Library·Brahmavaivarta Purāṇa·4·4.105
नारायण उवाच अथ वैदर्भराजेन्द्रो महाबलपराक्रम् । विदर्भदेशे पुण्याश्च सत्यशीलश्च भीष्मकः
nārāyaṇa uvāca atha vaidarbharājendro mahābalaparākram | vidarbhadeśe puṇyāśca satyaśīlaśca bhīṣmakaḥ
Sanskrit only: no published translation is held for this verse.
राजा नारायणांशश्च दाता च सर्वसंपदाम् । धर्मिष्ठस्च गरीयांश्च वरिष्ठश्टापि पूजितः
rājā nārāyaṇāṃśaśca dātā ca sarvasaṃpadām | dharmiṣṭhasca garīyāṃśca variṣṭhaśṭāpi pūjitaḥ
Sanskrit only: no published translation is held for this verse.
तस्य कन्या महालक्ष्मी रुक्मिणी योषितां वरा । अतीव सुन्दरी रम्या रमा रामासु पूजिता
tasya kanyā mahālakṣmī rukmiṇī yoṣitāṃ varā | atīva sundarī ramyā ramā rāmāsu pūjitā
Sanskrit only: no published translation is held for this verse.
नवयौवनसंपन्ना रत्नाभरणभूषिता । तप्तकाञ्चनवर्णाभा तेजसोज्ज्वलिता सती
navayauvanasaṃpannā ratnābharaṇabhūṣitā | taptakāñcanavarṇābhā tejasojjvalitā satī
Sanskrit only: no published translation is held for this verse.
शुद्धसत्त्वस्वरूपा सा सत्यशीला पतिव्रता । शान्ता दान्ता नितान्ता चाप्यनन्तगुणशालिनी
śuddhasattvasvarūpā sā satyaśīlā pativratā | śāntā dāntā nitāntā cāpyanantaguṇaśālinī
Sanskrit only: no published translation is held for this verse.
इन्द्राणी वरुणानी च चन्द्रनारी च रोहिणी । कुबेरपत्नी सूर्यस्त्री स्वाहा शान्ता कलावती
indrāṇī varuṇānī ca candranārī ca rohiṇī | kuberapatnī sūryastrī svāhā śāntā kalāvatī
Sanskrit only: no published translation is held for this verse.
अन्यासु रमणीयासु श्रेष्ठा च सुमनोहरा । रुक्मिण्या भीष्मकन्यायाः कलां नार्हति षोडशीम्
anyāsu ramaṇīyāsu śreṣṭhā ca sumanoharā | rukmiṇyā bhīṣmakanyāyāḥ kalāṃ nārhati ṣoḍaśīm
Sanskrit only: no published translation is held for this verse.
तां दृष्ट्वा राजराजेन्द्रो वालक्रीडारतां पराम् । बालां सुशोभां कुर्वन्तीं यथाऽभ्रेषु विधोः कलाम्
tāṃ dṛṣṭvā rājarājendro vālakrīḍāratāṃ parām | bālāṃ suśobhāṃ kurvantīṃ yathā'bhreṣu vidhoḥ kalām
Sanskrit only: no published translation is held for this verse.
शरत्पूर्णेन्दुशोभाढ्यां शरत्कमललोचनाम् । विवाहयोग्यां युवतीं लज्जानम्राननां शुभम्
śaratpūrṇenduśobhāḍhyāṃ śaratkamalalocanām | vivāhayogyāṃ yuvatīṃ lajjānamrānanāṃ śubham
Sanskrit only: no published translation is held for this verse.
सहसा चिन्तितो धर्मो धर्मशीलश्च सुव्रतः । सुतां पप्रच्छ पुत्रांश्च ब्राह्मणांश्च पुरोहितान्
sahasā cintito dharmo dharmaśīlaśca suvrataḥ | sutāṃ papraccha putrāṃśca brāhmaṇāṃśca purohitān
Sanskrit only: no published translation is held for this verse.
कं वृणोमि सुतार्ध च वराहं प्रवरं वरम् । मुनिपुत्रं देवपुत्रं राजेन्द्रसुतमीप्सितम्
kaṃ vṛṇomi sutārdha ca varāhaṃ pravaraṃ varam | muniputraṃ devaputraṃ rājendrasutamīpsitam
Sanskrit only: no published translation is held for this verse.
विवाहयोग्या कन्या मे वर्धमाना मनोहरा । शीघ्रं पश्य वरं याग्यं नवयौवनसंस्थितम्
vivāhayogyā kanyā me vardhamānā manoharā | śīghraṃ paśya varaṃ yāgyaṃ navayauvanasaṃsthitam
Sanskrit only: no published translation is held for this verse.
धर्मशीलं सत्यसंधं नारायणपरायणम् । महाकुलप्रसूतं च सर्वत्रैव प्रतिष्ठितम्
dharmaśīlaṃ satyasaṃdhaṃ nārāyaṇaparāyaṇam | mahākulaprasūtaṃ ca sarvatraiva pratiṣṭhitam
Sanskrit only: no published translation is held for this verse.
करोषि राजपुत्रं चेद्रणशास्त्रविशारदम् । महारथं प्रतापार्हं रणमूर्ध्नि च सुस्थिरम्
karoṣi rājaputraṃ cedraṇaśāstraviśāradam | mahārathaṃ pratāpārhaṃ raṇamūrdhni ca susthiram
Sanskrit only: no published translation is held for this verse.
करोषि देवपुत्रं चेद्देवं गुणयुतं तथा । करोषि मुनिपुत्रं चेच्चतुर्वेदविशारदम्
karoṣi devaputraṃ ceddevaṃ guṇayutaṃ tathā | karoṣi muniputraṃ ceccaturvedaviśāradam
Sanskrit only: no published translation is held for this verse.
वावदूकं विचारज्ञं सिद्धान्तेषु नितान्तकम् । नृपेन्द्रवचनं श्रुत्वा तमुवाच मुनेः सुतः
vāvadūkaṃ vicārajñaṃ siddhānteṣu nitāntakam | nṛpendravacanaṃ śrutvā tamuvāca muneḥ sutaḥ
Sanskrit only: no published translation is held for this verse.
गोतमस्य शतानन्दो वेदवेदाङ्गपारगः । आप्तः प्रवक्ता विज्ञश्च धर्मी कुलपुरोहितः ।। पृथिव्यां सर्वतत्त्वज्ञो निष्णातः सर्वकर्मसु
gotamasya śatānando vedavedāṅgapāragaḥ | āptaḥ pravaktā vijñaśca dharmī kulapurohitaḥ || pṛthivyāṃ sarvatattvajño niṣṇātaḥ sarvakarmasu
Sanskrit only: no published translation is held for this verse.
शतानन्द उवाच राजेन्द्र त्वं च धर्मज्ञो धर्मशास्त्रविशारदः । पृर्वाख्यानं च वेदोक्तं कथयामि निशामय
śatānanda uvāca rājendra tvaṃ ca dharmajño dharmaśāstraviśāradaḥ | pṛrvākhyānaṃ ca vedoktaṃ kathayāmi niśāmaya
Sanskrit only: no published translation is held for this verse.
भुवो भारावतरणे स्वयं नारायणो भुवि । वसुदेवसुतः श्रीमान्परिबूर्णतमः प्रभुः
bhuvo bhārāvataraṇe svayaṃ nārāyaṇo bhuvi | vasudevasutaḥ śrīmānparibūrṇatamaḥ prabhuḥ
Sanskrit only: no published translation is held for this verse.
विधातुश्च विधाता च ब्रह्मेशशेषवन्दितः । ज्योतिःस्वरूपः परमो भक्तानुग्रहविग्रहः
vidhātuśca vidhātā ca brahmeśaśeṣavanditaḥ | jyotiḥsvarūpaḥ paramo bhaktānugrahavigrahaḥ
Sanskrit only: no published translation is held for this verse.
परमात्मा च सर्वेषां प्राणिनां प्रकृतेः परः । निर्लिप्तश्च निरीहप्तश्च साक्षी च सर्वकर्मणाम्
paramātmā ca sarveṣāṃ prāṇināṃ prakṛteḥ paraḥ | nirliptaśca nirīhaptaśca sākṣī ca sarvakarmaṇām
Sanskrit only: no published translation is held for this verse.
राजेन्द्र तस्मै कन्यां च परिपूर्णतमाय च । दत्त्वा यास्यसि गोलोकं पितॄणां शतकैः सह
rājendra tasmai kanyāṃ ca paripūrṇatamāya ca | dattvā yāsyasi golokaṃ pitṝṇāṃ śatakaiḥ saha
Sanskrit only: no published translation is held for this verse.
लभ सारूप्यमुक्तिं च कन्या दत्त्वां परत्र च । इहैव सर्वपूज्यश्च भव विश्वगुरोर्गुरुः
labha sārūpyamuktiṃ ca kanyā dattvāṃ paratra ca | ihaiva sarvapūjyaśca bhava viśvagurorguruḥ
Sanskrit only: no published translation is held for this verse.
सर्वस्वं दक्षिणां दत्त्वा महालक्ष्मीं च रुक्मिणीम् । समर्पणं कुरुविभो कुरुष्व जन्मखण्डनम्
sarvasvaṃ dakṣiṇāṃ dattvā mahālakṣmīṃ ca rukmiṇīm | samarpaṇaṃ kuruvibho kuruṣva janmakhaṇḍanam
Sanskrit only: no published translation is held for this verse.
विधाता निखितो राजन्संबन्धः सर्वसंमतः । द्वारकानगरे कृष्णं शीघ्रं प्रस्थापय द्विजम्
vidhātā nikhito rājansaṃbandhaḥ sarvasaṃmataḥ | dvārakānagare kṛṣṇaṃ śīghraṃ prasthāpaya dvijam
Sanskrit only: no published translation is held for this verse.
कृत्वा शुभक्षणं तूर्ण सर्वेषामपि संमतम् । आनीय परमात्मानं भक्तानुग्रहविग्रहम्
kṛtvā śubhakṣaṇaṃ tūrṇa sarveṣāmapi saṃmatam | ānīya paramātmānaṃ bhaktānugrahavigraham
Sanskrit only: no published translation is held for this verse.
ध्यानानुरोधहेतुं च नित्यदेहमनुत्तमम् । दृष्टिमात्रात्कुरु नृप स्वजन्मकर्मखण्डनम्
dhyānānurodhahetuṃ ca nityadehamanuttamam | dṛṣṭimātrātkuru nṛpa svajanmakarmakhaṇḍanam
Sanskrit only: no published translation is held for this verse.
यं न जानन्ति चत्वारो वेदाः संतश्च देवताः । सिद्धेन्द्राश्च मुनीन्द्राश्च देवा ब्रह्मादयस्तथा
yaṃ na jānanti catvāro vedāḥ saṃtaśca devatāḥ | siddhendrāśca munīndrāśca devā brahmādayastathā
Sanskrit only: no published translation is held for this verse.
ध्यायन्ते ध्यानपूताश्च योगिनो न विदन्ति यम् । सरस्वती जडीभूता वेदाः शास्त्राणियानि च
dhyāyante dhyānapūtāśca yogino na vidanti yam | sarasvatī jaḍībhūtā vedāḥ śāstrāṇiyāni ca
Sanskrit only: no published translation is held for this verse.
सहस्रवक्त्रः शेषश्च पञ्चवक्त्रः सदाशिवः । चतुर्मुखो जगद्धाता कुमारः कार्तिकस्तथा
sahasravaktraḥ śeṣaśca pañcavaktraḥ sadāśivaḥ | caturmukho jagaddhātā kumāraḥ kārtikastathā
Sanskrit only: no published translation is held for this verse.
ऋषयो मुनयश्चैव भक्ताः परमवैष्णवाः । अक्षमाः स्तवने यस्य ध्यानासाध्यश्च योगिनाम्
ṛṣayo munayaścaiva bhaktāḥ paramavaiṣṇavāḥ | akṣamāḥ stavane yasya dhyānāsādhyaśca yoginām
Sanskrit only: no published translation is held for this verse.
बालकोऽहं महाराज तद्गुणं कथयामि किम् । शतानन्दवचः श्रुत्वा प्रफुल्लवदनो नृपः
bālako'haṃ mahārāja tadguṇaṃ kathayāmi kim | śatānandavacaḥ śrutvā praphullavadano nṛpaḥ
Sanskrit only: no published translation is held for this verse.
आनिङ्गनं ददौ तस्मै समुत्थाय जवेन च । नानारत्नं मुवर्ण च वस्त्रं च रत्नभूषणम्
āniṅganaṃ dadau tasmai samutthāya javena ca | nānāratnaṃ muvarṇa ca vastraṃ ca ratnabhūṣaṇam
Sanskrit only: no published translation is held for this verse.
ददौ तस्मै प्रदानं च प्रसादसुमुखो नृपः । गजेन्द्र तुरगं श्रेष्ठं रथं च मणिनिर्मितम्
dadau tasmai pradānaṃ ca prasādasumukho nṛpaḥ | gajendra turagaṃ śreṣṭhaṃ rathaṃ ca maṇinirmitam
Sanskrit only: no published translation is held for this verse.
रत्नसिहासनं रम्यं धनं च विपुलं तथा । भूमिं च सर्वसस्याढ्यां शश्वद्वृष्टिकरीं शुभाम्
ratnasihāsanaṃ ramyaṃ dhanaṃ ca vipulaṃ tathā | bhūmiṃ ca sarvasasyāḍhyāṃ śaśvadvṛṣṭikarīṃ śubhām
Sanskrit only: no published translation is held for this verse.
अकृष्टसाध्यां पूज्यां च ग्रामं सर्वप्रशंसितम् । एतस्मिन्नन्तरे रुक्मिश्चुकोप नृपनन्दनः
akṛṣṭasādhyāṃ pūjyāṃ ca grāmaṃ sarvapraśaṃsitam | etasminnantare rukmiścukopa nṛpanandanaḥ
Sanskrit only: no published translation is held for this verse.
कम्पितोऽधर्मयुक्तश्च रक्तास्यो रक्तलोचनः । उवाच पितरं व्रिप्रं सभायामस्थिरस्तदा
kampito'dharmayuktaśca raktāsyo raktalocanaḥ | uvāca pitaraṃ vripraṃ sabhāyāmasthirastadā
Sanskrit only: no published translation is held for this verse.
उत्याय तिष्ठन्पुरतः सर्वेषां च सभासदाम्
utyāya tiṣṭhanpurataḥ sarveṣāṃ ca sabhāsadām
Sanskrit only: no published translation is held for this verse.
रुक्मिरुवाच श्रृणु राजेन्द्र वचनं हितं तथयं प्रशंसितम् । त्यज वाक्यं भिक्षुकाणां लोभिनां क्रोधिनामहो
rukmiruvāca śrṛṇu rājendra vacanaṃ hitaṃ tathayaṃ praśaṃsitam | tyaja vākyaṃ bhikṣukāṇāṃ lobhināṃ krodhināmaho
Sanskrit only: no published translation is held for this verse.
नर्तकानां च वैश्यानां भट्टानामर्थिनामपि । कायस्थानां च भिक्षूणामसत्यं वचनं सदा
nartakānāṃ ca vaiśyānāṃ bhaṭṭānāmarthināmapi | kāyasthānāṃ ca bhikṣūṇāmasatyaṃ vacanaṃ sadā
Sanskrit only: no published translation is held for this verse.
घटकानां नाटकानां स्त्रीलुब्धाना च कामिनाम् । दरिद्राणां च मूर्खाणां स्तुतिपूर्व वचः सदा
ghaṭakānāṃ nāṭakānāṃ strīlubdhānā ca kāminām | daridrāṇāṃ ca mūrkhāṇāṃ stutipūrva vacaḥ sadā
Sanskrit only: no published translation is held for this verse.
निहत्य कालयवनं राजेन्द्रं दूरतो भिया । उवायेन महाबाहो लब्धं कृष्णेन तद्धनम्
nihatya kālayavanaṃ rājendraṃ dūrato bhiyā | uvāyena mahābāho labdhaṃ kṛṣṇena taddhanam
Sanskrit only: no published translation is held for this verse.
द्वारकाया धनी कृष्णो यवनस्य धनेन च । जरासंधभयेनैव समुद्राभ्यन्तरे गृही
dvārakāyā dhanī kṛṣṇo yavanasya dhanena ca | jarāsaṃdhabhayenaiva samudrābhyantare gṛhī
Sanskrit only: no published translation is held for this verse.
जरासंधशतं चैव क्षणेनैव च लीलया । क्षमोऽहं हन्तुमेकाकी राज्ञश्चान्यस्य का कथा
jarāsaṃdhaśataṃ caiva kṣaṇenaiva ca līlayā | kṣamo'haṃ hantumekākī rājñaścānyasya kā kathā
Sanskrit only: no published translation is held for this verse.
दुर्वाससश्च शिष्योऽहं रणशास्त्रविशारदः । ध्रुवं भीष्मक तेनैव विश्वं संहर्तुमीश्वरः
durvāsasaśca śiṣyo'haṃ raṇaśāstraviśāradaḥ | dhruvaṃ bhīṣmaka tenaiva viśvaṃ saṃhartumīśvaraḥ
Sanskrit only: no published translation is held for this verse.
मत्समः पर्शुरामश्च शिशुपालश्च मत्समः । सखा च बलवाञ्छूरः स्वर्गं जेतुं स च क्षमः
matsamaḥ parśurāmaśca śiśupālaśca matsamaḥ | sakhā ca balavāñchūraḥ svargaṃ jetuṃ sa ca kṣamaḥ
Sanskrit only: no published translation is held for this verse.
महेन्द्रं सगणं जेतुमहमीशः क्षणेन च । जित्वा युद्धे जरासंधं दुर्बलं योगिनं नृप
mahendraṃ sagaṇaṃ jetumahamīśaḥ kṣaṇena ca | jitvā yuddhe jarāsaṃdhaṃ durbalaṃ yoginaṃ nṛpa
Sanskrit only: no published translation is held for this verse.
अहंकारयुतः कृष्णो पीरं स्वं मन्यते धिया । यद्यायास्यति मद्ग्रामं विवाहं कर्तुमीप्सितम्
ahaṃkārayutaḥ kṛṣṇo pīraṃ svaṃ manyate dhiyā | yadyāyāsyati madgrāmaṃ vivāhaṃ kartumīpsitam
Sanskrit only: no published translation is held for this verse.
ध्रुवं प्रस्थापयिष्यामि क्षणेन यममन्दिरम् । अहो नन्दस्य वैश्यस्य तस्मै गोरक्षकाय च
dhruvaṃ prasthāpayiṣyāmi kṣaṇena yamamandiram | aho nandasya vaiśyasya tasmai gorakṣakāya ca
Sanskrit only: no published translation is held for this verse.
साक्षाज्जाराय गोपीनां गोपालोच्छिष्टभोजिने । करोषि कन्यास्वीकारं देवयोग्यां च रुक्मिणीम्
sākṣājjārāya gopīnāṃ gopālocchiṣṭabhojine | karoṣi kanyāsvīkāraṃ devayogyāṃ ca rukmiṇīm
Sanskrit only: no published translation is held for this verse.
दातुमिच्छसि वाक्येन भिङुकस्य द्विजस्य च । राजेन्द्र बुद्धिहीनोऽसि वचनाद्वद्ग(दुर्ब) लस्य च
dātumicchasi vākyena bhiṅukasya dvijasya ca | rājendra buddhihīno'si vacanādvadga(durba) lasya ca
Sanskrit only: no published translation is held for this verse.
मा राजपुत्रो माशूरो म कुलीनश्च मा शुचिः । मा दाता मा धनाढ्यश्च मा योग्यो मा जितेन्द्रियः
mā rājaputro māśūro ma kulīnaśca mā śuciḥ | mā dātā mā dhanāḍhyaśca mā yogyo mā jitendriyaḥ
Sanskrit only: no published translation is held for this verse.
निमन्त्रणं कुरु नृप नानादेशभवान्नृपान् । बान्धवांश्च मुनीन्द्रांश्च पत्रद्वारा त्वरान्वितः
nimantraṇaṃ kuru nṛpa nānādeśabhavānnṛpān | bāndhavāṃśca munīndrāṃśca patradvārā tvarānvitaḥ
Sanskrit only: no published translation is held for this verse.
कन्यां देहि सुपुत्राय शिशुपालाय भूमिप । बलेन रुद्रतुष्टाय राजेन्द्रतनयाय च
kanyāṃ dehi suputrāya śiśupālāya bhūmipa | balena rudratuṣṭāya rājendratanayāya ca
Sanskrit only: no published translation is held for this verse.
महाराष्ट्रं विराटं च मुद्गलं च मुरङ्गकम् । भल्लकं गल्लकं खर्व दुर्गं प्रस्थापय द्विजम्
mahārāṣṭraṃ virāṭaṃ ca mudgalaṃ ca muraṅgakam | bhallakaṃ gallakaṃ kharva durgaṃ prasthāpaya dvijam
Sanskrit only: no published translation is held for this verse.
घृतकुल्यासहस्रं च मधुकुल्यासहस्रकम् । दधिकुल्यासहस्रं च दुग्धकुल्यासहस्रकम्
ghṛtakulyāsahasraṃ ca madhukulyāsahasrakam | dadhikulyāsahasraṃ ca dugdhakulyāsahasrakam
Sanskrit only: no published translation is held for this verse.
तैलकुल्यापञ्चशतं गुडकुल्याद्विलक्षकम् । शर्कराणां राशिशतं मिष्टान्नानां चतुर्गुणम्
tailakulyāpañcaśataṃ guḍakulyādvilakṣakam | śarkarāṇāṃ rāśiśataṃ miṣṭānnānāṃ caturguṇam
Sanskrit only: no published translation is held for this verse.
यवगोधूमचूर्णानां पिष्टराशिशतं शतम् । पृथुकानां राशिलक्षमन्नानां च चतुर्गुणम्
yavagodhūmacūrṇānāṃ piṣṭarāśiśataṃ śatam | pṛthukānāṃ rāśilakṣamannānāṃ ca caturguṇam
Sanskrit only: no published translation is held for this verse.
अथ श्रुत्वा च तद्वाक्यं राजेन्द्रः सपुरोहितः । चकार मन्त्रणां तूर्ण निर्जने मन्त्रिणा सह
atha śrutvā ca tadvākyaṃ rājendraḥ sapurohitaḥ | cakāra mantraṇāṃ tūrṇa nirjane mantriṇā saha
Sanskrit only: no published translation is held for this verse.
द्विजं प्रस्थापयामास द्वारकां योग्यमीप्सितम् । कृत्वा च शुभलग्नं च सर्वेषामभिवाञ्छितम्
dvijaṃ prasthāpayāmāsa dvārakāṃ yogyamīpsitam | kṛtvā ca śubhalagnaṃ ca sarveṣāmabhivāñchitam
Sanskrit only: no published translation is held for this verse.
राजा संभृतसंभारो बभूव सत्वरं मृदा । निमन्त्रणं च सर्वत्र चकार च सुताज्ञया
rājā saṃbhṛtasaṃbhāro babhūva satvaraṃ mṛdā | nimantraṇaṃ ca sarvatra cakāra ca sutājñayā
Sanskrit only: no published translation is held for this verse.
विप्रः सुधर्मां संप्राप्य नृपैर्देवैश्च वेष्टिताम् । प्रददी पत्रिकां भद्रामुग्रसेनाय भूभृते
vipraḥ sudharmāṃ saṃprāpya nṛpairdevaiśca veṣṭitām | pradadī patrikāṃ bhadrāmugrasenāya bhūbhṛte
Sanskrit only: no published translation is held for this verse.
प्रफुल्लवदनो राजा श्रुत्वा पत्रं सुमङ्गलम् । सुवर्णानां सहस्रं च ब्राह्मणेभ्यो ददौ मुदा
praphullavadano rājā śrutvā patraṃ sumaṅgalam | suvarṇānāṃ sahasraṃ ca brāhmaṇebhyo dadau mudā
Sanskrit only: no published translation is held for this verse.
दुंदुभिं वादयामास द्वारकायां च सर्वतः । देवान्मुनीन्नृपांश्चैव ज्ञातिवर्गाश्च बान्धवान्
duṃdubhiṃ vādayāmāsa dvārakāyāṃ ca sarvataḥ | devānmunīnnṛpāṃścaiva jñātivargāśca bāndhavān
Sanskrit only: no published translation is held for this verse.
भट्टांश्च भिक्षुकांश्चैव भोजयामास सादरम् । श्रीकृष्णस्य सृवेषं च कारयामास भूपतिः
bhaṭṭāṃśca bhikṣukāṃścaiva bhojayāmāsa sādaram | śrīkṛṣṇasya sṛveṣaṃ ca kārayāmāsa bhūpatiḥ
Sanskrit only: no published translation is held for this verse.
अतीव रम्यमतुलं त्रेषु लोकेषु दुल्रभम् । यात्रां च कारयामास जगतां प्रवरं वरम्
atīva ramyamatulaṃ treṣu lokeṣu dulrabham | yātrāṃ ca kārayāmāsa jagatāṃ pravaraṃ varam
Sanskrit only: no published translation is held for this verse.
वेदमन्त्रेण रम्येण माहेन्द्रे सुमनोहरे । आदौ ब्रह्मा रथस्थश्च सावित्र्या सहितो ययौ
vedamantreṇa ramyeṇa māhendre sumanohare | ādau brahmā rathasthaśca sāvitryā sahito yayau
Sanskrit only: no published translation is held for this verse.
रथस्यश्च महाहृष्टो भवान्या च भवः स्वयम् । शेषश्चापि दिनेशश्च गणेशश्चापि कार्तिकः
rathasyaśca mahāhṛṣṭo bhavānyā ca bhavaḥ svayam | śeṣaścāpi dineśaśca gaṇeśaścāpi kārtikaḥ
Sanskrit only: no published translation is held for this verse.
महेन्द्रश्चतथा चन्द्रो वरुणः पवनस्तथा । कुबेरश्च यमो वह्निरीशानोऽपि ययौ मुदा
mahendraścatathā candro varuṇaḥ pavanastathā | kuberaśca yamo vahnirīśāno'pi yayau mudā
Sanskrit only: no published translation is held for this verse.
देवानां च त्रिकोट्यश्च मुनीनां षष्टिकोटयः । राजेन्द्राणां त्रिलक्षं च श्वेतच्छत्रं त्रिलक्षकम्
devānāṃ ca trikoṭyaśca munīnāṃ ṣaṣṭikoṭayaḥ | rājendrāṇāṃ trilakṣaṃ ca śvetacchatraṃ trilakṣakam
Sanskrit only: no published translation is held for this verse.
उग्रसेनो बभौ राजा नक्षत्रेषु यथा शशी । ययौ प्रसन्नवदनः कुण्डिनाभिमुखो बली
ugraseno babhau rājā nakṣatreṣu yathā śaśī | yayau prasannavadanaḥ kuṇḍinābhimukho balī
Sanskrit only: no published translation is held for this verse.
रत्ननिर्माणयानेन बलदेवो महाबलः । वसुदेवश्चोद्धवश्च नन्दोऽक्रूरश्च सात्यकिः
ratnanirmāṇayānena baladevo mahābalaḥ | vasudevaścoddhavaśca nando'krūraśca sātyakiḥ
Sanskrit only: no published translation is held for this verse.
गोपाला यादवेन्द्राश्च चन्द्रवंश्याश्च ते ययुः । धृतराष्ट्रसुताः सर्वे दुर्योधनपुलोगमाः
gopālā yādavendrāśca candravaṃśyāśca te yayuḥ | dhṛtarāṣṭrasutāḥ sarve duryodhanapulogamāḥ
Sanskrit only: no published translation is held for this verse.
युधिष्ठिरस्तथा भीमः फाल्गुनो नकुलस्तथा । सहदेवश्च यानैश्च प्रययुः पञ्च पाण्डवाः
yudhiṣṭhirastathā bhīmaḥ phālguno nakulastathā | sahadevaśca yānaiśca prayayuḥ pañca pāṇḍavāḥ
Sanskrit only: no published translation is held for this verse.
भीष्मो द्रोणश्च कर्णश्चाप्यश्वत्थामा महाबलः । कृपाचार्यश्च शकुनिः शल्यश्चप्रययौ मुदा
bhīṣmo droṇaśca karṇaścāpyaśvatthāmā mahābalaḥ | kṛpācāryaśca śakuniḥ śalyaścaprayayau mudā
Sanskrit only: no published translation is held for this verse.
भटानां च त्रिकोट्यश्च विप्राणां शतकोटयः । संन्यासिनां सहस्रं च यतीनां ब्रह्मचारिणाम्
bhaṭānāṃ ca trikoṭyaśca viprāṇāṃ śatakoṭayaḥ | saṃnyāsināṃ sahasraṃ ca yatīnāṃ brahmacāriṇām
Sanskrit only: no published translation is held for this verse.
द्विसहस्रं जितक्रोधाश्चावधूतास्तथैव च । उत्पलानां सहस्रं च सहस्रं पुष्पकारिणाम्
dvisahasraṃ jitakrodhāścāvadhūtāstathaiva ca | utpalānāṃ sahasraṃ ca sahasraṃ puṣpakāriṇām
Sanskrit only: no published translation is held for this verse.
नानाशिर्पकराश्चैव विचित्रं चित्रमेव च । लक्षं च वाद्यभाण्डानां नर्तकानां च लक्षकम्
nānāśirpakarāścaiva vicitraṃ citrameva ca | lakṣaṃ ca vādyabhāṇḍānāṃ nartakānāṃ ca lakṣakam
Sanskrit only: no published translation is held for this verse.
गन्धर्वाणां गायकानां लक्षमेव तु नारद । तत्र कल्पे भक्त्येव गन्धर्वश्चोपबर्हणः
gandharvāṇāṃ gāyakānāṃ lakṣameva tu nārada | tatra kalpe bhaktyeva gandharvaścopabarhaṇaḥ
Sanskrit only: no published translation is held for this verse.
पञ्चाशत्कामिनीभिश्च त्वमेव तेषु मध्यगः । विद्याधरीणां लक्षं च लक्षमप्सरसां तथा
pañcāśatkāminībhiśca tvameva teṣu madhyagaḥ | vidyādharīṇāṃ lakṣaṃ ca lakṣamapsarasāṃ tathā
Sanskrit only: no published translation is held for this verse.
किन्नराणां त्रिलक्षं चगन्धर्वाणां त्रिलक्षकम्
kinnarāṇāṃ trilakṣaṃ cagandharvāṇāṃ trilakṣakam
Sanskrit only: no published translation is held for this verse.
इति श्रीब्रह्मo महाo श्रीकृष्णजन्मखo उत्तo नारदनाo रुक्मिण्युद्वाहे पञ्चाधिकशततमोऽध्यायः
iti śrībrahmao mahāo śrīkṛṣṇajanmakhao uttao nāradanāo rukmiṇyudvāhe pañcādhikaśatatamo'dhyāyaḥ
Sanskrit only: no published translation is held for this verse.