Brahmavaivarta Purāṇa 4.122

नारद उवाच सर्वासां रमणीनां च कृष्णेन परमात्मना । समुद्वाहश्च कथितस्त्वया भगवता मुदा

nārada uvāca sarvāsāṃ ramaṇīnāṃ ca kṛṣṇena paramātmanā | samudvāhaśca kathitastvayā bhagavatā mudā

Sanskrit only: no published translation is held for this verse.

स्यमन्तकस्य च मणेरुपाख्यानमभीप्सितम् । तन्न श्रुतं महाभाग तन्मां व्याख्यातुमर्हसि

syamantakasya ca maṇerupākhyānamabhīpsitam | tanna śrutaṃ mahābhāga tanmāṃ vyākhyātumarhasi

Sanskrit only: no published translation is held for this verse.

नारायण उवाच भाद्रशुक्लचतुर्थ्यां च तारकां हृत्वाञ्छशी । तां तत्याज स कृष्णायां गुरुस्तां च गृहीतवान्

nārāyaṇa uvāca bhādraśuklacaturthyāṃ ca tārakāṃ hṛtvāñchaśī | tāṃ tatyāja sa kṛṣṇāyāṃ gurustāṃ ca gṛhītavān

Sanskrit only: no published translation is held for this verse.

गुरुणा भर्त्सिता तारा मगर्भा लज्जिता सती । शशाप लज्जया कोपाच्चन्द्रं कामातुरं पुरा

guruṇā bhartsitā tārā magarbhā lajjitā satī | śaśāpa lajjayā kopāccandraṃ kāmāturaṃ purā

Sanskrit only: no published translation is held for this verse.

तारोवाच भव शापकलंकी त्वं यस्त्वां पश्यति देहभृत् । पापं दृष्ट्वा स पापी च कलंकी च भविष्यति

tārovāca bhava śāpakalaṃkī tvaṃ yastvāṃ paśyati dehabhṛt | pāpaṃ dṛṣṭvā sa pāpī ca kalaṃkī ca bhaviṣyati

Sanskrit only: no published translation is held for this verse.

इति श्रुत्वा स चन्द्रश्च नारायणसरोवरे । नारायणतपस्तप्त्वा मुमोच कृतपातकात्

iti śrutvā sa candraśca nārāyaṇasarovare | nārāyaṇatapastaptvā mumoca kṛtapātakāt

Sanskrit only: no published translation is held for this verse.

तपःक्लिष्टं च तं दृष्ट्वा भगवान्पुरुषोत्तमः । तमुवाच महाभीतं कृपया च कृपानिधिः

tapaḥkliṣṭaṃ ca taṃ dṛṣṭvā bhagavānpuruṣottamaḥ | tamuvāca mahābhītaṃ kṛpayā ca kṛpānidhiḥ

Sanskrit only: no published translation is held for this verse.

श्रीभगवानुवाच मुक्तो भव कलंकी त्वं सर्वकालं कलानिधे । शापस्थानं तारकाया भाद्रे मासि सितासिते

śrībhagavānuvāca mukto bhava kalaṃkī tvaṃ sarvakālaṃ kalānidhe | śāpasthānaṃ tārakāyā bhādre māsi sitāsite

Sanskrit only: no published translation is held for this verse.

चतुर्थ्यामुदितं चन्द्रं यस्तु पश्यति कामतः । तं याति तत्कलङ्कश्च स कलंकी भविष्यति

caturthyāmuditaṃ candraṃ yastu paśyati kāmataḥ | taṃ yāti tatkalaṅkaśca sa kalaṃkī bhaviṣyati

Sanskrit only: no published translation is held for this verse.

हरिणा दीयते ताले भाद्रे मासि सितासिते । चतुर्थ्यामुदितश्चन्द्रो नेक्षितव्यः कदाचन

hariṇā dīyate tāle bhādre māsi sitāsite | caturthyāmuditaścandro nekṣitavyaḥ kadācana

Sanskrit only: no published translation is held for this verse.

स्वयं दृष्ट्वा स्ववाक्यं च पालनं कर्तुमर्हति । भाद्रे चन्द्रं चतुर्थ्यां तु स कलंकी बभूव ह

svayaṃ dṛṣṭvā svavākyaṃ ca pālanaṃ kartumarhati | bhādre candraṃ caturthyāṃ tu sa kalaṃkī babhūva ha

Sanskrit only: no published translation is held for this verse.

कलंकी येन रूपेण तद्वक्ष्यामि निशामय । स मुमोच कलंकाच्च लोकशिक्षार्थमीश्वरः

kalaṃkī yena rūpeṇa tadvakṣyāmi niśāmaya | sa mumoca kalaṃkācca lokaśikṣārthamīśvaraḥ

Sanskrit only: no published translation is held for this verse.

सत्राजितः सूर्यभक्तस्तपस्तब्त्वा च पुष्करे । स्यमन्तकं मणिश्रेष्ठं संप्राप भास्करादपि

satrājitaḥ sūryabhaktastapastabtvā ca puṣkare | syamantakaṃ maṇiśreṣṭhaṃ saṃprāpa bhāskarādapi

Sanskrit only: no published translation is held for this verse.

अष्टौ भारान्सुवर्णानां प्रसूते नित्यमेव च । विष्गोर्मणावधिष्ठानं महापूते च पुण्यदे

aṣṭau bhārānsuvarṇānāṃ prasūte nityameva ca | viṣgormaṇāvadhiṣṭhānaṃ mahāpūte ca puṇyade

Sanskrit only: no published translation is held for this verse.

सत्राजितः सत्यभामां दत्त्वा कृष्णाय भक्तितः । यौतुकार्थे मणिं दातुमुद्यतो महते महान्

satrājitaḥ satyabhāmāṃ dattvā kṛṣṇāya bhaktitaḥ | yautukārthe maṇiṃ dātumudyato mahate mahān

Sanskrit only: no published translation is held for this verse.

तं निषिध्य प्रसेनश्च दुर्मतिः कालपीडितः । मणिं गृहीत्वा प्रययौ पुण्यां वाराणसीं पुरीम्

taṃ niṣidhya prasenaśca durmatiḥ kālapīḍitaḥ | maṇiṃ gṛhītvā prayayau puṇyāṃ vārāṇasīṃ purīm

Sanskrit only: no published translation is held for this verse.

निहत्य तं पथि बलात्सिंहः सबल एव च । मणिं जग्राह रुचिरं सूत्रबद्धं गले दधौ

nihatya taṃ pathi balātsiṃhaḥ sabala eva ca | maṇiṃ jagrāha ruciraṃ sūtrabaddhaṃ gale dadhau

Sanskrit only: no published translation is held for this verse.

कलिङ्गराजपुत्रश्च ब्रह्मशापात्सुदारुणात् । विप्रेणाम्युदितस्तेन पशुयोनिं जगाम् सः

kaliṅgarājaputraśca brahmaśāpātsudāruṇāt | vipreṇāmyuditastena paśuyoniṃ jagām saḥ

Sanskrit only: no published translation is held for this verse.

निहत्य सिंहं गहने भल्लूको जाम्बवान्बली । मणिं गृहीत्वा प्रययौ स्वपुरं रत्ननिर्मितम्

nihatya siṃhaṃ gahane bhallūko jāmbavānbalī | maṇiṃ gṛhītvā prayayau svapuraṃ ratnanirmitam

Sanskrit only: no published translation is held for this verse.

ऊचुः सर्वे द्वारकायां मणिं जगाह माधवः । तस्य बुद्धिं न जानीमः केनोपायेन वेति च

ūcuḥ sarve dvārakāyāṃ maṇiṃ jagāha mādhavaḥ | tasya buddhiṃ na jānīmaḥ kenopāyena veti ca

Sanskrit only: no published translation is held for this verse.

इति श्रुत्वा तु भगवान्कलंककृन्तनाय च । प्रययौ काननं घोरं चौरचिह्नेन वर्त्मना

iti śrutvā tu bhagavānkalaṃkakṛntanāya ca | prayayau kānanaṃ ghoraṃ cauracihnena vartmanā

Sanskrit only: no published translation is held for this verse.

मृतं प्रसेनं दृष्ट्वा च दुःखी सिहं ददर्श सः । मणिशून्यं च तं दृष्ट्वा विषसाद च माधवः

mṛtaṃ prasenaṃ dṛṣṭvā ca duḥkhī sihaṃ dadarśa saḥ | maṇiśūnyaṃ ca taṃ dṛṣṭvā viṣasāda ca mādhavaḥ

Sanskrit only: no published translation is held for this verse.

सर्वंज्ञात्वा च सर्वज्ञो भल्लूकभवनं ययौ । रुदन्तं बालकं तत्र धात्रीक्रोडे ददर्श सः

sarvaṃjñātvā ca sarvajño bhallūkabhavanaṃ yayau | rudantaṃ bālakaṃ tatra dhātrīkroḍe dadarśa saḥ

Sanskrit only: no published translation is held for this verse.

बालकं बोधयामास सा धात्री करुणान्विता । मणिं गृहाण बालेति तव ह्येष स्यमन्तकः

bālakaṃ bodhayāmāsa sā dhātrī karuṇānvitā | maṇiṃ gṛhāṇa bāleti tava hyeṣa syamantakaḥ

Sanskrit only: no published translation is held for this verse.

सिंहः प्रसेनमवधीत्सिंहो जाम्बवता हतः । सुकुमारक मा रोदीस्तव ह्येष स्यमन्तकः

siṃhaḥ prasenamavadhītsiṃho jāmbavatā hataḥ | sukumāraka mā rodīstava hyeṣa syamantakaḥ

Sanskrit only: no published translation is held for this verse.

इति धात्र्युक्तसुश्लोकं यश्च स्मृत्वा जलं पिबेत् । दैवदृष्टनष्टचन्द्रद्रोषादेव प्रमृच्यते

iti dhātryuktasuślokaṃ yaśca smṛtvā jalaṃ pibet | daivadṛṣṭanaṣṭacandradroṣādeva pramṛcyate

Sanskrit only: no published translation is held for this verse.

कामतो यदि पश्यन्ति दाम्भिका वेदनिन्दकाः । कलङ्किनो भवन्त्येवमित्याह कमलोद्भवः

kāmato yadi paśyanti dāmbhikā vedanindakāḥ | kalaṅkino bhavantyevamityāha kamalodbhavaḥ

Sanskrit only: no published translation is held for this verse.

कृष्णो धात्रीवचः श्रुत्वा मणिं जग्राह बालकात् । धात्री गत्वा च भल्लूकं कथयामास कोपतः

kṛṣṇo dhātrīvacaḥ śrutvā maṇiṃ jagrāha bālakāt | dhātrī gatvā ca bhallūkaṃ kathayāmāsa kopataḥ

Sanskrit only: no published translation is held for this verse.

जाम्बवांश्च समागत्य तुष्टाव प्रणिपत्य सः । कन्यां जाम्बवतीं तस्मै यौतुकार्थं मणिं ददौ

jāmbavāṃśca samāgatya tuṣṭāva praṇipatya saḥ | kanyāṃ jāmbavatīṃ tasmai yautukārthaṃ maṇiṃ dadau

Sanskrit only: no published translation is held for this verse.

द्वारकां मणिमानीय दर्शयामास यादवान् । प्रभुश्च सर्वतः शुद्धो निष्कलङ्को बभूव सः

dvārakāṃ maṇimānīya darśayāmāsa yādavān | prabhuśca sarvataḥ śuddho niṣkalaṅko babhūva saḥ

Sanskrit only: no published translation is held for this verse.

एतत्ते कथितं वत्स मणेराख्यानमुत्तमम् । अध्यायश्रवणादेव निष्कलंको भवेन्नरः

etatte kathitaṃ vatsa maṇerākhyānamuttamam | adhyāyaśravaṇādeva niṣkalaṃko bhavennaraḥ

Sanskrit only: no published translation is held for this verse.

यच्छ्रु तं धर्मवक्त्रेण तदुक्तं च यथागमम् । सुदुर्लभमुपाख्यानं किं भूयः श्रोतुमिच्छसि

yacchru taṃ dharmavaktreṇa taduktaṃ ca yathāgamam | sudurlabhamupākhyānaṃ kiṃ bhūyaḥ śrotumicchasi

Sanskrit only: no published translation is held for this verse.

इति श्रीब्रह्मo महाo श्रीकृष्णजन्मखo उत्तo नारदानाo स्यमन्तकमणिः हरणं नाम द्वाविंशत्यधिकशततमोऽध्यायः

iti śrībrahmao mahāo śrīkṛṣṇajanmakhao uttao nāradānāo syamantakamaṇiḥ haraṇaṃ nāma dvāviṃśatyadhikaśatatamo'dhyāyaḥ

Sanskrit only: no published translation is held for this verse.