Library·Brahmavaivarta Purāṇa·4·4.114
नारायण उवाच कृष्णपुत्रश्च प्रद्युम्नो महाबलपराक्रमः । तत्पुत्रोऽप्यनिरुद्धश्च विधातुरंश एव च
nārāyaṇa uvāca kṛṣṇaputraśca pradyumno mahābalaparākramaḥ | tatputro'pyaniruddhaśca vidhāturaṃśa eva ca
Sanskrit only: no published translation is held for this verse.
एकदाऽसावनिरुद्धो नवयौवनसंयुतः । सुप्तो रहसि पर्यङ्के पुष्पचन्दनचर्चिते
ekadā'sāvaniruddho navayauvanasaṃyutaḥ | supto rahasi paryaṅke puṣpacandanacarcite
Sanskrit only: no published translation is held for this verse.
स्वप्ने ददर्श युवतीं पुष्णोद्याने सुपुष्पिते । सुगन्धिपुष्पतल्पे च स्निग्धचन्दनचर्चिते
svapne dadarśa yuvatīṃ puṣṇodyāne supuṣpite | sugandhipuṣpatalpe ca snigdhacandanacarcite
Sanskrit only: no published translation is held for this verse.
शयानां सुस्मितां रम्यां नवयौवनसंयुताम् । अमूल्यरत्ननिर्माणभूषणेन विभूषिताम्
śayānāṃ susmitāṃ ramyāṃ navayauvanasaṃyutām | amūlyaratnanirmāṇabhūṣaṇena vibhūṣitām
Sanskrit only: no published translation is held for this verse.
चारुकेयूरवलयशङ्खकङ्कणशोभिताम् । मणिकुण्डलयुग्मेन गण्डस्थलविराजिताम्
cārukeyūravalayaśaṅkhakaṅkaṇaśobhitām | maṇikuṇḍalayugmena gaṇḍasthalavirājitām
Sanskrit only: no published translation is held for this verse.
अतीव सूक्ष्मवसनां क्वणन्मञजीररञ्जिताम् । पक्वबिम्बाधरोष्ठीं च शरत्कमललोचनाम्
atīva sūkṣmavasanāṃ kvaṇanmañajīrarañjitām | pakvabimbādharoṣṭhīṃ ca śaratkamalalocanām
Sanskrit only: no published translation is held for this verse.
शरत्पद्मप्रभामुष्टकोटीन्दुनिन्दिताननाम् । मुक्तापङ्क्तिसमासाद्यदन्तपङ्क्तिमनोहराम्
śaratpadmaprabhāmuṣṭakoṭīnduninditānanām | muktāpaṅktisamāsādyadantapaṅktimanoharām
Sanskrit only: no published translation is held for this verse.
त्रिवक्रकबरीभारां मालतीमाल्यभूषिताम् । कस्तूरीकुङ्कुमालक्तस्निग्धचन्दनकज्जलैः
trivakrakabarībhārāṃ mālatīmālyabhūṣitām | kastūrīkuṅkumālaktasnigdhacandanakajjalaiḥ
Sanskrit only: no published translation is held for this verse.
पत्रावलीविरचितसुकपोलस्थलोज्ज्वलाम् । दाडिमीकुसुमाकारसिन्दूरबिन्दुभूषिताम्
patrāvalīviracitasukapolasthalojjvalām | dāḍimīkusumākārasindūrabindubhūṣitām
Sanskrit only: no published translation is held for this verse.
श्रीरामकदलीस्तम्भनिन्दितोरुस्थलोज्ज्वलाम् । अत्युच्चैर्वर्तुलाकारस्तनयुग्मविभूषिताम्
śrīrāmakadalīstambhaninditorusthalojjvalām | atyuccairvartulākārastanayugmavibhūṣitām
Sanskrit only: no published translation is held for this verse.
नितम्बभारन म्रां च कामबाणप्रपीडिताम् । कामुकीं कमनीयां च पश्यन्तीं वक्रचक्षुषा
nitambabhārana mrāṃ ca kāmabāṇaprapīḍitām | kāmukīṃ kamanīyāṃ ca paśyantīṃ vakracakṣuṣā
Sanskrit only: no published translation is held for this verse.
कुङ्कुमालक्तरक्ताक्तपादपद्मविराजिताम् । वायुप्रेरणवस्त्रेण व्यक्तगुव्तस्थलोज्ज्वलाम्
kuṅkumālaktaraktāktapādapadmavirājitām | vāyupreraṇavastreṇa vyaktaguvtasthalojjvalām
Sanskrit only: no published translation is held for this verse.
तां दृष्ट्वा कामपुत्रश्च कामोन्मथितमानसः । उवाच मधुरं रम्यं काममत्तां सुकोमलाम्
tāṃ dṛṣṭvā kāmaputraśca kāmonmathitamānasaḥ | uvāca madhuraṃ ramyaṃ kāmamattāṃ sukomalām
Sanskrit only: no published translation is held for this verse.
चारुचम्पकवर्णाभां कामेन पुलकान्विताम् । अतिप्रौढां नवोढां च शृङ्गानेच्छासुचञ्चलाम्
cārucampakavarṇābhāṃ kāmena pulakānvitām | atiprauḍhāṃ navoḍhāṃ ca śṛṅgānecchāsucañcalām
Sanskrit only: no published translation is held for this verse.
अनिरुद्ध उवाच किं देवी किं च गान्धर्वोका त्वं कामिनिकानने । कस्य सत्री कस्य कन्या वा कं वा वाञ्छसि सुन्दरि
aniruddha uvāca kiṃ devī kiṃ ca gāndharvokā tvaṃ kāminikānane | kasya satrī kasya kanyā vā kaṃ vā vāñchasi sundari
Sanskrit only: no published translation is held for this verse.
त्रैलोक्यातुलसौन्दर्या मुनिमानसमोहिनी । न बिभेषि कथं ब्रूहि स्वयमेकाकिनी च माम्
trailokyātulasaundaryā munimānasamohinī | na bibheṣi kathaṃ brūhi svayamekākinī ca mām
Sanskrit only: no published translation is held for this verse.
अहं त्रैलोक्यनाथस्य पौत्रः कामात्मजोऽधुना । कान्तेऽहमनिरुद्धश्च नवीनयौवनाहतः
ahaṃ trailokyanāthasya pautraḥ kāmātmajo'dhunā | kānte'hamaniruddhaśca navīnayauvanāhataḥ
Sanskrit only: no published translation is held for this verse.
कमनीयश्च कामी च कामशास्त्रविशारदः । कामुकीकामनां पूर्णां कर्तुमेवेश्वरः स्वयम्
kamanīyaśca kāmī ca kāmaśāstraviśāradaḥ | kāmukīkāmanāṃ pūrṇāṃ kartumeveśvaraḥ svayam
Sanskrit only: no published translation is held for this verse.
मां भजस्व सुशीरे त्वं सुवेषं च सुशीलकम् । रतिशूरं रतिरसप्राज्ञं रतिरसप्रियम्
māṃ bhajasva suśīre tvaṃ suveṣaṃ ca suśīlakam | ratiśūraṃ ratirasaprājñaṃ ratirasapriyam
Sanskrit only: no published translation is held for this verse.
रतिपुत्रं रतिरसं प्रमत्तं रसिकं प्रिये । युवानं व्याधिहीनं च कामुकं कामुकीच्छति
ratiputraṃ ratirasaṃ pramattaṃ rasikaṃ priye | yuvānaṃ vyādhihīnaṃ ca kāmukaṃ kāmukīcchati
Sanskrit only: no published translation is held for this verse.
विदग्धामु विदग्धं च कान्तमायाति कामतः । विदग्धाया विदग्धेन संगमो गुणवान्भवेत्
vidagdhāmu vidagdhaṃ ca kāntamāyāti kāmataḥ | vidagdhāyā vidagdhena saṃgamo guṇavānbhavet
Sanskrit only: no published translation is held for this verse.
प्रच्छाद्य लोजनास्यं च नवसंगमलज्जिता । विलोकयन्ती वक्राक्षिकोणेन तमुवाच सा
pracchādya lojanāsyaṃ ca navasaṃgamalajjitā | vilokayantī vakrākṣikoṇena tamuvāca sā
Sanskrit only: no published translation is held for this verse.
कामिन्युवाच कामुकः कामपुत्रोऽसि कामेन व्याकुलोऽधुना । भवांश्चेत्कामुकीयोग्यो न कामश्चिन्तितः कथम्
kāminyuvāca kāmukaḥ kāmaputro'si kāmena vyākulo'dhunā | bhavāṃścetkāmukīyogyo na kāmaścintitaḥ katham
Sanskrit only: no published translation is held for this verse.
पौत्रस्त्रैलोक्यनाथस्य स्वतः संभावितस्य च । स्वयं योग्यो योग्यपुत्रो विवाहं न कथं (व्यधाः) चन
pautrastrailokyanāthasya svataḥ saṃbhāvitasya ca | svayaṃ yogyo yogyaputro vivāhaṃ na kathaṃ (vyadhāḥ) cana
Sanskrit only: no published translation is held for this verse.
विवाहीता यज्ञपत्नी सा च पुण्यव्रता सती । निश्चला सततं साध्या वर्धिनी सङ्गिनी सदा
vivāhītā yajñapatnī sā ca puṇyavratā satī | niścalā satataṃ sādhyā vardhinī saṅginī sadā
Sanskrit only: no published translation is held for this verse.
भयप्रीतिदानसाध्या गुप्तपत्नी त्वनिश्चला । नैमित्तिका न नीत्या सा सा च वेदविवर्जिता
bhayaprītidānasādhyā guptapatnī tvaniścalā | naimittikā na nītyā sā sā ca vedavivarjitā
Sanskrit only: no published translation is held for this verse.
परं नरकसोपाना परत्रेहायशस्करा । साधुस्तत्र न हि रतो वंशजो वैष्णवो यदि
paraṃ narakasopānā paratrehāyaśaskarā | sādhustatra na hi rato vaṃśajo vaiṣṇavo yadi
Sanskrit only: no published translation is held for this verse.
यदि पूर्व भवेद्भ्रान्तो निवृत्तः साधुसङ्गतः । प्रवृत्तिरेषा भूतानां निवृत्तिस्तु महाफला
yadi pūrva bhavedbhrānto nivṛttaḥ sādhusaṅgataḥ | pravṛttireṣā bhūtānāṃ nivṛttistu mahāphalā
Sanskrit only: no published translation is held for this verse.
प्रायश्चित्ती पुनर्लिप्तो निवृत्तः पातकी यदि । उवहास्यो भुवि भवेत्सर्वं कुञ्जरशौचवत्
prāyaścittī punarlipto nivṛttaḥ pātakī yadi | uvahāsyo bhuvi bhavetsarvaṃ kuñjaraśaucavat
Sanskrit only: no published translation is held for this verse.
सुशीला सुन्दरी शान्ता धर्मपत्नी प्रशंसिता । पतिव्रता सुसाध्या सा शश्वत्सुप्रियवादिनी
suśīlā sundarī śāntā dharmapatnī praśaṃsitā | pativratā susādhyā sā śaśvatsupriyavādinī
Sanskrit only: no published translation is held for this verse.
कोमलाङ्गी विदग्धा च श्यामा रतिसुखप्रदा । एवंभूतां परित्यज्य वैष्णवस्तपसे व्रजेत्
komalāṅgī vidagdhā ca śyāmā ratisukhapradā | evaṃbhūtāṃ parityajya vaiṣṇavastapase vrajet
Sanskrit only: no published translation is held for this verse.
सा जेत्परिणता साध्वी शान्ता पुत्रवती यदा । अन्यथा च वृथा सर्वं तपसः स्खलनं भवेत्
sā jetpariṇatā sādhvī śāntā putravatī yadā | anyathā ca vṛthā sarvaṃ tapasaḥ skhalanaṃ bhavet
Sanskrit only: no published translation is held for this verse.
असाधुश्च कुवंशश्चेत्परनारीं प्रयाति चेत् । स याति नरकं घोरं पितुशिः सप्तभिःसह
asādhuśca kuvaṃśaścetparanārīṃ prayāti cet | sa yāti narakaṃ ghoraṃ pituśiḥ saptabhiḥsaha
Sanskrit only: no published translation is held for this verse.
अहमूषा बाणकन्या बाणः शंकरकिंकरः । बाणस्त्रैलोक्यविजयी शंकरो जगतां पतिः
ahamūṣā bāṇakanyā bāṇaḥ śaṃkarakiṃkaraḥ | bāṇastrailokyavijayī śaṃkaro jagatāṃ patiḥ
Sanskrit only: no published translation is held for this verse.
न स्वतन्त्रा पराधीना त्रिषु कालेषु कामिनी । पुंश्चली या स्वतन्त्रा साऽप्यसद्वंशप्रसूतिका
na svatantrā parādhīnā triṣu kāleṣu kāminī | puṃścalī yā svatantrā sā'pyasadvaṃśaprasūtikā
Sanskrit only: no published translation is held for this verse.
पिता ददाति कन्यां तां सुयोग्याय वराय च । कन्या वरं न याचेत धर्म एष सनातनः
pitā dadāti kanyāṃ tāṃ suyogyāya varāya ca | kanyā varaṃ na yāceta dharma eṣa sanātanaḥ
Sanskrit only: no published translation is held for this verse.
त्वं च योग्योऽसि योग्याऽहं मामिच्छसि यदि प्रभो । बाणं प्रार्थय शंभुं वाऽऽप्यथवा पार्वतीं सतीम्
tvaṃ ca yogyo'si yogyā'haṃ māmicchasi yadi prabho | bāṇaṃ prārthaya śaṃbhuṃ vā''pyathavā pārvatīṃ satīm
Sanskrit only: no published translation is held for this verse.
इत्युक्त्वा सुन्दरी साध्वी सान्तर्धाना बभूव ह । निद्रां तत्याज सहसा कामी कामात्मजो मुने
ityuktvā sundarī sādhvī sāntardhānā babhūva ha | nidrāṃ tatyāja sahasā kāmī kāmātmajo mune
Sanskrit only: no published translation is held for this verse.
बुद्धवा स्वप्नं स विज्ञाय कामेन व्यथितान्तरः । बभूव व्याकुलोऽशान्तो न दृष्ट्वा प्राणवल्लभाम्
buddhavā svapnaṃ sa vijñāya kāmena vyathitāntaraḥ | babhūva vyākulo'śānto na dṛṣṭvā prāṇavallabhām
Sanskrit only: no published translation is held for this verse.
त्यक्त्वाऽऽहारमनिद्रश्च प्रमत्तश्च कृशोदरः । क्षणं तिष्ठति शेते च क्षणं रहसि रोदिति
tyaktvā''hāramanidraśca pramattaśca kṛśodaraḥ | kṣaṇaṃ tiṣṭhati śete ca kṣaṇaṃ rahasi roditi
Sanskrit only: no published translation is held for this verse.
पुत्रं दृष्ट्वा तु क्रन्दन्तं देवकी रुक्मिणी रतिः । अन्याश्च योषितः सर्वाः कथयामासुरीश्वरम्
putraṃ dṛṣṭvā tu krandantaṃ devakī rukmiṇī ratiḥ | anyāśca yoṣitaḥ sarvāḥ kathayāmāsurīśvaram
Sanskrit only: no published translation is held for this verse.
तासां च वचनं श्रुत्वा प्रहस्य मवुसूदनः । उवाच सर्वतत्त्वज्ञः कृष्णश्च पूर्णमानसः
tāsāṃ ca vacanaṃ śrutvā prahasya mavusūdanaḥ | uvāca sarvatattvajñaḥ kṛṣṇaśca pūrṇamānasaḥ
Sanskrit only: no published translation is held for this verse.
श्रीभगवानुवाच कामातुरा बाणकन्या रतिं दृष्ट्वा शिवेशयोः । वरं संप्राप दुर्गाया व्याकुला मदनास्त्रतः
śrībhagavānuvāca kāmāturā bāṇakanyā ratiṃ dṛṣṭvā śiveśayoḥ | varaṃ saṃprāpa durgāyā vyākulā madanāstrataḥ
Sanskrit only: no published translation is held for this verse.
स्वप्नं च दर्शयामास साऽनिरुद्धं च पार्वती । मम पौत्रं प्रमत्तं च चकार कौतुकेन च
svapnaṃ ca darśayāmāsa sā'niruddhaṃ ca pārvatī | mama pautraṃ pramattaṃ ca cakāra kautukena ca
Sanskrit only: no published translation is held for this verse.
तत्पुत्रीं च प्रमतां ता करोमि स्वप्नताऽधुना । स्वच्छन्दं तिष्ठ न चिरं नास्ति चिन्ता मनोव्यथा
tatputrīṃ ca pramatāṃ tā karomi svapnatā'dhunā | svacchandaṃ tiṣṭha na ciraṃ nāsti cintā manovyathā
Sanskrit only: no published translation is held for this verse.
इति कृष्णः समाश्वास्यसर्वातमासर्वसिद्धिवित् । स्वप्नं च दर्शयामास बाणपुत्रीं च कामुकीम्
iti kṛṣṇaḥ samāśvāsyasarvātamāsarvasiddhivit | svapnaṃ ca darśayāmāsa bāṇaputrīṃ ca kāmukīm
Sanskrit only: no published translation is held for this verse.
सुप्ता सुतल्पे बाला सा पुष्पचन्दनचर्चिते । नवयौवनसंयुक्ता रत्नभूषणभूषिता
suptā sutalpe bālā sā puṣpacandanacarcite | navayauvanasaṃyuktā ratnabhūṣaṇabhūṣitā
Sanskrit only: no published translation is held for this verse.
शयाना रत्नपर्यङ्के ददर्श स्वप्नमीप्सितम् । अतीव निर्जने देशे रत्ननिर्माणमन्दिरे
śayānā ratnaparyaṅke dadarśa svapnamīpsitam | atīva nirjane deśe ratnanirmāṇamandire
Sanskrit only: no published translation is held for this verse.
नवीननीरदश्याममतीव नवयौवनम् । कोटिकन्दर्पलीलाभं सस्मितं सुमनोहरम्
navīnanīradaśyāmamatīva navayauvanam | koṭikandarpalīlābhaṃ sasmitaṃ sumanoharam
Sanskrit only: no published translation is held for this verse.
रत्नकेयुरवलयरत्नमञ्जीररञ्जितम् । रत्नकुण्डलयुग्मेन गण्डस्थलविराजितम्
ratnakeyuravalayaratnamañjīrarañjitam | ratnakuṇḍalayugmena gaṇḍasthalavirājitam
Sanskrit only: no published translation is held for this verse.
चन्दनोक्षितसर्वाङ्गं भूषितं पीतवाससा । सुचारुमालतीमाल्यवक्षः स्थलसमुज्ज्वलम्
candanokṣitasarvāṅgaṃ bhūṣitaṃ pītavāsasā | sucārumālatīmālyavakṣaḥ sthalasamujjvalam
Sanskrit only: no published translation is held for this verse.
शयानं रत्नपर्यङ्के पुष्पचन्दनचर्चिते । तं दृष्ट्वा सहसा साध्वी तन्मूलं प्रययौ मुदा
śayānaṃ ratnaparyaṅke puṣpacandanacarcite | taṃ dṛṣṭvā sahasā sādhvī tanmūlaṃ prayayau mudā
Sanskrit only: no published translation is held for this verse.
उवाच मधुरं साध्वी हृदयेन विदूयता । कामात्मजप्रिया कान्ता कामबाणप्रपीडिता
uvāca madhuraṃ sādhvī hṛdayena vidūyatā | kāmātmajapriyā kāntā kāmabāṇaprapīḍitā
Sanskrit only: no published translation is held for this verse.
ऊषोवाच कस्त्वं कामुक भद्रं ते मां भजस्व स्मरातुराम् । अतिप्रौढां नवोढां च नवसंगमलालसाम्
ūṣovāca kastvaṃ kāmuka bhadraṃ te māṃ bhajasva smarāturām | atiprauḍhāṃ navoḍhāṃ ca navasaṃgamalālasām
Sanskrit only: no published translation is held for this verse.
तवानुरक्तां भक्तां च गान्धर्वेण समुद्वह । विवाहाष्टप्रकारेषु गान्धर्वः सुलभो नृणाम्
tavānuraktāṃ bhaktāṃ ca gāndharveṇa samudvaha | vivāhāṣṭaprakāreṣu gāndharvaḥ sulabho nṛṇām
Sanskrit only: no published translation is held for this verse.
अनुरक्तां प्रियां प्राप्य त्यजेद्यः कपटी पुमान् । तस्माद्याति महालक्ष्मीः शापं दत्त्वा सुदारुणम्
anuraktāṃ priyāṃ prāpya tyajedyaḥ kapaṭī pumān | tasmādyāti mahālakṣmīḥ śāpaṃ dattvā sudāruṇam
Sanskrit only: no published translation is held for this verse.
पुमानुवाच अहं कृष्णस्य पौत्रश्च कामदेवात्मजः स्वयम् । कथं गृह्णामि त्वां कान्ते तयोरनुमतिं विना
pumānuvāca ahaṃ kṛṣṇasya pautraśca kāmadevātmajaḥ svayam | kathaṃ gṛhṇāmi tvāṃ kānte tayoranumatiṃ vinā
Sanskrit only: no published translation is held for this verse.
इत्येवमुक्त्वा स पुमानन्तर्धानं चकार सः । कामेन व्याकुला कान्ता न दृष्ट्वा कान्तमीप्सितम्
ityevamuktvā sa pumānantardhānaṃ cakāra saḥ | kāmena vyākulā kāntā na dṛṣṭvā kāntamīpsitam
Sanskrit only: no published translation is held for this verse.
निद्रां त्यक्त्वा समुत्थाय तल्पादेव मनोहरात् । विषसाद सखीमध्ये प्रमत्ता रुदती भृशम्
nidrāṃ tyaktvā samutthāya talpādeva manoharāt | viṣasāda sakhīmadhye pramattā rudatī bhṛśam
Sanskrit only: no published translation is held for this verse.
पप्रच्छ तां वराऽऽलीनां किं किमित्येव निश्चितम् । उवाच बौधयामास चित्रलेखा सुयोगिनी
papraccha tāṃ varā''līnāṃ kiṃ kimityeva niścitam | uvāca baudhayāmāsa citralekhā suyoginī
Sanskrit only: no published translation is held for this verse.
चेतनं कुरु कल्याणि कस्माते भीतिरुल्बणा ।स्वयं शंभुः शिवा साक्षाद्दुर्लङ्ध्ये नगरे सति
cetanaṃ kuru kalyāṇi kasmāte bhītirulbaṇā |svayaṃ śaṃbhuḥ śivā sākṣāddurlaṅdhye nagare sati
Sanskrit only: no published translation is held for this verse.
शिवस्मरणमात्रेण सर्वारिष्टं पलायते । शिवं भवति सर्वत्र शिव एव शिवालयः
śivasmaraṇamātreṇa sarvāriṣṭaṃ palāyate | śivaṃ bhavati sarvatra śiva eva śivālayaḥ
Sanskrit only: no published translation is held for this verse.
ध्यानाद्दुर्गतिनाशिन्याः सर्वं दुर्गं विनश्यति । ददाति मङ्गलं तस्मै सर्वमङ्गलमह्गला
dhyānāddurgatināśinyāḥ sarvaṃ durgaṃ vinaśyati | dadāti maṅgalaṃ tasmai sarvamaṅgalamahgalā
Sanskrit only: no published translation is held for this verse.
चित्रलेखावचः श्रुत्वा किंचिन्नोवाच सुन्दरी । त्यक्त्वाऽऽहारं च निद्रां च पुरुषं चिन्तयेत्सदा
citralekhāvacaḥ śrutvā kiṃcinnovāca sundarī | tyaktvā''hāraṃ ca nidrāṃ ca puruṣaṃ cintayetsadā
Sanskrit only: no published translation is held for this verse.
चित्रलेखा सखी गत्वा बाणमाह च तत्प्रियाम् । दुर्गां च शंकरं स्कन्दं गणेशं योगिनां गुरुम्
citralekhā sakhī gatvā bāṇamāha ca tatpriyām | durgāṃ ca śaṃkaraṃ skandaṃ gaṇeśaṃ yogināṃ gurum
Sanskrit only: no published translation is held for this verse.
चित्रलेखावचः श्रुत्वा रुरोदोच्चैर्भृशं सती । बाणश्य शंकराभ्याशे विषसाद प्रमूर्च्छितः जहास शंकरो दुर्गा कार्तिकेयो गणेश्वरः
citralekhāvacaḥ śrutvā rurodoccairbhṛśaṃ satī | bāṇaśya śaṃkarābhyāśe viṣasāda pramūrcchitaḥ jahāsa śaṃkaro durgā kārtikeyo gaṇeśvaraḥ
Sanskrit only: no published translation is held for this verse.
गणेश्वर उवाच यो ददाति ध्रुवं दुःखमन्यस्मै दमभमोहितः । सक्ष्मधर्मविचारेण स विन्दति चतुर्गुणम्
gaṇeśvara uvāca yo dadāti dhruvaṃ duḥkhamanyasmai damabhamohitaḥ | sakṣmadharmavicāreṇa sa vindati caturguṇam
Sanskrit only: no published translation is held for this verse.
शिवेशयोश्च क्रीडां च दृष्ट्वा या काममोहिता । वरं तस्यै ददौ दुर्गा वरमेव सुदुर्लभम्
śiveśayośca krīḍāṃ ca dṛṣṭvā yā kāmamohitā | varaṃ tasyai dadau durgā varameva sudurlabham
Sanskrit only: no published translation is held for this verse.
स्वप्ने गत्वा स्वयं देवी मत्तं कृत्वा समरात्मजम् । अधुना वामपार्श्चे च शंभोस्तिष्ठति मूक्वत्
svapne gatvā svayaṃ devī mattaṃ kṛtvā samarātmajam | adhunā vāmapārśce ca śaṃbhostiṣṭhati mūkvat
Sanskrit only: no published translation is held for this verse.
सर्वं ज्ञात्वा च सर्वज्ञो भगवान्हरिरीश्वरः । स्वप्ने सुवेषं पुरुषं दर्शयामास कन्याकाम्
sarvaṃ jñātvā ca sarvajño bhagavānharirīśvaraḥ | svapne suveṣaṃ puruṣaṃ darśayāmāsa kanyākām
Sanskrit only: no published translation is held for this verse.
सुवेषं पुरुषं दृष्ट्वा युवानं युवाती सती । परमेच्छा भवेत्तस्या धर्मभीत्या निवर्तते
suveṣaṃ puruṣaṃ dṛṣṭvā yuvānaṃ yuvātī satī | paramecchā bhavettasyā dharmabhītyā nivartate
Sanskrit only: no published translation is held for this verse.
सुवेषं पुरुषं दृष्ट्वा पुंश्चली पापवंशजा । त्येजेन्निद्रां च स्वाहारं पतिं पुत्रं धनं गृहम्
suveṣaṃ puruṣaṃ dṛṣṭvā puṃścalī pāpavaṃśajā | tyejennidrāṃ ca svāhāraṃ patiṃ putraṃ dhanaṃ gṛham
Sanskrit only: no published translation is held for this verse.
चेतनं गृहकार्य च कुललज्जां कुलद्वयम् । युवानं रतिशूरं चाप्यतिनीच न हि त्यजेत्
cetanaṃ gṛhakārya ca kulalajjāṃ kuladvayam | yuvānaṃ ratiśūraṃ cāpyatinīca na hi tyajet
Sanskrit only: no published translation is held for this verse.
त्यजेज्जातिं च धर्मं च प्राणांश्च परिणामतः । तस्मात्प्राज्ञः प्रयत्नेन प्राणेभ्यो युवतीं सदा
tyajejjātiṃ ca dharmaṃ ca prāṇāṃśca pariṇāmataḥ | tasmātprājñaḥ prayatnena prāṇebhyo yuvatīṃ sadā
Sanskrit only: no published translation is held for this verse.
परिरक्षेच्च सततं मायायुक्तां न विश्वसेत् । हृदयं क्षुरधाराभं नारीणां मधुरं वचः
parirakṣecca satataṃ māyāyuktāṃ na viśvaset | hṛdayaṃ kṣuradhārābhaṃ nārīṇāṃ madhuraṃ vacaḥ
Sanskrit only: no published translation is held for this verse.
तासां मनो न जानन्ति सन्तो वेदाश्च वैदिका । प्रयातु द्वारकां सद्याश्चित्रलेखा सुयोगिनीं
tāsāṃ mano na jānanti santo vedāśca vaidikā | prayātu dvārakāṃ sadyāścitralekhā suyoginīṃ
Sanskrit only: no published translation is held for this verse.
अनिरुद्धं समाहर्तुं प्रमात्तमवलीलया । इति श्रुत्वा महादेवो गणेशं तमुवाच ह
aniruddhaṃ samāhartuṃ pramāttamavalīlayā | iti śrutvā mahādevo gaṇeśaṃ tamuvāca ha
Sanskrit only: no published translation is held for this verse.
न श्रुणोति यथा बाणः शुभकार्यं तथा कुरु । चित्रलेखा ययौ तुर्णं द्वारकाभवनं हरेः
na śruṇoti yathā bāṇaḥ śubhakāryaṃ tathā kuru | citralekhā yayau turṇaṃ dvārakābhavanaṃ hareḥ
Sanskrit only: no published translation is held for this verse.
सर्वेषामपि दुर्लङ्ध्यं लीलया प्रविवेश सा । निद्रितं चानिरुद्धं च समाहृत्य च योगतः
sarveṣāmapi durlaṅdhyaṃ līlayā praviveśa sā | nidritaṃ cāniruddhaṃ ca samāhṛtya ca yogataḥ
Sanskrit only: no published translation is held for this verse.
रथमारोहयामास निद्वितं बालकं मुदा । सा मनोयायिनी भद्रा गृहीत्वा बालकं मुने
rathamārohayāmāsa nidvitaṃ bālakaṃ mudā | sā manoyāyinī bhadrā gṛhītvā bālakaṃ mune
Sanskrit only: no published translation is held for this verse.
मुहूर्ताच्छोणितपुरं कृत्वा शङ्खध्वनिं ययौ । अथाऽऽश्रमाभ्यन्तरे च रुरुदुः सर्वयोषितः
muhūrtācchoṇitapuraṃ kṛtvā śaṅkhadhvaniṃ yayau | athā''śramābhyantare ca ruruduḥ sarvayoṣitaḥ
Sanskrit only: no published translation is held for this verse.
अहो बाणहरो वत्सः क्वगतः प्राणवल्लभः । कृष्णस्ताश्च समाश्वास्य सर्वज्ञः सर्वतत्त्ववित्
aho bāṇaharo vatsaḥ kvagataḥ prāṇavallabhaḥ | kṛṣṇastāśca samāśvāsya sarvajñaḥ sarvatattvavit
Sanskrit only: no published translation is held for this verse.
साम्बकामबलैः सार्ध कृष्णाः सात्यकिना तथा । गृहीत्वा गानुडं वीरं रथमारुह्य सत्वरः
sāmbakāmabalaiḥ sārdha kṛṣṇāḥ sātyakinā tathā | gṛhītvā gānuḍaṃ vīraṃ rathamāruhya satvaraḥ
Sanskrit only: no published translation is held for this verse.
सुदर्शनं पाञ्चजन्यं पद्मं कौमोदकीं गदाम् । पश्चाद्यास्यतिदेवेशो नगरं शोणितं तथा
sudarśanaṃ pāñcajanyaṃ padmaṃ kaumodakīṃ gadām | paścādyāsyatideveśo nagaraṃ śoṇitaṃ tathā
Sanskrit only: no published translation is held for this verse.
सगणैःशंकेरणैव पार्वत्या परिरक्षितम् । अथ सा योगिनी धन्या पुण्या मान्या च योषिताम्
sagaṇaiḥśaṃkeraṇaiva pārvatyā parirakṣitam | atha sā yoginī dhanyā puṇyā mānyā ca yoṣitām
Sanskrit only: no published translation is held for this verse.
शिष्या दुर्वाससः शान्ता सिद्धयोगेन सिद्धिदा । बारकं बोधयामास रुदन्तं मातरं स्मरन्
śiṣyā durvāsasaḥ śāntā siddhayogena siddhidā | bārakaṃ bodhayāmāsa rudantaṃ mātaraṃ smaran
Sanskrit only: no published translation is held for this verse.
स्नापयित्वा ददौ तस्मै माल्यचन्दनभूषणम् । कृत्वा सुवेषं बालस्य कन्यान्तः पुरमीप्सितम्
snāpayitvā dadau tasmai mālyacandanabhūṣaṇam | kṛtvā suveṣaṃ bālasya kanyāntaḥ puramīpsitam
Sanskrit only: no published translation is held for this verse.
चक्रे प्रवेशं योगेन रक्षकैश्चापि रक्षितम् । तामूषां निद्रितां दृष्ट्वा निराहारां कृशोदरीम्
cakre praveśaṃ yogena rakṣakaiścāpi rakṣitam | tāmūṣāṃ nidritāṃ dṛṣṭvā nirāhārāṃ kṛśodarīm
Sanskrit only: no published translation is held for this verse.
शीघ्रं च बोधयामास सखीभिः परिरक्षिताम् । ऊषां कृत्वा च सुस्नातां वस्त्रभूषणभूषिताम्
śīghraṃ ca bodhayāmāsa sakhībhiḥ parirakṣitām | ūṣāṃ kṛtvā ca susnātāṃ vastrabhūṣaṇabhūṣitām
Sanskrit only: no published translation is held for this verse.
वस्त्रैर्माल्यैश्चन्दनैश्च सिन्दूरपत्रकैः शुभैः । द्वयोः संभाषणं तत्र माहेन्द्रे च शुभक्षणे
vastrairmālyaiścandanaiśca sindūrapatrakaiḥ śubhaiḥ | dvayoḥ saṃbhāṣaṇaṃ tatra māhendre ca śubhakṣaṇe
Sanskrit only: no published translation is held for this verse.
कारयामास गुप्त्या च सखीनां संमतेन च । पतिव्रता पतिं दृष्ट्वा सा रेमे विगतज्वरा
kārayāmāsa guptyā ca sakhīnāṃ saṃmatena ca | pativratā patiṃ dṛṣṭvā sā reme vigatajvarā
Sanskrit only: no published translation is held for this verse.
गान्धर्वेण विवाहेन तामुवाह स्मरात्मजः । रतिर्बभूव सुचिरमुभयोः सुखकारणम्
gāndharveṇa vivāhena tāmuvāha smarātmajaḥ | ratirbabhūva suciramubhayoḥ sukhakāraṇam
Sanskrit only: no published translation is held for this verse.
दिवानिशं न बुबुधे स्मरपुत्रः स्मरातुरः । ऊषा कामातुरा प्रौढा नवोढा नवसंगमात्
divāniśaṃ na bubudhe smaraputraḥ smarāturaḥ | ūṣā kāmāturā prauḍhā navoḍhā navasaṃgamāt
Sanskrit only: no published translation is held for this verse.
मूर्च्छां संप्राप पुंसश्च स्पर्शमात्रेण कामुकी । एवं नित्यं च रहसि संगमः सुमनोहरः बभूव सुचिरं विप्र राजा शुश्राव रक्षकात्
mūrcchāṃ saṃprāpa puṃsaśca sparśamātreṇa kāmukī | evaṃ nityaṃ ca rahasi saṃgamaḥ sumanoharaḥ babhūva suciraṃ vipra rājā śuśrāva rakṣakāt
Sanskrit only: no published translation is held for this verse.
इति श्रीब्रह्मo महाo श्रीकृष्णजन्मखo उत्तo नारदानाo ऊषानिरुद्धयोः संगमे चतुर्दशाधिकशततमोऽध्यायः
iti śrībrahmao mahāo śrīkṛṣṇajanmakhao uttao nāradānāo ūṣāniruddhayoḥ saṃgame caturdaśādhikaśatatamo'dhyāyaḥ
Sanskrit only: no published translation is held for this verse.