Library·Brahmavaivarta Purāṇa·4·4.123
नारद उवाच गणेशपूजनाख्यानं पुराणेषु च दुर्लभम् । श्रुतं तद्ब्रह्मणो वक्त्रात्सामान्यं च समासतः
nārada uvāca gaṇeśapūjanākhyānaṃ purāṇeṣu ca durlabham | śrutaṃ tadbrahmaṇo vaktrātsāmānyaṃ ca samāsataḥ
Sanskrit only: no published translation is held for this verse.
महिमानं गणपतेः सर्वबूज्येश्वरस्य च । व्यासेन श्रोतुमिच्छामि योगीन्द्राणां गुरोर्गुरोः
mahimānaṃ gaṇapateḥ sarvabūjyeśvarasya ca | vyāsena śrotumicchāmi yogīndrāṇāṃ gurorguroḥ
Sanskrit only: no published translation is held for this verse.
सिद्धाश्रमे महापूज त्रैलोक्यस्थैः कृता पुरा । राधामाधवयोस्तत्र पुनः संमीलरं पुरा
siddhāśrame mahāpūja trailokyasthaiḥ kṛtā purā | rādhāmādhavayostatra punaḥ saṃmīlaraṃ purā
Sanskrit only: no published translation is held for this verse.
अतीते वर्षशतके श्रीदाम्नः शापमोक्षणे । आदौ चकार पूजां च सा च राधा कथं मुने
atīte varṣaśatake śrīdāmnaḥ śāpamokṣaṇe | ādau cakāra pūjāṃ ca sā ca rādhā kathaṃ mune
Sanskrit only: no published translation is held for this verse.
स्थितेषु च सुरेन्द्रेषु ब्रह्मविष्णुशिवादिषु । नागेन्द्रे च स्थिते शेषे नागेषु च महत्सु च
sthiteṣu ca surendreṣu brahmaviṣṇuśivādiṣu | nāgendre ca sthite śeṣe nāgeṣu ca mahatsu ca
Sanskrit only: no published translation is held for this verse.
राजेन्द्रेषु च भूमौ च बलिष्ठेष्वसुरेषु च । गन्धर्वेषु च रक्षःसु चान्येषु बलवत्सु च
rājendreṣu ca bhūmau ca baliṣṭheṣvasureṣu ca | gandharveṣu ca rakṣaḥsu cānyeṣu balavatsu ca
Sanskrit only: no published translation is held for this verse.
विस्तरेण महाभाग तन्मे व्याख्यातुमर्हसि
vistareṇa mahābhāga tanme vyākhyātumarhasi
Sanskrit only: no published translation is held for this verse.
नारायण उवाच त्रेलोक्ये पृथिवी धन्या मान्या पुण्यवती सती । तत्र भारतवर्षं च कर्मणां फलदं शुभम्
nārāyaṇa uvāca trelokye pṛthivī dhanyā mānyā puṇyavatī satī | tatra bhāratavarṣaṃ ca karmaṇāṃ phaladaṃ śubham
Sanskrit only: no published translation is held for this verse.
धन्यं यशस्यं पूज्यं च पुण्यक्षेत्रे च भारते । सिद्धाश्रमं महापुण्यक्षेत्रं मोक्षप्रदं शुभम्
dhanyaṃ yaśasyaṃ pūjyaṃ ca puṇyakṣetre ca bhārate | siddhāśramaṃ mahāpuṇyakṣetraṃ mokṣapradaṃ śubham
Sanskrit only: no published translation is held for this verse.
सनत्कुमारो भगवांस्तत्र सिद्धो बभूव ह । स्वयं विधाता तत्रैव तप्त्वा सिद्धो बभूव ह
sanatkumāro bhagavāṃstatra siddho babhūva ha | svayaṃ vidhātā tatraiva taptvā siddho babhūva ha
Sanskrit only: no published translation is held for this verse.
योगीन्द्राश्च मुनीन्द्राश्च सिद्धेन्द्राः कपिलादयः । शतक्रन्तून्महेन्द्रश्च तत्र कृत्वा बभूव ह
yogīndrāśca munīndrāśca siddhendrāḥ kapilādayaḥ | śatakrantūnmahendraśca tatra kṛtvā babhūva ha
Sanskrit only: no published translation is held for this verse.
तेन सिद्धाश्रमं नाम सर्वेषामपि दुर्लभम् । अधिष्ठानं गणेशस्य तत्रेव सततं मुने
tena siddhāśramaṃ nāma sarveṣāmapi durlabham | adhiṣṭhānaṃ gaṇeśasya tatreva satataṃ mune
Sanskrit only: no published translation is held for this verse.
अमूल्यरत्ननिर्माणगणेशप्रतिमां शुभाम् । वैशाख्यां पूर्णिमायां च पूजां कुर्वन्ति देवताः
amūlyaratnanirmāṇagaṇeśapratimāṃ śubhām | vaiśākhyāṃ pūrṇimāyāṃ ca pūjāṃ kurvanti devatāḥ
Sanskrit only: no published translation is held for this verse.
नागाश्च मानवाश्चैव दैत्या गन्धर्वराक्षसाः । सिद्धेन्द्राश्च मुनीन्द्राश्च योगीन्द्राः सनकादयाः
nāgāśca mānavāścaiva daityā gandharvarākṣasāḥ | siddhendrāśca munīndrāśca yogīndrāḥ sanakādayāḥ
Sanskrit only: no published translation is held for this verse.
तत्राऽऽजगाम शंभुश्च पार्वत्वा सह शंकरः । सगणः कार्तिकेयश्च स्वयं ब्रह्मा प्रजापतिः
tatrā''jagāma śaṃbhuśca pārvatvā saha śaṃkaraḥ | sagaṇaḥ kārtikeyaśca svayaṃ brahmā prajāpatiḥ
Sanskrit only: no published translation is held for this verse.
तत्राऽऽजगाम शेषश्च नागेन्द्रैः सह सत्वरम् । तज्ञाऽऽजग्मुः सुराः सर्वे मनवो मृनयस्तथा
tatrā''jagāma śeṣaśca nāgendraiḥ saha satvaram | tajñā''jagmuḥ surāḥ sarve manavo mṛnayastathā
Sanskrit only: no published translation is held for this verse.
आजग्मुस्ते नृपाः सर्वे पूजार्थं हृष्टमानसाः । आययौ भगवान्कृष्णो द्वारकावासिभिः सह
ājagmuste nṛpāḥ sarve pūjārthaṃ hṛṣṭamānasāḥ | āyayau bhagavānkṛṣṇo dvārakāvāsibhiḥ saha
Sanskrit only: no published translation is held for this verse.
आजगाम तथा नन्दः सार्धं गोकुलवासिभिः । गोपीत्रिशतकोटीभिर्गोलोकवासिभिः सह
ājagāma tathā nandaḥ sārdhaṃ gokulavāsibhiḥ | gopītriśatakoṭībhirgolokavāsibhiḥ saha
Sanskrit only: no published translation is held for this verse.
गचेन्द्रकोटितुल्याभिर्बलिष्ठाभिः सहाऽऽलिभिः । आययौ सुन्दरी राधा कृष्णप्राणाधिदेवता
gacendrakoṭitulyābhirbaliṣṭhābhiḥ sahā''libhiḥ | āyayau sundarī rādhā kṛṣṇaprāṇādhidevatā
Sanskrit only: no published translation is held for this verse.
रासेश्वरी सुरसिका शतवर्षे गते सति । सुस्नाता मुदती शुद्धा धृत्वा धौते च वाससी
rāseśvarī surasikā śatavarṣe gate sati | susnātā mudatī śuddhā dhṛtvā dhaute ca vāsasī
Sanskrit only: no published translation is held for this verse.
संयता सा निराहारा गत्वा च मणिमण्डपम् । सुप्रक्षालितपादाब्जा कान्ता भुवनपावनी
saṃyatā sā nirāhārā gatvā ca maṇimaṇḍapam | suprakṣālitapādābjā kāntā bhuvanapāvanī
Sanskrit only: no published translation is held for this verse.
श्रीकृष्णप्रीतिकामाऽथ सुसंकल्पं विधाय च । गङ्गोदकेन हेरम्बं स्नापयामास भक्तितः
śrīkṛṣṇaprītikāmā'tha susaṃkalpaṃ vidhāya ca | gaṅgodakena herambaṃ snāpayāmāsa bhaktitaḥ
Sanskrit only: no published translation is held for this verse.
ध्यार्न च सामवेदोक्तं चकार शुक्लपुष्पतः । माता चतुर्णां वेदानां वसोश्च जगतामपि
dhyārna ca sāmavedoktaṃ cakāra śuklapuṣpataḥ | mātā caturṇāṃ vedānāṃ vasośca jagatāmapi
Sanskrit only: no published translation is held for this verse.
बुद्धिरूपा भगवती ज्ञानिनां जननी परा । ध्यानात्मकं स्वपुस्रं तं परं ध्यानं चकार सा
buddhirūpā bhagavatī jñānināṃ jananī parā | dhyānātmakaṃ svapusraṃ taṃ paraṃ dhyānaṃ cakāra sā
Sanskrit only: no published translation is held for this verse.
शर्वं लम्बोदरं स्थूलं ज्वलन्तं ब्रह्मतेजसा । गजवक्त्रं वह्निवर्णमेकदन्तमनन्तकम्
śarvaṃ lambodaraṃ sthūlaṃ jvalantaṃ brahmatejasā | gajavaktraṃ vahnivarṇamekadantamanantakam
Sanskrit only: no published translation is held for this verse.
सिद्धानां योगिनामेव ज्ञानिनां च गुरोर्गुरुम् । ध्यातं मुनीन्द्रैर्देवेन्द्रैर्ब्रह्मेशशेषसंज्ञकैः
siddhānāṃ yogināmeva jñānināṃ ca gurorgurum | dhyātaṃ munīndrairdevendrairbrahmeśaśeṣasaṃjñakaiḥ
Sanskrit only: no published translation is held for this verse.
सिद्धेन्द्रैर्मुनिभिः सद्भिर्भगवन्तं सनातनम् । ब्रह्मस्वरूपं परमं मङ्गलं मङ्गलालयम्
siddhendrairmunibhiḥ sadbhirbhagavantaṃ sanātanam | brahmasvarūpaṃ paramaṃ maṅgalaṃ maṅgalālayam
Sanskrit only: no published translation is held for this verse.
सर्वविघ्नहरं शान्तं दातारं सर्वसंपदाम् । भवाब्धिमायापोतेन कर्णधारं च कर्मिणाम्
sarvavighnaharaṃ śāntaṃ dātāraṃ sarvasaṃpadām | bhavābdhimāyāpotena karṇadhāraṃ ca karmiṇām
Sanskrit only: no published translation is held for this verse.
शरणागतदीनार्तपरित्राणपरायणम् । ध्यायेद्ध्यानात्मकं साध्यं भक्तेशं भक्तवत्सलम्
śaraṇāgatadīnārtaparitrāṇaparāyaṇam | dhyāyeddhyānātmakaṃ sādhyaṃ bhakteśaṃ bhaktavatsalam
Sanskrit only: no published translation is held for this verse.
इति ध्यात्वा स्वशिरसि दत्त्वा पुष्पं पुनः सती । सर्वाङ्गशोधनं न्यासं वेदोक्तं च चकार सा
iti dhyātvā svaśirasi dattvā puṣpaṃ punaḥ satī | sarvāṅgaśodhanaṃ nyāsaṃ vedoktaṃ ca cakāra sā
Sanskrit only: no published translation is held for this verse.
पुनश्च ध्यात्वा ध्यानेन तेनैव शुभदायिना । ददौ पुष्पं पादपद्मे राधा लम्बोदरस्य च
punaśca dhyātvā dhyānena tenaiva śubhadāyinā | dadau puṣpaṃ pādapadme rādhā lambodarasya ca
Sanskrit only: no published translation is held for this verse.
सप्ततीर्थोदकेनैव शीतेन वासितेन च । ददौ पाद्यं पादपद्मे तैः पद्मादिभिरर्चिते
saptatīrthodakenaiva śītena vāsitena ca | dadau pādyaṃ pādapadme taiḥ padmādibhirarcite
Sanskrit only: no published translation is held for this verse.
दूर्वाक्षतैः शुक्लपुष्पैः सुगन्धिचन्दनोदकैः । अर्घ्यं ददौ तच्छिरसि स्वयं गोलोकवासिनी
dūrvākṣataiḥ śuklapuṣpaiḥ sugandhicandanodakaiḥ | arghyaṃ dadau tacchirasi svayaṃ golokavāsinī
Sanskrit only: no published translation is held for this verse.
सचन्दनं स्ग्धिमाल्यं पारिजातस्य सुन्दरम् । ददौ गले गणेशस्य स्वयं रासंश्वरी मुदा
sacandanaṃ sgdhimālyaṃ pārijātasya sundaram | dadau gale gaṇeśasya svayaṃ rāsaṃśvarī mudā
Sanskrit only: no published translation is held for this verse.
कस्तूरीकुङ्कुमाक्तं च सुगन्धि स्निग्धचन्दनम् । सर्वाङ्गे प्रददौ तस्य वृन्दावनविनोदिनी
kastūrīkuṅkumāktaṃ ca sugandhi snigdhacandanam | sarvāṅge pradadau tasya vṛndāvanavinodinī
Sanskrit only: no published translation is held for this verse.
सुगन्धि शुक्लं पुष्पं च सुगन्ध चन्दनार्चितम् । ददौ तस्य पदाम्भोजे महापद्मलया सती
sugandhi śuklaṃ puṣpaṃ ca sugandha candanārcitam | dadau tasya padāmbhoje mahāpadmalayā satī
Sanskrit only: no published translation is held for this verse.
सुगन्धियुक्तं धूपं च पूतैर्वस्तुभिरन्वितम् । ददौ कृष्णप्रिया तस्मै जगतामीश्वराय च
sugandhiyuktaṃ dhūpaṃ ca pūtairvastubhiranvitam | dadau kṛṣṇapriyā tasmai jagatāmīśvarāya ca
Sanskrit only: no published translation is held for this verse.
दीपं घृतप्रदीप्तं च ध्वान्तविध्वंसकारणम् । ददौ तस्मै सुरेशाय परमाद्या सनातनी
dīpaṃ ghṛtapradīptaṃ ca dhvāntavidhvaṃsakāraṇam | dadau tasmai sureśāya paramādyā sanātanī
Sanskrit only: no published translation is held for this verse.
नैवेद्य विविधं रम्यं सुस्वादु सुमनोहरम् । चोष्यं चर्व्यं लेह्यपेये सुधातुल्यं चतुर्विधम्
naivedya vividhaṃ ramyaṃ susvādu sumanoharam | coṣyaṃ carvyaṃ lehyapeye sudhātulyaṃ caturvidham
Sanskrit only: no published translation is held for this verse.
फलानि च सुपक्वानि त्रैलोक्ये दुर्लभानि च । मधुराणि च मूलानि ग्राम्यारण्यानि नारद
phalāni ca supakvāni trailokye durlabhāni ca | madhurāṇi ca mūlāni grāmyāraṇyāni nārada
Sanskrit only: no published translation is held for this verse.
तानि त्वन्यान्यसंख्यानि तिलानां लड्डुकानि च । लड्डुकानि सुपक्वानि स्वादूनि सुरसानि च
tāni tvanyānyasaṃkhyāni tilānāṃ laḍḍukāni ca | laḍḍukāni supakvāni svādūni surasāni ca
Sanskrit only: no published translation is held for this verse.
यवगोधूमचूर्णानां पक्वानि पिष्टकानि च । घृताक्तानि च रम्याणि शर्करासहितानि च
yavagodhūmacūrṇānāṃ pakvāni piṣṭakāni ca | ghṛtāktāni ca ramyāṇi śarkarāsahitāni ca
Sanskrit only: no published translation is held for this verse.
स्वास्तिकानां लड्डुकानि स्थूलानि सुन्दराणि च । भृष्टद्रव्यं च विविधमक्षतं शर्करान्वितम्
svāstikānāṃ laḍḍukāni sthūlāni sundarāṇi ca | bhṛṣṭadravyaṃ ca vividhamakṣataṃ śarkarānvitam
Sanskrit only: no published translation is held for this verse.
घृतकुल्यां दुग्धकुलयां मधुकुल्यं मनोहराम् । गुडस्य दध्नः कुल्यां च पायसानां तथैव च
ghṛtakulyāṃ dugdhakulayāṃ madhukulyaṃ manoharām | guḍasya dadhnaḥ kulyāṃ ca pāyasānāṃ tathaiva ca
Sanskrit only: no published translation is held for this verse.
पिष्टकानां स्वस्तिकानां रम्भाणां राशिरेव च । मिष्टव्यञ्जनयुक्तानि शाल्यन्नानि शुभानि च
piṣṭakānāṃ svastikānāṃ rambhāṇāṃ rāśireva ca | miṣṭavyañjanayuktāni śālyannāni śubhāni ca
Sanskrit only: no published translation is held for this verse.
ददौ तस्मै सुरेशाय कृष्णप्राणाधिदेवता । अमूल्यरत्ननिर्माणं रम्यं सिंहासनं वरम्
dadau tasmai sureśāya kṛṣṇaprāṇādhidevatā | amūlyaratnanirmāṇaṃ ramyaṃ siṃhāsanaṃ varam
Sanskrit only: no published translation is held for this verse.
ददौ विघ्नपिनाशाय विराजतटवासिनी । सूक्ष्मवस्त्रयुगं रम्यममूल्यं वह्निशुद्धकम्
dadau vighnapināśāya virājataṭavāsinī | sūkṣmavastrayugaṃ ramyamamūlyaṃ vahniśuddhakam
Sanskrit only: no published translation is held for this verse.
ददौ शैलात्मजायैव शतशृङ्गनिवासिनी । विशुद्धसर्पिषा युक्तं निर्मलं मधुरं मधु
dadau śailātmajāyaiva śataśṛṅganivāsinī | viśuddhasarpiṣā yuktaṃ nirmalaṃ madhuraṃ madhu
Sanskrit only: no published translation is held for this verse.
मधुपर्कं ददौ तस्मै वृन्दावननिवासिनी । ताम्बूलं च वरं रम्यं कर्पूरादिसुवासितम्
madhuparkaṃ dadau tasmai vṛndāvananivāsinī | tāmbūlaṃ ca varaṃ ramyaṃ karpūrādisuvāsitam
Sanskrit only: no published translation is held for this verse.
सर्वसंपत्प्रदात्रे च वृषभानसुता ददौ । सप्ततीर्थोदकं शुद्धं सुसितं सुवासितम्
sarvasaṃpatpradātre ca vṛṣabhānasutā dadau | saptatīrthodakaṃ śuddhaṃ susitaṃ suvāsitam
Sanskrit only: no published translation is held for this verse.
पानार्थ च जलं तस्मै ददौ गौपोश्वरी मुदा । अमूल्यं दुर्लभं चैव विशुद्धं श्वेतचामरम्
pānārtha ca jalaṃ tasmai dadau gaupośvarī mudā | amūlyaṃ durlabhaṃ caiva viśuddhaṃ śvetacāmaram
Sanskrit only: no published translation is held for this verse.
ददौ तस्मै परेशाय मूलप्रकृतिरीश्वरी । अमूल्यरत्ननिर्माणं मुक्तामाणिक्यहीरकैः
dadau tasmai pareśāya mūlaprakṛtirīśvarī | amūlyaratnanirmāṇaṃ muktāmāṇikyahīrakaiḥ
Sanskrit only: no published translation is held for this verse.
परिष्कृतं सुतल्पं च पुष्पचन्दनचर्चितम् । सितसूक्ष्माशुकेनैव परितश्च परिष्कृतम्
pariṣkṛtaṃ sutalpaṃ ca puṣpacandanacarcitam | sitasūkṣmāśukenaiva paritaśca pariṣkṛtam
Sanskrit only: no published translation is held for this verse.
ददौ शिवात्मजायैव कृष्णवक्षःस्थलस्थिता । दत्त्वा च कामधेनुं च सवत्सां वाञ्छितप्रदाम्
dadau śivātmajāyaiva kṛṣṇavakṣaḥsthalasthitā | dattvā ca kāmadhenuṃ ca savatsāṃ vāñchitapradām
Sanskrit only: no published translation is held for this verse.
कृत्वाऽतीव परीहारं वृन्दा पुष्पाञ्जलिं ददौ । दिव्येन मूल्मनुना सबीजेनोज्ज्वलेन च
kṛtvā'tīva parīhāraṃ vṛndā puṣpāñjaliṃ dadau | divyena mūlmanunā sabījenojjvalena ca
Sanskrit only: no published translation is held for this verse.
ददौ षोडशोपचारं कालिन्दीकुलवासिनी । ॐ गं गौं गणपतये विघ्नविनाशिने स्वाहा
dadau ṣoḍaśopacāraṃ kālindīkulavāsinī | oṃ gaṃ gauṃ gaṇapataye vighnavināśine svāhā
Sanskrit only: no published translation is held for this verse.
इत्येवमेव मन्त्रं च गाणेशं षोडशाक्षरम् । सा जजाप सहस्रं च परं सल्पतरुं वरम्
ityevameva mantraṃ ca gāṇeśaṃ ṣoḍaśākṣaram | sā jajāpa sahasraṃ ca paraṃ salpataruṃ varam
Sanskrit only: no published translation is held for this verse.
तुष्टाव परया भक्त्या भक्तिनम्रात्मकंधरा । साश्रुनेत्रा पुलकिता स्तोत्रेण कौथुमेन च
tuṣṭāva parayā bhaktyā bhaktinamrātmakaṃdharā | sāśrunetrā pulakitā stotreṇa kauthumena ca
Sanskrit only: no published translation is held for this verse.
राधिकोवाच परं धाम परं ब्रह्म परेशं परमेश्वरम् । विघ्ननिघ्नकरं शान्तं पुष्टं कान्तमनन्तकम्
rādhikovāca paraṃ dhāma paraṃ brahma pareśaṃ parameśvaram | vighnanighnakaraṃ śāntaṃ puṣṭaṃ kāntamanantakam
Sanskrit only: no published translation is held for this verse.
सुरासुरेन्द्रैः सिद्धेन्द्रैः स्तुतं स्तौमि परात्परम् । सुरपद्मदिनेशं च गणेशं मङ्गलायनम्
surāsurendraiḥ siddhendraiḥ stutaṃ staumi parātparam | surapadmadineśaṃ ca gaṇeśaṃ maṅgalāyanam
Sanskrit only: no published translation is held for this verse.
इदं स्तोत्रं महापुण्यं विघ्नशोकहरं परम् । यः पठेत्प्रातरुत्थाय सर्वविघ्नात्प्रमुच्यते
idaṃ stotraṃ mahāpuṇyaṃ vighnaśokaharaṃ param | yaḥ paṭhetprātarutthāya sarvavighnātpramucyate
Sanskrit only: no published translation is held for this verse.
इति श्रीब्रह्मo महाo श्रीकृष्णजन्मखo उत्तo नारदनाo त्रयोविंशत्य- धिकशततमोऽध्योयः
iti śrībrahmao mahāo śrīkṛṣṇajanmakhao uttao nāradanāo trayoviṃśatya- dhikaśatatamo'dhyoyaḥ
Sanskrit only: no published translation is held for this verse.