalāvatī komalāṃgī kāntā kamalalocanā
Sanskrit only: no published translation is held for this verse.
सुश्रोणी सुस्तनी श्यामा न्यग्रोधपरिमण्डला ।। ईषद्धास्यप्रसन्नास्या रत्नालङ्कारभूषिता
suśroṇī sustanī śyāmā nyagrodhaparimaṇḍalā || īṣaddhāsyaprasannāsyā ratnālaṅkārabhūṣitā
Sanskrit only: no published translation is held for this verse.
श्वेतचम्पकवर्णाभा बिम्बोष्ठी मृगलोचना ।। कामशास्त्रसुनिष्णाता कामिनी कलहंसगा
śvetacampakavarṇābhā bimboṣṭhī mṛgalocanā || kāmaśāstrasuniṣṇātā kāminī kalahaṃsagā
Sanskrit only: no published translation is held for this verse.
भावानुरक्ता भावज्ञा कृष्णस्य प्रियभामिनी ।। रसज्ञा रसिका रासे रासेशस्य रसोत्सुका
bhāvānuraktā bhāvajñā kṛṣṇasya priyabhāminī || rasajñā rasikā rāse rāseśasya rasotsukā
Sanskrit only: no published translation is held for this verse.
उवास दक्षिणे क्रोडे राधायाः पुरतः पुरा ।। संबभूवानम्रमुखो भयेन मधुसूदनः
uvāsa dakṣiṇe kroḍe rādhāyāḥ purataḥ purā || saṃbabhūvānamramukho bhayena madhusūdanaḥ
Sanskrit only: no published translation is held for this verse.
दृष्ट्वा राधां च पुरतो गोपीनां प्रवरां वराम्।। मानिनीं रक्तवदनां रक्तपङ्कजलोचनाम्
dṛṣṭvā rādhāṃ ca purato gopīnāṃ pravarāṃ varām|| māninīṃ raktavadanāṃ raktapaṅkajalocanām
Sanskrit only: no published translation is held for this verse.
कोपेन कम्पिताङ्गी च कोपनां कोपदर्शनाम् ।। कोपेन निष्ठुरं वक्तुमुद्यतां स्फुरिताधराम्
kopena kampitāṅgī ca kopanāṃ kopadarśanām || kopena niṣṭhuraṃ vaktumudyatāṃ sphuritādharām
Sanskrit only: no published translation is held for this verse.
आगच्छन्तीं च वेगेन विज्ञाय तदनन्तरम्।। विरोधभीतो भगवानन्तर्द्धानं जगाम सः
āgacchantīṃ ca vegena vijñāya tadanantaram|| virodhabhīto bhagavānantarddhānaṃ jagāma saḥ
Sanskrit only: no published translation is held for this verse.
पलायन्तं च तं शान्तं सत्त्वाधारं सुविग्रहम् ।। विलोक्य कम्पिता गोपी सुशीलाऽन्तर्दधौ भिया
palāyantaṃ ca taṃ śāntaṃ sattvādhāraṃ suvigraham || vilokya kampitā gopī suśīlā'ntardadhau bhiyā
Sanskrit only: no published translation is held for this verse.
विलोक्य सङ्कटं तत्र गोपीनां लक्षकोटयः ।। बद्धाञ्जलिपुटा भीता भक्तिनम्रात्मकन्धराः
vilokya saṅkaṭaṃ tatra gopīnāṃ lakṣakoṭayaḥ || baddhāñjalipuṭā bhītā bhaktinamrātmakandharāḥ
Sanskrit only: no published translation is held for this verse.
रक्ष रक्षेत्युक्तवत्यो हे देवीति पुनः पुनः ।। ययुर्भयेन शरणं तस्याश्चरणपङ्कजे ।।
rakṣa rakṣetyuktavatyo he devīti punaḥ punaḥ || yayurbhayena śaraṇaṃ tasyāścaraṇapaṅkaje ||
Sanskrit only: no published translation is held for this verse.
त्रिलक्षकोटयो गोपाः सुदामादय एव च ।। ययुर्भयेन शरणं तत्पादाब्जे च नारद
trilakṣakoṭayo gopāḥ sudāmādaya eva ca || yayurbhayena śaraṇaṃ tatpādābje ca nārada
Sanskrit only: no published translation is held for this verse.
पलायन्तं च कान्तं वै विज्ञाय परमेश्वरी ।। पलायन्तीं सहचरीं सुशीलां च शशाप सा
palāyantaṃ ca kāntaṃ vai vijñāya parameśvarī || palāyantīṃ sahacarīṃ suśīlāṃ ca śaśāpa sā
Sanskrit only: no published translation is held for this verse.
अद्यप्रभृति गोलोकं सा चेदायाति गोपिका ।। सद्यो गमनमात्रेण भस्मसाच्च भविष्यति
adyaprabhṛti golokaṃ sā cedāyāti gopikā || sadyo gamanamātreṇa bhasmasācca bhaviṣyati
Sanskrit only: no published translation is held for this verse.
इत्येवमुक्त्वा तत्रैव देवदेवीश्वरी रुषा ।। रासेश्वरी रासमध्ये रासेशं चाजुहाव ह।।
ityevamuktvā tatraiva devadevīśvarī ruṣā || rāseśvarī rāsamadhye rāseśaṃ cājuhāva ha||
Sanskrit only: no published translation is held for this verse.
नालोक्य पुरतः कृष्णं राधा विरहकातरा ।। युगकोटिसमं मेने क्षणभेदेन सुव्रता
nālokya purataḥ kṛṣṇaṃ rādhā virahakātarā || yugakoṭisamaṃ mene kṣaṇabhedena suvratā
Sanskrit only: no published translation is held for this verse.
हे कृष्ण हे प्राणनाथागच्छ प्राणाधिकप्रिय ।। प्राणाधिष्ठातृदेवेह प्राणा यान्ति त्वया विना
he kṛṣṇa he prāṇanāthāgaccha prāṇādhikapriya || prāṇādhiṣṭhātṛdeveha prāṇā yānti tvayā vinā
Sanskrit only: no published translation is held for this verse.
स्त्रीगर्वः पतिसौभाग्याद्वर्द्धते च दिने दिने ।। सुस्त्री चेद्विभवो यस्मात्ते भजेद्धर्मतः सदा
strīgarvaḥ patisaubhāgyādvarddhate ca dine dine || sustrī cedvibhavo yasmātte bhajeddharmataḥ sadā
Sanskrit only: no published translation is held for this verse.
पतिर्बन्धुः कुलस्त्रीणामधिदेवः सदा गतिः ।। परं सम्पत्स्वरूपश्च सुखरूपश्च मूर्त्तिमान्।।
patirbandhuḥ kulastrīṇāmadhidevaḥ sadā gatiḥ || paraṃ sampatsvarūpaśca sukharūpaśca mūrttimān||
Sanskrit only: no published translation is held for this verse.
धर्मदः सुखदः शश्वत्प्रीतिदः शान्तिदः सदा ।। सम्मानदो मानदश्च मान्यो वै मानखण्डनः
dharmadaḥ sukhadaḥ śaśvatprītidaḥ śāntidaḥ sadā || sammānado mānadaśca mānyo vai mānakhaṇḍanaḥ
Sanskrit only: no published translation is held for this verse.
सारात्सारतमः स्वामी बन्धूनां बन्धुवर्द्धनः ।। न च भर्त्तुः समो बन्धुः सर्वबन्धुषु दृश्यते
sārātsāratamaḥ svāmī bandhūnāṃ bandhuvarddhanaḥ || na ca bharttuḥ samo bandhuḥ sarvabandhuṣu dṛśyate
Sanskrit only: no published translation is held for this verse.
भरणादेव भर्ताऽयं पालनात्पतिरुच्यते ।। शरीरेशाच्च स स्वामी कामदः कान्त एव च
bharaṇādeva bhartā'yaṃ pālanātpatirucyate || śarīreśācca sa svāmī kāmadaḥ kānta eva ca
Sanskrit only: no published translation is held for this verse.
बन्धुश्च सुखबन्धाच्च प्रीतिदानात्प्रियः परः ।। ऐश्वर्य्यदानादीशश्च प्राणेशात्प्राणनायकः
bandhuśca sukhabandhācca prītidānātpriyaḥ paraḥ || aiśvaryyadānādīśaśca prāṇeśātprāṇanāyakaḥ
Sanskrit only: no published translation is held for this verse.
रतिदानाच्च रमणः प्रियो नास्ति प्रियात्परः ।। पुत्रस्तु स्वामिनः शुक्राज्जायते तेन स प्रियः
ratidānācca ramaṇaḥ priyo nāsti priyātparaḥ || putrastu svāminaḥ śukrājjāyate tena sa priyaḥ
Sanskrit only: no published translation is held for this verse.
शतपुत्रात्परःस्वामी कुलजानां प्रियः सदा।। असत्कुलप्रसूता या कान्तं विज्ञातुमक्षमा
śataputrātparaḥsvāmī kulajānāṃ priyaḥ sadā|| asatkulaprasūtā yā kāntaṃ vijñātumakṣamā
Sanskrit only: no published translation is held for this verse.
स्नानं च सर्वतीर्थेषु सर्वयज्ञेषु दीक्षणम् ।। प्रादक्षिण्यं पृथिव्याश्च सर्वाणि च तपांसि वै
snānaṃ ca sarvatīrtheṣu sarvayajñeṣu dīkṣaṇam || prādakṣiṇyaṃ pṛthivyāśca sarvāṇi ca tapāṃsi vai
Sanskrit only: no published translation is held for this verse.
सर्वाण्येव व्रतादीनि महादानानि यानि च।। उपोषणानि पुण्यानि यान्यन्यानि च विश्वतः
sarvāṇyeva vratādīni mahādānāni yāni ca|| upoṣaṇāni puṇyāni yānyanyāni ca viśvataḥ
Sanskrit only: no published translation is held for this verse.
गुरुसेवाविप्रसेवादेवसेवादिकं च यत्। स्वामिनः पादसेवायाः कलां नार्हन्ति षोडशीम्
gurusevāviprasevādevasevādikaṃ ca yat| svāminaḥ pādasevāyāḥ kalāṃ nārhanti ṣoḍaśīm
Sanskrit only: no published translation is held for this verse.
गुरुविप्रेष्टदेवेषु सर्वेभ्यश्च पतिर्गुरुः।। विद्यादाता यथा पुंसां कुलजानां तथा प्रियः
guruvipreṣṭadeveṣu sarvebhyaśca patirguruḥ|| vidyādātā yathā puṃsāṃ kulajānāṃ tathā priyaḥ
Sanskrit only: no published translation is held for this verse.
गोपीत्रिलक्षकोटीनां गोपानां च तथैव च।। ब्रह्माण्डानामसंख्यानां तत्रस्थानां तथैव च
gopītrilakṣakoṭīnāṃ gopānāṃ ca tathaiva ca|| brahmāṇḍānāmasaṃkhyānāṃ tatrasthānāṃ tathaiva ca
Sanskrit only: no published translation is held for this verse.
रमादिगोपकान्तानामीश्वरी तत्प्रसादतः।। अहं न जाने तं कान्तं स्त्रीस्वभावो दुरत्ययः
ramādigopakāntānāmīśvarī tatprasādataḥ|| ahaṃ na jāne taṃ kāntaṃ strīsvabhāvo duratyayaḥ
Sanskrit only: no published translation is held for this verse.
इत्युक्त्वा राधिका कृष्णं तत्र दध्यौ सुभक्तितः ।। आरात्संप्राप तं तेन विजहार च तत्र वै
ityuktvā rādhikā kṛṣṇaṃ tatra dadhyau subhaktitaḥ || ārātsaṃprāpa taṃ tena vijahāra ca tatra vai
Sanskrit only: no published translation is held for this verse.
अथ सा दक्षिणादेवी ध्वस्ता गोलोकतो मुने ।। सुचिरं च तपस्तप्त्वा विवेश कमलातनौ
atha sā dakṣiṇādevī dhvastā golokato mune || suciraṃ ca tapastaptvā viveśa kamalātanau
Sanskrit only: no published translation is held for this verse.
अथ देवादयः सर्वे यज्ञं कृत्वा सुदुष्करम् ।। न लभन्ते फलं तेषां विषण्णाः प्रययुर्विधिम्
atha devādayaḥ sarve yajñaṃ kṛtvā suduṣkaram || na labhante phalaṃ teṣāṃ viṣaṇṇāḥ prayayurvidhim
Sanskrit only: no published translation is held for this verse.
विधिर्निवेदनं श्रुत्वा देवादीनां जगत्पतिः ।। दध्यौ सुचिन्तितो भक्त्या तत्प्रत्यादेशमाप सः
vidhirnivedanaṃ śrutvā devādīnāṃ jagatpatiḥ || dadhyau sucintito bhaktyā tatpratyādeśamāpa saḥ
Sanskrit only: no published translation is held for this verse.
नारायणश्च भगवान्महालक्ष्मीश्च देहतः ।। मर्त्यलक्ष्मीं विनिष्कृष्य ब्रह्मणे दक्षिणां ददौ
nārāyaṇaśca bhagavānmahālakṣmīśca dehataḥ || martyalakṣmīṃ viniṣkṛṣya brahmaṇe dakṣiṇāṃ dadau
Sanskrit only: no published translation is held for this verse.
ब्रह्मा ददौ तां यज्ञाय पूर्णार्थं कर्मणां सताम् ।। यज्ञः संपूज्य विधिवत्तां तुष्टाव रमां मुदा
brahmā dadau tāṃ yajñāya pūrṇārthaṃ karmaṇāṃ satām || yajñaḥ saṃpūjya vidhivattāṃ tuṣṭāva ramāṃ mudā
Sanskrit only: no published translation is held for this verse.
तप्तकाञ्चनवर्णाभां चन्द्रकोटिसमप्रभाम् ।। अतीव कमनीयां च सुन्दरीं सुमनोहराम्
taptakāñcanavarṇābhāṃ candrakoṭisamaprabhām || atīva kamanīyāṃ ca sundarīṃ sumanoharām
Sanskrit only: no published translation is held for this verse.
कमलास्यां कोमलाङ्गीं कमलायतलोचनाम् ।। कमलासनसंपूज्यां कमलाङ्गःसमुद्रवाम्
kamalāsyāṃ komalāṅgīṃ kamalāyatalocanām || kamalāsanasaṃpūjyāṃ kamalāṅgaḥsamudravām
Sanskrit only: no published translation is held for this verse.
वह्निशुद्धांशुकाधानां बिम्बोष्ठीं सुदतीं सतीम् ।। बिभ्रतीं कबरीभारं मालतीमाल्यभूषितम्
vahniśuddhāṃśukādhānāṃ bimboṣṭhīṃ sudatīṃ satīm || bibhratīṃ kabarībhāraṃ mālatīmālyabhūṣitam
Sanskrit only: no published translation is held for this verse.
ईषद्धास्यप्रसन्नास्यां रत्नभूषणभूषिताम् ।। सुवेषाढ्यां च सुस्नातां मुनिमानसमोहिनीम्
īṣaddhāsyaprasannāsyāṃ ratnabhūṣaṇabhūṣitām || suveṣāḍhyāṃ ca susnātāṃ munimānasamohinīm
Sanskrit only: no published translation is held for this verse.
कस्तूरीबिन्दुभिः सार्द्धं चन्दनैश्च सुगन्धिभिः ।। सिन्दूरबिन्दुनाऽत्यन्तं मस्तकाधस्थलोज्ज्वलाम्
kastūrībindubhiḥ sārddhaṃ candanaiśca sugandhibhiḥ || sindūrabindunā'tyantaṃ mastakādhasthalojjvalām
Sanskrit only: no published translation is held for this verse.
सुप्रशस्तनितम्बाढ्यां बृहच्छ्रोणिपयोधराम् ।। कामदेवाधाररूपां कामबाणप्रपीडिताम्
supraśastanitambāḍhyāṃ bṛhacchroṇipayodharām || kāmadevādhārarūpāṃ kāmabāṇaprapīḍitām
Sanskrit only: no published translation is held for this verse.
तां दृष्ट्वा रमणीयां च यज्ञो मूर्च्छामवाप ह ।। पत्नीं तामेव जग्राह विधिबोधितमार्गतः
tāṃ dṛṣṭvā ramaṇīyāṃ ca yajño mūrcchāmavāpa ha || patnīṃ tāmeva jagrāha vidhibodhitamārgataḥ
Sanskrit only: no published translation is held for this verse.
दिव्यं वर्षशतं चैव तां गृहीत्वाऽथ निर्जने ।। यज्ञो रेमे मुदा युक्तो रामया रमया सह
divyaṃ varṣaśataṃ caiva tāṃ gṛhītvā'tha nirjane || yajño reme mudā yukto rāmayā ramayā saha
Sanskrit only: no published translation is held for this verse.
गर्भं दधार सा देवी दिव्यं द्वादशवत्सरम् ।। ततः सुषाव पुत्रं च फलं वै सर्वकर्मणाम्
garbhaṃ dadhāra sā devī divyaṃ dvādaśavatsaram || tataḥ suṣāva putraṃ ca phalaṃ vai sarvakarmaṇām
Sanskrit only: no published translation is held for this verse.
कर्मणां फलदाता च दक्षिणा कर्मणां सताम् ।। परिपूर्णे कर्मणि च तत्पुत्रः फलदायकः
karmaṇāṃ phaladātā ca dakṣiṇā karmaṇāṃ satām || paripūrṇe karmaṇi ca tatputraḥ phaladāyakaḥ
Sanskrit only: no published translation is held for this verse.
यज्ञो दक्षिणया सार्द्धं पुत्रेण च फलेन च ।। कर्मणां फलदाता चेत्येवं वेदविदो विदुः
yajño dakṣiṇayā sārddhaṃ putreṇa ca phalena ca || karmaṇāṃ phaladātā cetyevaṃ vedavido viduḥ
Sanskrit only: no published translation is held for this verse.
यज्ञश्च दक्षिणां प्राप्य पुत्रं च फलदायकम् ।। फलं ददौ च सर्वेभ्यः कर्मठेभ्यो यदा मुने
yajñaśca dakṣiṇāṃ prāpya putraṃ ca phaladāyakam || phalaṃ dadau ca sarvebhyaḥ karmaṭhebhyo yadā mune
Sanskrit only: no published translation is held for this verse.
तदा देवादयस्तुष्टाः परिपूर्णमनोरथाः ।। स्वस्थानं प्रययुः सर्वे धर्मवक्त्रादिदं श्रुतम्
tadā devādayastuṣṭāḥ paripūrṇamanorathāḥ || svasthānaṃ prayayuḥ sarve dharmavaktrādidaṃ śrutam
Sanskrit only: no published translation is held for this verse.
कृत्वा कर्म च कर्ता तु तूर्णं दद्याच्च दक्षिणाम् ।। तत्क्षणं फलमाप्नोति वेदैरुक्तमिदं मुने
kṛtvā karma ca kartā tu tūrṇaṃ dadyācca dakṣiṇām || tatkṣaṇaṃ phalamāpnoti vedairuktamidaṃ mune
Sanskrit only: no published translation is held for this verse.
कर्ता कर्मणि पूर्णेऽपि तत्क्षणाद्यदि दक्षिणाम् ।। न दद्याद्ब्राह्मणेभ्यश्च दैवेनाज्ञानतोऽथवा
kartā karmaṇi pūrṇe'pi tatkṣaṇādyadi dakṣiṇām || na dadyādbrāhmaṇebhyaśca daivenājñānato'thavā
Sanskrit only: no published translation is held for this verse.
मुहूर्त्ते समतीते च द्विगुणा सा भवेद्ध्रुवम्
muhūrtte samatīte ca dviguṇā sā bhaveddhruvam
Sanskrit only: no published translation is held for this verse.
एकरात्रे व्यतीते तु भवेद्रसगुणा च सा ।। त्रिरात्रे वै दशगुणा सप्ताहे द्विगुणा ततः
ekarātre vyatīte tu bhavedrasaguṇā ca sā || trirātre vai daśaguṇā saptāhe dviguṇā tataḥ
Sanskrit only: no published translation is held for this verse.
मासे लक्षगुणा प्रोक्ता ब्राह्मणानां च वर्द्धते ।। संवत्सरे व्यतीते तु सा त्रिकोटिगुणा भवेत्
māse lakṣaguṇā proktā brāhmaṇānāṃ ca varddhate || saṃvatsare vyatīte tu sā trikoṭiguṇā bhavet
Sanskrit only: no published translation is held for this verse.
कर्म्म तद्यजमानानां सर्वं वै निष्फलं भवेत् ।। स च ब्रह्मस्वापहारी न कर्मार्होऽशुचिर्नरः
karmma tadyajamānānāṃ sarvaṃ vai niṣphalaṃ bhavet || sa ca brahmasvāpahārī na karmārho'śucirnaraḥ
Sanskrit only: no published translation is held for this verse.
दरिद्रो व्याधियुक्तश्च तेन पापेन पातकी ।। तद्गृहाद्याति लक्ष्मीश्च शापं दत्त्वा सुदारुणम्
daridro vyādhiyuktaśca tena pāpena pātakī || tadgṛhādyāti lakṣmīśca śāpaṃ dattvā sudāruṇam
Sanskrit only: no published translation is held for this verse.
पितरो नैव गृह्णन्ति तद्दत्तं श्राद्धतर्पणम् ।। एवं सुराश्च तत्पूजां तद्दत्तां पावकाहुतिम्
pitaro naiva gṛhṇanti taddattaṃ śrāddhatarpaṇam || evaṃ surāśca tatpūjāṃ taddattāṃ pāvakāhutim
Sanskrit only: no published translation is held for this verse.
दाता ददाति नो दानं ग्रहीता तन्न याचते ।। उभौ तौ नरकं यातश्छिन्नरज्जुर्यथा घटः
dātā dadāti no dānaṃ grahītā tanna yācate || ubhau tau narakaṃ yātaśchinnarajjuryathā ghaṭaḥ
Sanskrit only: no published translation is held for this verse.
नार्पयेद्यजमानश्चेद्याचितारं च दक्षिणाम् ।। भवेद्ब्रह्मस्वापहारी कुम्भीपाकं व्रजेद्ध्रुवम्
nārpayedyajamānaścedyācitāraṃ ca dakṣiṇām || bhavedbrahmasvāpahārī kumbhīpākaṃ vrajeddhruvam
Sanskrit only: no published translation is held for this verse.
वर्षलक्षं वसेत्तत्र यमदूतेन ताडितः ।। ततो भवेत्स चण्डालो व्याधियुक्तो दरिद्रकः
varṣalakṣaṃ vasettatra yamadūtena tāḍitaḥ || tato bhavetsa caṇḍālo vyādhiyukto daridrakaḥ
Sanskrit only: no published translation is held for this verse.
पातयेत्पुरुषान्सप्त पूर्वान्वै पूर्वजन्मनः ।। इत्येवं कथितं विप्र किं भूयः श्रोतुमिच्छसि
pātayetpuruṣānsapta pūrvānvai pūrvajanmanaḥ || ityevaṃ kathitaṃ vipra kiṃ bhūyaḥ śrotumicchasi
Sanskrit only: no published translation is held for this verse.
नारद उवाच ।। यत्कर्म दक्षिणाहीनं को भुङ्क्ते तत्फलं मुने ।। पूजाविधिं दक्षिणायाः पुरा यज्ञकृतं वद
nārada uvāca || yatkarma dakṣiṇāhīnaṃ ko bhuṅkte tatphalaṃ mune || pūjāvidhiṃ dakṣiṇāyāḥ purā yajñakṛtaṃ vada
Sanskrit only: no published translation is held for this verse.
नारायण उवाच ।। कर्मणोऽदक्षिणस्यैव कुत एव फलं मुने ।। सदक्षिणे कर्मणि च फलमेव प्रवर्त्तते
nārāyaṇa uvāca || karmaṇo'dakṣiṇasyaiva kuta eva phalaṃ mune || sadakṣiṇe karmaṇi ca phalameva pravarttate
Sanskrit only: no published translation is held for this verse.
या या कर्मणि सामग्री बलिर्भुङ्क्ते च तां मुने ।। बलये तत्प्रदत्तं च वामनेन पुरा मुने
yā yā karmaṇi sāmagrī balirbhuṅkte ca tāṃ mune || balaye tatpradattaṃ ca vāmanena purā mune
Sanskrit only: no published translation is held for this verse.
अश्रोत्रियं श्राद्धवस्तु चाश्राद्धं दानमेव च ।। वृषलीपतिविप्राणां पूजाद्रव्यादिकं च यत्
aśrotriyaṃ śrāddhavastu cāśrāddhaṃ dānameva ca || vṛṣalīpativiprāṇāṃ pūjādravyādikaṃ ca yat
Sanskrit only: no published translation is held for this verse.
ऋत्विजा न कृतं यज्ञमशुचेः पूजनं च यत् ।। गुरावभक्तस्य कर्म बलिर्भुङ्क्ते न संशयः
ṛtvijā na kṛtaṃ yajñamaśuceḥ pūjanaṃ ca yat || gurāvabhaktasya karma balirbhuṅkte na saṃśayaḥ
Sanskrit only: no published translation is held for this verse.
दक्षिणायाश्च यद्ध्यानं स्तोत्रं पूजाविधिक्रमम् ।। तत्सर्वं काण्वशाखोक्तं प्रवक्ष्यामि निशामय
dakṣiṇāyāśca yaddhyānaṃ stotraṃ pūjāvidhikramam || tatsarvaṃ kāṇvaśākhoktaṃ pravakṣyāmi niśāmaya
Sanskrit only: no published translation is held for this verse.
पुरा संप्राप्य तां यज्ञः कर्मदक्षां च दक्षिणाम्।। मुमोह तस्या रूपेण तुष्टुवे कामकातरः
purā saṃprāpya tāṃ yajñaḥ karmadakṣāṃ ca dakṣiṇām|| mumoha tasyā rūpeṇa tuṣṭuve kāmakātaraḥ
Sanskrit only: no published translation is held for this verse.
यज्ञ उवाच ।। पुरा गोलोकगोपी त्वं गोपीनां प्रवरा परा ।। राधासमा तत्सखी च श्रीकृष्णप्रेयसी प्रिये
yajña uvāca || purā golokagopī tvaṃ gopīnāṃ pravarā parā || rādhāsamā tatsakhī ca śrīkṛṣṇapreyasī priye
Sanskrit only: no published translation is held for this verse.
कार्त्तिकीपूर्णिमायां तु रासे राधामहोत्सवे ।। आविर्भूता दक्षिणांशात्कृष्णस्यातो हि दक्षिणा
kārttikīpūrṇimāyāṃ tu rāse rādhāmahotsave || āvirbhūtā dakṣiṇāṃśātkṛṣṇasyāto hi dakṣiṇā
Sanskrit only: no published translation is held for this verse.
पुरा त्वं च सुशीलाख्या शीलेन सुशुभेन च ।। कृष्णदक्षांशवासाच्च राधाशापाच्च दक्षिणा
purā tvaṃ ca suśīlākhyā śīlena suśubhena ca || kṛṣṇadakṣāṃśavāsācca rādhāśāpācca dakṣiṇā
Sanskrit only: no published translation is held for this verse.
गोलोकात्त्वं परिध्वस्ता मम भाग्यादुपस्थिता ।। कृपां कुरु त्वमेवाद्य स्वामिनं कुरु मां प्रिये
golokāttvaṃ paridhvastā mama bhāgyādupasthitā || kṛpāṃ kuru tvamevādya svāminaṃ kuru māṃ priye
Sanskrit only: no published translation is held for this verse.
कर्तॄणां कर्मणां देवी त्वमेव फलदा सदा ।। त्वया विना च सर्वेषां सर्व कर्म च निष्फलम्
kartṝṇāṃ karmaṇāṃ devī tvameva phaladā sadā || tvayā vinā ca sarveṣāṃ sarva karma ca niṣphalam
Sanskrit only: no published translation is held for this verse.
फलशाखाविहीनश्च यथा वृक्षो महीतले ।। त्वया विना तथा कर्म कर्तॄणां च न शोभते
phalaśākhāvihīnaśca yathā vṛkṣo mahītale || tvayā vinā tathā karma kartṝṇāṃ ca na śobhate
Sanskrit only: no published translation is held for this verse.
ब्रह्मविष्णुमहेशाश्च दिक्पालादय एव च ।। कर्मणश्च फलं दातुं न शक्ताश्च त्वया विना
brahmaviṣṇumaheśāśca dikpālādaya eva ca || karmaṇaśca phalaṃ dātuṃ na śaktāśca tvayā vinā
Sanskrit only: no published translation is held for this verse.
कर्मरूपी स्वयं ब्रह्मा फलरूपी महेश्वरः ।। यज्ञरूपी विष्णुरहं त्वमेषां साररूपिणी
karmarūpī svayaṃ brahmā phalarūpī maheśvaraḥ || yajñarūpī viṣṇurahaṃ tvameṣāṃ sārarūpiṇī
Sanskrit only: no published translation is held for this verse.
फलदाता परं ब्रह्म निर्गुणः प्रकृतेः परः ।। स्वयं कृष्णश्च भगवान्न च शक्तस्त्वया विना
phaladātā paraṃ brahma nirguṇaḥ prakṛteḥ paraḥ || svayaṃ kṛṣṇaśca bhagavānna ca śaktastvayā vinā
Sanskrit only: no published translation is held for this verse.
त्वमेव शक्तिः कान्ते मे शश्वज्जन्मनि जन्मनि ।। सर्वकर्मणि शक्तोऽहं त्वया सह वरानने
tvameva śaktiḥ kānte me śaśvajjanmani janmani || sarvakarmaṇi śakto'haṃ tvayā saha varānane
Sanskrit only: no published translation is held for this verse.
इत्युक्त्वा तत्पुरस्तस्थौ यज्ञाधिष्ठातृदेवकः ।। तुष्टा बभूव सा देवी भेजे तं कमलाकला
ityuktvā tatpurastasthau yajñādhiṣṭhātṛdevakaḥ || tuṣṭā babhūva sā devī bheje taṃ kamalākalā
Sanskrit only: no published translation is held for this verse.
इदं च दक्षिणास्तोत्रं यज्ञकाले च यः पठेत् ।। फलं च सर्वयज्ञानां लभते नात्र संशयः
idaṃ ca dakṣiṇāstotraṃ yajñakāle ca yaḥ paṭhet || phalaṃ ca sarvayajñānāṃ labhate nātra saṃśayaḥ
Sanskrit only: no published translation is held for this verse.
राजसूये वाजपेये गोमेधे नरमेधके ।। अश्वमेधे लांगले च विष्णुयज्ञे यशस्करे
rājasūye vājapeye gomedhe naramedhake || aśvamedhe lāṃgale ca viṣṇuyajñe yaśaskare
Sanskrit only: no published translation is held for this verse.
धनदे भूमिदे फल्गौ पुत्रेष्टौ गजमेधके ।। लोहयज्ञे स्वर्णयज्ञे पटलव्याधिखण्डने
dhanade bhūmide phalgau putreṣṭau gajamedhake || lohayajñe svarṇayajñe paṭalavyādhikhaṇḍane
Sanskrit only: no published translation is held for this verse.
शिवयजे रुद्रयज्ञे शक्रयज्ञे च बन्धके ।। इष्टौ वरुणयागे च कन्दुके वैरिमर्दने
śivayaje rudrayajñe śakrayajñe ca bandhake || iṣṭau varuṇayāge ca kanduke vairimardane
Sanskrit only: no published translation is held for this verse.
शुचियागे धर्मयागे रेचने पापमोचने ।। बन्धने कर्मयागे च मणियागे सुभद्रके
śuciyāge dharmayāge recane pāpamocane || bandhane karmayāge ca maṇiyāge subhadrake
Sanskrit only: no published translation is held for this verse.
एतेषां च समारम्भे इदं स्तोत्रं च यः पठेत् ।। निर्विघ्नेन च तत्कर्म साङ्गं भवति निश्चितम्
eteṣāṃ ca samārambhe idaṃ stotraṃ ca yaḥ paṭhet || nirvighnena ca tatkarma sāṅgaṃ bhavati niścitam
Sanskrit only: no published translation is held for this verse.
इदं स्तोत्रं च कथितं ध्यानं पूजाविधानकम् ।। शालग्रामे घटे वाऽपि दक्षिणां पूजयेत्सुधीः
idaṃ stotraṃ ca kathitaṃ dhyānaṃ pūjāvidhānakam || śālagrāme ghaṭe vā'pi dakṣiṇāṃ pūjayetsudhīḥ
Sanskrit only: no published translation is held for this verse.
लक्ष्मीदक्षांशसम्भूतां दक्षिणां कमलाकलाम् ।। सर्वकर्मसु दक्षां च फलदां सर्वकर्मणाम्
lakṣmīdakṣāṃśasambhūtāṃ dakṣiṇāṃ kamalākalām || sarvakarmasu dakṣāṃ ca phaladāṃ sarvakarmaṇām
Sanskrit only: no published translation is held for this verse.
विष्णोःशक्तिस्वरूपां च सुशीलां शुभदां भजे ।। ध्यात्वाऽनेनैव वरदां सुधीर्मूलेन पूजयेत्
viṣṇoḥśaktisvarūpāṃ ca suśīlāṃ śubhadāṃ bhaje || dhyātvā'nenaiva varadāṃ sudhīrmūlena pūjayet
Sanskrit only: no published translation is held for this verse.
दत्त्वा पाद्यादिकं देव्यै वेदोक्तेन च नारद।। ॐ श्रीं क्लीं ह्रीं दक्षिणायै स्वाहेति च विचक्षणः
dattvā pādyādikaṃ devyai vedoktena ca nārada|| oṃ śrīṃ klīṃ hrīṃ dakṣiṇāyai svāheti ca vicakṣaṇaḥ
Sanskrit only: no published translation is held for this verse.
पूजयेद्विधिवद्भक्त्या दक्षिणां सर्वपूजिताम् ।। इत्येवं कथितं सर्वं दक्षिणाख्यानमुत्तमम्
pūjayedvidhivadbhaktyā dakṣiṇāṃ sarvapūjitām || ityevaṃ kathitaṃ sarvaṃ dakṣiṇākhyānamuttamam
Sanskrit only: no published translation is held for this verse.
सुखदं प्रीतिदं चैव फलदं सर्वकर्मणाम् ।। इदं च दक्षिणाख्यानं यः शृणोति समाहितः
sukhadaṃ prītidaṃ caiva phaladaṃ sarvakarmaṇām || idaṃ ca dakṣiṇākhyānaṃ yaḥ śṛṇoti samāhitaḥ
Sanskrit only: no published translation is held for this verse.
अंगहीनं च तत्कर्म न भवेद्भारते भुवि ।। अपुत्रो लभते पुत्रं निश्चितं च गुणान्वितम्
aṃgahīnaṃ ca tatkarma na bhavedbhārate bhuvi || aputro labhate putraṃ niścitaṃ ca guṇānvitam
Sanskrit only: no published translation is held for this verse.
भार्य्याहीनो लभेद्भार्य्यां सुशीलां सुन्दरीं पराम् ।। वरारोहां पुत्रवतीं विनीतां प्रियवादिनीम्
bhāryyāhīno labhedbhāryyāṃ suśīlāṃ sundarīṃ parām || varārohāṃ putravatīṃ vinītāṃ priyavādinīm
Sanskrit only: no published translation is held for this verse.
पतिव्रतां सुव्रतां च शुद्धां च कुलजां वराम् ।। विद्याहीनो लभेद्विद्यां धनहीनो धनं लभेत्
pativratāṃ suvratāṃ ca śuddhāṃ ca kulajāṃ varām || vidyāhīno labhedvidyāṃ dhanahīno dhanaṃ labhet
Sanskrit only: no published translation is held for this verse.
भूमिहीनो लभेद्भूमिं प्रजाहीनो लभेत्प्रजाः ।। सङ्कटे बन्धुविच्छेदे विपत्तौ बन्धने तथा
bhūmihīno labhedbhūmiṃ prajāhīno labhetprajāḥ || saṅkaṭe bandhuvicchede vipattau bandhane tathā
Sanskrit only: no published translation is held for this verse.
मासमेकमिदं श्रुत्वा मुच्यते नात्र संशयः
māsamekamidaṃ śrutvā mucyate nātra saṃśayaḥ
Sanskrit only: no published translation is held for this verse.