Brahmavaivarta Purāṇa 4.100

नारायण उवाच अथादितिर्दितिश्चैव देवकी रोहिणी रतिः । सरस्वती च सावित्री यशोदा च पतिव्रता

nārāyaṇa uvāca athāditirditiścaiva devakī rohiṇī ratiḥ | sarasvatī ca sāvitrī yaśodā ca pativratā

Sanskrit only: no published translation is held for this verse.

लोबामुद्राऽरुन्धती च अहल्या तारका तथा । ययुस्ताः पार्वतीं दृष्टवा वेगेन मन्दिरादपि

lobāmudrā'rundhatī ca ahalyā tārakā tathā | yayustāḥ pārvatīṃ dṛṣṭavā vegena mandirādapi

Sanskrit only: no published translation is held for this verse.

परस्परं च संभाष्य समाश्लिष्य पुनः पुनः । प्रणम्य वेशयामासुर्मन्दिरं रत्ननिर्मितम्

parasparaṃ ca saṃbhāṣya samāśliṣya punaḥ punaḥ | praṇamya veśayāmāsurmandiraṃ ratnanirmitam

Sanskrit only: no published translation is held for this verse.

रत्नसिहासने रम्ये वासयामासुरीश्वरीम् । वरयामासुर्माल्येन वाससा रत्नभूषणैः

ratnasihāsane ramye vāsayāmāsurīśvarīm | varayāmāsurmālyena vāsasā ratnabhūṣaṇaiḥ

Sanskrit only: no published translation is held for this verse.

पारिजातस्य पुष्पं च शक्रानीतं मनोहरम् । ददौ तत्पादपद्मे च देवकी भक्तिपूर्वकम्

pārijātasya puṣpaṃ ca śakrānītaṃ manoharam | dadau tatpādapadme ca devakī bhaktipūrvakam

Sanskrit only: no published translation is held for this verse.

सिन्दूरबिन्दुं सीमन्ते भाले चन्दनबिन्दुकम् । कस्तूरीकुङ्कुमादींश्च प्रददौ परितस्तयोः

sindūrabinduṃ sīmante bhāle candanabindukam | kastūrīkuṅkumādīṃśca pradadau paritastayoḥ

Sanskrit only: no published translation is held for this verse.

मिष्टान्नं भोजयामास शीततोयं सुवासितं । ताम्बूलं च वरं रम्यं कर्पूरादिसुवासितम्

miṣṭānnaṃ bhojayāmāsa śītatoyaṃ suvāsitaṃ | tāmbūlaṃ ca varaṃ ramyaṃ karpūrādisuvāsitam

Sanskrit only: no published translation is held for this verse.

अलक्तकं च प्रददौ नखेषु पादपद्मयोः । कुङ्कुमस्यापि रागं च सिषेवे श्वेतचामरैः

alaktakaṃ ca pradadau nakheṣu pādapadmayoḥ | kuṅkumasyāpi rāgaṃ ca siṣeve śvetacāmaraiḥ

Sanskrit only: no published translation is held for this verse.

मंपुज्य पार्वतीं देवीं मुनिपत्नीः क्रमेण च । पूजयामास विधिवत्पतिपुत्रवतीः सतीः

maṃpujya pārvatīṃ devīṃ munipatnīḥ krameṇa ca | pūjayāmāsa vidhivatpatiputravatīḥ satīḥ

Sanskrit only: no published translation is held for this verse.

राजकन्या देवकन्या नागकन्या मनोहराः । मुनिकन्या बन्धुकन्याः पूजयामास सुव्रता

rājakanyā devakanyā nāgakanyā manoharāḥ | munikanyā bandhukanyāḥ pūjayāmāsa suvratā

Sanskrit only: no published translation is held for this verse.

वाद्य नानाविधं रम्यं वादयामास कौतुकात् । मङ्गलं कारयामास भोजयामास ब्रह्मणान्

vādya nānāvidhaṃ ramyaṃ vādayāmāsa kautukāt | maṅgalaṃ kārayāmāsa bhojayāmāsa brahmaṇān

Sanskrit only: no published translation is held for this verse.

भैरवीं पूजयामास मथुराग्रामदेवताम् । उपचारैः षोडशभिः षष्ठीं मङ्गलचण्डिकाम्

bhairavīṃ pūjayāmāsa mathurāgrāmadevatām | upacāraiḥ ṣoḍaśabhiḥ ṣaṣṭhīṃ maṅgalacaṇḍikām

Sanskrit only: no published translation is held for this verse.

पुण्यं स्वस्त्ययनं शुद्धं वारयामास मङ्गलम् । वेदांश्च पाठयामास वसुदेवास्य वल्लभा

puṇyaṃ svastyayanaṃ śuddhaṃ vārayāmāsa maṅgalam | vedāṃśca pāṭhayāmāsa vasudevāsya vallabhā

Sanskrit only: no published translation is held for this verse.

स्वर्गङ्गासुजलेनैव सुवर्मकलशेन च । स्नापयामास सबलं श्रीकृष्णं पुत्रवत्सला

svargaṅgāsujalenaiva suvarmakalaśena ca | snāpayāmāsa sabalaṃ śrīkṛṣṇaṃ putravatsalā

Sanskrit only: no published translation is held for this verse.

वस्त्रचन्दनमाल्यैश्च तयोर्वेषं चकार सा । रत्नेन्द्रसारनिर्माणभूषणैश्च मनोहरैः

vastracandanamālyaiśca tayorveṣaṃ cakāra sā | ratnendrasāranirmāṇabhūṣaṇaiśca manoharaiḥ

Sanskrit only: no published translation is held for this verse.

मातृभूषणभूषाढ्यः सबलः कृष्ण एव च । आययौ च सभां देवमुनीन्द्राणां च नारद

mātṛbhūṣaṇabhūṣāḍhyaḥ sabalaḥ kṛṣṇa eva ca | āyayau ca sabhāṃ devamunīndrāṇāṃ ca nārada

Sanskrit only: no published translation is held for this verse.

दृष्ट्वा तं जगतां राथमुत्तस्थौ प्रजवेन च । स्वयं विधाता शंभुश्च शेषो धर्मश्च भास्करः

dṛṣṭvā taṃ jagatāṃ rāthamuttasthau prajavena ca | svayaṃ vidhātā śaṃbhuśca śeṣo dharmaśca bhāskaraḥ

Sanskrit only: no published translation is held for this verse.

देवाश्च मुनयश्चैव कार्तिकेयो गणेश्वरः । पृथक्पृथक् क्रमेणैव तुष्टाव परमेश्वरम्

devāśca munayaścaiva kārtikeyo gaṇeśvaraḥ | pṛthakpṛthak krameṇaiva tuṣṭāva parameśvaram

Sanskrit only: no published translation is held for this verse.

ब्रह्मोवाच नाथानिर्वचनोयोऽसि भक्तानुग्रहविग्रहः । वेदानिर्वचनीयं च कस्त्वां स्तोतुमिहेश्वरः

brahmovāca nāthānirvacanoyo'si bhaktānugrahavigrahaḥ | vedānirvacanīyaṃ ca kastvāṃ stotumiheśvaraḥ

Sanskrit only: no published translation is held for this verse.

महादेव उवाच देहेषु देहिनां शश्वत्स्थितं निर्लिप्तमेव च । कर्मिणां कर्मणां शुद्धं साक्षिणां साक्षतं विभुम् ।। किं स्तौमि रूपशून्यं च गुणशून्यं च निर्गुणम्

mahādeva uvāca deheṣu dehināṃ śaśvatsthitaṃ nirliptameva ca | karmiṇāṃ karmaṇāṃ śuddhaṃ sākṣiṇāṃ sākṣataṃ vibhum || kiṃ staumi rūpaśūnyaṃ ca guṇaśūnyaṃ ca nirguṇam

Sanskrit only: no published translation is held for this verse.

अनन्त उवाच किंवा जानाम्यहं नाथ त्वामज्ञोऽनन्तमीश्वरम् । अनन्तकोटिब्रह्माण्डकारणं दुःखतारणम्

ananta uvāca kiṃvā jānāmyahaṃ nātha tvāmajño'nantamīśvaram | anantakoṭibrahmāṇḍakāraṇaṃ duḥkhatāraṇam

Sanskrit only: no published translation is held for this verse.

महाविष्णोश्च लोम्नां च विवरेषु जलेषु च । सन्ति विश्वान्यसंख्यानि चित्राणि कृत्रिमाणि च

mahāviṣṇośca lomnāṃ ca vivareṣu jaleṣu ca | santi viśvānyasaṃkhyāni citrāṇi kṛtrimāṇi ca

Sanskrit only: no published translation is held for this verse.

सन्ति सन्तश्च देवाश्च ब्रह्मविष्णुशिवात्मकाः । त्वदंशाः प्रतिबिम्बेषु तीर्थानि भारतं तथा

santi santaśca devāśca brahmaviṣṇuśivātmakāḥ | tvadaṃśāḥ pratibimbeṣu tīrthāni bhārataṃ tathā

Sanskrit only: no published translation is held for this verse.

ब्रह्माण्डैकस्थितोऽहं च सूक्ष्मनागस्वरूपकः । स्थापितश्च त्वया कूर्मे गजेन्द्रे मशको यथा

brahmāṇḍaikasthito'haṃ ca sūkṣmanāgasvarūpakaḥ | sthāpitaśca tvayā kūrme gajendre maśako yathā

Sanskrit only: no published translation is held for this verse.

परमाणुपरं सूक्ष्मं विश्वेषु नास्ति कुत्रचित् । महाविष्णोः परं स्थूलं समो नास्ति च कुत्रचित्

paramāṇuparaṃ sūkṣmaṃ viśveṣu nāsti kutracit | mahāviṣṇoḥ paraṃ sthūlaṃ samo nāsti ca kutracit

Sanskrit only: no published translation is held for this verse.

महाविष्णोः परस्त्वं च त्वत्परो नास्ति कश्चन । स्थूलात्स्थूलतरो देवः मूक्ष्मात्सूक्ष्मतमो महान्

mahāviṣṇoḥ parastvaṃ ca tvatparo nāsti kaścana | sthūlātsthūlataro devaḥ mūkṣmātsūkṣmatamo mahān

Sanskrit only: no published translation is held for this verse.

आधारश्च महाविष्णो जलरूपो भवान्स्वयम् । जलाधारो हि गोलोकस्त्वं च स्थावररूपधृक्

ādhāraśca mahāviṣṇo jalarūpo bhavānsvayam | jalādhāro hi golokastvaṃ ca sthāvararūpadhṛk

Sanskrit only: no published translation is held for this verse.

मर्वाधारो महान्वायुः श्वासनिः श्वासरूपकः । भक्तानुग्रहदेहस्य नित्यस्य भवतो दिभो

marvādhāro mahānvāyuḥ śvāsaniḥ śvāsarūpakaḥ | bhaktānugrahadehasya nityasya bhavato dibho

Sanskrit only: no published translation is held for this verse.

वक्त्रैर्बहुतरैर्वांऽथ त्वया दत्तैः पुरैव च । स्तोतुमिच्छामि त्वद्योगं न दत्तं ज्ञानमैश्वरम्

vaktrairbahutarairvāṃ'tha tvayā dattaiḥ puraiva ca | stotumicchāmi tvadyogaṃ na dattaṃ jñānamaiśvaram

Sanskrit only: no published translation is held for this verse.

देवा ऊचुः त्वामनन्तं यदि स्तोतुं देवोऽनन्तो न हीश्वरः । न हि स्वयं विधाता च न हि ज्ञानात्मकः शिवः ।। सरस्वती जडीभूता किं कुर्मः स्तवनं वयम्

devā ūcuḥ tvāmanantaṃ yadi stotuṃ devo'nanto na hīśvaraḥ | na hi svayaṃ vidhātā ca na hi jñānātmakaḥ śivaḥ || sarasvatī jaḍībhūtā kiṃ kurmaḥ stavanaṃ vayam

Sanskrit only: no published translation is held for this verse.

मुनीन्द्रा ऊचुः वेदा न शक्ताः स्तोतुं चेत्त्वां चैव ज्ञातुमीश्वरम् । वयं वेदविदः सन्तः किं कुर्मः स्तवनं तव

munīndrā ūcuḥ vedā na śaktāḥ stotuṃ cettvāṃ caiva jñātumīśvaram | vayaṃ vedavidaḥ santaḥ kiṃ kurmaḥ stavanaṃ tava

Sanskrit only: no published translation is held for this verse.

इदं स्तोत्रं महापुण्यं देवैश्च मुनिमिः कृतम् । यः पठेत्संयतः शुद्धः पूजाकाले च भक्तितः

idaṃ stotraṃ mahāpuṇyaṃ devaiśca munimiḥ kṛtam | yaḥ paṭhetsaṃyataḥ śuddhaḥ pūjākāle ca bhaktitaḥ

Sanskrit only: no published translation is held for this verse.

इह लोके सुखं भुक्त्वा लब्ध्वा ज्ञानं निरञ्जनम् । रत्नायानं समारुह्य गोलोकं स च गच्छति

iha loke sukhaṃ bhuktvā labdhvā jñānaṃ nirañjanam | ratnāyānaṃ samāruhya golokaṃ sa ca gacchati

Sanskrit only: no published translation is held for this verse.

इति श्रीब्रह्मo महाo श्रीकृष्णजन्मखo उत्तo नारदनाo भगवदुपनयने शाततमोऽयायः

iti śrībrahmao mahāo śrīkṛṣṇajanmakhao uttao nāradanāo bhagavadupanayane śātatamo'yāyaḥ

Sanskrit only: no published translation is held for this verse.