Library·Brahmavaivarta Purāṇa·2·2.49
पार्वत्युवाच ।। कथं सुदामशापञ्च सा देवी ललाभ ह ।। कथं शशाप भृत्यो हि स्वाभीष्टां देवकामिनीम्
pārvatyuvāca || kathaṃ sudāmaśāpañca sā devī lalābha ha || kathaṃ śaśāpa bhṛtyo hi svābhīṣṭāṃ devakāminīm
Sanskrit only: no published translation is held for this verse.
श्रीभगवानुवाच ।। शृणु देवी प्रवक्ष्यामि रहस्यं परमाद्भुतम् ।। गोप्यं सर्वपुराणेषु शुभदं भक्तिमुक्तिदम्
śrībhagavānuvāca || śṛṇu devī pravakṣyāmi rahasyaṃ paramādbhutam || gopyaṃ sarvapurāṇeṣu śubhadaṃ bhaktimuktidam
Sanskrit only: no published translation is held for this verse.
एकदा राधिकेशश्च गोलोके रासमण्डले ।। शतशृंगाख्यगिर्येकदेशे वृन्दावने वने
ekadā rādhikeśaśca goloke rāsamaṇḍale || śataśṛṃgākhyagiryekadeśe vṛndāvane vane
Sanskrit only: no published translation is held for this verse.
गृहीत्वा विरजां गोपीं सुभाग्यां राधिकासमाम् ।। क्रीडां चकार भगवान्रत्नभूषणभूषितः
gṛhītvā virajāṃ gopīṃ subhāgyāṃ rādhikāsamām || krīḍāṃ cakāra bhagavānratnabhūṣaṇabhūṣitaḥ
Sanskrit only: no published translation is held for this verse.
रत्नप्रदीपसंयुक्ते रत्ननिर्माणमण्डले ।। अमूल्यरत्नखचितमञ्चके पुष्पतल्पके
ratnapradīpasaṃyukte ratnanirmāṇamaṇḍale || amūlyaratnakhacitamañcake puṣpatalpake
Sanskrit only: no published translation is held for this verse.
कस्तूरीकुंकुमारक्ते सुचन्दनसुधूपिते ।। सुगन्धिमालतीमालासमूहपरिमण्डिते
kastūrīkuṃkumārakte sucandanasudhūpite || sugandhimālatīmālāsamūhaparimaṇḍite
Sanskrit only: no published translation is held for this verse.
सुरताद्विरतिर्नास्ति दम्पती रतिपण्डितौ ।। तौ द्वौ परस्पराक्तौ सुखसम्भोगतन्त्रितौ
suratādviratirnāsti dampatī ratipaṇḍitau || tau dvau parasparāktau sukhasambhogatantritau
Sanskrit only: no published translation is held for this verse.
मन्वन्तराणां लक्षश्च कालः परिमितो गतः ।। गोलोकस्य स्वल्पकाले जन्मादिरहितस्य च
manvantarāṇāṃ lakṣaśca kālaḥ parimito gataḥ || golokasya svalpakāle janmādirahitasya ca
Sanskrit only: no published translation is held for this verse.
दूत्यश्चतस्रो ज्ञात्वाऽथ जगदुस्तां तु राधिकम् ।। श्रुत्वा परमरुष्टा सा तत्याज हरिमीश्वरी
dūtyaścatasro jñātvā'tha jagadustāṃ tu rādhikam || śrutvā paramaruṣṭā sā tatyāja harimīśvarī
Sanskrit only: no published translation is held for this verse.
प्रबोधिता च सखिभिः कोपरक्तास्यलोचना ।। विहाय रत्नालङ्कारं वह्निशुद्धांशुके शुभे
prabodhitā ca sakhibhiḥ koparaktāsyalocanā || vihāya ratnālaṅkāraṃ vahniśuddhāṃśuke śubhe
Sanskrit only: no published translation is held for this verse.
क्रीडापद्मं च सद्रत्नामूल्यदर्पणमुज्ज्वलम् ।। निर्मार्जयामास सती सिन्दूरं चित्रपत्रकम्
krīḍāpadmaṃ ca sadratnāmūlyadarpaṇamujjvalam || nirmārjayāmāsa satī sindūraṃ citrapatrakam
Sanskrit only: no published translation is held for this verse.
प्रक्षाल्य तोयाञ्जलिभिर्मुखरागमलक्तकम् ।। विस्रस्तकबरीभारा मुक्तकेशी प्रकम्पिता
prakṣālya toyāñjalibhirmukharāgamalaktakam || visrastakabarībhārā muktakeśī prakampitā
Sanskrit only: no published translation is held for this verse.
शुक्लवस्त्रपरीधाना रूक्षा वेषादिवर्जिता ।। ययौ यानान्तिकं तूर्णं प्रियालीभिर्निवारिता
śuklavastraparīdhānā rūkṣā veṣādivarjitā || yayau yānāntikaṃ tūrṇaṃ priyālībhirnivāritā
Sanskrit only: no published translation is held for this verse.
आजुहाव सखीसंघं रोषविस्फुरिताधरा ।। शश्वत्कम्पान्वितांगी सा गोपीभिः परिवारिता
ājuhāva sakhīsaṃghaṃ roṣavisphuritādharā || śaśvatkampānvitāṃgī sā gopībhiḥ parivāritā
Sanskrit only: no published translation is held for this verse.
ताभिर्भक्त्या युताभिश्च कातराभिश्च संस्तुता ।। आरुरोह रथं दिव्यममूल्यं रत्ननिर्मितम् ।। दशयोजनविस्तीर्णं दैर्घ्ये तच्छतयोजनम्
tābhirbhaktyā yutābhiśca kātarābhiśca saṃstutā || āruroha rathaṃ divyamamūlyaṃ ratnanirmitam || daśayojanavistīrṇaṃ dairghye tacchatayojanam
Sanskrit only: no published translation is held for this verse.
सहस्रचक्रयुक्तं च नानाचित्रसमन्वितम् ।। नानाविचित्रवसनैः सूक्ष्मैः क्षौमैर्विराजितम्
sahasracakrayuktaṃ ca nānācitrasamanvitam || nānāvicitravasanaiḥ sūkṣmaiḥ kṣaumairvirājitam
Sanskrit only: no published translation is held for this verse.
अमूल्यरत्ननिर्माणदर्पणैः परिशोभितम् ।। मणीन्द्रजालमालाभैः पुष्पमालासहस्रकैः
amūlyaratnanirmāṇadarpaṇaiḥ pariśobhitam || maṇīndrajālamālābhaiḥ puṣpamālāsahasrakaiḥ
Sanskrit only: no published translation is held for this verse.
सद्रत्न कलशैर्युक्तं रम्यैर्मन्दिरकोटिभिः ।। त्रिलक्षकोटिभिः सार्द्ध गोपीभिश्च प्रियालिभिः
sadratna kalaśairyuktaṃ ramyairmandirakoṭibhiḥ || trilakṣakoṭibhiḥ sārddha gopībhiśca priyālibhiḥ
Sanskrit only: no published translation is held for this verse.
ययौ रथेन तेनैव सुमनोमालिना प्रिये ।। श्रुत्वा कोलाहलं गोपः सुदामा कृष्णपार्षदः
yayau rathena tenaiva sumanomālinā priye || śrutvā kolāhalaṃ gopaḥ sudāmā kṛṣṇapārṣadaḥ
Sanskrit only: no published translation is held for this verse.
कृष्णं कृत्वा सावधानं गोपैः सार्द्धं पलायितः ।। भयेन कृष्णः सन्त्रस्तो विहाय विरजां सतीम्
kṛṣṇaṃ kṛtvā sāvadhānaṃ gopaiḥ sārddhaṃ palāyitaḥ || bhayena kṛṣṇaḥ santrasto vihāya virajāṃ satīm
Sanskrit only: no published translation is held for this verse.
स्वप्रेममग्नः कृष्णोऽपि तिरोधानं चकार सः ।। सा सती समयं ज्ञात्वा विचार्य्य स्वहृदि क्रुधा
svapremamagnaḥ kṛṣṇo'pi tirodhānaṃ cakāra saḥ || sā satī samayaṃ jñātvā vicāryya svahṛdi krudhā
Sanskrit only: no published translation is held for this verse.
राधाप्रकोपभीता च प्राणांस्तत्याज तत्क्षणम् ।। विरजालिगणास्तत्र भयविह्वलकातराः
rādhāprakopabhītā ca prāṇāṃstatyāja tatkṣaṇam || virajāligaṇāstatra bhayavihvalakātarāḥ
Sanskrit only: no published translation is held for this verse.
प्रययुः शरणं साध्वीं विरजां तत्क्षणं भिया ।। गोलोके सा सरिद्रूपा जाता वै शैलकन्यके
prayayuḥ śaraṇaṃ sādhvīṃ virajāṃ tatkṣaṇaṃ bhiyā || goloke sā saridrūpā jātā vai śailakanyake
Sanskrit only: no published translation is held for this verse.
कोटियोजनविस्तीर्णा दीर्घे शतगुणा तथा ।। गोलोकं वेष्टयामास परिखेव मनोहरा
koṭiyojanavistīrṇā dīrghe śataguṇā tathā || golokaṃ veṣṭayāmāsa parikheva manoharā
Sanskrit only: no published translation is held for this verse.
बभूवुः क्षुद्रनद्यश्च तदाऽन्या गोप्य एव च ।। सर्वा नद्यस्तदंशाश्च प्रतिविश्वेषु सुन्दरि
babhūvuḥ kṣudranadyaśca tadā'nyā gopya eva ca || sarvā nadyastadaṃśāśca prativiśveṣu sundari
Sanskrit only: no published translation is held for this verse.
इमे सप्त समुद्राश्च विरजानन्दना भुवि ।। अथागत्य महाभागा राधा रासेश्वरी परा
ime sapta samudrāśca virajānandanā bhuvi || athāgatya mahābhāgā rādhā rāseśvarī parā
Sanskrit only: no published translation is held for this verse.
न दृष्ट्वा विरजां कृष्णं स्वगृहं च पुनर्ययौ ।। जगाम कृष्णस्तां राधां गोपालैरष्टभिः सह
na dṛṣṭvā virajāṃ kṛṣṇaṃ svagṛhaṃ ca punaryayau || jagāma kṛṣṇastāṃ rādhāṃ gopālairaṣṭabhiḥ saha
Sanskrit only: no published translation is held for this verse.
गोपीभिर्द्वारि युक्ताभिर्वारितोऽपि पुनः पुनः ।। दृष्ट्वा कृष्णं च सा देवी भर्त्सयामास तं तदा
gopībhirdvāri yuktābhirvārito'pi punaḥ punaḥ || dṛṣṭvā kṛṣṇaṃ ca sā devī bhartsayāmāsa taṃ tadā
Sanskrit only: no published translation is held for this verse.
सुदामा भर्त्सयामास तां तथा कृष्णसन्निधौ ।। क्रुद्धा शशाप सा देवी सुदामानं सुरेश्वरी
sudāmā bhartsayāmāsa tāṃ tathā kṛṣṇasannidhau || kruddhā śaśāpa sā devī sudāmānaṃ sureśvarī
Sanskrit only: no published translation is held for this verse.
गच्छ त्वमासुरीं योनिं गच्छ दूरमतो द्रुतम् ।। शशाप तां सुदामा च त्वमितो गच्छ भारतम्
gaccha tvamāsurīṃ yoniṃ gaccha dūramato drutam || śaśāpa tāṃ sudāmā ca tvamito gaccha bhāratam
Sanskrit only: no published translation is held for this verse.
भव गोपी गोपकन्यामुख्याभिः स्वाभिरेव च ।। तत्र ते कृष्णविच्छेदो भविष्यति शतं समाः ।।
bhava gopī gopakanyāmukhyābhiḥ svābhireva ca || tatra te kṛṣṇavicchedo bhaviṣyati śataṃ samāḥ ||
Sanskrit only: no published translation is held for this verse.
तत्र भारावतरणं भगवांश्च करिष्यति ।। इति शप्त्वा सुदामाऽसौ प्रणम्य जननीं हरिम् ।। साश्रुनेत्रो मोहयुक्तस्ततो गन्तुं समुद्यतः
tatra bhārāvataraṇaṃ bhagavāṃśca kariṣyati || iti śaptvā sudāmā'sau praṇamya jananīṃ harim || sāśrunetro mohayuktastato gantuṃ samudyataḥ
Sanskrit only: no published translation is held for this verse.
राधा जगाम तत्पश्चात्साश्रुनेत्राऽतिविह्वला ।। वत्स क्व यासीत्युच्चार्य्य पुत्रविच्छेदकातरा
rādhā jagāma tatpaścātsāśrunetrā'tivihvalā || vatsa kva yāsītyuccāryya putravicchedakātarā
Sanskrit only: no published translation is held for this verse.
कृष्णस्तां बोधयामास विद्यया च कृपानिधिः ।। शीघ्रं संप्राप्स्यसि सुतं मा रुदस्त्वं वरानने
kṛṣṇastāṃ bodhayāmāsa vidyayā ca kṛpānidhiḥ || śīghraṃ saṃprāpsyasi sutaṃ mā rudastvaṃ varānane
Sanskrit only: no published translation is held for this verse.
स चासुरः शङ्खचूडो बभूव तुलसीपतिः ।। मच्छूलभिन्नकायेन गोलोकं वै जगाम सः
sa cāsuraḥ śaṅkhacūḍo babhūva tulasīpatiḥ || macchūlabhinnakāyena golokaṃ vai jagāma saḥ
Sanskrit only: no published translation is held for this verse.
राधा जगाम वाराहे गोकुलं भारतं सती ।। वृषभानोश्च वैश्यस्य सा च कन्या बभूव ह
rādhā jagāma vārāhe gokulaṃ bhārataṃ satī || vṛṣabhānośca vaiśyasya sā ca kanyā babhūva ha
Sanskrit only: no published translation is held for this verse.
अयोनिसम्भवा देवी वायुगर्भा कलावती ।। सुषुवे मायया वायुं सा तत्राविर्बभूव ह
ayonisambhavā devī vāyugarbhā kalāvatī || suṣuve māyayā vāyuṃ sā tatrāvirbabhūva ha
Sanskrit only: no published translation is held for this verse.
अतीते द्वादशाब्दे तु दृष्ट्वा तां नवयौवनाम् ।। सार्धं रायाणवैश्येन तत्सम्बन्धं चकार सः
atīte dvādaśābde tu dṛṣṭvā tāṃ navayauvanām || sārdhaṃ rāyāṇavaiśyena tatsambandhaṃ cakāra saḥ
Sanskrit only: no published translation is held for this verse.
छायां संस्थाप्य तद्गेहे साऽन्तर्द्धानमवाप ह ।। बभूव तस्य वैश्यस्य विवाहश्छायया सह
chāyāṃ saṃsthāpya tadgehe sā'ntarddhānamavāpa ha || babhūva tasya vaiśyasya vivāhaśchāyayā saha
Sanskrit only: no published translation is held for this verse.
गते चतुर्दशाब्दे तु कंसभीतेश्छलेन च ।। जगाम गोकुलं कृष्णः शिशुरूपी जगत्पतिः
gate caturdaśābde tu kaṃsabhīteśchalena ca || jagāma gokulaṃ kṛṣṇaḥ śiśurūpī jagatpatiḥ
Sanskrit only: no published translation is held for this verse.
कृष्णमाता यशोदा या रायाणस्तत्सहोदरः ।। गोलोके गोपकृष्णांशः सम्बन्धात्कृष्णमातुलः
kṛṣṇamātā yaśodā yā rāyāṇastatsahodaraḥ || goloke gopakṛṣṇāṃśaḥ sambandhātkṛṣṇamātulaḥ
Sanskrit only: no published translation is held for this verse.
कृष्णेन सह राधायाः पुण्ये वृन्दावने वने ।। विवाहं कारयामास विधिना जगतां विधिः
kṛṣṇena saha rādhāyāḥ puṇye vṛndāvane vane || vivāhaṃ kārayāmāsa vidhinā jagatāṃ vidhiḥ
Sanskrit only: no published translation is held for this verse.
स्वप्ने राधापदाम्भोजं नहि पश्यन्ति बल्लवाः।। स्वयं राधा हरेः क्रोडे छाया रायाणमन्दिरे
svapne rādhāpadāmbhojaṃ nahi paśyanti ballavāḥ|| svayaṃ rādhā hareḥ kroḍe chāyā rāyāṇamandire
Sanskrit only: no published translation is held for this verse.
षष्टिवर्षसहस्राणि तपस्तेपे पुरा विधिः।। राधिकाचरणाम्भोजदर्शनार्थी च पुष्करे
ṣaṣṭivarṣasahasrāṇi tapastepe purā vidhiḥ|| rādhikācaraṇāmbhojadarśanārthī ca puṣkare
Sanskrit only: no published translation is held for this verse.
भारावतरणे भूमेर्भारते नन्दगोकुले ।। ददर्श तत्पदाम्भोजं तपसस्तत्फलेन च।४५।। किञ्चित्कालं स वै कृष्णः पुण्ये वृन्दावने वने ।। रेमे गोलोकनाथश्च राधया सह भारते
bhārāvataraṇe bhūmerbhārate nandagokule || dadarśa tatpadāmbhojaṃ tapasastatphalena ca|45|| kiñcitkālaṃ sa vai kṛṣṇaḥ puṇye vṛndāvane vane || reme golokanāthaśca rādhayā saha bhārate
Sanskrit only: no published translation is held for this verse.
ततः सुदामशापेन विच्छेदश्च बभूव ह ।। तत्र भारावतरणं भूमेः कृष्णश्चकार सः
tataḥ sudāmaśāpena vicchedaśca babhūva ha || tatra bhārāvataraṇaṃ bhūmeḥ kṛṣṇaścakāra saḥ
Sanskrit only: no published translation is held for this verse.
शताब्दे समतीते तु तीर्थयात्राप्रसंगतः ।। ददर्श कृष्णं सा राधा स च तां च परस्परम्
śatābde samatīte tu tīrthayātrāprasaṃgataḥ || dadarśa kṛṣṇaṃ sā rādhā sa ca tāṃ ca parasparam
Sanskrit only: no published translation is held for this verse.
ततो जगाम गोलोकं राधया सह तत्त्ववित् ।। कलावती यशोदा च पर्यगाद्राधया सह
tato jagāma golokaṃ rādhayā saha tattvavit || kalāvatī yaśodā ca paryagādrādhayā saha
Sanskrit only: no published translation is held for this verse.
वृषभानुश्च नन्दश्च ययौ गोलोकमुत्तमम् ।। सर्वे गोपाश्च गोप्यश्च ययुस्ता याः समागताः
vṛṣabhānuśca nandaśca yayau golokamuttamam || sarve gopāśca gopyaśca yayustā yāḥ samāgatāḥ
Sanskrit only: no published translation is held for this verse.
छाया गोपाश्च गोप्यश्च प्रापुर्मुक्तिं च सन्निधौ ।। रेमिरे ताश्च तत्रैव सार्द्धं कृष्णेन पार्वति
chāyā gopāśca gopyaśca prāpurmuktiṃ ca sannidhau || remire tāśca tatraiva sārddhaṃ kṛṣṇena pārvati
Sanskrit only: no published translation is held for this verse.
षट्त्रिंशल्लक्षकोट्यश्च गोप्यो गोपाश्च तत्समाः ।। गोलोकं प्रययुर्मुक्ताः सार्धं कृष्णेन राधया
ṣaṭtriṃśallakṣakoṭyaśca gopyo gopāśca tatsamāḥ || golokaṃ prayayurmuktāḥ sārdhaṃ kṛṣṇena rādhayā
Sanskrit only: no published translation is held for this verse.
द्रोणः प्रजापतिर्नन्दो यशोदा तत्प्रिया धरा ।। संप्राप पूर्वतपसा परमात्मानमीश्वरम्
droṇaḥ prajāpatirnando yaśodā tatpriyā dharā || saṃprāpa pūrvatapasā paramātmānamīśvaram
Sanskrit only: no published translation is held for this verse.
वसुदेवः कश्यपश्च देवकी चादितिः सती ।। देवमाता देवपिता प्रतिकल्पे स्वभावतः
vasudevaḥ kaśyapaśca devakī cāditiḥ satī || devamātā devapitā pratikalpe svabhāvataḥ
Sanskrit only: no published translation is held for this verse.
पितॄणां मानसी कन्या राधामाता कलावती ।। वसुदामापि गोलोकाद् वृषभानुः समाययौ
pitṝṇāṃ mānasī kanyā rādhāmātā kalāvatī || vasudāmāpi golokād vṛṣabhānuḥ samāyayau
Sanskrit only: no published translation is held for this verse.
इत्येवं कथितं दुर्गे राधिकाख्यानमुत्तमम् ।। सम्पत्करं पापहरं पुत्रपौत्रविवर्धनम्
ityevaṃ kathitaṃ durge rādhikākhyānamuttamam || sampatkaraṃ pāpaharaṃ putrapautravivardhanam
Sanskrit only: no published translation is held for this verse.
श्रीकृष्णश्च द्विधारूपो द्विभुजश्च चतुर्भुजः ।। चतुर्भुजश्च वैकुण्ठे गोलोके द्विभुजः स्वयम्
śrīkṛṣṇaśca dvidhārūpo dvibhujaśca caturbhujaḥ || caturbhujaśca vaikuṇṭhe goloke dvibhujaḥ svayam
Sanskrit only: no published translation is held for this verse.
चतुर्भुजस्य पत्नी च महालक्ष्मीः सरस्वती ।। गंगा च तुलसी चैव देव्यो नारायणप्रियाः
caturbhujasya patnī ca mahālakṣmīḥ sarasvatī || gaṃgā ca tulasī caiva devyo nārāyaṇapriyāḥ
Sanskrit only: no published translation is held for this verse.
श्रीकृष्णपत्नी सा राधा तदर्द्धाङ्गसमुद्भवा ।। तेजसा वयसा साध्वी रूपेण च गुणेन च
śrīkṛṣṇapatnī sā rādhā tadarddhāṅgasamudbhavā || tejasā vayasā sādhvī rūpeṇa ca guṇena ca
Sanskrit only: no published translation is held for this verse.
आदौ राधां समुच्चार्य पश्चात्कृष्णं वदेद्बुधः ।। व्यतिक्रमे ब्रह्महत्यां लभते नात्र संशयः
ādau rādhāṃ samuccārya paścātkṛṣṇaṃ vadedbudhaḥ || vyatikrame brahmahatyāṃ labhate nātra saṃśayaḥ
Sanskrit only: no published translation is held for this verse.
कार्त्तिकीपूर्णिमायां च गोलोके रासमण्डले ।। चकार पूजां राधायास्तत्सम्बन्धिमहोत्सवम्
kārttikīpūrṇimāyāṃ ca goloke rāsamaṇḍale || cakāra pūjāṃ rādhāyāstatsambandhimahotsavam
Sanskrit only: no published translation is held for this verse.
सद्रत्नघुटिकायाश्च कृत्वा तत्कवचं हरिः ।। दधार कण्ठे बाहौ च दक्षिणे सह गोपकैः
sadratnaghuṭikāyāśca kṛtvā tatkavacaṃ hariḥ || dadhāra kaṇṭhe bāhau ca dakṣiṇe saha gopakaiḥ
Sanskrit only: no published translation is held for this verse.
कृत्वा ध्यानं च भक्त्या च स्तोत्रमेतच्चकार सः ।। राधाचर्वितताम्बूलं चखाद मधुसूदनः
kṛtvā dhyānaṃ ca bhaktyā ca stotrametaccakāra saḥ || rādhācarvitatāmbūlaṃ cakhāda madhusūdanaḥ
Sanskrit only: no published translation is held for this verse.
राधा पूज्या च कृष्णस्य तत्पूज्यो भगवान्प्रभुः ।। परस्पराभीष्टदेवे भेदकृन्नरकं व्रजेत्
rādhā pūjyā ca kṛṣṇasya tatpūjyo bhagavānprabhuḥ || parasparābhīṣṭadeve bhedakṛnnarakaṃ vrajet
Sanskrit only: no published translation is held for this verse.
द्वितीये पूजिता सा च धर्मेण ब्रह्मणा मया ।। अनन्तवासुकिभ्यां च रविणा शशिना पुरा
dvitīye pūjitā sā ca dharmeṇa brahmaṇā mayā || anantavāsukibhyāṃ ca raviṇā śaśinā purā
Sanskrit only: no published translation is held for this verse.
महेन्द्रेण च रुद्रैश्च मनुना मानवेन च ।। सुरेन्द्रैश्च मुनीन्द्रैश्च सर्वविश्वैश्च पूजिता
mahendreṇa ca rudraiśca manunā mānavena ca || surendraiśca munīndraiśca sarvaviśvaiśca pūjitā
Sanskrit only: no published translation is held for this verse.
तृतीये पूजिता सा च सप्तद्वीपेश्वरेण च ।। भारते च सुयज्ञेन पुत्रैर्मित्रैर्मुदाऽन्वितैः
tṛtīye pūjitā sā ca saptadvīpeśvareṇa ca || bhārate ca suyajñena putrairmitrairmudā'nvitaiḥ
Sanskrit only: no published translation is held for this verse.
ब्राह्मणेनाभिशप्तेन देवदोषेण भूभृता ।। व्याधिग्रस्तेन हस्तेन दुःखिना च विदूयता
brāhmaṇenābhiśaptena devadoṣeṇa bhūbhṛtā || vyādhigrastena hastena duḥkhinā ca vidūyatā
Sanskrit only: no published translation is held for this verse.
संप्राप राज्यं भ्रष्टश्रीः स च राधावरेण च ।। स्तोत्रेण ब्रह्मदत्तेन स्तुत्वा च परमेश्वरीम्
saṃprāpa rājyaṃ bhraṣṭaśrīḥ sa ca rādhāvareṇa ca || stotreṇa brahmadattena stutvā ca parameśvarīm
Sanskrit only: no published translation is held for this verse.
अभेद्यं कवचं तस्याः कण्ठे बाहौ दधार सः ।। ध्यात्वा चकार पूजां च पुष्करे शतवत्सरान्
abhedyaṃ kavacaṃ tasyāḥ kaṇṭhe bāhau dadhāra saḥ || dhyātvā cakāra pūjāṃ ca puṣkare śatavatsarān
Sanskrit only: no published translation is held for this verse.
अन्ते जगाम गोलोकं रत्नयानेन भूमिपः ।। इति ते कथितं सर्वं किं भूयः श्रोतुमिच्छसि
ante jagāma golokaṃ ratnayānena bhūmipaḥ || iti te kathitaṃ sarvaṃ kiṃ bhūyaḥ śrotumicchasi
Sanskrit only: no published translation is held for this verse.