Brahmavaivarta Purāṇa 4.118

नारायण उवाच गणेशं बोधयित्वा तु शंभुरम्यन्तरं ययौ । तत्र सिंहासने रम्ये दुर्गा दुर्गतिनाशिनी

nārāyaṇa uvāca gaṇeśaṃ bodhayitvā tu śaṃbhuramyantaraṃ yayau | tatra siṃhāsane ramye durgā durgatināśinī

Sanskrit only: no published translation is held for this verse.

भैरवी भद्रकाली च उग्रचण्डा च कोटरी । ताः समुत्थाय सहसा प्रणेमुर्जगदीश्वम्

bhairavī bhadrakālī ca ugracaṇḍā ca koṭarī | tāḥ samutthāya sahasā praṇemurjagadīśvam

Sanskrit only: no published translation is held for this verse.

तत्राऽऽययौ गणेशश्च कार्तिकेयश्च वीर्यवान् । बाणश्च वीरभद्रश्च स्वयं नन्दी सुनन्दकः

tatrā''yayau gaṇeśaśca kārtikeyaśca vīryavān | bāṇaśca vīrabhadraśca svayaṃ nandī sunandakaḥ

Sanskrit only: no published translation is held for this verse.

महाकालो महामन्त्री ह्यथाष्टौं भैरवास्तथा । सिद्धेन्द्राश्चापि योगीन्द्रा रुद्राश्चैकादशैव ते

mahākālo mahāmantrī hyathāṣṭauṃ bhairavāstathā | siddhendrāścāpi yogīndrā rudrāścaikādaśaiva te

Sanskrit only: no published translation is held for this verse.

एतस्मिन्नन्तरे तत्र मणिभद्रः समाययौ । सिहद्वारे स्वयं द्वारी तभीश्वरमुवाच सः

etasminnantare tatra maṇibhadraḥ samāyayau | sihadvāre svayaṃ dvārī tabhīśvaramuvāca saḥ

Sanskrit only: no published translation is held for this verse.

मणिभद्र उवाच असंख्यानि च सैन्यानि यादवानां महेश्वर । बलदेवश्च प्रद्युम्नः साम्बश्च सात्यकिस्तथा

maṇibhadra uvāca asaṃkhyāni ca sainyāni yādavānāṃ maheśvara | baladevaśca pradyumnaḥ sāmbaśca sātyakistathā

Sanskrit only: no published translation is held for this verse.

राजा महोग्रसेनश्च भीमश्च स्वयमर्जुनः । अक्रूनश्चोद्यवश्चैव जयन्तः शक्रनन्दनः

rājā mahograsenaśca bhīmaśca svayamarjunaḥ | akrūnaścodyavaścaiva jayantaḥ śakranandanaḥ

Sanskrit only: no published translation is held for this verse.

रत्नेनद्रसारनिर्माणरथेन्द्रे सुमनोहरे । विधेर्विधाता भगवाञ्छ्रीकृष्णः परमेश्वरः

ratnenadrasāranirmāṇarathendre sumanohare | vidhervidhātā bhagavāñchrīkṛṣṇaḥ parameśvaraḥ

Sanskrit only: no published translation is held for this verse.

सप्तभिः पार्षदैगोंपैः सेवितः श्वेतयामरैः । कन्दर्पकोटिलीलाभो वनमालाविभूषितः

saptabhiḥ pārṣadaigoṃpaiḥ sevitaḥ śvetayāmaraiḥ | kandarpakoṭilīlābho vanamālāvibhūṣitaḥ

Sanskrit only: no published translation is held for this verse.

दधार चक्रमतुलं कोटिसूर्यसमप्रभम् । गदां कौमोदकीं शूलमव्यर्थं संनिधाय च

dadhāra cakramatulaṃ koṭisūryasamaprabham | gadāṃ kaumodakīṃ śūlamavyarthaṃ saṃnidhāya ca

Sanskrit only: no published translation is held for this verse.

रथमध्ये महाशङ्खं विश्वसंहारकारणम् । महारथानां लक्षैश्च रथानां च त्रिकोटिभिः

rathamadhye mahāśaṅkhaṃ viśvasaṃhārakāraṇam | mahārathānāṃ lakṣaiśca rathānāṃ ca trikoṭibhiḥ

Sanskrit only: no published translation is held for this verse.

त्रिकोटिभिर्गजेन्द्राणां मल्लानां च त्रिकोटिमिः । शतकोटिभिरश्वानां चर्मिणां तच्चतुर्गुणैः

trikoṭibhirgajendrāṇāṃ mallānāṃ ca trikoṭimiḥ | śatakoṭibhiraśvānāṃ carmiṇāṃ taccaturguṇaiḥ

Sanskrit only: no published translation is held for this verse.

खड्गिनां तत्सप्तगुणैर्द्विगुणैस्तद्धनुष्मताम् । एभिः सार्ध च त्वरितमाययौ शोणितं पुरम्

khaḍgināṃ tatsaptaguṇairdviguṇaistaddhanuṣmatām | ebhiḥ sārdha ca tvaritamāyayau śoṇitaṃ puram

Sanskrit only: no published translation is held for this verse.

परितो वेष्टयामास लङ्कां दाशरथिर्यथा । सहस्रतालमानां च ज्वलदग्निशिखोज्ज्वलाम्

parito veṣṭayāmāsa laṅkāṃ dāśarathiryathā | sahasratālamānāṃ ca jvaladagniśikhojjvalām

Sanskrit only: no published translation is held for this verse.

ऊर्ध्वे च परिखायुक्तां दुर्लङ्ध्यामसुरैः सुरैः । स्वर्गगङ्गाम्बुराशीनां समूहैर्वृष्टिभिस्तथा

ūrdhve ca parikhāyuktāṃ durlaṅdhyāmasuraiḥ suraiḥ | svargagaṅgāmburāśīnāṃ samūhairvṛṣṭibhistathā

Sanskrit only: no published translation is held for this verse.

पक्षीन्द्रो गरुडः साक्षान्निर्वाणं च चकार सः । मणीन्द्रसारनिर्माणं प्राकाराभ्रंलिहं पुरम्

pakṣīndro garuḍaḥ sākṣānnirvāṇaṃ ca cakāra saḥ | maṇīndrasāranirmāṇaṃ prākārābhraṃlihaṃ puram

Sanskrit only: no published translation is held for this verse.

बभञ्ज लक्षं मल्लानां बलदेवश्च लाङ्गलैः । उद्यानानां त्रिलक्षं च चकारोत्पाटनं प्रभो

babhañja lakṣaṃ mallānāṃ baladevaśca lāṅgalaiḥ | udyānānāṃ trilakṣaṃ ca cakārotpāṭanaṃ prabho

Sanskrit only: no published translation is held for this verse.

प्रविवेश महाद्वारं द्वारपालान्निपत्य च । एवं श्रुत्वा महादेवश्चोवाच सुरसंसदि

praviveśa mahādvāraṃ dvārapālānnipatya ca | evaṃ śrutvā mahādevaścovāca surasaṃsadi

Sanskrit only: no published translation is held for this verse.

पार्वती भद्रकाली च स्कन्दं गणपतिं तथा । अष्टौ च भैरवांश्चैव रुद्राश्च वीरभद्रकम् महाकालं नन्दिनं च सर्वान्सेनापतीन्नव

pārvatī bhadrakālī ca skandaṃ gaṇapatiṃ tathā | aṣṭau ca bhairavāṃścaiva rudrāśca vīrabhadrakam mahākālaṃ nandinaṃ ca sarvānsenāpatīnnava

Sanskrit only: no published translation is held for this verse.

महादेव उवाच गोलोकनाथो भगवांश्चक्रपाणिः समागतः । विश्वौघं भङ्क्तुमीशो यः क्षणेन नगरं च किम्

mahādeva uvāca golokanātho bhagavāṃścakrapāṇiḥ samāgataḥ | viśvaughaṃ bhaṅktumīśo yaḥ kṣaṇena nagaraṃ ca kim

Sanskrit only: no published translation is held for this verse.

सर्वोपायैश्च सर्वे ते बाणं रक्षन्तु यत्नतः । बाणो गच्छतु संग्रामं स्मृत्वा लम्बोदरं परम्

sarvopāyaiśca sarve te bāṇaṃ rakṣantu yatnataḥ | bāṇo gacchatu saṃgrāmaṃ smṛtvā lambodaraṃ param

Sanskrit only: no published translation is held for this verse.

बाणस्य दक्षिणो स्कन्दः पुरतश्च गणेश्वरः । वामे च भैरवा रुद्राः स्वयं नन्दी सहारथः

bāṇasya dakṣiṇo skandaḥ purataśca gaṇeśvaraḥ | vāme ca bhairavā rudrāḥ svayaṃ nandī sahārathaḥ

Sanskrit only: no published translation is held for this verse.

महाकालो वीरभद्रो ये चान्यो सैनिकास्तथा । ऊर्ध्वे दुर्गा भद्रकाली ह्यग्रण्डा च कोटरी

mahākālo vīrabhadro ye cānyo sainikāstathā | ūrdhve durgā bhadrakālī hyagraṇḍā ca koṭarī

Sanskrit only: no published translation is held for this verse.

बाणं रक्ष महाभागे दुर्गे दुर्गतिनाशिनि । कृष्णस्य भवती शक्तिस्तेन नारायणी स्मृता

bāṇaṃ rakṣa mahābhāge durge durgatināśini | kṛṣṇasya bhavatī śaktistena nārāyaṇī smṛtā

Sanskrit only: no published translation is held for this verse.

विष्णुमाये जगन्मातः सर्वमङ्गलमङ्गले । अव्यर्थाच्चक्रसारच्च रक्ष बाणं सुदर्शनात्

viṣṇumāye jaganmātaḥ sarvamaṅgalamaṅgale | avyarthāccakrasāracca rakṣa bāṇaṃ sudarśanāt

Sanskrit only: no published translation is held for this verse.

बाणः प्रियो मे सर्वेम्यो गणेशात्कार्तिकादपि । बाणमूर्ध्नि करं धेहि पादाब्जरजसा सह

bāṇaḥ priyo me sarvemyo gaṇeśātkārtikādapi | bāṇamūrdhni karaṃ dhehi pādābjarajasā saha

Sanskrit only: no published translation is held for this verse.

शिवस्य वचनं श्रुत्वा दुर्गा दुर्गतिनाशिनी । प्रहस्योवाच मधुरं याथार्थ्यं समयोचितम्

śivasya vacanaṃ śrutvā durgā durgatināśinī | prahasyovāca madhuraṃ yāthārthyaṃ samayocitam

Sanskrit only: no published translation is held for this verse.

पार्वत्युवाच मणिरत्नादिकं यद्यन्मुक्तामाणिक्यहीरकम् । सर्वस्वं कन्यकामूषां रत्नभूषणभूषिताम्

pārvatyuvāca maṇiratnādikaṃ yadyanmuktāmāṇikyahīrakam | sarvasvaṃ kanyakāmūṣāṃ ratnabhūṣaṇabhūṣitām

Sanskrit only: no published translation is held for this verse.

रत्नभूषणभूषाढ्यमनिरुद्धं परं वरम् । पुरस्कृत्य देहि बाण कृष्णाय परमात्मने

ratnabhūṣaṇabhūṣāḍhyamaniruddhaṃ paraṃ varam | puraskṛtya dehi bāṇa kṛṣṇāya paramātmane

Sanskrit only: no published translation is held for this verse.

राज्यं कुरुष्व निर्विघ्नं किं युद्धमात्मना सह । यस्मिन्गते गताः प्राणाः क जीवश्चैन्द्रियैः सह । शक्तिश्चाहं मनो ब्रह्मा स्वयं ज्ञानात्मकं शिवः

rājyaṃ kuruṣva nirvighnaṃ kiṃ yuddhamātmanā saha | yasmingate gatāḥ prāṇāḥ ka jīvaścaindriyaiḥ saha | śaktiścāhaṃ mano brahmā svayaṃ jñānātmakaṃ śivaḥ

Sanskrit only: no published translation is held for this verse.

सद्यः पतति देहश्च शिवं त्यक्त्वा शवो भवेत् । को वा तिष्ठति संग्रामे चक्रस्य तेजसा शिव

sadyaḥ patati dehaśca śivaṃ tyaktvā śavo bhavet | ko vā tiṣṭhati saṃgrāme cakrasya tejasā śiva

Sanskrit only: no published translation is held for this verse.

नाऽऽत्माऽऽकाशो बाणविद्धो युद्धं किं स्वात्मना सह । परमात्मा च सर्वेषां भक्तानुग्रहविग्रहः

nā''tmā''kāśo bāṇaviddho yuddhaṃ kiṃ svātmanā saha | paramātmā ca sarveṣāṃ bhaktānugrahavigrahaḥ

Sanskrit only: no published translation is held for this verse.

नित्यः सत्यो हि कृष्णश्च परिबूर्णतमः प्रभुः । गणेशः कार्तिकेयश्च भवानपि तयोः परः

nityaḥ satyo hi kṛṣṇaśca paribūrṇatamaḥ prabhuḥ | gaṇeśaḥ kārtikeyaśca bhavānapi tayoḥ paraḥ

Sanskrit only: no published translation is held for this verse.

किंकरेषु प्रियो बाणो न हि कृष्णात्परः प्रियः । वैकुण्ठेऽहं महालक्ष्मीर्गोलोके राधिका स्वयम्

kiṃkareṣu priyo bāṇo na hi kṛṣṇātparaḥ priyaḥ | vaikuṇṭhe'haṃ mahālakṣmīrgoloke rādhikā svayam

Sanskrit only: no published translation is held for this verse.

शिवाऽहं शिवलोकेऽपि ब्रह्मलोके सरस्वती । अहं निहत्य दैत्यांश्च दक्षकन्या सती पुरा

śivā'haṃ śivaloke'pi brahmaloke sarasvatī | ahaṃ nihatya daityāṃśca dakṣakanyā satī purā

Sanskrit only: no published translation is held for this verse.

त्वन्निन्दया त्यक्तदेहा सा चाहं शैलकन्यका । रक्तबीजस्य युद्धे च कानी च मूर्तिभेदतः

tvannindayā tyaktadehā sā cāhaṃ śailakanyakā | raktabījasya yuddhe ca kānī ca mūrtibhedataḥ

Sanskrit only: no published translation is held for this verse.

सावित्री वेदमाताऽहं सीता जनककन्यका । रुक्मिणी द्वारवत्यां च भारते भीष्मकन्यका

sāvitrī vedamātā'haṃ sītā janakakanyakā | rukmiṇī dvāravatyāṃ ca bhārate bhīṣmakanyakā

Sanskrit only: no published translation is held for this verse.

सुदाम्नः शापतो दैवाद्वृषभानसुताऽधुना । धर्मपत्नी च कृष्णस्य पुण्ये वृन्दावने वने

sudāmnaḥ śāpato daivādvṛṣabhānasutā'dhunā | dharmapatnī ca kṛṣṇasya puṇye vṛndāvane vane

Sanskrit only: no published translation is held for this verse.

भगवन्तं च सर्वज्ञं त्वां शिवं च सनातम् । किं वाऽहं कथयामीति कर्तव्यं समयोचितम्

bhagavantaṃ ca sarvajñaṃ tvāṃ śivaṃ ca sanātam | kiṃ vā'haṃ kathayāmīti kartavyaṃ samayocitam

Sanskrit only: no published translation is held for this verse.

इति श्रीब्रह्मo महाo श्रीकृष्णजन्मखo उत्तo नारदनाo बाणयुद्धेऽष्टाद- शाधिकशततमोऽध्यायः

iti śrībrahmao mahāo śrīkṛṣṇajanmakhao uttao nāradanāo bāṇayuddhe'ṣṭāda- śādhikaśatatamo'dhyāyaḥ

Sanskrit only: no published translation is held for this verse.