Library·Brahmavaivarta Purāṇa·4·4.116
बाण उवाच अनिरुद्ध बुधोऽसि त्वं त्वयोक्तं सत्यमेव च । शंभुना चैवमुक्तं च सर्वं बुद्धं स्वचेतसा
bāṇa uvāca aniruddha budho'si tvaṃ tvayoktaṃ satyameva ca | śaṃbhunā caivamuktaṃ ca sarvaṃ buddhaṃ svacetasā
Sanskrit only: no published translation is held for this verse.
त्वयोक्तं शंकरवरात्पञ्चानां स्वामिनां प्रिया । द्रौपदी च महाभागा तन्मे व्याख्यातुमर्हसि
tvayoktaṃ śaṃkaravarātpañcānāṃ svāmināṃ priyā | draupadī ca mahābhāgā tanme vyākhyātumarhasi
Sanskrit only: no published translation is held for this verse.
शम्बरेण हृता पूर्व तव माता कथं रतिः । देवैरपि कथं दत्ता देवास्तेन जिता कथम्
śambareṇa hṛtā pūrva tava mātā kathaṃ ratiḥ | devairapi kathaṃ dattā devāstena jitā katham
Sanskrit only: no published translation is held for this verse.
अनिरुद्ध उवाच एकदा रघुनाथश्च सीतया लक्ष्मणो च । स्नातः सरसि तत्रस्थो रम्ये पञ्चवटीतटे
aniruddha uvāca ekadā raghunāthaśca sītayā lakṣmaṇo ca | snātaḥ sarasi tatrastho ramye pañcavaṭītaṭe
Sanskrit only: no published translation is held for this verse.
उवाच सीता हेमन्ते जलं सुस्वादु निर्मलम् । तथाऽन्नं व्यञ्जनं रम्यं सर्वं वस्तु सुशीतलम्
uvāca sītā hemante jalaṃ susvādu nirmalam | tathā'nnaṃ vyañjanaṃ ramyaṃ sarvaṃ vastu suśītalam
Sanskrit only: no published translation is held for this verse.
फलावबचयनं चक्रे सीतायै प्रददौ मुदा । ततो ददौ लक्ष्मणाय पश्चाद्भङ्क्ते स्वयं प्रभुः
phalāvabacayanaṃ cakre sītāyai pradadau mudā | tato dadau lakṣmaṇāya paścādbhaṅkte svayaṃ prabhuḥ
Sanskrit only: no published translation is held for this verse.
लक्ष्मणस्तद्गृहीत्वा च नैव भुङ्क्ते फलं जलम् । मेघनादवधार्थं च सीतोद्धारणकारणात्
lakṣmaṇastadgṛhītvā ca naiva bhuṅkte phalaṃ jalam | meghanādavadhārthaṃ ca sītoddhāraṇakāraṇāt
Sanskrit only: no published translation is held for this verse.
निद्रां न याति नो भुङ्क्ते वर्षाणां च चतुर्दश । य एवं पुरुषो योगी तद्वध्यो रावणत्मजः
nidrāṃ na yāti no bhuṅkte varṣāṇāṃ ca caturdaśa | ya evaṃ puruṣo yogī tadvadhyo rāvaṇatmajaḥ
Sanskrit only: no published translation is held for this verse.
एतस्मिन्नन्तरे रामं द्रष्टुं कमललोचनम् । वहनिस्तत्र समायातो द्विजरूपी कृपानिधिः भविष्यत्कथयामाम श्रुतिकौटपरं वचः
etasminnantare rāmaṃ draṣṭuṃ kamalalocanam | vahanistatra samāyāto dvijarūpī kṛpānidhiḥ bhaviṣyatkathayāmāma śrutikauṭaparaṃ vacaḥ
Sanskrit only: no published translation is held for this verse.
वह्निरुवाच शृणु राम महाभाग सीतासंगोपनं कुरु । सप्ताहाभ्यन्तरे चैव रावणो दुष्टराक्षसः
vahniruvāca śṛṇu rāma mahābhāga sītāsaṃgopanaṃ kuru | saptāhābhyantare caiva rāvaṇo duṣṭarākṣasaḥ
Sanskrit only: no published translation is held for this verse.
दुर्निवार्यः प्राक्तनेन जानकीं च हरिष्यति । विधात्रा लिखितं कर्म प्राक्तंनं केन वार्यते
durnivāryaḥ prāktanena jānakīṃ ca hariṣyati | vidhātrā likhitaṃ karma prāktaṃnaṃ kena vāryate
Sanskrit only: no published translation is held for this verse.
वेदैश्चतुर्भिः कथितं न च दैवात्परं वरम्
vedaiścaturbhiḥ kathitaṃ na ca daivātparaṃ varam
Sanskrit only: no published translation is held for this verse.
राम उवाच सीतां गृहीत्वा त्वं गच्छ च्छायाऽत्रैव तु तिष्ठतु । कलत्रवर्जनं कर्म सर्वेषां च जुगुप्सितम्
rāma uvāca sītāṃ gṛhītvā tvaṃ gaccha cchāyā'traiva tu tiṣṭhatu | kalatravarjanaṃ karma sarveṣāṃ ca jugupsitam
Sanskrit only: no published translation is held for this verse.
सीतां गृहीत्वा प्रययौ रुदतीं च हुताशनः । सीतया सदृशी छाया तस्थौ श्रीरामसंनिधौ
sītāṃ gṛhītvā prayayau rudatīṃ ca hutāśanaḥ | sītayā sadṛśī chāyā tasthau śrīrāmasaṃnidhau
Sanskrit only: no published translation is held for this verse.
सा च च्छाया हृता पूर्व रावणेनावलीलया । समुद्दधार तां रामो निहत्य तं सबान्धवम्
sā ca cchāyā hṛtā pūrva rāvaṇenāvalīlayā | samuddadhāra tāṃ rāmo nihatya taṃ sabāndhavam
Sanskrit only: no published translation is held for this verse.
वह्नौ परीक्षाकाले च च्छाया वह्नौ विवेश सा । अग्निश्छायां च संरक्ष्य ददौ रामाय जानकीम्
vahnau parīkṣākāle ca cchāyā vahnau viveśa sā | agniśchāyāṃ ca saṃrakṣya dadau rāmāya jānakīm
Sanskrit only: no published translation is held for this verse.
रामस्तां च गृहीत्वा च प्रययौ स्वाश्रमं मुदा । छाया तस्थौ वह्निपार्श्वे हृदयेन विदूयता
rāmastāṃ ca gṛhītvā ca prayayau svāśramaṃ mudā | chāyā tasthau vahnipārśve hṛdayena vidūyatā
Sanskrit only: no published translation is held for this verse.
सा च च्छाया तपश्चक्रे नारायणसरोवरे । तपश्चकार दिव्यं च शातवर्षं च शूलिनः
sā ca cchāyā tapaścakre nārāyaṇasarovare | tapaścakāra divyaṃ ca śātavarṣaṃ ca śūlinaḥ
Sanskrit only: no published translation is held for this verse.
वरं वृणुष्व भद्रे त्वमुवाच शंकरश्च ताम् । उवाच शिवं व्यग्रा भर्तुर्दुःखेन दुःखिता
varaṃ vṛṇuṣva bhadre tvamuvāca śaṃkaraśca tām | uvāca śivaṃ vyagrā bharturduḥkhena duḥkhitā
Sanskrit only: no published translation is held for this verse.
पतिं देहि पञ्चधा सा वरं वव्रे त्रिलोचनम् । सर्वसंपत्प्रदस्तुष्टस्तस्यै शर्वो वरं ददौ
patiṃ dehi pañcadhā sā varaṃ vavre trilocanam | sarvasaṃpatpradastuṣṭastasyai śarvo varaṃ dadau
Sanskrit only: no published translation is held for this verse.
महादेव उवाच साध्वि त्वं पञ्चधा ब्रूहि पतिं देहीति व्याकुला । पञ्चेन्द्राश्च हरेरंशा भविष्यन्ति प्रियास्तव
mahādeva uvāca sādhvi tvaṃ pañcadhā brūhi patiṃ dehīti vyākulā | pañcendrāśca hareraṃśā bhaviṣyanti priyāstava
Sanskrit only: no published translation is held for this verse.
ते च सर्वे च पञ्चेन्द्राश्चाधुना पञ्च पाण्डवाः । सा च च्छाया द्रौपदी च यज्ञकुण्डसमुद्भवा
te ca sarve ca pañcendrāścādhunā pañca pāṇḍavāḥ | sā ca cchāyā draupadī ca yajñakuṇḍasamudbhavā
Sanskrit only: no published translation is held for this verse.
कृतयुगे वेदवती त्रेतायां जनकात्मजा । द्वापरे द्रौपदी छाया तेन कृष्णा त्रिहायणी
kṛtayuge vedavatī tretāyāṃ janakātmajā | dvāpare draupadī chāyā tena kṛṣṇā trihāyaṇī
Sanskrit only: no published translation is held for this verse.
वैष्णपी कृष्णभक्ता च तेन कृष्णा प्रकीर्तिता । स्वर्गलक्ष्मीर्महेन्द्राणां सा च पश्चाद्भविष्यति
vaiṣṇapī kṛṣṇabhaktā ca tena kṛṣṇā prakīrtitā | svargalakṣmīrmahendrāṇāṃ sā ca paścādbhaviṣyati
Sanskrit only: no published translation is held for this verse.
राजा ददौ फाल्गुनाय कन्यायाश्च स्वयंवरे । पप्रच्छ मातरं वीरो वस्तु प्राप्तं मयाऽधुना
rājā dadau phālgunāya kanyāyāśca svayaṃvare | papraccha mātaraṃ vīro vastu prāptaṃ mayā'dhunā
Sanskrit only: no published translation is held for this verse.
तमुवाच स्वयं माता गृहाण भ्रातृभिः सह । शंभोर्वरेण पूर्व च परत्र मातुराज्ञया
tamuvāca svayaṃ mātā gṛhāṇa bhrātṛbhiḥ saha | śaṃbhorvareṇa pūrva ca paratra māturājñayā
Sanskrit only: no published translation is held for this verse.
द्रौपद्याः स्वामिनस्तेन हेतुना पञ्च पाण्डवाः । चतुर्दशानामिन्द्राणां पञ्चेन्द्राः पञ्च पाण्डवाः
draupadyāḥ svāminastena hetunā pañca pāṇḍavāḥ | caturdaśānāmindrāṇāṃ pañcendrāḥ pañca pāṇḍavāḥ
Sanskrit only: no published translation is held for this verse.
शंकरेणाभिसंशप्ता सा मात्रा भर्त्सितेन च । भर्ताते भस्मसाद्भूतो हरकोपानलेन च
śaṃkareṇābhisaṃśaptā sā mātrā bhartsitena ca | bhartāte bhasmasādbhūto harakopānalena ca
Sanskrit only: no published translation is held for this verse.
हे रति त्वं मया शप्ता दैत्यग्रस्ता भवाधुना । विजित्यदेवान्सेन्द्राश्च शम्बरस्त्वा हरिष्यति
he rati tvaṃ mayā śaptā daityagrastā bhavādhunā | vijityadevānsendrāśca śambarastvā hariṣyati
Sanskrit only: no published translation is held for this verse.
पुनरुवतं वरं प्रादात्सतीत्वां ते न यास्यति । छायां दत्त्वा तिष्ठ गेहे यावज्जीवति ते पतिः
punaruvataṃ varaṃ prādātsatītvāṃ te na yāsyati | chāyāṃ dattvā tiṣṭha gehe yāvajjīvati te patiḥ
Sanskrit only: no published translation is held for this verse.
इति ते कथितं सर्वमितिहासं पुरातनम् । देवानां गुप्तचरितं श्रृणु दैत्येन्द्र सांप्रतम्
iti te kathitaṃ sarvamitihāsaṃ purātanam | devānāṃ guptacaritaṃ śrṛṇu daityendra sāṃpratam
Sanskrit only: no published translation is held for this verse.
एतस्मिन्नन्तरे तत्र सुभद्रश्च महाबलः । कुम्भाण्डभ्राता बलवान्बाणसेनापतीश्वरः
etasminnantare tatra subhadraśca mahābalaḥ | kumbhāṇḍabhrātā balavānbāṇasenāpatīśvaraḥ
Sanskrit only: no published translation is held for this verse.
निर्भत्सर्य बाणं समरे शस्त्रपाणिर्महारथः । श्रीकृष्णपौत्रं शूलं च चिक्षेप प्रलयाग्निवत्
nirbhatsarya bāṇaṃ samare śastrapāṇirmahārathaḥ | śrīkṛṣṇapautraṃ śūlaṃ ca cikṣepa pralayāgnivat
Sanskrit only: no published translation is held for this verse.
अर्धयन्द्रेण तच्छूलं चिच्छेद कामपुत्रकः । शक्तिं चिक्षेप भद्रश्च शतसूर्यसमप्रभाम्
ardhayandreṇa tacchūlaṃ ciccheda kāmaputrakaḥ | śaktiṃ cikṣepa bhadraśca śatasūryasamaprabhām
Sanskrit only: no published translation is held for this verse.
वैष्णवास्त्रेण चिच्छेद तां शक्तिं कामपुत्रकः । नारायणास्त्रं चिक्षेप सुभद्रो रणमूर्धनि
vaiṣṇavāstreṇa ciccheda tāṃ śaktiṃ kāmaputrakaḥ | nārāyaṇāstraṃ cikṣepa subhadro raṇamūrdhani
Sanskrit only: no published translation is held for this verse.
प्रणम्य शेते निर्भीतो मदनस्य सुतो बली । ऊर्ध्वमस्त्रं च बभ्राम शतसूर्यसमप्रभम्
praṇamya śete nirbhīto madanasya suto balī | ūrdhvamastraṃ ca babhrāma śatasūryasamaprabham
Sanskrit only: no published translation is held for this verse.
प्रलीनमस्त्रमाकाशे विश्वसंहारकारणम् । अस्त्रे गते सोऽनिरुद्धो गृहीत्वा च महानसिम्
pralīnamastramākāśe viśvasaṃhārakāraṇam | astre gate so'niruddho gṛhītvā ca mahānasim
Sanskrit only: no published translation is held for this verse.
प्रबभञ्जभद्ररथं जघानाश्वांश्च सारथिम् । जघान तं सुभद्रं च लीलया रणमूर्धनि
prababhañjabhadrarathaṃ jaghānāśvāṃśca sārathim | jaghāna taṃ subhadraṃ ca līlayā raṇamūrdhani
Sanskrit only: no published translation is held for this verse.
हते सुभद्रे बाणश्च महाबलपराक्रमः । वाणानां शतकं चापि चक्षेप रणमूर्धनि
hate subhadre bāṇaśca mahābalaparākramaḥ | vāṇānāṃ śatakaṃ cāpi cakṣepa raṇamūrdhani
Sanskrit only: no published translation is held for this verse.
कामात्मजोऽग्निबाणेन बाणोधं प्रददाह सः । बाणश्चिक्षेप ब्रह्मास्त्रं सृष्टिसंहारकारणम्
kāmātmajo'gnibāṇena bāṇodhaṃ pradadāha saḥ | bāṇaścikṣepa brahmāstraṃ sṛṣṭisaṃhārakāraṇam
Sanskrit only: no published translation is held for this verse.
दृष्ट्वा कामात्मजः शीघ्रं सबीजं मन्त्रपूर्वकम् । ब्रह्मस्त्रेणैव सहसा संजहारावलीलया
dṛṣṭvā kāmātmajaḥ śīghraṃ sabījaṃ mantrapūrvakam | brahmastreṇaiva sahasā saṃjahārāvalīlayā
Sanskrit only: no published translation is held for this verse.
बाणः पाशुपतं क्षेप्तुं समारेभे च कोपतः । निषिद्धश्च गणेशेन स्कन्देन शंभुना तथा
bāṇaḥ pāśupataṃ kṣeptuṃ samārebhe ca kopataḥ | niṣiddhaśca gaṇeśena skandena śaṃbhunā tathā
Sanskrit only: no published translation is held for this verse.
तद्दृष्ट्वा सोऽनिरुद्धस्तं धनुर्बाणौघ संयुतम् । मुमोच जृम्भणे युद्धे शीघ्रं तं च महारथम्
taddṛṣṭvā so'niruddhastaṃ dhanurbāṇaugha saṃyutam | mumoca jṛmbhaṇe yuddhe śīghraṃ taṃ ca mahāratham
Sanskrit only: no published translation is held for this verse.
जडो बभूव बाणश्च निश्चेष्टो रणमूर्धनि । पुनश्चिक्षेप निद्रास्यं निद्रितं तं चकार सः
jaḍo babhūva bāṇaśca niśceṣṭo raṇamūrdhani | punaścikṣepa nidrāsyaṃ nidritaṃ taṃ cakāra saḥ
Sanskrit only: no published translation is held for this verse.
बाणं तं निद्रितं दृष्ट्वा गृहीत्वा खड्गमुत्तमम् । बाणं हन्तुं समुद्यन्तं वारयामास कार्तिकः
bāṇaṃ taṃ nidritaṃ dṛṣṭvā gṛhītvā khaḍgamuttamam | bāṇaṃ hantuṃ samudyantaṃ vārayāmāsa kārtikaḥ
Sanskrit only: no published translation is held for this verse.
स्कन्दश्च शतबाणौश्च वारयामास लीलया । अनिरुद्धं महाभागं बलवान्तं धनुर्धरम्
skandaśca śatabāṇauśca vārayāmāsa līlayā | aniruddhaṃ mahābhāgaṃ balavāntaṃ dhanurdharam
Sanskrit only: no published translation is held for this verse.
अनिरुद्धश्च सहसा तथा शक्त्या दुरत्यया । बभञ्ज कार्तिकरथं रत्नेन्द्रसारनिर्मितम्
aniruddhaśca sahasā tathā śaktyā duratyayā | babhañja kārtikarathaṃ ratnendrasāranirmitam
Sanskrit only: no published translation is held for this verse.
गदया कार्तिकः क्रुद्धोऽप्यनिरुद्धरयं मुदा । बभञ्ज लीलया तत्र क्षणेन रणमूर्धनि
gadayā kārtikaḥ kruddho'pyaniruddharayaṃ mudā | babhañja līlayā tatra kṣaṇena raṇamūrdhani
Sanskrit only: no published translation is held for this verse.
अनिरुद्धोऽर्धचन्द्रेण क्षुरधारेण लीलया । चिच्छेद कार्तिकधनुर्भल्लास्त्रेण नियोजितम्
aniruddho'rdhacandreṇa kṣuradhāreṇa līlayā | ciccheda kārtikadhanurbhallāstreṇa niyojitam
Sanskrit only: no published translation is held for this verse.
जधान कार्तिकस्तं च गदया च दुरन्तया । गदां जग्राह तद्धस्ताज्जवेन मदनात्मजः
jadhāna kārtikastaṃ ca gadayā ca durantayā | gadāṃ jagrāha taddhastājjavena madanātmajaḥ
Sanskrit only: no published translation is held for this verse.
शूलं गृहीत्वा स्कन्दं च तमेव हन्तुमु द्यतम् । अनिरुद्धश्च कोपेन प्रेरयामास दूरतः
śūlaṃ gṛhītvā skandaṃ ca tameva hantumu dyatam | aniruddhaśca kopena prerayāmāsa dūrataḥ
Sanskrit only: no published translation is held for this verse.
कार्तिकः पुनरागत्य गृहीत्वा कामपुत्रकम् । गृहीत्वा च करेणैव पातयामास भूतले
kārtikaḥ punarāgatya gṛhītvā kāmaputrakam | gṛhītvā ca kareṇaiva pātayāmāsa bhūtale
Sanskrit only: no published translation is held for this verse.
अनिरुद्धो गृहीत्वाऽसिं प्रभुस्तस्थौ महाबलः । तयोर्विरोधं दूरं च प्रचकार गणेश्वरः
aniruddho gṛhītvā'siṃ prabhustasthau mahābalaḥ | tayorvirodhaṃ dūraṃ ca pracakāra gaṇeśvaraḥ
Sanskrit only: no published translation is held for this verse.
कार्तिकः प्रययौ गेहमूषागेहं स्मरात्मजः । सर्व निवेदितुं शंभुं प्रययौ स गणेश्वरः
kārtikaḥ prayayau gehamūṣāgehaṃ smarātmajaḥ | sarva nivedituṃ śaṃbhuṃ prayayau sa gaṇeśvaraḥ
Sanskrit only: no published translation is held for this verse.
इति श्रीब्रह्मo महाo श्रीकृष्णजन्मखo उत्तo नारादनाo बाणयुo षोडशाधिकशततमोऽध्यायः
iti śrībrahmao mahāo śrīkṛṣṇajanmakhao uttao nārādanāo bāṇayuo ṣoḍaśādhikaśatatamo'dhyāyaḥ
Sanskrit only: no published translation is held for this verse.