Brahmavaivarta Purāṇa 2.9

नारद उवाच।। भूमिदानकृतं पुण्यं पापं तद्धरणेन यत् ।। परभूमौ श्राद्धरूपं कूपे कुपदजं तथा

nārada uvāca|| bhūmidānakṛtaṃ puṇyaṃ pāpaṃ taddharaṇena yat || parabhūmau śrāddharūpaṃ kūpe kupadajaṃ tathā

Sanskrit only: no published translation is held for this verse.

अम्बुवीचीभूखननबीजत्यागजमेव च ।। दीपादिस्थापनात्पापं श्रोतुमिच्छामि यत्नतः

ambuvīcībhūkhananabījatyāgajameva ca || dīpādisthāpanātpāpaṃ śrotumicchāmi yatnataḥ

Sanskrit only: no published translation is held for this verse.

अन्यद्वा पृथिवीजन्यं पापं यत्प्रश्नतः परम् ।। यदस्ति तत्प्रतीकारं वद वेदविदां वर

anyadvā pṛthivījanyaṃ pāpaṃ yatpraśnataḥ param || yadasti tatpratīkāraṃ vada vedavidāṃ vara

Sanskrit only: no published translation is held for this verse.

नारायण उवाच।। वितस्तिमात्रं भूमिं च यो ददाति च भारते।। सन्ध्यापूताय विप्राय स यायाद्विष्णुमन्दिरम्

nārāyaṇa uvāca|| vitastimātraṃ bhūmiṃ ca yo dadāti ca bhārate|| sandhyāpūtāya viprāya sa yāyādviṣṇumandiram

Sanskrit only: no published translation is held for this verse.

भूमिं च सर्वसस्याढ्या ब्राह्मणाय ददाति यः।। भूमिरेणुप्रमाणे च वर्षे विष्णुपदे वसेत्

bhūmiṃ ca sarvasasyāḍhyā brāhmaṇāya dadāti yaḥ|| bhūmireṇupramāṇe ca varṣe viṣṇupade vaset

Sanskrit only: no published translation is held for this verse.

ग्रामं भूमिं च धान्यं च यो ददात्याददाति यः ।। सर्वपापाद्विनिर्मुक्तौ चोभौ वैकुण्ठवासिनौ

grāmaṃ bhūmiṃ ca dhānyaṃ ca yo dadātyādadāti yaḥ || sarvapāpādvinirmuktau cobhau vaikuṇṭhavāsinau

Sanskrit only: no published translation is held for this verse.

भूमिदानं च तत्काले यः साधुश्चानुमोदते ।। स प्रयाति च वैकुण्ठं मित्रगोत्रसमन्वितः

bhūmidānaṃ ca tatkāle yaḥ sādhuścānumodate || sa prayāti ca vaikuṇṭhaṃ mitragotrasamanvitaḥ

Sanskrit only: no published translation is held for this verse.

स्वदत्तां परदत्तां वा ब्रह्मवृत्तिं हरेत्तु यः ।। कालसूत्रे तिष्ठति स यावच्चन्द्रदिवाकरौ

svadattāṃ paradattāṃ vā brahmavṛttiṃ harettu yaḥ || kālasūtre tiṣṭhati sa yāvaccandradivākarau

Sanskrit only: no published translation is held for this verse.

तत्पुत्रपौत्रप्रभृतिर्भूमिहीनः श्रिया हतः ।। सुखहीनो दरिद्रः स्यादन्ते याति च रौरवम्

tatputrapautraprabhṛtirbhūmihīnaḥ śriyā hataḥ || sukhahīno daridraḥ syādante yāti ca rauravam

Sanskrit only: no published translation is held for this verse.

गवां मार्गं विनिष्कृष्य यश्च सस्यं ददाति सः ।। दिव्यं वर्षशतं चैव कुम्भीपाके च तिष्ठति

gavāṃ mārgaṃ viniṣkṛṣya yaśca sasyaṃ dadāti saḥ || divyaṃ varṣaśataṃ caiva kumbhīpāke ca tiṣṭhati

Sanskrit only: no published translation is held for this verse.

गोष्ठं तडागं निष्कृष्य मार्गं सस्यं ददाति यः ।। स च तिष्ठत्यसीपत्रे यावदिन्द्राश्चतुर्दश

goṣṭhaṃ taḍāgaṃ niṣkṛṣya mārgaṃ sasyaṃ dadāti yaḥ || sa ca tiṣṭhatyasīpatre yāvadindrāścaturdaśa

Sanskrit only: no published translation is held for this verse.

न पञ्चपिण्डमुद्धृत्य स्नाति कूपे परस्य यः।। प्राप्नोति नरकं चैव न स्नानफलमेव च

na pañcapiṇḍamuddhṛtya snāti kūpe parasya yaḥ|| prāpnoti narakaṃ caiva na snānaphalameva ca

Sanskrit only: no published translation is held for this verse.

कामी भूमौ च रहसि बीजत्यागं करोति यः ।। स्निग्धरेणुप्रमाणं च वर्षं तिष्ठति रौरवे

kāmī bhūmau ca rahasi bījatyāgaṃ karoti yaḥ || snigdhareṇupramāṇaṃ ca varṣaṃ tiṣṭhati raurave

Sanskrit only: no published translation is held for this verse.

अम्बुवीच्यम्बुखननं यः करोति च मानवः ।। स याति कृमिदंशं च स्थितिस्तत्र चतुर्युगम्

ambuvīcyambukhananaṃ yaḥ karoti ca mānavaḥ || sa yāti kṛmidaṃśaṃ ca sthitistatra caturyugam

Sanskrit only: no published translation is held for this verse.

परकीये लुप्तकूपे कूपं मूढः करोति यः ।। पुष्करिण्यां च लुप्तायां तां ददाति च यो नरः

parakīye luptakūpe kūpaṃ mūḍhaḥ karoti yaḥ || puṣkariṇyāṃ ca luptāyāṃ tāṃ dadāti ca yo naraḥ

Sanskrit only: no published translation is held for this verse.

परकीयतडागे च पङ्कमुद्धृत्य चोत्सृजेत् ।। रेणुप्रमाणवर्षं च ब्रह्मलोके वसेन्नरः

parakīyataḍāge ca paṅkamuddhṛtya cotsṛjet || reṇupramāṇavarṣaṃ ca brahmaloke vasennaraḥ

Sanskrit only: no published translation is held for this verse.

पिण्डं पित्रे भूतिभर्त्तुर्न प्रदाय च मानवः ।। श्राद्धं करोति यो मूढो नरकं याति निश्चितम्

piṇḍaṃ pitre bhūtibhartturna pradāya ca mānavaḥ || śrāddhaṃ karoti yo mūḍho narakaṃ yāti niścitam

Sanskrit only: no published translation is held for this verse.

भूमौ दीपं योऽर्पयति सोऽन्धः सप्तसु जन्मसु ।। भूमौ शंखं च संस्थाप्य कुष्ठं जन्मान्तरे लभेत्

bhūmau dīpaṃ yo'rpayati so'ndhaḥ saptasu janmasu || bhūmau śaṃkhaṃ ca saṃsthāpya kuṣṭhaṃ janmāntare labhet

Sanskrit only: no published translation is held for this verse.

मुक्तामाणिक्यहीरं च सुवर्णं च मणिं तथा ।। यश्च संस्थापयेद्भूमौ दरिद्रः सप्तजन्मसु

muktāmāṇikyahīraṃ ca suvarṇaṃ ca maṇiṃ tathā || yaśca saṃsthāpayedbhūmau daridraḥ saptajanmasu

Sanskrit only: no published translation is held for this verse.

शिवलिङ्गं शिलामर्च्यां यश्चार्पयति भूतले ।। शतमन्वन्तरं यावत्कृमिभक्षे स तिष्ठति

śivaliṅgaṃ śilāmarcyāṃ yaścārpayati bhūtale || śatamanvantaraṃ yāvatkṛmibhakṣe sa tiṣṭhati

Sanskrit only: no published translation is held for this verse.

सूक्तं मन्त्रं शिलातोयं पुष्पं च तुलसीदलम् ।। यश्चार्पयति भूमौ च स तिष्ठेन्नरके युगम्

sūktaṃ mantraṃ śilātoyaṃ puṣpaṃ ca tulasīdalam || yaścārpayati bhūmau ca sa tiṣṭhennarake yugam

Sanskrit only: no published translation is held for this verse.

जपमालां पुष्पमालां कर्पूरं रोचनां तथा ।। यो मूढश्चार्पयेद्भूमौ स याति नरकं ध्रुवम्

japamālāṃ puṣpamālāṃ karpūraṃ rocanāṃ tathā || yo mūḍhaścārpayedbhūmau sa yāti narakaṃ dhruvam

Sanskrit only: no published translation is held for this verse.

मुने चन्दनकाष्ठं च रुद्राक्षं कुशमूलकम् ।। संस्थाप्य भूमौ नरके वसेन्मन्वन्तरावधि

mune candanakāṣṭhaṃ ca rudrākṣaṃ kuśamūlakam || saṃsthāpya bhūmau narake vasenmanvantarāvadhi

Sanskrit only: no published translation is held for this verse.

ब्रह्महत्यासमं पापमिह वै लभते ध्रुवम्।। ग्रन्थियुक्तं यज्ञसूत्रं पूज्यं स्यात्सर्ववर्णकैः

brahmahatyāsamaṃ pāpamiha vai labhate dhruvam|| granthiyuktaṃ yajñasūtraṃ pūjyaṃ syātsarvavarṇakaiḥ

Sanskrit only: no published translation is held for this verse.

यज्ञं कृत्वा तु यो भूमिं क्षीरेण नहि सिञ्चति।। स याति तप्तसूर्मिं च संतप्तः सर्वजन्मसु

yajñaṃ kṛtvā tu yo bhūmiṃ kṣīreṇa nahi siñcati|| sa yāti taptasūrmiṃ ca saṃtaptaḥ sarvajanmasu

Sanskrit only: no published translation is held for this verse.

भूकम्पे ग्रहणे यो हि करोति खननं भुवः ।। जन्मान्तरे महापापी सोऽङ्गहीनो भवेद्ध्रुवम्

bhūkampe grahaṇe yo hi karoti khananaṃ bhuvaḥ || janmāntare mahāpāpī so'ṅgahīno bhaveddhruvam

Sanskrit only: no published translation is held for this verse.

पुस्तकं यज्ञसूत्रं च भूमौ संस्थापयेत्तु यः।। न भवेद्विप्रयोनौ च तस्य जन्मान्तरे जनिः

pustakaṃ yajñasūtraṃ ca bhūmau saṃsthāpayettu yaḥ|| na bhavedviprayonau ca tasya janmāntare janiḥ

Sanskrit only: no published translation is held for this verse.

हरेरूरौ च या जाता सा चोर्वी परिकीर्त्तिता ।। धरा धरित्री धरणी सर्वेषां धरणात्तु या

harerūrau ca yā jātā sā corvī parikīrttitā || dharā dharitrī dharaṇī sarveṣāṃ dharaṇāttu yā

Sanskrit only: no published translation is held for this verse.

इज्या च यागभरणात्क्षोणी क्षीणा लये च या ।। महालये क्षयं याति क्षितिस्तेन प्रकीर्तिता

ijyā ca yāgabharaṇātkṣoṇī kṣīṇā laye ca yā || mahālaye kṣayaṃ yāti kṣitistena prakīrtitā

Sanskrit only: no published translation is held for this verse.

काश्यपी कश्यपस्येयमचला स्थितिरूपतः ।। विश्वम्भरा तद्धरणाच्चानन्ताऽनन्तरूपतः

kāśyapī kaśyapasyeyamacalā sthitirūpataḥ || viśvambharā taddharaṇāccānantā'nantarūpataḥ

Sanskrit only: no published translation is held for this verse.

पृथ्वी पृधुककन्यात्वाद्विस्तृतत्वान्मही मुने

pṛthvī pṛdhukakanyātvādvistṛtatvānmahī mune

Sanskrit only: no published translation is held for this verse.