Library·Brahmavaivarta Purāṇa·2·2.44
नारायण उवाच ।। कथितं षष्ठ्युपाख्यानं ब्रह्मपुत्र यथागमम्।। देवी मङ्गलचण्डी च तदाख्यानं निशामय
nārāyaṇa uvāca || kathitaṃ ṣaṣṭhyupākhyānaṃ brahmaputra yathāgamam|| devī maṅgalacaṇḍī ca tadākhyānaṃ niśāmaya
Sanskrit only: no published translation is held for this verse.
तस्याः पूजादिकं सर्वं धर्मवक्त्राच्च यच्छ्रुतम् ।। श्रुतिसम्मतमेवेष्टं सर्वेषां विदुषामपि
tasyāḥ pūjādikaṃ sarvaṃ dharmavaktrācca yacchrutam || śrutisammatameveṣṭaṃ sarveṣāṃ viduṣāmapi
Sanskrit only: no published translation is held for this verse.
चण्डायां वर्त्तते चण्डी जाग्रती शत्रुमण्डले ।। मङ्गलेषु च या दक्षा मङ्गला सैव चण्डिका
caṇḍāyāṃ varttate caṇḍī jāgratī śatrumaṇḍale || maṅgaleṣu ca yā dakṣā maṅgalā saiva caṇḍikā
Sanskrit only: no published translation is held for this verse.
दुर्गायां विद्यते चण्डी मङ्गलोऽपि महीसुते ।। मङ्गलाऽभीष्टदेवी या सा स्यान्मङ्गलचण्डिका
durgāyāṃ vidyate caṇḍī maṅgalo'pi mahīsute || maṅgalā'bhīṣṭadevī yā sā syānmaṅgalacaṇḍikā
Sanskrit only: no published translation is held for this verse.
मंगलो मनुवंशश्च सप्तद्वीपावनीपतिः ।। तस्य पूज्याऽभीष्टदेवी तेन मंगलचण्डिका
maṃgalo manuvaṃśaśca saptadvīpāvanīpatiḥ || tasya pūjyā'bhīṣṭadevī tena maṃgalacaṇḍikā
Sanskrit only: no published translation is held for this verse.
मूर्त्तिभेदेन सा दुर्गा मूलप्रकृतिरीश्वरी ।। कृपारूपाऽतिप्रत्यक्षा योषितामिष्टदेवता
mūrttibhedena sā durgā mūlaprakṛtirīśvarī || kṛpārūpā'tipratyakṣā yoṣitāmiṣṭadevatā
Sanskrit only: no published translation is held for this verse.
प्रथमे पूजिता सा च शङ्करेण पुरा परा ।। त्रिपुरस्य वधे घोरं विष्णुना प्रेरितेन च
prathame pūjitā sā ca śaṅkareṇa purā parā || tripurasya vadhe ghoraṃ viṣṇunā preritena ca
Sanskrit only: no published translation is held for this verse.
ब्रह्मन्ब्रह्मोपदेशेन दुर्गप्रस्थे च सङ्कटे ।। आकाशात्पतिते याने रुषा दैत्येन पातिते
brahmanbrahmopadeśena durgaprasthe ca saṅkaṭe || ākāśātpatite yāne ruṣā daityena pātite
Sanskrit only: no published translation is held for this verse.
ब्रह्मविष्णूपदिष्टश्च दुर्गां तुष्टाव शङ्करः ।। सा च मंगलचण्डीयमभवद्रूपभेदतः
brahmaviṣṇūpadiṣṭaśca durgāṃ tuṣṭāva śaṅkaraḥ || sā ca maṃgalacaṇḍīyamabhavadrūpabhedataḥ
Sanskrit only: no published translation is held for this verse.
उवाच पुरतः शम्भोर्भयं नास्तीति ते प्रभो ।। भगवान्वृषरूपश्च सर्वेशश्च बभूव ह
uvāca purataḥ śambhorbhayaṃ nāstīti te prabho || bhagavānvṛṣarūpaśca sarveśaśca babhūva ha
Sanskrit only: no published translation is held for this verse.
युद्धशक्तिस्वरूपाऽहं भविष्यामि तदाज्ञया ।। मयाऽऽत्मना च हरिणा सहायेन वृषध्वज
yuddhaśaktisvarūpā'haṃ bhaviṣyāmi tadājñayā || mayā''tmanā ca hariṇā sahāyena vṛṣadhvaja
Sanskrit only: no published translation is held for this verse.
जहि दैत्यं च देवेश सुराणां पदघातकम् ।। इत्युक्त्वाऽन्तर्हिता देवी शम्भोः शक्तिर्बभूव सा
jahi daityaṃ ca deveśa surāṇāṃ padaghātakam || ityuktvā'ntarhitā devī śambhoḥ śaktirbabhūva sā
Sanskrit only: no published translation is held for this verse.
विष्णुदत्तेन शस्त्रेण जघान तमुमापतिः ।। मुनीन्द्र पतिते दैत्ये सर्वे देवा महर्षयः
viṣṇudattena śastreṇa jaghāna tamumāpatiḥ || munīndra patite daitye sarve devā maharṣayaḥ
Sanskrit only: no published translation is held for this verse.
तुष्टुवुः शंकरं देवा भक्तिनम्रात्मकन्धराः ।। सद्यः शिरसि शम्भोश्च पुष्पवृष्टिर्बभूव ह
tuṣṭuvuḥ śaṃkaraṃ devā bhaktinamrātmakandharāḥ || sadyaḥ śirasi śambhośca puṣpavṛṣṭirbabhūva ha
Sanskrit only: no published translation is held for this verse.
ब्रह्मा विष्णुश्च सन्तुष्टो ददौ तस्मै शुभाशिषम् ।। ब्रह्मविष्णूपदिष्टश्च सुस्नातः शङ्करः शुचिः
brahmā viṣṇuśca santuṣṭo dadau tasmai śubhāśiṣam || brahmaviṣṇūpadiṣṭaśca susnātaḥ śaṅkaraḥ śuciḥ
Sanskrit only: no published translation is held for this verse.
पूजयामास तां शक्तिं देवीं मङ्गलचण्डिकाम् ।। पाद्यार्घ्याचमनीयैश्च बलिभिर्विविधैरपि
pūjayāmāsa tāṃ śaktiṃ devīṃ maṅgalacaṇḍikām || pādyārghyācamanīyaiśca balibhirvividhairapi
Sanskrit only: no published translation is held for this verse.
पुष्पचन्दननैवेद्यैर्भक्त्या नानाविधैर्मुने ।। छागैर्मेषैश्च महिषैर्गण्डैर्मायाविभिर्वरैः
puṣpacandananaivedyairbhaktyā nānāvidhairmune || chāgairmeṣaiśca mahiṣairgaṇḍairmāyāvibhirvaraiḥ
Sanskrit only: no published translation is held for this verse.
वस्त्रालङ्कारमाल्यैश्च पायसैः पिष्टकैरपि ।। मधुभिश्च सुधाभिश्च पक्वैर्नानाविधैः फलैः
vastrālaṅkāramālyaiśca pāyasaiḥ piṣṭakairapi || madhubhiśca sudhābhiśca pakvairnānāvidhaiḥ phalaiḥ
Sanskrit only: no published translation is held for this verse.
सङ्गीतैर्नर्त्तनैर्वाद्यैरुत्सवैः कृष्णकीर्त्तनैः ।। ध्यात्वा माध्यन्दिनोक्तेन ध्यानेन विधिपूर्वकम्
saṅgītairnarttanairvādyairutsavaiḥ kṛṣṇakīrttanaiḥ || dhyātvā mādhyandinoktena dhyānena vidhipūrvakam
Sanskrit only: no published translation is held for this verse.
ददौ द्रव्याणि मूलेन मन्त्रेणैव च नारद ।। ॐ ह्रीं श्रीं क्लीं सर्वपूज्ये देवि मङ्गलचण्डिके ।। ऐं क्रूं फट्स्वाहेत्येवं चाप्येकविंशाक्षरो मनुः।।
dadau dravyāṇi mūlena mantreṇaiva ca nārada || oṃ hrīṃ śrīṃ klīṃ sarvapūjye devi maṅgalacaṇḍike || aiṃ krūṃ phaṭsvāhetyevaṃ cāpyekaviṃśākṣaro manuḥ||
Sanskrit only: no published translation is held for this verse.
पूज्यः कल्पतरुश्चैव भक्तानां सर्वकामदः ।। दशलक्षजपेनैव मन्त्रसिद्धिर्भवेन्नृणाम्
pūjyaḥ kalpataruścaiva bhaktānāṃ sarvakāmadaḥ || daśalakṣajapenaiva mantrasiddhirbhavennṛṇām
Sanskrit only: no published translation is held for this verse.
मन्त्रसिद्धिर्भवेद्यस्य स विष्णुः सर्वकामदः ।। ध्यानं च श्रूयतां ब्रह्मन्वेदोक्तं सर्वसम्मतम्
mantrasiddhirbhavedyasya sa viṣṇuḥ sarvakāmadaḥ || dhyānaṃ ca śrūyatāṃ brahmanvedoktaṃ sarvasammatam
Sanskrit only: no published translation is held for this verse.
देवीं षोडशवर्षीयां रम्यां सुस्थिरयौवनाम् ।। सर्वरूपगुणाढ्यां च कोमलांगीं मनोहराम्
devīṃ ṣoḍaśavarṣīyāṃ ramyāṃ susthirayauvanām || sarvarūpaguṇāḍhyāṃ ca komalāṃgīṃ manoharām
Sanskrit only: no published translation is held for this verse.
श्वेतचम्पकवर्णाभां चन्द्रकोटिसमप्रभाम् ।। वह्निशुद्धांशुकाधानां रत्नभूषणभूषिताम् ।।
śvetacampakavarṇābhāṃ candrakoṭisamaprabhām || vahniśuddhāṃśukādhānāṃ ratnabhūṣaṇabhūṣitām ||
Sanskrit only: no published translation is held for this verse.
बिभ्रतीं कबरीभारं मल्लिकामाल्यभूषितम्।। बिम्बोष्ठीं सुदतीं शुद्धां शरत्पद्मनिभाननाम्
bibhratīṃ kabarībhāraṃ mallikāmālyabhūṣitam|| bimboṣṭhīṃ sudatīṃ śuddhāṃ śaratpadmanibhānanām
Sanskrit only: no published translation is held for this verse.
ईषद्धास्यप्रसन्नास्यां सुनीलोत्पललोचनाम् ।। जगद्धात्रीं च दात्रीं च सर्वेभ्यः सर्वसम्पदाम्
īṣaddhāsyaprasannāsyāṃ sunīlotpalalocanām || jagaddhātrīṃ ca dātrīṃ ca sarvebhyaḥ sarvasampadām
Sanskrit only: no published translation is held for this verse.
संसारसागरे घोरे पोतरूपां वरां भजे
saṃsārasāgare ghore potarūpāṃ varāṃ bhaje
Sanskrit only: no published translation is held for this verse.
देव्याश्च ध्यानमित्येवं स्तवनं श्रूयतां मुने ।। प्रयतः सङ्कटग्रस्तो येन तुष्टाव शङ्करः
devyāśca dhyānamityevaṃ stavanaṃ śrūyatāṃ mune || prayataḥ saṅkaṭagrasto yena tuṣṭāva śaṅkaraḥ
Sanskrit only: no published translation is held for this verse.
शङ्कर उवाच ।। रक्ष रक्ष जगन्मातर्देवि मंगलचण्डिके ।। संहर्त्रि विपदां राशेर्हर्षमंगलकारिके
śaṅkara uvāca || rakṣa rakṣa jaganmātardevi maṃgalacaṇḍike || saṃhartri vipadāṃ rāśerharṣamaṃgalakārike
Sanskrit only: no published translation is held for this verse.
हर्षमंगलदक्षे च हर्षमंगलचण्डिके ।। शुभे मंगलदक्षे च शुभमंगल चण्डिके
harṣamaṃgaladakṣe ca harṣamaṃgalacaṇḍike || śubhe maṃgaladakṣe ca śubhamaṃgala caṇḍike
Sanskrit only: no published translation is held for this verse.
मंगले मङ्गलार्हे च सर्वमंगलमंगले ।। सतां मंगलदे देवि सर्वेषां मंगलालये
maṃgale maṅgalārhe ca sarvamaṃgalamaṃgale || satāṃ maṃgalade devi sarveṣāṃ maṃgalālaye
Sanskrit only: no published translation is held for this verse.
पूज्या मंगलवारे च मंगलाभीष्टदैवते ।। पूज्ये मंगलभूपस्य मनुवंशस्य सन्ततम्
pūjyā maṃgalavāre ca maṃgalābhīṣṭadaivate || pūjye maṃgalabhūpasya manuvaṃśasya santatam
Sanskrit only: no published translation is held for this verse.
मंगलाधिष्ठातृदेवि मंगलानां च मंगले ।। संसारे मंगलाधारे मोक्षमंगलदायिनि
maṃgalādhiṣṭhātṛdevi maṃgalānāṃ ca maṃgale || saṃsāre maṃgalādhāre mokṣamaṃgaladāyini
Sanskrit only: no published translation is held for this verse.
सारे च मंगलाधारे पारे त्वं सर्वकर्मणाम् ।। प्रतिमंगलवारं च पूज्ये त्वं मंगलप्रदे
sāre ca maṃgalādhāre pāre tvaṃ sarvakarmaṇām || pratimaṃgalavāraṃ ca pūjye tvaṃ maṃgalaprade
Sanskrit only: no published translation is held for this verse.
स्तोत्रेणानेन शम्भुश्च स्तुत्वा मगलचण्डिकाम् ।। प्रतिमंगलवारे च पूजां कृत्वा गतः शिवः
stotreṇānena śambhuśca stutvā magalacaṇḍikām || pratimaṃgalavāre ca pūjāṃ kṛtvā gataḥ śivaḥ
Sanskrit only: no published translation is held for this verse.
देव्याश्च मंगलस्तोत्रं यः शृणोति समाहितः ।। तन्मंगलं भवेच्छश्वन्न भवेत्तदमंगलम्
devyāśca maṃgalastotraṃ yaḥ śṛṇoti samāhitaḥ || tanmaṃgalaṃ bhavecchaśvanna bhavettadamaṃgalam
Sanskrit only: no published translation is held for this verse.
प्रथमे पूजिता देवी शम्भुना सर्वमंगला ।। द्वितीये पूजिता देवी मंगलेन ग्रहेण च
prathame pūjitā devī śambhunā sarvamaṃgalā || dvitīye pūjitā devī maṃgalena graheṇa ca
Sanskrit only: no published translation is held for this verse.
तृतीये पूजिता भद्रा मंगलेन नृपेण च ।। चतुर्थे मंगले वारे सुन्दरीभिश्च पूजिता ।। पञ्चमे मङ्गलाकांक्षैर्नरैर्मंगलचण्डिका
tṛtīye pūjitā bhadrā maṃgalena nṛpeṇa ca || caturthe maṃgale vāre sundarībhiśca pūjitā || pañcame maṅgalākāṃkṣairnarairmaṃgalacaṇḍikā
Sanskrit only: no published translation is held for this verse.
पूजिता प्रतिविश्वेषु विश्वेशैः पूजिता सदा ।। ततः सर्वत्र संपूज्य सा बभूव सुरेश्वरी
pūjitā prativiśveṣu viśveśaiḥ pūjitā sadā || tataḥ sarvatra saṃpūjya sā babhūva sureśvarī
Sanskrit only: no published translation is held for this verse.
देवादिभिश्च मुनिभिर्मनुभिर्मानवैर्मुने ।। देव्याश्च मङ्गलस्तोत्रं यः शृणोति समाहितः
devādibhiśca munibhirmanubhirmānavairmune || devyāśca maṅgalastotraṃ yaḥ śṛṇoti samāhitaḥ
Sanskrit only: no published translation is held for this verse.
तन्मंगलं भवेच्छश्वन्न भवेत्तदमंगलम् ।। वर्द्धन्ते तत्पुत्रपौत्रा मंगलं च दिने दिने
tanmaṃgalaṃ bhavecchaśvanna bhavettadamaṃgalam || varddhante tatputrapautrā maṃgalaṃ ca dine dine
Sanskrit only: no published translation is held for this verse.