Library·Brahmavaivarta Purāṇa·4·4.120
नारायण उवाच अथ कृष्णश्च भगवानुद्धवेत बलेन च । दूतं प्रश्थापयामास विधाय मन्त्रणं शुभम्
nārāyaṇa uvāca atha kṛṣṇaśca bhagavānuddhaveta balena ca | dūtaṃ praśthāpayāmāsa vidhāya mantraṇaṃ śubham
Sanskrit only: no published translation is held for this verse.
शिवो गणपतिर्यत्र दुर्गां दुर्गतिनाशिनी । कार्तिकेयो भद्रकाली चोग्रचण्डा च कोटरी
śivo gaṇapatiryatra durgāṃ durgatināśinī | kārtikeyo bhadrakālī cogracaṇḍā ca koṭarī
Sanskrit only: no published translation is held for this verse.
आगत्य नत्वा दूतश्च गणेशं च शिवं शिवाम् । मानवांश्चापि पूच्यांश्च समुवाच यथोचितम्
āgatya natvā dūtaśca gaṇeśaṃ ca śivaṃ śivām | mānavāṃścāpi pūcyāṃśca samuvāca yathocitam
Sanskrit only: no published translation is held for this verse.
दूत उवाच बाणमाह्वयते कृष्णः संग्रामार्थ महेश्वर । किं वाऽनिरुद्धमूषां च गृहीत्वा शरणं व्रज
dūta uvāca bāṇamāhvayate kṛṣṇaḥ saṃgrāmārtha maheśvara | kiṃ vā'niruddhamūṣāṃ ca gṛhītvā śaraṇaṃ vraja
Sanskrit only: no published translation is held for this verse.
रणे निमन्त्रितो यो हि न याति भयकातरः । परत्र नरकं याति सप्तभिः पितृभिः सह
raṇe nimantrito yo hi na yāti bhayakātaraḥ | paratra narakaṃ yāti saptabhiḥ pitṛbhiḥ saha
Sanskrit only: no published translation is held for this verse.
दूतस्य वचनं श्रुत्वा सभामध्ये यथोचितम् । उवाच पार्वती देवी स्वयं शंकरसंनिधौ
dūtasya vacanaṃ śrutvā sabhāmadhye yathocitam | uvāca pārvatī devī svayaṃ śaṃkarasaṃnidhau
Sanskrit only: no published translation is held for this verse.
पार्वत्युवाच गच्छ बाण महाभाग गृहीत्वा तव कन्यकाम् । सर्वस्वं यौतकं दत्त्वा श्रीकृष्णं शरणं व्रज
pārvatyuvāca gaccha bāṇa mahābhāga gṛhītvā tava kanyakām | sarvasvaṃ yautakaṃ dattvā śrīkṛṣṇaṃ śaraṇaṃ vraja
Sanskrit only: no published translation is held for this verse.
सर्वेषामीश्वरं बीजं दातारं सर्वसंपदम् । वरं वरेप्यं शरणं कृपालुं भक्तवत्सलम्
sarveṣāmīśvaraṃ bījaṃ dātāraṃ sarvasaṃpadam | varaṃ varepyaṃ śaraṇaṃ kṛpāluṃ bhaktavatsalam
Sanskrit only: no published translation is held for this verse.
पार्वतीवचनं श्रुत्वा तमूचुस्ते सुरेश्वराः । प्रशसंसुःसभामध्ये धन्यधन्येति सर्वदा
pārvatīvacanaṃ śrutvā tamūcuste sureśvarāḥ | praśasaṃsuḥsabhāmadhye dhanyadhanyeti sarvadā
Sanskrit only: no published translation is held for this verse.
कोपाविष्टश्च बाणोऽयमुत्तस्थौ सहसाऽसुरः । सांनाहिको धनुष्पाणिः प्रणम्य शंकरं ययौ
kopāviṣṭaśca bāṇo'yamuttasthau sahasā'suraḥ | sāṃnāhiko dhanuṣpāṇiḥ praṇamya śaṃkaraṃ yayau
Sanskrit only: no published translation is held for this verse.
सर्वैर्निषिध्यमानश्च कम्पितो रक्तलोचनः । सांनाहिकश्च दैत्यानां त्रिकोट्या च महाबलः
sarvairniṣidhyamānaśca kampito raktalocanaḥ | sāṃnāhikaśca daityānāṃ trikoṭyā ca mahābalaḥ
Sanskrit only: no published translation is held for this verse.
कुम्भाण्डः कूपकर्णश्च निकुम्भः कुम्भ एव च । सेनापतीश्वरश्चैते ययुः सांनाहिकास्तथा
kumbhāṇḍaḥ kūpakarṇaśca nikumbhaḥ kumbha eva ca | senāpatīśvaraścaite yayuḥ sāṃnāhikāstathā
Sanskrit only: no published translation is held for this verse.
उन्मत्तभैरवश्चैव संहारभैरवस्तथा । असिताङ्गो भैरवश्च रुरुभैरव एव च
unmattabhairavaścaiva saṃhārabhairavastathā | asitāṅgo bhairavaśca rurubhairava eva ca
Sanskrit only: no published translation is held for this verse.
महाभैरवसंज्ञश्च कालभैरव एव च । प्रचण्डभैरवश्चैव क्रोधभैरव एव च
mahābhairavasaṃjñaśca kālabhairava eva ca | pracaṇḍabhairavaścaiva krodhabhairava eva ca
Sanskrit only: no published translation is held for this verse.
प्रययुः शक्तिभिः सार्ध सर्वे सांनाहिकाश्च ते । कालाग्गिरुद्रो भगवान्रुद्रैः सांनाहिको ययौ
prayayuḥ śaktibhiḥ sārdha sarve sāṃnāhikāśca te | kālāggirudro bhagavānrudraiḥ sāṃnāhiko yayau
Sanskrit only: no published translation is held for this verse.
उग्रचण्डा प्रचण्डा च चण्डिका चण्डिनायिका । चण्डेश्वरी च चामुण्डा चण्डी चण्डकपालिका
ugracaṇḍā pracaṇḍā ca caṇḍikā caṇḍināyikā | caṇḍeśvarī ca cāmuṇḍā caṇḍī caṇḍakapālikā
Sanskrit only: no published translation is held for this verse.
अष्टौ च नायिकाः सर्वाः प्रययुः खर्पराविन्ताः । कोटरी रत्नयानस्था शोणितग्रामदेवता
aṣṭau ca nāyikāḥ sarvāḥ prayayuḥ kharparāvintāḥ | koṭarī ratnayānasthā śoṇitagrāmadevatā
Sanskrit only: no published translation is held for this verse.
प्रययौ सा प्रफुल्लास्या खड्गखर्परधारिणी । इन्द्राणी वैष्णवी शान्ता ब्रह्माणी ब्रह्मवादिनी
prayayau sā praphullāsyā khaḍgakharparadhāriṇī | indrāṇī vaiṣṇavī śāntā brahmāṇī brahmavādinī
Sanskrit only: no published translation is held for this verse.
कौमारी नारसिंही च वाराही विकटाकृतिः । माहेश्वरी महामाया भैरवी भीमरूपिणी
kaumārī nārasiṃhī ca vārāhī vikaṭākṛtiḥ | māheśvarī mahāmāyā bhairavī bhīmarūpiṇī
Sanskrit only: no published translation is held for this verse.
अष्टौ च शक्तयः सर्वा रथस्थाः प्रययुर्मुदा । रत्नेन्द्रसारयानस्था प्रययौ भद्रकालिका
aṣṭau ca śaktayaḥ sarvā rathasthāḥ prayayurmudā | ratnendrasārayānasthā prayayau bhadrakālikā
Sanskrit only: no published translation is held for this verse.
रक्तवर्णा त्रिनयना जिह्वाललनभीषणा । शूलशक्तिगदाहस्ता खड्गखर्परधारिणी
raktavarṇā trinayanā jihvālalanabhīṣaṇā | śūlaśaktigadāhastā khaḍgakharparadhāriṇī
Sanskrit only: no published translation is held for this verse.
प्रययौ शूलहस्तश्च वृषभस्थो महेश्वरः । स्कन्दश्च शिखियानस्थः शस्त्रपाणिर्धनुर्धरः
prayayau śūlahastaśca vṛṣabhastho maheśvaraḥ | skandaśca śikhiyānasthaḥ śastrapāṇirdhanurdharaḥ
Sanskrit only: no published translation is held for this verse.
एवं च प्रययुः सर्वे गणेशं पार्वतीं विना । एभिर्युक्तं महादेवं दृष्ट्वा च भद्रकालिकाम्
evaṃ ca prayayuḥ sarve gaṇeśaṃ pārvatīṃ vinā | ebhiryuktaṃ mahādevaṃ dṛṣṭvā ca bhadrakālikām
Sanskrit only: no published translation is held for this verse.
प्रचक्रे चक्रपाणिश्च संभाषां च यथोचिताम् । बाणः शङ्कध्वनिं कृत्वा प्रणम्य पार्वतीश्वरम्
pracakre cakrapāṇiśca saṃbhāṣāṃ ca yathocitām | bāṇaḥ śaṅkadhvaniṃ kṛtvā praṇamya pārvatīśvaram
Sanskrit only: no published translation is held for this verse.
धनुर्दथार सगुणं दिव्यास्त्रेण नियोजितम् । बाणं समुद्यतं दृष्ट्वा सात्यकिः परवीरहा
dhanurdathāra saguṇaṃ divyāstreṇa niyojitam | bāṇaṃ samudyataṃ dṛṣṭvā sātyakiḥ paravīrahā
Sanskrit only: no published translation is held for this verse.
निषिध्यमानस्तैः सर्वैः संनाही प्रययौ मुदा । बाणश्चिक्षेप दिव्यास्त्रमञ्जनं नाम नारद
niṣidhyamānastaiḥ sarvaiḥ saṃnāhī prayayau mudā | bāṇaścikṣepa divyāstramañjanaṃ nāma nārada
Sanskrit only: no published translation is held for this verse.
अव्यर्थं ग्रीष्ममध्याहनमार्तण्डाभं सुतीक्ष्णकम् । दृष्टावाऽस्त्रं सात्यकिः साक्षात्किंचिन्नम्रो बभूव सः
avyarthaṃ grīṣmamadhyāhanamārtaṇḍābhaṃ sutīkṣṇakam | dṛṣṭāvā'straṃ sātyakiḥ sākṣātkiṃcinnamro babhūva saḥ
Sanskrit only: no published translation is held for this verse.
किं वा न दग्धः प्रययौ नभोमध्यं सुदारुणम् । वह्निं चिक्षेप बाणश्च सात्यकिर्वारुणेन च
kiṃ vā na dagdhaḥ prayayau nabhomadhyaṃ sudāruṇam | vahniṃ cikṣepa bāṇaśca sātyakirvāruṇena ca
Sanskrit only: no published translation is held for this verse.
प्रज्वलन्तं तालमानं निर्वाणं च चकार सः । चिच्छेद वारुणं घोरं प्रजण्डं भीममुल्बणम्
prajvalantaṃ tālamānaṃ nirvāṇaṃ ca cakāra saḥ | ciccheda vāruṇaṃ ghoraṃ prajaṇḍaṃ bhīmamulbaṇam
Sanskrit only: no published translation is held for this verse.
चिच्छेद सात्यकिश्चैव पार्जन्येनावलीलया । चिक्षेप पवनं बाणः प्रचण्डं भीममुल्बणम्
ciccheda sātyakiścaiva pārjanyenāvalīlayā | cikṣepa pavanaṃ bāṇaḥ pracaṇḍaṃ bhīmamulbaṇam
Sanskrit only: no published translation is held for this verse.
चिच्छेद सात्यकिश्चैव पर्वताश्त्रेण लीलया । नारायणस्त्रं चिक्षेप बाणश्च रणमूर्धनि
ciccheda sātyakiścaiva parvatāśtreṇa līlayā | nārāyaṇastraṃ cikṣepa bāṇaśca raṇamūrdhani
Sanskrit only: no published translation is held for this verse.
सात्यकिर्दण्डवद्भूमौ पपातार्जुनशिक्षया । माहेश्वरं प्रचिक्षेप बाणः शस्त्रविदां वरः
sātyakirdaṇḍavadbhūmau papātārjunaśikṣayā | māheśvaraṃ pracikṣepa bāṇaḥ śastravidāṃ varaḥ
Sanskrit only: no published translation is held for this verse.
सात्यकिर्वैष्णवास्त्रेण प्रविच्छेदावलीलया । ब्रह्मास्त्रं चापि चिक्षेप बाणश्च रणमूर्धनि
sātyakirvaiṣṇavāstreṇa pravicchedāvalīlayā | brahmāstraṃ cāpi cikṣepa bāṇaśca raṇamūrdhani
Sanskrit only: no published translation is held for this verse.
क्षणं चकार निर्वाणं ब्रह्मास्त्रेण च सात्यकिः । नागास्त्रं चापि चिक्षेप बाणो रणविशारदः
kṣaṇaṃ cakāra nirvāṇaṃ brahmāstreṇa ca sātyakiḥ | nāgāstraṃ cāpi cikṣepa bāṇo raṇaviśāradaḥ
Sanskrit only: no published translation is held for this verse.
सात्यकिर्गारुडेनैव संजहार क्षणेन च । जग्राह शूलमव्यर्थं शंकरस्य सुदारुणम्
sātyakirgāruḍenaiva saṃjahāra kṣaṇena ca | jagrāha śūlamavyarthaṃ śaṃkarasya sudāruṇam
Sanskrit only: no published translation is held for this verse.
तुष्टाव सात्यकिर्दुर्गा गले माल्यं बभूव ह । जग्राह धनुषा बाणो बाणं पाशुपतं तथा
tuṣṭāva sātyakirdurgā gale mālyaṃ babhūva ha | jagrāha dhanuṣā bāṇo bāṇaṃ pāśupataṃ tathā
Sanskrit only: no published translation is held for this verse.
बाणं सबाणं जृम्भं च सात्यकिश्च चकार ह । बाणं तं जृम्भितं दृष्ट्वा कार्तिकेयो महाबलः
bāṇaṃ sabāṇaṃ jṛmbhaṃ ca sātyakiśca cakāra ha | bāṇaṃ taṃ jṛmbhitaṃ dṛṣṭvā kārtikeyo mahābalaḥ
Sanskrit only: no published translation is held for this verse.
अर्धचन्द्रं च चिक्षेप कामश्चिच्छेद लीलया । गदां चक्षेप च स्कन्दः प्रातः सूर्यसमप्रभाम्
ardhacandraṃ ca cikṣepa kāmaściccheda līlayā | gadāṃ cakṣepa ca skandaḥ prātaḥ sūryasamaprabhām
Sanskrit only: no published translation is held for this verse.
वैष्णवास्त्रेण कामश्च निर्वाणं च चकार सः । नारायणस्त्रं स्कन्दश्च प्राक्षिपच्च त्वरान्वितः
vaiṣṇavāstreṇa kāmaśca nirvāṇaṃ ca cakāra saḥ | nārāyaṇastraṃ skandaśca prākṣipacca tvarānvitaḥ
Sanskrit only: no published translation is held for this verse.
पपात दण्डवद्भूमौ प्रद्युम्नः कृष्णशिक्षया । स्कन्दः शक्तिं च चिक्षेप प्रलयग्निसमप्रभाम्
papāta daṇḍavadbhūmau pradyumnaḥ kṛṣṇaśikṣayā | skandaḥ śaktiṃ ca cikṣepa pralayagnisamaprabhām
Sanskrit only: no published translation is held for this verse.
कामो नारायणास्त्रेण निर्वाणं च चकार ताम् । ब्रह्मास्त्रं च प्रचिक्षेप कार्तिको रणमूर्धनि
kāmo nārāyaṇāstreṇa nirvāṇaṃ ca cakāra tām | brahmāstraṃ ca pracikṣepa kārtiko raṇamūrdhani
Sanskrit only: no published translation is held for this verse.
ब्रह्मास्त्रेणापि कामश्च निर्वाणं च चकार सः । जग्राह कार्तिकं कोपाद्दिव्यं पाशुपतं तदा
brahmāstreṇāpi kāmaśca nirvāṇaṃ ca cakāra saḥ | jagrāha kārtikaṃ kopāddivyaṃ pāśupataṃ tadā
Sanskrit only: no published translation is held for this verse.
निद्रास्त्रेणापि मदनो निद्रितं च चकार तम् । कार्तिकं निद्रितं दृष्ट्वा बाणं च जृम्भितं तथा
nidrāstreṇāpi madano nidritaṃ ca cakāra tam | kārtikaṃ nidritaṃ dṛṣṭvā bāṇaṃ ca jṛmbhitaṃ tathā
Sanskrit only: no published translation is held for this verse.
कोपात्कामं च सरथं जग्राह भद्रकालिका । क्रोडे कृत्वा च बाणं च स्कन्दं च जगतां प्रसूः
kopātkāmaṃ ca sarathaṃ jagrāha bhadrakālikā | kroḍe kṛtvā ca bāṇaṃ ca skandaṃ ca jagatāṃ prasūḥ
Sanskrit only: no published translation is held for this verse.
रणस्थलाच्च प्रययौ यत्रैव पार्वती सती । कार्तिकं बोधयामास बाणं सुस्थं चकार सा
raṇasthalācca prayayau yatraiva pārvatī satī | kārtikaṃ bodhayāmāsa bāṇaṃ susthaṃ cakāra sā
Sanskrit only: no published translation is held for this verse.
सहसासरथः कामो नासारन्ध्रेण वर्त्मना । बहिर्बभूव संत्रस्तः प्रययौ च रणस्थलम्
sahasāsarathaḥ kāmo nāsārandhreṇa vartmanā | bahirbabhūva saṃtrastaḥ prayayau ca raṇasthalam
Sanskrit only: no published translation is held for this verse.
दृष्ट्का कामं च सरथं जहसुर्यादवास्तदा । सर्वे शैवाश्च तत्रस्थाः शुष्ककण्ठा भयकुलाः
dṛṣṭkā kāmaṃ ca sarathaṃ jahasuryādavāstadā | sarve śaivāśca tatrasthāḥ śuṣkakaṇṭhā bhayakulāḥ
Sanskrit only: no published translation is held for this verse.
अथ बाणः पुनः क्रुद्धो रथमारुह्य कोपतः । कार्तिकेयश्च भगवान्युद्धाय पुनरागतः
atha bāṇaḥ punaḥ kruddho rathamāruhya kopataḥ | kārtikeyaśca bhagavānyuddhāya punarāgataḥ
Sanskrit only: no published translation is held for this verse.
बाणः पञ्च शरांश्चैव चिक्षेप रणमूर्धनि । अर्धचन्द्रेण चिच्छेद बलदेवो महाबलः
bāṇaḥ pañca śarāṃścaiva cikṣepa raṇamūrdhani | ardhacandreṇa ciccheda baladevo mahābalaḥ
Sanskrit only: no published translation is held for this verse.
रथं बभञ्ज बाणस्य लाङ्गलेन च लाङ्गली । जघन सूतमश्वांश्च मुसलेनावलीलया
rathaṃ babhañja bāṇasya lāṅgalena ca lāṅgalī | jaghana sūtamaśvāṃśca musalenāvalīlayā
Sanskrit only: no published translation is held for this verse.
कुर्वन्तमुद्यमं छेत्तुं हलिनं च महाबलः । कालाग्निरुद्रो भगवान्वारयामास लीलया
kurvantamudyamaṃ chettuṃ halinaṃ ca mahābalaḥ | kālāgnirudro bhagavānvārayāmāsa līlayā
Sanskrit only: no published translation is held for this verse.
रथं कालाग्निरुद्रस्य बभञ्ज लाङ्गली रुषा । हलेन सूतमश्वाश्च जधान रणमूर्धनि
rathaṃ kālāgnirudrasya babhañja lāṅgalī ruṣā | halena sūtamaśvāśca jadhāna raṇamūrdhani
Sanskrit only: no published translation is held for this verse.
कालाग्निरुद्रः कोपेन चिक्षेप जवरमुल्वणम् । बभूवुर्यादवाः सर्वे ज्वराक्रान्ता हरिं विना
kālāgnirudraḥ kopena cikṣepa javaramulvaṇam | babhūvuryādavāḥ sarve jvarākrāntā hariṃ vinā
Sanskrit only: no published translation is held for this verse.
तं दृष्ट्वा भगवान्कृष्णः ससर्ज वैष्णवं ज्वरम् । तं चिक्षेप ज्वरं हन्तुं माहेशं रणमूर्धनि
taṃ dṛṣṭvā bhagavānkṛṣṇaḥ sasarja vaiṣṇavaṃ jvaram | taṃ cikṣepa jvaraṃ hantuṃ māheśaṃ raṇamūrdhani
Sanskrit only: no published translation is held for this verse.
बभूव ज्वरयोर्युद्धं मुहूर्तमतिदारुणम् । वैष्णवज्वरनिष्कान्तो रणमीर्ध्नि पपात सः ।। परं बभूव निश्चेष्टस्तुष्टाव माधवं पुनः
babhūva jvarayoryuddhaṃ muhūrtamatidāruṇam | vaiṣṇavajvaraniṣkānto raṇamīrdhni papāta saḥ || paraṃ babhūva niśceṣṭastuṣṭāva mādhavaṃ punaḥ
Sanskrit only: no published translation is held for this verse.
ज्वर उवाच प्रणान्रक्ष जगन्नाथ भक्तानुग्रहविग्रह । त्वमात्मा पुरुषः पुर्णः सर्वत्र समता तव
jvara uvāca praṇānrakṣa jagannātha bhaktānugrahavigraha | tvamātmā puruṣaḥ purṇaḥ sarvatra samatā tava
Sanskrit only: no published translation is held for this verse.
ज्वरस्य वचनं श्रुत्वा संजहार स्वकं ज्वरम् । माहेश्वरो ज्वरो भीतो रणादेव हि निर्ययौ
jvarasya vacanaṃ śrutvā saṃjahāra svakaṃ jvaram | māheśvaro jvaro bhīto raṇādeva hi niryayau
Sanskrit only: no published translation is held for this verse.
बाणश्च पुनरागत्य बाणानां च सहस्रकम् । चिक्षेप मन्त्रपूतं च प्रलयाग्निशिखोपमम्
bāṇaśca punarāgatya bāṇānāṃ ca sahasrakam | cikṣepa mantrapūtaṃ ca pralayāgniśikhopamam
Sanskrit only: no published translation is held for this verse.
फाल्गुनः शरजालेन वारयामास लीलया । चिक्षेप शक्तिं बाणश्च ग्रीष्मसूर्यसमप्रभाम्
phālgunaḥ śarajālena vārayāmāsa līlayā | cikṣepa śaktiṃ bāṇaśca grīṣmasūryasamaprabhām
Sanskrit only: no published translation is held for this verse.
चिच्छेद लीलया तां च सव्यसाची महाबलः । स जग्राह पाशुपतं शतसूर्यसमप्रभम्
ciccheda līlayā tāṃ ca savyasācī mahābalaḥ | sa jagrāha pāśupataṃ śatasūryasamaprabham
Sanskrit only: no published translation is held for this verse.
अत्यर्थमतिघोरं च विश्वसंहारकारकम् ।तद्दृष्टा चक्रपाणिश्च चक्रं चिक्षेप दारुणम्
atyarthamatighoraṃ ca viśvasaṃhārakārakam |taddṛṣṭā cakrapāṇiśca cakraṃ cikṣepa dāruṇam
Sanskrit only: no published translation is held for this verse.
हस्तानां च सहस्रं च सपाशुपतमुल्बणम् । चिच्छेद रणमध्ये च पपाताचलसिंहवत्
hastānāṃ ca sahasraṃ ca sapāśupatamulbaṇam | ciccheda raṇamadhye ca papātācalasiṃhavat
Sanskrit only: no published translation is held for this verse.
शस्त्रं पाशुपतं चैव ययौ पशुपतेः करम् । अव्यर्थ दारुणं लोके प्रलयाग्निशिखोपमम्
śastraṃ pāśupataṃ caiva yayau paśupateḥ karam | avyartha dāruṇaṃ loke pralayāgniśikhopamam
Sanskrit only: no published translation is held for this verse.
बाणरक्तसमूहेन बभूव च महानदः । बाणः पपात निश्चेष्टी व्यथितो हतचेतनः
bāṇaraktasamūhena babhūva ca mahānadaḥ | bāṇaḥ papāta niśceṣṭī vyathito hatacetanaḥ
Sanskrit only: no published translation is held for this verse.
तत्राऽऽजगाम भगवान्महदेवो जगद्गुरुः । रुरोदाऽऽगत्य मोहेन बाणं कृत्वा स्ववक्षसि
tatrā''jagāma bhagavānmahadevo jagadguruḥ | rurodā''gatya mohena bāṇaṃ kṛtvā svavakṣasi
Sanskrit only: no published translation is held for this verse.
शिवाश्रुपतनेनैव संबभूव सरोवरम् । चेतनं कारयामास करुमासागरः प्रभुः
śivāśrupatanenaiva saṃbabhūva sarovaram | cetanaṃ kārayāmāsa karumāsāgaraḥ prabhuḥ
Sanskrit only: no published translation is held for this verse.
बाणां गृहीत्वा प्रययौ यत्र देवो जनार्दनः । चक्रे पद्मार्चिते पादपद्मे बाणसमर्पणम्
bāṇāṃ gṛhītvā prayayau yatra devo janārdanaḥ | cakre padmārcite pādapadme bāṇasamarpaṇam
Sanskrit only: no published translation is held for this verse.
तुष्टाव जगतां नाथं भक्तेशं चन्द्रशेखलः । बलिना च स्ततं येन वेदोक्तेन च तेन च
tuṣṭāva jagatāṃ nāthaṃ bhakteśaṃ candraśekhalaḥ | balinā ca stataṃ yena vedoktena ca tena ca
Sanskrit only: no published translation is held for this verse.
हरिर्मृत्युंजयं ज्ञानं ददौ बाणाय धीमते । करपद्मं ददौ गात्रे तं चकाराजरामरम्
harirmṛtyuṃjayaṃ jñānaṃ dadau bāṇāya dhīmate | karapadmaṃ dadau gātre taṃ cakārājarāmaram
Sanskrit only: no published translation is held for this verse.
बाणः स्तोत्रेण तुष्टाव भक्त्या बलिकृतेन च । वरां कन्यां समानीय रत्नभूषणभूषिताम्
bāṇaḥ stotreṇa tuṣṭāva bhaktyā balikṛtena ca | varāṃ kanyāṃ samānīya ratnabhūṣaṇabhūṣitām
Sanskrit only: no published translation is held for this verse.
ब्रददौ हरये भक्त्या तत्रैव देवसंसदि । गजेन्द्राणां पञ्चलक्ष्मश्वानां तच्चतुर्गुणम्
bradadau haraye bhaktyā tatraiva devasaṃsadi | gajendrāṇāṃ pañcalakṣmaśvānāṃ taccaturguṇam
Sanskrit only: no published translation is held for this verse.
दासीनां च सहस्रं च रत्नभूषणभूषितम् । सहस्रं कामधेनूनां वत्सयुक्तं च सर्वदम्
dāsīnāṃ ca sahasraṃ ca ratnabhūṣaṇabhūṣitam | sahasraṃ kāmadhenūnāṃ vatsayuktaṃ ca sarvadam
Sanskrit only: no published translation is held for this verse.
माणिक्यानां च मुक्तानां रत्नानां शतलक्षकम् । मणीन्द्राणां हीरकाणां शतलक्षं मनोहरम्
māṇikyānāṃ ca muktānāṃ ratnānāṃ śatalakṣakam | maṇīndrāṇāṃ hīrakāṇāṃ śatalakṣaṃ manoharam
Sanskrit only: no published translation is held for this verse.
जलभाजनपात्राणि सुवर्णनिर्मितानि च । महस्राणि ददौ तस्मै भक्तिनम्रात्मकंधरः
jalabhājanapātrāṇi suvarṇanirmitāni ca | mahasrāṇi dadau tasmai bhaktinamrātmakaṃdharaḥ
Sanskrit only: no published translation is held for this verse.
वराणि सूक्ष्मवस्त्राणि वह्निशुद्धांशुकानि च । ददौ बाणश्च मर्वाणि स्वभक्त्या शंकराज्ञया
varāṇi sūkṣmavastrāṇi vahniśuddhāṃśukāni ca | dadau bāṇaśca marvāṇi svabhaktyā śaṃkarājñayā
Sanskrit only: no published translation is held for this verse.
ताम्बूलानां मधनां च पूर्णपात्राणि नारद । सहस्राणि ददौ भक्त्या वराणि विविधानि च
tāmbūlānāṃ madhanāṃ ca pūrṇapātrāṇi nārada | sahasrāṇi dadau bhaktyā varāṇi vividhāni ca
Sanskrit only: no published translation is held for this verse.
कन्यां समर्पयामास पादपद्मे हरेरपि । रुरोदोच्चैः स्वभक्त्या च परिहारं चकार सः
kanyāṃ samarpayāmāsa pādapadme harerapi | rurodoccaiḥ svabhaktyā ca parihāraṃ cakāra saḥ
Sanskrit only: no published translation is held for this verse.
कृष्णस्तस्मै वरं दत्त्वा वेदोक्तं च शुभाशिष्म् । शंकरानुमतेनैव प्रययौ द्वारकां पुरीम्
kṛṣṇastasmai varaṃ dattvā vedoktaṃ ca śubhāśiṣm | śaṃkarānumatenaiva prayayau dvārakāṃ purīm
Sanskrit only: no published translation is held for this verse.
गत्वा कन्यां नवोढां तां बाणस्यापि महात्मनः । रुक्मिण्यै प्रददौ शीघ्रं देवक्यै च हरिः स्वयम्
gatvā kanyāṃ navoḍhāṃ tāṃ bāṇasyāpi mahātmanaḥ | rukmiṇyai pradadau śīghraṃ devakyai ca hariḥ svayam
Sanskrit only: no published translation is held for this verse.
महोत्सवं मङ्गलं च कारयामास यत्नतः । ब्राह्मणान्भोजयामास ब्राह्मणेभ्यो धनं ददौ
mahotsavaṃ maṅgalaṃ ca kārayāmāsa yatnataḥ | brāhmaṇānbhojayāmāsa brāhmaṇebhyo dhanaṃ dadau
Sanskrit only: no published translation is held for this verse.
इति श्रीब्रह्मo महाo श्रीकृष्णजन्मखo उत्तo नारदनाo बाणयुद्धं नाम विंशत्यधिकशततमोऽध्यायः
iti śrībrahmao mahāo śrīkṛṣṇajanmakhao uttao nāradanāo bāṇayuddhaṃ nāma viṃśatyadhikaśatatamo'dhyāyaḥ
Sanskrit only: no published translation is held for this verse.