यांश्च माया मोहयति तेभ्यस्तां न ददाति च ।। करोति वञ्चनां तेषां नश्वरेण धनेन च
yāṃśca māyā mohayati tebhyastāṃ na dadāti ca || karoti vañcanāṃ teṣāṃ naśvareṇa dhanena ca
Sanskrit only: no published translation is held for this verse.
Library·Brahmavaivarta Purāṇa·2·2.54
Brahmavaivarta Purāṇa 2.54
कृष्णप्रेममयीं शक्तिं प्राणाधिष्ठातृदेवताम् ।। भज राधां निर्गुणां तां प्रदात्रीं सर्वसम्पदाम्
kṛṣṇapremamayīṃ śaktiṃ prāṇādhiṣṭhātṛdevatām || bhaja rādhāṃ nirguṇāṃ tāṃ pradātrīṃ sarvasampadām
Sanskrit only: no published translation is held for this verse.
शीघ्रं यास्यासि गोलोकं तदनुग्रहसेवया ।। सा सेविता श्रीकृष्णेन सर्वाराध्येन पूजिता
śīghraṃ yāsyāsi golokaṃ tadanugrahasevayā || sā sevitā śrīkṛṣṇena sarvārādhyena pūjitā
Sanskrit only: no published translation is held for this verse.
ध्यानसाध्यं दुराराध्यं भक्ताः संसेव्य निर्गुणम् ।। सुचिरेण च गोलोकं प्रयान्ति बहुजन्मतः
dhyānasādhyaṃ durārādhyaṃ bhaktāḥ saṃsevya nirguṇam || sucireṇa ca golokaṃ prayānti bahujanmataḥ
Sanskrit only: no published translation is held for this verse.
कृपामयीं च संसेव्य भक्ता यान्त्यचिरेण वै ।। सा प्रसूश्च महाविष्णोः सर्वसम्पत्स्वरूपिणी
kṛpāmayīṃ ca saṃsevya bhaktā yāntyacireṇa vai || sā prasūśca mahāviṣṇoḥ sarvasampatsvarūpiṇī
Sanskrit only: no published translation is held for this verse.
सहस्रवर्षपर्य्यन्तं विप्रपादोदकं पिब ।। कामदेवस्वरूपश्च रोगहीनो भविष्यसि
sahasravarṣaparyyantaṃ viprapādodakaṃ piba || kāmadevasvarūpaśca rogahīno bhaviṣyasi
Sanskrit only: no published translation is held for this verse.
विप्रपादोदकक्लिन्ना यावत्तिष्ठति मेदिनी ।। तावत्पुष्करपत्रेषु पिबन्ति पितरो जलम्
viprapādodakaklinnā yāvattiṣṭhati medinī || tāvatpuṣkarapatreṣu pibanti pitaro jalam
Sanskrit only: no published translation is held for this verse.
विप्रपादोदकं चैव पापव्याधिविनाशनम् ।। सर्वतीर्थोदकसमं भुक्तिमुक्तिप्रदं शुभम्
viprapādodakaṃ caiva pāpavyādhivināśanam || sarvatīrthodakasamaṃ bhuktimuktipradaṃ śubham
Sanskrit only: no published translation is held for this verse.
विप्रो मानवरूपी च देवदेवो जनार्दनः ।। विप्रेण दत्तं द्रव्यं च भुञ्जते सर्वदेवताः
vipro mānavarūpī ca devadevo janārdanaḥ || vipreṇa dattaṃ dravyaṃ ca bhuñjate sarvadevatāḥ
Sanskrit only: no published translation is held for this verse.
इत्येवमुक्त्वा विप्रश्च गृहीत्वा तस्य पूजनम् ।। जगाम गृहमित्युक्त्वा त्वायास्ये वत्सरान्तरे
ityevamuktvā vipraśca gṛhītvā tasya pūjanam || jagāma gṛhamityuktvā tvāyāsye vatsarāntare
Sanskrit only: no published translation is held for this verse.
भक्त्या च बुभुजे राजा विप्रपादोदकं शिवे ।। विप्रांश्च पूजयामास भोजयामास वत्सरम्
bhaktyā ca bubhuje rājā viprapādodakaṃ śive || viprāṃśca pūjayāmāsa bhojayāmāsa vatsaram
Sanskrit only: no published translation is held for this verse.
संवत्सरे व्यतीते तु निर्मुक्तो व्याधितो नृपः ।। आजगाम मुनिश्रेष्ठः सुतपाः कश्यपाग्रणीः
saṃvatsare vyatīte tu nirmukto vyādhito nṛpaḥ || ājagāma muniśreṣṭhaḥ sutapāḥ kaśyapāgraṇīḥ
Sanskrit only: no published translation is held for this verse.
राधापूजाविधानं च स्तोत्रं च कवचं मनुम् ।। ध्यानं च सामवेदोक्तं ददौ तस्मै नृपाय सः
rādhāpūjāvidhānaṃ ca stotraṃ ca kavacaṃ manum || dhyānaṃ ca sāmavedoktaṃ dadau tasmai nṛpāya saḥ
Sanskrit only: no published translation is held for this verse.
राजन्निर्गम्यतां शीघ्रमित्युक्त्वा तपसे मुनिः ।। जगाम स्वालयाद्दुर्गं निर्जगाम त्वरन्नृपः
rājannirgamyatāṃ śīghramityuktvā tapase muniḥ || jagāma svālayāddurgaṃ nirjagāma tvarannṛpaḥ
Sanskrit only: no published translation is held for this verse.
रुरुदुर्बान्धवाः सर्वे त्रिरात्रं शोकमूर्च्छिताः ।। भार्य्याश्च तत्यजुः प्राणान्पुत्रो राजा बभूव ह
rurudurbāndhavāḥ sarve trirātraṃ śokamūrcchitāḥ || bhāryyāśca tatyajuḥ prāṇānputro rājā babhūva ha
Sanskrit only: no published translation is held for this verse.
सुयज्ञः पुष्करं गत्वा चक्रे वै दुष्करं तपः ।। दिव्यं वर्षशतं राजा जजाप परमं मनुम्
suyajñaḥ puṣkaraṃ gatvā cakre vai duṣkaraṃ tapaḥ || divyaṃ varṣaśataṃ rājā jajāpa paramaṃ manum
Sanskrit only: no published translation is held for this verse.
तदा ददर्श गगने रथस्थां परमेश्वरीम् ।। स तद्दर्शनमात्रेण निष्पापश्च बभूव ह
tadā dadarśa gagane rathasthāṃ parameśvarīm || sa taddarśanamātreṇa niṣpāpaśca babhūva ha
Sanskrit only: no published translation is held for this verse.
तत्याज मानुषं देहं दिव्यां मूर्त्तिं दधार ह ।। सा देवी तेन यानेन रत्नेन्द्रैर्निर्मितेन च
tatyāja mānuṣaṃ dehaṃ divyāṃ mūrttiṃ dadhāra ha || sā devī tena yānena ratnendrairnirmitena ca
Sanskrit only: no published translation is held for this verse.
नृपं नीत्वा च गोलोकं तत्र चैषा ययौ तदा ।। राजा ददर्श गोलोकं नद्या विरजया वृतम्
nṛpaṃ nītvā ca golokaṃ tatra caiṣā yayau tadā || rājā dadarśa golokaṃ nadyā virajayā vṛtam
Sanskrit only: no published translation is held for this verse.
वेष्टितं पर्वतेनैव शतशृङ्गेण चारुणा।। श्रीवृन्दावनसंयुक्तं रासमण्डलमण्डितम्
veṣṭitaṃ parvatenaiva śataśṛṅgeṇa cāruṇā|| śrīvṛndāvanasaṃyuktaṃ rāsamaṇḍalamaṇḍitam
Sanskrit only: no published translation is held for this verse.
गोगोपगोपीनिकरैः शोभितं परिसेवतैः।। रत्नेन्द्रसारखचितैर्मन्दिरैः सुमनोहरैः
gogopagopīnikaraiḥ śobhitaṃ parisevataiḥ|| ratnendrasārakhacitairmandiraiḥ sumanoharaiḥ
Sanskrit only: no published translation is held for this verse.
नानाचित्रविचित्रैश्च राजितं परिशोभितम्।। सप्तत्रिंशद्भिराक्रीडैः कल्पवृक्षसमन्वितैः
nānācitravicitraiśca rājitaṃ pariśobhitam|| saptatriṃśadbhirākrīḍaiḥ kalpavṛkṣasamanvitaiḥ
Sanskrit only: no published translation is held for this verse.
पारिजातद्रुमाकीर्णैर्वेष्टितं कामधेनुभिः ।। आकाशवत्सुविस्तीर्णं वर्तुलं चन्द्रबिम्बवत्
pārijātadrumākīrṇairveṣṭitaṃ kāmadhenubhiḥ || ākāśavatsuvistīrṇaṃ vartulaṃ candrabimbavat
Sanskrit only: no published translation is held for this verse.
अत्यूर्ध्वमपि वैकुण्ठात्पञ्चाशत्कोटियोजनम् ।। शून्ये स्थितं निराधारं धुवमेवेश्वरेच्छया
atyūrdhvamapi vaikuṇṭhātpañcāśatkoṭiyojanam || śūnye sthitaṃ nirādhāraṃ dhuvameveśvarecchayā
Sanskrit only: no published translation is held for this verse.
आत्माकाशसमं नित्यमस्माकं च सुदुर्लभम् ।। अहं नारायणोऽनन्तो ब्रह्मा विष्णुर्महान्विराट्
ātmākāśasamaṃ nityamasmākaṃ ca sudurlabham || ahaṃ nārāyaṇo'nanto brahmā viṣṇurmahānvirāṭ
Sanskrit only: no published translation is held for this verse.
धर्मक्षुद्रविराट्संघो गङ्गा लक्ष्मीः सरस्वती ।। त्वं विष्णुमाया सावित्री तुलसी च गणेश्वरः
dharmakṣudravirāṭsaṃgho gaṅgā lakṣmīḥ sarasvatī || tvaṃ viṣṇumāyā sāvitrī tulasī ca gaṇeśvaraḥ
Sanskrit only: no published translation is held for this verse.
सनत्कुमारः स्कन्दश्च नरनारायणावृषी ।। कपिलो दक्षिणा यज्ञो ब्रह्मपुत्राश्च योगिनः
sanatkumāraḥ skandaśca naranārāyaṇāvṛṣī || kapilo dakṣiṇā yajño brahmaputrāśca yoginaḥ
Sanskrit only: no published translation is held for this verse.
पवनो वरुणश्चन्द्रः सूर्य्यो रुद्रो हुताशनः ।। कृष्णमन्त्रोपासकश्च भारतस्थाश्च वैष्णवाः
pavano varuṇaścandraḥ sūryyo rudro hutāśanaḥ || kṛṣṇamantropāsakaśca bhāratasthāśca vaiṣṇavāḥ
Sanskrit only: no published translation is held for this verse.
एभिर्दृष्टश्च गोलोको नान्यैर्दृष्टः कदाचन।। निरामये च तत्रैव रत्नसिंहासने स्थितम्
ebhirdṛṣṭaśca goloko nānyairdṛṣṭaḥ kadācana|| nirāmaye ca tatraiva ratnasiṃhāsane sthitam
Sanskrit only: no published translation is held for this verse.
रत्नमालाकिरीटैश्च भूषितं रत्नभूषणैः।। सुनिर्मलैः पीतवस्त्रैः वह्निशुद्धैर्विराजितम्
ratnamālākirīṭaiśca bhūṣitaṃ ratnabhūṣaṇaiḥ|| sunirmalaiḥ pītavastraiḥ vahniśuddhairvirājitam
Sanskrit only: no published translation is held for this verse.
चन्दनोक्षितसर्वाङ्गं किशोरं गोपरूपिणम् ।। नवीननीरदश्यामश्वेतपङ्कजलोचनम्
candanokṣitasarvāṅgaṃ kiśoraṃ goparūpiṇam || navīnanīradaśyāmaśvetapaṅkajalocanam
Sanskrit only: no published translation is held for this verse.
शरत्पार्वणचन्द्रास्यमीषद्धास्यं मनोहरम् ।। द्विभुजं मुरलीहस्तं भक्तानुग्रहविग्रहम्
śaratpārvaṇacandrāsyamīṣaddhāsyaṃ manoharam || dvibhujaṃ muralīhastaṃ bhaktānugrahavigraham
Sanskrit only: no published translation is held for this verse.
स्वेच्छामयं परं ब्रह्म निर्गुणं प्रकृतेः परम्।। ध्यानसाध्यं दुराराध्यमस्माकं च सुदुर्लभम्
svecchāmayaṃ paraṃ brahma nirguṇaṃ prakṛteḥ param|| dhyānasādhyaṃ durārādhyamasmākaṃ ca sudurlabham
Sanskrit only: no published translation is held for this verse.
प्रियैर्द्वादशगोपालैः सेवितं श्वेतचामरैः।। वीक्षितं गोपिकावृन्दैः सस्मितैः सुमनोहरैः
priyairdvādaśagopālaiḥ sevitaṃ śvetacāmaraiḥ|| vīkṣitaṃ gopikāvṛndaiḥ sasmitaiḥ sumanoharaiḥ
Sanskrit only: no published translation is held for this verse.
पीडितैः कामबाणैश्च शश्वत्सुस्थिरयौवनैः।। वह्निशुद्धांशुकाधानै रत्नभूषणभूषितैः
pīḍitaiḥ kāmabāṇaiśca śaśvatsusthirayauvanaiḥ|| vahniśuddhāṃśukādhānai ratnabhūṣaṇabhūṣitaiḥ
Sanskrit only: no published translation is held for this verse.
रासमण्डलमध्यस्थं श्रीकृष्णं च परात्परम् ।। ददर्श राजा तत्रैव राधया दर्शितं तदा
rāsamaṇḍalamadhyasthaṃ śrīkṛṣṇaṃ ca parātparam || dadarśa rājā tatraiva rādhayā darśitaṃ tadā
Sanskrit only: no published translation is held for this verse.
स्तुतं चतुर्भिवेदैश्च मूर्तिमद्भिर्मनोहरैः ।। रागिणीनां च रागाणामतीव सुमनोहरम्
stutaṃ caturbhivedaiśca mūrtimadbhirmanoharaiḥ || rāgiṇīnāṃ ca rāgāṇāmatīva sumanoharam
Sanskrit only: no published translation is held for this verse.
श्रुतवन्तं च सङ्गीतं यन्त्रवक्त्रोत्थितं शिवे ।। नित्यया च सनातन्या प्रकृत्या च सह त्वया
śrutavantaṃ ca saṅgītaṃ yantravaktrotthitaṃ śive || nityayā ca sanātanyā prakṛtyā ca saha tvayā
Sanskrit only: no published translation is held for this verse.
शश्वत्पूजितपादाब्जमखण्डतुलसीदलैः ।। कस्तूरीकुंकुमाक्तैश्च गन्धचन्दनचर्चितैः
śaśvatpūjitapādābjamakhaṇḍatulasīdalaiḥ || kastūrīkuṃkumāktaiśca gandhacandanacarcitaiḥ
Sanskrit only: no published translation is held for this verse.
दूर्वाभिरक्षताभिश्च पारिजातप्रसूनकैः ।। निर्मलैर्विरजातोयैर्दत्तार्घ्यैरतिशोभितम्
dūrvābhirakṣatābhiśca pārijātaprasūnakaiḥ || nirmalairvirajātoyairdattārghyairatiśobhitam
Sanskrit only: no published translation is held for this verse.
सुप्रसन्नं स्वतन्त्रं च सर्वकारणकारणम् ।। सर्वेषां चान्तरात्मानं सर्वेशं सर्वजीवनम्
suprasannaṃ svatantraṃ ca sarvakāraṇakāraṇam || sarveṣāṃ cāntarātmānaṃ sarveśaṃ sarvajīvanam
Sanskrit only: no published translation is held for this verse.
सर्वमङ्गलरूपं च सर्वमङ्गलकारणम् ।। सर्वमंगलदं सर्वमंगलनां च मंगलम्
sarvamaṅgalarūpaṃ ca sarvamaṅgalakāraṇam || sarvamaṃgaladaṃ sarvamaṃgalanāṃ ca maṃgalam
Sanskrit only: no published translation is held for this verse.
तं दृष्ट्वा नृपतिस्त्रस्तो ह्यवरुह्य रथात्त्वरन् ।। साश्रुनेत्रः पुलकितो मूर्ध्ना स प्रणनाम च
taṃ dṛṣṭvā nṛpatistrasto hyavaruhya rathāttvaran || sāśrunetraḥ pulakito mūrdhnā sa praṇanāma ca
Sanskrit only: no published translation is held for this verse.
परमात्मा ददौ तस्मै स्वदास्यं च शुभाशिषम् ।। स्वभक्तिं निश्चलां सत्यामस्माकं च सुदुर्लभाम्
paramātmā dadau tasmai svadāsyaṃ ca śubhāśiṣam || svabhaktiṃ niścalāṃ satyāmasmākaṃ ca sudurlabhām
Sanskrit only: no published translation is held for this verse.
राधाऽवरुह्य स्वरथात्कृष्णवक्षस्युवास सा ।। गोपीभिः सुप्रियाभिश्च सेविता श्वेतचामरैः ।।
rādhā'varuhya svarathātkṛṣṇavakṣasyuvāsa sā || gopībhiḥ supriyābhiśca sevitā śvetacāmaraiḥ ||
Sanskrit only: no published translation is held for this verse.
सम्भाषिता श्रीकृष्णेन सस्मितेन च पूजिता ।। समुत्थितेन सहसा भक्त्या वै सम्भ्रमेण च
sambhāṣitā śrīkṛṣṇena sasmitena ca pūjitā || samutthitena sahasā bhaktyā vai sambhrameṇa ca
Sanskrit only: no published translation is held for this verse.
आदौ राधां समुच्चार्य्य पश्चात्कृष्णं च माधवम् ।। प्रवदन्ति च वेदेषु वेदविद्भिः पुरातनैः
ādau rādhāṃ samuccāryya paścātkṛṣṇaṃ ca mādhavam || pravadanti ca vedeṣu vedavidbhiḥ purātanaiḥ
Sanskrit only: no published translation is held for this verse.
विपर्य्ययं ये वदन्ति ये निन्दन्ति जगत्प्रसूम् ।। कृष्णप्राणाधिकां प्रेममयीं शक्तिं च राधिकाम्
viparyyayaṃ ye vadanti ye nindanti jagatprasūm || kṛṣṇaprāṇādhikāṃ premamayīṃ śaktiṃ ca rādhikām
Sanskrit only: no published translation is held for this verse.
ते पच्यन्ते कालसूत्रे यावच्चन्द्रदिवाकरम् ।। भवन्ति स्त्रीपुत्रहीना रोगिणः शतजन्मसु ।।।१७७। इत्येवं कथितं दुर्गे राधिकाख्यानमुत्तमम् ।। सा त्वं सती भगवती वैष्णवी च सनातनी
te pacyante kālasūtre yāvaccandradivākaram || bhavanti strīputrahīnā rogiṇaḥ śatajanmasu |||177| ityevaṃ kathitaṃ durge rādhikākhyānamuttamam || sā tvaṃ satī bhagavatī vaiṣṇavī ca sanātanī
Sanskrit only: no published translation is held for this verse.
नारायणी विष्णुमाया मूलप्रकृतिरीश्वरी ।। मायया मां पृच्छसि त्वं सर्वज्ञा सर्वरूपिणी।।१७९। स्त्रीजातिष्वधिदेवी च परा जातिस्मरा वरा ।। कथितं राधिकाख्यानं किं भूयः श्रोतुमिच्छसि
nārāyaṇī viṣṇumāyā mūlaprakṛtirīśvarī || māyayā māṃ pṛcchasi tvaṃ sarvajñā sarvarūpiṇī||179| strījātiṣvadhidevī ca parā jātismarā varā || kathitaṃ rādhikākhyānaṃ kiṃ bhūyaḥ śrotumicchasi
Sanskrit only: no published translation is held for this verse.