Library·Brahmavaivarta Purāṇa·2·2.58
नारद उवाच।। कस्य वंशोद्भवो राजा सुरथो धर्मिणां वरः।। कथं संप्राप वै ज्ञानं मेधसो ज्ञानिनां वरात्
nārada uvāca|| kasya vaṃśodbhavo rājā suratho dharmiṇāṃ varaḥ|| kathaṃ saṃprāpa vai jñānaṃ medhaso jñānināṃ varāt
Sanskrit only: no published translation is held for this verse.
कस्य वंशोद्भवो ब्रह्मन्मेधसो मुनिसत्तम।। बभूव कुत्र संवादो नृपस्य मुनिना सह
kasya vaṃśodbhavo brahmanmedhaso munisattama|| babhūva kutra saṃvādo nṛpasya muninā saha
Sanskrit only: no published translation is held for this verse.
सख्यं बभूव कुत्रास्य वा प्रभो नृपवैश्ययोः।। व्यासेन श्रोतुमिच्छामि वद वेदविदां वर
sakhyaṃ babhūva kutrāsya vā prabho nṛpavaiśyayoḥ|| vyāsena śrotumicchāmi vada vedavidāṃ vara
Sanskrit only: no published translation is held for this verse.
नारायण उवाच ।। अत्रिश्च ब्रह्मणः पुत्रस्तस्य पुत्रो निशाकरः ।। स च कृत्वा राजसूयं द्विजराजो बभूव ह
nārāyaṇa uvāca || atriśca brahmaṇaḥ putrastasya putro niśākaraḥ || sa ca kṛtvā rājasūyaṃ dvijarājo babhūva ha
Sanskrit only: no published translation is held for this verse.
गुरुपत्न्यां च तारायां तस्याभूच्च बुधः सुतः ।। बुधपुत्रस्तु चैत्रश्च तत्पुत्रः सुरथः स्मृतः
gurupatnyāṃ ca tārāyāṃ tasyābhūcca budhaḥ sutaḥ || budhaputrastu caitraśca tatputraḥ surathaḥ smṛtaḥ
Sanskrit only: no published translation is held for this verse.
नारद उवाच ।। गुरुपत्न्यां च तारायां समभूत्तत्सुतः कथम्।। अहो व्यतिक्रमं ब्रूहि वेदस्य च महामुने
nārada uvāca || gurupatnyāṃ ca tārāyāṃ samabhūttatsutaḥ katham|| aho vyatikramaṃ brūhi vedasya ca mahāmune
Sanskrit only: no published translation is held for this verse.
नारायण उवाच ।। सम्पन्मत्तो महाकामी व्यचरज्जाह्नवीतटे ।। तारां सुरगुरोः पत्नीं धर्मिष्ठां च पतिव्रताम्
nārāyaṇa uvāca || sampanmatto mahākāmī vyacarajjāhnavītaṭe || tārāṃ suraguroḥ patnīṃ dharmiṣṭhāṃ ca pativratām
Sanskrit only: no published translation is held for this verse.
सुस्नातां सुन्दरीं रम्यां पीनोन्नतपयोधराम् ।। सुश्रोणीं सुनितम्बाढ्यां मध्यक्षीणां मनोहराम्
susnātāṃ sundarīṃ ramyāṃ pīnonnatapayodharām || suśroṇīṃ sunitambāḍhyāṃ madhyakṣīṇāṃ manoharām
Sanskrit only: no published translation is held for this verse.
सुदतीं कोमलांगीं च नवयौवनसंयुताम् ।। सूक्ष्मवस्त्रपरीधानां रत्नभूषणभूषिताम्
sudatīṃ komalāṃgīṃ ca navayauvanasaṃyutām || sūkṣmavastraparīdhānāṃ ratnabhūṣaṇabhūṣitām
Sanskrit only: no published translation is held for this verse.
कस्तूरीबिन्दुना सार्द्धमधश्चन्दनबिन्दुना ।। सिन्दूरबिन्दुना चारुफालमध्यस्थलोज्ज्वलाम्
kastūrībindunā sārddhamadhaścandanabindunā || sindūrabindunā cāruphālamadhyasthalojjvalām
Sanskrit only: no published translation is held for this verse.
वायुनाऽधोवस्त्रहीनां सकामां रक्तलोचनाम् ।। शरत्पार्वणचन्द्रास्यां पक्वबिम्बाधरां वराम्
vāyunā'dhovastrahīnāṃ sakāmāṃ raktalocanām || śaratpārvaṇacandrāsyāṃ pakvabimbādharāṃ varām
Sanskrit only: no published translation is held for this verse.
सस्मितां नम्नवक्त्रां च लज्जया चन्द्रदर्शनाम् ।। गच्छन्तीं स्वगृहं हर्षान्मत्तवारणगामिनीम्
sasmitāṃ namnavaktrāṃ ca lajjayā candradarśanām || gacchantīṃ svagṛhaṃ harṣānmattavāraṇagāminīm
Sanskrit only: no published translation is held for this verse.
तां दृष्ट्वा मन्मथाक्रान्तश्चन्द्रो लज्जां जहौ मुने ।। पुलकांकितसर्वाङ्गः सकामस्तामुवाच सः
tāṃ dṛṣṭvā manmathākrāntaścandro lajjāṃ jahau mune || pulakāṃkitasarvāṅgaḥ sakāmastāmuvāca saḥ
Sanskrit only: no published translation is held for this verse.
चन्द्र उवाच ।। योषिच्छ्रेष्ठे क्षणं तिष्ठ वरिष्ठे रसिकासु च ।। सुविदग्धे विदग्धानां मनो हरसि सन्ततम्
candra uvāca || yoṣicchreṣṭhe kṣaṇaṃ tiṣṭha variṣṭhe rasikāsu ca || suvidagdhe vidagdhānāṃ mano harasi santatam
Sanskrit only: no published translation is held for this verse.
निषेव्य प्रकृतिं जन्मसहस्रे कामसागरे ।। तपःफलेन त्वां प्राप बृहच्छ्रोणीं बृहस्पतिः
niṣevya prakṛtiṃ janmasahasre kāmasāgare || tapaḥphalena tvāṃ prāpa bṛhacchroṇīṃ bṛhaspatiḥ
Sanskrit only: no published translation is held for this verse.
अहो तपस्विना सार्द्धमविदग्धेन वेधसा ।। योजिता त्वं रसवती शश्वत्कामातुरा वरा
aho tapasvinā sārddhamavidagdhena vedhasā || yojitā tvaṃ rasavatī śaśvatkāmāturā varā
Sanskrit only: no published translation is held for this verse.
किं वा सुखं च विज्ञातमविज्ञेषु समागमे ।। विदग्धाया विदग्धेन सङ्गमः सुखसागरः
kiṃ vā sukhaṃ ca vijñātamavijñeṣu samāgame || vidagdhāyā vidagdhena saṅgamaḥ sukhasāgaraḥ
Sanskrit only: no published translation is held for this verse.
कामेन कामिनी त्वं च दग्धाऽसि व्यर्थमीश्वरि ।। कर्मणा वाऽऽत्मदोषाद्वा को जानाति मनः स्त्रियाः
kāmena kāminī tvaṃ ca dagdhā'si vyarthamīśvari || karmaṇā vā''tmadoṣādvā ko jānāti manaḥ striyāḥ
Sanskrit only: no published translation is held for this verse.
दिने दिने वृथा याति दुर्लभं नवयौवनम् ।। नवीनयौवनस्थाया वृद्धेन स्वामिना तव
dine dine vṛthā yāti durlabhaṃ navayauvanam || navīnayauvanasthāyā vṛddhena svāminā tava
Sanskrit only: no published translation is held for this verse.
शश्वत्तपस्यायुक्तश्च कृष्णमात्मानमीप्सितम् ।। स्वप्ने जागरणे वाऽपि ध्यायन्नास्ते बृहस्पतिः
śaśvattapasyāyuktaśca kṛṣṇamātmānamīpsitam || svapne jāgaraṇe vā'pi dhyāyannāste bṛhaspatiḥ
Sanskrit only: no published translation is held for this verse.
सर्वकामरसज्ञा त्वं निष्कामं काममीप्सितम् ।। ध्यायन्ती कामुकी शश्वद्यूनां शृंगारमात्मनि
sarvakāmarasajñā tvaṃ niṣkāmaṃ kāmamīpsitam || dhyāyantī kāmukī śaśvadyūnāṃ śṛṃgāramātmani
Sanskrit only: no published translation is held for this verse.
अन्यश्च त्वन्मनःकामो भिन्नं त्वद्भर्तुरीप्सितम् ।। ययोश्च भिन्नौ विषयौ का प्रीतिः संगमे तयोः
anyaśca tvanmanaḥkāmo bhinnaṃ tvadbharturīpsitam || yayośca bhinnau viṣayau kā prītiḥ saṃgame tayoḥ
Sanskrit only: no published translation is held for this verse.
वासन्तीपुष्पतल्पे च गन्धचन्दन चर्चिते ।। मोदस्व मां गृहीत्वा त्वं वसन्ते माधवीवने
vāsantīpuṣpatalpe ca gandhacandana carcite || modasva māṃ gṛhītvā tvaṃ vasante mādhavīvane
Sanskrit only: no published translation is held for this verse.
सुगन्ध्युत्फुल्लकुसुमे निर्जने चन्दने वने ।। भवती युवती भाग्यवती तत्रैव मोदताम्
sugandhyutphullakusume nirjane candane vane || bhavatī yuvatī bhāgyavatī tatraiva modatām
Sanskrit only: no published translation is held for this verse.
चन्दने चम्पकवने शीतचम्पकवायुना ।। रम्ये चम्पकतल्पे च क्रीडां कुरु मया सह
candane campakavane śītacampakavāyunā || ramye campakatalpe ca krīḍāṃ kuru mayā saha
Sanskrit only: no published translation is held for this verse.
तारोवाच ।। धिक् त्वां चन्द्र तृणं मन्ये परस्त्रीलम्पटं शठम् ।। अत्रेरभाग्यात्त्वं पुत्रो व्यर्थं ते जन्म जीवनम्
tārovāca || dhik tvāṃ candra tṛṇaṃ manye parastrīlampaṭaṃ śaṭham || atrerabhāgyāttvaṃ putro vyarthaṃ te janma jīvanam
Sanskrit only: no published translation is held for this verse.
अरे कृत्वा राजसूयमात्मानं मन्यसे बली ।। बभूव पुण्यं ते व्यर्थं विप्रस्त्रीषु च यन्मनः
are kṛtvā rājasūyamātmānaṃ manyase balī || babhūva puṇyaṃ te vyarthaṃ viprastrīṣu ca yanmanaḥ
Sanskrit only: no published translation is held for this verse.
यस्य चित्तं परस्त्रीषु सोऽशुचिः सर्वकर्मसु ।। न कर्मफलभाक्पापी निन्द्यो विश्वेषु सर्वतः 2.58.३० ।। सतीत्वं मे नाशयसि यक्ष्मग्रस्तो भविष्यसि ।। अत्युच्छ्रितो निपतनं प्राप्नोतीति श्रुतौ श्रुतम्
yasya cittaṃ parastrīṣu so'śuciḥ sarvakarmasu || na karmaphalabhākpāpī nindyo viśveṣu sarvataḥ 2.58.30 || satītvaṃ me nāśayasi yakṣmagrasto bhaviṣyasi || atyucchrito nipatanaṃ prāpnotīti śrutau śrutam
Sanskrit only: no published translation is held for this verse.
दुष्टानां दर्पहा कृष्णो दर्पं ते निहनिष्यति ।। त्यज मां मातरं वत्स सत्यं ते शं भविष्यति
duṣṭānāṃ darpahā kṛṣṇo darpaṃ te nihaniṣyati || tyaja māṃ mātaraṃ vatsa satyaṃ te śaṃ bhaviṣyati
Sanskrit only: no published translation is held for this verse.
इत्युक्त्वा तारका साध्वी रुरोद च मुहुर्मुहुः ।। चकार साक्षिणं धर्मं सूर्य्यं वायुं हुताशनम्
ityuktvā tārakā sādhvī ruroda ca muhurmuhuḥ || cakāra sākṣiṇaṃ dharmaṃ sūryyaṃ vāyuṃ hutāśanam
Sanskrit only: no published translation is held for this verse.
ब्रह्माणं परमात्मानमाकाशं पवनं धराम् ।। दिनं रात्रिं च सन्ध्यां च सर्वं सुरगणं मुने
brahmāṇaṃ paramātmānamākāśaṃ pavanaṃ dharām || dinaṃ rātriṃ ca sandhyāṃ ca sarvaṃ suragaṇaṃ mune
Sanskrit only: no published translation is held for this verse.
तारकावचनं श्रुत्वा न भीतः स चुकोप ह।। करे धृत्वा रथे तूर्णं स्थापयामास सुन्दरीम्
tārakāvacanaṃ śrutvā na bhītaḥ sa cukopa ha|| kare dhṛtvā rathe tūrṇaṃ sthāpayāmāsa sundarīm
Sanskrit only: no published translation is held for this verse.
रथं च चालयामास मनोयायी मनोहरम्।। मनोहरां गृहीत्वा तां स च रेमे मनोहरम्
rathaṃ ca cālayāmāsa manoyāyī manoharam|| manoharāṃ gṛhītvā tāṃ sa ca reme manoharam
Sanskrit only: no published translation is held for this verse.
विस्पन्दके सुरवने चन्दने पुष्पभद्रके ।। पुष्करे च नदीतीरे पुष्पिते पुष्पकानने
vispandake suravane candane puṣpabhadrake || puṣkare ca nadītīre puṣpite puṣpakānane
Sanskrit only: no published translation is held for this verse.
सुगन्धि पुष्पतल्पे च पुष्पचन्दनवायुना ।। निर्जने मलयद्रोण्यां स्निग्धचन्दनचर्चिते
sugandhi puṣpatalpe ca puṣpacandanavāyunā || nirjane malayadroṇyāṃ snigdhacandanacarcite
Sanskrit only: no published translation is held for this verse.
शैले शैले नदे नद्यां शृंगारं कुर्वतोस्तयोः ।। गतं वर्षशतं हर्षान्मुहूर्त्तमिव नारद
śaile śaile nade nadyāṃ śṛṃgāraṃ kurvatostayoḥ || gataṃ varṣaśataṃ harṣānmuhūrttamiva nārada
Sanskrit only: no published translation is held for this verse.
बभूव शरणापन्नो भीतो दैत्येषु चन्द्रमाः ।। तेजस्विनि तथा शुक्रे तेषां च बलिनां गुरौ
babhūva śaraṇāpanno bhīto daityeṣu candramāḥ || tejasvini tathā śukre teṣāṃ ca balināṃ gurau
Sanskrit only: no published translation is held for this verse.
अभयं च ददौ तस्मै कृपया भृगुनन्दनः ।। गुरुं जहास देवानां सुविपक्षं बृहस्पतिम्
abhayaṃ ca dadau tasmai kṛpayā bhṛgunandanaḥ || guruṃ jahāsa devānāṃ suvipakṣaṃ bṛhaspatim
Sanskrit only: no published translation is held for this verse.
सभायां जहसुर्हृष्टा बलिनो दितिनन्दनाः ।। अभयं च ददुस्तस्मै भीताय च कलङ्किने
sabhāyāṃ jahasurhṛṣṭā balino ditinandanāḥ || abhayaṃ ca dadustasmai bhītāya ca kalaṅkine
Sanskrit only: no published translation is held for this verse.
सतीसतीत्वध्वंसेन पापिष्ठचन्द्रमण्डले ।। बभूव शशरूपं च कलंकं निर्मले मलम्
satīsatītvadhvaṃsena pāpiṣṭhacandramaṇḍale || babhūva śaśarūpaṃ ca kalaṃkaṃ nirmale malam
Sanskrit only: no published translation is held for this verse.
उवाच तं महाभीतं शुक्रो वेदविदां वरः ।। हितं तथ्यं वेदयुक्तं परिणामसुखावहम्
uvāca taṃ mahābhītaṃ śukro vedavidāṃ varaḥ || hitaṃ tathyaṃ vedayuktaṃ pariṇāmasukhāvaham
Sanskrit only: no published translation is held for this verse.
शुक्र उवाच ।। त्वमहो ब्रह्मणः पौत्रोऽप्यत्रेर्भगवतः सुतः ।। दुर्नीतं कर्म ते पुत्र नीचवन्नयशस्करम्
śukra uvāca || tvamaho brahmaṇaḥ pautro'pyatrerbhagavataḥ sutaḥ || durnītaṃ karma te putra nīcavannayaśaskaram
Sanskrit only: no published translation is held for this verse.
राजसूयस्य सुफले निर्मले कीर्त्तिमण्डले ।। सुधाराशौ सुराबिन्दुरूपमंकमुपार्जितम्
rājasūyasya suphale nirmale kīrttimaṇḍale || sudhārāśau surābindurūpamaṃkamupārjitam
Sanskrit only: no published translation is held for this verse.
त्यज देवगुरौ पत्नीं प्रसूमिव महासतीम् ।। धर्मिष्ठस्य वरिष्ठस्य ब्राह्मणानां बृहस्पतेः
tyaja devagurau patnīṃ prasūmiva mahāsatīm || dharmiṣṭhasya variṣṭhasya brāhmaṇānāṃ bṛhaspateḥ
Sanskrit only: no published translation is held for this verse.
शम्भोः सुराणामीशस्य गुरुपुत्रस्य वेधसः ।। पौत्रस्यांगिरसे नित्यं ज्वलतो ब्रह्मतेजसा
śambhoḥ surāṇāmīśasya guruputrasya vedhasaḥ || pautrasyāṃgirase nityaṃ jvalato brahmatejasā
Sanskrit only: no published translation is held for this verse.
शत्रोरपि गुणा वाच्या दोषा वाच्या गुरोरपि ।। इति सद्वंशजातानां स्वभावं च सतामपि
śatrorapi guṇā vācyā doṣā vācyā gurorapi || iti sadvaṃśajātānāṃ svabhāvaṃ ca satāmapi
Sanskrit only: no published translation is held for this verse.
स शत्रुर्मे सुरगुरुः परो विश्वे निशाकर ।। तथाऽपि सहजाख्यानं वर्णितं धर्मसंसदि ।। यत्र लोकाश्च धर्मिष्ठास्तत्र धर्मः सनातनः ।।
sa śatrurme suraguruḥ paro viśve niśākara || tathā'pi sahajākhyānaṃ varṇitaṃ dharmasaṃsadi || yatra lokāśca dharmiṣṭhāstatra dharmaḥ sanātanaḥ ||
Sanskrit only: no published translation is held for this verse.
यतो धर्मस्ततः कृष्णो यतः कृष्णस्ततो जयः ।। गौरेकं पञ्च च व्याघ्री सिंही सप्त प्रसूयते
yato dharmastataḥ kṛṣṇo yataḥ kṛṣṇastato jayaḥ || gaurekaṃ pañca ca vyāghrī siṃhī sapta prasūyate
Sanskrit only: no published translation is held for this verse.
हिंसकाः प्रलयं यान्ति धर्मो रक्षति धार्मिकम् ।। देवाश्च गुरवो विप्राः शक्ता यद्यपि रक्षितुम्
hiṃsakāḥ pralayaṃ yānti dharmo rakṣati dhārmikam || devāśca guravo viprāḥ śaktā yadyapi rakṣitum
Sanskrit only: no published translation is held for this verse.
तथाऽपि नहि रक्षन्ति धर्मघ्नं पापिनं जनम्।। कुलटा विप्रपत्नीनां गमने सुरविप्रयोः
tathā'pi nahi rakṣanti dharmaghnaṃ pāpinaṃ janam|| kulaṭā viprapatnīnāṃ gamane suraviprayoḥ
Sanskrit only: no published translation is held for this verse.
ब्रह्महत्याषोडशांश पातकं च भवेद्ध्रुवम् ।। तासामुपस्थितानां च गमने तच्चतुर्थकम्
brahmahatyāṣoḍaśāṃśa pātakaṃ ca bhaveddhruvam || tāsāmupasthitānāṃ ca gamane taccaturthakam
Sanskrit only: no published translation is held for this verse.
विप्रपत्नीसतीनां च गमनं वै बलेन चेत् ।। ब्रह्महत्याशतं पापं भवेदेव श्रुतौ श्रुतम्
viprapatnīsatīnāṃ ca gamanaṃ vai balena cet || brahmahatyāśataṃ pāpaṃ bhavedeva śrutau śrutam
Sanskrit only: no published translation is held for this verse.
धर्म्मं चर महाभाग ब्राह्मणीं त्यज साम्प्रतम् ।। कृत्वाऽनुतापं पापाच्च निवृत्तिस्तु महाफला
dharmmaṃ cara mahābhāga brāhmaṇīṃ tyaja sāmpratam || kṛtvā'nutāpaṃ pāpācca nivṛttistu mahāphalā
Sanskrit only: no published translation is held for this verse.
उपायेन च ते पापं दूरीभूतं भवेन्ननु ।। शरणागत भीतस्य मयि देवस्य धर्मतः
upāyena ca te pāpaṃ dūrībhūtaṃ bhavennanu || śaraṇāgata bhītasya mayi devasya dharmataḥ
Sanskrit only: no published translation is held for this verse.
शस्त्रहीनं च भीतं च दीनं च शरणार्थिनम् ।। यो न रक्षत्यधर्मिष्ठः कुम्भीपाके वसेद्ध्रुवम्।। ।
śastrahīnaṃ ca bhītaṃ ca dīnaṃ ca śaraṇārthinam || yo na rakṣatyadharmiṣṭhaḥ kumbhīpāke vaseddhruvam|| |
Sanskrit only: no published translation is held for this verse.
राजसूयशतानां च रक्षिता लभते फलम् ।। परमैश्वर्य्ययुक्तश्च धर्मेण स भवेदिह
rājasūyaśatānāṃ ca rakṣitā labhate phalam || paramaiśvaryyayuktaśca dharmeṇa sa bhavediha
Sanskrit only: no published translation is held for this verse.
इत्युक्त्वा वै दैत्यगुरुः स्वर्गे मन्दाकिनीतटे ।। स्नात्वा तं स्नापयामास विष्णुपूजां चकार सः
ityuktvā vai daityaguruḥ svarge mandākinītaṭe || snātvā taṃ snāpayāmāsa viṣṇupūjāṃ cakāra saḥ
Sanskrit only: no published translation is held for this verse.
विष्णुपादाब्जजातेन तन्नैवेद्यं शुभप्रदम् ।। गंगोदकेन पुण्येन भोजयामास चन्द्रकम्
viṣṇupādābjajātena tannaivedyaṃ śubhapradam || gaṃgodakena puṇyena bhojayāmāsa candrakam
Sanskrit only: no published translation is held for this verse.
क्रोडे कृत्वा तु तं भीतं सज्जितं पापकर्मणा ।। कुशहस्तस्तमित्यूचे स्मारंस्मारं हरिं मुने ।।
kroḍe kṛtvā tu taṃ bhītaṃ sajjitaṃ pāpakarmaṇā || kuśahastastamityūce smāraṃsmāraṃ hariṃ mune ||
Sanskrit only: no published translation is held for this verse.
शुक्र उवाच ।। यद्यस्ति मे तपः सत्यं सत्यं पूजाफलं हरे ।। सत्यं व्रतफलं चैव सत्यं सत्यवचः फलम्
śukra uvāca || yadyasti me tapaḥ satyaṃ satyaṃ pūjāphalaṃ hare || satyaṃ vrataphalaṃ caiva satyaṃ satyavacaḥ phalam
Sanskrit only: no published translation is held for this verse.
तीर्थस्नानफलं सत्यं सत्यं दानफलं यदि ।। उपवासफलं सत्यं पापान्मुक्तो भवान्भवेत्
tīrthasnānaphalaṃ satyaṃ satyaṃ dānaphalaṃ yadi || upavāsaphalaṃ satyaṃ pāpānmukto bhavānbhavet
Sanskrit only: no published translation is held for this verse.
विप्रं त्रिसन्ध्याहीनं या विष्णुपूजाविही नकम् ।। तन्नाप्नोतु महाघोरं चन्द्रपापं सुदारुणम्
vipraṃ trisandhyāhīnaṃ yā viṣṇupūjāvihī nakam || tannāpnotu mahāghoraṃ candrapāpaṃ sudāruṇam
Sanskrit only: no published translation is held for this verse.
स्वभार्य्यावञ्चनं कृत्वा यः प्रयाति परस्त्रियम् ।। स यातु नरकं घोरं रुद्रपापेन पातकी
svabhāryyāvañcanaṃ kṛtvā yaḥ prayāti parastriyam || sa yātu narakaṃ ghoraṃ rudrapāpena pātakī
Sanskrit only: no published translation is held for this verse.
वाचा वा ताडयेत्कान्तं दुश्शीला दुर्मुखा च या ।। सा युगं चन्द्रपापेन यातु लालामुखं ध्रुवम्
vācā vā tāḍayetkāntaṃ duśśīlā durmukhā ca yā || sā yugaṃ candrapāpena yātu lālāmukhaṃ dhruvam
Sanskrit only: no published translation is held for this verse.
अनैवेद्यं वृथान्नं च यश्च भुङ्क्ते हरेर्द्विजः ।। स यातु कालसूत्रं च चन्द्रपापाच्चतुर्युगम्
anaivedyaṃ vṛthānnaṃ ca yaśca bhuṅkte harerdvijaḥ || sa yātu kālasūtraṃ ca candrapāpāccaturyugam
Sanskrit only: no published translation is held for this verse.
अम्बुवाच्यं भूखननं यः करोति नरा धमः ।। चन्द्रपापाद्युगशतं कालसूत्रं स गच्छतु
ambuvācyaṃ bhūkhananaṃ yaḥ karoti narā dhamaḥ || candrapāpādyugaśataṃ kālasūtraṃ sa gacchatu
Sanskrit only: no published translation is held for this verse.
स्वकान्तं वञ्चयित्वा च या याति परपूरुषम् ।। सा यातु वह्निकुण्डं च चन्द्रपापाच्चतुर्युगम्
svakāntaṃ vañcayitvā ca yā yāti parapūruṣam || sā yātu vahnikuṇḍaṃ ca candrapāpāccaturyugam
Sanskrit only: no published translation is held for this verse.
कीर्त्तिं करोति रजसा परकीर्त्तिं विलुप्य च ।। स युगं चन्द्रपापेन कुम्भीपाकं च गच्छतु
kīrttiṃ karoti rajasā parakīrttiṃ vilupya ca || sa yugaṃ candrapāpena kumbhīpākaṃ ca gacchatu
Sanskrit only: no published translation is held for this verse.
पितरं मातरं भार्य्यां यो न पुष्णाति पातकी ।। स्वगुरुं चन्द्रपापेन यातु चण्डालतां ध्रुवम्
pitaraṃ mātaraṃ bhāryyāṃ yo na puṣṇāti pātakī || svaguruṃ candrapāpena yātu caṇḍālatāṃ dhruvam
Sanskrit only: no published translation is held for this verse.
कुलटान्नमवीरान्नमृतुस्नातान्नमेव च ।। योऽश्नाति चन्द्रपापं च यातु तं पापिनं ध्रुवम्
kulaṭānnamavīrānnamṛtusnātānnameva ca || yo'śnāti candrapāpaṃ ca yātu taṃ pāpinaṃ dhruvam
Sanskrit only: no published translation is held for this verse.
स यातु तेन पापेन कुम्भीपाकं चतुर्युगम् ।। तस्मादुत्तीर्य्य चाण्डालीं योनिमाप्नोति पातकी
sa yātu tena pāpena kumbhīpākaṃ caturyugam || tasmāduttīryya cāṇḍālīṃ yonimāpnoti pātakī
Sanskrit only: no published translation is held for this verse.
दिवसे यो ग्राम्यधर्मं महापापी करोति च ।। यो गच्छेत्कामतः कामी गुर्विणीं वा रजस्वलाम्
divase yo grāmyadharmaṃ mahāpāpī karoti ca || yo gacchetkāmataḥ kāmī gurviṇīṃ vā rajasvalām
Sanskrit only: no published translation is held for this verse.
तं यातु चन्द्रपापं च महाघोरं च पापिनम् ।। स यातु तेन पापेन कालसूत्रं चतुर्युगम्
taṃ yātu candrapāpaṃ ca mahāghoraṃ ca pāpinam || sa yātu tena pāpena kālasūtraṃ caturyugam
Sanskrit only: no published translation is held for this verse.
मुखं श्रोणीं स्तनं चापि यः पश्यति परस्त्रियाः ।। कामतः कामदग्धश्च यातु तं चन्द्रकल्मषम्
mukhaṃ śroṇīṃ stanaṃ cāpi yaḥ paśyati parastriyāḥ || kāmataḥ kāmadagdhaśca yātu taṃ candrakalmaṣam
Sanskrit only: no published translation is held for this verse.
स यातु लालाभक्षं च चन्द्रपापाच्चतुर्युगम् ।। तस्मादुत्तीर्य्य भवतु चाण्डालोऽन्धो नपुंसकः
sa yātu lālābhakṣaṃ ca candrapāpāccaturyugam || tasmāduttīryya bhavatu cāṇḍālo'ndho napuṃsakaḥ
Sanskrit only: no published translation is held for this verse.
कुरुते ग्राम्यधर्मं च यातु तं चन्द्रकिल्बिषम् ।। चतुर्युगं कालसूत्रं तेन पापेन गच्छतु
kurute grāmyadharmaṃ ca yātu taṃ candrakilbiṣam || caturyugaṃ kālasūtraṃ tena pāpena gacchatu
Sanskrit only: no published translation is held for this verse.
तस्मादुत्तीर्य्य चाण्डालीं योनिमाप्नोति पातकी ।। सप्तजन्मसु सद्रोगी दरिद्रः कुब्ज एव च
tasmāduttīryya cāṇḍālīṃ yonimāpnoti pātakī || saptajanmasu sadrogī daridraḥ kubja eva ca
Sanskrit only: no published translation is held for this verse.
एकादश्यां च यो भुङ्क्ते कृष्णजन्माष्टमीदिने।। शिवरात्रौ महापापी यातु तं चन्द्रपातकम्
ekādaśyāṃ ca yo bhuṅkte kṛṣṇajanmāṣṭamīdine|| śivarātrau mahāpāpī yātu taṃ candrapātakam
Sanskrit only: no published translation is held for this verse.
स यातु कुम्भीपाकं च यावदिन्द्राश्चतुर्दश ।। तेन पापेन चाप्नोतु चाण्डालीं योनिमेव च
sa yātu kumbhīpākaṃ ca yāvadindrāścaturdaśa || tena pāpena cāpnotu cāṇḍālīṃ yonimeva ca
Sanskrit only: no published translation is held for this verse.
ताम्रस्थं दुग्धमाध्वीकमुच्छिष्टे घृतमेव च ।। नारिकेलोदकं कांस्ये दुग्धं सलवणं तथा
tāmrasthaṃ dugdhamādhvīkamucchiṣṭe ghṛtameva ca || nārikelodakaṃ kāṃsye dugdhaṃ salavaṇaṃ tathā
Sanskrit only: no published translation is held for this verse.
पीतशेष जलं चैव भुक्तशेषं तथौदनम् ।। असकृच्चौदनं भुङ्क्ते सूर्य्ये नास्तं गते द्विजः
pītaśeṣa jalaṃ caiva bhuktaśeṣaṃ tathaudanam || asakṛccaudanaṃ bhuṅkte sūryye nāstaṃ gate dvijaḥ
Sanskrit only: no published translation is held for this verse.
तं यातु चन्द्रपापं च दुर्निवारं च दारुणम् ।। स यातु तेन पापेन चान्धकूपं चतुर्युगम्
taṃ yātu candrapāpaṃ ca durnivāraṃ ca dāruṇam || sa yātu tena pāpena cāndhakūpaṃ caturyugam
Sanskrit only: no published translation is held for this verse.
स्वकन्याविक्रयी विप्रो देवलो वृषवाहकः ।। शूद्राणां शवदाही च तेषां वै सूपकारकः
svakanyāvikrayī vipro devalo vṛṣavāhakaḥ || śūdrāṇāṃ śavadāhī ca teṣāṃ vai sūpakārakaḥ
Sanskrit only: no published translation is held for this verse.
अश्वत्थतरुघाती च विष्णुवैष्णवनिन्दकः ।। तं यातु चन्द्रपापं च दारुणं पापिनं भृशम् ।।
aśvatthatarughātī ca viṣṇuvaiṣṇavanindakaḥ || taṃ yātu candrapāpaṃ ca dāruṇaṃ pāpinaṃ bhṛśam ||
Sanskrit only: no published translation is held for this verse.
स यातु तस्मात्पापाच्च तप्तसूर्मीं च पातकी ।। शश्वद्दग्धो भवतु स यावदिन्द्राश्चतुर्दश
sa yātu tasmātpāpācca taptasūrmīṃ ca pātakī || śaśvaddagdho bhavatu sa yāvadindrāścaturdaśa
Sanskrit only: no published translation is held for this verse.
तस्मादुतीर्य्य चाण्डालीं योनिमाप्नोति पातकी ।। सप्तजन्मसु चाण्डालो वृषभः पञ्चजन्मसु
tasmādutīryya cāṇḍālīṃ yonimāpnoti pātakī || saptajanmasu cāṇḍālo vṛṣabhaḥ pañcajanmasu
Sanskrit only: no published translation is held for this verse.
गर्दभो जन्मशतकं सूकरस्सप्तजन्मसु ।। तीर्थध्वांक्षस्सप्तसु वै विट्कृमिः पञ्चजन्मसु ।। जलौका जन्मशतकं शुचिर्भवतु तत्परम्
gardabho janmaśatakaṃ sūkarassaptajanmasu || tīrthadhvāṃkṣassaptasu vai viṭkṛmiḥ pañcajanmasu || jalaukā janmaśatakaṃ śucirbhavatu tatparam
Sanskrit only: no published translation is held for this verse.
वृथा मांसं च यो भुङ्क्ते स्वार्थं पाकान्नमेव च ।। तददत्तं महापापी प्राप्नुयाच्चन्द्रपातकम्
vṛthā māṃsaṃ ca yo bhuṅkte svārthaṃ pākānnameva ca || tadadattaṃ mahāpāpī prāpnuyāccandrapātakam
Sanskrit only: no published translation is held for this verse.
स यातु चन्द्रपापेन चासिपत्रं चतुर्युगम् ।। ततो भवतु सर्पश्च पशुस्स्यात्सप्तजन्मसु
sa yātu candrapāpena cāsipatraṃ caturyugam || tato bhavatu sarpaśca paśussyātsaptajanmasu
Sanskrit only: no published translation is held for this verse.
विप्रो वार्धुषिको यो हि योनिजीवी चिकित्सकः ।। हरेर्नाम्नां च विक्रेता यश्च वा स्वाङ्गविक्रयी
vipro vārdhuṣiko yo hi yonijīvī cikitsakaḥ || harernāmnāṃ ca vikretā yaśca vā svāṅgavikrayī
Sanskrit only: no published translation is held for this verse.
स्वधर्मकथकश्चैव यश्च स्वात्मप्रशंसकः ।। मषीजीवी धावकश्च कुलटापोष्य एव च
svadharmakathakaścaiva yaśca svātmapraśaṃsakaḥ || maṣījīvī dhāvakaśca kulaṭāpoṣya eva ca
Sanskrit only: no published translation is held for this verse.
तं यातु चन्द्रपापं च चन्द्रो भवतु विज्वरः ।। स यातु तेन पापेन शूलप्रोतं सुदारुणम्
taṃ yātu candrapāpaṃ ca candro bhavatu vijvaraḥ || sa yātu tena pāpena śūlaprotaṃ sudāruṇam
Sanskrit only: no published translation is held for this verse.
तत्र विद्धो भवतु स यावदिन्द्राश्चतुर्दश ।। ततो दरिद्रो रोगी च दीक्षाहीनो नरः पशुः
tatra viddho bhavatu sa yāvadindrāścaturdaśa || tato daridro rogī ca dīkṣāhīno naraḥ paśuḥ
Sanskrit only: no published translation is held for this verse.
लाक्षामांसरसानां च तिलानां लवणस्य च ।। अश्वानां चैव लौहानां विक्रेता नरघातकः
lākṣāmāṃsarasānāṃ ca tilānāṃ lavaṇasya ca || aśvānāṃ caiva lauhānāṃ vikretā naraghātakaḥ
Sanskrit only: no published translation is held for this verse.
विप्रः कुलालः चौरश्च यातु तं चन्द्रपातकम् ।। स यातु तेन पापेन क्षुरधारं सुदुःसहम्
vipraḥ kulālaḥ cauraśca yātu taṃ candrapātakam || sa yātu tena pāpena kṣuradhāraṃ suduḥsaham
Sanskrit only: no published translation is held for this verse.
तत्र च्छिन्नो भवतु स यावदिन्द्रसहस्रकम् ।। तस्मादुत्तीर्य्य स भवेत्सृगालः सप्तजन्मसु
tatra cchinno bhavatu sa yāvadindrasahasrakam || tasmāduttīryya sa bhavetsṛgālaḥ saptajanmasu
Sanskrit only: no published translation is held for this verse.
सप्तजन्मसु मार्जारो महिषो जन्मपञ्चकम् ।। सप्तजन्मसु भल्लूकः कुक्कुरस्सप्तजन्मसु
saptajanmasu mārjāro mahiṣo janmapañcakam || saptajanmasu bhallūkaḥ kukkurassaptajanmasu
Sanskrit only: no published translation is held for this verse.
मत्स्यत्वे जन्मशतकं कर्कटी जन्मपञ्चकम् ।। गोधिका जन्मशतकं गर्दभः सप्तजन्मसु
matsyatve janmaśatakaṃ karkaṭī janmapañcakam || godhikā janmaśatakaṃ gardabhaḥ saptajanmasu
Sanskrit only: no published translation is held for this verse.
नाविकः शवजीवी च व्याधश्च स्वर्णकारकः ।। कुम्भकारो लोहकारस्ततः क्षत्रस्ततो द्विजः
nāvikaḥ śavajīvī ca vyādhaśca svarṇakārakaḥ || kumbhakāro lohakārastataḥ kṣatrastato dvijaḥ
Sanskrit only: no published translation is held for this verse.
प्रायश्चित्तं विना पूता त्वमेवं शुद्धमानसा ।। अकामा या बलिष्ठेन न स्त्री जारेण दुष्यति
prāyaścittaṃ vinā pūtā tvamevaṃ śuddhamānasā || akāmā yā baliṣṭhena na strī jāreṇa duṣyati
Sanskrit only: no published translation is held for this verse.
इत्येवमुक्त्वा शुक्रश्च चन्द्रं वा तारकां सतीम् ।। सस्मितां सस्मितं चैव चकार च शुभाशिषः
ityevamuktvā śukraśca candraṃ vā tārakāṃ satīm || sasmitāṃ sasmitaṃ caiva cakāra ca śubhāśiṣaḥ
Sanskrit only: no published translation is held for this verse.
इति चन्द्रं शुचिं कृत्वा समुवाच तु तारकाम् ।। त्यक्त्वा चन्द्रं महासाध्वि गच्छ कान्तमिति द्विजः
iti candraṃ śuciṃ kṛtvā samuvāca tu tārakām || tyaktvā candraṃ mahāsādhvi gaccha kāntamiti dvijaḥ
Sanskrit only: no published translation is held for this verse.