Brahmavaivarta Purāṇa 4.101

अथैकाधिकशततमोध्यायः नारायण उवाच संस्तूय देवा मुनयो विरेमुर्नहि मानसे । ददृशुः प्राङ्गणे कृष्णं शोभितं पीतवाससा

athaikādhikaśatatamodhyāyaḥ nārāyaṇa uvāca saṃstūya devā munayo viremurnahi mānase | dadṛśuḥ prāṅgaṇe kṛṣṇaṃ śobhitaṃ pītavāsasā

Sanskrit only: no published translation is held for this verse.

यथा सौदामिनीयुक्तं नवीनजलदं मुने । बकपङ् क्तियुतं चैव मालतीमालया तथा

yathā saudāminīyuktaṃ navīnajaladaṃ mune | bakapaṅ ktiyutaṃ caiva mālatīmālayā tathā

Sanskrit only: no published translation is held for this verse.

कपाले मण्डलाकारकस्तूरीयुक्तचन्दनम् । सकलङ्कं मृगाङ्कं च शोभितं जलदे तथा

kapāle maṇḍalākārakastūrīyuktacandanam | sakalaṅkaṃ mṛgāṅkaṃ ca śobhitaṃ jalade tathā

Sanskrit only: no published translation is held for this verse.

द्विभुजं श्यामलंकान्तं राधाकान्तं मनोहरम् । ईषद्धास्यप्रसन्नास्यं भक्तानुग्रहविग्रहम्

dvibhujaṃ śyāmalaṃkāntaṃ rādhākāntaṃ manoharam | īṣaddhāsyaprasannāsyaṃ bhaktānugrahavigraham

Sanskrit only: no published translation is held for this verse.

रत्नकेयूरवलयरत्नमञ्जीररञ्जितम् । रुदन्तं पितुरुत्सङ्गे बलेन सहितं परम्

ratnakeyūravalayaratnamañjīrarañjitam | rudantaṃ piturutsaṅge balena sahitaṃ param

Sanskrit only: no published translation is held for this verse.

अथ मङ्गलकाले च शुभलग्ने मनोरमे । संपीक्षिते ग्रहैः सौम्यैर्जांग्रल्लग्नाधिपे स्थिते

atha maṅgalakāle ca śubhalagne manorame | saṃpīkṣite grahaiḥ saumyairjāṃgrallagnādhipe sthite

Sanskrit only: no published translation is held for this verse.

असद्ग्रहैरदृष्टे च सद्ग्रहेक्षित एव च । शुभकर्मसमारम्भं स्वस्तिवाचनपूर्वकम्

asadgrahairadṛṣṭe ca sadgrahekṣita eva ca | śubhakarmasamārambhaṃ svastivācanapūrvakam

Sanskrit only: no published translation is held for this verse.

चकार वसुदेवश्चाप्याज्ञया सुरविप्रयोः । दत्त्वा सुवर्णशतकं ब्राह्मणाय च सादरम्

cakāra vasudevaścāpyājñayā suraviprayoḥ | dattvā suvarṇaśatakaṃ brāhmaṇāya ca sādaram

Sanskrit only: no published translation is held for this verse.

देवेन्द्रांश्च मुनीन्द्राश्च नमस्कृत्य पुरोहितम् । गणेशं च दिनेशं च वह्निं च शंकरं शिवाम्

devendrāṃśca munīndrāśca namaskṛtya purohitam | gaṇeśaṃ ca dineśaṃ ca vahniṃ ca śaṃkaraṃ śivām

Sanskrit only: no published translation is held for this verse.

संपूज्य देवषट्कं च साक्षतैर्देवसंसदि । उपचारैः षोडशभिः संयतो भक्तिपूर्वकम्

saṃpūjya devaṣaṭkaṃ ca sākṣatairdevasaṃsadi | upacāraiḥ ṣoḍaśabhiḥ saṃyato bhaktipūrvakam

Sanskrit only: no published translation is held for this verse.

पुत्राधिवासनं चक्रै वेदमन्त्रेण संसदि । संपूज्य नानादेवांश्च दिक्पालांश्च नवग्रहान्

putrādhivāsanaṃ cakrai vedamantreṇa saṃsadi | saṃpūjya nānādevāṃśca dikpālāṃśca navagrahān

Sanskrit only: no published translation is held for this verse.

दत्त्वा पञ्चोपचारांश्च भक्त्या षोडशमातृकाः । दत्त्वा च वसुधारां च सप्तवारान्घृतेन च

dattvā pañcopacārāṃśca bhaktyā ṣoḍaśamātṛkāḥ | dattvā ca vasudhārāṃ ca saptavārānghṛtena ca

Sanskrit only: no published translation is held for this verse.

चेदिराजं वसुं नत्वा संपूज्य प्रययौ पुनः । वृद्धिश्राद्धं सुनिर्वाप्य यत्किंचिद्दैविकं तथा

cedirājaṃ vasuṃ natvā saṃpūjya prayayau punaḥ | vṛddhiśrāddhaṃ sunirvāpya yatkiṃciddaivikaṃ tathā

Sanskrit only: no published translation is held for this verse.

यज्ञं कृत्वा तु वेदोक्तं यज्ञसूत्रं ददौ मुदा । वलदेवाग्रचायैव कृष्णाय परमात्मने

yajñaṃ kṛtvā tu vedoktaṃ yajñasūtraṃ dadau mudā | valadevāgracāyaiva kṛṣṇāya paramātmane

Sanskrit only: no published translation is held for this verse.

गायत्री च ददौ ताभ्यां मुनिः सांदीपनिस्तथा । भिक्षां ददौ च प्रथमं पार्वती परमादरात्

gāyatrī ca dadau tābhyāṃ muniḥ sāṃdīpanistathā | bhikṣāṃ dadau ca prathamaṃ pārvatī paramādarāt

Sanskrit only: no published translation is held for this verse.

अमूल्यरत्नपात्रस्थं मुक्तामाणिक्यहीरकम् । हीरसारविनिर्माणं पित्रा दत्तं च हारकम्

amūlyaratnapātrasthaṃ muktāmāṇikyahīrakam | hīrasāravinirmāṇaṃ pitrā dattaṃ ca hārakam

Sanskrit only: no published translation is held for this verse.

शुभाशिषं च प्रददौ शुक्लपुष्पेणा दूर्वया । ततोऽदितिर्दितिश्चैव मुनिपत्न्यश्च देवकी

śubhāśiṣaṃ ca pradadau śuklapuṣpeṇā dūrvayā | tato'ditirditiścaiva munipatnyaśca devakī

Sanskrit only: no published translation is held for this verse.

यशोदा रोहिणी हृष्टा सावित्री च सरस्वती । प्रत्येकं प्रददौ भिक्षां मणिकाञ्चनभूषिताम्

yaśodā rohiṇī hṛṣṭā sāvitrī ca sarasvatī | pratyekaṃ pradadau bhikṣāṃ maṇikāñcanabhūṣitām

Sanskrit only: no published translation is held for this verse.

देवकन्या नागकन्या राजकन्याः पतिव्रताः । कामिन्यो बान्धवानां च सस्मिताः स्निग्धलोचनाः

devakanyā nāgakanyā rājakanyāḥ pativratāḥ | kāminyo bāndhavānāṃ ca sasmitāḥ snigdhalocanāḥ

Sanskrit only: no published translation is held for this verse.

इन्द्राणी वरुणानी च पवनानी च रोहिणी । कुबेरपत्नीं स्वाहा च रतिः कामस्य कामिनी

indrāṇī varuṇānī ca pavanānī ca rohiṇī | kuberapatnīṃ svāhā ca ratiḥ kāmasya kāminī

Sanskrit only: no published translation is held for this verse.

प्रत्येकं प्रददौ भिक्षां रत्नभूषणभूषिताम् । भिक्षां गृहीत्वा भगवान्सबलो भक्तिपूर्वकम्

pratyekaṃ pradadau bhikṣāṃ ratnabhūṣaṇabhūṣitām | bhikṣāṃ gṛhītvā bhagavānsabalo bhaktipūrvakam

Sanskrit only: no published translation is held for this verse.

किंचिद्ददौ च गर्गाय किचित्स्वगुरवे तथा । वैदिकं कर्म निर्वाप्य गर्गाय दक्षिणां ददौ

kiṃciddadau ca gargāya kicitsvagurave tathā | vaidikaṃ karma nirvāpya gargāya dakṣiṇāṃ dadau

Sanskrit only: no published translation is held for this verse.

देवांश्च भोजयामास ब्राह्मणांश्चापि सादरम् । ये ये समाययुर्यज्ञे तेच दत्त्वा शुभाशिषम्

devāṃśca bhojayāmāsa brāhmaṇāṃścāpi sādaram | ye ye samāyayuryajñe teca dattvā śubhāśiṣam

Sanskrit only: no published translation is held for this verse.

कृण्णाय बलदेवाय प्रहृष्टाः प्रययृर्गुहम् । नन्दः सभार्यो निर्वाप्य शुभकर्म सुतस्य वै

kṛṇṇāya baladevāya prahṛṣṭāḥ prayayṛrguham | nandaḥ sabhāryo nirvāpya śubhakarma sutasya vai

Sanskrit only: no published translation is held for this verse.

क्रोडे कृत्वा बलं कृष्णं चुचुम्ब वदनं तयोः । उचचै रुरोद नन्दश्च यशोदा च पतिव्रता श्रीकृष्णस्तं समाश्वास्य बोधयामास यत्नतः

kroḍe kṛtvā balaṃ kṛṣṇaṃ cucumba vadanaṃ tayoḥ | ucacai ruroda nandaśca yaśodā ca pativratā śrīkṛṣṇastaṃ samāśvāsya bodhayāmāsa yatnataḥ

Sanskrit only: no published translation is held for this verse.

श्रीकृष्ण उवाच सानन्दं गच्छ हे मातर्यशोदे तातमत्वरम् । त्वमेव माता पोष्ट्री त्वं पिता च परमार्थतः

śrīkṛṣṇa uvāca sānandaṃ gaccha he mātaryaśode tātamatvaram | tvameva mātā poṣṭrī tvaṃ pitā ca paramārthataḥ

Sanskrit only: no published translation is held for this verse.

अवन्तिनगरं तात यास्यामि सबलोऽधुना । मुनेः सांदीपनेः स्थानं वेदपाठार्थमीप्सितम्

avantinagaraṃ tāta yāsyāmi sabalo'dhunā | muneḥ sāṃdīpaneḥ sthānaṃ vedapāṭhārthamīpsitam

Sanskrit only: no published translation is held for this verse.

तत आगत्य सुचिरं काले भवति दर्शनम् । कामः करोति कलनं स च भेदं करोति च

tata āgatya suciraṃ kāle bhavati darśanam | kāmaḥ karoti kalanaṃ sa ca bhedaṃ karoti ca

Sanskrit only: no published translation is held for this verse.

सर्वं कालकृतं मातर्भेदं संमीलनं नृणाम् । सुखं दुःखं च हर्षं च शोकं च मङ्गलालयम्

sarvaṃ kālakṛtaṃ mātarbhedaṃ saṃmīlanaṃ nṛṇām | sukhaṃ duḥkhaṃ ca harṣaṃ ca śokaṃ ca maṅgalālayam

Sanskrit only: no published translation is held for this verse.

मया दत्तं च तत्त्वं च योगिनामपि दुर्लभम् । सर्वं नन्दश्च सानन्दं त्वामेव कथयिष्यति

mayā dattaṃ ca tattvaṃ ca yogināmapi durlabham | sarvaṃ nandaśca sānandaṃ tvāmeva kathayiṣyati

Sanskrit only: no published translation is held for this verse.

इत्युक्त्वा जगतां नाथो वसुदेवसभां ययौ । तदाज्ञया क्षणं प्राप्य ययौ संदीपनेर्गूहम्

ityuktvā jagatāṃ nātho vasudevasabhāṃ yayau | tadājñayā kṣaṇaṃ prāpya yayau saṃdīpanergūham

Sanskrit only: no published translation is held for this verse.

वसुदेवं देवकीं च संभाष्य विनयेन च । नन्दः सभार्यः प्रययौ हृदयेन विदूयता

vasudevaṃ devakīṃ ca saṃbhāṣya vinayena ca | nandaḥ sabhāryaḥ prayayau hṛdayena vidūyatā

Sanskrit only: no published translation is held for this verse.

मुक्तामणिं सुवर्ण च माणिक्यं हीरकं तथा । वह्निशुद्धांशुकं रत्नं नन्दाय देवकी ददौ

muktāmaṇiṃ suvarṇa ca māṇikyaṃ hīrakaṃ tathā | vahniśuddhāṃśukaṃ ratnaṃ nandāya devakī dadau

Sanskrit only: no published translation is held for this verse.

श्वेताश्वं च गजेन्द्रं च सुवर्णरथमुत्तमम् । नन्दाय कृष्णः प्रददौ वसुदेवश्च सादरम्

śvetāśvaṃ ca gajendraṃ ca suvarṇarathamuttamam | nandāya kṛṣṇaḥ pradadau vasudevaśca sādaram

Sanskrit only: no published translation is held for this verse.

तयोरनुव्रजन्विप्रा देवकीप्रमुखाः स्त्रियः । वसुदेवस्तथाऽक्रूरोऽप्युद्धवश्च ययौ मुदा

tayoranuvrajanviprā devakīpramukhāḥ striyaḥ | vasudevastathā'krūro'pyuddhavaśca yayau mudā

Sanskrit only: no published translation is held for this verse.

कालिन्दीनिकटं गत्वा ते सर्वे रुरुदुः शुचा । परस्परं च संभाष्य ते सर्वे स्वालयं ययुः

kālindīnikaṭaṃ gatvā te sarve ruruduḥ śucā | parasparaṃ ca saṃbhāṣya te sarve svālayaṃ yayuḥ

Sanskrit only: no published translation is held for this verse.

कुन्ती सपुत्रा विधवा वसुदेवाज्ञया मुने । नानारत्नमणिं प्राप्य प्रययौ स्वरलयं मुदा

kuntī saputrā vidhavā vasudevājñayā mune | nānāratnamaṇiṃ prāpya prayayau svaralayaṃ mudā

Sanskrit only: no published translation is held for this verse.

वसुतेवो देवकी च पुत्रकल्याणहेतवे । नानारत्नमणिं वस्त्रं मुवर्णं रजतं तथा

vasutevo devakī ca putrakalyāṇahetave | nānāratnamaṇiṃ vastraṃ muvarṇaṃ rajataṃ tathā

Sanskrit only: no published translation is held for this verse.

मुक्तामाणिक्यचहारं च मिष्टान्नं च सुधोपमम् । भट्टेम्यो ब्राह्मणेभ्यश्च प्रददौ सादरं मुदा

muktāmāṇikyacahāraṃ ca miṣṭānnaṃ ca sudhopamam | bhaṭṭemyo brāhmaṇebhyaśca pradadau sādaraṃ mudā

Sanskrit only: no published translation is held for this verse.

महोत्सवं वेदपाठं हरेर्नामैकमङ्गलम् । विप्राणां भोजनं चैव कारयामास यत्नतः

mahotsavaṃ vedapāṭhaṃ harernāmaikamaṅgalam | viprāṇāṃ bhojanaṃ caiva kārayāmāsa yatnataḥ

Sanskrit only: no published translation is held for this verse.

ज्ञातीनां बान्धवानां च पुरस्कारं यथोचितम् । चकार मणिमाणिक्यमुक्तावस्त्रैर्मनोहरैः

jñātīnāṃ bāndhavānāṃ ca puraskāraṃ yathocitam | cakāra maṇimāṇikyamuktāvastrairmanoharaiḥ

Sanskrit only: no published translation is held for this verse.

इति श्रीब्रह्मo महाo श्रीकृष्णजन्मखo नारादनाo उत्तo भगवदुपनयनं नामैकाधिकशततमोऽध्यायः

iti śrībrahmao mahāo śrīkṛṣṇajanmakhao nārādanāo uttao bhagavadupanayanaṃ nāmaikādhikaśatatamo'dhyāyaḥ

Sanskrit only: no published translation is held for this verse.