Library·Brahmavaivarta Purāṇa·2·2.51
श्रीपार्वत्युवाच ।। किमूचुर्ब्राह्मणं ब्रह्मन्ब्राह्मणा ब्रह्मणः सुताः ।। नीतिज्ञा नीतिवचनं तन्मां व्याख्यातुमर्हसि
śrīpārvatyuvāca || kimūcurbrāhmaṇaṃ brahmanbrāhmaṇā brahmaṇaḥ sutāḥ || nītijñā nītivacanaṃ tanmāṃ vyākhyātumarhasi
Sanskrit only: no published translation is held for this verse.
श्रीमहादेव उवाच ।। सन्तोष्य तं ब्राह्मणं च स्तवेन विनयेन च ।। क्रमेण वक्तुमारेभे मुनिसंघो वरानने
śrīmahādeva uvāca || santoṣya taṃ brāhmaṇaṃ ca stavena vinayena ca || krameṇa vaktumārebhe munisaṃgho varānane
Sanskrit only: no published translation is held for this verse.
सनत्कुमार उवाच ।। त्वत्पश्चादागता लक्ष्मीः कीर्त्तिः सत्त्वं यशस्तथा ।। सुशीलं च महैश्वर्यं पितरोऽग्निः सुरास्तथा
sanatkumāra uvāca || tvatpaścādāgatā lakṣmīḥ kīrttiḥ sattvaṃ yaśastathā || suśīlaṃ ca mahaiśvaryaṃ pitaro'gniḥ surāstathā
Sanskrit only: no published translation is held for this verse.
आगता नृपगेहेभ्यः कृत्वा भ्रष्टश्रियं नृपम् ।। भव तुष्टो द्विजश्रेष्ठ चाशुतोषश्च वाडवः
āgatā nṛpagehebhyaḥ kṛtvā bhraṣṭaśriyaṃ nṛpam || bhava tuṣṭo dvijaśreṣṭha cāśutoṣaśca vāḍavaḥ
Sanskrit only: no published translation is held for this verse.
ब्राह्मणानां तु हृदयं कोमलं नवनीतवत् ।। शुद्धं सुनिर्मलं चैव मार्जितं तपसा मुने
brāhmaṇānāṃ tu hṛdayaṃ komalaṃ navanītavat || śuddhaṃ sunirmalaṃ caiva mārjitaṃ tapasā mune
Sanskrit only: no published translation is held for this verse.
क्षमस्वागच्छ विप्रेन्द्र शुद्धं कुरु नृपालयम् ।। आशिषं कुरु तस्मै त्वं पवित्रपदरेणुना
kṣamasvāgaccha viprendra śuddhaṃ kuru nṛpālayam || āśiṣaṃ kuru tasmai tvaṃ pavitrapadareṇunā
Sanskrit only: no published translation is held for this verse.
भृगुरुवाच ।। अतिथिर्यस्य भग्नाशो गृहात्प्रतिनिवर्त्तते ।। पितरस्तस्य देवाश्च वह्निश्चैव तथैव च
bhṛguruvāca || atithiryasya bhagnāśo gṛhātpratinivarttate || pitarastasya devāśca vahniścaiva tathaiva ca
Sanskrit only: no published translation is held for this verse.
निराशाः प्रतिगच्छन्ति चातिथेरप्रतिग्रहात्।। क्षमस्वागच्छ विप्रेन्द्र शुद्धं कुरु नृपालयम्
nirāśāḥ pratigacchanti cātitherapratigrahāt|| kṣamasvāgaccha viprendra śuddhaṃ kuru nṛpālayam
Sanskrit only: no published translation is held for this verse.
स्त्रीघ्नैर्गोघ्नैः कृतघ्नैश्च ब्रह्मघ्नैर्गुरुतल्पगैः ।। तुल्यदोषो भवत्येतैर्यस्यातिथिरनर्चितः
strīghnairgoghnaiḥ kṛtaghnaiśca brahmaghnairgurutalpagaiḥ || tulyadoṣo bhavatyetairyasyātithiranarcitaḥ
Sanskrit only: no published translation is held for this verse.
पुलस्त्य उवाच ।। पश्यन्ति ये वक्रदृष्ट्या चातिथिं गृहमागतम् ।। दत्त्वा स्वपापं तस्मै तत्पुण्यमादाय गच्छति
pulastya uvāca || paśyanti ye vakradṛṣṭyā cātithiṃ gṛhamāgatam || dattvā svapāpaṃ tasmai tatpuṇyamādāya gacchati
Sanskrit only: no published translation is held for this verse.
क्षमस्व नृपदोषं च गच्छ वत्स यथासुखम् ।। राजा स्वकर्मदोषेण नोत्तस्थौ तत्क्षमां कुरु
kṣamasva nṛpadoṣaṃ ca gaccha vatsa yathāsukham || rājā svakarmadoṣeṇa nottasthau tatkṣamāṃ kuru
Sanskrit only: no published translation is held for this verse.
पुलह उवाच ।। राजश्रिया विद्यया वा ब्राह्मणं योऽवमन्यते ।। विप्रस्त्रिसन्ध्याहीनो यः श्रीहीनः क्षत्रियो भवेत्
pulaha uvāca || rājaśriyā vidyayā vā brāhmaṇaṃ yo'vamanyate || viprastrisandhyāhīno yaḥ śrīhīnaḥ kṣatriyo bhavet
Sanskrit only: no published translation is held for this verse.
एकादशीविहीनश्च विष्णुनैवेद्यवञ्चितः ।। क्षमस्वागच्छ विप्रेन्द्र शुद्धं कुरु नृपालयम्
ekādaśīvihīnaśca viṣṇunaivedyavañcitaḥ || kṣamasvāgaccha viprendra śuddhaṃ kuru nṛpālayam
Sanskrit only: no published translation is held for this verse.
क्रतुरुवाच।। ब्राह्मणः क्षत्रियो वाऽपि वैश्यो वा शूद्र एव च।। दीक्षाहीनो भवेत्सोऽपि ब्राह्मणं योऽवमन्यते
kraturuvāca|| brāhmaṇaḥ kṣatriyo vā'pi vaiśyo vā śūdra eva ca|| dīkṣāhīno bhavetso'pi brāhmaṇaṃ yo'vamanyate
Sanskrit only: no published translation is held for this verse.
धनहीनः पुत्रहीनो भार्य्याहीनो भवेद्ध्रुवम् ।। क्षमस्वागच्छ भगवञ्छुद्धं कुरु नृपालयम्
dhanahīnaḥ putrahīno bhāryyāhīno bhaveddhruvam || kṣamasvāgaccha bhagavañchuddhaṃ kuru nṛpālayam
Sanskrit only: no published translation is held for this verse.
अङ्गिरा उवाच ।। ज्ञानवान्ब्राह्मणो भूत्वा ब्राह्मणं योऽवमन्यते।। वृषवाहो भवेत्सोऽपि भारते सप्तजन्मसु
aṅgirā uvāca || jñānavānbrāhmaṇo bhūtvā brāhmaṇaṃ yo'vamanyate|| vṛṣavāho bhavetso'pi bhārate saptajanmasu
Sanskrit only: no published translation is held for this verse.
मरीचिरुवाच।। पुण्यक्षेत्रे भारते च देवं च ब्राह्मणं गुरुम्।। विष्णुभक्तिविहीनश्च स भवेद्योऽवमन्यते
marīciruvāca|| puṇyakṣetre bhārate ca devaṃ ca brāhmaṇaṃ gurum|| viṣṇubhaktivihīnaśca sa bhavedyo'vamanyate
Sanskrit only: no published translation is held for this verse.
कश्यप उवाच ।। वैष्णवं ब्राह्मणं दृष्ट्वा योऽसत्यमवमन्यते ।। विष्णुमन्त्रविहीनश्च तत्पूजाविरतो भवेत्
kaśyapa uvāca || vaiṣṇavaṃ brāhmaṇaṃ dṛṣṭvā yo'satyamavamanyate || viṣṇumantravihīnaśca tatpūjāvirato bhavet
Sanskrit only: no published translation is held for this verse.
प्रचेता उवाच ।। अतिथिं ब्राह्मणं दृष्ट्वा नाभ्युत्थानं करोति यः ।। पितृभक्तिविहीनस्स्यात्स भवेद्भारते भुवि
pracetā uvāca || atithiṃ brāhmaṇaṃ dṛṣṭvā nābhyutthānaṃ karoti yaḥ || pitṛbhaktivihīnassyātsa bhavedbhārate bhuvi
Sanskrit only: no published translation is held for this verse.
प्राप्नोति कौञ्जरीं योनिं स मूढः सप्तजन्मसु ।। शीघ्रं गच्छ द्विजश्रेष्ठ राज्ञे देह्याशिषश्शुभाः
prāpnoti kauñjarīṃ yoniṃ sa mūḍhaḥ saptajanmasu || śīghraṃ gaccha dvijaśreṣṭha rājñe dehyāśiṣaśśubhāḥ
Sanskrit only: no published translation is held for this verse.
दुर्वासा उवाच ।। गुरुं वा ब्राह्मणं वाऽपि देवताप्रतिमामपि ।। दृष्ट्वा शीघ्रं न प्रणमेत्स भवेत्सूकरो भुवि
durvāsā uvāca || guruṃ vā brāhmaṇaṃ vā'pi devatāpratimāmapi || dṛṣṭvā śīghraṃ na praṇametsa bhavetsūkaro bhuvi
Sanskrit only: no published translation is held for this verse.
मिथ्यासाक्षी च भवति तथा विश्वासघातकः ।। क्षमस्व सर्वमस्माकमातिथ्यग्रहणं कुरु
mithyāsākṣī ca bhavati tathā viśvāsaghātakaḥ || kṣamasva sarvamasmākamātithyagrahaṇaṃ kuru
Sanskrit only: no published translation is held for this verse.
राजोवाच ।। छलेन कथितो धर्मो युष्माभिर्मुनिपुङ्गवैः ।। सर्वं कृत्वा च विस्पष्टं मां मूढं बोधयन्त्वहो
rājovāca || chalena kathito dharmo yuṣmābhirmunipuṅgavaiḥ || sarvaṃ kṛtvā ca vispaṣṭaṃ māṃ mūḍhaṃ bodhayantvaho
Sanskrit only: no published translation is held for this verse.
स्त्रीघ्नगोघ्नकृतघ्नानां गुरुस्त्रीगामिनां तथा ।। ब्रह्मघ्नानां च को दोषो ब्रूत मां योगिनां वराः
strīghnagoghnakṛtaghnānāṃ gurustrīgāmināṃ tathā || brahmaghnānāṃ ca ko doṣo brūta māṃ yogināṃ varāḥ
Sanskrit only: no published translation is held for this verse.
वसिष्ठ उवाच ।। कामतो गोवधे राजन्वर्षं तीर्थं भ्रमेन्नरः ।। यवयावकभोजी च करेण च जलं पिबेत्
vasiṣṭha uvāca || kāmato govadhe rājanvarṣaṃ tīrthaṃ bhramennaraḥ || yavayāvakabhojī ca kareṇa ca jalaṃ pibet
Sanskrit only: no published translation is held for this verse.
तदा धेनुशतं दिव्यं ब्राह्मणेभ्यः सदक्षिणम् ।। दत्त्वा मुञ्चति पापाच्च भोजयित्वा शतं द्विजान्
tadā dhenuśataṃ divyaṃ brāhmaṇebhyaḥ sadakṣiṇam || dattvā muñcati pāpācca bhojayitvā śataṃ dvijān
Sanskrit only: no published translation is held for this verse.
प्रायश्चित्ते तु वै चीर्णे सर्वपापान्न मुच्यते ।। पापावशेषाद्भवति दुःखी चाण्डाल एव च
prāyaścitte tu vai cīrṇe sarvapāpānna mucyate || pāpāvaśeṣādbhavati duḥkhī cāṇḍāla eva ca
Sanskrit only: no published translation is held for this verse.
आतिदेशिकहत्यायां तदर्धं फलमश्नुते ।। प्रायश्चित्तानुकल्पेन सर्वपापान्न मुच्यते।।
ātideśikahatyāyāṃ tadardhaṃ phalamaśnute || prāyaścittānukalpena sarvapāpānna mucyate||
Sanskrit only: no published translation is held for this verse.
शुक्र उवाच ।। गोहत्याद्विगुणं पापं स्त्रीहत्यायां भवेद्ध्रुवम् ।। षष्टिवर्षसहस्राणि कालसूत्रे वसेद्ध्रुवम्
śukra uvāca || gohatyādviguṇaṃ pāpaṃ strīhatyāyāṃ bhaveddhruvam || ṣaṣṭivarṣasahasrāṇi kālasūtre vaseddhruvam
Sanskrit only: no published translation is held for this verse.
ततो भवेन्महापापी सूकरः सप्तजन्मसु ।। ततो भवति सर्पश्च सप्तजन्मन्यतः शुचिः
tato bhavenmahāpāpī sūkaraḥ saptajanmasu || tato bhavati sarpaśca saptajanmanyataḥ śuciḥ
Sanskrit only: no published translation is held for this verse.
ततो भवेन्महापापी विष्ठाकीटः शताब्दकम्।। ततो भवति सर्पश्च सप्तजन्मन्यतः शुचिः
tato bhavenmahāpāpī viṣṭhākīṭaḥ śatābdakam|| tato bhavati sarpaśca saptajanmanyataḥ śuciḥ
Sanskrit only: no published translation is held for this verse.
बृहस्पतिरुवाच ।। स्त्रीहत्याद्विगुणं पापं ब्रह्महत्याकृतो भवेत् ।। लक्षवर्षं महाघोरे कुम्भीपाके वसेद्ध्रुवम्
bṛhaspatiruvāca || strīhatyādviguṇaṃ pāpaṃ brahmahatyākṛto bhavet || lakṣavarṣaṃ mahāghore kumbhīpāke vaseddhruvam
Sanskrit only: no published translation is held for this verse.
राजोवाच ।। लक्षणं च कृतघ्नानां वद वेदविदां वर ।। कृतघ्नः कतिधा प्रोक्तः केषु को दोष एव च
rājovāca || lakṣaṇaṃ ca kṛtaghnānāṃ vada vedavidāṃ vara || kṛtaghnaḥ katidhā proktaḥ keṣu ko doṣa eva ca
Sanskrit only: no published translation is held for this verse.
ऋष्यशृङ्ग उवाच ।। कृतघ्नाः षोडशविधाः सामवेदे निरूपिताः ।। सर्वः प्रत्येकदोषेण प्रत्येकं फलमश्नुते
ṛṣyaśṛṅga uvāca || kṛtaghnāḥ ṣoḍaśavidhāḥ sāmavede nirūpitāḥ || sarvaḥ pratyekadoṣeṇa pratyekaṃ phalamaśnute
Sanskrit only: no published translation is held for this verse.
कृते सत्ये च पुण्ये च स्वधर्मे तपसि स्थिते ।। प्रतिज्ञायां च दाने च स्वगोष्ठीपरिपालने
kṛte satye ca puṇye ca svadharme tapasi sthite || pratijñāyāṃ ca dāne ca svagoṣṭhīparipālane
Sanskrit only: no published translation is held for this verse.
गुरुकृत्ये देवकृत्ये काम्यकृत्ये द्विजार्चने ।। नित्यकृत्ये च विश्वासे परधर्मप्रदानयोः
gurukṛtye devakṛtye kāmyakṛtye dvijārcane || nityakṛtye ca viśvāse paradharmapradānayoḥ
Sanskrit only: no published translation is held for this verse.
एतान्यो हन्ति पापिष्ठः स कृतघ्न इति स्मृतः ।। एतेषां सन्ति लोकाश्च तज्जन्म भिन्नयोनिषु
etānyo hanti pāpiṣṭhaḥ sa kṛtaghna iti smṛtaḥ || eteṣāṃ santi lokāśca tajjanma bhinnayoniṣu
Sanskrit only: no published translation is held for this verse.
यान्यांश्च नरकांस्ते च यान्ति राजेन्द्र पापिनः ।। ते ते च नरकाः सन्ति यमलोके सुनिश्चितम्
yānyāṃśca narakāṃste ca yānti rājendra pāpinaḥ || te te ca narakāḥ santi yamaloke suniścitam
Sanskrit only: no published translation is held for this verse.
सुयज्ञ उवाच।। के किं कृत्वा कृतघ्नाश्च कांस्कान्गच्छन्ति रौरवान् ।। प्रत्येकं श्रोतुमिच्छामि वक्तुमर्हसि मे प्रभो।।
suyajña uvāca|| ke kiṃ kṛtvā kṛtaghnāśca kāṃskāngacchanti rauravān || pratyekaṃ śrotumicchāmi vaktumarhasi me prabho||
Sanskrit only: no published translation is held for this verse.
कात्यायन उवाच ।। कृत्वा शपथरूपं च सत्यं हन्ति न पालयेत् ।। स कृतघ्नः कालसूत्रे वसेदेव चतुर्युगम्
kātyāyana uvāca || kṛtvā śapatharūpaṃ ca satyaṃ hanti na pālayet || sa kṛtaghnaḥ kālasūtre vasedeva caturyugam
Sanskrit only: no published translation is held for this verse.
सप्तजन्मसु काकश्च सप्तजन्मसु पेचकः ।। ततः शूद्रो महाव्याधिः सप्तजन्मस्वतः शुचिः
saptajanmasu kākaśca saptajanmasu pecakaḥ || tataḥ śūdro mahāvyādhiḥ saptajanmasvataḥ śuciḥ
Sanskrit only: no published translation is held for this verse.
श्रीसनन्दन उवाच ।। पुण्यं कृत्वा वदत्येव कीर्तिवर्द्धनहेतुना ।। स कृतघ्नस्तप्तसूर्म्यां वसत्येव युगत्रयम्
śrīsanandana uvāca || puṇyaṃ kṛtvā vadatyeva kīrtivarddhanahetunā || sa kṛtaghnastaptasūrmyāṃ vasatyeva yugatrayam
Sanskrit only: no published translation is held for this verse.
पञ्चजन्मसु मण्डूकस्त्रिषु जन्मसु कर्कटः ।। तदा मूको महाव्याधिर्दरिद्रश्च ततः शुचिः
pañcajanmasu maṇḍūkastriṣu janmasu karkaṭaḥ || tadā mūko mahāvyādhirdaridraśca tataḥ śuciḥ
Sanskrit only: no published translation is held for this verse.
सनातन उवाच ।। स्वधर्मं हन्ति यो विप्रः सन्ध्यात्रयविवर्जितः ।। अतर्पयंश्च यः स्नाति विष्णुनैवेद्यवर्जितः
sanātana uvāca || svadharmaṃ hanti yo vipraḥ sandhyātrayavivarjitaḥ || atarpayaṃśca yaḥ snāti viṣṇunaivedyavarjitaḥ
Sanskrit only: no published translation is held for this verse.
विष्णुपूजाविहीनश्च विष्णुमन्त्रविहीनकः ।। एकादशीविहीनः श्रीकृष्णजन्मदिने तदा ।।
viṣṇupūjāvihīnaśca viṣṇumantravihīnakaḥ || ekādaśīvihīnaḥ śrīkṛṣṇajanmadine tadā ||
Sanskrit only: no published translation is held for this verse.
शिवरात्रौ च यो भुङ्क्ते श्रीरामनवमीदिने ।। पितृकृत्यादिहीनो यः स कृतघ्र इति स्मृतः
śivarātrau ca yo bhuṅkte śrīrāmanavamīdine || pitṛkṛtyādihīno yaḥ sa kṛtaghra iti smṛtaḥ
Sanskrit only: no published translation is held for this verse.
कुम्भीपाके वसत्येव यावदिन्द्राश्चतुर्दश ।। ततश्चाण्डालतां याति सप्तजन्मसु निश्चितम्
kumbhīpāke vasatyeva yāvadindrāścaturdaśa || tataścāṇḍālatāṃ yāti saptajanmasu niścitam
Sanskrit only: no published translation is held for this verse.
शतजन्मनि गृध्रश्च शतजन्मनि सूकरः ।। ततो भवेद्ब्राह्मणश्च शूद्राणां सूपकारकः
śatajanmani gṛdhraśca śatajanmani sūkaraḥ || tato bhavedbrāhmaṇaśca śūdrāṇāṃ sūpakārakaḥ
Sanskrit only: no published translation is held for this verse.
ततो भवेज्जन्म सप्त ब्राह्मणो वृषवाहकः ।। शूद्राणां शवदाही च भवेत्सप्तसु जन्मसु ।।
tato bhavejjanma sapta brāhmaṇo vṛṣavāhakaḥ || śūdrāṇāṃ śavadāhī ca bhavetsaptasu janmasu ||
Sanskrit only: no published translation is held for this verse.
द्विजो भूत्वा सप्तजनौ भारते वृषलीपतिः ।। भुक्त्वा स्वभोगलेशं च भ्रमित्वा याति रौरवम्
dvijo bhūtvā saptajanau bhārate vṛṣalīpatiḥ || bhuktvā svabhogaleśaṃ ca bhramitvā yāti rauravam
Sanskrit only: no published translation is held for this verse.
पुनः पुनः पापयोनिं नरकं च पुनः पुनः ।। ततो भवेद्गर्दभश्च मार्जारः पञ्चजन्मसु
punaḥ punaḥ pāpayoniṃ narakaṃ ca punaḥ punaḥ || tato bhavedgardabhaśca mārjāraḥ pañcajanmasu
Sanskrit only: no published translation is held for this verse.
पञ्चजन्मसु मण्डूको भवेच्छुद्धस्ततः क्रमात्
pañcajanmasu maṇḍūko bhavecchuddhastataḥ kramāt
Sanskrit only: no published translation is held for this verse.
सुयज्ञ उवाच ।। शूद्राणां सूपकरणे शूद्राणां शवदाहने ।। शूद्रान्नभोजने वाऽपि शूद्रस्त्रीगमनेऽपि च
suyajña uvāca || śūdrāṇāṃ sūpakaraṇe śūdrāṇāṃ śavadāhane || śūdrānnabhojane vā'pi śūdrastrīgamane'pi ca
Sanskrit only: no published translation is held for this verse.
ब्राह्मणानां च को दोषो वृषाणां वाहने तथा ।। एतान्सर्वान्समालोच्य ब्रूहि मां निश्चयं मुने
brāhmaṇānāṃ ca ko doṣo vṛṣāṇāṃ vāhane tathā || etānsarvānsamālocya brūhi māṃ niścayaṃ mune
Sanskrit only: no published translation is held for this verse.
पराशर उवाच ।। शूद्राणां सूपकारश्च यो विप्रो ज्ञानदुर्बलः ।। असिपत्रे वसत्येव युगानामेकसप्ततिः
parāśara uvāca || śūdrāṇāṃ sūpakāraśca yo vipro jñānadurbalaḥ || asipatre vasatyeva yugānāmekasaptatiḥ
Sanskrit only: no published translation is held for this verse.
ततो भवेद्गर्दभश्च मूषिकः सप्तजन्मसु।। तैलकीटस्सप्तजन्मस्वतः शुद्धो भवेन्नरः
tato bhavedgardabhaśca mūṣikaḥ saptajanmasu|| tailakīṭassaptajanmasvataḥ śuddho bhavennaraḥ
Sanskrit only: no published translation is held for this verse.
जरत्कारुरुवाच ।। भृत्यद्वारा स्वयं वाऽपि यो विप्रो वृषवाहकः ।। स कृतघ्न इति ख्यातः प्रसिद्धो भारते नृप
jaratkāruruvāca || bhṛtyadvārā svayaṃ vā'pi yo vipro vṛṣavāhakaḥ || sa kṛtaghna iti khyātaḥ prasiddho bhārate nṛpa
Sanskrit only: no published translation is held for this verse.
ब्रह्महत्यासमं पापं तन्नित्यं वृषताडने ।। वृषपृष्ठे भारदानात्पापं तद्द्विगुणं भवेत
brahmahatyāsamaṃ pāpaṃ tannityaṃ vṛṣatāḍane || vṛṣapṛṣṭhe bhāradānātpāpaṃ taddviguṇaṃ bhaveta
Sanskrit only: no published translation is held for this verse.
सूर्य्यातपे वाहयेद्यः क्षुधितं तृष्टितं वृषम् ।। ब्रह्महत्याशतं पापं लभते नात्र संशयः
sūryyātape vāhayedyaḥ kṣudhitaṃ tṛṣṭitaṃ vṛṣam || brahmahatyāśataṃ pāpaṃ labhate nātra saṃśayaḥ
Sanskrit only: no published translation is held for this verse.
अन्नं विष्ठा जलं मूत्रं विप्राणां वृषवाहिनाम् ।। नाधिकारो भवेत्तेषां पितृदेवार्चने नृप
annaṃ viṣṭhā jalaṃ mūtraṃ viprāṇāṃ vṛṣavāhinām || nādhikāro bhavetteṣāṃ pitṛdevārcane nṛpa
Sanskrit only: no published translation is held for this verse.
लालाकुण्डे वसत्येव यावच्चन्द्रदिवाकरौ ।। विष्ठाभक्ष्यं मूत्रजलं तत्र तस्य भवेद्ध्रुवम्
lālākuṇḍe vasatyeva yāvaccandradivākarau || viṣṭhābhakṣyaṃ mūtrajalaṃ tatra tasya bhaveddhruvam
Sanskrit only: no published translation is held for this verse.
त्रिसन्ध्यं ताडयेत्तं च शूलेन यमकिङ्करः ।। उल्कां ददाति मुखतः सूच्या कृन्तति सन्ततम्
trisandhyaṃ tāḍayettaṃ ca śūlena yamakiṅkaraḥ || ulkāṃ dadāti mukhataḥ sūcyā kṛntati santatam
Sanskrit only: no published translation is held for this verse.
षष्टिवर्षसहस्राणि विष्ठायां च कृमिर्भवेत् ।। ततः काकः पञ्चजन्मस्वथैवं बक एव च
ṣaṣṭivarṣasahasrāṇi viṣṭhāyāṃ ca kṛmirbhavet || tataḥ kākaḥ pañcajanmasvathaivaṃ baka eva ca
Sanskrit only: no published translation is held for this verse.
भारद्वाज उवाच ।। शूद्राणां शवदाही यः स कृतघ्न इति स्मृतः ।। वयःप्रमाणां राजेन्द्र ब्रह्महत्यां लभेद्ध्रुवम्
bhāradvāja uvāca || śūdrāṇāṃ śavadāhī yaḥ sa kṛtaghna iti smṛtaḥ || vayaḥpramāṇāṃ rājendra brahmahatyāṃ labheddhruvam
Sanskrit only: no published translation is held for this verse.
तत्तुल्ययोनिभ्रमणात्तत्तुल्यनरकाच्छुचिः ।। यो दोषो ब्राह्मणानां च शूद्राणां शवदाहने
tattulyayonibhramaṇāttattulyanarakācchuciḥ || yo doṣo brāhmaṇānāṃ ca śūdrāṇāṃ śavadāhane
Sanskrit only: no published translation is held for this verse.
तावदेव भवेद्दोषः शूद्रश्राद्धान्नभोजने
tāvadeva bhaveddoṣaḥ śūdraśrāddhānnabhojane
Sanskrit only: no published translation is held for this verse.
पञ्चजन्मसु गृध्रश्च शृगालः सप्तजन्मसु ।। ततो दरिद्रः शूद्रश्च महाव्याधिस्ततः शुचिः
pañcajanmasu gṛdhraśca śṛgālaḥ saptajanmasu || tato daridraḥ śūdraśca mahāvyādhistataḥ śuciḥ
Sanskrit only: no published translation is held for this verse.
मार्कण्डेय उवाच ।। यो दोषो ब्राह्मणानां च शूद्रस्त्रीगमने नृप ।। अहं वक्ष्यामि वेदोक्तं सावधानं निशामय
mārkaṇḍeya uvāca || yo doṣo brāhmaṇānāṃ ca śūdrastrīgamane nṛpa || ahaṃ vakṣyāmi vedoktaṃ sāvadhānaṃ niśāmaya
Sanskrit only: no published translation is held for this verse.
कृतघ्नानां प्रधानश्च यो विप्रो वृषलीपतिः ।। कृमिदंष्ट्रे वसेत्सोऽपि यावदिन्द्राश्चतुर्दश
kṛtaghnānāṃ pradhānaśca yo vipro vṛṣalīpatiḥ || kṛmidaṃṣṭre vasetso'pi yāvadindrāścaturdaśa
Sanskrit only: no published translation is held for this verse.
कृमिभक्ष्यो भवेद्विप्रो विह्वलो यमकिङ्करैः ।। प्रतिमां तां तप्तलौहीमाश्लेषयति नित्यशः
kṛmibhakṣyo bhavedvipro vihvalo yamakiṅkaraiḥ || pratimāṃ tāṃ taptalauhīmāśleṣayati nityaśaḥ
Sanskrit only: no published translation is held for this verse.
ततश्च पुंश्चलीयोनौ कृमिर्भवति निश्चितम् ।। एवं वर्षसहस्रं च ततः शूद्रस्ततः शुचिः
tataśca puṃścalīyonau kṛmirbhavati niścitam || evaṃ varṣasahasraṃ ca tataḥ śūdrastataḥ śuciḥ
Sanskrit only: no published translation is held for this verse.
सुयज्ञ उवाच।। अन्येषां च कृतघ्नानां वद कर्मफलं मुने।। श्लाघ्यो मे ब्राह्मशापश्च कस्य सम्पद्विनाऽऽपदम्
suyajña uvāca|| anyeṣāṃ ca kṛtaghnānāṃ vada karmaphalaṃ mune|| ślāghyo me brāhmaśāpaśca kasya sampadvinā''padam
Sanskrit only: no published translation is held for this verse.
धन्योऽहं कृतकृत्योऽहं सफलं जीवनं मम ।। आगतास्तु यतो मुक्ता मद्गेहे मुनयः सुराः
dhanyo'haṃ kṛtakṛtyo'haṃ saphalaṃ jīvanaṃ mama || āgatāstu yato muktā madgehe munayaḥ surāḥ
Sanskrit only: no published translation is held for this verse.