Brahmavaivarta Purāṇa 4.110

नारायण उवाच आगतेषु गतेष्वेवं साङ्गे मङ्गलकर्मणि । नन्दो यशोदया सार्ध पुत्राभ्याशं समाययौ

nārāyaṇa uvāca āgateṣu gateṣvevaṃ sāṅge maṅgalakarmaṇi | nando yaśodayā sārdha putrābhyāśaṃ samāyayau

Sanskrit only: no published translation is held for this verse.

यशोदोवाच ज्ञानं च भवता दत्तं पित्रे नन्दाय माधव । मां चापि मातरं वत्स कृपां कुरु कृपानिधे

yaśodovāca jñānaṃ ca bhavatā dattaṃ pitre nandāya mādhava | māṃ cāpi mātaraṃ vatsa kṛpāṃ kuru kṛpānidhe

Sanskrit only: no published translation is held for this verse.

मामुद्धर महाभाग धरोद्धारणकारण । भवाब्धितरणे भीमौ भीतां च पतितामपि

māmuddhara mahābhāga dharoddhāraṇakāraṇa | bhavābdhitaraṇe bhīmau bhītāṃ ca patitāmapi

Sanskrit only: no published translation is held for this verse.

मायामयी सा प्रकृतिर्भवाब्धितरणे तरिः । त्वमेव कर्णधारश्च भक्तोत्तीर्णे कृपामय

māyāmayī sā prakṛtirbhavābdhitaraṇe tariḥ | tvameva karṇadhāraśca bhaktottīrṇe kṛpāmaya

Sanskrit only: no published translation is held for this verse.

यशोदावचनं श्रुत्वा जहास पुरुषोत्तमः । उवाच मातरं भक्त्या ज्ञानिनां च गुरोर्गुरुः

yaśodāvacanaṃ śrutvā jahāsa puruṣottamaḥ | uvāca mātaraṃ bhaktyā jñānināṃ ca gurorguruḥ

Sanskrit only: no published translation is held for this verse.

श्रीभगवानुवाच ज्ञानं योगात्मकं मातर्ज्ञानं च विषयात्मकम् । ज्ञानं भक्त्यात्मकं श्रेष्ठं मद्दास्यकारणं शुभम्

śrībhagavānuvāca jñānaṃ yogātmakaṃ mātarjñānaṃ ca viṣayātmakam | jñānaṃ bhaktyātmakaṃ śreṣṭhaṃ maddāsyakāraṇaṃ śubham

Sanskrit only: no published translation is held for this verse.

ज्ञानं पञ्चविधं प्रोक्तं सर्ववेदेषु संमतम् । भक्त्यात्मकं सर्वपरं तेषां च लक्षणं शृणु

jñānaṃ pañcavidhaṃ proktaṃ sarvavedeṣu saṃmatam | bhaktyātmakaṃ sarvaparaṃ teṣāṃ ca lakṣaṇaṃ śṛṇu

Sanskrit only: no published translation is held for this verse.

क्षुत्पिपासादिकानां च खण्डनं स्वान्तशोधनम् । नाडीनां शोधनं चैव चक्राणामपि भेदनम्

kṣutpipāsādikānāṃ ca khaṇḍanaṃ svāntaśodhanam | nāḍīnāṃ śodhanaṃ caiva cakrāṇāmapi bhedanam

Sanskrit only: no published translation is held for this verse.

शक्तिकुण्डलिनीयुक्तमीश्वरं चिन्तयेत्ततः । इन्द्रियाणां च दमनं लौभादीनां च वर्जनम्

śaktikuṇḍalinīyuktamīśvaraṃ cintayettataḥ | indriyāṇāṃ ca damanaṃ laubhādīnāṃ ca varjanam

Sanskrit only: no published translation is held for this verse.

मूलाधारं स्वधिष्ठानं मणिपूरमनाहतम् । विशुद्धं च तथा ज्ञाख्यं चक्रषट्कं प्रकीर्तितम्

mūlādhāraṃ svadhiṣṭhānaṃ maṇipūramanāhatam | viśuddhaṃ ca tathā jñākhyaṃ cakraṣaṭkaṃ prakīrtitam

Sanskrit only: no published translation is held for this verse.

नारीणामपि दुर्बोधं मुर्खाणां च विशेषतः । ज्ञानं योगात्मकं साध्वि सिद्धानां साध्यमीप्सितम्

nārīṇāmapi durbodhaṃ murkhāṇāṃ ca viśeṣataḥ | jñānaṃ yogātmakaṃ sādhvi siddhānāṃ sādhyamīpsitam

Sanskrit only: no published translation is held for this verse.

जन्तूनामपि सर्वेषां ज्ञानं स्वविषये तथा । सन्तः सर्वे विजानन्ति स्वेच्छया च मदीयया

jantūnāmapi sarveṣāṃ jñānaṃ svaviṣaye tathā | santaḥ sarve vijānanti svecchayā ca madīyayā

Sanskrit only: no published translation is held for this verse.

सिद्ध्यात्मकं च सिद्धानां नियुक्तं सर्वकर्मसु । चतुस्त्रिंशत्सु सिद्धानां साधनं बोधनं तथा

siddhyātmakaṃ ca siddhānāṃ niyuktaṃ sarvakarmasu | catustriṃśatsu siddhānāṃ sādhanaṃ bodhanaṃ tathā

Sanskrit only: no published translation is held for this verse.

ज्ञानं मौक्षात्मकं सिद्धं परं निर्वाणकारणम् । निवृत्तिमार्गमारूढं भक्तस्तत्रैव वाञ्छति

jñānaṃ maukṣātmakaṃ siddhaṃ paraṃ nirvāṇakāraṇam | nivṛttimārgamārūḍhaṃ bhaktastatraiva vāñchati

Sanskrit only: no published translation is held for this verse.

भक्त्यात्मकं च यज्ज्ञानं तुभ्यं राधा प्रदास्यति । तस्यां च मानवं भावं त्यक्त्वा ज्ञानं करिष्यति

bhaktyātmakaṃ ca yajjñānaṃ tubhyaṃ rādhā pradāsyati | tasyāṃ ca mānavaṃ bhāvaṃ tyaktvā jñānaṃ kariṣyati

Sanskrit only: no published translation is held for this verse.

नन्दाय दत्तं यज्ज्ञानं तच्च तुभ्यं प्रदास्यति । गच्छ नन्दव्रजं मातर्नन्देन सह सादरम्

nandāya dattaṃ yajjñānaṃ tacca tubhyaṃ pradāsyati | gaccha nandavrajaṃ mātarnandena saha sādaram

Sanskrit only: no published translation is held for this verse.

इत्युक्त्वा विनयं कृत्वा जगामाभ्यन्तरं हरिः । नन्दो यशोदया सार्धं प्रययौ कदलीवनम्

ityuktvā vinayaṃ kṛtvā jagāmābhyantaraṃ hariḥ | nando yaśodayā sārdhaṃ prayayau kadalīvanam

Sanskrit only: no published translation is held for this verse.

ददर्श राधां तत्रैव निद्रितां त्यक्तभूषणम् । दधानां शुक्लवस्त्रं च निराहारां कृशोदरीम्

dadarśa rādhāṃ tatraiva nidritāṃ tyaktabhūṣaṇam | dadhānāṃ śuklavastraṃ ca nirāhārāṃ kṛśodarīm

Sanskrit only: no published translation is held for this verse.

पङ्कस्थे पङ्कजदले सजले चन्दनार्चिते । शयानां शुष्कितौष्ठीं च साश्रुनेत्रां च मूर्च्छिताम्

paṅkasthe paṅkajadale sajale candanārcite | śayānāṃ śuṣkitauṣṭhīṃ ca sāśrunetrāṃ ca mūrcchitām

Sanskrit only: no published translation is held for this verse.

ध्यायमानां पदाम्भोजं कृष्णस्य परमात्मनः । बाह्यज्ञानपरित्यक्तां तन्नि विष्टैकमानसाम्

dhyāyamānāṃ padāmbhojaṃ kṛṣṇasya paramātmanaḥ | bāhyajñānaparityaktāṃ tanni viṣṭaikamānasām

Sanskrit only: no published translation is held for this verse.

पश्यन्तीं सस्मितं कान्तं पश्यन्तीं तन्मुखाम्बुजम् । हसन्तीं च रुदन्तीं च स्वप्ने कान्तसमीपतः

paśyantīṃ sasmitaṃ kāntaṃ paśyantīṃ tanmukhāmbujam | hasantīṃ ca rudantīṃ ca svapne kāntasamīpataḥ

Sanskrit only: no published translation is held for this verse.

सखीभिः परितः शश्वत्सेवितां श्चेतचामरैः । दिवानिशं रक्षितां च गोपीभिः शतकोटिभिः

sakhībhiḥ paritaḥ śaśvatsevitāṃ ścetacāmaraiḥ | divāniśaṃ rakṣitāṃ ca gopībhiḥ śatakoṭibhiḥ

Sanskrit only: no published translation is held for this verse.

सावधानपराभिश्च वेत्रहस्ताभिरीश्वरीम् । सप्तद्वारेषु युक्ताभिः परितः प्राङ्गणेषु च

sāvadhānaparābhiśca vetrahastābhirīśvarīm | saptadvāreṣu yuktābhiḥ paritaḥ prāṅgaṇeṣu ca

Sanskrit only: no published translation is held for this verse.

तां दृष्ट्वा विस्मयं प्राप्य सभार्यो नन्द एव च । ननाम परया भक्त्या दण्डवत्प्रणिपत्य च

tāṃ dṛṣṭvā vismayaṃ prāpya sabhāryo nanda eva ca | nanāma parayā bhaktyā daṇḍavatpraṇipatya ca

Sanskrit only: no published translation is held for this verse.

निद्रां त्याक्त्वा च सहसा बुबुधे सेश्वरेच्छया । क्षणेन चेतनां प्राप विषयज्ञानवर्चिताम्

nidrāṃ tyāktvā ca sahasā bubudhe seśvarecchayā | kṣaṇena cetanāṃ prāpa viṣayajñānavarcitām

Sanskrit only: no published translation is held for this verse.

पुरतो दंपती दृष्ट्वा पप्रच्छ सादरं सती । उवाच मधुरं चैवं तत्रैव सखिसंसदि

purato daṃpatī dṛṣṭvā papraccha sādaraṃ satī | uvāca madhuraṃ caivaṃ tatraiva sakhisaṃsadi

Sanskrit only: no published translation is held for this verse.

राधिकोवाच कस्त्वं चात्र समायातो ब्रूहि वा किं प्रयोजनम् । न च मे विषयज्ञानं न जानामि नरं पशुम्

rādhikovāca kastvaṃ cātra samāyāto brūhi vā kiṃ prayojanam | na ca me viṣayajñānaṃ na jānāmi naraṃ paśum

Sanskrit only: no published translation is held for this verse.

किं जलं वा स्थलं किंवा नक्तं तिनं श्रुणु । स्त्रियं पुमांसं क्लीबं वा नाहं जानामि भेदाकम्

kiṃ jalaṃ vā sthalaṃ kiṃvā naktaṃ tinaṃ śruṇu | striyaṃ pumāṃsaṃ klībaṃ vā nāhaṃ jānāmi bhedākam

Sanskrit only: no published translation is held for this verse.

राधिकावचनं श्रुत्वा नन्दश्च विस्मयं ययौ । भीता यशोदा निकटं गोपीसंभाषिता ययौ

rādhikāvacanaṃ śrutvā nandaśca vismayaṃ yayau | bhītā yaśodā nikaṭaṃ gopīsaṃbhāṣitā yayau

Sanskrit only: no published translation is held for this verse.

उवास निकटे तस्याः समुवाच प्रियं वचः । उवास तत्र नन्दश्च गोपीदत्तासनेन च

uvāsa nikaṭe tasyāḥ samuvāca priyaṃ vacaḥ | uvāsa tatra nandaśca gopīdattāsanena ca

Sanskrit only: no published translation is held for this verse.

यशोदोवाच चेतनं कुरु राधे त्वमात्मानं रक्ष यत्नतः । द्रक्ष्यसि प्राणनाथं च संप्राप्ते मङ्गले दिने

yaśodovāca cetanaṃ kuru rādhe tvamātmānaṃ rakṣa yatnataḥ | drakṣyasi prāṇanāthaṃ ca saṃprāpte maṅgale dine

Sanskrit only: no published translation is held for this verse.

त्वत्तो विश्वं पवित्रं च स्वकुलं च सुरेश्वरि । गोप्यश्च पुण्यवत्यश्च त्वत्पादाम्बुजसेवया

tvatto viśvaṃ pavitraṃ ca svakulaṃ ca sureśvari | gopyaśca puṇyavatyaśca tvatpādāmbujasevayā

Sanskrit only: no published translation is held for this verse.

लोका गास्यन्ति त्वत्कीर्तितीर्थपूतां सुमङ्गलाम् । सन्तो वेदाश्च चत्वारः पुराणानि पुरातनीम्

lokā gāsyanti tvatkīrtitīrthapūtāṃ sumaṅgalām | santo vedāśca catvāraḥ purāṇāni purātanīm

Sanskrit only: no published translation is held for this verse.

अहं यशोदा नन्दोऽयं बुद्धिरूपे निबोध माम् । वृषभानसुता त्वं च मां निशामय सुव्रते

ahaṃ yaśodā nando'yaṃ buddhirūpe nibodha mām | vṛṣabhānasutā tvaṃ ca māṃ niśāmaya suvrate

Sanskrit only: no published translation is held for this verse.

द्वारकानगराद्भद्रे श्रीकृष्णसंनिधानतः । तवान्तिकमागताऽहं प्रेरिता हरिणा सति

dvārakānagarādbhadre śrīkṛṣṇasaṃnidhānataḥ | tavāntikamāgatā'haṃ preritā hariṇā sati

Sanskrit only: no published translation is held for this verse.

शृणु मङ्गलवार्तां च मङ्गलं च गदाभृतः । आराद्द्रक्ष्यसि कृष्णं तं हे देवि चेतनं कुरु

śṛṇu maṅgalavārtāṃ ca maṅgalaṃ ca gadābhṛtaḥ | ārāddrakṣyasi kṛṣṇaṃ taṃ he devi cetanaṃ kuru

Sanskrit only: no published translation is held for this verse.

भक्त्या त्मकं परिज्ञानं देहि मह्यं च सांप्रतम् । त्वद्भर्तुरुपदेशेन त्वत्समीपं समागतौ

bhaktyā tmakaṃ parijñānaṃ dehi mahyaṃ ca sāṃpratam | tvadbharturupadeśena tvatsamīpaṃ samāgatau

Sanskrit only: no published translation is held for this verse.

पश्चदायास्यति हरिस्त्वां मुहूर्तं वरानने । भविष्यत्यचिरेणैव श्रीदाम्नः शापमोचनम्

paścadāyāsyati haristvāṃ muhūrtaṃ varānane | bhaviṣyatyacireṇaiva śrīdāmnaḥ śāpamocanam

Sanskrit only: no published translation is held for this verse.

यशोदावचनं श्रुत्वा वार्तां प्राप्य गदाभृतः । श्रीकृष्णनामस्मरणाद्दूरिभूतममङ्गलम्

yaśodāvacanaṃ śrutvā vārtāṃ prāpya gadābhṛtaḥ | śrīkṛṣṇanāmasmaraṇāddūribhūtamamaṅgalam

Sanskrit only: no published translation is held for this verse.

संप्राप चेतनं राधा संभाव्य कृष्णमातरम् । उवाच मधुरं शान्ता लौकिकीं भक्तिमुत्तमाम्

saṃprāpa cetanaṃ rādhā saṃbhāvya kṛṣṇamātaram | uvāca madhuraṃ śāntā laukikīṃ bhaktimuttamām

Sanskrit only: no published translation is held for this verse.

इति श्रीब्रह्मo महाo श्रीकृष्णजन्मखo उत्तo नारदनाo राधायशोदासंo दशाधिकशततमोऽध्यायः

iti śrībrahmao mahāo śrīkṛṣṇajanmakhao uttao nāradanāo rādhāyaśodāsaṃo daśādhikaśatatamo'dhyāyaḥ

Sanskrit only: no published translation is held for this verse.