Library·Brahmavaivarta Purāṇa·2·2.56
श्रीपार्वत्युवाच ।। पूजाविधानं स्तोत्रं च श्रुतमत्यद्भुतं मया ।। अधुना कवचं ब्रूहि श्रोष्यामि त्वत्प्रसादतः
śrīpārvatyuvāca || pūjāvidhānaṃ stotraṃ ca śrutamatyadbhutaṃ mayā || adhunā kavacaṃ brūhi śroṣyāmi tvatprasādataḥ
Sanskrit only: no published translation is held for this verse.
श्रीमहेश्वर उवाच ।। शृणु वक्ष्यामि हे दुर्गे कवचं परमाद्भुतम् ।। पुरा मह्यं निगदितं गोलोके परमात्मनः
śrīmaheśvara uvāca || śṛṇu vakṣyāmi he durge kavacaṃ paramādbhutam || purā mahyaṃ nigaditaṃ goloke paramātmanaḥ
Sanskrit only: no published translation is held for this verse.
अतिगुह्यं परं तत्त्वं सर्वमन्त्रौघविग्रहम् ।। यद्धृत्वा पठनाद्ब्रह्मा संप्राप्तो वेदमातरम्
atiguhyaṃ paraṃ tattvaṃ sarvamantraughavigraham || yaddhṛtvā paṭhanādbrahmā saṃprāpto vedamātaram
Sanskrit only: no published translation is held for this verse.
यद्धृत्वाऽहं तव स्वामी सर्वमाता सुरेश्वरी ।। नारायणश्च यद्धृत्वा महालक्ष्मीमवाप सः
yaddhṛtvā'haṃ tava svāmī sarvamātā sureśvarī || nārāyaṇaśca yaddhṛtvā mahālakṣmīmavāpa saḥ
Sanskrit only: no published translation is held for this verse.
यद्धृत्वा परमात्मा च निर्गुणं प्रकृतेः परः ।। बभूव शक्तिमान्कृष्णः सृष्टिं कर्तुं पुरा विभुः
yaddhṛtvā paramātmā ca nirguṇaṃ prakṛteḥ paraḥ || babhūva śaktimānkṛṣṇaḥ sṛṣṭiṃ kartuṃ purā vibhuḥ
Sanskrit only: no published translation is held for this verse.
विष्णुः पाता च यद्धृत्वा संप्राप्तस्सिन्धुकन्यकाम् ।। शेषो बिभर्ति ब्रह्माण्डं मूर्ध्नि सर्षपवद्यतः
viṣṇuḥ pātā ca yaddhṛtvā saṃprāptassindhukanyakām || śeṣo bibharti brahmāṇḍaṃ mūrdhni sarṣapavadyataḥ
Sanskrit only: no published translation is held for this verse.
प्रत्येकं लोमकूपेषु ब्रह्माण्डानि महान्विराट्।। बिभर्ति धारणाद्यस्य सर्वाधारो बभूव सः
pratyekaṃ lomakūpeṣu brahmāṇḍāni mahānvirāṭ|| bibharti dhāraṇādyasya sarvādhāro babhūva saḥ
Sanskrit only: no published translation is held for this verse.
यद्धारणाच्च पठनाद्धर्म्मः साक्षी च सर्वतः।। यद्धारणात्कुबेरश्च धनाध्यक्षश्च भारते
yaddhāraṇācca paṭhanāddharmmaḥ sākṣī ca sarvataḥ|| yaddhāraṇātkuberaśca dhanādhyakṣaśca bhārate
Sanskrit only: no published translation is held for this verse.
इन्द्रः सुराणामीशश्च पठनाद्धारणाद्विभुः ।। नृपाणां मनुरीशश्च पठनाद्धारणात्प्रभुः ।। ।
indraḥ surāṇāmīśaśca paṭhanāddhāraṇādvibhuḥ || nṛpāṇāṃ manurīśaśca paṭhanāddhāraṇātprabhuḥ || |
Sanskrit only: no published translation is held for this verse.
श्रीमांश्चन्द्रश्च यद्धृत्वा राजसूयं चकार सः ।। स्वयं सूर्यस्त्रिलोकेशः पठनाद्धारणाद्धरिः
śrīmāṃścandraśca yaddhṛtvā rājasūyaṃ cakāra saḥ || svayaṃ sūryastrilokeśaḥ paṭhanāddhāraṇāddhariḥ
Sanskrit only: no published translation is held for this verse.
यद्धृत्वा पठनादग्निर्जगत्पूतं करोति च।। यद्धृत्वा वाति वातोऽयं पुनाति भुवनत्रयम्
yaddhṛtvā paṭhanādagnirjagatpūtaṃ karoti ca|| yaddhṛtvā vāti vāto'yaṃ punāti bhuvanatrayam
Sanskrit only: no published translation is held for this verse.
यद्धृत्वा च स्वतन्त्रो हि मृत्युश्चरति जन्तुषु।। त्रिःसप्तकृत्वो निःक्षत्रां चकार च वसुन्धराम्
yaddhṛtvā ca svatantro hi mṛtyuścarati jantuṣu|| triḥsaptakṛtvo niḥkṣatrāṃ cakāra ca vasundharām
Sanskrit only: no published translation is held for this verse.
जामदग्न्यश्च रामश्च पठनाद्धारणात्प्रभू ।। पपौ समुद्रं यद्धृत्वा पठनात्कुम्भसम्भवः
jāmadagnyaśca rāmaśca paṭhanāddhāraṇātprabhū || papau samudraṃ yaddhṛtvā paṭhanātkumbhasambhavaḥ
Sanskrit only: no published translation is held for this verse.
सनत्कुमारो भगवान्यद्धृत्वा ज्ञानिनां गुरुः ।। जीवन्मुक्तौ च सिद्धौ च नरनारायणावृषी
sanatkumāro bhagavānyaddhṛtvā jñānināṃ guruḥ || jīvanmuktau ca siddhau ca naranārāyaṇāvṛṣī
Sanskrit only: no published translation is held for this verse.
यद्धृत्वा पठनात्सिद्धो वसिष्ठो ब्रह्मपुत्रकः।। सिद्धेशः कपिलो यस्माद्यस्माद्दक्षः प्रजापतिः
yaddhṛtvā paṭhanātsiddho vasiṣṭho brahmaputrakaḥ|| siddheśaḥ kapilo yasmādyasmāddakṣaḥ prajāpatiḥ
Sanskrit only: no published translation is held for this verse.
यस्माद्भृगुश्च मां द्वेष्टि कूर्म्मः शेषं बिभर्त्ति च ।। सर्वाधारो यतो वायुर्वरुणः पवनो यतः
yasmādbhṛguśca māṃ dveṣṭi kūrmmaḥ śeṣaṃ bibhartti ca || sarvādhāro yato vāyurvaruṇaḥ pavano yataḥ
Sanskrit only: no published translation is held for this verse.
ईशानो दिक्पतिश्चैव यमः शास्ता यतः शिवे ।। कालः कालाग्निरुद्रश्च संहर्त्ता जगतां यतः
īśāno dikpatiścaiva yamaḥ śāstā yataḥ śive || kālaḥ kālāgnirudraśca saṃharttā jagatāṃ yataḥ
Sanskrit only: no published translation is held for this verse.
यद्धृत्वा गौतमः सिद्धः कश्यपश्च प्रजापतिः ।। वसुदेवसुतां प्राप चैकांशेन तु तत्कलाम्
yaddhṛtvā gautamaḥ siddhaḥ kaśyapaśca prajāpatiḥ || vasudevasutāṃ prāpa caikāṃśena tu tatkalām
Sanskrit only: no published translation is held for this verse.
पुरा स्वजायाविच्छेदे दुर्वासा मुनिपुङ्गवः।। संप्राप रामः सीतां च रावणेन हृतां पुरा
purā svajāyāvicchede durvāsā munipuṅgavaḥ|| saṃprāpa rāmaḥ sītāṃ ca rāvaṇena hṛtāṃ purā
Sanskrit only: no published translation is held for this verse.
पुरा नलश्च संप्राप दमयन्तीं यतः सतीम् ।। शङ्खचूडो महावीरो दैत्यानामीश्वरो यतः
purā nalaśca saṃprāpa damayantīṃ yataḥ satīm || śaṅkhacūḍo mahāvīro daityānāmīśvaro yataḥ
Sanskrit only: no published translation is held for this verse.
वृषो वहति मां दुर्गे यतो हि गरुडो हरिम् ।। एवं संप्राप संसिद्धिं सिद्धाश्च मुनयः पुरा
vṛṣo vahati māṃ durge yato hi garuḍo harim || evaṃ saṃprāpa saṃsiddhiṃ siddhāśca munayaḥ purā
Sanskrit only: no published translation is held for this verse.
यद्धृत्वा च महालक्ष्मीः प्रदात्री सर्वसम्पदाम् ।। सरस्वती सतां श्रेष्ठा यतः क्रीडावती रतिः
yaddhṛtvā ca mahālakṣmīḥ pradātrī sarvasampadām || sarasvatī satāṃ śreṣṭhā yataḥ krīḍāvatī ratiḥ
Sanskrit only: no published translation is held for this verse.
सावित्री वेदमाता च यतः सिद्धिमवाप्नुयात्।। सिन्धुकन्या मर्त्यलक्ष्मीर्यतो विष्णुमवाप सा
sāvitrī vedamātā ca yataḥ siddhimavāpnuyāt|| sindhukanyā martyalakṣmīryato viṣṇumavāpa sā
Sanskrit only: no published translation is held for this verse.
यद्धृत्वा तुलसी पूता गङ्गा भुवनपावनी ।। यद्धृत्वा सर्वसस्याढ्या सर्वाधारा वसुन्धरा
yaddhṛtvā tulasī pūtā gaṅgā bhuvanapāvanī || yaddhṛtvā sarvasasyāḍhyā sarvādhārā vasundharā
Sanskrit only: no published translation is held for this verse.
यद्धृत्वा मनसादेवी सिद्धा वै विश्वपूजिता ।। यद्धृत्वा देवमाता च विष्णुं पुत्रमवाप सा
yaddhṛtvā manasādevī siddhā vai viśvapūjitā || yaddhṛtvā devamātā ca viṣṇuṃ putramavāpa sā
Sanskrit only: no published translation is held for this verse.
पतिव्रता च यद्धृत्वा लोपामुद्राऽप्यरुन्धती ।। लेभे च कपिलं पुत्रं देवहूती यतः सती
pativratā ca yaddhṛtvā lopāmudrā'pyarundhatī || lebhe ca kapilaṃ putraṃ devahūtī yataḥ satī
Sanskrit only: no published translation is held for this verse.
प्रियव्रतोत्तानपादौ सुतौ प्राप च तत्प्रसूः ।। त्वन्माता चापि संप्राप त्वां देवीं गिरिजां यतः
priyavratottānapādau sutau prāpa ca tatprasūḥ || tvanmātā cāpi saṃprāpa tvāṃ devīṃ girijāṃ yataḥ
Sanskrit only: no published translation is held for this verse.
एवं सर्वे सिद्धगणाः सर्वैश्वर्य्यमवाप्नुयुः ।। श्रीजगन्मङ्गलस्यास्य कवचस्य प्रजापतिः
evaṃ sarve siddhagaṇāḥ sarvaiśvaryyamavāpnuyuḥ || śrījaganmaṅgalasyāsya kavacasya prajāpatiḥ
Sanskrit only: no published translation is held for this verse.
ऋषिच्छन्दोऽस्य गायत्री देवी रासेश्वरी स्वयम् ।। श्रीकृष्णभक्ति संप्राप्तौ विनियोगः प्रकीर्त्तितः
ṛṣicchando'sya gāyatrī devī rāseśvarī svayam || śrīkṛṣṇabhakti saṃprāptau viniyogaḥ prakīrttitaḥ
Sanskrit only: no published translation is held for this verse.
शिष्याय कृष्णभक्ताय ब्राह्मणाय प्रकाशयेत् ।। शठाय परशिष्याय दत्त्वा मृत्युमवाप्नुयात्
śiṣyāya kṛṣṇabhaktāya brāhmaṇāya prakāśayet || śaṭhāya paraśiṣyāya dattvā mṛtyumavāpnuyāt
Sanskrit only: no published translation is held for this verse.
राज्यं देयं शिरो देयं न देयं कवचं प्रिये ।। कण्ठे धृतमिदं भक्त्या कृष्णेन परमात्मना
rājyaṃ deyaṃ śiro deyaṃ na deyaṃ kavacaṃ priye || kaṇṭhe dhṛtamidaṃ bhaktyā kṛṣṇena paramātmanā
Sanskrit only: no published translation is held for this verse.
मया दृष्टं च गोलोके ब्रह्मणा विष्णुना पुरा ।। ॐ राधेति चतुर्थ्यन्तं वह्निजायान्तमेव च
mayā dṛṣṭaṃ ca goloke brahmaṇā viṣṇunā purā || oṃ rādheti caturthyantaṃ vahnijāyāntameva ca
Sanskrit only: no published translation is held for this verse.
कृष्णेनोपासितो मन्त्रः कल्पवृक्षः शिरोऽवतु ।। ॐ ह्रीं श्रीं राधिकां ङेन्तं वह्निजायान्तमेव च
kṛṣṇenopāsito mantraḥ kalpavṛkṣaḥ śiro'vatu || oṃ hrīṃ śrīṃ rādhikāṃ ṅentaṃ vahnijāyāntameva ca
Sanskrit only: no published translation is held for this verse.
कपालं नेत्रयुग्मं च श्रोत्र युग्मं सदाऽवतु ।। ॐ एं ह्रीं श्रीं राधिकायै वह्निजायान्तमेव च
kapālaṃ netrayugmaṃ ca śrotra yugmaṃ sadā'vatu || oṃ eṃ hrīṃ śrīṃ rādhikāyai vahnijāyāntameva ca
Sanskrit only: no published translation is held for this verse.
मस्तकं केशसंघांश्च मन्त्रराजः सदाऽवतु ।। ओं रां राधाचतुर्थ्यन्तं वह्निजायान्तमेव च
mastakaṃ keśasaṃghāṃśca mantrarājaḥ sadā'vatu || oṃ rāṃ rādhācaturthyantaṃ vahnijāyāntameva ca
Sanskrit only: no published translation is held for this verse.
सर्वसिद्धिप्रदः पातु कपोलं नासिकां मुखम् ।। क्लीं श्रीकृष्णप्रिया ङेन्तं कण्ठं पातु नमोऽन्तकम्
sarvasiddhipradaḥ pātu kapolaṃ nāsikāṃ mukham || klīṃ śrīkṛṣṇapriyā ṅentaṃ kaṇṭhaṃ pātu namo'ntakam
Sanskrit only: no published translation is held for this verse.
ओं रां रासेश्वरीं ङेन्तं स्कंधं पातु नमोऽन्तकम् ।। ओं रां रासविलासिन्यै स्वाहा पृष्ठं सदाऽवतु
oṃ rāṃ rāseśvarīṃ ṅentaṃ skaṃdhaṃ pātu namo'ntakam || oṃ rāṃ rāsavilāsinyai svāhā pṛṣṭhaṃ sadā'vatu
Sanskrit only: no published translation is held for this verse.
वृन्दावनविलासिन्यै स्वाहा वक्षः सदाऽवतु ।। तुलसीवनवासिन्यै स्वाहा पातु नितम्बकम्
vṛndāvanavilāsinyai svāhā vakṣaḥ sadā'vatu || tulasīvanavāsinyai svāhā pātu nitambakam
Sanskrit only: no published translation is held for this verse.
कृष्णप्राणाधिका ङेन्तं स्वाहान्तं प्रणवादिकम् ।। पादयुग्मं च सर्वाङ्गं सन्ततं पातु सर्वतः
kṛṣṇaprāṇādhikā ṅentaṃ svāhāntaṃ praṇavādikam || pādayugmaṃ ca sarvāṅgaṃ santataṃ pātu sarvataḥ
Sanskrit only: no published translation is held for this verse.
प्राच्यां रक्षतु सा राधा वह्नौ कृष्णप्रियाऽवतु ।। दक्षे रासेश्वरी पातु गोपीशा नैर्ऋतेऽवतु
prācyāṃ rakṣatu sā rādhā vahnau kṛṣṇapriyā'vatu || dakṣe rāseśvarī pātu gopīśā nairṛte'vatu
Sanskrit only: no published translation is held for this verse.
पश्चिमे निर्गुणा पातु वायव्ये कृष्णपूजिता ।। उत्तरे सन्ततं पातु मूलप्रकृतिरीश्वरी
paścime nirguṇā pātu vāyavye kṛṣṇapūjitā || uttare santataṃ pātu mūlaprakṛtirīśvarī
Sanskrit only: no published translation is held for this verse.
सर्वेश्वरी सदैशान्यां पातु मां सर्वपूजिता ।। जले स्थले चान्तरिक्षे स्वप्ने जागरणे तथा
sarveśvarī sadaiśānyāṃ pātu māṃ sarvapūjitā || jale sthale cāntarikṣe svapne jāgaraṇe tathā
Sanskrit only: no published translation is held for this verse.
महाविष्णोश्च जननी सर्वतः पातु सन्ततम् ।। कवचं कथितं दुर्गे श्रीजगन्मङ्गलं परम्
mahāviṣṇośca jananī sarvataḥ pātu santatam || kavacaṃ kathitaṃ durge śrījaganmaṅgalaṃ param
Sanskrit only: no published translation is held for this verse.
यस्मै कस्मै न दातव्यं गुह्याद्गुह्यतरं परम् ।। तव स्नेहान्मयाऽऽ ख्यातं प्रवक्तव्यं न कस्यचित्
yasmai kasmai na dātavyaṃ guhyādguhyataraṃ param || tava snehānmayā'' khyātaṃ pravaktavyaṃ na kasyacit
Sanskrit only: no published translation is held for this verse.
गुरुमभ्यर्च्य विधिवद्वस्त्रालङ्कारचन्दनैः।। कण्ठे वा दक्षिणे बाहौ धृत्वा विष्णुसमो भवेत्
gurumabhyarcya vidhivadvastrālaṅkāracandanaiḥ|| kaṇṭhe vā dakṣiṇe bāhau dhṛtvā viṣṇusamo bhavet
Sanskrit only: no published translation is held for this verse.
शतलक्षजपेनैव सिद्धं च कवचं भवेत् ।। यदि स्यात्सिद्धकवचो न दग्धो वह्निना भवेत्
śatalakṣajapenaiva siddhaṃ ca kavacaṃ bhavet || yadi syātsiddhakavaco na dagdho vahninā bhavet
Sanskrit only: no published translation is held for this verse.
एतस्मात्कवचाद्दुर्गे राजा दुर्य्योधनः पुरा ।। विशारदो जलस्तम्भं वह्निस्तम्भं च निश्चितम्
etasmātkavacāddurge rājā duryyodhanaḥ purā || viśārado jalastambhaṃ vahnistambhaṃ ca niścitam
Sanskrit only: no published translation is held for this verse.
मया सनत्कुमाराय पुरा दत्तं च पुष्करे।। सूर्य्यपर्वणि मेरौ च स सान्दीपनये ददौ
mayā sanatkumārāya purā dattaṃ ca puṣkare|| sūryyaparvaṇi merau ca sa sāndīpanaye dadau
Sanskrit only: no published translation is held for this verse.
बल्लाय तेन दत्तं च ददौ दुर्य्योधनाय सः।। कवचस्य प्रसादेन जीवन्मुक्तो भवेन्नरः
ballāya tena dattaṃ ca dadau duryyodhanāya saḥ|| kavacasya prasādena jīvanmukto bhavennaraḥ
Sanskrit only: no published translation is held for this verse.
नित्यं पठति भक्त्येदं तन्मन्त्रोपासकश्च यः।। विष्णुतुल्यो भवेन्नित्यं राजसूयफलं लभेत्
nityaṃ paṭhati bhaktyedaṃ tanmantropāsakaśca yaḥ|| viṣṇutulyo bhavennityaṃ rājasūyaphalaṃ labhet
Sanskrit only: no published translation is held for this verse.
स्नानेन सर्वतीर्थानां सर्वदानेन यत्फलम्।। सर्वव्रतोपवासेन पृथिव्याश्च प्रदक्षिणैः
snānena sarvatīrthānāṃ sarvadānena yatphalam|| sarvavratopavāsena pṛthivyāśca pradakṣiṇaiḥ
Sanskrit only: no published translation is held for this verse.
सर्वयज्ञेषु दीक्षायां नित्यं वै सत्यरक्षणे ।। नित्यं श्रीकृष्णसेवायां कृष्णनैवेद्यभक्षणे ।।
sarvayajñeṣu dīkṣāyāṃ nityaṃ vai satyarakṣaṇe || nityaṃ śrīkṛṣṇasevāyāṃ kṛṣṇanaivedyabhakṣaṇe ||
Sanskrit only: no published translation is held for this verse.
पाठे चतुर्णां वेदानां यत्फलं च लभेन्नरः ।। तत्फलं लभते नूनं पठनात्कवचस्य च
pāṭhe caturṇāṃ vedānāṃ yatphalaṃ ca labhennaraḥ || tatphalaṃ labhate nūnaṃ paṭhanātkavacasya ca
Sanskrit only: no published translation is held for this verse.
राजद्वारे श्मशाने च सिंहव्याघ्रान्विते वने ।। दावाग्नौ संकटे चैव दस्युचौरान्विते भये
rājadvāre śmaśāne ca siṃhavyāghrānvite vane || dāvāgnau saṃkaṭe caiva dasyucaurānvite bhaye
Sanskrit only: no published translation is held for this verse.
कारागारे विपद्ग्रस्ते घोरे च दृढबन्धने ।। व्याधियुक्तो भवेन्मुक्तो धारणात्कवचस्य च
kārāgāre vipadgraste ghore ca dṛḍhabandhane || vyādhiyukto bhavenmukto dhāraṇātkavacasya ca
Sanskrit only: no published translation is held for this verse.
इत्येतत्कथितं दुर्गे तवैवेदं महेश्वरि।। त्वमेव सर्वरूपा मां माया पृच्छसि मायया
ityetatkathitaṃ durge tavaivedaṃ maheśvari|| tvameva sarvarūpā māṃ māyā pṛcchasi māyayā
Sanskrit only: no published translation is held for this verse.
न कृष्णसदृशो देवो न गङ्गासदृशी सरित् ।। न पुष्करात्परं तीर्थं न वर्णो ब्राह्मणात्परः
na kṛṣṇasadṛśo devo na gaṅgāsadṛśī sarit || na puṣkarātparaṃ tīrthaṃ na varṇo brāhmaṇātparaḥ
Sanskrit only: no published translation is held for this verse.
परमाणोः परं सूक्ष्मं महाविष्णोः परो महान् ।। नभः परं च विस्तीर्णं यथा नास्त्येव नारद
paramāṇoḥ paraṃ sūkṣmaṃ mahāviṣṇoḥ paro mahān || nabhaḥ paraṃ ca vistīrṇaṃ yathā nāstyeva nārada
Sanskrit only: no published translation is held for this verse.
यथा न वैष्णवाज्ज्ञानी योगीन्द्रः शङ्करात्परः ।। कामक्रोधलोभमोहा जितास्तेनैव नारद
yathā na vaiṣṇavājjñānī yogīndraḥ śaṅkarātparaḥ || kāmakrodhalobhamohā jitāstenaiva nārada
Sanskrit only: no published translation is held for this verse.
स्वप्ने जागरणे शश्वत्कृष्णध्यानरतः शिवः ।। यथा कृष्णस्तथा शम्भुर्न भेदो माधवेशयोः
svapne jāgaraṇe śaśvatkṛṣṇadhyānarataḥ śivaḥ || yathā kṛṣṇastathā śambhurna bhedo mādhaveśayoḥ
Sanskrit only: no published translation is held for this verse.
यथा शम्भुर्वैष्णवेषु यथा देवेषु माधवः ।। तथेदं कवचं वत्स कवचेषु प्रशस्तकम्
yathā śambhurvaiṣṇaveṣu yathā deveṣu mādhavaḥ || tathedaṃ kavacaṃ vatsa kavaceṣu praśastakam
Sanskrit only: no published translation is held for this verse.
शिशब्दो मङ्गलार्थश्च वकारो दातृवाचकः ।। मङ्गलानां प्रदाता यः स शिवः परिकीर्त्तितः
śiśabdo maṅgalārthaśca vakāro dātṛvācakaḥ || maṅgalānāṃ pradātā yaḥ sa śivaḥ parikīrttitaḥ
Sanskrit only: no published translation is held for this verse.
नराणां सन्ततं विश्वे शं कल्याणं करोति यः ।। कल्याणं मोक्ष इत्युक्तं स एवं शङ्करः स्मृतः
narāṇāṃ santataṃ viśve śaṃ kalyāṇaṃ karoti yaḥ || kalyāṇaṃ mokṣa ityuktaṃ sa evaṃ śaṅkaraḥ smṛtaḥ
Sanskrit only: no published translation is held for this verse.
ब्रह्मादीनां सुराणां च मुनीनां वेदवादिनाम्।। तेषां च महतां देवो महादेवः प्रकीर्तितः
brahmādīnāṃ surāṇāṃ ca munīnāṃ vedavādinām|| teṣāṃ ca mahatāṃ devo mahādevaḥ prakīrtitaḥ
Sanskrit only: no published translation is held for this verse.
महती पूजिता विश्वे मूलप्रकृतिरीश्वरी। ।। तस्या देवः पूजितश्च महादेवः स च स्मृतः
mahatī pūjitā viśve mūlaprakṛtirīśvarī| || tasyā devaḥ pūjitaśca mahādevaḥ sa ca smṛtaḥ
Sanskrit only: no published translation is held for this verse.
विश्वस्थानां च सर्वेषां महतामीश्वरः स्वयम् ।। महेश्वरं च तेनेमं प्रवदन्ति मनीषिणः
viśvasthānāṃ ca sarveṣāṃ mahatāmīśvaraḥ svayam || maheśvaraṃ ca tenemaṃ pravadanti manīṣiṇaḥ
Sanskrit only: no published translation is held for this verse.
हे ब्रह्मपुत्र धन्योऽसि यद्गुरुश्च महेश्वरः ।। श्रीकृष्ण भक्तिदाता यो भवान्पृच्छति मां च किम्
he brahmaputra dhanyo'si yadguruśca maheśvaraḥ || śrīkṛṣṇa bhaktidātā yo bhavānpṛcchati māṃ ca kim
Sanskrit only: no published translation is held for this verse.
श्रीनारायण उवाच ।। इत्युक्त्वा राधिकाख्यानं स्मारंस्मारं च माधवम् ।। पुलकाङ्कितसर्वाङ्गः साश्रुनेत्रो बभूव सः
śrīnārāyaṇa uvāca || ityuktvā rādhikākhyānaṃ smāraṃsmāraṃ ca mādhavam || pulakāṅkitasarvāṅgaḥ sāśrunetro babhūva saḥ
Sanskrit only: no published translation is held for this verse.