Library·Brahmavaivarta Purāṇa·2·2.43
नारद उवाच ।। अनेकासां च देवीनां श्रुतमाख्यानमुत्तमम् ।। अन्यासां चरितं ब्रह्मन्वद वेदविदां वर
nārada uvāca || anekāsāṃ ca devīnāṃ śrutamākhyānamuttamam || anyāsāṃ caritaṃ brahmanvada vedavidāṃ vara
Sanskrit only: no published translation is held for this verse.
नारायण उवाच ।। सर्वासां चरितं विप्र वेदेष्वस्ति पृथक्पृथक् ।। पूर्वोक्तानां च देवीनां त्वं कासां श्रोतुमिच्छसि
nārāyaṇa uvāca || sarvāsāṃ caritaṃ vipra vedeṣvasti pṛthakpṛthak || pūrvoktānāṃ ca devīnāṃ tvaṃ kāsāṃ śrotumicchasi
Sanskrit only: no published translation is held for this verse.
नारद उवाच ।। षष्ठी मङ्गलचण्डी च मनसा प्रकृतेः कला ।। उत्पत्तिमासां चरितं श्रोतुमिच्छामि तत्त्वतः
nārada uvāca || ṣaṣṭhī maṅgalacaṇḍī ca manasā prakṛteḥ kalā || utpattimāsāṃ caritaṃ śrotumicchāmi tattvataḥ
Sanskrit only: no published translation is held for this verse.
नारायण उवाच ।। षष्ठांशा प्रकृतेर्या च सा च षष्ठी प्रकीर्तिता।। बालकाधिष्ठातृदेवी विष्णुमाया च बालदा
nārāyaṇa uvāca || ṣaṣṭhāṃśā prakṛteryā ca sā ca ṣaṣṭhī prakīrtitā|| bālakādhiṣṭhātṛdevī viṣṇumāyā ca bāladā
Sanskrit only: no published translation is held for this verse.
मातृकासु च विख्याता देवसेनाभिधा च सा ।। प्राणाधिकप्रिया साध्वी स्कन्दभार्य्या च सुव्रता
mātṛkāsu ca vikhyātā devasenābhidhā ca sā || prāṇādhikapriyā sādhvī skandabhāryyā ca suvratā
Sanskrit only: no published translation is held for this verse.
आयुःप्रदा च बालानां पात्री रक्षणकारिणी ।। सततं शिशुपार्श्वस्था योगाद्वै सिद्धियोगिनी
āyuḥpradā ca bālānāṃ pātrī rakṣaṇakāriṇī || satataṃ śiśupārśvasthā yogādvai siddhiyoginī
Sanskrit only: no published translation is held for this verse.
तस्याः पूजाविधौ ब्रह्मन्नितिहासविधिं शृणु ।। यच्छ्रुतं धर्ममुखतः सुखदं पुत्रदं परम्
tasyāḥ pūjāvidhau brahmannitihāsavidhiṃ śṛṇu || yacchrutaṃ dharmamukhataḥ sukhadaṃ putradaṃ param
Sanskrit only: no published translation is held for this verse.
राजा प्रियव्रतश्चासीत्स्वायम्भुव मनोः सुतः ।। योगीन्द्रो नोद्वहेद्भार्य्यां तपस्यासु रतः सदा
rājā priyavrataścāsītsvāyambhuva manoḥ sutaḥ || yogīndro nodvahedbhāryyāṃ tapasyāsu rataḥ sadā
Sanskrit only: no published translation is held for this verse.
ब्रह्माज्ञया च यत्नेन कृतदारो बभूव सः ।। सुचिरं कृतदारश्च न लेभे तनयं मुने
brahmājñayā ca yatnena kṛtadāro babhūva saḥ || suciraṃ kṛtadāraśca na lebhe tanayaṃ mune
Sanskrit only: no published translation is held for this verse.
पुत्रेष्टियज्ञं तं चापि कारयामास कश्यपः ।। मालिन्यै तस्य कान्तायै मुनिर्यज्ञचरुं ददौ
putreṣṭiyajñaṃ taṃ cāpi kārayāmāsa kaśyapaḥ || mālinyai tasya kāntāyai muniryajñacaruṃ dadau
Sanskrit only: no published translation is held for this verse.
भुक्त्वा चरुं च तस्याश्च सद्यो गर्भो बभूव ह ।। दधार तं च सा देवी दैवं द्वादशवत्सरम्
bhuktvā caruṃ ca tasyāśca sadyo garbho babhūva ha || dadhāra taṃ ca sā devī daivaṃ dvādaśavatsaram
Sanskrit only: no published translation is held for this verse.
ततः सुषाव सा ब्रह्मन्कुमारं कनकप्रभम्।। सर्वावयवसम्पन्नं मृतमुत्तारलोचनम्
tataḥ suṣāva sā brahmankumāraṃ kanakaprabham|| sarvāvayavasampannaṃ mṛtamuttāralocanam
Sanskrit only: no published translation is held for this verse.
तं दृष्ट्वा रुरुदुः सर्वा नार्य्यो वै बान्धवस्त्रियः ।। मूर्च्छामवाप तन्माता पुत्रशोकेन सुव्रता
taṃ dṛṣṭvā ruruduḥ sarvā nāryyo vai bāndhavastriyaḥ || mūrcchāmavāpa tanmātā putraśokena suvratā
Sanskrit only: no published translation is held for this verse.
श्मशानं च ययौ राजा गृहीत्वा बालकं मुने ।। रुरोद तत्र कान्तारे पुत्रं कृत्वा स्ववक्षसि
śmaśānaṃ ca yayau rājā gṛhītvā bālakaṃ mune || ruroda tatra kāntāre putraṃ kṛtvā svavakṣasi
Sanskrit only: no published translation is held for this verse.
नोत्सृज्य बालकं राजा प्राणांस्त्यक्तुं समुद्यतः ।। ज्ञानयोगं विसस्मार पुत्रशोकात्सुदारुणात्
notsṛjya bālakaṃ rājā prāṇāṃstyaktuṃ samudyataḥ || jñānayogaṃ visasmāra putraśokātsudāruṇāt
Sanskrit only: no published translation is held for this verse.
एतस्मिन्नन्तरे तत्र विमानं च ददर्श ह ।। शुद्धस्फटिकसङ्काशं मणिराजविराजितम्
etasminnantare tatra vimānaṃ ca dadarśa ha || śuddhasphaṭikasaṅkāśaṃ maṇirājavirājitam
Sanskrit only: no published translation is held for this verse.
तेजसा ज्वलितं शश्वच्छोभितं क्षौमवाससा ।। नानाचित्रविचित्राढथं पुष्पमाला विराजितम्
tejasā jvalitaṃ śaśvacchobhitaṃ kṣaumavāsasā || nānācitravicitrāḍhathaṃ puṣpamālā virājitam
Sanskrit only: no published translation is held for this verse.
ददर्श तत्र देवीं च कमनीयां मनोहराम्।। श्वेतचम्पकवर्णाभां रम्यसुस्थिरयौवनाम्
dadarśa tatra devīṃ ca kamanīyāṃ manoharām|| śvetacampakavarṇābhāṃ ramyasusthirayauvanām
Sanskrit only: no published translation is held for this verse.
ईषद्धास्यप्रसन्नास्यां रत्नभूषणभूषिताम् ।। कृपामयीं योगसिद्धां भक्तानुग्रहकारिणीम्
īṣaddhāsyaprasannāsyāṃ ratnabhūṣaṇabhūṣitām || kṛpāmayīṃ yogasiddhāṃ bhaktānugrahakāriṇīm
Sanskrit only: no published translation is held for this verse.
दृष्ट्वा तां पुरतो राजा तुष्टाव परमादरात् ।। चकार पूजनं तस्या विहाय भुवि बालकम्
dṛṣṭvā tāṃ purato rājā tuṣṭāva paramādarāt || cakāra pūjanaṃ tasyā vihāya bhuvi bālakam
Sanskrit only: no published translation is held for this verse.
पप्रच्छ राजा तां दृष्ट्वा ग्रीष्मसूर्य्यसमप्रभाम् ।। तेजसा ज्वलितां शान्तां कान्तां स्कन्दस्य नारद
papraccha rājā tāṃ dṛṣṭvā grīṣmasūryyasamaprabhām || tejasā jvalitāṃ śāntāṃ kāntāṃ skandasya nārada
Sanskrit only: no published translation is held for this verse.
प्रियव्रत उवाच ।। का त्वं सुशोभने कान्ते कस्य कान्ताऽसि सुव्रते ।। कस्य कन्या वरारोहे धन्या मान्या च योषिताम्
priyavrata uvāca || kā tvaṃ suśobhane kānte kasya kāntā'si suvrate || kasya kanyā varārohe dhanyā mānyā ca yoṣitām
Sanskrit only: no published translation is held for this verse.
नृपेन्द्रस्य वचः श्रुत्वा जगन्मङ्गलदायिनी ।। उवाच देवसेना सा देवरक्षणकारिणी
nṛpendrasya vacaḥ śrutvā jaganmaṅgaladāyinī || uvāca devasenā sā devarakṣaṇakāriṇī
Sanskrit only: no published translation is held for this verse.
देवानां दैत्यभीतानां पुरा सेना बभूव सा ।। जयं ददौ च तेभ्यश्च देवसेना च तेन सा
devānāṃ daityabhītānāṃ purā senā babhūva sā || jayaṃ dadau ca tebhyaśca devasenā ca tena sā
Sanskrit only: no published translation is held for this verse.
देवसेनोवाच। ब्रह्मणो मानसी कन्या देवसेनाऽहमीश्वरी ।। सृष्ट्वा मां मनसो धाता ददौ स्कन्दाय भूमिप
devasenovāca| brahmaṇo mānasī kanyā devasenā'hamīśvarī || sṛṣṭvā māṃ manaso dhātā dadau skandāya bhūmipa
Sanskrit only: no published translation is held for this verse.
मातृकासु च विख्याता स्कन्दसेना च सुव्रता ।। विश्वे षष्ठीति विख्याता षष्ठांशा प्रकृतेर्यतः
mātṛkāsu ca vikhyātā skandasenā ca suvratā || viśve ṣaṣṭhīti vikhyātā ṣaṣṭhāṃśā prakṛteryataḥ
Sanskrit only: no published translation is held for this verse.
पुत्रदाऽहमपुत्राय प्रियदात्री प्रियाय च ।। धनदा च दरिद्रेभ्यः कर्तृभ्यः शुभकर्मदा
putradā'hamaputrāya priyadātrī priyāya ca || dhanadā ca daridrebhyaḥ kartṛbhyaḥ śubhakarmadā
Sanskrit only: no published translation is held for this verse.
सुखं दुःखं भयं शोकं हर्षं मंगलमेव च ।। सम्पत्तिश्च विपत्तिश्च सर्वं भवति कर्मणा
sukhaṃ duḥkhaṃ bhayaṃ śokaṃ harṣaṃ maṃgalameva ca || sampattiśca vipattiśca sarvaṃ bhavati karmaṇā
Sanskrit only: no published translation is held for this verse.
कर्मणा बहुपुत्री च वंशहीनश्च कर्मणा ।। कर्मणा रूपवांश्चैव रोगी शश्वत्स्वकर्मणा
karmaṇā bahuputrī ca vaṃśahīnaśca karmaṇā || karmaṇā rūpavāṃścaiva rogī śaśvatsvakarmaṇā
Sanskrit only: no published translation is held for this verse.
कर्मणा मृतपुत्रश्च कर्मणा चिरजीविनः ।। कर्मणा गुणवन्तश्च कर्मणा चांगहीनकाः
karmaṇā mṛtaputraśca karmaṇā cirajīvinaḥ || karmaṇā guṇavantaśca karmaṇā cāṃgahīnakāḥ
Sanskrit only: no published translation is held for this verse.
तस्मात्कर्म परं राजन्सर्वेभ्यश्च श्रुतौ श्रुतम् ।। कर्मरूपी च भगवांस्तद्द्वारा फलदो हरिः ।।
tasmātkarma paraṃ rājansarvebhyaśca śrutau śrutam || karmarūpī ca bhagavāṃstaddvārā phalado hariḥ ||
Sanskrit only: no published translation is held for this verse.
इत्येवमुक्त्वा सा देवी गृहीत्वा बालकं मुने ।। महाज्ञानेन सहसा जीवयामास लीलया
ityevamuktvā sā devī gṛhītvā bālakaṃ mune || mahājñānena sahasā jīvayāmāsa līlayā
Sanskrit only: no published translation is held for this verse.
राजा ददर्श तं बालं सस्मितं कनकप्रभम् ।। देवसेना च पश्यन्तं नृपमम्बरमेव च
rājā dadarśa taṃ bālaṃ sasmitaṃ kanakaprabham || devasenā ca paśyantaṃ nṛpamambarameva ca
Sanskrit only: no published translation is held for this verse.
गृहीत्वा बालकं देवी गगनं गन्तुमुद्यता ।। पुनस्तुष्टाव तां राजा शुष्ककण्ठौष्ठतालुकः
gṛhītvā bālakaṃ devī gaganaṃ gantumudyatā || punastuṣṭāva tāṃ rājā śuṣkakaṇṭhauṣṭhatālukaḥ
Sanskrit only: no published translation is held for this verse.
नृपस्तोत्रेण सा देवी परितुष्टा बभूव ह ।। उवाच तं नृपं ब्रह्मन्वेदोक्तं कर्म निर्मितम्
nṛpastotreṇa sā devī parituṣṭā babhūva ha || uvāca taṃ nṛpaṃ brahmanvedoktaṃ karma nirmitam
Sanskrit only: no published translation is held for this verse.
देवसेनोवाच ।। त्रिषु लोकेषु राजा त्वं स्वायम्भुवमनोः सुतः ।। मम पूजां च सर्वत्र कारयित्वा स्वयं कुरु
devasenovāca || triṣu lokeṣu rājā tvaṃ svāyambhuvamanoḥ sutaḥ || mama pūjāṃ ca sarvatra kārayitvā svayaṃ kuru
Sanskrit only: no published translation is held for this verse.
तदा दास्यामि पुत्रं ते कुलपद्मं मनोहरम् ।। सुव्रतं नाम विख्यातं गुणवन्तं सुपण्डितम्
tadā dāsyāmi putraṃ te kulapadmaṃ manoharam || suvrataṃ nāma vikhyātaṃ guṇavantaṃ supaṇḍitam
Sanskrit only: no published translation is held for this verse.
जातिस्मरं च योगीन्द्रं नारायणपरायणम् ।। शतक्रतुकरं श्रेष्ठं क्षत्त्रियाणां च वन्दितम्
jātismaraṃ ca yogīndraṃ nārāyaṇaparāyaṇam || śatakratukaraṃ śreṣṭhaṃ kṣattriyāṇāṃ ca vanditam
Sanskrit only: no published translation is held for this verse.
मत्तमातङ्गलक्षाणां धृतवन्तं बलं शुभम् ।। धन्विनं गुणिनं शुद्धं विदुषां प्रियमेव च ।।
mattamātaṅgalakṣāṇāṃ dhṛtavantaṃ balaṃ śubham || dhanvinaṃ guṇinaṃ śuddhaṃ viduṣāṃ priyameva ca ||
Sanskrit only: no published translation is held for this verse.
योगिनं ज्ञानिनं चैव सिद्धरूपं तपस्विनम् ।। यशस्विनं च लोकेषु दातारं सर्वसम्पदाम्
yoginaṃ jñāninaṃ caiva siddharūpaṃ tapasvinam || yaśasvinaṃ ca lokeṣu dātāraṃ sarvasampadām
Sanskrit only: no published translation is held for this verse.
इत्येवमुक्त्वा सा देवी तस्मै तद्बालकं ददौ ।। राजा च तं स्वीचकार तत्पूजार्थं च सुव्रतः
ityevamuktvā sā devī tasmai tadbālakaṃ dadau || rājā ca taṃ svīcakāra tatpūjārthaṃ ca suvrataḥ
Sanskrit only: no published translation is held for this verse.
जगाम देवी स्वर्गं च दत्त्वा तस्मै शुभं वरम् ।। आजगाम महाराजः स्वगृहं हृष्टमानसः ।। आगत्य कथयामास वृत्तान्तं पुत्रहेतुकम्
jagāma devī svargaṃ ca dattvā tasmai śubhaṃ varam || ājagāma mahārājaḥ svagṛhaṃ hṛṣṭamānasaḥ || āgatya kathayāmāsa vṛttāntaṃ putrahetukam
Sanskrit only: no published translation is held for this verse.
तुष्टा बभूवुः सन्तुष्टा नरा नार्यश्च नारद ।।। मङ्गलं कारयामास सर्वत्र सुतहेतुकम् ।। देवीं च पूजयामास ब्राह्मणेभ्यो धनं ददौ
tuṣṭā babhūvuḥ santuṣṭā narā nāryaśca nārada ||| maṅgalaṃ kārayāmāsa sarvatra sutahetukam || devīṃ ca pūjayāmāsa brāhmaṇebhyo dhanaṃ dadau
Sanskrit only: no published translation is held for this verse.
राजा च प्रतिमासेषु शुक्लषष्ठ्यां महोत्सवम् ।। षष्ठ्या देव्याश्च यत्नेन कारयामास सर्वतः
rājā ca pratimāseṣu śuklaṣaṣṭhyāṃ mahotsavam || ṣaṣṭhyā devyāśca yatnena kārayāmāsa sarvataḥ
Sanskrit only: no published translation is held for this verse.
बालानां सूतिकागारे षष्ठाहे यत्नपूर्वकम् ।। तत्पूजां कारयामास चैकविंशतिवासरे
bālānāṃ sūtikāgāre ṣaṣṭhāhe yatnapūrvakam || tatpūjāṃ kārayāmāsa caikaviṃśativāsare
Sanskrit only: no published translation is held for this verse.
बालानां शुभकार्ये च शुभान्नप्राशने तथा ।। सर्वत्र वर्द्धयामास स्वयमेव चकार ह
bālānāṃ śubhakārye ca śubhānnaprāśane tathā || sarvatra varddhayāmāsa svayameva cakāra ha
Sanskrit only: no published translation is held for this verse.
ध्यानं पूजाविधानं च स्तोत्रं मत्तो निशामय ।। यच्छ्रुतं धर्मवक्त्रेण कौथुमोक्तं च सुव्रत
dhyānaṃ pūjāvidhānaṃ ca stotraṃ matto niśāmaya || yacchrutaṃ dharmavaktreṇa kauthumoktaṃ ca suvrata
Sanskrit only: no published translation is held for this verse.
शालग्रामे घटे वाऽथ वटमूलेऽथवा मुने।। भित्त्यां पुत्तलिकां कृत्वा पूजयेद्वा विचक्षणः
śālagrāme ghaṭe vā'tha vaṭamūle'thavā mune|| bhittyāṃ puttalikāṃ kṛtvā pūjayedvā vicakṣaṇaḥ
Sanskrit only: no published translation is held for this verse.
षष्ठांशां प्रकृतेः शुद्धां सुप्रतिष्ठां च सुव्रताम् ।। सुपुत्रदां च शुभदां दयारूपां जगत्प्रसूम्
ṣaṣṭhāṃśāṃ prakṛteḥ śuddhāṃ supratiṣṭhāṃ ca suvratām || suputradāṃ ca śubhadāṃ dayārūpāṃ jagatprasūm
Sanskrit only: no published translation is held for this verse.
श्वेतचम्पकवर्णाभां रत्नभूषणभूषिताम् ।। पवित्ररूपां परमां देवसेनां परां भजे
śvetacampakavarṇābhāṃ ratnabhūṣaṇabhūṣitām || pavitrarūpāṃ paramāṃ devasenāṃ parāṃ bhaje
Sanskrit only: no published translation is held for this verse.
इति ध्यात्वा स्वशिरसि पुष्पं दत्त्वा विचक्षणः ।। पुनर्ध्यात्वा च मूलेन पूजयेत्सुव्रतः सतीम्
iti dhyātvā svaśirasi puṣpaṃ dattvā vicakṣaṇaḥ || punardhyātvā ca mūlena pūjayetsuvrataḥ satīm
Sanskrit only: no published translation is held for this verse.
मूलमों ह्रीं षष्ठीदेव्ये स्वाहेति विधिपूर्वकम् ।। अष्टाक्षरं महामन्त्रं यथाशक्ति जपेन्नरः ।।
mūlamoṃ hrīṃ ṣaṣṭhīdevye svāheti vidhipūrvakam || aṣṭākṣaraṃ mahāmantraṃ yathāśakti japennaraḥ ||
Sanskrit only: no published translation is held for this verse.
तत्र स्तुत्वा च नमते भक्तियुक्तः समाहितः ।। स्तोत्रं च सामवेदोक्तं धनपुत्रफलप्रदम्
tatra stutvā ca namate bhaktiyuktaḥ samāhitaḥ || stotraṃ ca sāmavedoktaṃ dhanaputraphalapradam
Sanskrit only: no published translation is held for this verse.
स्तोत्रं शृणु मुनिश्रेष्ठ सर्वेषां च शुभावहम् ।। वाञ्छाप्रदं च सर्वेषां गूढं वेदे च नारद
stotraṃ śṛṇu muniśreṣṭha sarveṣāṃ ca śubhāvaham || vāñchāpradaṃ ca sarveṣāṃ gūḍhaṃ vede ca nārada
Sanskrit only: no published translation is held for this verse.
प्रियव्रत उवाच ।। नमो देव्यै महादेव्यै सिद्ध्यै शान्त्यै नमो नमः ।। सुखादायै मोक्षदायै षष्ठीदेव्यै नमो नमः
priyavrata uvāca || namo devyai mahādevyai siddhyai śāntyai namo namaḥ || sukhādāyai mokṣadāyai ṣaṣṭhīdevyai namo namaḥ
Sanskrit only: no published translation is held for this verse.
वरदायै पुत्रदायै धनदायै नमो नमः ।। सुखदायै मोक्षदायै षष्ठीदेव्यै नमो नमः
varadāyai putradāyai dhanadāyai namo namaḥ || sukhadāyai mokṣadāyai ṣaṣṭhīdevyai namo namaḥ
Sanskrit only: no published translation is held for this verse.
अष्टाक्षरं महामन्त्रं लक्षधा यो जपेन्मुने ।। स पुत्रं लभते नूनमित्याह कमलोद्भवः
aṣṭākṣaraṃ mahāmantraṃ lakṣadhā yo japenmune || sa putraṃ labhate nūnamityāha kamalodbhavaḥ
Sanskrit only: no published translation is held for this verse.
पारायै पारदायै च षष्ठीदेव्यै नमो नमः ।। सारायै सारदायै च पारायै सर्वकर्मणाम्
pārāyai pāradāyai ca ṣaṣṭhīdevyai namo namaḥ || sārāyai sāradāyai ca pārāyai sarvakarmaṇām
Sanskrit only: no published translation is held for this verse.
बालाधिष्ठातृदेव्यै च षष्ठी देव्यै नमो नमः ।। कल्याणदायै कल्याण्यै फलदायै च कर्मणाम्
bālādhiṣṭhātṛdevyai ca ṣaṣṭhī devyai namo namaḥ || kalyāṇadāyai kalyāṇyai phaladāyai ca karmaṇām
Sanskrit only: no published translation is held for this verse.
प्रत्यक्षायै च भक्तानां षष्ठीदेव्यै नमो नमः ।। पूज्यायै स्कन्दकान्तायै सर्वेषां सर्वकर्मसु।६२।। देवरक्षणकारिण्यै षष्ठीदेव्यै नमो नमः।। शुद्धसत्त्वस्वरूपायै वन्दितायै नृणां सदा
pratyakṣāyai ca bhaktānāṃ ṣaṣṭhīdevyai namo namaḥ || pūjyāyai skandakāntāyai sarveṣāṃ sarvakarmasu|62|| devarakṣaṇakāriṇyai ṣaṣṭhīdevyai namo namaḥ|| śuddhasattvasvarūpāyai vanditāyai nṛṇāṃ sadā
Sanskrit only: no published translation is held for this verse.
हिंसाक्रोधैर्वर्जितायै षष्ठीदेव्यै नमो नमः।। धनं देहि प्रियां देहि पुत्रं देहि सुरेश्वरि
hiṃsākrodhairvarjitāyai ṣaṣṭhīdevyai namo namaḥ|| dhanaṃ dehi priyāṃ dehi putraṃ dehi sureśvari
Sanskrit only: no published translation is held for this verse.
कल्याणं च जयं देहि षष्ठीदेव्यै नमो नमः ।। इति देवीं च संस्तूय लेभे पुत्रं प्रियव्रतः
kalyāṇaṃ ca jayaṃ dehi ṣaṣṭhīdevyai namo namaḥ || iti devīṃ ca saṃstūya lebhe putraṃ priyavrataḥ
Sanskrit only: no published translation is held for this verse.
यशस्विनं च राजेन्द्रं षष्ठीदेवीप्रसादतः ।। षष्ठीस्तोत्रमिदं ब्रह्मन्यः शृणोति च वत्सरम्
yaśasvinaṃ ca rājendraṃ ṣaṣṭhīdevīprasādataḥ || ṣaṣṭhīstotramidaṃ brahmanyaḥ śṛṇoti ca vatsaram
Sanskrit only: no published translation is held for this verse.
अपुत्रो लभते पुत्रं वरं सुचिरजीविनम् ।। वर्षमेकं च या भक्त्या संयत्तेदं शृणोति च
aputro labhate putraṃ varaṃ sucirajīvinam || varṣamekaṃ ca yā bhaktyā saṃyattedaṃ śṛṇoti ca
Sanskrit only: no published translation is held for this verse.
धर्मं देहि यशो देहि षष्ठीदेव्यै नमो नमः ।। भूमिं देहि प्रजां देहि देहि विद्यां सुपूजिते
dharmaṃ dehi yaśo dehi ṣaṣṭhīdevyai namo namaḥ || bhūmiṃ dehi prajāṃ dehi dehi vidyāṃ supūjite
Sanskrit only: no published translation is held for this verse.
सुचिरायुष्मन्तमेव षष्ठीमातृप्रसादतः ।। काकवन्ध्या च या नारी मृतापत्या च या भवेत्
sucirāyuṣmantameva ṣaṣṭhīmātṛprasādataḥ || kākavandhyā ca yā nārī mṛtāpatyā ca yā bhavet
Sanskrit only: no published translation is held for this verse.
वर्षं श्रुत्वा लभेत्पुत्रं षष्ठीदेवीप्रसादतः ।। रोगयुक्ते च बाले च पिता माता शृणोति च
varṣaṃ śrutvā labhetputraṃ ṣaṣṭhīdevīprasādataḥ || rogayukte ca bāle ca pitā mātā śṛṇoti ca
Sanskrit only: no published translation is held for this verse.
पाद्यार्घ्याचमनीयैश्च गन्धधूपप्रदीपकैः ।। नैवेद्यैर्विविधैश्चापि फलेन च शुभेन च
pādyārghyācamanīyaiśca gandhadhūpapradīpakaiḥ || naivedyairvividhaiścāpi phalena ca śubhena ca
Sanskrit only: no published translation is held for this verse.