Library·Brahmavaivarta Purāṇa·4·4.104
नारायण उवाच एतस्मिन्नन्तरे ब्रह्मा भवान्या च भवः स्वयम् । अनन्तश्चापि धर्मश्च भास्करश्च हुताशनः
nārāyaṇa uvāca etasminnantare brahmā bhavānyā ca bhavaḥ svayam | anantaścāpi dharmaśca bhāskaraśca hutāśanaḥ
Sanskrit only: no published translation is held for this verse.
कुबेरो वरुणश्चैव पवनश्च यमस्तथा । महेन्द्रश्चपि चन्द्रश्च रुद्राश्चैकादशैव ते
kubero varuṇaścaiva pavanaśca yamastathā | mahendraścapi candraśca rudrāścaikādaśaiva te
Sanskrit only: no published translation is held for this verse.
अन्ये देवाश्च मुनयो वसवः सप्त एव च । आदित्याश्चापि दैत्याश्च गन्धर्वाः किन्नरास्तथा
anye devāśca munayo vasavaḥ sapta eva ca | ādityāścāpi daityāśca gandharvāḥ kinnarāstathā
Sanskrit only: no published translation is held for this verse.
आययुर्द्वारकां द्रष्टुं श्रीकृष्णं च बलं तथा । आगच्छन्तं च सहसा वटमूलं मनोहरम्
āyayurdvārakāṃ draṣṭuṃ śrīkṛṣṇaṃ ca balaṃ tathā | āgacchantaṃ ca sahasā vaṭamūlaṃ manoharam
Sanskrit only: no published translation is held for this verse.
दृष्ट्वा च देवताः सर्वास्तुष्टुवुः पुरुषोत्तमम् । आकाशाच्च विमानैश्च संप्राप्य वटमूलकम्
dṛṣṭvā ca devatāḥ sarvāstuṣṭuvuḥ puruṣottamam | ākāśācca vimānaiśca saṃprāpya vaṭamūlakam
Sanskrit only: no published translation is held for this verse.
ददृशुर्द्वारकां रम्यामतीव सुमनोहरम् । मुक्तामाणिक्यहीरेणा रत्नराजिविराजिताम्
dadṛśurdvārakāṃ ramyāmatīva sumanoharam | muktāmāṇikyahīreṇā ratnarājivirājitām
Sanskrit only: no published translation is held for this verse.
परितश्चतुरस्रां च शतयोजनसंमिताम् । सप्तभिः परिखाभिश्च गम्भीराभिश्च वेष्टिताम्
paritaścaturasrāṃ ca śatayojanasaṃmitām | saptabhiḥ parikhābhiśca gambhīrābhiśca veṣṭitām
Sanskrit only: no published translation is held for this verse.
प्राकारैर्नवभिर्युक्तां लक्षैः क्रीडासरोवरैः । मनोहरैः सपद्मैश्च सहितैश्च मधुव्रतैः
prākārairnavabhiryuktāṃ lakṣaiḥ krīḍāsarovaraiḥ | manoharaiḥ sapadmaiśca sahitaiśca madhuvrataiḥ
Sanskrit only: no published translation is held for this verse.
शोभितां सर्वतोभद्रैः पुष्पोद्यानत्रिलक्षकैः । प्रफुल्लपुष्पैः पवनैः सर्वत्र सुरभीकृताम्
śobhitāṃ sarvatobhadraiḥ puṣpodyānatrilakṣakaiḥ | praphullapuṣpaiḥ pavanaiḥ sarvatra surabhīkṛtām
Sanskrit only: no published translation is held for this verse.
आमोदितां च शीतेन मन्दचन्दनवायुना । तरुभिर्नारिकेलाणां शोभितां शतकोटिभिः
āmoditāṃ ca śītena mandacandanavāyunā | tarubhirnārikelāṇāṃ śobhitāṃ śatakoṭibhiḥ
Sanskrit only: no published translation is held for this verse.
गुवाकानां च वृक्षैश्च भूषितां तच्चतुर्गुणैः । चतुर्गुणैर्गुवाकानां युक्तामाम्रमहीरुहैः
guvākānāṃ ca vṛkṣaiśca bhūṣitāṃ taccaturguṇaiḥ | caturguṇairguvākānāṃ yuktāmāmramahīruhaiḥ
Sanskrit only: no published translation is held for this verse.
परीतां पनसानां च वृक्षैराम्रसमैर्मुने । सुशोभितां च तालानां द्रुमैराम्रसमैर्मुने
parītāṃ panasānāṃ ca vṛkṣairāmrasamairmune | suśobhitāṃ ca tālānāṃ drumairāmrasamairmune
Sanskrit only: no published translation is held for this verse.
अश्वत्थैर्बदरीभिश्च बिल्वैराम्रातकैर्वटैः । शाल्मलीभिश्च जम्बूभिः कदम्बैश्चापि शोभिताम्
aśvatthairbadarībhiśca bilvairāmrātakairvaṭaiḥ | śālmalībhiśca jambūbhiḥ kadambaiścāpi śobhitām
Sanskrit only: no published translation is held for this verse.
वंशैश्च तिन्तिडीभिश्च चम्पकैर्बकुलैस्तथा । नागेश्वरैर्नागरङ्गैर्जम्बीरैर्दाडिमैर्युताम्
vaṃśaiśca tintiḍībhiśca campakairbakulaistathā | nāgeśvarairnāgaraṅgairjambīrairdāḍimairyutām
Sanskrit only: no published translation is held for this verse.
खर्जुरैरर्जुनैः पिष्टैरिक्षुभिः काञ्चनैरपि । हरीतकीभिर्धात्रीभिरिन्दुभिः परितः प्लुताम्
kharjurairarjunaiḥ piṣṭairikṣubhiḥ kāñcanairapi | harītakībhirdhātrībhirindubhiḥ paritaḥ plutām
Sanskrit only: no published translation is held for this verse.
शालैः प्रियालैर्हिन्तालैः शिरीषैः सप्तपर्णकैः । अन्यैर्नानाद्रुमैरिष्टैरिष्टां युक्तां परिप्लुताम्
śālaiḥ priyālairhintālaiḥ śirīṣaiḥ saptaparṇakaiḥ | anyairnānādrumairiṣṭairiṣṭāṃ yuktāṃ pariplutām
Sanskrit only: no published translation is held for this verse.
असंख्यैर्मन्दिरै रम्यैरत्युच्चैरपि संस्कृताम् । रत्नेन्द्रसारनिर्माणैर्मुक्तामाणिक्यभूषितैः
asaṃkhyairmandirai ramyairatyuccairapi saṃskṛtām | ratnendrasāranirmāṇairmuktāmāṇikyabhūṣitaiḥ
Sanskrit only: no published translation is held for this verse.
माणिक्यहीरकैश्चित्रैः सद्रत्नकलशान्वितैः । मणिभिर्निर्मितैरिष्टैः सोपाननिकरैर्वरैः
māṇikyahīrakaiścitraiḥ sadratnakalaśānvitaiḥ | maṇibhirnirmitairiṣṭaiḥ sopānanikarairvaraiḥ
Sanskrit only: no published translation is held for this verse.
कपाटैः कठिनैर्दव्यैरर्गलाकीलकैर्युताम् । हरिन्मणीनां स्तम्भानां कदम्बैरपि संयुतैः
kapāṭaiḥ kaṭhinairdavyairargalākīlakairyutām | harinmaṇīnāṃ stambhānāṃ kadambairapi saṃyutaiḥ
Sanskrit only: no published translation is held for this verse.
नानाचित्रैर्विचित्रैश्च सुचित्रैश्च परिष्कृतैः । दर्पणैः सूक्ष्मवस्त्रैश्च शोभितैः श्वेतचामरैः
nānācitrairvicitraiśca sucitraiśca pariṣkṛtaiḥ | darpaṇaiḥ sūkṣmavastraiśca śobhitaiḥ śvetacāmaraiḥ
Sanskrit only: no published translation is held for this verse.
प्राङ्गणैः पद्मरागाद्यरिन्द्रनीलपरिष्कृताम् । वीथीभी रत्नखचितैराजमार्गैः समन्विताम्
prāṅgaṇaiḥ padmarāgādyarindranīlapariṣkṛtām | vīthībhī ratnakhacitairājamārgaiḥ samanvitām
Sanskrit only: no published translation is held for this verse.
ग्रीष्मध्याह्नसूर्याभां ज्वलितां रत्नतेजसा । गवाक्षलक्षैः संयुक्तां वाजिशालापरिष्कृताम्
grīṣmadhyāhnasūryābhāṃ jvalitāṃ ratnatejasā | gavākṣalakṣaiḥ saṃyuktāṃ vājiśālāpariṣkṛtām
Sanskrit only: no published translation is held for this verse.
दृष्ट्वा च द्वारकां रम्यां ते देवा विस्मयं ययुः । प्रसन्नवदनो देवो लाङ्गली भगवानजः
dṛṣṭvā ca dvārakāṃ ramyāṃ te devā vismayaṃ yayuḥ | prasannavadano devo lāṅgalī bhagavānajaḥ
Sanskrit only: no published translation is held for this verse.
सस्मार यदुवंशानां समूहमुग्रसेनकम् । वसुदेवं देवकीं च पाण्डवांश्च समातृकान्
sasmāra yaduvaṃśānāṃ samūhamugrasenakam | vasudevaṃ devakīṃ ca pāṇḍavāṃśca samātṛkān
Sanskrit only: no published translation is held for this verse.
नन्दं यशोदां गोपालान्राजेन्द्रमुनिपुंगवाम् । गन्धर्वान्किन्नरांश्चैव सहितो यदुपुंगवैः
nandaṃ yaśodāṃ gopālānrājendramunipuṃgavām | gandharvānkinnarāṃścaiva sahito yadupuṃgavaiḥ
Sanskrit only: no published translation is held for this verse.
नन्दो यशोदा गोपाश्च जनन्या सह पाण्डवाः । गन्धर्वाः किन्नराश्चैव विद्याधर्यश्च नारद
nando yaśodā gopāśca jananyā saha pāṇḍavāḥ | gandharvāḥ kinnarāścaiva vidyādharyaśca nārada
Sanskrit only: no published translation is held for this verse.
किन्नर्यश्चापि नर्तक्यो गायका वाद्यभाण्डकाः । भिक्षुका भाण्डकाश्चैव भट्टाश्चगणकास्तथा
kinnaryaścāpi nartakyo gāyakā vādyabhāṇḍakāḥ | bhikṣukā bhāṇḍakāścaiva bhaṭṭāścagaṇakāstathā
Sanskrit only: no published translation is held for this verse.
नानादेशो द्भवा भूपा वैद्याश्चान्ये च मानवाः । संन्यासिनश्च यतयोऽवधूता ब्रह्मचारिणः
nānādeśo dbhavā bhūpā vaidyāścānye ca mānavāḥ | saṃnyāsinaśca yatayo'vadhūtā brahmacāriṇaḥ
Sanskrit only: no published translation is held for this verse.
आययुर्मुनयः सर्वे सशिष्याः सिद्धपुंगवाः । सनकश्च सनन्दश्च त्तीयश्च सनातनः
āyayurmunayaḥ sarve saśiṣyāḥ siddhapuṃgavāḥ | sanakaśca sanandaśca ttīyaśca sanātanaḥ
Sanskrit only: no published translation is held for this verse.
सनत्कुमारो भगवाञ्ज्ञानिनां च गुरोर्गुरुः । शिष्यैस्त्रिकोटिभिः सार्ध पञ्चवर्षा दिगम्बरः
sanatkumāro bhagavāñjñānināṃ ca gurorguruḥ | śiṣyaistrikoṭibhiḥ sārdha pañcavarṣā digambaraḥ
Sanskrit only: no published translation is held for this verse.
शिष्यैस्त्रिलक्षैः सहितो दुर्वासा भगवानजः । लक्षशिष्यैः कश्यपश्च वाल्मीकिश्च त्रिलक्षकैः
śiṣyaistrilakṣaiḥ sahito durvāsā bhagavānajaḥ | lakṣaśiṣyaiḥ kaśyapaśca vālmīkiśca trilakṣakaiḥ
Sanskrit only: no published translation is held for this verse.
लक्षशिष्यैर्गौ तमश्च कौटिभिश्च बृहस्पतिः । शुक्रस्त्रिकोटिभिः सार्ध भरद्वाजश्च लक्षकैः
lakṣaśiṣyairgau tamaśca kauṭibhiśca bṛhaspatiḥ | śukrastrikoṭibhiḥ sārdha bharadvājaśca lakṣakaiḥ
Sanskrit only: no published translation is held for this verse.
शिष्यैस्त्रिकोटिभिः सार्धमङ्गिरा भगवानजः । वसिष्ठः कोटिभिः शिष्यैः प्रचेताः कोटिभिस्तथा
śiṣyaistrikoṭibhiḥ sārdhamaṅgirā bhagavānajaḥ | vasiṣṭhaḥ koṭibhiḥ śiṣyaiḥ pracetāḥ koṭibhistathā
Sanskrit only: no published translation is held for this verse.
त्रिलक्षैश्च पुलस्त्यश्चाप्यगस्त्यः कोटिभिः सह । पुलहो लक्षशिष्यैश्च क्रतुर्लक्षैस्थैव च
trilakṣaiśca pulastyaścāpyagastyaḥ koṭibhiḥ saha | pulaho lakṣaśiṣyaiśca kraturlakṣaisthaiva ca
Sanskrit only: no published translation is held for this verse.
अत्रिस्त्रिकोटिभिः शिष्यैर्भृगुश्च पञ्चकोटिभिः । त्रिकोटिभिर्मरीचिश्च शतानन्दः सहस्रकैः
atristrikoṭibhiḥ śiṣyairbhṛguśca pañcakoṭibhiḥ | trikoṭibhirmarīciśca śatānandaḥ sahasrakaiḥ
Sanskrit only: no published translation is held for this verse.
सार्ध त्रिकोटिभिः शिष्यैर्ऋष्यशृङ्गो विभाण्डकः । पापिनिः कोटिभिः शिष्यैर्लक्षैः कात्यायनस्तथा
sārdha trikoṭibhiḥ śiṣyairṛṣyaśṛṅgo vibhāṇḍakaḥ | pāpiniḥ koṭibhiḥ śiṣyairlakṣaiḥ kātyāyanastathā
Sanskrit only: no published translation is held for this verse.
याज्ञवल्क्यः सहस्रैश्च व्यासः शिष्यत्रिकोटिभिः । शिष्यैर्लक्षैश्च सहितो गर्गः कुलपुलोहितः
yājñavalkyaḥ sahasraiśca vyāsaḥ śiṣyatrikoṭibhiḥ | śiṣyairlakṣaiśca sahito gargaḥ kulapulohitaḥ
Sanskrit only: no published translation is held for this verse.
गालवश्च सहस्रैश्च सहसैः सौभरिस्तथा । त्रिकोटिभिर्लोमशश्च मार्कण्डेयस्त्रिकोटिभिः
gālavaśca sahasraiśca sahasaiḥ saubharistathā | trikoṭibhirlomaśaśca mārkaṇḍeyastrikoṭibhiḥ
Sanskrit only: no published translation is held for this verse.
कोटिभिर्वामदेवश्च जैगीषव्यस्त्रिकोटिभिः । सांदीपनिर्देवलश्च सच्छिष्यैश्च त्रिकोटिभिः
koṭibhirvāmadevaśca jaigīṣavyastrikoṭibhiḥ | sāṃdīpanirdevalaśca sacchiṣyaiśca trikoṭibhiḥ
Sanskrit only: no published translation is held for this verse.
वोढुः शिष्यैः कोटिभिश्च लक्षैः पञ्चशिखस्तथा । अहं नारायणश्चैव नरो मम सहोदरः
voḍhuḥ śiṣyaiḥ koṭibhiśca lakṣaiḥ pañcaśikhastathā | ahaṃ nārāyaṇaścaiva naro mama sahodaraḥ
Sanskrit only: no published translation is held for this verse.
शिष्यैस्त्रिकोटिभिः सार्धं विश्वामित्रश्च कोटिभिः । त्रिकोटिभिर्जरत्कारुरास्तीकश्च त्रिकोटिभिः
śiṣyaistrikoṭibhiḥ sārdhaṃ viśvāmitraśca koṭibhiḥ | trikoṭibhirjaratkārurāstīkaśca trikoṭibhiḥ
Sanskrit only: no published translation is held for this verse.
त्रिकोटिभिः पर्शुरामो वत्सो लक्षैश्च शिष्यकैः । दक्षस्त्रिलक्षैः शिष्यैश्च कपिलः पञ्चकोटिभिः
trikoṭibhiḥ parśurāmo vatso lakṣaiśca śiṣyakaiḥ | dakṣastrilakṣaiḥ śiṣyaiśca kapilaḥ pañcakoṭibhiḥ
Sanskrit only: no published translation is held for this verse.
संवर्तश्च त्रिलक्षैश्चाप्युतथ्यश्च तथैव च । सहस्रैर्जैमिनिश्चैव पैलो लक्षैस्तथैव च
saṃvartaśca trilakṣaiścāpyutathyaśca tathaiva ca | sahasrairjaiminiścaiva pailo lakṣaistathaiva ca
Sanskrit only: no published translation is held for this verse.
सुवणंश्च सहस्रैश्च वैशम्पायन एव च । शिष्यैर्लक्षैः समेतश्च व्यासशिष्यः पुरोगमः
suvaṇaṃśca sahasraiśca vaiśampāyana eva ca | śiṣyairlakṣaiḥ sametaśca vyāsaśiṣyaḥ purogamaḥ
Sanskrit only: no published translation is held for this verse.
लक्षैः शिष्यैस्तथा शृङ्गी चोपमन्युस्तथैव च । सहस्रैश्च गौरमुखः कचो लक्षैर्गुरोः सुतः
lakṣaiḥ śiṣyaistathā śṛṅgī copamanyustathaiva ca | sahasraiśca gauramukhaḥ kaco lakṣairguroḥ sutaḥ
Sanskrit only: no published translation is held for this verse.
अश्वत्थामा तथा द्रोणः कृपाचार्यः सशिष्यकः । भीष्मः कर्णश्च शकुनी राजा दुर्योधनस्तथा ।। नृपस्य भ्रातरः सर्वे चान्ये भूपा जगद्गुरुम्
aśvatthāmā tathā droṇaḥ kṛpācāryaḥ saśiṣyakaḥ | bhīṣmaḥ karṇaśca śakunī rājā duryodhanastathā || nṛpasya bhrātaraḥ sarve cānye bhūpā jagadgurum
Sanskrit only: no published translation is held for this verse.
श्रीभगवानुवाच शुभकर्मणि निष्पन्ने यास्यन्ति ये समागताः । शिवब्रह्मादयो देवा मुनयश्च तथाऽपरे
śrībhagavānuvāca śubhakarmaṇi niṣpanne yāsyanti ye samāgatāḥ | śivabrahmādayo devā munayaśca tathā'pare
Sanskrit only: no published translation is held for this verse.
भवाश्च यादवैः सार्धं प्रविश द्वारकां पुरीम् । मत्पित्रा मातृभिः सार्ध माहेन्द्रे च क्षणे नृप
bhavāśca yādavaiḥ sārdhaṃ praviśa dvārakāṃ purīm | matpitrā mātṛbhiḥ sārdha māhendre ca kṣaṇe nṛpa
Sanskrit only: no published translation is held for this verse.
अपरे यदवोऽन्ये च यास्यन्ति मथुरां पुरीम् । श्रुत्वेति विरसो राजा तमुवाच भयाकुलः
apare yadavo'nye ca yāsyanti mathurāṃ purīm | śrutveti viraso rājā tamuvāca bhayākulaḥ
Sanskrit only: no published translation is held for this verse.
उग्रसेन उवाच वासुदेव न यास्यामि भूमिं तां पैतृकीं पुनः । सर्वतीर्थपरां शुद्धां दैवे कर्मणि पैतृके
ugrasena uvāca vāsudeva na yāsyāmi bhūmiṃ tāṃ paitṛkīṃ punaḥ | sarvatīrthaparāṃ śuddhāṃ daive karmaṇi paitṛke
Sanskrit only: no published translation is held for this verse.
पावके भूमिदेशे च पितॄणां निर्वपेत्तु यः । तद्भूमिः स्वामिपितृभिः श्राद्धकर्मणि हन्यते
pāvake bhūmideśe ca pitṝṇāṃ nirvapettu yaḥ | tadbhūmiḥ svāmipitṛbhiḥ śrāddhakarmaṇi hanyate
Sanskrit only: no published translation is held for this verse.
पितॄणां निष्फलं श्राद्धं देवानामपि पूजनम् । किंचित्फलप्रदं चैव संपूर्णे पैतृके स्थले
pitṝṇāṃ niṣphalaṃ śrāddhaṃ devānāmapi pūjanam | kiṃcitphalapradaṃ caiva saṃpūrṇe paitṛke sthale
Sanskrit only: no published translation is held for this verse.
पुत्रपौत्रकलत्रेभ्यः प्राणेभ्यः प्रेयसी सदा । दुर्लभा पैदृकी भूमिः पितुर्मातुर्गरींयसी
putrapautrakalatrebhyaḥ prāṇebhyaḥ preyasī sadā | durlabhā paidṛkī bhūmiḥ piturmāturgarīṃyasī
Sanskrit only: no published translation is held for this verse.
तत्सत्यं च पवित्रं च दैवे कर्मणि पैतृके । क्रीडां च दत्ते दानं च परदत्तमशुद्धकम्
tatsatyaṃ ca pavitraṃ ca daive karmaṇi paitṛke | krīḍāṃ ca datte dānaṃ ca paradattamaśuddhakam
Sanskrit only: no published translation is held for this verse.
म्रियते पैतृकीभूम्यं तीर्थतुल्यफलं लभेत् । गङ्गाजलसमं पूतं पतृखातोदकं हरे
mriyate paitṛkībhūmyaṃ tīrthatulyaphalaṃ labhet | gaṅgājalasamaṃ pūtaṃ patṛkhātodakaṃ hare
Sanskrit only: no published translation is held for this verse.
तत्र स्नात्वा जले पूते गङ्गास्नानफलं लभेत् । पितणां तर्पणां तत्र पवित्रं देवपूजनम्
tatra snātvā jale pūte gaṅgāsnānaphalaṃ labhet | pitaṇāṃ tarpaṇāṃ tatra pavitraṃ devapūjanam
Sanskrit only: no published translation is held for this verse.
पैतृकी जन्मभूमिश्चेद्द्विगुणं तत्फलं लभेत् । पैतृकीभूमितुल्याच दानभूमिः सतामपि
paitṛkī janmabhūmiśceddviguṇaṃ tatphalaṃ labhet | paitṛkībhūmitulyāca dānabhūmiḥ satāmapi
Sanskrit only: no published translation is held for this verse.
वासुदेव उवाच भोगास्ते वचनं किं वा निषेकः केन वार्यंते । पैतृकी तीर्थतुल्या सा किं तीर्थं द्वारकापरम्
vāsudeva uvāca bhogāste vacanaṃ kiṃ vā niṣekaḥ kena vāryaṃte | paitṛkī tīrthatulyā sā kiṃ tīrthaṃ dvārakāparam
Sanskrit only: no published translation is held for this verse.
सर्वतीर्थपरा श्रेष्ठा द्वारका बहपुण्यदा । यस्याः प्रवेशमात्रेण नराणां जन्मखण्डनम्
sarvatīrthaparā śreṣṭhā dvārakā bahapuṇyadā | yasyāḥ praveśamātreṇa narāṇāṃ janmakhaṇḍanam
Sanskrit only: no published translation is held for this verse.
दानं च द्वारकायां च श्राद्धं च देवपूजनम् । चतुर्गुणं च तीर्थानां गङ्गादीनां च भूमिप
dānaṃ ca dvārakāyāṃ ca śrāddhaṃ ca devapūjanam | caturguṇaṃ ca tīrthānāṃ gaṅgādīnāṃ ca bhūmipa
Sanskrit only: no published translation is held for this verse.
गच्छ ब्रह्मदिभिः सार्ध मुनिभिर्यादवैः सह । राजेन्द्रभवनं तत्र गृहाणां सादरं पुनः
gaccha brahmadibhiḥ sārdha munibhiryādavaiḥ saha | rājendrabhavanaṃ tatra gṛhāṇāṃ sādaraṃ punaḥ
Sanskrit only: no published translation is held for this verse.
करोति शश्वन्न्यक्कारं महेन्द्रस्यामरावतीम् । निवस त्वं सुधर्मायां माहेन्द्रे च क्षणे नृप
karoti śaśvannyakkāraṃ mahendrasyāmarāvatīm | nivasa tvaṃ sudharmāyāṃ māhendre ca kṣaṇe nṛpa
Sanskrit only: no published translation is held for this verse.
जम्बुद्वीपस्थिता भूपा राजेन्द्रमण्डलेश्वराः । करं दास्यन्ति तुभयं च महेन्द्राय सुरा यथा
jambudvīpasthitā bhūpā rājendramaṇḍaleśvarāḥ | karaṃ dāsyanti tubhayaṃ ca mahendrāya surā yathā
Sanskrit only: no published translation is held for this verse.
भूयाज्जितः कुबेरश्च धनेन धनसंपदा । तेजसा भास्करश्चापि महेन्द्रः संपदः तथा
bhūyājjitaḥ kuberaśca dhanena dhanasaṃpadā | tejasā bhāskaraścāpi mahendraḥ saṃpadaḥ tathā
Sanskrit only: no published translation is held for this verse.
देवा जिता रणेनैव पुण्येन मुनयो जिताः । तपस्विनश्य तपसा व्रतीनश्च व्रतेन च
devā jitā raṇenaiva puṇyena munayo jitāḥ | tapasvinaśya tapasā vratīnaśca vratena ca
Sanskrit only: no published translation is held for this verse.
उग्रसेनसमो राजा न भूतो न भविष्यति । सभायां यस्य भगवान्बलदेवो महाबलः
ugrasenasamo rājā na bhūto na bhaviṣyati | sabhāyāṃ yasya bhagavānbaladevo mahābalaḥ
Sanskrit only: no published translation is held for this verse.
विश्वं च यस्य शिरसां सहस्राणं नरेश्वर । एकस्मिञ्शिरसि न्यस्तं शूर्पे च सर्षपो यथा
viśvaṃ ca yasya śirasāṃ sahasrāṇaṃ nareśvara | ekasmiñśirasi nyastaṃ śūrpe ca sarṣapo yathā
Sanskrit only: no published translation is held for this verse.
न ह्यनन्तसमो देवो बलेन बलवत्तरः । यद्गुणानां च नास्त्यन्तस्तेनानन्तं जगुर्बुधाः
na hyanantasamo devo balena balavattaraḥ | yadguṇānāṃ ca nāstyantastenānantaṃ jagurbudhāḥ
Sanskrit only: no published translation is held for this verse.
वसवोऽष्टौ महाभागा रुद्राश्च शंकरं विना । बलिनो द्वादशादित्या महेन्द्रश्च सुरैः समः
vasavo'ṣṭau mahābhāgā rudrāśca śaṃkaraṃ vinā | balino dvādaśādityā mahendraśca suraiḥ samaḥ
Sanskrit only: no published translation is held for this verse.
न समर्था ध्रुवं जेतुमुग्रसेनं नृपेश्वरम् । कृष्णस्य वचनं श्रुत्वा प्रसन्नवदनो नृपः
na samarthā dhruvaṃ jetumugrasenaṃ nṛpeśvaram | kṛṣṇasya vacanaṃ śrutvā prasannavadano nṛpaḥ
Sanskrit only: no published translation is held for this verse.
प्रययौ यादवैः सार्ध महेन्द्रभवनात्परम् । स्वालयं द्वारकामध्ये ज्वलन्तं मणितेजसा
prayayau yādavaiḥ sārdha mahendrabhavanātparam | svālayaṃ dvārakāmadhye jvalantaṃ maṇitejasā
Sanskrit only: no published translation is held for this verse.
सहस्रैद्वरिपालैश्च शूलिभिर्दण्डहस्तकैः । नियुक्तै रक्षितं द्वारं ददर्श मानवेश्वरः
sahasraidvaripālaiśca śūlibhirdaṇḍahastakaiḥ | niyuktai rakṣitaṃ dvāraṃ dadarśa mānaveśvaraḥ
Sanskrit only: no published translation is held for this verse.
अभ्यन्तरे च शिबिरं द्वारेभ्यः षड्भ्य एव च । मन्दिराणां च शतकै रत्नानां परिभूषणम्
abhyantare ca śibiraṃ dvārebhyaḥ ṣaḍbhya eva ca | mandirāṇāṃ ca śatakai ratnānāṃ paribhūṣaṇam
Sanskrit only: no published translation is held for this verse.
कोटिं मत्तगजेन्द्राणां ददर्श गजमन्दिरे । चतुर्युगं गजौघं गजानां षड्गुणं तथा
koṭiṃ mattagajendrāṇāṃ dadarśa gajamandire | caturyugaṃ gajaughaṃ gajānāṃ ṣaḍguṇaṃ tathā
Sanskrit only: no published translation is held for this verse.
महाबलांश्च तुरगान्सूर्याश्वं च हसन्ति ये । गजेन्द्रराजं सर्वेषां वाहनानामपीश्वरम्
mahābalāṃśca turagānsūryāśvaṃ ca hasanti ye | gajendrarājaṃ sarveṣāṃ vāhanānāmapīśvaram
Sanskrit only: no published translation is held for this verse.
हसत्यैरावतं शश्वन्महेन्द्रस्य च नारद । अत्युच्चैरुच्चैःश्रवमां ददर्श कोटिमीप्सितम्
hasatyairāvataṃ śaśvanmahendrasya ca nārada | atyuccairuccaiḥśravamāṃ dadarśa koṭimīpsitam
Sanskrit only: no published translation is held for this verse.
खराणां दशकोटिं च पादातं षड्गुणं तथा । निर्माणं रत्नसाराणां तथानां पञ्चलक्षकम्
kharāṇāṃ daśakoṭiṃ ca pādātaṃ ṣaḍguṇaṃ tathā | nirmāṇaṃ ratnasārāṇāṃ tathānāṃ pañcalakṣakam
Sanskrit only: no published translation is held for this verse.
पञ्चलक्षं सारथीनां तत्राश्वं षड्गुणं तथा । अश्ववाटं तत्समं च सुधर्मां च सभामपि
pañcalakṣaṃ sārathīnāṃ tatrāśvaṃ ṣaḍguṇaṃ tathā | aśvavāṭaṃ tatsamaṃ ca sudharmāṃ ca sabhāmapi
Sanskrit only: no published translation is held for this verse.
ददर्शाम्यन्तरे रम्ये देवौघमुनिसंयुताम् । वह्निशुद्धाशुकै रम्यैर्भूषितां रक्तकम्बलैः
dadarśāmyantare ramye devaughamunisaṃyutām | vahniśuddhāśukai ramyairbhūṣitāṃ raktakambalaiḥ
Sanskrit only: no published translation is held for this verse.
रत्नसिंहासनै रम्यैर्भूषितां रक्तपिङ्गलैः । अमूल्यरत्ननिर्माणवीथीनां तेजसोज्ज्वलाम्
ratnasiṃhāsanai ramyairbhūṣitāṃ raktapiṅgalaiḥ | amūlyaratnanirmāṇavīthīnāṃ tejasojjvalām
Sanskrit only: no published translation is held for this verse.
वेष्टितां च महाभीतैः किंकरैः शतकोटिभिः । प्रविवेश सभां रम्यां श्रुत्वा शङ्खध्वनिं शुभम्
veṣṭitāṃ ca mahābhītaiḥ kiṃkaraiḥ śatakoṭibhiḥ | praviveśa sabhāṃ ramyāṃ śrutvā śaṅkhadhvaniṃ śubham
Sanskrit only: no published translation is held for this verse.
वाद्यं च दुंदुभीनां च मुनीनां वेदमन्त्रकम् । दृष्ट्वा नृपं समुत्तस्थौ वेगेन सबलो हरिः
vādyaṃ ca duṃdubhīnāṃ ca munīnāṃ vedamantrakam | dṛṣṭvā nṛpaṃ samuttasthau vegena sabalo hariḥ
Sanskrit only: no published translation is held for this verse.
ब्रह्मा महेश्वरश्चैव शेषश्च देवपुंगवाः । समुत्तस्थुः सुराः सर्वे मुनयश्च महाव्रताः
brahmā maheśvaraścaiva śeṣaśca devapuṃgavāḥ | samuttasthuḥ surāḥ sarve munayaśca mahāvratāḥ
Sanskrit only: no published translation is held for this verse.
राजेन्द्राश्चापि सिद्धेन्द्रा वसुदेवपुरोगमाः । रत्नसिंहासने रम्ये चोग्रसेनो महाबलः
rājendrāścāpi siddhendrā vasudevapurogamāḥ | ratnasiṃhāsane ramye cograseno mahābalaḥ
Sanskrit only: no published translation is held for this verse.
समुवास महेन्द्रस्य मुनीनामाज्ञया हरेः । देवानां च गुरूणां च गर्गस्यापि तथैव च
samuvāsa mahendrasya munīnāmājñayā hareḥ | devānāṃ ca gurūṇāṃ ca gargasyāpi tathaiva ca
Sanskrit only: no published translation is held for this verse.
सप्ततीर्थोदकेनैव पूर्णकुम्भेन नारद । जकार वेदमन्त्रैश्च नृपस्याप्यभिषेचनम्
saptatīrthodakenaiva pūrṇakumbhena nārada | jakāra vedamantraiśca nṛpasyāpyabhiṣecanam
Sanskrit only: no published translation is held for this verse.
तस्मै वस्त्रयुगं दत्तं वह्निशुद्धं मनोहरम् । वरुणेन पुरा दत्तं कृष्णाय परमात्मने
tasmai vastrayugaṃ dattaṃ vahniśuddhaṃ manoharam | varuṇena purā dattaṃ kṛṣṇāya paramātmane
Sanskrit only: no published translation is held for this verse.
माल्यं च पारिजातानां चन्दनं रत्नभूषणम् । रत्नच्छत्रं ददौ तस्मै बलदेवो महाबलः
mālyaṃ ca pārijātānāṃ candanaṃ ratnabhūṣaṇam | ratnacchatraṃ dadau tasmai baladevo mahābalaḥ
Sanskrit only: no published translation is held for this verse.
ब्रह्मा कमण्डलुं चैव शूलं चापि महेश्वरः । पार्वती रत्नमाल्यं च हारं च मालती सती
brahmā kamaṇḍaluṃ caiva śūlaṃ cāpi maheśvaraḥ | pārvatī ratnamālyaṃ ca hāraṃ ca mālatī satī
Sanskrit only: no published translation is held for this verse.
अन्ये देवाश्च मुनयो राजेन्द्राः सिद्धपुंगवाः । यौतकं च ददौ तस्मै क्रमेण च पृथक्पृथक्
anye devāśca munayo rājendrāḥ siddhapuṃgavāḥ | yautakaṃ ca dadau tasmai krameṇa ca pṛthakpṛthak
Sanskrit only: no published translation is held for this verse.
वसुदेवो ददौ तस्मै शुभदं श्वेतचामरम् । पवनेन पुरा दत्तं कृष्णाय परमात्मने
vasudevo dadau tasmai śubhadaṃ śvetacāmaram | pavanena purā dattaṃ kṛṣṇāya paramātmane
Sanskrit only: no published translation is held for this verse.
नन्दो ददौ च सुरभिं कामधेनुं च पूजिताम् । यशोदा देवकी तस्मै रत्नश्रेष्ठं ददौ मुदा
nando dadau ca surabhiṃ kāmadhenuṃ ca pūjitām | yaśodā devakī tasmai ratnaśreṣṭhaṃ dadau mudā
Sanskrit only: no published translation is held for this verse.
सप्तभिः किंकरैश्चापि सैवितः श्वेतचामरैः । दधार च्छत्रमक्रूरो भक्त्या चैवाऽऽज्ञया हरेः
saptabhiḥ kiṃkaraiścāpi saivitaḥ śvetacāmaraiḥ | dadhāra cchatramakrūro bhaktyā caivā''jñayā hareḥ
Sanskrit only: no published translation is held for this verse.
रत्नसिहासने रम्ये ददर्श रत्नदर्पणम् । अतीव पुण्यावाप्यं च हरिणां च पुरस्कृतः
ratnasihāsane ramye dadarśa ratnadarpaṇam | atīva puṇyāvāpyaṃ ca hariṇāṃ ca puraskṛtaḥ
Sanskrit only: no published translation is held for this verse.
चक्रुः स्तुतिं च भट्टाश्च भिङुका ब्राह्मणास्तथा । ददुः शुभाशिषं तस्मै देवाश्च मुनयस्तथा
cakruḥ stutiṃ ca bhaṭṭāśca bhiṅukā brāhmaṇāstathā | daduḥ śubhāśiṣaṃ tasmai devāśca munayastathā
Sanskrit only: no published translation is held for this verse.
ब्रह्मणेम्यो ददौ राजा रत्नकोटिं च भक्ततः । भट्टभ्यो रत्नशतकं भिक्षुकेम्यस्तथैव च
brahmaṇemyo dadau rājā ratnakoṭiṃ ca bhaktataḥ | bhaṭṭabhyo ratnaśatakaṃ bhikṣukemyastathaiva ca
Sanskrit only: no published translation is held for this verse.
अभिषिच्य नृपेन्द्रं च देवांश्च मुनिपुंगवान् । संपूज्य ब्राह्मणांश्चापि भट्टान्भिक्षुं द्विजं गुरुम्
abhiṣicya nṛpendraṃ ca devāṃśca munipuṃgavān | saṃpūjya brāhmaṇāṃścāpi bhaṭṭānbhikṣuṃ dvijaṃ gurum
Sanskrit only: no published translation is held for this verse.
स्वालयं च ययुः सर्वे यादवाश्च मुदाऽन्विताः । ये ये हरेः पार्षदाश्च ते सर्वे स्वालयं ययुः
svālayaṃ ca yayuḥ sarve yādavāśca mudā'nvitāḥ | ye ye hareḥ pārṣadāśca te sarve svālayaṃ yayuḥ
Sanskrit only: no published translation is held for this verse.
प्रभाते चाऽऽययुः सर्वे सुधर्मा च सभां हरेः । नमस्कृत्य नृपेन्द्रं च चोषुः सर्वे च संसदि
prabhāte cā''yayuḥ sarve sudharmā ca sabhāṃ hareḥ | namaskṛtya nṛpendraṃ ca coṣuḥ sarve ca saṃsadi
Sanskrit only: no published translation is held for this verse.
इति श्रीब्रह्मo महाo श्रीकृष्णजन्मखo उत्तo नारादनाo द्वारकाप्रवेश उग्रसेनाभिषेको नाम चतुरधिकशततमोऽध्यायः
iti śrībrahmao mahāo śrīkṛṣṇajanmakhao uttao nārādanāo dvārakāpraveśa ugrasenābhiṣeko nāma caturadhikaśatatamo'dhyāyaḥ
Sanskrit only: no published translation is held for this verse.