Library·Brahmavaivarta Purāṇa·2·2.64
नारायण उवाच ।। राजा येन क्रमेणैव भेजे तां प्रकृतिं पराम् ।। तच्छ्रूयतां महाभाग वेदोक्तं क्रममेव च
nārāyaṇa uvāca || rājā yena krameṇaiva bheje tāṃ prakṛtiṃ parām || tacchrūyatāṃ mahābhāga vedoktaṃ kramameva ca
Sanskrit only: no published translation is held for this verse.
स्नात्वाऽऽचम्य महाराजः कृत्वा न्यासत्रयं तदा ।। स्वकराङ्गाङ्गमन्त्राणां भूतशुद्धिं चकार सः
snātvā''camya mahārājaḥ kṛtvā nyāsatrayaṃ tadā || svakarāṅgāṅgamantrāṇāṃ bhūtaśuddhiṃ cakāra saḥ
Sanskrit only: no published translation is held for this verse.
प्राणायामं ततः कृत्वा कृत्वा च शङ्खशोधनम् ।। ध्यात्वा देवीं च मृन्मय्यां चकारावाहनं तदा
prāṇāyāmaṃ tataḥ kṛtvā kṛtvā ca śaṅkhaśodhanam || dhyātvā devīṃ ca mṛnmayyāṃ cakārāvāhanaṃ tadā
Sanskrit only: no published translation is held for this verse.
पुनर्ध्यात्वा च भक्त्या च पूजयामास भक्तितः ।। +देव्याश्च दक्षिणे भागे संस्थाप्य कमलालयाम्
punardhyātvā ca bhaktyā ca pūjayāmāsa bhaktitaḥ || +devyāśca dakṣiṇe bhāge saṃsthāpya kamalālayām
Sanskrit only: no published translation is held for this verse.
संपूज्य भक्तिभावेन भक्त्या परमधार्मिकः ।। देवषट्कं समावाह्य देव्याश्च पुरतो घटे
saṃpūjya bhaktibhāvena bhaktyā paramadhārmikaḥ || devaṣaṭkaṃ samāvāhya devyāśca purato ghaṭe
Sanskrit only: no published translation is held for this verse.
भक्त्या च पूजयामास विधिपूर्वं च नारद ।। गणेशं च दिनेशं च वह्निं विष्णुं शिवं शिवाम्
bhaktyā ca pūjayāmāsa vidhipūrvaṃ ca nārada || gaṇeśaṃ ca dineśaṃ ca vahniṃ viṣṇuṃ śivaṃ śivām
Sanskrit only: no published translation is held for this verse.
देवषट्कं च संपूज्य नमस्कृत्य विचक्षणः ।। तदा ध्यायेन्महादेवीं ध्यानेनानेन भक्तितः
devaṣaṭkaṃ ca saṃpūjya namaskṛtya vicakṣaṇaḥ || tadā dhyāyenmahādevīṃ dhyānenānena bhaktitaḥ
Sanskrit only: no published translation is held for this verse.
ध्यानं च सामवेदोक्तं परं कल्पतरुं मुने ।। ध्यायेन्नित्यं महादेवीं मूलप्रकृतिमीश्वरीम्।।
dhyānaṃ ca sāmavedoktaṃ paraṃ kalpataruṃ mune || dhyāyennityaṃ mahādevīṃ mūlaprakṛtimīśvarīm||
Sanskrit only: no published translation is held for this verse.
ब्रह्मविष्णुशिवादीनां पूज्यां वन्द्यां सनातनीम् ।। नारायणीं विष्णुमायां वैष्णवीं विष्णुभक्तिदाम्
brahmaviṣṇuśivādīnāṃ pūjyāṃ vandyāṃ sanātanīm || nārāyaṇīṃ viṣṇumāyāṃ vaiṣṇavīṃ viṣṇubhaktidām
Sanskrit only: no published translation is held for this verse.
सर्वस्वरूपां सर्वेषां सर्वाधारां परात्पराम् ।। सर्वविद्यासर्वमन्त्रसर्वशक्तिस्वरूपिणीम्
sarvasvarūpāṃ sarveṣāṃ sarvādhārāṃ parātparām || sarvavidyāsarvamantrasarvaśaktisvarūpiṇīm
Sanskrit only: no published translation is held for this verse.
सगुणां निर्गुणां सत्त्वां वरां स्वेच्छामयीं सतीम् ।। महाविष्णोश्च जननीं कृष्णस्यार्द्धाङ्गसम्भवाम्
saguṇāṃ nirguṇāṃ sattvāṃ varāṃ svecchāmayīṃ satīm || mahāviṣṇośca jananīṃ kṛṣṇasyārddhāṅgasambhavām
Sanskrit only: no published translation is held for this verse.
कृष्णप्रियां कृष्णशक्तिं कृष्णबुद्ध्यधिदेवताम् ।। कृष्णस्तुतां कृष्णपूज्यां कृष्णवन्द्यां कृपामयीम्
kṛṣṇapriyāṃ kṛṣṇaśaktiṃ kṛṣṇabuddhyadhidevatām || kṛṣṇastutāṃ kṛṣṇapūjyāṃ kṛṣṇavandyāṃ kṛpāmayīm
Sanskrit only: no published translation is held for this verse.
तप्तकाञ्चनवर्णाभां कोटिसूर्य्यसमप्रभाम् ।। ईषद्धास्यप्रसन्नास्यां भक्तानुग्रहकारिकाम्
taptakāñcanavarṇābhāṃ koṭisūryyasamaprabhām || īṣaddhāsyaprasannāsyāṃ bhaktānugrahakārikām
Sanskrit only: no published translation is held for this verse.
दुर्गां शतभुजां देवीं महद्दुर्गतिनाशिनीम् ।। त्रिलोचनप्रियां साध्वीं त्रिगुणां च त्रिलोचनाम्
durgāṃ śatabhujāṃ devīṃ mahaddurgatināśinīm || trilocanapriyāṃ sādhvīṃ triguṇāṃ ca trilocanām
Sanskrit only: no published translation is held for this verse.
त्रिलोचनप्राणरूपां शुद्धार्द्धचन्द्रशेखराम् ।। बिभ्रतीं कबरीभारं मालतीमाल्यमण्डितम्
trilocanaprāṇarūpāṃ śuddhārddhacandraśekharām || bibhratīṃ kabarībhāraṃ mālatīmālyamaṇḍitam
Sanskrit only: no published translation is held for this verse.
वर्तुलं वामवक्त्रं च शम्भोर्मानसमोहिनीम् ।। रत्नकुण्डलयुग्मेन गण्डस्थलविराजिताम्
vartulaṃ vāmavaktraṃ ca śambhormānasamohinīm || ratnakuṇḍalayugmena gaṇḍasthalavirājitām
Sanskrit only: no published translation is held for this verse.
नासादक्षिणभागेन बिभ्रतीं गजमौक्तिकम् ।। अमूल्यरत्नं बहुलं बिभ्रतीं श्रवणोपरि
nāsādakṣiṇabhāgena bibhratīṃ gajamauktikam || amūlyaratnaṃ bahulaṃ bibhratīṃ śravaṇopari
Sanskrit only: no published translation is held for this verse.
मुक्तापंक्तिविनिन्द्यैकदन्तपंक्तिसुशोभिताम् ।। पक्वबिम्बाधरोष्ठीं च सुप्रसन्नां सुमंगलाम्
muktāpaṃktivinindyaikadantapaṃktisuśobhitām || pakvabimbādharoṣṭhīṃ ca suprasannāṃ sumaṃgalām
Sanskrit only: no published translation is held for this verse.
चित्रपत्रावलीरम्यकपोलयुगलोज्ज्वलाम् ।। रत्नकेयूरवलयरत्नमञ्जीररञ्जिताम्
citrapatrāvalīramyakapolayugalojjvalām || ratnakeyūravalayaratnamañjīrarañjitām
Sanskrit only: no published translation is held for this verse.
रत्नकङ्कणभूषाढ्यां रत्नपाशंकशोभिताम् ।। रत्नांगुलीयनिकरैः करांगुलिचयोज्ज्वलाम् ।।
ratnakaṅkaṇabhūṣāḍhyāṃ ratnapāśaṃkaśobhitām || ratnāṃgulīyanikaraiḥ karāṃgulicayojjvalām ||
Sanskrit only: no published translation is held for this verse.
पादाङ्गुलिनखासक्तालक्तरेखासुशोभनाम् ।। वह्निशुद्धांशुकाधानां गन्धचन्दनचर्चिताम्
pādāṅgulinakhāsaktālaktarekhāsuśobhanām || vahniśuddhāṃśukādhānāṃ gandhacandanacarcitām
Sanskrit only: no published translation is held for this verse.
बिभ्रतीं स्तनयुग्मं च कस्तूरीबिन्दुशोभितम् ।। सर्वरूपगुणवतीं गजेन्द्रमन्दगामिनीम्
bibhratīṃ stanayugmaṃ ca kastūrībinduśobhitam || sarvarūpaguṇavatīṃ gajendramandagāminīm
Sanskrit only: no published translation is held for this verse.
अतीव कान्तां शान्तां च नितान्तां योगसिद्धिषु ।। विधातुश्च विधात्रीं च सर्वधात्रीं च शंकरीम्
atīva kāntāṃ śāntāṃ ca nitāntāṃ yogasiddhiṣu || vidhātuśca vidhātrīṃ ca sarvadhātrīṃ ca śaṃkarīm
Sanskrit only: no published translation is held for this verse.
शरत्पार्वणचन्द्रास्यामतीव सुमनोहराम् ।। कस्तूरीबिन्दुभिः सार्द्धमधश्चन्दनबिन्दुना
śaratpārvaṇacandrāsyāmatīva sumanoharām || kastūrībindubhiḥ sārddhamadhaścandanabindunā
Sanskrit only: no published translation is held for this verse.
सिन्दूरबिन्दुना शश्वद्भालमध्यस्थलोज्ज्वलाम् ।। शरन्मध्याह्नकमलप्रभामोचनलोचनाम्
sindūrabindunā śaśvadbhālamadhyasthalojjvalām || śaranmadhyāhnakamalaprabhāmocanalocanām
Sanskrit only: no published translation is held for this verse.
चारुकज्जलरेखाभ्यां सर्वतश्च समुज्ज्वलाम् ।। कोटिकन्दर्पलावण्यलीलानिन्दितविग्रहाम्
cārukajjalarekhābhyāṃ sarvataśca samujjvalām || koṭikandarpalāvaṇyalīlāninditavigrahām
Sanskrit only: no published translation is held for this verse.
रत्नसिंहासनस्थां च सद्रत्नमुकुटोज्ज्वलाम् ।। सृष्टौ स्रष्टुः शिल्परूपां दयां पातुश्च पालने
ratnasiṃhāsanasthāṃ ca sadratnamukuṭojjvalām || sṛṣṭau sraṣṭuḥ śilparūpāṃ dayāṃ pātuśca pālane
Sanskrit only: no published translation is held for this verse.
संहारकाले संहर्त्तुः परां संहाररूपिणीम् ।। निशुम्भशुम्भमथिनीं महिषासुरमर्दिनीम्
saṃhārakāle saṃharttuḥ parāṃ saṃhārarūpiṇīm || niśumbhaśumbhamathinīṃ mahiṣāsuramardinīm
Sanskrit only: no published translation is held for this verse.
पुरा त्रिपुरयुद्धे च संस्तुता त्रिपुरारिणा ।। मधुकैटभयोर्युद्धे विष्णुशक्तिस्वरूपिणीम्
purā tripurayuddhe ca saṃstutā tripurāriṇā || madhukaiṭabhayoryuddhe viṣṇuśaktisvarūpiṇīm
Sanskrit only: no published translation is held for this verse.
सर्वदैत्यनिहन्त्रीं च रक्तबीजविनाशिनीम् ।। नृसिंहशक्तिरूपां च हिरण्यकशिपोर्वधे
sarvadaityanihantrīṃ ca raktabījavināśinīm || nṛsiṃhaśaktirūpāṃ ca hiraṇyakaśiporvadhe
Sanskrit only: no published translation is held for this verse.
वराहशक्तिं वाराहे हिरण्याक्षवधे तथा।। परब्रह्मस्वरूपां च सर्वशक्तिं सदा भजे
varāhaśaktiṃ vārāhe hiraṇyākṣavadhe tathā|| parabrahmasvarūpāṃ ca sarvaśaktiṃ sadā bhaje
Sanskrit only: no published translation is held for this verse.
इति ध्यात्वा स्वशिरसि पुष्पं दत्त्वा विचक्षणः ।। पुनर्ध्यात्वा चैव भक्त्या कुर्य्यादावाहनं ततः
iti dhyātvā svaśirasi puṣpaṃ dattvā vicakṣaṇaḥ || punardhyātvā caiva bhaktyā kuryyādāvāhanaṃ tataḥ
Sanskrit only: no published translation is held for this verse.
प्रकृतेः प्रतिमां धृत्वा मन्त्रमेवं पठेन्नरः ।। जीवन्यासं ततः कुर्य्यान्मनुनाऽनेन यत्नतः
prakṛteḥ pratimāṃ dhṛtvā mantramevaṃ paṭhennaraḥ || jīvanyāsaṃ tataḥ kuryyānmanunā'nena yatnataḥ
Sanskrit only: no published translation is held for this verse.
एह्येहि भगवत्यम्ब शिवलोकात्सनातनि ।। गृहाण मम पूजां च शारदीयां सुरेश्वरि
ehyehi bhagavatyamba śivalokātsanātani || gṛhāṇa mama pūjāṃ ca śāradīyāṃ sureśvari
Sanskrit only: no published translation is held for this verse.
इहागच्छ जगत्पूज्ये तिष्ठ तिष्ठ महेश्वरि ।। हे मातरस्यामर्चायां सन्निरुद्धा भवाम्बिके
ihāgaccha jagatpūjye tiṣṭha tiṣṭha maheśvari || he mātarasyāmarcāyāṃ sanniruddhā bhavāmbike
Sanskrit only: no published translation is held for this verse.
इहागच्छन्तु त्वत्प्राणाश्चाधिप्राणैः सहाच्युते ।। इहागच्छन्तु त्वरितं तवैव सर्व शक्तयः
ihāgacchantu tvatprāṇāścādhiprāṇaiḥ sahācyute || ihāgacchantu tvaritaṃ tavaiva sarva śaktayaḥ
Sanskrit only: no published translation is held for this verse.
ॐ ह्रीं श्रीं क्लीं च दुर्गायै वह्निजायान्तमेव च ।। समुच्चार्य्योरसि प्राणाः सन्तिष्ठन्तु सदाशिवे
oṃ hrīṃ śrīṃ klīṃ ca durgāyai vahnijāyāntameva ca || samuccāryyorasi prāṇāḥ santiṣṭhantu sadāśive
Sanskrit only: no published translation is held for this verse.
सर्वेन्द्रियाधिदेवास्ते इहागच्छन्तु चण्डिके।। ते शक्तयोऽत्रागच्छन्तु इहागच्छन्तु ईश्वराः
sarvendriyādhidevāste ihāgacchantu caṇḍike|| te śaktayo'trāgacchantu ihāgacchantu īśvarāḥ
Sanskrit only: no published translation is held for this verse.
स इहागच्छेत्यावाह्य परिहारं करोति च ।। मन्त्रेणानेन विप्रेन्द्र तच्छृणुष्व समाहितः
sa ihāgacchetyāvāhya parihāraṃ karoti ca || mantreṇānena viprendra tacchṛṇuṣva samāhitaḥ
Sanskrit only: no published translation is held for this verse.
स्वागतं भगवत्यम्ब शिवलोकाच्छिवप्रिये ।। प्रसादं कुरु मां भद्रे भद्रकालि नमोऽस्तु ते
svāgataṃ bhagavatyamba śivalokācchivapriye || prasādaṃ kuru māṃ bhadre bhadrakāli namo'stu te
Sanskrit only: no published translation is held for this verse.
धन्योऽहं कृतकृत्योऽहं सफलं जीवनं मम ।। आगताऽसि यतो दुर्गे माहेश्वरि मदालयम्
dhanyo'haṃ kṛtakṛtyo'haṃ saphalaṃ jīvanaṃ mama || āgatā'si yato durge māheśvari madālayam
Sanskrit only: no published translation is held for this verse.
अद्य मे सफलं जन्म सार्थकं जीवनं मम ।। पूजयामि यतो दुर्गां पुण्यक्षेत्रे च भारते
adya me saphalaṃ janma sārthakaṃ jīvanaṃ mama || pūjayāmi yato durgāṃ puṇyakṣetre ca bhārate
Sanskrit only: no published translation is held for this verse.
भारते भवतीं पूज्यां दुर्गां यः पूजयेद् बुधः ।। सोऽन्ते याति च गोलोकं परमैश्वर्य्यवानिह
bhārate bhavatīṃ pūjyāṃ durgāṃ yaḥ pūjayed budhaḥ || so'nte yāti ca golokaṃ paramaiśvaryyavāniha
Sanskrit only: no published translation is held for this verse.
कृत्वा च वैष्णवीपूजां विष्णुलोकं व्रजेत्सुधीः ।। माहेश्वरीं च संपूज्य शिवलोकं च गच्छति
kṛtvā ca vaiṣṇavīpūjāṃ viṣṇulokaṃ vrajetsudhīḥ || māheśvarīṃ ca saṃpūjya śivalokaṃ ca gacchati
Sanskrit only: no published translation is held for this verse.
सात्त्विकी राजसी चैव त्रिधा पूजा च तामसी ।। भगवत्याश्च वेदोक्ता चोत्तमा मध्यमा ऽधमा
sāttvikī rājasī caiva tridhā pūjā ca tāmasī || bhagavatyāśca vedoktā cottamā madhyamā 'dhamā
Sanskrit only: no published translation is held for this verse.
सात्त्विकी वैष्णवानां च शाक्तादीनां च राजसी ।। अदीक्षितानामसतामन्येषां तामसी स्मृता
sāttvikī vaiṣṇavānāṃ ca śāktādīnāṃ ca rājasī || adīkṣitānāmasatāmanyeṣāṃ tāmasī smṛtā
Sanskrit only: no published translation is held for this verse.
जीवहत्या विहीना या वरा पूजा तु वैष्णवी ।। वैष्णवा यान्ति गोलोकं वैष्णवीबलिदानतः
jīvahatyā vihīnā yā varā pūjā tu vaiṣṇavī || vaiṣṇavā yānti golokaṃ vaiṣṇavībalidānataḥ
Sanskrit only: no published translation is held for this verse.
माहेश्वरी राजसी च बलिदानसमन्विता ।। शाक्तादयो राजसाश्च कैलासं यान्ति ते तथा
māheśvarī rājasī ca balidānasamanvitā || śāktādayo rājasāśca kailāsaṃ yānti te tathā
Sanskrit only: no published translation is held for this verse.
किरातास्त्रिदिवं यान्ति तामस्या पूजया तया ।। त्वमेव जगतां मातश्चतुर्वर्गफलप्रदा
kirātāstridivaṃ yānti tāmasyā pūjayā tayā || tvameva jagatāṃ mātaścaturvargaphalapradā
Sanskrit only: no published translation is held for this verse.
सर्वशक्तिस्वरूपा च कृष्णस्य परमात्मनः ।। जन्ममृत्युजराव्याधिहरा त्वं च परात्परा
sarvaśaktisvarūpā ca kṛṣṇasya paramātmanaḥ || janmamṛtyujarāvyādhiharā tvaṃ ca parātparā
Sanskrit only: no published translation is held for this verse.
सुखदा मोक्षदा भद्रा कृष्णभक्तिप्रदा सदा ।। नारायणि महामाये दुर्गे दुर्गतिनाशिनि
sukhadā mokṣadā bhadrā kṛṣṇabhaktipradā sadā || nārāyaṇi mahāmāye durge durgatināśini
Sanskrit only: no published translation is held for this verse.
दुर्गेति स्मृतिमात्रेण याति दुर्गं नृणामिह ।। इति कृत्वा परीहारं देव्या वामे च साधकः
durgeti smṛtimātreṇa yāti durgaṃ nṛṇāmiha || iti kṛtvā parīhāraṃ devyā vāme ca sādhakaḥ
Sanskrit only: no published translation is held for this verse.
त्रिपद्या उपरिष्टात्तु शंखं संस्थापयेत्तु सः ।। तत्र दत्त्वा जलं पूर्णं दूर्वां पुष्पं च चन्दनम्
tripadyā upariṣṭāttu śaṃkhaṃ saṃsthāpayettu saḥ || tatra dattvā jalaṃ pūrṇaṃ dūrvāṃ puṣpaṃ ca candanam
Sanskrit only: no published translation is held for this verse.
धृत्वा दक्षिणहस्तेन मन्त्रमेवं पठेन्नरः ।। पुण्यस्त्वं शंख पुण्यानां मङ्गलानां च मङ्गलम् ।। प्रभूतः शंखचूडात्त्वं पुरा कल्पे पवित्रकः
dhṛtvā dakṣiṇahastena mantramevaṃ paṭhennaraḥ || puṇyastvaṃ śaṃkha puṇyānāṃ maṅgalānāṃ ca maṅgalam || prabhūtaḥ śaṃkhacūḍāttvaṃ purā kalpe pavitrakaḥ
Sanskrit only: no published translation is held for this verse.
ततोऽर्घ्यपात्रं संस्थाप्य विधिनाऽनेन पण्डितः ।। दत्त्वा संपूजयेद्देवीमुपचारांश्च षोडश
tato'rghyapātraṃ saṃsthāpya vidhinā'nena paṇḍitaḥ || dattvā saṃpūjayeddevīmupacārāṃśca ṣoḍaśa
Sanskrit only: no published translation is held for this verse.
त्रिकोणमण्डलं कृत्वा सजलेन कुशेन च ।। कूर्मं शेषं धरित्रीं च पूजयेत्तत्र धार्मिकः
trikoṇamaṇḍalaṃ kṛtvā sajalena kuśena ca || kūrmaṃ śeṣaṃ dharitrīṃ ca pūjayettatra dhārmikaḥ
Sanskrit only: no published translation is held for this verse.
त्रिपदीं स्थापयेत्तत्र त्रिपद्यां शंखमेव च ।। शंखे त्रिभागतोयं च दत्त्वा संपूजयेत्ततः
tripadīṃ sthāpayettatra tripadyāṃ śaṃkhameva ca || śaṃkhe tribhāgatoyaṃ ca dattvā saṃpūjayettataḥ
Sanskrit only: no published translation is held for this verse.
स्वर्णरेखे कनखले पारिभद्रे च गण्डकि ।। श्वेतगङ्गे रुद्ररेखे पम्पे चम्पे च गोमति ।।
svarṇarekhe kanakhale pāribhadre ca gaṇḍaki || śvetagaṅge rudrarekhe pampe campe ca gomati ||
Sanskrit only: no published translation is held for this verse.
पद्मावति त्रिपर्णाशे विपाशे विरजे प्रभे ।। शतह्रदे चेलगंगे जलेऽस्मिन्सन्निधिं कुरु
padmāvati triparṇāśe vipāśe viraje prabhe || śatahrade celagaṃge jale'sminsannidhiṃ kuru
Sanskrit only: no published translation is held for this verse.
वह्निं सूर्य्यं च चन्द्रं च विष्णुं च वरुणं शिवम् ।। पूजयेत्तत्र तोये च तुलस्या चन्दनेन च ।। नैवेद्यानि च सर्वाणि प्रोक्षयेत्तज्जलेन च
vahniṃ sūryyaṃ ca candraṃ ca viṣṇuṃ ca varuṇaṃ śivam || pūjayettatra toye ca tulasyā candanena ca || naivedyāni ca sarvāṇi prokṣayettajjalena ca
Sanskrit only: no published translation is held for this verse.
प्रत्येकं वै ततो दद्यादुपचारांश्च षोडश ।। आसनं वसनं पाद्यं स्नानीयमनुलेपनम्
pratyekaṃ vai tato dadyādupacārāṃśca ṣoḍaśa || āsanaṃ vasanaṃ pādyaṃ snānīyamanulepanam
Sanskrit only: no published translation is held for this verse.
मधुपर्कं गन्धमर्घ्यं पुष्पं नैवेद्यमीप्सितम् ।। पुनराचमनीयं च ताम्बूलं रत्नभूषणम्
madhuparkaṃ gandhamarghyaṃ puṣpaṃ naivedyamīpsitam || punarācamanīyaṃ ca tāmbūlaṃ ratnabhūṣaṇam
Sanskrit only: no published translation is held for this verse.
धूपं प्रदीपं तल्पं चेत्युपचारास्तु षोडश
dhūpaṃ pradīpaṃ talpaṃ cetyupacārāstu ṣoḍaśa
Sanskrit only: no published translation is held for this verse.
अमूल्यरत्नसंक्लृप्तं नानाचित्र विराजितम् ।। वरं सिंहासनं श्रेष्ठं गृह्यतां शङ्करप्रिये
amūlyaratnasaṃklṛptaṃ nānācitra virājitam || varaṃ siṃhāsanaṃ śreṣṭhaṃ gṛhyatāṃ śaṅkarapriye
Sanskrit only: no published translation is held for this verse.
अनन्तसूत्रप्रभवमीश्वरेच्छाविनिर्मितम् ।। ज्वलदग्निविशुद्धं च वसनं गृह्यतां शिवे
anantasūtraprabhavamīśvarecchāvinirmitam || jvaladagniviśuddhaṃ ca vasanaṃ gṛhyatāṃ śive
Sanskrit only: no published translation is held for this verse.
अमूल्यरत्नपात्रस्थं निर्मलं जाह्नवीजलम् ।। पादप्रक्षालनार्थाय दुर्गे देवि प्रगृह्यताम् ।।
amūlyaratnapātrasthaṃ nirmalaṃ jāhnavījalam || pādaprakṣālanārthāya durge devi pragṛhyatām ||
Sanskrit only: no published translation is held for this verse.
सुगन्धामलकीस्निग्धद्रवमेतत्सुदुर्लभम् ।। सुपक्वं विष्णुतैलं च गृह्यतां परमेश्वरि
sugandhāmalakīsnigdhadravametatsudurlabham || supakvaṃ viṣṇutailaṃ ca gṛhyatāṃ parameśvari
Sanskrit only: no published translation is held for this verse.
कस्तूरीकुंकुमाक्तं च सुगन्धि द्रुतचन्दनम् ।। सुवासितं जगन्मातर्गृह्यतामनुलेपनम्
kastūrīkuṃkumāktaṃ ca sugandhi drutacandanam || suvāsitaṃ jaganmātargṛhyatāmanulepanam
Sanskrit only: no published translation is held for this verse.
माध्वीकं रत्नपात्रस्थं सुपवित्रं सुमङ्गलम् ।। मधुपर्कं महादेवि गृह्यतां प्रीतिपूर्वकम्
mādhvīkaṃ ratnapātrasthaṃ supavitraṃ sumaṅgalam || madhuparkaṃ mahādevi gṛhyatāṃ prītipūrvakam
Sanskrit only: no published translation is held for this verse.
सुगन्धमूलचूर्णं च सुगन्धद्रव्यसंयुतम् ।। सुपवित्रं मङ्गलार्हं देवि गन्धं गृहाण मे
sugandhamūlacūrṇaṃ ca sugandhadravyasaṃyutam || supavitraṃ maṅgalārhaṃ devi gandhaṃ gṛhāṇa me
Sanskrit only: no published translation is held for this verse.
पवित्रं शंखपात्रस्थं दूर्वापुष्पाक्षतान्वितम् ।। स्वर्गमन्दाकिनीतोयमर्घ्यं चण्डि गृहाण मे
pavitraṃ śaṃkhapātrasthaṃ dūrvāpuṣpākṣatānvitam || svargamandākinītoyamarghyaṃ caṇḍi gṛhāṇa me
Sanskrit only: no published translation is held for this verse.
सुगन्धि पुष्पश्रेष्ठं च पारिजाततरूद्भवम् ।। नानापुष्पादिमाल्यानि गृह्यन्तां जगदम्बिके
sugandhi puṣpaśreṣṭhaṃ ca pārijātatarūdbhavam || nānāpuṣpādimālyāni gṛhyantāṃ jagadambike
Sanskrit only: no published translation is held for this verse.
दिव्यं सिद्धान्नमामान्नं पिष्टकं पायसादिकम् ।। मिष्टान्नं लड्डुकफलं नैवेद्यं गृह्यतां शिवे
divyaṃ siddhānnamāmānnaṃ piṣṭakaṃ pāyasādikam || miṣṭānnaṃ laḍḍukaphalaṃ naivedyaṃ gṛhyatāṃ śive
Sanskrit only: no published translation is held for this verse.
सुवासितं शीततोयं कर्पूरादिसुसंस्कृतम्।। मया निवेदितं भक्त्या गृह्यतां शैलकन्यके
suvāsitaṃ śītatoyaṃ karpūrādisusaṃskṛtam|| mayā niveditaṃ bhaktyā gṛhyatāṃ śailakanyake
Sanskrit only: no published translation is held for this verse.
गुवाकपर्णचूर्णं च कर्पूरादिसुवासितम् ।। सर्वभोगकरं रम्यं ताम्बूलं देवि गृह्यताम्
guvākaparṇacūrṇaṃ ca karpūrādisuvāsitam || sarvabhogakaraṃ ramyaṃ tāmbūlaṃ devi gṛhyatām
Sanskrit only: no published translation is held for this verse.
अमूल्यरत्नसारैश्च खचितं चेश्वरेच्छया ।। सर्वाङ्गशोभनकरं भूषणं देवि गृह्यताम्
amūlyaratnasāraiśca khacitaṃ ceśvarecchayā || sarvāṅgaśobhanakaraṃ bhūṣaṇaṃ devi gṛhyatām
Sanskrit only: no published translation is held for this verse.
तरुनिर्य्यासचूर्णं च गन्धवस्तुसमन्वितम् ।। हुताशमशिखाशुद्धं धूपं देवि च गृह्यताम्
taruniryyāsacūrṇaṃ ca gandhavastusamanvitam || hutāśamaśikhāśuddhaṃ dhūpaṃ devi ca gṛhyatām
Sanskrit only: no published translation is held for this verse.
दिव्यरत्नविशेषं च सान्द्रध्वान्तनिवारकम् ।। सुपवित्रं प्रदीपं च गृह्यतां परमेश्वरि
divyaratnaviśeṣaṃ ca sāndradhvāntanivārakam || supavitraṃ pradīpaṃ ca gṛhyatāṃ parameśvari
Sanskrit only: no published translation is held for this verse.
रत्नसारगणाकीर्णं दिव्यं पर्य्यङ्कमुत्तमम् ।। सूक्ष्मवस्त्रैश्च संस्यूतं देवि तल्पं प्रगृह्यताम्
ratnasāragaṇākīrṇaṃ divyaṃ paryyaṅkamuttamam || sūkṣmavastraiśca saṃsyūtaṃ devi talpaṃ pragṛhyatām
Sanskrit only: no published translation is held for this verse.
एवं संपूज्य तां दुर्गां दद्यात्पुष्पाञ्जलिं मुने ।। ततोऽष्टनायका देवीर्यत्नतः परिपूजयेत्
evaṃ saṃpūjya tāṃ durgāṃ dadyātpuṣpāñjaliṃ mune || tato'ṣṭanāyakā devīryatnataḥ paripūjayet
Sanskrit only: no published translation is held for this verse.
उग्रचण्डां प्रचण्डां च चण्डोग्रां चण्डनायिकाम् ।। अतिचण्डां च चण्डां च चण्डां चण्डवतीं तथा
ugracaṇḍāṃ pracaṇḍāṃ ca caṇḍogrāṃ caṇḍanāyikām || aticaṇḍāṃ ca caṇḍāṃ ca caṇḍāṃ caṇḍavatīṃ tathā
Sanskrit only: no published translation is held for this verse.
पद्मे चाष्टदले चैताः प्रागादिक्रमतस्तथा।। पञ्चोपचारैः संपूज्य भैरवान्मध्यदेशतः
padme cāṣṭadale caitāḥ prāgādikramatastathā|| pañcopacāraiḥ saṃpūjya bhairavānmadhyadeśataḥ
Sanskrit only: no published translation is held for this verse.
आदौ महाभैरवं च तथा संहारभैरवम् ।। असितांगभैरवं च रुरुभैरवमेव च
ādau mahābhairavaṃ ca tathā saṃhārabhairavam || asitāṃgabhairavaṃ ca rurubhairavameva ca
Sanskrit only: no published translation is held for this verse.
कालभैरवमप्येवं क्रोधभैरवमेव च ।। ताम्रचूडं चन्द्रचूडमन्ते वै भैरवद्वयम्
kālabhairavamapyevaṃ krodhabhairavameva ca || tāmracūḍaṃ candracūḍamante vai bhairavadvayam
Sanskrit only: no published translation is held for this verse.
एतान्संपूज्य मध्ये वै नव शक्तींश्च पूजयेत् ।। तत्र पद्मे चाष्टदले मध्ये वै भक्तिपूर्वकम्
etānsaṃpūjya madhye vai nava śaktīṃśca pūjayet || tatra padme cāṣṭadale madhye vai bhaktipūrvakam
Sanskrit only: no published translation is held for this verse.
ब्रह्माणीं वैष्णवीं चैव रौद्रीं माहेश्वरीं तथा ।। नारसिंही च वाराहीमिन्द्राणीं कार्त्तिकीं तथा
brahmāṇīṃ vaiṣṇavīṃ caiva raudrīṃ māheśvarīṃ tathā || nārasiṃhī ca vārāhīmindrāṇīṃ kārttikīṃ tathā
Sanskrit only: no published translation is held for this verse.
सर्वशक्तिस्वरूपां च प्रधानां सर्वमङ्गलाम् ।। नव शक्तीश्च संपूज्य घटे देवांश्च पूजयेत्
sarvaśaktisvarūpāṃ ca pradhānāṃ sarvamaṅgalām || nava śaktīśca saṃpūjya ghaṭe devāṃśca pūjayet
Sanskrit only: no published translation is held for this verse.
शङ्करं कार्त्तिकेयं च सूर्य्यं सोमं हुताशनम् ।। वायुं च वरुणं चैव देव्याश्चेटीं बटुं तथा
śaṅkaraṃ kārttikeyaṃ ca sūryyaṃ somaṃ hutāśanam || vāyuṃ ca varuṇaṃ caiva devyāśceṭīṃ baṭuṃ tathā
Sanskrit only: no published translation is held for this verse.
चतुष्षष्टिं योगिनीनां संपूज्य विधिपूर्वकम् ।। यथाशक्ति बलिं दत्त्वा करोति स्तवनं बुधः
catuṣṣaṣṭiṃ yoginīnāṃ saṃpūjya vidhipūrvakam || yathāśakti baliṃ dattvā karoti stavanaṃ budhaḥ
Sanskrit only: no published translation is held for this verse.
कवचं च गले बद्ध्वा पठित्वा भक्तिपूर्वकम् ।। ततः कृत्वा परीहारं नमस्कुर्य्याद्विचक्षणः
kavacaṃ ca gale baddhvā paṭhitvā bhaktipūrvakam || tataḥ kṛtvā parīhāraṃ namaskuryyādvicakṣaṇaḥ
Sanskrit only: no published translation is held for this verse.
बलिदानविधानं च श्रूयतां मुनिसत्तम ।। मायार्तिं महिषं छागं दद्यान्मेषादिकं शुभम्
balidānavidhānaṃ ca śrūyatāṃ munisattama || māyārtiṃ mahiṣaṃ chāgaṃ dadyānmeṣādikaṃ śubham
Sanskrit only: no published translation is held for this verse.
सहस्रवर्षं सुप्रीता दुर्गा मायातिदानतः ।। महिषाच्छतवर्षं च दशवर्षं च छागलात्
sahasravarṣaṃ suprītā durgā māyātidānataḥ || mahiṣācchatavarṣaṃ ca daśavarṣaṃ ca chāgalāt
Sanskrit only: no published translation is held for this verse.
वर्षं मेषेण कूष्माण्डैः पक्षिभिर्हरिणैस्तथा ।। दशवर्षं कृष्णसारैः सहस्राब्दं च गण्डकैः
varṣaṃ meṣeṇa kūṣmāṇḍaiḥ pakṣibhirhariṇaistathā || daśavarṣaṃ kṛṣṇasāraiḥ sahasrābdaṃ ca gaṇḍakaiḥ
Sanskrit only: no published translation is held for this verse.
कृत्रिमैः पिष्टकलितैः षण्मासं पशुभिस्तथा ।। मासं सुपक्वादिफलैरक्षतैरिति नारद
kṛtrimaiḥ piṣṭakalitaiḥ ṣaṇmāsaṃ paśubhistathā || māsaṃ supakvādiphalairakṣatairiti nārada
Sanskrit only: no published translation is held for this verse.
युवकं व्याधिहीनं च सशृंगं लक्षणान्वितम् ।। विशुद्धमविकारांगं सुवर्णं पुष्टमेव च
yuvakaṃ vyādhihīnaṃ ca saśṛṃgaṃ lakṣaṇānvitam || viśuddhamavikārāṃgaṃ suvarṇaṃ puṣṭameva ca
Sanskrit only: no published translation is held for this verse.
शिशुना बलिना दातुर्हन्ति पुत्रं च चण्डिका ।। वृद्धेन वै गुरुजनं कृशेनापीष्टबान्धवान्
śiśunā balinā dāturhanti putraṃ ca caṇḍikā || vṛddhena vai gurujanaṃ kṛśenāpīṣṭabāndhavān
Sanskrit only: no published translation is held for this verse.
गङ्गे च यमुने चैव गोदावरि सरस्वति ।। नर्म्मदे सिन्धुकावेरि चन्द्रभागे च कौशिकि
gaṅge ca yamune caiva godāvari sarasvati || narmmade sindhukāveri candrabhāge ca kauśiki
Sanskrit only: no published translation is held for this verse.
घुटिकेन भवेन्मृत्युर्विघ्नं स्याच्चित्रमस्तकैः ।। हन्ति मित्रं ताम्रपृष्ठैर्भ्रष्टश्रीः पुच्छहीनतः
ghuṭikena bhavenmṛtyurvighnaṃ syāccitramastakaiḥ || hanti mitraṃ tāmrapṛṣṭhairbhraṣṭaśrīḥ pucchahīnataḥ
Sanskrit only: no published translation is held for this verse.
मायातीनां स्वरूपं च श्रूयतां मुनिसत्तम ।। वक्ष्याम्यथर्ववेदोक्तं फलहानिर्व्यतिक्रमे
māyātīnāṃ svarūpaṃ ca śrūyatāṃ munisattama || vakṣyāmyatharvavedoktaṃ phalahānirvyatikrame
Sanskrit only: no published translation is held for this verse.
पितृमातृविहीनं च युवकं व्याधिवर्जितम् ।। विवाहितं दीक्षितं च परदारविहीनकम्
pitṛmātṛvihīnaṃ ca yuvakaṃ vyādhivarjitam || vivāhitaṃ dīkṣitaṃ ca paradāravihīnakam
Sanskrit only: no published translation is held for this verse.
अजारजं विशुद्धं च सच्छूद्रपरिपोषितम् ।। तद्बन्धुभ्यो धनं दत्त्वा क्रीतमूल्यातिरेकतः
ajārajaṃ viśuddhaṃ ca sacchūdraparipoṣitam || tadbandhubhyo dhanaṃ dattvā krītamūlyātirekataḥ
Sanskrit only: no published translation is held for this verse.
स्नापयित्वा च तं कर्त्ता पूजयेद्वस्त्रचन्दनैः ।। माल्यैर्धूपैश्च सिन्दूरैर्दधिगोरोचनादिभिः
snāpayitvā ca taṃ karttā pūjayedvastracandanaiḥ || mālyairdhūpaiśca sindūrairdadhigorocanādibhiḥ
Sanskrit only: no published translation is held for this verse.
तं च वर्षं भ्रामयित्वा भृत्यद्वारेण यत्नतः ।। वर्षान्ते च समुत्सृज्य दुर्गायै तं निवेदयेत्
taṃ ca varṣaṃ bhrāmayitvā bhṛtyadvāreṇa yatnataḥ || varṣānte ca samutsṛjya durgāyai taṃ nivedayet
Sanskrit only: no published translation is held for this verse.
अष्टमीनवमीसन्धौ दद्यान्मायातिमेव च ।। इत्येवं कथितं सर्वं बलिदानं प्रसङ्गतः
aṣṭamīnavamīsandhau dadyānmāyātimeva ca || ityevaṃ kathitaṃ sarvaṃ balidānaṃ prasaṅgataḥ
Sanskrit only: no published translation is held for this verse.
बलिं स्तुत्वा च दत्त्वा च धृत्वा च कवचं बुधः ।। प्रणम्य दण्डवद्भूमौ दद्याद्विप्राय दक्षिणाम्
baliṃ stutvā ca dattvā ca dhṛtvā ca kavacaṃ budhaḥ || praṇamya daṇḍavadbhūmau dadyādviprāya dakṣiṇām
Sanskrit only: no published translation is held for this verse.