Brahmavaivarta Purāṇa 4.124

अथ चतुर्विंशत्यधिकशततमोऽध्योयः नालायण उवाच राधा संपूज्य विधिना स्तुत्वा लम्बोदरं सती । अमूल्यरत्ननिर्माणं सर्वाङ्गभूषणं ददौ

atha caturviṃśatyadhikaśatatamo'dhyoyaḥ nālāyaṇa uvāca rādhā saṃpūjya vidhinā stutvā lambodaraṃ satī | amūlyaratnanirmāṇaṃ sarvāṅgabhūṣaṇaṃ dadau

Sanskrit only: no published translation is held for this verse.

राधायाः स्तवनं श्रुत्वा पूजां दृष्ट्वा च वस्तु च । उवाच मधुरं शान्तः शान्तां त्रैलोक्यमातरम्

rādhāyāḥ stavanaṃ śrutvā pūjāṃ dṛṣṭvā ca vastu ca | uvāca madhuraṃ śāntaḥ śāntāṃ trailokyamātaram

Sanskrit only: no published translation is held for this verse.

गणेश उवाच तव पूजा जगन्मातर्लोकशिक्षाकरी शुभे । ब्रह्मस्वरूपा भवती कृष्णवक्षः स्थलस्थिता

gaṇeśa uvāca tava pūjā jaganmātarlokaśikṣākarī śubhe | brahmasvarūpā bhavatī kṛṣṇavakṣaḥ sthalasthitā

Sanskrit only: no published translation is held for this verse.

यत्पादपद्मतुलं ध्यायन्ते ते सुदुर्लभम् । सुरा ब्रह्मेशशेषाद्या मुनीन्द्राः सनकादयः

yatpādapadmatulaṃ dhyāyante te sudurlabham | surā brahmeśaśeṣādyā munīndrāḥ sanakādayaḥ

Sanskrit only: no published translation is held for this verse.

जीवन्मुक्ताश्च भक्ताश्च सिद्धेन्द्राः कपिलादयः । तस्य प्राणाधिदेवी त्वं प्रिया प्राणाधिका परा

jīvanmuktāśca bhaktāśca siddhendrāḥ kapilādayaḥ | tasya prāṇādhidevī tvaṃ priyā prāṇādhikā parā

Sanskrit only: no published translation is held for this verse.

वामाङ्गनिर्मिता राधा दक्षिणाङ्गश्च माधवः । महालक्ष्मीर्जगन्माता तव वामाङ्गनिर्मिता

vāmāṅganirmitā rādhā dakṣiṇāṅgaśca mādhavaḥ | mahālakṣmīrjaganmātā tava vāmāṅganirmitā

Sanskrit only: no published translation is held for this verse.

वसोः सर्वनिवासस्य प्रसूस्त्वं परमेश्वरी । वेदानां जगतामेव मूल्प्रकृतिरीश्वरी

vasoḥ sarvanivāsasya prasūstvaṃ parameśvarī | vedānāṃ jagatāmeva mūlprakṛtirīśvarī

Sanskrit only: no published translation is held for this verse.

सर्वाः प्राकृतिका मातः सृष्ट्यां च त्वद्विभूतयः । विश्वानि कार्यरूपाणि त्वं च कारणरूपिणी

sarvāḥ prākṛtikā mātaḥ sṛṣṭyāṃ ca tvadvibhūtayaḥ | viśvāni kāryarūpāṇi tvaṃ ca kāraṇarūpiṇī

Sanskrit only: no published translation is held for this verse.

प्रलये ब्रह्मणः पाते तन्निमेषो हरेरपि । आदौ राधां समुच्चार्य पश्चात्कृष्णं परात्परम्

pralaye brahmaṇaḥ pāte tannimeṣo harerapi | ādau rādhāṃ samuccārya paścātkṛṣṇaṃ parātparam

Sanskrit only: no published translation is held for this verse.

स एव पण्डितो योगी गोलोकं याति लीलया । व्यतिक्रमे महापापी ब्रह्महत्यां लभेत्ध्रुवम्

sa eva paṇḍito yogī golokaṃ yāti līlayā | vyatikrame mahāpāpī brahmahatyāṃ labhetdhruvam

Sanskrit only: no published translation is held for this verse.

जगतां भवती माता परमात्मा पिता हरिः । पितुरेव गुरुर्माता पूज्या वन्द्या परात्परा

jagatāṃ bhavatī mātā paramātmā pitā hariḥ | pitureva gururmātā pūjyā vandyā parātparā

Sanskrit only: no published translation is held for this verse.

भजते देवमन्यं वा कृष्णं वा सर्वकारणम् । पुण्यक्षेत्रे महामूढो यदि निन्दति राधिकाम्

bhajate devamanyaṃ vā kṛṣṇaṃ vā sarvakāraṇam | puṇyakṣetre mahāmūḍho yadi nindati rādhikām

Sanskrit only: no published translation is held for this verse.

वंशहानिर्भवेत्तस्य दुःखशोकमिहैव च । पच्यते निरये घोरे यावच्चन्द्रदिवाकरौ

vaṃśahānirbhavettasya duḥkhaśokamihaiva ca | pacyate niraye ghore yāvaccandradivākarau

Sanskrit only: no published translation is held for this verse.

गुरुश्चज्ञानोद्गिरणाज्ज्ञानं स्यान्मन्त्रतन्त्रयोः । स च मन्त्रश्च तत्तन्त्रं भक्तिः स्याद्ध्रुवयोर्यतः

guruścajñānodgiraṇājjñānaṃ syānmantratantrayoḥ | sa ca mantraśca tattantraṃ bhaktiḥ syāddhruvayoryataḥ

Sanskrit only: no published translation is held for this verse.

निषेव्य मन्त्रं देवानां जीवा जन्मनि जन्मनि । भक्ता भवन्ति दुर्गायाः पादपद्मे सुदुर्लभे

niṣevya mantraṃ devānāṃ jīvā janmani janmani | bhaktā bhavanti durgāyāḥ pādapadme sudurlabhe

Sanskrit only: no published translation is held for this verse.

निषेव्य मन्त्रे शंभोश्च जगतां कारणस्य च । तदा प्राप्नोति युवयोः पादपद्मं सुदुर्लभम्

niṣevya mantre śaṃbhośca jagatāṃ kāraṇasya ca | tadā prāpnoti yuvayoḥ pādapadmaṃ sudurlabham

Sanskrit only: no published translation is held for this verse.

युक्योः पादपद्मं च दुर्लभं प्राप्य पुण्यवान् । क्षणार्धं षोडशांशं च नहि मुञ्चति दैवतः

yukyoḥ pādapadmaṃ ca durlabhaṃ prāpya puṇyavān | kṣaṇārdhaṃ ṣoḍaśāṃśaṃ ca nahi muñcati daivataḥ

Sanskrit only: no published translation is held for this verse.

भक्त्या च युवचोर्मन्त्रं गृहीत्वा वैष्मपादपि । स्तवं वा कवचं वाऽपि कर्ममूलनिकृन्तनम्

bhaktyā ca yuvacormantraṃ gṛhītvā vaiṣmapādapi | stavaṃ vā kavacaṃ vā'pi karmamūlanikṛntanam

Sanskrit only: no published translation is held for this verse.

योजयेत्परया भक्त्या पुण्यक्षेत्रे च भारते । पुरुषाणां सहस्रं च त्वात्मना सार्धमुद्धरेत्

yojayetparayā bhaktyā puṇyakṣetre ca bhārate | puruṣāṇāṃ sahasraṃ ca tvātmanā sārdhamuddharet

Sanskrit only: no published translation is held for this verse.

गुरुमभ्यर्च्य विधिवद्वस्त्रालंकारचन्दनैः । कवचं धारयेद्यो हि विष्णुतुल्यो भवेद्ध्रुवम्

gurumabhyarcya vidhivadvastrālaṃkāracandanaiḥ | kavacaṃ dhārayedyo hi viṣṇutulyo bhaveddhruvam

Sanskrit only: no published translation is held for this verse.

यद्दत्तं वस्तु मे मातस्तत्सर्वं सार्थकं कुरु । देहि विप्राय मत्प्रीत्या तदा भोक्ष्यामि सांप्रतम्

yaddattaṃ vastu me mātastatsarvaṃ sārthakaṃ kuru | dehi viprāya matprītyā tadā bhokṣyāmi sāṃpratam

Sanskrit only: no published translation is held for this verse.

देवे देयानि दानानि देवे देया च दक्षिणा । तत्सर्वं ब्राह्मणे दद्यात्तदानन्त्याय कल्पते

deve deyāni dānāni deve deyā ca dakṣiṇā | tatsarvaṃ brāhmaṇe dadyāttadānantyāya kalpate

Sanskrit only: no published translation is held for this verse.

ब्राह्मणानां मुखं राधे देवानां मुखमुख्यकम् । विप्रभुक्तं च यद्द्रव्यं प्राप्नुवन्त्येव देवताः

brāhmaṇānāṃ mukhaṃ rādhe devānāṃ mukhamukhyakam | viprabhuktaṃ ca yaddravyaṃ prāpnuvantyeva devatāḥ

Sanskrit only: no published translation is held for this verse.

विप्रांश्च भोजयामास तत्सर्व राधिका सती । बभूव तत्क्षणादेव प्रीतो लम्बोदरो मुने

viprāṃśca bhojayāmāsa tatsarva rādhikā satī | babhūva tatkṣaṇādeva prīto lambodaro mune

Sanskrit only: no published translation is held for this verse.

एतस्मिन्नन्तरे देवा ब्रह्मेशशेषसंज्ञकाः । आययुर्वटमूलं च देवपूजार्थमेव च

etasminnantare devā brahmeśaśeṣasaṃjñakāḥ | āyayurvaṭamūlaṃ ca devapūjārthameva ca

Sanskrit only: no published translation is held for this verse.

तत्र गत्वा शिवचरो देवान्देवीरुवाच सः । श्रीकृष्णं शुष्ककण्ठश्च भयभीतश्च रक्षकः

tatra gatvā śivacaro devāndevīruvāca saḥ | śrīkṛṣṇaṃ śuṣkakaṇṭhaśca bhayabhītaśca rakṣakaḥ

Sanskrit only: no published translation is held for this verse.

रक्षक उवाच गणेशं पूजयामास सर्वादौ च शुभक्षणे । वृषभानसुता राधा प्रकृत्य स्वस्तिवाचनम्

rakṣaka uvāca gaṇeśaṃ pūjayāmāsa sarvādau ca śubhakṣaṇe | vṛṣabhānasutā rādhā prakṛtya svastivācanam

Sanskrit only: no published translation is held for this verse.

सहिता सा बलवती गोपीत्रिशतकोटिभिः । वारितोऽहं वलिष्ठाभिर्युष्मांश्च कथयामि तत्

sahitā sā balavatī gopītriśatakoṭibhiḥ | vārito'haṃ valiṣṭhābhiryuṣmāṃśca kathayāmi tat

Sanskrit only: no published translation is held for this verse.

मर्वादौ पूजयेद्यो हि सोऽनन्तं फलमालभेत् । मध्ये मध्यविधं पुण्यं शेषे स्वल्पमिति स्मृतम्

marvādau pūjayedyo hi so'nantaṃ phalamālabhet | madhye madhyavidhaṃ puṇyaṃ śeṣe svalpamiti smṛtam

Sanskrit only: no published translation is held for this verse.

देवेन्द्रेषु मुनीन्द्रेषु देवस्त्रीषु स्थितासु च । गोपीभिश्च सह तया राधया पूजितः परः

devendreṣu munīndreṣu devastrīṣu sthitāsu ca | gopībhiśca saha tayā rādhayā pūjitaḥ paraḥ

Sanskrit only: no published translation is held for this verse.

दूतवाक्यं समाकर्ण्य जहसुः सर्वदेवताः । मुनयो मनवश्चैव राजानो देवयोषितः

dūtavākyaṃ samākarṇya jahasuḥ sarvadevatāḥ | munayo manavaścaiva rājāno devayoṣitaḥ

Sanskrit only: no published translation is held for this verse.

रुक्मिण्याद्या रमण्यश्च या देव्यो विस्मयं ययुः । सरस्वती च सावित्री पार्वती परमेश्वरी

rukmiṇyādyā ramaṇyaśca yā devyo vismayaṃ yayuḥ | sarasvatī ca sāvitrī pārvatī parameśvarī

Sanskrit only: no published translation is held for this verse.

रोहिणी च सती संज्ञा स्वाहाद्या देवयोषितः । मुदिताः प्रययुः सर्वा मुनिपत्न्यः पतिव्रताः

rohiṇī ca satī saṃjñā svāhādyā devayoṣitaḥ | muditāḥ prayayuḥ sarvā munipatnyaḥ pativratāḥ

Sanskrit only: no published translation is held for this verse.

मुनयो मनवः सर्वे देवाश्चापि नरास्तथा । श्रीकृष्णः स गणैः सार्धं ये चान्ये प्रययुर्मुदा

munayo manavaḥ sarve devāścāpi narāstathā | śrīkṛṣṇaḥ sa gaṇaiḥ sārdhaṃ ye cānye prayayurmudā

Sanskrit only: no published translation is held for this verse.

ते सर्वे विविधैर्द्रव्यैः पूजां चक्रुः शुभक्षणे । बलिष्ठा दुर्बलाश्चैव क्रमेण च पृथक्पृथक्

te sarve vividhairdravyaiḥ pūjāṃ cakruḥ śubhakṣaṇe | baliṣṭhā durbalāścaiva krameṇa ca pṛthakpṛthak

Sanskrit only: no published translation is held for this verse.

लड्डुकानां च राशीनां शतकोटिर्बभूव ह । शर्कराणां तदर्धं च स्वस्तिकानां तथैव च

laḍḍukānāṃ ca rāśīnāṃ śatakoṭirbabhūva ha | śarkarāṇāṃ tadardhaṃ ca svastikānāṃ tathaiva ca

Sanskrit only: no published translation is held for this verse.

अन्नानां भव्यवस्तूनां शतकोटिर्बभूव ह । असंख्यानि फलान्येव स्वादूनि मधुराणि च

annānāṃ bhavyavastūnāṃ śatakoṭirbabhūva ha | asaṃkhyāni phalānyeva svādūni madhurāṇi ca

Sanskrit only: no published translation is held for this verse.

मधुकुल्या दुग्धकुल्या दधिकुल्या घृतस्य च । बभूवुः शतसंख्याश्च त्रैलोक्यानां च पूजने

madhukulyā dugdhakulyā dadhikulyā ghṛtasya ca | babhūvuḥ śatasaṃkhyāśca trailokyānāṃ ca pūjane

Sanskrit only: no published translation is held for this verse.

पूजां कृत्वा तु ते सर्वे समूषुश्च सुखासने । पार्वती परमप्रीत्या राधास्थानं समाययौ

pūjāṃ kṛtvā tu te sarve samūṣuśca sukhāsane | pārvatī paramaprītyā rādhāsthānaṃ samāyayau

Sanskrit only: no published translation is held for this verse.

सा राधा पार्वतीं दृष्ट्वा समुत्थाय जवेन च । यथायोग्यां च संभाषां चकार सादरं मुदा

sā rādhā pārvatīṃ dṛṣṭvā samutthāya javena ca | yathāyogyāṃ ca saṃbhāṣāṃ cakāra sādaraṃ mudā

Sanskrit only: no published translation is held for this verse.

आश्लेषणं चुम्बनं च बभूव च परस्परम् । उवाच मधुरं दुर्गा राधां कृत्वा स्ववक्षसि

āśleṣaṇaṃ cumbanaṃ ca babhūva ca parasparam | uvāca madhuraṃ durgā rādhāṃ kṛtvā svavakṣasi

Sanskrit only: no published translation is held for this verse.

पार्वत्युवाच किंवा प्रश्नं करिष्यामि त्वां राधा मङ्गलालयाम् । गता ते विरहज्वाला श्रीदाम्नः शापमोक्षणे

pārvatyuvāca kiṃvā praśnaṃ kariṣyāmi tvāṃ rādhā maṅgalālayām | gatā te virahajvālā śrīdāmnaḥ śāpamokṣaṇe

Sanskrit only: no published translation is held for this verse.

सततं मन्मनः प्राणास्त्वय्येव मयि ते तथा । न ह्येवमावयोर्भेदः शक्तिपूरुषयोस्तथा

satataṃ manmanaḥ prāṇāstvayyeva mayi te tathā | na hyevamāvayorbhedaḥ śaktipūruṣayostathā

Sanskrit only: no published translation is held for this verse.

येत्वां निन्दन्ति मद्भक्तास्त्वद्भक्ताश्चापि मामपि । कुम्भीपाके च पज्यन्ते यावच्चन्द्र दिवाकरौ

yetvāṃ nindanti madbhaktāstvadbhaktāścāpi māmapi | kumbhīpāke ca pajyante yāvaccandra divākarau

Sanskrit only: no published translation is held for this verse.

राधामाधवयोर्भेदं ये कुर्वन्ति नराधमाः । वंशहानिर्भवेत्तेषां पच्यन्ते नरके चिरम्

rādhāmādhavayorbhedaṃ ye kurvanti narādhamāḥ | vaṃśahānirbhavetteṣāṃ pacyante narake ciram

Sanskrit only: no published translation is held for this verse.

यान्ति सूकरयोनिं च पितृभिः शतकैः सह । षष्टिवर्षसहस्राणि विष्ठायां कृमयस्तथा

yānti sūkarayoniṃ ca pitṛbhiḥ śatakaiḥ saha | ṣaṣṭivarṣasahasrāṇi viṣṭhāyāṃ kṛmayastathā

Sanskrit only: no published translation is held for this verse.

त्वयैव पूजितः पुत्रो न मया च गणेश्वरः । सर्वादौ सर्वपूज्योऽयं यथा तव तथा मम

tvayaiva pūjitaḥ putro na mayā ca gaṇeśvaraḥ | sarvādau sarvapūjyo'yaṃ yathā tava tathā mama

Sanskrit only: no published translation is held for this verse.

यावज्जीवनपर्यन्तं न विच्छेदो भविष्यति । राधामाधवयोर्देवि दुग्धधावल्ययोर्यथा

yāvajjīvanaparyantaṃ na vicchedo bhaviṣyati | rādhāmādhavayordevi dugdhadhāvalyayoryathā

Sanskrit only: no published translation is held for this verse.

सिद्धाश्रमे महातीर्थे पुण्यक्षेत्रे च भारते । निर्वघ्नं लभगोविन्दं संपूज्य विघ्नखण्डनम्

siddhāśrame mahātīrthe puṇyakṣetre ca bhārate | nirvaghnaṃ labhagovindaṃ saṃpūjya vighnakhaṇḍanam

Sanskrit only: no published translation is held for this verse.

रासेश्वरी त्वं रसिका श्रीकृष्णो रसिकेश्वरः । विदग्धाया विदग्धेन संगमो गुणवान्भदेत्

rāseśvarī tvaṃ rasikā śrīkṛṣṇo rasikeśvaraḥ | vidagdhāyā vidagdhena saṃgamo guṇavānbhadet

Sanskrit only: no published translation is held for this verse.

श्रीदाम्नः शापनिर्मुक्ता शतवर्षान्तरे सति । कुरुष्व मद्रेणाद्य कृष्णेन सह संगमम्

śrīdāmnaḥ śāpanirmuktā śatavarṣāntare sati | kuruṣva madreṇādya kṛṣṇena saha saṃgamam

Sanskrit only: no published translation is held for this verse.

ममाऽऽज्ञया दुर्लभया सुवेषं कुरु सुन्दरि । सुदुर्लभः कामिनीनां सत्पुंसा सह संगमः

mamā''jñayā durlabhayā suveṣaṃ kuru sundari | sudurlabhaḥ kāminīnāṃ satpuṃsā saha saṃgamaḥ

Sanskrit only: no published translation is held for this verse.

चक्रुः सुवेषं राधायाः प्रियाल्यश्च शिवाज्ञया । रत्नसिंहासने रम्ये वासयामासुरीश्वरीम्

cakruḥ suveṣaṃ rādhāyāḥ priyālyaśca śivājñayā | ratnasiṃhāsane ramye vāsayāmāsurīśvarīm

Sanskrit only: no published translation is held for this verse.

पुरतो रत्नमाला सा रत्नमालां गले ददौ । राधाया दक्षिणे हस्ते क्रीडापद्मं मनोहरम्

purato ratnamālā sā ratnamālāṃ gale dadau | rādhāyā dakṣiṇe haste krīḍāpadmaṃ manoharam

Sanskrit only: no published translation is held for this verse.

ददौ पद्ममुखी पादपद्मयुग्मेऽप्यलक्तकम् । प्रददौ सुन्दरी गोपी सिन्दूरं सुन्दरं वरम्

dadau padmamukhī pādapadmayugme'pyalaktakam | pradadau sundarī gopī sindūraṃ sundaraṃ varam

Sanskrit only: no published translation is held for this verse.

चन्दनेन समयुतं सीमन्ताधः स्थलोज्ज्वलम् । सुचारुकबरीं रम्यां चकार मालती सती

candanena samayutaṃ sīmantādhaḥ sthalojjvalam | sucārukabarīṃ ramyāṃ cakāra mālatī satī

Sanskrit only: no published translation is held for this verse.

मनोहरां मुनीनां च मालतीमाल्यभूषिताम् । कस्तूरीकुङ्कुमाक्तं च चारुचन्दनपत्रकम्

manoharāṃ munīnāṃ ca mālatīmālyabhūṣitām | kastūrīkuṅkumāktaṃ ca cārucandanapatrakam

Sanskrit only: no published translation is held for this verse.

स्तनयुग्मे सुकठिने चकार चन्दना सती । चारुचम्पकपुप्पाणां मालां गन्धमनोहराम्

stanayugme sukaṭhine cakāra candanā satī | cārucampakapuppāṇāṃ mālāṃ gandhamanoharām

Sanskrit only: no published translation is held for this verse.

मालावती ददौ तस्यौ प्रफुल्लां नवमल्लिकाम् । रतीषु रसिका गोपी रत्नभूषणभूषिताम्

mālāvatī dadau tasyau praphullāṃ navamallikām | ratīṣu rasikā gopī ratnabhūṣaṇabhūṣitām

Sanskrit only: no published translation is held for this verse.

तां चकारातिरसिकां वरां रतिरसोत्सुकाम् । शरत्पद्मदलाभं च लोजनं कज्जलोज्ज्वलम्

tāṃ cakārātirasikāṃ varāṃ ratirasotsukām | śaratpadmadalābhaṃ ca lojanaṃ kajjalojjvalam

Sanskrit only: no published translation is held for this verse.

कृत्वा ददौ सुललितं वस्त्रं च ललिता सती । महेन्द्रेण प्रदत्तं च पारिजातप्रसूनकम्

kṛtvā dadau sulalitaṃ vastraṃ ca lalitā satī | mahendreṇa pradattaṃ ca pārijātaprasūnakam

Sanskrit only: no published translation is held for this verse.

सुगन्धियुक्तं तस्याश्च पारिजातं करे ददौ । सुशीलं मधुरोक्तं च भर्तुः पार्श्वे यथोचितम्

sugandhiyuktaṃ tasyāśca pārijātaṃ kare dadau | suśīlaṃ madhuroktaṃ ca bhartuḥ pārśve yathocitam

Sanskrit only: no published translation is held for this verse.

शिक्षां चकार नीतिं च सुशीला गोपिका सती । स्त्रीणां च षोडशकलां विपत्तौ विस्मृतांतयोः

śikṣāṃ cakāra nītiṃ ca suśīlā gopikā satī | strīṇāṃ ca ṣoḍaśakalāṃ vipattau vismṛtāṃtayoḥ

Sanskrit only: no published translation is held for this verse.

स्मरणं कारयामास राधामाता कलावती । श्रृङ्गारविषयोक्तं च वचनं च सुधोपमम्

smaraṇaṃ kārayāmāsa rādhāmātā kalāvatī | śrṛṅgāraviṣayoktaṃ ca vacanaṃ ca sudhopamam

Sanskrit only: no published translation is held for this verse.

स्मरणं कारयामास भगिनी च सुधामुखी । कमलानां चम्पकानां दले चन्दनचर्चिते

smaraṇaṃ kārayāmāsa bhaginī ca sudhāmukhī | kamalānāṃ campakānāṃ dale candanacarcite

Sanskrit only: no published translation is held for this verse.

चकार रतितल्पं च कमला चाऽऽशु कोमलम् । चारुचम्पकपुष्पं च कृष्णार्थं पुटकस्थितम्

cakāra ratitalpaṃ ca kamalā cā''śu komalam | cārucampakapuṣpaṃ ca kṛṣṇārthaṃ puṭakasthitam

Sanskrit only: no published translation is held for this verse.

चकार चन्दनाक्तं च स्वयं च पार्वती सती । पुष्पं केलिकदम्बानां स्तबकं च मनोहरम्

cakāra candanāktaṃ ca svayaṃ ca pārvatī satī | puṣpaṃ kelikadambānāṃ stabakaṃ ca manoharam

Sanskrit only: no published translation is held for this verse.

कदम्बमालां कृष्णार्थ विद्यमानां चकार सा । ताम्बूलं च वरं सम्यं कर्पूरादिसुवासितम्

kadambamālāṃ kṛṣṇārtha vidyamānāṃ cakāra sā | tāmbūlaṃ ca varaṃ samyaṃ karpūrādisuvāsitam

Sanskrit only: no published translation is held for this verse.

कृष्णप्रिया च कृष्णार्थं चकार वासितं जलम् । एतस्मिन्नन्तरे सर्वमाश्रमं सजलस्थलम्

kṛṣṇapriyā ca kṛṣṇārthaṃ cakāra vāsitaṃ jalam | etasminnantare sarvamāśramaṃ sajalasthalam

Sanskrit only: no published translation is held for this verse.

साक्षाद्गोरोचनाभं च ददृशुर्मुनयः सुराः । ते सर्वे विस्मयं गत्वा पप्रच्छुः कृष्णमीश्वरम्

sākṣādgorocanābhaṃ ca dadṛśurmunayaḥ surāḥ | te sarve vismayaṃ gatvā papracchuḥ kṛṣṇamīśvaram

Sanskrit only: no published translation is held for this verse.

उवाच भगवांस्ताश्च सर्वज्ञः सर्वकाराणा

uvāca bhagavāṃstāśca sarvajñaḥ sarvakārāṇā

Sanskrit only: no published translation is held for this verse.

श्रीभगवानुवाच अभिशप्ता च श्रीदाम्ना भ्रष्टशोभा राधिका । सर्वं ज्ञानं विसस्मार मद्विच्छेदज्वरातुरा

śrībhagavānuvāca abhiśaptā ca śrīdāmnā bhraṣṭaśobhā rādhikā | sarvaṃ jñānaṃ visasmāra madvicchedajvarāturā

Sanskrit only: no published translation is held for this verse.

विमुक्ते वर्षशतके ज्ञानं सस्मार सा सती । सिद्धाश्रमं च पीताभं रासेश्वर्याश्च तेजसा

vimukte varṣaśatake jñānaṃ sasmāra sā satī | siddhāśramaṃ ca pītābhaṃ rāseśvaryāśca tejasā

Sanskrit only: no published translation is held for this verse.

परमाह्लादकं तेजश्चन्द्रकोटिसमप्रभम् । सुखदृश्यं च सुखदं चक्षुधां प्राणिनामपि

paramāhlādakaṃ tejaścandrakoṭisamaprabham | sukhadṛśyaṃ ca sukhadaṃ cakṣudhāṃ prāṇināmapi

Sanskrit only: no published translation is held for this verse.

तच्छ्रुत्वा परमाश्चर्यं मुनयो मनवस्तथा । देव्यश्च सर्वदेवास्ते ब्रह्मेशानादयस्तथा

tacchrutvā paramāścaryaṃ munayo manavastathā | devyaśca sarvadevāste brahmeśānādayastathā

Sanskrit only: no published translation is held for this verse.

जवेन गत्वा तत्स्थानं भक्तिनम्रात्मकंधरा । सर्वे जनास्ते ददृशुस्त्रैलोक्यस्थाश्च राधिकाम्

javena gatvā tatsthānaṃ bhaktinamrātmakaṃdharā | sarve janāste dadṛśustrailokyasthāśca rādhikām

Sanskrit only: no published translation is held for this verse.

श्वेतचम्पकवर्णाभामतुलां सुमनोहराम् । मोहिनीं मानसानां च मुनीनामूर्ध्वरेतसाम्

śvetacampakavarṇābhāmatulāṃ sumanoharām | mohinīṃ mānasānāṃ ca munīnāmūrdhvaretasām

Sanskrit only: no published translation is held for this verse.

सुकेशीं सुन्दरीं श्यामां न्यग्रोधपरिमण्डलाम् । नितम्बकठिनश्रोणीं स्तनयुग्मोन्नताननाम्

sukeśīṃ sundarīṃ śyāmāṃ nyagrodhaparimaṇḍalām | nitambakaṭhinaśroṇīṃ stanayugmonnatānanām

Sanskrit only: no published translation is held for this verse.

कोटीन्दुनिन्दितास्यां तां सस्मितां सुदतीं सतीम् । कज्जलोज्ज्वलरूपां च शरत्कमललोजनाम्

koṭīnduninditāsyāṃ tāṃ sasmitāṃ sudatīṃ satīm | kajjalojjvalarūpāṃ ca śaratkamalalojanām

Sanskrit only: no published translation is held for this verse.

महालक्ष्मीं बीजरूपां परामाद्यां सनातीम् । परमात्मस्वरूपस्य प्राणाधिष्ठातृदेवताम्

mahālakṣmīṃ bījarūpāṃ parāmādyāṃ sanātīm | paramātmasvarūpasya prāṇādhiṣṭhātṛdevatām

Sanskrit only: no published translation is held for this verse.

स्तुतां च पूजितां चैव परां च परमात्मने । ब्रह्मस्वरूपां निर्लिप्तां नित्यरूपां च निर्गुणाम्

stutāṃ ca pūjitāṃ caiva parāṃ ca paramātmane | brahmasvarūpāṃ nirliptāṃ nityarūpāṃ ca nirguṇām

Sanskrit only: no published translation is held for this verse.

विश्वानुरोधात्प्रकृतिं भक्तानुग्रहविग्रहाम् । मत्यस्वरूपां शुद्धां च पूतां पतितपावनीम्

viśvānurodhātprakṛtiṃ bhaktānugrahavigrahām | matyasvarūpāṃ śuddhāṃ ca pūtāṃ patitapāvanīm

Sanskrit only: no published translation is held for this verse.

सुतीर्थपूतां सत्कीर्तिं विधात्रीं वेदसामपि । महत्प्रियां च महतीं महाविष्णोश्च मातरम्

sutīrthapūtāṃ satkīrtiṃ vidhātrīṃ vedasāmapi | mahatpriyāṃ ca mahatīṃ mahāviṣṇośca mātaram

Sanskrit only: no published translation is held for this verse.

रासेश्वरेश्वरीं रम्यां रसिकां रसिकेश्वरीम् । वह्निशुद्धांशुकाधामां स्वेच्छारूपां शुभालयाम्

rāseśvareśvarīṃ ramyāṃ rasikāṃ rasikeśvarīm | vahniśuddhāṃśukādhāmāṃ svecchārūpāṃ śubhālayām

Sanskrit only: no published translation is held for this verse.

गोपीभिः सप्तभिः शश्वत्सेवितां श्वेतचामरैः । चतसृभिः प्रियालीभिः पादपद्मोपसेविताम्

gopībhiḥ saptabhiḥ śaśvatsevitāṃ śvetacāmaraiḥ | catasṛbhiḥ priyālībhiḥ pādapadmopasevitām

Sanskrit only: no published translation is held for this verse.

अमूल्यरत्ननिर्माणभूषणोच्चैर्विभूषिताम् । चारुकुण्डलयुग्मेन श्रुतिगण्डस्थलोज्ज्वलाम्

amūlyaratnanirmāṇabhūṣaṇoccairvibhūṣitām | cārukuṇḍalayugmena śrutigaṇḍasthalojjvalām

Sanskrit only: no published translation is held for this verse.

सुनासां गजमुक्तार्हां खगेन्द्रचञ्चुनिन्दिताम् । कुङ्कुमालक्तकस्तूरीस्निग्धचन्दनचर्चिताम्

sunāsāṃ gajamuktārhāṃ khagendracañcuninditām | kuṅkumālaktakastūrīsnigdhacandanacarcitām

Sanskrit only: no published translation is held for this verse.

दधानां सुकपोलं च कोमलाङ्गीं सुकामुकीम् । गचेन्द्रगामिनीं रामां कामनीयां सुकामिनीम्

dadhānāṃ sukapolaṃ ca komalāṅgīṃ sukāmukīm | gacendragāminīṃ rāmāṃ kāmanīyāṃ sukāminīm

Sanskrit only: no published translation is held for this verse.

कामास्त्रजयरूपां च कामकाम्यालयां वराम् । क्रीडाकमलमम्लानं पारिजातप्रसूनकम्

kāmāstrajayarūpāṃ ca kāmakāmyālayāṃ varām | krīḍākamalamamlānaṃ pārijātaprasūnakam

Sanskrit only: no published translation is held for this verse.

अमूल्यरत्ननिर्माणं दधानां दर्पणोज्ज्वलम् । नानारत्नविचित्राढ्यरतनसिंहासनस्थिताम्

amūlyaratnanirmāṇaṃ dadhānāṃ darpaṇojjvalam | nānāratnavicitrāḍhyaratanasiṃhāsanasthitām

Sanskrit only: no published translation is held for this verse.

पद्मैः पद्मार्चितं पादपद्मं च मङ्गलालयम् । हृत्पद्मे ध्यायमानं च कृणस्य परमात्मनः

padmaiḥ padmārcitaṃ pādapadmaṃ ca maṅgalālayam | hṛtpadme dhyāyamānaṃ ca kṛṇasya paramātmanaḥ

Sanskrit only: no published translation is held for this verse.

कर्मणा मनसा वाचा स्वप्ने जागरणेऽपि च । तत्प्रीतिं प्रेम सौभाग्यं स्मरन्तीं नित्यनूतनम्

karmaṇā manasā vācā svapne jāgaraṇe'pi ca | tatprītiṃ prema saubhāgyaṃ smarantīṃ nityanūtanam

Sanskrit only: no published translation is held for this verse.

भावानुरक्तसंसक्तां शुद्धभक्तां पतिव्रताम् । धन्यां मान्यां गौरवर्णां शश्वद्वक्षः स्थलस्थिताम्

bhāvānuraktasaṃsaktāṃ śuddhabhaktāṃ pativratām | dhanyāṃ mānyāṃ gauravarṇāṃ śaśvadvakṣaḥ sthalasthitām

Sanskrit only: no published translation is held for this verse.

प्रियासु प्रियभक्तेषु सुप्रियां प्रियवादिनीम् । कृष्णवामाङ्गसंभूतामभेदां गुणरूपयोः

priyāsu priyabhakteṣu supriyāṃ priyavādinīm | kṛṣṇavāmāṅgasaṃbhūtāmabhedāṃ guṇarūpayoḥ

Sanskrit only: no published translation is held for this verse.

गोलोकवासिनीं देवदेवीं सर्वोपरिस्थितम् । वृषभानसुताख्यां तां पुण्यक्षेत्रे च भारते

golokavāsinīṃ devadevīṃ sarvoparisthitam | vṛṣabhānasutākhyāṃ tāṃ puṇyakṣetre ca bhārate

Sanskrit only: no published translation is held for this verse.

गोपीश्वरीं गुप्तरूपां सिद्धिदां सिद्धिरूपिणीम् । ध्यानासाध्यां दुराराध्यां वन्दे सद्भक्तवन्दिताम्

gopīśvarīṃ guptarūpāṃ siddhidāṃ siddhirūpiṇīm | dhyānāsādhyāṃ durārādhyāṃ vande sadbhaktavanditām

Sanskrit only: no published translation is held for this verse.

ध्याने ध्यानेन राधाया व्यायन्ते ध्यानतत्पराः । इहैव जीवन्मुक्तास्ते परत्र कृष्णपार्षदाः

dhyāne dhyānena rādhāyā vyāyante dhyānatatparāḥ | ihaiva jīvanmuktāste paratra kṛṣṇapārṣadāḥ

Sanskrit only: no published translation is held for this verse.

दृष्ट्वा ब्रह्मा च सर्वादौ तुष्टाव परमेश्वरीम् । स्वयं विधाता जगतां मातरं वेधसामपि

dṛṣṭvā brahmā ca sarvādau tuṣṭāva parameśvarīm | svayaṃ vidhātā jagatāṃ mātaraṃ vedhasāmapi

Sanskrit only: no published translation is held for this verse.

ब्राह्मोवाच षष्टिवर्षसहस्रणि दिव्यानि परमेश्वरि । पुष्करे च तपस्तप्तं पुण्यक्षेत्रे च भारते

brāhmovāca ṣaṣṭivarṣasahasraṇi divyāni parameśvari | puṣkare ca tapastaptaṃ puṇyakṣetre ca bhārate

Sanskrit only: no published translation is held for this verse.

त्वत्पादपद्मधुरमधुलुब्धेन चेतसा । मधुव्रतेन लोलेन प्रेरितेन मया सति

tvatpādapadmadhuramadhulubdhena cetasā | madhuvratena lolena preritena mayā sati

Sanskrit only: no published translation is held for this verse.

तथाऽपि न मया लब्धं त्वत्पादपद्ममीप्सितम् । न दृष्टमपि स्वप्नेऽयि जाता वागशरीरिणी

tathā'pi na mayā labdhaṃ tvatpādapadmamīpsitam | na dṛṣṭamapi svapne'yi jātā vāgaśarīriṇī

Sanskrit only: no published translation is held for this verse.

वाराहे भारते वर्षे पुण्ये वृन्दावने वने । सिद्धाश्रमे गणेशस्य पादपद्मं च द्रक्ष्यसि

vārāhe bhārate varṣe puṇye vṛndāvane vane | siddhāśrame gaṇeśasya pādapadmaṃ ca drakṣyasi

Sanskrit only: no published translation is held for this verse.

राधामाधवयोर्दास्यं कुतो विषयिणस्तव । निवर्तस्व महाभाग परमेतत्मुदुर्लभम्

rādhāmādhavayordāsyaṃ kuto viṣayiṇastava | nivartasva mahābhāga parametatmudurlabham

Sanskrit only: no published translation is held for this verse.

इति श्रुत्वा निवृत्तोऽहं तपसे भग्नमानसः । परिपुर्ण तदधुना वाञ्छितं तपसः फलम्

iti śrutvā nivṛtto'haṃ tapase bhagnamānasaḥ | paripurṇa tadadhunā vāñchitaṃ tapasaḥ phalam

Sanskrit only: no published translation is held for this verse.

महादेव उवाच पद्मैः पद्मार्चितं पादपदमं यस्य सुदुर्लभम् । ध्यायन्ते ध्याननिष्ठाश्च शाश्वद्रब्रह्मादयः सुराः

mahādeva uvāca padmaiḥ padmārcitaṃ pādapadamaṃ yasya sudurlabham | dhyāyante dhyānaniṣṭhāśca śāśvadrabrahmādayaḥ surāḥ

Sanskrit only: no published translation is held for this verse.

मुनयो मनवश्चैव सिद्धाः सन्तश्च योगिनः । द्रष्टुं नैव क्षमाः स्वप्ने भवती तस्य वक्षसि

munayo manavaścaiva siddhāḥ santaśca yoginaḥ | draṣṭuṃ naiva kṣamāḥ svapne bhavatī tasya vakṣasi

Sanskrit only: no published translation is held for this verse.

अनन्त उवाच वेदाश्च वेदमाता च पुराणानि च सुव्रते । अहं सरस्वती सन्त स्तोतुं नालं च संततम्

ananta uvāca vedāśca vedamātā ca purāṇāni ca suvrate | ahaṃ sarasvatī santa stotuṃ nālaṃ ca saṃtatam

Sanskrit only: no published translation is held for this verse.

अस्माकं स्तवने यस्य भ्रूभङ्गं च सुदुर्लभम् । तवैव भत्सेने भीताश्चावयोरन्तरं हरेः

asmākaṃ stavane yasya bhrūbhaṅgaṃ ca sudurlabham | tavaiva bhatsene bhītāścāvayorantaraṃ hareḥ

Sanskrit only: no published translation is held for this verse.

एवं देवाश्च देव्यश्चाप्यन्ये ये च समागताः । प्रणतास्तुष्टुवुः सर्वे मुनिमन्वादयस्तथा

evaṃ devāśca devyaścāpyanye ye ca samāgatāḥ | praṇatāstuṣṭuvuḥ sarve munimanvādayastathā

Sanskrit only: no published translation is held for this verse.

लज्जया नम्रवक्त्राश्च रुक्मिण्यद्याश्च योषितः । मलीमसं च चक्रुस्ताः श्वासेन रत्नदर्पणम्

lajjayā namravaktrāśca rukmiṇyadyāśca yoṣitaḥ | malīmasaṃ ca cakrustāḥ śvāsena ratnadarpaṇam

Sanskrit only: no published translation is held for this verse.

मृततुल्या सत्यभामा निराहारा कृशोदरी । मनसोऽप्यभिमानं च सर्व तत्याच नारद

mṛtatulyā satyabhāmā nirāhārā kṛśodarī | manaso'pyabhimānaṃ ca sarva tatyāca nārada

Sanskrit only: no published translation is held for this verse.

इति श्रीब्रह्मo महाo श्रीकृष्णजन्मखo उत्तo नारदनाo सिद्धाश्रमतीर्थयात्राप्रसङ्गेगणेशपूजनं ब्रह्मेशशेषादिकृतराधिकास्तोत्रं नाम चतुर्विंशत्यधिकशततमोऽध्यायः

iti śrībrahmao mahāo śrīkṛṣṇajanmakhao uttao nāradanāo siddhāśramatīrthayātrāprasaṅgegaṇeśapūjanaṃ brahmeśaśeṣādikṛtarādhikāstotraṃ nāma caturviṃśatyadhikaśatatamo'dhyāyaḥ

Sanskrit only: no published translation is held for this verse.